الخميس، يناير 31، 2008

الوجه الاخر...لفرنسا هانم

السلام عليكم ورحمه الله وبركاته
طبعا علشان الصقعه والبرد الجامد ده هادخل فى الموضوع عدل
حكيت للعائله الكريمه اللى حصل بالظبط . وبداءوا يشتغلوا زى العسس (العسس معناها الشرطى وسمى بالعسس لانه بيعس جسم الشعب عند دخول القسم حتى يعرف اكتر الاماكن ايلاما علشان الضرب يبقى مفيد )
وجابوا قرار العريس والعائله بتاعته وكان تقديره جيد جدا فى كله
واخوايا الكبير كان يعرفه عن قرب وفرح جدا لان اخلاق العريس ممتازه
جات والدته واتقدمت وطلبنا مهله للتفكير . رغم اننا كنا مفكرين وموافقين لكن العادات بتحكم
المهم حددنا ميعاد لقراءه الفاتحه ودخلت بالعصير وقعدت معاهم شويه صغيرين وقمت
فى الفتره الصغيره عاينت العريس واديته جيد جدا برضه
العريس كان مهندس فى شركه مقاولات قطاع خاص وكان ملتزم وفى حاجات كويسه كتير جدا
حددنا ميعاد الشبكه بعد اربع شهور
وفى خلال المده دى حبيته جدا جدا
وهو حبنى جدا جدا
وكنا بنقعد فى الصالون اياه
فى حضور الاسره ولكن كانوا اوقات بيسبونا لوحدنا فى حضور حرس شرف وكان اخى الاصغر منى
لكن العريس كان ذكى جدا
جاب القرشانه وخلاها تشغل اخى بالكلام علشان يتكلم براحته
وفعلا نجحت القرشانه فى تحويل اهتمام اخى عنا
وفى يوم قبل الخطوبه حصل بينى وبينه سؤ تفاهم وبداء صوتنا يعلا فى الكلام
لقيت القرشانه من نفسها راحت قايله لاخويا فى واحد صاحبك فى العماره رقم كذا شتمنى وقلتله انى عارفاك قالى ميهمنيش منه
اخويا رغم انه اكبر من القرشانه الا انها كلفتته وكروتته وخادته للبلاكونه علشان توريه الولد او عمارته
المهم اخويا اكل الطعم وراح معاها
اول ما افرجت عنه القرشانه كنا متكلمين براحتنا وكل واحد وصل وجهه نظره للتانى واتفقنا على ما كنا نختلف عليه
وتمت الخطوبه
ولبست الدهب ابو 24 جنيه للجرام اللى دلوقتى وصل ميه وحاجه وتلاتين
حددنا ميعاد الفرح بعد سنتين
مرت سنه
وعرفت معنى الحب الحقيقى
الحب الصافى
الحب المحترم
اوض قلبى الاربعه بالصاله بتاعتهم احبته
وهو كذلك
كان يهيم بى حبا

....(ربنا يقوينى على كتابه الباقى )
....( ارجو ان تسامحونى لما سوف اسببه لكم )
....( للعلم والله العظيم ترددت اكتر من مره قبل كتابه باقى الحكايه وتمنيت الا اكملها )

رن جرس التليفون فى يوم حزين واخبرونى ان خطيبى وقع من على شده معدنيه وهو يتابع عمله
جريت على المستشفى انا وكل اهلى
وهالنى ما رأيت
خطيبى
و
حبيبى يتجهز لغرفه العمليات وهو يصرخ من الالم
والدم فى كل موضع من جسمه
كان للاسف الشديد
او لقضاء الله عز وجل
وقع من ارتفاع عالى على مكعبات خرسانيه يسمونها عينات
بعد العميله نصحونا بنقله الى القاهره
ومكث فى القاهره فتره 35 يوم
كنت خلالها مقيمه معه
لا اغادر الى مساء عند اقاربى فى القاهره
واعود فى اليوم التالى صباحا
طوال 35 يوم لم ينظر لى نظره واحده بملء عينه
لم اعرف السبب
ولكن عند عودتنا الى السويس
عرفت
انا كنت اعرف انه اشتباه فى شلل نصفى
ولكن الاطباء اكدوا انه مصاب بشلل نصفى وليس هناك اى امل
اصررت على اكمال مراسم الزواج
وحتى ان تزوجنا فى شقتهم
بدون اى عفش
ولكنه كان يعلم انه لن يستطيع الزواج
صارحته بانى مؤمنه بالله وسابقى معه طوال عمرى
اريد انسانيته
لا اريد رجولته
اريد قلبه
لا اريد جسده
اريد حبيبى
ولكنه بدء يعاملنى معامله جافه
كنت اعلم انه يريدنى ان اكرهه
فاحببته اكثر
لكنه زاد فى سوء معاملته لى
حتى انه بدء يخرج الفاظا لا تستحب
وبعد 5 شهور وانا على يقينى انى لن اتزوج غيره
وساظل معه
سبقنى اليه القدر
توفى

ملحوظه مهمه جدا جدا

لا اريد عزاء

لقد تقبلت الامر منذ حوالى 16 سنه ولا اريد فتحه مره اخرى

من يحبنى لا يعزينى
فهو حى فى نفسى
انه يعيش دوما معى
انا اراه دائما
اضحك معه اجرى معه احلم معه انا حى فى حياتى
وعلى عطر ذكراه اعيش

هناك 104 تعليقات:

MerMaid يقول...

