الجمعة، فبراير 28، 2014

جواز فرنسا من ياهو باطل

اخواتى واخوانى المدونين والمدونات
السلام عليكم
طبعا انا عارفه انى وحشتكم وخصوصا اللى هيقراء البوست ده لانه كده هيبقى فاكرنى
انا عايزه اقولكم كلام كتيييييييييييير لكن يظهر ان زمن المدونات ولى وراح يا عبد الفتاح
انا قابلت مدونات من السويس وحكوا على عن الفيس بوك وعن وعن
حاولت ادخل الفيس
وعملت حساب على الفيس
الا ان عم فيس بارك الله لنا فيه وله وعليه اشترطت على الفقيره الى الله الرجوع الى الميل لتأكيد الاشتراك وفعلا حاولت ادخل الى الميل
وجدت الميل مغلق
حاولت بكل الطرق الدخول الى الميل ولكن هيهات ثم هيهات ثم هيهات
الاميل مغلق
حزنت جدا لاغلاق الميل
لان عليه كنوز فرنسا
الميل عليه رسايل حبى للمدونات والمدونين والاصدقاء خارج التدوين
ولكن عم ياهو طلقنى بالتلاته
وده خطأ منى لأنى لم ادخل الى الميا من زمان
وعلشان كده بقى جواز فرنسا من ياهو باطل
والمدهش ان الطلاق كان بالتلاته علشان كده لازم محلل
وفعلا عملت اميل جديد
وهو ده المحلل
انا اسفه لانى اشتركت على الفيس وناس كتير بعتوا لى طلبات صداقه وانا مش قادره اعرف مين هم لانى الفيس جعل الاسم مجهول لحين استكمال البينات من الميل
وانا اسفه جدا جدا جدا لكم
وان شاء الله هحاول المتابعه معكم على الميل الجديد وعلى الفيس

https://www.facebook.com/
والميل الجديد هو faransahanm22@yahoo.com
,وعلى الفيس حاليا مكتوب باسم فرنسا احمد ههههههههه الفيس مش عايزنى ابقى هانم
لو حد يعرف اغير الاسم ازاى يبقى شكرا له
اخيرا اخى الطائر الحزين شكرا لك على اضافتى عندك فى المحاوله السابقه لانشاء صفحه على الفيس ولكنها فشلت
معلشى عند خالتك فرنسا المره دى
انا اسفه جدا جدا على اغلاق الميل واللى يعرف طريقه ارجعه بيها يبقى يششششششششششششششكر

الأحد، فبراير 27، 2011

احمد شفيق يشعل النار فى نفسه

تحديث
*******
استقالت حكومه الفريق احمد شفيق اليوم وتم تكليف الدكتور عصام شرف بتشكيل حكومه جديده اذن موضوع البوست وخاصه ما يخص احمد شفيق قد انتهى الا اننى اترك البوست قليلا حتى ينتهى الحوار مع من يسمى نفسه وطنى شريف
****************
اخوانى واخواتى الاعزاء
بعد جرعه كبيره من الاحترام والتحيه للفريق احمد شفيق الا اننى ارجوه  الا يشعل عود الثقاب بعدما اسكب البنزين على ملابسه
فيجب عليه ان يتعظ من درس اللواء عمر سليمان الذى اراد ان ينزح البركه الراكده الملوثه بملعقه صغيره فلاحقته عواصف الثوره لتطيح به الا حيث لا يشتهى
فقديما وقبل 25 يناير كان مجرد الخبر عن تعيين اللواء عمر سليمان نائبا للرئيس السابق يعد نصرا كبيرا وفرحه مدويه لكل المصريين لما كان اللواء عمر سليمان يتمتع به من احترام كبير جدا كان يؤهله الى منصب رئاسه الجمهوريه عبر صناديق الاقتراع بكل يسر وسهوله
الا ان السيد اللواء عمر سليمان فضل ان يمتطى حماره عرجاء ويدخل فى سباق مع ثوره الشعب التى تمتطى رياح التغيير
فالسيد عمر سليمان برغم خبرته الكبيره فى عالم المخابرات والتى يفترض منها ان تكون خبره عريقه مصحوبه بذكاء كبير وفطنه عاليه  الا انه نسى او تناسى كل تلك الخبرات واختار لنفسه طريق اخر بعيدا عن اراده الثوره .
وان كنا بصدد الحديث  عن الحريه والديمقراطيه فلسيادته الحريه الكامله فى اختيار طريقه ويكفينا فقط  منظره ونبره صوته وهو يعلن خبر تنحى الرئيس السابق .
اما الفريق احمد شفيق فيجب ان يتعلم الدرس جيدا
فالفريق احمد شفيق رجل رائع سمعنا عنه الكثير فى مجال الطيران المدنى وعندما رايناه يتحدث امامنا وجدناه اروع مما سمعنا عنه
ولكن الفريق الان بدون ان يدرى اسكب البنزين على ملابسه وبدء يعبث بعود الثقاب والخوف كل الخوف ان يشتعل العود فى يده . فيحترق تماما مثلما احترق اللواء عمر سليمان . فبلعوده بحديثنا الى اللواء عمر سليمان نجد انه الان لايستطيع ان يدخل اى انتخابات ولوحتى انتخابات سوق العبور
وهذا ما نخشاه على الفريق احمد شفيق
فلقد تولى الفريق احمد شفيق رئاسه الوزراء فى وضع غايه فى الدقه والحساسيه .وهذا الوضع كفيلا بان يلطخ اثواب الملائكه وليس البشر فقط
نحن لاتزايد على وطنيه الفريق احمد شفيق ولا على ذكاء الفريق احمد شفيق ولا على خبره الفريق احمد شفيق ولا على اداره الفريق احمد شفبق وانما نتمنى ان نجعل من انفسنا مصابيح تنير الطريق المظلم الذى تمر به مصرنا الحبيبه
فالفريق احمد شفيق يجب عليه الا يستعير الملعقه من اللواء عمر سليمان لكى ينزح الماء من البركه الراكده الملوثه
بل يجب على سيادته  ان يردم تلك البركه الفاسده نهائيا
ولنجعل كلامنا اكثر شفافيه ووضوحا فنقول
 اللواء عمر سليمان اراد ان يلقى بجسده على النظام الفاسد لكى يقيه السهام الا ان السهام اصابته فى مقتل واطاحت به بعيدا ويعلم الله ان كان يستحق ذلك اما لا .
سياده الفريق احمد شفيق ... من لاينظر من الغربال فهو اعمى والوضع الحالى يقول ان الفساد كان بمثابه القرين للنظام السابق ينمو معه ويرتع فى رحابه
ومنظومه الفساد امتدت من الجميع بدايه من الرئيس السابق ومرورا ببطانه السوء ووصولا الى صغار موزعى الفساد
ثم نقول هل منا من هو بمجنون او بعاقل ان  ينكر تلك الدوله الفاسده وعلى راسها الرئيس السابق ؟
اذا من يحارب الفريق احمد شفيق ؟
او بالاحرى لمن يحارب الفريق احمد شفيق ؟
لنعود مره اخرى للتذكره اننا لانذايد على الفريق فى شىء
ولكننا يجب علينا ان نقول لسيادته انه الان فقط يجب ان يتأمل الوضع الموجود امامه على الطاوله
 اولا - اذا كانت هناك كما نشتم من رائحه صفقه لانهاء الوضع المحتدم قبل يوم التنحى فانها صفقه خاسره لان الشعب كان سينتصر حتى لو تدخل يأجوج ومأجوج (وهنا لانقصد القوات المسلحه ) فالشعب بأذن الله قام وانتفض وعهد ربه ونفسه الا يركع ابدا لمخلوق تانيه
ثانيا - اذا كان الفريق احمد شفيق يرى ان العمل بمبدأ عفا الله عما سلف فانه يجب على سيادته تنفيذا للعدل بين كل فئات المجتمع ان يطلب من الساده القانونيين وضه ماده فى القانون الجنائى نصها عفا الله عما سلف . بمعنى ان يتم القبض على اى متهم باى تهمه وتجرى معه التحقيقات وفى حاله ادانته يتم تطبيق الماده وعفا الله عما سلف
ثالثا - اذا كان الفريق احمد شفيق يريد شرع الله ويريد الخير لنفسه ولبلده فأمامه خيارين لا ثالث لهما
الخيار الاول - ان يخرج مجاهدا فى سبيل الله والحق ويضع الرئيس السابق وكل النظام الفاسد تحت الاقامه الجبريه ويشكل لجنه قضائيه لمحاسبه  ومحاكمه الرئيس السابق اولا ثم بطانه الفساد ثانيا  ( محاكمه عااااااااااااااااادله )
 الخيار الثانى - ان يستقيل الفريق احمد شفيق ليفسح المجال لمن هو قادر على ان يسترجع حق المصريين من الفاسدين
والان سياده الفريق عود الثقاب فى يدك والبنزين على ملابسك ولنتركك تفعل ما تشاء