هيييييييييييييييييييييييييييييييييه

اول تعليق عند فرنسا
خليكي حافظة عدد المرات
قلتلك ليكي تاج عندي تعالي خديه و مجيتيش
:))

MerMaid يقول...

بعد القراءة


لا تعليق

تحياتي ليكي يا حبيبة قلبي

:)

مهندس مصري بيحب مصر يقول...

انتي انسانة عظيمة يا فرنسا

mohand يقول...

السلام عليكم

يعني انتي مضربة عن الزواج لسبب
مش مسئلة ان بقي مفيش عرسان وبتاع

احترمت فيكي اخلاصك

واتمني ان يجمعك الله معه في جنته باذن الله

تحياتي

Hypatia يقول...

مش عارفه اقولك ايه بس انتى فعلا انسانه عظيمه زى ما مهندس مصري قال
:(

الفقيرة إلى الله أم البنات يقول...

ازدادت حبا لك يا فرنسا الغاليه

الفقيرة إلى الله أم البنات يقول...

ازدادت حبا لك يا فرنسا الغاليه

رفقة عمر يقول...

دايما بقول ان البنت اللى تكون فيها كل مواصفات العروسه المناسبه فيها ولسه لم تتجوز اكيد جواها حب كبير
بجد تاثرت جداوسعدت جداانه لسه وفاء بالشكل دة
انا بحبك قوى
ربنا يكرمك يارب ويرزقك انسان مثله واحسن كمان يعوضك عنه اللهم امين ياارب العالمين

غير معرف يقول...

خالتو
بجد فعلا
زى ماقال مهندس مصرى قمة الوفاء والاخلاص
وقمة الانسانية
الحقيقة

Jana يقول...

وجهك الآخر لم يزدنا الا حبا لكى واحتراما لشخصك الجميل
واعجابا بصادق احساسك ورقيق مشاعرك
وانبهارا بوفاءك واخلاص قلبك

أحييك من قلبى على معزتك لنا
حتى تحكى لنا ما يطويه قلبك الكبير

تحياتى الخااالصة فرنسا الجميلة

غير معرف يقول...

السلام عليكم

بجد يا فرنسا انا فوجئت بالجزء التاني بتاع قصه حبك ما توقعتش ابدا انها تكون مؤلمة اوي كدا

وخصوصا بعد ما قريت الجزء الاول

مش عارفه ااقولك ايه ........

اكيد ان الدنيا لسه فيها خير ما دام فيها وفاء واخلاص زي اخلاصك وحبك

نادرا جدا لما نلاقي ناس عايشه على ذكرى أحبابهم وبس !!

ربنا يجمعكم على خير في جنته بإذن الله

تحياتي وحبي وخالص احترامي

أبو عمر - الصارم الحاسم يقول...

مش هاعزيك ولكن هادعيلك دعوتين

ان ربنا يرزقك بمن يعوضك في الدنيا - ان شئت والاهم ان علمه الله خيرا لك

وان ربنا يجمعك بالآخر رحمة الله عليه في الجنة

ابن حـجـر الـعـسـقـلانـى يقول...

أخت فرنسا

لكى منى كل التحيات هلى هذه المواقف الإنسانية الرائعة

إن لك إرادة من حديد .. و لك قدر وفير من الإنسانية

أحييكى أختنا

محمد يقول...

سبحان الله

عجبا لأمر المؤمن إن أمره كله له خير ، وليس ذلك لأحد إلا للمؤمن ؛ إن أصابته سراء شكر فكان خيرا له ، وإن أصابته ضراء صبر فكان خيرا له

نحسبك كذلك ولا نزكي على الله أحدا .. الحمدلله

وثّقت علاقتي بك بتدوينتين .. أصلح الله حالك

ولكن بصدق .. ومن أخ .. حتى متى ؟؟

عاشــــــ النقاب ـقــــة"نونو" يقول...

كان عدي اخ توفى من 5 سنوات وكان دة قبل زفافه بشهرين وكان عنده 32 سنة وخطيبته لما تعب الاسبوع الوحيد قبل وفاته ما جتش تزوره في البيت
اهلها وقفوا معانا صحيح ما اقدرش انكر لكن حتى لما توفى ما جتش تعزينا فيه اصلهم محافظين اوي
قلما ما وجدت مثلك لو عندي عريس عزيز على قلبي يناسبك هجوزك بالعافية
انت اكتر من الاخت فعلا

غير معرف يقول...

أختى العظيمة كاتبة هذا البوست
أنتى لست فرنسا هانم ..فأنتى لك أسم لا أعرفه لذا سادعو للكاتبة كاتبة هذة المدونة كلها يارب أرزقها خير منه كما فعلت مع أم المؤمنيين أم سلمه حين فقدت أبو سلمه فى غزوة غزاها مع رسول الله صلى الله عليه فأبدلها الله خير منه و أفضل الخلق على الاطلاق سيدنا محمد صلى الله عليه و سلم،أختى فى الله أنتى عبارة عن
روح صادقة+وفاء نادر نبيل +قلب كبير +مرح بدون تكلف ..أرجو من الله العلى القدير أن يمتعك بصحبة نبيه صلى الله عليه و سلم فى الفردوس الأعلى من الجنة
و هو سبحانه ولى ذلك و القادر عليه.
أختى أنا لا أجيد فن المدح و لكنى أعبر ىعن مدى صدقك و إنسانيتك
أخيك أبو خالد

خمسة فضفضة يقول...

السلام عليكم ورحمة الله وبركاته

الله يسامحك يا فرنسا ايه اللي انت عملتيه فيا ده
عااااااااااااااااااااااااااااا

مش عارفه اقول ايه ولا اعمل ايه ، هو لسه فيه حد وفي كدا ؟؟؟؟
آجرك الله في مصيبتك وأخلف لك خير منها
وجمعك مع من تحبين في الفردوس الاعلي

غير معرف يقول...

فرنسا حبيبه قلوبنا
لا تعليق

غير معرف يقول...

ابكيتينى والله يا فرنسا
اساله الله ان يجمعكم فى جنته
كبرتى فى نظرى اوى يا فرنسا
انا بحبك اوى


صانعة الحرية

شقاوة شعب يقول...

عايزة اقولك ان احساسك ده جميييل قوى
واخلاصك جميييل قوى
وانك تحتفظى بالحب ده كل السنين دى فدى حاجة نادرة الوجود

بدعى ربنا ان يجمعكم فى الاخرة واكيد هتبقى حياة اجمل من الحياة اللى كنتوا هتعيشوها فى الدنيا المزعجة دى بكتيييير

فى حاجة مهمة عايزة اقولك عليها
انا سايبالك ايميل هاااام جدا
لازم تقريه بسرعة وردى عليا فى اقرب وقت ممكن ..لازم قبل بكرة

مستنية ردك

تحياتى
شيماء

غير معرف يقول...

اختى واتمنى ان تكونى فعلا اختى
لكى كل تحيه وتقدير
لن اعزيكى ولكن اقف لكى احتراما وتقديرا
ابو الفدا

Amr Ahmed يقول...

تحياتي لاخلاصك

وتحياتي لمشاعره

لو كنت مكانه كنت هاعمل كده

واي واحدة بتحب بجد كانت هتعمل زيك برضو

بوست يبدو محزنا

لكنه اكثر من رائع

تحياتي لكِ

الطائر الحزين يقول...

شفت هذه الاشياء بعيناى وتعاملنا معها كثيرا

طبعا لن نعزيك
انظرى اليه فى الجنه

عارفة ما فعلتية هو الوضع الطبيعى
كونة لا يحدث هذا هو غير الطبيعى

خالص تقديرى وتحياتى

سيكو يقول...

اولمره اعلق عندك
جميل البوست بتاعك
رغم انه لا تعليق



بس افتكرت وانا بقراه
من فتره واحد جارى قالى انك بتضحكى كتير انت تبقى حزينه قوى وبتحاولى تخبنى حزنك ولما قريت البوست بتاعك
حسيت بيكى

انت زى حزينه
وبتضحكى من حزنك

عصفور المدينة يقول...

لئن لم نلتقي في الأرض يوما وفرق بيننا كأس المنون

فموعـدنا غـدا في دار خلد بها يحيا الحنون مع الحنونٍ

سيكو يقول...

على فكره لما قريت كلامك
جسمى قشعر

ونفسيتى بقت فى الحضيض

ارجعى تانى وضحكينى ارجوكى

غير معرف يقول...

الجنه موعدكم

احمد

غير معرف يقول...

والله قلبي من جوا انفطر

و عن جد مو قادره أعلق

الله يسيرلك و يوفقك يا رب

انتي تستاهلي كل خير

سلام

كاميليا بهاء الدين يقول...

انا هاقول بس

انى

بحبك

اوى

اوى

اوى

كاميليا

دنيتى الجميله يقول...

اختى الحبيبه
معقوله صاحبه اكبر ابتسامه واكتر دم خفيف يكون جواها كل المشاعروالذكريات الاليمه دى
بجد انتى انسانه رائعه جدا
قولى اللهم اجرنى فى مصيبتى واخلفلى خيرا منها
اراكى فى بوست جديد
ان شاء الله
اختك المخلصه

خالد حفظي يقول...

تحية تقدير لهذا الإخلاص و الوفاء النادرين
و في نفس الوقت أسأل الله أن يرزقك بمن هو خير منه في الدنيا ... وما ذلك على الله بعزيز

غير معرف يقول...

السلام عليكم ورحمة الله وبركاته
فرنستى الرقيقه

اعتذر لك بشده انى اثرت شجونك بكتابه مقالى الاخير وانى كنت سبب فى نزول دموعك الغاليه على قلبلى والى نفسى ولتعلمى انه فى رحاب الله عز وجل الى ان يجمعك الله به فى الفردوس الاعلى مع النبين والشهداء والصدقين اللهم تقبل
ولن اعزيك اذ انه من غير المعقول ان اعزيك فى شخص هو حى يرزق بالقلب والعقل والوجدان
ولتعلمى انى احبك كثيرا جدا فى الله ويزاد احترامى وتقديرى لشخصك يوما بعد يوما وايضا يزداد ارتباطى الوجدانى بك يوما تلو الاخر

mohamed يقول...