الجمعة، فبراير 18، 2011

عوده سيدنا مبارك عليه السلام


تحديث
********
الرجاء اضغط هنا واقراء هذا المقال جيدا
*****************************
شكرا جزيلا لكل من سال عنى وارسل لى اميلات *
وعلشان انا نافوخى ساعات كده بيلق وبيفك ومبيعجبنيش ابدا الحال المايل احب اقول للقوات المسلحه ولسياده المشير طنطاوى *
قبل ان ندرك انها مؤامره * وقبل ان يأخذنا الفكر بعيدا عن الصواب * وقبل ان نظن اننا اغبياء * و قبل ان نتدفأ بالهواء فى ليل امشير * وقبل ان نظن انها صفقه لحمايه مبارك وعائلته * وقبل ان نصدق الوكالات العالميه ان هناك تعذيب فى مصر بعد مبارك * وقبل ان نصدق ان مبارك مازال يحكم مصر
وخلى كلامنا بلدى علشان البلدى يؤكل
سياده المشير هو لمؤخذه يعنى* سيدنا مبارك عليه السلام نبى من الانبياء واحنا منعرفشى
ولا سيدنا فتحى سرور وسيدنا صفوت الشريف وسيدنا زكريا عزمى وسيدنا سيف الدين جلال محافظ السويس وسيدنا جمال وعلاء مبارك اولياء الله لاخوف عليهم ولا هم يحزنون
ايه معنى ان سيدنا مبارك والساده الاولياء (((الشرفاء!!!!))) مفيش حد جاب سيرتهم ابدا فى المحاكمات ولا تجميد الارصده ولا غيره
ولا دول ناس شرفاء بجد
ولا الثوره دى وهبه الشعب ده وارواح الشهداء دول وجموع المصابين دول كلهم افتروا على سيدنا مبارك والاولياء الصالحين ودى ثوره كنتاكى صح ومائه يورو
سياده المشير ممكن حضرتك تظن ولو ثوانى ان صغار القاده فى الجيش وحتى كبار القاده والمجندين كانوا هيوافقوا على ضرب النار على الشعب حتى لو نزلهم ملك من السماء وقال لهم اضربوا
عليا النعمه انا عارفه ان لسانى فالت وهلخبط فى الكلام
 سياده المشير مفيش رسل
خلاص سيدنا محمد صلى الله عليه وسلم خاتم الانبياء والمرسلين
كلنا بعد كده سواسيه كاسنان المشط
انا فهمى على قدى يا ناس بسمع الاخبار الاقى ان الاتحاد الاوربى وافق على التحفظ على ودائع بعض المسئوليين السابقين بناء على طلب الخارجيه المصريه ليس من بينهم مبارك وعائلته
اشمعنى بقى مبارك وعائلته
ياترى خايفيين نقدمه للمحاكمه لنعمل زى الامم التى قتلت انبيائها
ولا سيدنا مبارك وال بيته الكرام خلقوا من ورد وريحان ونحن خلقنا من طين
ولا هيه بقى صفقه تمت ( لو كانت صفقه نفهمها بقى ونريح دماغنا علشان منعيشى زى عبله الهابله )
سياده المشير معلشى بقى ولو ان فى حكم عسكرى اليومين دول لكن ان هقول وامرى على الله سؤال بينهش فى قلبى زى وحش
مين بيحكم مصر دلوقتى ؟؟؟؟؟؟؟؟؟؟؟؟؟؟
مع اسفى للسؤال ومن غير جبن منى ولكن احترام للقوات المسلحه بس انا شايفه ان السياسه هى هى
اه والله انا شايفاها كده
وحياه جارتى العزيزه ام دبوه انا شايفاها كده
الشفافيه بسم الله الله اكبر زى ما هى متغيرتشى
التعذيب يجمال نانوس امه زى ما هو برضه
الحكومه هى هى برضه
ميدان التحرير هو هو برضه
اخوانى الاعزاء من قراء مسبقا لفرنسا هانم يعرف جيدا اننى لا اسير بمنطق (البقره لما تقع سكاكينها بتكتر ) فكل مدونتى تشهد منذ اربع سنوات وانا انتقد النظام ولا يعجبنى الحال المايل
اخيرا بقى علشان وقت البرنامج
السيد المشير محمد حسين طنطاوى القائد الاعلى للقوات المسلحه شكرا لك ولكل قاده القوات المسلحه ولكل فرد فى القوات المسلحه للمنظر الحضارى التى بدت عليه القوات المسلحه منذ يوم جمعه الغضب الى الان
ولكن ارجو ان اعرف جواب تسألاتى حتى اظل على حسن موقفى وعلى حسن ظنى فى قواتنا المسلحه وعلى رأسها الرجل الشريف محمد حسين طنطاوى وحتى ندرك اننا فعلا تغطينا بالدفاء فى ظل الامان والامن
ملحووووووظه مهمه جدااااااااااا
اذا كان البعض يتباكى ليل ونهار على ان مبارك بطل حرب اكتوبر وبطل الحرب والسلام كما يقال فاحب ان اقول لهم باعلى صوتى لم يحارب حسنى مبارك وحده اذا كانت الحرب تنسب للقاده فالرئيس محمد انور السادات هو بطل الحرب واذا كانت الحرب تنسب للشهداء فشهدا مصر هم الابطال واذا كانت الحرب تنسب للجيش فحسنى مبارك ليس الا فرد من الاف شاركوا فى الحرب واذا كانت الحرب تنسب لمصر فحسنى مبارك اخرسها طوال ثلاثين عاما واحتل مكانها
******************
معلشى سياده المشير سؤال تانى والله بعد ما خلصت البوست والسؤال خارج سياق الموضوع تماما السؤال هو:- هى الدبابات الكحيانه المهكعه الموجوده فى السويس عندنا دى هى سلاح الجيش بتاعنا وهو ده الجيش التالت ؟؟؟؟؟؟؟؟؟؟؟؟؟؟؟؟؟؟