أختى الاصيلة فرنسا هانم
قليلين فى دنيانا من عرفوا الحب الحقيقى,هم كالذهب النار تصهر
قلوبهم ليبقى الذهب نقيا وتذهب
بعيداكل شوائبة, وهم كالماس
يتعرضوا الى ضغط هائل حتى يتحول
الفحم الاسود الى الماس الرائق
الصافى الذى تتكسر علية الالوان
لتنتج كل هذا الجمال والصفاء.
من قال لكى أنى مثلى يعزيكعلى حبا
ملىء قلبك فما عدتى تحتاجى حبا
بعدة, ولكنى أقول لكى أن حياتنا
الدنيا قصيرة جدا وحياتنا الاخرى
أبدية, فمن لةعقل هل يبيع الدنيا
بالاخرى الابدية, سوف تلقينة وتسعدين معة الى أبد الابدين , لكى منى حبا
أخويا ولة منى الدعاء بأن يكون
فى رفقة الحبيب المصطفى.محمد.
أخوكى محمد

فرنسا هانم يقول...

اخوانى واخواتى
لكم منى التحيه والشكر
وقبل ان ابدء فى الرد على تعليقاتكم
احب ان اعتذر لكم جميعا على تاخرى فى الرد وذلك بسبب ردءه النت
والكابلين اللى اتقطعوا

فرنسا هانم يقول...

MerMaid
اختى العزيزه والحبيبه ميرميد
انا بعد مرات المقدمه مش بنسى
وهاخد التاج علشان خاطرك
بس النت يتظبط

فرنسا هانم يقول...

MerMaid
ولكى خالص حبى وتقديرى

فرنسا هانم يقول...

مهندس مصري
العظمه لله
ما انا الى انسانه لها قلب
مملؤ بالحب
حب الله
وحب الناس
وخاصه اخوانى واخواتى المدونين والمدونات
انا بحبكم من كل قلبى

فرنسا هانم يقول...

mohand
اشكرك جدا يا مهند
ولك خالص شكرى وتقديرى
ومش اضراب
ولكنه مرور سريع للزمن

فرنسا هانم يقول...

Nsreen Bsunee
وكما قلت له
العظمه لله
يكفينى فخرا تواجد احبابى بجوارى

فرنسا هانم يقول...

ام البنات
انا اسعد انسانه فى الدنيا
بحب الغاليه الى قلبى ام البنات
ربنا يخليلك بناتك
ويزيد بيننا الحب والاخلاص

فرنسا هانم يقول...

رفقه عمر
وانا بحبك جدا جدا
واذداد حبى لكى بوقوفك جانبى
هل تذكرين انكى اول من دخل مدونتى
وليس هذا فقط منبع حبى لكى
وانما افتخر جدا بتواصل شخصيه مهذبه جميله رقيقه ملتزمه مثلك مع مدونتى
احبك جدا

فرنسا هانم يقول...

غير معرف
اشكرك واشكر مهندس مصرى

فرنسا هانم يقول...

Jana
وتحياتى لكى ايضا
ومن غيركم افتح له قلبى
لقد كنت فى عالم الواقع قبل ان افتح المدونه لا ابوح بالكثير عما يجيش فى صدرى
اما الان فنا اكتب كانى اكتب مع نفسى
صدقينى شعرت بكم

فرنسا هانم يقول...

العنقــــــــــاء
صدقى انى ترددت كما اخبرتكم ان اكتبها
ولكن بعد كتابه الجزء الاول
كان قد سبق السيف العزل
كما يقول المثل العربى
شكرا على تشريفك الكريم

فرنسا هانم يقول...

الصارم الحاسم
شكرا على الدعوتين
وشكرا على شعورك النبيل
وشكرا على تواجدك

فرنسا هانم يقول...

ابن حـجـر الـعـسـقـلانـى
اراده من حديد ؟؟؟
يابن حجر ده انا غلبانه
انا استمد قوتى من تواجدى بينكم
احييك يابن حجر

فرنسا هانم يقول...

وضـّاح
الى متى ؟؟؟؟؟؟؟
وضاح انت بحق اخ كريم
واسمح لى ان ادعوك اخى ان كان هذا مناسب لك
اخى وضاح
الى متى ؟
ارد عليك
الى ان يشاء الله

فرنسا هانم يقول...

nonoymm
اتسأل مال المحافظه ومال العزاء ؟؟
الناس المحافظه بتروح تعزى بعضها
المهم
اختى العزيزه منى
انتى فعلا وبدون مجامله اخت واكثر من اخت
احببتك جدا جدا

فرنسا هانم يقول...

أبو خالد
اخى العزيز جدا جدا ابو خالد
لك معزه فى قلبى يعلمها المولى عز وجل
يشرفنى ان تنادينى اختى فرنسا
واسمح لى ان اناديك اخى ابو خالد
اخى ابو خالد
ان اكن لك كل احترام وكل تقدير
وانا بالطبع لى اسم غير فرنسا هانم
ولكن سمنى باسم فرنسا هانم
فهو الاسم الذى عرفنى بجواهر التدوين
وانت اخى العزيز منهم
انا اتطلع لصدور مدونتك
حتى انهل من كلامك العذب وفكرك الراقى

فرنسا هانم يقول...

خمسة فضفضة
لا لالالالالالالا
انا خليت الدكتوره تعيط
لا
انا استاهل الفلكه
هات الفلكه يا عبده ومد فرنسا فى الطابور علشان اتجرأت وعيطت الدكتوره
ها
اظن دلوقتى فرفشتى شويه
مقدرشى على عياطك ابدا

فرنسا هانم يقول...

غير معرف
وانتم احبائى فى الله

فرنسا هانم يقول...

صانعة الحرية
وانا احبك جدا جدا
واتمنى انك تقفى بجوارى
هذه الايام كما وقفتى بجوارى
ايام الكسر اياه

فرنسا هانم يقول...

شقاوة شعب
لا املك الا ان اقول قدر الله ما شاء فعل
النت كان معذبنى جدا جدا ولسه داخله انهارده على المدونه
وعلى فكره قريت رسالتك فى الاميل دلوقتى حالا
وهابعت الرد
لكن للاسف
بعد فوات الاوان

فرنسا هانم يقول...

ابو الفدا
وانا اقف لك احتراما لمشاعرك

فرنسا هانم يقول...

Amr Ahmed
احترم كلامك واحترم وجهه نظرك
وهذا ما يقوينى انى قد فعلت الصواب
شكرا جزيلا لك

فرنسا هانم يقول...

الطائر الحزين
طائرنا السعيد
اذن انا صح
شكرا اخى الطائر
شكرا مره اخرى
الان بعد تعليقك وتعليق الاخوه جميعا احسست ان عمرى لم يمر هباء

فرنسا هانم يقول...

سيكو
وليه بس انتى حزينه يا سيكو
جهزى ليا كوبايه شاى فتله
ولا اقولك خليهم اتنين وتشربى معايا وانشاله ماحد حوش
واجى اتمتع بمدونتك اللى شكلها ممتعه

فرنسا هانم يقول...

عصفور المدينة
شكرا ابو يحيى
شكرا باشمهندس محمد
بارك الله فيك
كلماتك قليله ولكنها شعرا كنت احتاجه فعلا

فرنسا هانم يقول...

سيكو
انا ورايا غيركم
وانشاء الله هارجع تانى للابتسامه
هو انا انفع فى غيرها

فرنسا هانم يقول...

احمد
اللهم ارزقنا الجنه

فرنسا هانم يقول...

meeso82us
ماكنتش عايزه كده
فعلا ماكنتش عايزه حد يزعل او قلبه ينفطر
انا اسفه
لكن ده من حبى لكم
فين رابط مدونتك ؟؟؟؟

فرنسا هانم يقول...

كاميليا
وانا
كمان
بحبك
جدا
جدا
جدا
فرنسا هانم

فرنسا هانم يقول...

دنيتى الجميلة
صاحبه اكبر ابتسامه ؟؟
ياااااااااااه
انتى هتخلينى اتغر واخد فى نفسى مقلب
على العموم
انا متشكره وسعيده جدا بكلامك الجميل
وتواجدك المشرف

فرنسا هانم يقول...

وطني
استاذى واخى الكبير وطنى
شكرا جزيلا على كلماتك الصادقه
بجد
اشكرك اخى العزيز

فرنسا هانم يقول...

ام الابناء
كم يشرفنى ان نكون اخوات يا ام الابناء
انكى انسانه نفيسه الوجود
وانا احببتك من كل قلبى
لكى خلص حبى وتقديرى
وعلى فكره
دموعى اللى نزلت وانا عندك
قليله جدا بالنسبه لكلماتك الرائعه
وبالنسبه لما عرفته عن الراحل ابو الطائر الحزين

فرنسا هانم يقول...

mohamed
كلماتك رائعه جدا يا محمد
وفعلا لك منى كل الحب الاخوى
انا احبك فى الله حب الاخت لاخيها
واحب كثيرا من المدونين حب الاخت لاخيها
انا اشعر انى منكم واليكم
انا اقوى بتشجيعكم

بنت الصالحين يقول...

فرنسا الجميله
احبك في الله

غير معرف يقول...

اختى الغاليه (فرنسا )اولا تقبلى مرورى على مدونتك وانتظرى مدونتى قريبا بعد التعديل دى بس المقدمه
لقد ابكيتينى بحق
لقد الامتنى حروفك
اقراها حرف يليه حرف
انتظر نهايتها بشغف
انتظر وانا اقول يارب ميكون النهايه اللى ف بالى
ولاكنها النهايه الماسويه
لقد ابكيتينى بحق اختاه
التضحيه
التضحيه
التضحيه
شىء نادر جدا
شىء مؤلم جدا
ياااااااااه التضحيه
عذرا اختاه على اطالتى عليكى
وانتظرى متابعتى لحروفك
وانتظرى مدونتى بعد التعديل
احمد

احساس لسه حى يقول...

عزيزتى
موضوع صعب جدا بس يمكن لو حبيتى وارتبطتى كنتى هتعرفى ان اللى عمله اكبر صح واللى كنتى هتعمليه اكبر خطأ
لان القدر اللى كتب يحصل كده لحبيبك يمكن رحيم عليكى انه محصلش كده بعد ارتباطك بيه واللى كنتى هتعمليه حب وشفقه كان هيكون واجب وعشرة
ربنا يشفى الجميع

هو اخباره ايه تعرفى

تحياتى
سلام

فرنسا هانم يقول...

عاشقه الفردوس
اختى الجميله عاشقه الفردوس وانا احبك جدا جدا جدا

فرنسا هانم يقول...

احمد
سانتظر مدونتك التى اراها عملاقه من قبل بدايتها
اشكرك على المرور
واتمنى لك التوفيق

فرنسا هانم يقول...

احساس لسه حى
يبدو اخى العزيز انك تسرعت فى التعليق بدون قراءه التدوينه جيدا
ارجو ان تعيد قراءتها مره اخرى
فالشخص الذى تسأل عن حاله
توفى منذ 16 عاما
شكرا اخى العزيز على مرورك

صالح سعيد يقول...