الخميس، يناير 27، 2011

كلاب السلطه تقتل ابناءنا

انفجر الوضع فى مدينه السويس الباسله الى اسوء ما يمكن
قتلى وجرحى وامهات ثكلى
السويس الان تنفجر
انقذنا يا سياده الرئيس
انقذ الامهات والشباب
انقذنا يا من توكلت امرنا
انقذنا يا من انت رب اسرتنا
انقذنا يا من عاهدت الله بحمايه ارواحنا
انقذنا يا سياده الرئيس
انقذنا برحيل سيادتك
انقذنا بذهابك عنا
انقذنا فقد مقتناك
السيد الرئيس المبجل محمد حسنى مبارك ترى ( هل نحن اخترناك؟ )
اقسم بالله يا سياده الرئيس اننى لم افعل
اقسم بالله اننى لم اختار سيادتك
اقسم بالله اننى قد مقت سيادتك
السيد الرئيس المبجل محمد حسنى مبارك ارانى اريد منك الرحيل فهل سيادتك اعتدت الجسوم على صدرى
السيد الرئيس انا وكل الشعب على استعداد تام لجمع تبرعات لحجز غرفه جميله ورقيقه وانيقه تليق بسيادتك فى حبيبه قلبك السعوديه
فخامه السيد الرئيس محمد حسنى مبارك كرهت المخلص المدلل لك المهندس احمد عز
والسيد المحترم جدا فتحى سرور والمبجل صفوت الشريف وسيد الكل ودلوعه امه جمال باشا
فخامه الرئيس بجد والله خلاص استوى الرز
وانت تعلم اكتر منى بحكم طلعتك البهيه فى يوم العبور الكبير ان ترك الرز على النار اكتر من وقته بيشيط
فخامه السيد الرئيس شكرا جزيلا على كل ما قدمتموه لشعب مصر الكبير
شكرا على السئ والحلو
شكرا على الاخلاص والاستهتار
شكرا على الوفاء والغدر
شكرا على 30 عام من الحكم
شكرا جزيلا لسيادتك وارجو من سيادتك ان تنسانا
ارجو من سيادتك ان تترك مشاكلنا فانت رجل كبير فى العمر وصحتك لا تناسب مشاكلنا الكثيره لذلك شكرا جزيلا لك
فخامه السيد الرئيس
فخامه السيد الرئيس
فخامه السيدا لرئيس هذا طلب مؤدب منا لك فخامه السيد الرئيس هذا طلب مؤدب مره اخرى منا لك
والقادم اسؤ

الاثنين، نوفمبر 29، 2010

ملعون ابو مجلس الشعب

اخوانى الكرام اخواتى العزيزات انا عارفه انى بقيت زى الشفافيه بتاعه عمنا وسيدنا وتاج راسنا الحزب الوطنى الديمقراطى (زغردى ياشوشو )
طبعا انى بقيت بعيده عنكم والشفافيه بقيت ابعد وابعد
امبارح
وما ادراك ما امبارح
وياحبه عين امى على امبارح
نزلت زى الاف بل ملايين المصريين علشان ننتخب مجلس الشعب
وياريتنى ما تنيلت وتهببت ونزلت
فضيحه بجلاجل
فضيحه على اعلى واوطى وادنى واقسى مستوى اخلاقى يا عبد الباقى
اول القصيد كان قبل الانتخابات لما الحزب باشا رفض الرقابه الدوليه على الانتخابات بحجه ان الرقابه انتقاصه لسياده مصر
ههههههههههه
كوتوموتو يا حلوه يا قطه هاتى عضه ياختى لامه
الرقابه على الانتخابات بقيت انتقاصه للسيااااااااااااااااااااااااااااده !!!!!!!!!!!!
هى فين السياده ؟؟؟؟؟؟؟؟؟؟؟؟
فين يا جمال يا مبارك السياده ؟؟؟؟؟
مر الاسطول الامريكى القناه لضرب العراق غصب عن عين سياده ابونا وابو اللى خلفونا
قتل صياد فقير فى قارب الصيد الصغير الخاص به فى المياه الاقليميه المصريه ومحدش قدر يقول بم
انضرب عساكر حدود من الاسرئيليين وماتوا ومحدش فتح خاشمه نهائى
فين السياده يا سياده السياده ؟؟؟؟؟؟؟
فين السياده يا حزب ساده ؟؟؟؟؟؟؟

المهم

فجأه ..... وبدون مقدمات
والدنيا ضلمه .... وابو رجل مسلوخه قاعد يخوف العيال
فجأه هوب ... اكتشف الحزب الواطى ان له سياده
واكتشف انه لازم يمارس سيادته على ارضه ضد اعدائه الكفره المصريين الملاعين والامريكان والاوروبيين واى قزم فى العالم تسول له نفسه المريضه ان يفكر ولو للحظه او يتوهم ان يفكر ان ينتقص من سياده الحزب على ارضه مصر
وللعلم
بس معلومه على الماشى
ربنا سبحانه وتعالى انعم على اعضاء الحزب رجال مصر العظماء ذكاء خارق ومطبخ قوانين عالى المستوى يستطيع بهما فى اى وقت ان ينتف ريش الاشاوش اللقطاء من باقى الشعب المدعو بالمصريين الذين يسمون انفسهم من باب اللف والدورات حزب الوفد وحزب الغد واخوان مسلمين وحزب الكرامه وحزب التجمع ......الخ وقضاه ومحامين ودكاتره ومهندسين وعمال وامهات وتجار .....الخ
نعم ان مصر هى الحزب الوطنى
والحزب الوطنى هو مصر
اما باقى الشعب فمثلهم مثل قبائل التاهوتى الماغونى والامريكان الغادريين
شعب بيبى ممكن يلعب بالكبريت يحرق صوابعه
رعا الله الحزب الوطنى ورعاه على تحمل مشاكلنا وتوفير البامبرز واللبن والمراجيح لنا حتى نشب ونكبر ونستلم منه الرايه فى العنايه بأنفسنا
ورحت الانتخابات
ووقفت طابور طوووووووووووووووووووووويل
وانا مش فى دماغى اى حاجه عادى يعنى اصلا الحزب الواطى خلا حكايه الطوابير دى ميزه حياتنا وافيونه دماغنا
بصراحه تعبت من الطابور
قلت ارجع الظهر يكون الموضوع هادى يا عبد الهادى
لفيت على المدرسه الفكريه بفيصل ومدرسه السلام بالصباح ومدرسه تل القلزم بالاربعين ومدرسه احمد عرابى واحمد رمضان بالاربعين
ومدرسه فى زرب مش فاكره اسمها
كل المدارس للاسف الشديد كانت فول طابور
الدخول اربعه اربعه
وكل اربعه بيقعدوا اكتر من ربع ساعه ان لم يكن نصف ساعه
لقيت وسمعت تعليقات كتير من الناس
وخصوصا من لجان السيدات حيث لم تدخل احداهن لمقابله زعبله القله صول باشا امن الدوله
وكانت هناك تعليقات من لجان الرجال
واترككم الان مع اهم التعليقات رجالى وحريمى دون تدخل رقابى منى وارجوكم سامحونى على الالفاظ
- انهارده اجازه من المدارس والاولاد لوحدهم ايه الارف والزفت ده !!!
- انا اول مره فى حياتى اشوف تهريج زى ده
- والنبى مفيش ولا واحده دخلت من ساعه هما بيضحكوا علينا
- والله عارفينكم هتدونا على قفانا يا ظلمه يا ولاد الكلب
- على الطلاق انا راجل موهزق انى اجى للارف ده
- ملعون ابو مجلس الشعب على اللى عايز ينتخبه وانا اولهم
- ماتفتح الباب ياباشا علشان ندخل حرام عليكم كده
- انا رحت اربع مدارس مش لاقيه لجنتى انا هاروح واللى يموت يموت يلعن ابوهم كلهم
والان اعود بكم الى المدونه
الحزب الواطى صاحب البلد لعب اللعبه صح ( لعبه صياعه دوت كوم )
غير معظم اللجان فى معظم الدوائر
ومحطش الاسماء والكشوف خارج اللجنه كما هو متبع
بالتالى محدش قدر يوصل للاسماء
وكثيرين معرفوش لجانهم
وبالتالى الاقبال كان ضعيف
وبالتالى اربعه اربعه يدخلوا ( اظنهم بيستحموا جوه )
وبالتالى الكشوف تبقى بنضارتها
وبالتالى سود بقى ياباشا براحتك
البلد بلدنا
والكشوف من مطابعنا
واتللجنه من حدانا
والمراقبين اولادنا
والنقل والفرز تباعنا
والمرشحين بتوعنا
والقلم فى ايدينا
ومصر ام الدنيا فى عينينا
وسلم لى على المرحومه الديمقراطيه
واخيرا
العنوان ملعون ابو مجلس الشعب لا اقصد به مجلس حقيقى يعبر عن المصرى الحقيقى وياتى من انتخابات حره نزيهه يشترك فيها كل ابناء مصر الحقيقيين
بل هو لفظ سمعته ممن اتعبهم الخداع ومكر الحزب و اقصد به مجلس ياتى على الظلم والقهر والتسويد للاستمارات وعرقله واضطهاد الاخر
وحشتونى جدا جدا جداااااااااااااااا
وخبر الزواج حقيقى بس للاسف فى بعض المشاكل انهت الموضوع نهائى (فرحه ماتمت )
-