السلام عليكم
اذيك يا فرنسا
رغم تحفظى على اننا نكتب عن حياتنا الشخصيه فى المدونات
بس انا حسيت بيكى وانتى بتكتبى الكلام ده
وقبل كده لما قريتلك كنت حاسس ان ورا فرنسا شخصيه غير تقليديه
فى اسئله كتير جوايا بس مينفعش اقولها لانها شخصيه شويه
عارفه انا نفسى اتكلم عن نفسى فى المدونه بتاعتى برضه
بس مش قادر
لانى مؤمن بان فى حاجات تتحس مينفعش تتحكى
مش عارف يمكن اكون غلط
على العموم
دمتى بكل خير
عزيزتى
فرنسا

Unknown يقول...

اختي فرنسا أحييكي بشدة تمسكي بالحب ده الحلم اروع شئ في الدنيا لما يكون على اساس
هناك من يعيش عمره كله لايجد الحب ولا يعرفه
ويكون كل مامر به بعد عمر وسنين سراب وهم ولايملك الا الحلم لما بعد الحياة لان الدنيا ولت نضبت لم يعد فيها ذرة حب

لكي مني كل الود والحب

محمد يقول...

واسمح لى ان ادعوك اخى ان كان هذا مناسب لك

بالتأكيد أوافق عليها

إنما المؤمنون إخوة , ونرجو أن نكون منهم , وأنا من ناديتك في البداية بأختي

أخوك وضاح
:)

غير معرف يقول...

����� �������
���� ���� ���� ���� �� ���� �� ��� ��� ���� �������� �� �� ��� ��� ��� ��� ��� ������ � �����������
�� �� ����� ��� �� �������� ����� �� ���� ��� �� �� �� ���� ������..... �� ���� ����� ����� � ����� ����....��� ������ ���� ����

����� � ����

القلم السكندري يقول...

الأخت الكريمة فرنسا هانم

طبعا أنا كنت بتابع المدونة الشهر اللي فات باستمرار لكن مكنتش بعرف أرد عشان الوقت او عشان بوظان النت

عشان كدة سجلت غياب كتير

بس سماح بقي المرة دي


بس بصراحة ..
أحييكي علي الوفاء والاخلاص ده

وربنا يجمعكم في الجنة

`~MnO YeNSa! ~` يقول...

حبيـــــــــــــبتي والله و ايد تأثر بكلماتج

وانتي اقوى وايـــــــــــد ..و حبج هدا اسمى شي بالدنيا ..يمكن مو موجود هالايام .. اهنيج بنفسج والله :**

غير معرف يقول...

بجد حبيتك جدا رغم اني اول مره النهارده ادخل عندك وقريت النهايه بس بس ناويه باذن الله اكملها كلها النهارده بس النت يطلع جدع معايا

انتي بجد جميله جدا ومخلصه اوي في زمن بقه الاخلاص فيه حاجه نادره

انا حبيتك اوي اوي ..... وزة

اه علي فكره انا بقالي 3 سعاات بكتب في التعليق والنت كل شويه يفصل يارب تكون دي اخر مرة ويوصل بقه بس كله يهون عشان خاطرك ياقمر

only spot يقول...

خالتى الجميله فرنسا الى بجد حبيتها من كتابتها الجميله التى لها طابع خاص واليوم اعلن حبى لها حقا لانسانيتها وقلبها الكبير
عارفه هقلك حاجه مش بعلق عشان امدح فيكى ولا حتى اعزيك فى حبك الدائم والحى الى ان يتمه الله ان شاء الله بعد عمر طويل وتزفى اليه عروس فى جنة الفردوس ان شاء الله لكن هقلك احمدى الله انك دقتى طعم الحب الصادق الطاهر العفيف وبجد رغم ان قصتك ممكن كانت تكمل فى الدنيا ولكن لان وعسى ان تحبو شئ وهو شر لكم وعسى ان تكرهو شئ وهو خير لكم فكان فى تلك النهايه الماساويه خير لكى وسوف تعلمى ذلك باذن الله ويكفيكى فخرا انك اخترتى الاخره بجد مش لاقيه كلام اقوله غير انى انحنى احترام وتقدير لاحلى خاله بلوجريه وربنا يمتعك بالروح الجميله دائما
تحياتى

mo'men mohamed يقول...

بقى دلوقتى 140 جنيه

حسبى الله ونعم الوكيل
واحد مثلى على ما ييجى يتجوز حيكون الدهب بقى بألف والعنوسة حتبقى للرجال والنساء معا
السلام عليكم

غير معرف يقول...

معذره لا استطيع التعليق

خالد المصري يقول...