الثلاثاء، نوفمبر 10، 2009

ترزى الكتاب المقدس نص كم

قريت انهارده فى قناه الجزيره خبر فظيع جدا وشنيع جدا
الا وهو ان 2 بهايم من حاخامات المدعوقين اليهود نشروا كتاب يدعون فيه الى قتل كل من يعادى اسرائيل حتى لو كان طفل رضيع
يانهار اسود وملحوس
حتى لوكان طفل رضيع ؟؟؟؟؟؟؟؟؟؟؟
انا كنت كاتمه فى سرى وساكته على المصايب والمهازل والفضايح اللى شفتها فى الكتاب المقدس
مقدس مين يا عم ؟؟؟
انا بجد شفت بلاوى متلتله عند العالم البقر دول
الكتاب اللى بيسموه المقدس
بينقسم لقسمين
العهد القديم :- وده بتاع احفاد الجاموس الوحشى قاتل الاطفال الا وهم اليهود
والعهد الجديد :- وده بتاع المسيحيين ( ومش هو ده موضوعنا )
اما بقى العهد القديم فبينقسم الى 46 سفر كل سفر ينطح سفر
وتلاقى بقى السفر من بتوع زمااااااان اللى كله ورق كتييييييييير ده يعنى تقعد شهر بحاله تقرأ فى السفر
اول خمس اسفار يقول اهل العبط والهبل ان كاتبها هو سيدنا موسى عليه السلام وهى سفر التكوين وسفر الخروج وسفر الللاويين وسفر العدد وسفر التثنيه ولكن يا اخوتى الاعزاء لو عيل صغير فى الابتدائى شاف الكلام المكتوب مش هيقول ان الكاتب هو سيدنا موسى نهائى لان سفر الخروج بيتكلم عن موت سيدنا موسى وحزن اليهود عليه
انا مش عايزه ادخل فى تفاصيل اكتر لكن انا مستعده انى اكتب واكتب للصباح الباكر
وبعدين بيجى باقى الاسفار واللى هى عباره عن بلاغات حربيه وحكايات اغرب من حكايات الف ليله وليله وامنا الغوله طقطق الفوله
يعنى بالعربى كده كتاب للتسليه بدل ب نص جنيه لب
وبعدين بقى الواحد يقرأ الكتاب اللى مش مقدس ابدا ويصدر الطرشه لانه هيعرف ان الكاتب بيبيع الميه فى حاره السقايين
والاغرب من كده حكايات عمنا شمشون باشا الجبار
ههههههههههه
تخيلوا طلعت الحكايه من التوراه
وطلع عمنا شمشون بيضرب الف فلسطينى مره واحده وضربه واحده برجل حمار بيموتهم
شفتوا الهنا اللى احنا فيه
الف نفر وكل نفر بينطح نفر بيضربهم برجل حمار يموتهم .. متقولشى دى رجل حمار الصين العظيم طولها الاف الكيلو مترات
وبعدين هما بنفسهم فى التوراه وفى سفر التكوين بيعترفوا ان الفلسطنيين موجودين قبلهم

1وَقَالَ الرَّبُّ لأَبْرَامَ: «اذْهَبْ مِنْ أَرْضِكَ وَمِنْ عَشِيرَتِكَ وَمِنْ بَيْتِ أَبِيكَ إِلَى الأَرْضِ الَّتِي أُرِيكَ. 2فَأَجْعَلَكَ أُمَّةً عَظِيمَةً وَأُبَارِكَكَ وَأُعَظِّمَ اسْمَكَ، وَتَكُونَ بَرَكَةً. 3وَأُبَارِكُ مُبَارِكِيكَ، وَلاَعِنَكَ أَلْعَنُهُ. وَتَتَبَارَكُ فِيكَ جَمِيعُ قَبَائِلِ الأَرْضِ». الاصحاح الثانى عشر
وشوفوا بقى الحته دى وخلوا بالكم منها كويس

6وَاجْتَازَ أَبْرَامُ فِي الأَرْضِ إِلَى مَكَانِ شَكِيمَ إِلَى بَلُّوطَةِ مُورَةَ. وَكَانَ الْكَنْعَانِيُّونَ حِينَئِذٍ فِي الأَرْضِ. 7وَظَهَرَ الرَّبُّ لأَبْرَامَ وَقَالَ: «لِنَسْلِكَ أُعْطِي هذِهِ الأَرْضَ». فَبَنَى هُنَاكَ مَذْبَحًا لِلرَّبِّ الَّذِي ظَهَرَ لَهُ. 8 الاصحاح الثانى عشر
والكنعانيين هم الفلسطنيين يبقوا بأى حق بقى يقولوا احنا اصحاب الارض
وبعدين اشمعنا يعنى ربنا سبحانه وتعالى يغضب على الفلسطنيين اللى مخلقويين من ظفاره السمك ويحب اليهود اللى مخلوقيين من العسل النحل والقشده . ويقوم سبحانه وتعالى باخراج الكارت الاحمر للفلسطنيين وطردهم ويجيب بدل منهم الكتاكيت الحلويين الغلابه ابنا عمنا سام
ولاانا نسيت انهم بيقولوا ان حام ابن نوح ملعون لانه رأى عوره ابيه سيدنا نوح وهو نائم واللى ستر ابوه وغطاه بملايه من منتجات الصين الشعبيه عمنا سام
وطبعا حام ابو الملاعيين المصريين اللى طول خط التوراه عماليين يتشتموا ويتهزقوا من غير ولا سبب
وابو الفلسطنيين او الكنعانيين اللى بيموت الالف منهم برجل حمار
اما بقى شعب الله المختار من ابناء الولد الجدع الشهم سام . علشان كده عمنا نوح لما فاق من الخمره اللى كان مطرقعها واسكرته لغايه لما بانت خلفيته وشافوا حام ابو الملاعيين المصريين والفلسطنيين ووقف يتفرج وغطاه سام ابو اليهود . راح نوح عليه السلام دعا على حام انه يكون هو واولاده وذريته من بعده عبيد لسام ولاولاده وذريته من بعده
طبعا ده جنب البلاوى السوداء والمطينه بطين اللى لزقوها للانبياء من احتيال النبى يعقوب على ابوه اسحاق ليتولى زمام النبوه وقيامه بسرقه حماه ؛ مرورا بزنى يهوذا ابن يعقوب وجد المسيح عليه السلام بزوجه اولاده ؛ ثم زنى الملك دواد بزوجه الجندى المدافع عن تابوت الرب وقتله بواسطه نيران صديقه فى وسط المعركه وصولا الى كفر النبى سليمان الحكيم وعودته الى الجاهليه وعباده الاصنام فى اخر سنوات نبوته ؛ ثم زنى ابن سيدنا سليمان باخته ؛ ........... الخ
اااااااااه نسيت نشيد الانشاد ( وده لوحده بلوه مسيحه )
يعنى من الاخر كده كتاب اهبل وعبيط ومدسوس على سيدنا موسى عليه السلام الذى انزل الله عليه التوراه
وما هو مكتوب عندهم الان ويتعبدون فيه ليس بتوراه وليس بكتاب مقدس ولا يرتقى حتى لمستوى الصحف الصفراء
وفى الاخر
بيفتوا بقتل كل من يعادى البقر . قصدى اليهود
حتى ولو كان طفل رضيع
طيب يا هبل يا عبط
هيعادى ازاى الطفل الرضيع التوراه
هيطلع لها لسانه وهو بيرضع . ولا هيخطف منهم تابوت الرب ويعمله مرجيحه
ولا يمكن هو بيرضع لبن من صدر امه وهما بيرضوا زباله من خرافات وخرافات
فى النهايه وفى ختام كلامى احب ان اضيف انه فى الكتاب المقدس كلمات عن الحق والخير والامانه وهى كلمات مضيئه كلمات ربانيه جميله وهى مما انزل على سيدنا موسى اما باقى التوراه فكتبها ناس بودنين طوال ولجام علشان يضحكوا بيها على شعب معظمه فى ضلال الا قليلا مما يحبون السلام ويحفظون تعاليم موسى الحقه
اما باقى الشعب اليهودى فوصل بهم الكتاب المقدس الذى كتبه ترزى نص كم الى فتوى قتل كل من يعادى اليهود حتى ولو كان طفل رضيع

الخميس، أكتوبر 29، 2009

شيخ الازهر .. بطل الابطال

اولا ... معلشى استحملونى فى التأخير عنكم

ثانيا ... التدوينه دى مكتوبه من اول حادثه عمونا الكبير شيخ الازهر الشريف وكنت انتظر بفارغ دخولى للنت لكى افرغ ما فى صدرى وما اصابنى من تلك الحادثه المؤلمه

********

مبروك للبطل العالمى الكبير خليفه محمد على كلاى ومارتينا نافرتيلوفا ومحمود الرشيدى . مبروك للبطل الاسطوره عمونا الكبير محمد باشا سيد طنطاوى على فوزه الكبير والساحق على بنت صغيره عندها 13 سنه

عمونا الكبير شيخ الازهر بجلاله قدره وعظيم محياه عقد 3 مؤتمرات لكى يهزم البنت الصغيره واخرج بيانا ازهريا بمنع النقاب داخل الازهر الشريف

الله الله الله ياشيخنا

منتهى القوه والقدره والتمكن

اخواتى الاعزاء واخوانى الكرام انا مش منتقبه وهذا ليس بشرف

ولست ضد النقاب وهذا ليس هروبا ولكنى اخجل من الموقف المشين لرمز الاسلام فى مصر

للاسف الشديد وقع عمونا شيخ الازهر فى اخطاء كثيره اقل خطاء فيها يستاهل كارت احمر

اولا :- لم نسمع مطلقا عن تعالى رسول الله صلى الله عليه وسلم على احد من المسلمين صغيرا كان او كبيرا شيخا او امراه .. فكيف يتعالى عمونا المحترم شيخ الازهر على الطفله ويقول لها انا افهم فى الدين احسن من اللى خلفوكى

.

دى اول غلطه وتستاهل كارت احمر

.

ثانيا :- كيف يجبر شيخ الازهر فتاه على ان تخلع النقاب فى الفصل ؟ هى دى مش انسانه وليها كرامه ؟؟

عمونا شيخ الازهر لو درس علم النفس ولو درس علم الاخلاق ولو درس علم الحضاره والتحضر لاستطاع بكل سهوله ان ياخذ الفتاه الى مكتب منفرد بصحبه احدى المدرسات واستطاع ان يقنعها بما يريد قوله او على الاقل يطلب منها احضار ولى امرها ويقول له ما يريد

.

وده يستاهل عليه كارت احمر

.

ثالثا :- عمونا المحترم شيخ الازهر بيقول للبنت بعد ما خلعت النقاب ... امال لو كنتى حلوه كنتى عملتى ايه ؟؟؟

ودى القشه اللى قصمت ضهرى وضهر اللى جابونا للدنيا دى علشان اشوف رمز الدين الاسلامى فى مصر بيعيب فى خلق الله

عمونا الكبير نسى او تناسى ان الله سبحانه وتعالى هو الخالق المصور ..عمونا نسى ان دى خلقه ربنا .. عمونا نسى انه بيكلم انسانه ... عمونا نسى ان البنت او المرأه عموما تغار على جمالها ونسى ان تعليقه البذئ ده ممكن يصيب البنت بحاله نفسيه تؤدى بها وخصوصا ان كلامه الجارح الغير مهذب كان على مسمع من ناس كتير

.

وده يستاهل عليه كارت احمر
.

رابعا :- كلام عمونا الكبير مع احدى الصحفيات بعد المؤتمر الصحفى العيالى واستهزاءه بها وبأطلاعها
.

برضه يستاهل عليه كارت احمر
.

*********

اخوانى الاعزاء

اخواتى العزيزات

بعد كل الكروت الحمر تلك

أأمل

وارجو

واتمنى ان يذهب الشيخ محمد سيد طنطاوى الى العزبه لينام ويستريح ويربيله كام فرخه بلدى ينفعوه فى ايام انفلوانزا الطيور

الأحد، أكتوبر 04، 2009

اللهم انصر المجاهدين فى المدارس

اصدر الحاكم بأمره وزير التربيه والتعليم الدكتور\ يسرى الجمل قرارا اكاديميا ببدء العام الدراسى رغم انف الخنازير
كما اشترك فى القرار الاكاديمى النابغه الكبير واجهه مصر المشرفه والحاصل على المرتبه الثانيه على مستوى العالم فى انتشار انفلوانزا الطيور وزير الصحه المصرى حاتم الجبلى
ونحن نتوجه للسيد وزير الصحه بخالص الشكر والتحيه على المركز الثانى العالمى وهو المركز البعيد المنال عنا فى اى مسابقه رياضيه او ثقافيه او علميه او حتى لوغارتميه .. ولكننا حصلنا عليها بفضل متابعه وزاره الصحه الدقيقه لمرض انفلوانزا الطيور وتأكيدها المستمر لنا ان ((((( الوضع مستقر )))))
واما هذا الوضع المستقر
وامام تفاؤل الساده الوزراء
وامام انتظار اولياء الامور
وامام انسياق الضحايا للمذابح
لا نملك الا ان نقول
اللهم انصر الاطفال المجاهدين فى المدارس الحكوميه
ومن اجل وقفه حياديه على عتبه الاحداث (( حلوه عتبه الاحداث دى )) احب ان اقول ان الوضع بالنسبه للساده الوزراء شائك وصعب وكان الله فى عونهم
ورغم تاكيدات الاطباء بأن الفيروس الحالى ضعيف وان الخطر من تحوره نتيجه انتقاله من شخص لاخر وذلك لاكتساب الفيروس ملامح الخلايا الداخليه للشخص المصاب وان عمل الفيروس على عده اشخاص يكسبه تحور ربما يكون هو الخطير فى حد ذاته
الا
وما ادراك ما الا
الا ان الخوف من احتلال مصر بقياده وزاره الصحه مرتبه متقدمه فى انتشار المرض عالميا كما عودتنا الوزاره الرشيده على احتلال المراكز المتميزه فى عالم الاوبئه والخوف كل الخوف الا ترضى الوزاره فى تلك المره بالمركز الثانى .وتحاول ان تجتهد من اجل احتلال المركز الاول والفوز بالميداليه الذهبيه لرفع اسم مصر عاليا
ومن ناحيتى انا ... انا كنت مشتته الافكار .. هل التأجيل افضل ؟؟؟ هل الغاء المدارس افضل ؟؟؟ هل التقسيم لثلاثه ايام افضل ؟؟؟؟
ولم اجد فى داخلى اى اجابه
فكل الاختيارات خطيره وصعبه للغايه .. واخطرها هو ما اتخذه وزير التربيه والتعليم
ان سياسه الثلاثه ايام دراسه .. يوم دراسه ويوم اجازه ..سياسه فاشله وستثبت الايام فشلها الذريع
مره اخرى ادعو لاطفالنا المجاهدين فى المدارس بالنصر