السلام عليكم

أول مره اكتب عندك ممكن ؟؟؟
اعتقد انك هتسمحيلي

اولا :احترامي وتقديري لوفائك وإخلاصك ده لا نقاش فيه ولا غبار عليه

ثانيا : قد تكوني اخترتي البقاء على العهد وفاءا له وهذا اختيارك ولا أنكره عليكي بل أكن لك كل الاحترام والتقدير في زمن ندر فيه الأوفياء إلا من رحم ربي لكن اسمحي لي أن أوضح شيئا حتى لا تختلط الأمور

ثالثا: لو كان زهد من توفي عنها حبيب او خطيب أو زوج مكرمه لكان أولى النساء بها أم المؤمنين خديجة رضي الله عنها وأرضاها فهي وان كانت تزوجت سيدي رسول الله عليه السلام قبل الرسالة إلا أنها من اشرف نساء العرب قبل الاسلام ولكان أولى الناس جميعا بها سيدي رسول الله صلى الله عليه وسلم لما توفيت عنه أم المؤمنين خديجة ولما تزوج أمير المؤمنين عثمان بن عفان رضي الله عنه من اثنتين من بنات رسول الله

وغيره الكثير من صحابه رسول الله صلى الله عليه وسلم

أخيرا اكرر تقدير واحترامي لك ولوفائك ولا يسعني الا أن ادعوا لك:
اللهم أسالك بأنك أنت الله لا اله ألا أنت ان يرزقك ويرزقنا جنه عرضها السماوات والأرض ويرزقنا صحبه نبيه صلى الله عليه ويسلم ويجمعك بمن احببتي في ظل عرشه يوم لا ظل إلا ظله
أمين

تحياتي

walaa يقول...

انا داخله اقولك ايييييه الاخلاص ده بجد انه اخلاص ندر هذه الايام بل انقرض
ربنا يعوضك فى الاخره ان شاء الله يحشر المرء مع من احب
الناس بتحبك فعلا بس لما تتعرف عليك بتحبك اكتر ويا بختك يا ستى حد يلاقى الكميه الكبيييره دى من حب الناس اللهم لا اقر منى

دمت ودام قلمك ولاء

فرنسا هانم يقول...

صالح سعيد
اخى صالح الموضوع فات عليه زمن
وانت لا اتكلم عن حياتى الشخصيه العاديه
ثم انى احترم رأيك ووجهه نظرك
مع انى لى وجهه نظر مختلفه
طالما انى لا اذكر اسماء بعينها ولا اذكر احداثا يعرفها البعض وانا بطبعى غير معرفه للجميع ولا اذكر شىء غير مباح
اذن لا مانع ان اتحدث معكم كاخوه لى
واحكى عن حياتى
هذا رايى
مع الاحترام لرأيك
وعلى العموم
تشريفك كرم كبير منك لاختك فرنسا

فرنسا هانم يقول...

magda
ولكى منى كل الحب والتقدير
والعرفان
وفعلا يمر الزمان بسرعه وربما لا نجد فى ايدينا ما نضممها عليه
شكرا اختى الكريمه

فرنسا هانم يقول...

وضـّاح
شكرا اخى وجزاك الله عنى خيرا

فرنسا هانم يقول...

القلم السكندري
الموضوع خرج من ايدى يا استاذى الفاضل
كشف الغياب راح الحسابات خلاص
وعموما
انا مضيت مكانك
ومش هتلاقى اى خصومات
لك كل احترامى وتقديرى

فرنسا هانم يقول...

`~MnO YeNSa
انا سعيده بيكى جدا جدا
ويمكن صوتك من الكويت مسمع هنا بكتير
شرفتينى اختى الحبيبه

فرنسا هانم يقول...

انين الحزن
ياخبر يا وزه
كل المعاناه دى علشانى
هو انا استاهل كل ده ؟؟
انا متشكره جدا جدا
فرنسا

فرنسا هانم يقول...

only spot
تحياتى لكى وخالص تقديرى ومحبتى
انا مش عارفه اقولك ايه
وعارفه انك مش بتمدحى فيا لمجرد كلام مدونات
يعلم الله كم احبك
واحب كثيرا من المدونات والمدونين الذين تركوا بصماتهم فى مدونتى

فرنسا هانم يقول...

mo'men mohamed
لالا
مش هيوصل للدرجه دى
انت ناوى تتجوز بعد كتييييييير ولا ايه ؟
ربنا يكرمك ويرزقك بالحلال
وببنت الحلال

فرنسا هانم يقول...

خالد المصري
تحياتى اخى خالد
لا اجد الكلمات التى تتناسب مع منطقك وحلاوه حديثك
لكن اشكرك جدا جدا على تلك الكلمات
ورزقنا الله واياك الطريق القويم

فرنسا هانم يقول...

walaa
انا سعيده بيكى وبكل احبائى
وبعدين مفيش قر ولا حاجه
انا دابحه ارنب على باب المدونه
لا
انا بهزر
دمتى لى اختى ولاء

soso يقول...

يااااااااااااااااا







وبيقولوا مفيش حب فى الزمن دة
كان نفسى تحكى كدة من زماااان اوى
وتفخرى بما تعطية حتى الان
ربنا يجمعكم على ابواب الجنة

غير معرف يقول...

انا بحبك اوىىىىىىىىىىىىىى يا فرنسا
بجد

دعوة الفردوس يقول...

فرنستي حبيبتي

اعذريني ع التقصير

بس عاملة عمليه صغنونه كده في عيني عامله عمايلها معايا

بس بجد
انتي انسانه
اذكريه في دعاءك
وربنا يجمعكوا ياااااارب في الجنه
ياااااارب ياااااارب وتزفك اليه الحور العين
و يطوف في فرحكم الولدان المخلدون و يارب يافرنسا النبي يحضر فرحك في الجنه
وزفافك الى حبيبك وزوجك ان شاء الله

Soooo يقول...