الثلاثاء، سبتمبر 22، 2009

محافظ السويس ..هبل فردى ام عبط جماعى ؟؟

اولا .. كل عام وانتم بخير بمناسبه عيد الفطر المبارك
ثانيا .. انا اعترف واقر انى بعيده تماما عنكم . ولكن ساعات كده حاجه تيجى تدعك الفانوس المصدى بتاعى فيخرج عفركوش ابن برطقوش ويجبرنى على كتابه تدوينه
**********
واللى دعك الفانوس المره دى .. هبل وعبط محافظ السويس .. السيد اللواء العسكرى الديكتا طور ..سيف الدين جلال

والراجل ده بصراحه مش محبوب نهائى من اهالى مدينه السويس .. الا انه ورثها من سنين طويله رغم دعاء الاغلبيه العظمى من الاهالى من اجل رحيله عن المدينه ..ولكن يبدو ان معظم الناس لا يدعون وهم طاهرون .. فالسيد الجنرال اللواء اركان حرب ديكتا طور عصره واوانه قاعد على تلها ومربع كمان
الحكايه ايه ؟
اقولكم
قرار سيادى من سيد قراره محافظ السويس بعدم اقامه سوق العيد بالمحافظه خوفا من انفلوانزا الخنازير
ههههههههههههههههه والف ههههههههههههههههه
شوفوا الهبل والعبط ...
اولا.... قد يكون السيد اللواء محق اذا كان المرض منتشر
وثانيا .. قد يكون السيد اللواء محق لو استطاع منع جميع مظاهر التجمع بالمحافظه
ولكن
وما ادراك ما لكن
بعد ايام قليله ستنطلق بطوله كأس العالم للشباب وستتشرف محافظه السويس بلعب 6 مباريات على ارضها
والسؤال هنا
تقدر يا سياده المحافظ ان تمنع اقامه البطوله والتجمع الجماهيرى المنتظر فى المدينه ؟؟؟؟
والمصيبه الكبرى يا ساده
ان السيد الهمام العسكرى سيف الدين جلال منع اقامه سوق العيد فاضطر الاهالى تحت الحاح اطفالهم وبكائهم ان يذهبوا الى حديقه مبارك التى كانت تذكره الدخول فيها ب 1 جنيه واصبحت ب 3 جنيه
والمشكله انها اصبحت ذات زحام شديد جدا فاق سوق العيد باضعاف
هههههههه
عملت ايه بقى يا محافظ عصرك واوانك عملت ايه يا شمشون الجبار؟؟؟؟؟؟
منعت ابو بلاش
وسيبت ابناء المحافظه لتحكم الحديقه الخاصه

ههههههههههههههه
والله والله والله سمعت دعاء الاطفال الصغار بودانى عليك يا محافظ السويس
الاطفال مش حاسيين بالعيد منك لله
طيب يا سياده المحافظ تقدر تنمع الزحام الشديد الموجود بالميكروباص ؟؟؟
تقدر تنمع الزحام الموجود فى افران العيش البلدى ؟؟؟
تقدر تمنع الزحام الموجود داخل الاسواق ؟؟؟؟
تقدر تمنع الزحام الموجود داخل المصالح الحكوميه ومكاتب صرف المعاشات والبنوك ؟؟؟؟
تقدر تمنع القهاوى والتجمعات الموجوده فيها ؟؟؟
تقدر تمنع الافراح فى النوادى والشوارع ؟؟؟؟
وعلى مستوى الجمهوريه
تقدروا تمنعوا الزحام فى مترو الانفاق ؟؟؟
تقدروا تمنعوا الزحام فى اتوبيسات النقل العام ووسائل النقل الاخرى ؟؟؟
تقدروا تمنعوا الدورى والكاس ؟؟؟
**************

السيد اللواء محافظ السويس

تحيه غير طيبه لشخصك الغير كريم
اذا دعتك قدرتك على ظلم الناس فتذكر قدره الله عليك
وانا كنت اول من سيكون معك بكل قلبى لو كنت منعت سوق العيد ومنعت كل مظاهر التجمع سالفه الذكر

اما ان تتشطر على الاطفال !!!!!!!!!!!!!!!!!!!!
فمعلشى بقى
مش هاقولك غير كلمه واحده
هيقعدلك فى عيالك واحفادك


ملحوظه هامه جداااااااااااا
*********
هذه التدوينه كتبت بدموع الاف الاطفال الذين ينتظرون العيد بفارغ الصبر من السنه للسنه فاخرس السيد اللواء البهجه فى صدورهم