كنت متأكد ان القلب الطيب ده والروح الساخره واللي ليها القدره على تحويل اي موضوع مؤلم لقنبله كوميديه .. كنت متأكد ان وراها حكايه


بجد يافرنسا ومن غير اي كلام كتير
انا باعتز اني اقرالك حرف واحد مش كلمه ولا موضوع
ولي الفخر اني بادخل على مدونة انسانه جميله زيك



سلام

د/اجدع بنوته يقول...

والله العظيم وربنا ..

كنت واثقه 100% انك عندك قصه

تكفى لتدمير بشر ..

ورا كل الفرحه والروح الحلوه ف البوستات دى

الالام وجرح بيوجع

ربنا يقويكى يارب ..

ويعوضك بمحبة كل اللى حواليكى

انتى بجد حد يستاهل كل خير

موجة يقول...

أختي فرنسا
انا التعليق رقم مية هنا
أسف ان انشغلت بامور كتر ما كنتش متابع فيها عالم التدوين
بس رقم مية
عارفة يعن ايه مية
دا ما يدلش بس اني اتأخرت قوي بقدر ما يعكس القاعدة الشعبي الجماهيرية العربية الليبية الاشتراكية العظمى
ههههههههههههههه
حقيقي مش موضع ضحك وحقيقي مش حاعزيكي زي ما انتي عايزة بس الحقيقي كمان اننا كلنا بنحبك يا فرنسا

خالص تحياتي
احمد

اتمنى تقري اخر بوستين عندي يا فرنسا وخصوصا اجابة اخر تاج عندي

غير معرف يقول...

مش عارفة ليه أنا من البوست السابق حسيت إن فيه جرح أوسر ولما اتناقشت بكده مع واحدة زميلتى قالتلى انتى نكدية ده حتى كل كلام فرنسا هزار انتى دايما متشائمة

بس النت قطع ولما جه وكان فى فرصة ودخلت لقيت فرنسا وبكيت كان نفسى احساسى النكدى يطلع غلط ..

أنا بجد بحبك انتى عرفتى تعملنى حاجة أغلبنا بننساها أو تنساها الإخلاص والتضحية
انتى قوية ولا محتاجة عزاء من أى حد
ربنا هوة هيكرمك والحب أروع ما يضحى المرء من أجله
ما الحب كل حياتنا لما بنحب ربنا بنطيعه ولما بيقل هذا الحب بنخطىء
ومش معنى أن الحب والتضحية والإخلاص انقرضوا يبقوا غلط
طول ما فى ناس لسه زيك كده تبقى بجد دنيتنا لسه بخير
بحبك وعارفة لما ربنا بيحب العبد بيأذن أن محبته تكون فيحبه أهل السماء ثم توضع محبته فى قلوب العباد فى الأرض
هنيئا لك محبتنا ودعائنا ليكى ونحسبك كذلك ولانزكى على الله أحدا

سامحينى على تقصيرى أنا كل يوم بتعلم منك حاجة جزاكى الله خيرا وجعله فى ميزان حسناتك وان شاء الله تتقابلوا فى الجنة
واحنا كمان معاكى

دمتى بكل خير وبحبك فى الله جدا وادعيلى كتير كتير

متربية آه ,, معقدة لا يقول...

اليوم اعتقد ساذكر تاريخه جيدا
لانه اعطاني الحظ السعيد في قراءة مدونات تعبر عن شخصيات اقل ما يقال عنها انها رائعة

مدونتك رقم 5 تقريبا من عدد المدونات التي تصفحتهابعد انضمامي لعالم المدونين الذي اتشرف بالانتساب له

ولا تعلمين كم سعدت بمشاهدتها

لما قريت موضوعك قلت البنت دي تستاهل اني اتذكر كلمات قراتها و اعجبتني
لانها تنطبق عليها جدا جدا

فأنت يا شجرة الوفاء جذوركِ ممتدة في أعماق أرض الصدق وترتوي من الاخلاص وتثمر محبه حقيقيه ....حقيقه يا زمن لا يوجد من يقدر الوفاء و الاخلاص ولا حتى يقدرون معنى الحب ..هذا الحب السامي الابدي الذي يرتوي الانسان به في حياته

فالف سلام و تحية على كل شخصية تحمل هذة المشاعر الجميلة ,, النقية

اختك متربية آه ,, معقده لا

أم أحمد المصرية يقول...

حبيبتي فرنسا الجميلة انا كنت داخلة مدونتك ارحب بزيارتك لي امس و اترك لك رد شدني الوجه الاخر و خلاني حبيتك أكتر مش كنت لسه بقولك في التعليق التاني انك مصرية بجد علي العموم يا حبيبتي عندك دكريات جميلة في ناس عاشت مع اللي حبوهم وفقدوا هده الدكريات انا كده مش بعزيك علي فكرة انا بعزي اللي فقدوا دكرياتهم
عوضك الله خيرا في الدنيا و الاخرة
عندي سؤال اخير عشان اطلع من المود اللي حطتيني فيه اخبار اخته القرشانة ايه دلوقت تعرفي عنها حاجة احكي لنا لو تعرفي :)

mostafa rayan يقول...

طبعا انامحترم اخلاصك ليه
بس الصح نعيش علي الذكريات ولا نشوف حياتناومستقبلنا ونطلب الرحمة للميت والحي كمان
اعتقد انك لازم تفتحي قلبك وماتقوليش خلاص ماعدش ينفع سني بقي مش عارف كام لأنه ينفع في كل الاعمار