الأحد، سبتمبر 28، 2008

عن الحرايق ........سألونى


اخواتى المدونات واخوانى المدونين

100 مساء على احلى عيون كويسه

اول كلامى

كل سنه وانتم جميعا بخير
واشكر بشده كل من سأل عنى فى فتره بياتى الرمضانى

تانى كلامى

بمناسبه دخول مصر الحزام الحرايقى بدلا من حزام الزلازل البراكين والعياذ بالله
اود ان اتوجه الى الاخوه المواطنين بضروره شراء مسدس ميه
ايوه مسدس ميه
مفروض كل مواطن ومواطنه يكون معاه مسدس ميه لان تراثنا فى الباى باى.... كله عليه عين الكهرباء
واخوانا بتوع المطافى غلابه ومساكين مش بيعرفوا يطفوا الحرايق ...يبقى مفيش الا اننا نطفى الحريق بانفسنا
انا من بكره هاشترى مسدس ميه ..ولا ادور على مسدس ميدو ابن اختى واشيله معايا وده كله فى حب مصر
ولا ندور على القربه بتاعه السقا بتاع زمان وكل مواطن يشيل قربه مليانه ميه
واوعوا حد يشيل قربه مخرومه
انا يا اخوانى مش عارفه ايه حكايه الحرايق دى وسمعت كلام كتير عن ماس كهربى وانفجار لوحه كهرباء وغيره وغيره
وكمان ناس بتقول الحرايق ده عامدا متعمدا فى العمدان
انا بقى بقول لا
احنا مش بنفكر بعقلانيه .... الاكل المسرطن بوظ صواميل نفافيخ نافوخنا ( من فعل نفيخه )
منك لله يا والى جزيره اليوسفى سرطنتنا وسرطنت نافوخ انفوخنا
عارفين مين السبب
اقولكم
يقال والعهده على الراوى
ان ولد واخته فى احدى محافظات المحروسه ...كانوا بيتفرجوا على كرتون الاطفال ...وكانوا بيشربوا شاى بلبن ... الولد والبنت اتخانقوا على الكوبايه الكبيره
كلمه منه ...كلمه منها ...شخطه منه ...رفصه منها ....هوووووووووووووب
خبطوا التليفزيون بالكرسى ...كسروا الشاشه
وكانت اللقطه على التنين وهو بينفخ نار
طبعا صاحبنا التنين ماصدق الشاشه اتكسرت وبلغ فرار
هرب التنين من التليفزيون
وداير دلوقتى على حل شعره ينفخ النار فى المبانى الحكوميه
الظاهر كده ان التنين ..مش بيحب الحكومه الرشيده ام رشيد
بس
هى دى مصر يا عبله
وهى دى الحكايه
التنين ده يا اخوانى داير على حل شعرياته
ومحدش هيقدر يلمه
هنطلع نحاربه بالشتيمه مش هنعرف ولا هنقدر
هنطلع نحاربه بالطوب مش هنعرف ولا هنقدر
هنطلع نحاربه بالمطاوى مش هنعرف ولا هنقدر
عارفين ازاى نحارب التنين
بدماغنا
لازم نفكر نوقف التنين ده ازاى
مصر كلها هتولع
احنا دخلنا فى حزام الحرايق يا بشر
وربنا يستر

ملحوظه
********
وحشتونى جدا جدا
وارجوكم الحاضر يبلغ الغايب سلامى وتهنئتى بعيد الفطر
وكل عام وانتم جميعا بخير

السبت، أغسطس 16، 2008

كل عام وانتم بخير

طبعا من المستحيل ان نكون فى عطر تلك الايام الكريمه ويفوتنى ان اكون بين قلبوكم
فنحن سويا بين قلوب بعضنا لا بين العقول فقط
ادعو الله ان بلغنى ويبلغكم والامه الاسلاميه شهر رمضان بالخير واليمن والبركات
انتظرونى فسوف اكون معكم بعد رمضان باذن الله
مع تحياتى لكم جميعا
اختكم
الشقيه
المكسوره
فقيده ام دبوه

فرنسا هانم


الاثنين، يونيو 16، 2008

اخر نظافه..... بهدلنا نظافه


اخوانى المدونين واخواتى المدونات
اعذرونى لعدم استطاعتى زياراتكم فى الوقت الحالى
ويسعدنى تلقى تدويناتكم الباسمه الضاحكه على اميلى
وذلك لنشرها فى المدونه الضاحكه
فرنسا والرايق

يقال والعهده على الراوى

انه فى كوكب المشترى ومننذ حوالى ملايين الثوانى راى ملك دوله الحضاره والتقدم ان شعبه الغلبان بيتجراء وبيشترى لبان ...وكان الملك قلبه على شعبه انفطر وقلب شعبه عليه حجر ..فقرر الملك يعمل عمليه نظافه للشعب ..فاخد العجله بتاعه فرنسا هانم وفتح على الرابع وطلع لكوكب زحل وقعد مع نفسه يفكر ....تعمل ايه يا عبد الرحيم ؟؟؟ ...تعمل ايه يا عبد الرحيم ؟؟؟. .تعمل ايه يا عبد الرحيم ؟؟؟..
وفجاءه نطت فى ادمغه الملك فكره عبقريه ...النظافه من الايمان ..فعلا النظافه سر الحياه
قام الملك اخد العجله ورجع كوكب المشترى مره تانيه ..ورمى العجله قدام بيت فرنسا بعد ما بهدلها ووقع الجنزير ..اصله مبيعرفشى يسوق عجل
المهم
الملك عين رئيس مجلس وز وبط اسمه احمد اخر نظافه ...وقاله شوف بقى يا حماده ..الشعب بتاعى دلوقتى بقى معاه فلوس ..وانا خايف عليه لحسن الفلوس تجرى فى ايديه وتبوظه ..ممكن يروح الشعب يلعب فى السايبر جيمز ..ولا ممكن يشترى سجاير ..ولا ممكن يدخل السيما ..ولا ممكن يشرب مخدرات ويبوظ ..علشان كده انا عينتك تنظف الشعب
عمنا ابو حميد مكدبشى خبر
وفى كام سنه كان مخلى الشعب يلمع ..( والقطنه مبتكدبشى ) وبقى الشعب الملعون بعد ما كان بيدور على الترفيه ..بقى دلوقتى بيدور على رغيف العيش
وفى يوم من الايام
وعمنا اخر نظافه قاعد على البحر بيلعب رفه مع صحابه.....لقى علبه على شكل جعران بتعوم فى الميه ..شكل العلبه عجابته ..قام نادى على واحد من مجلس الوز والبط وقاله روح هاتلى الجعران ده
وفعلا عمنا العوام راح جاب الجعران
وفتح عمنا اخر نظافه الجعران ...وفجاءه طلع منه دخااااااااااااااااااااااااان كتييييييييييييييير وفى لحظه بقى الدخان مارد كبير وله عضلات ولا عضلات شتيفى جراف ..ومارتينا نافرتيلوفا...
.وضحك المارد وقال
هههههههههههههههههههههه
ههههههههههههههههههههه

شبيك لبيك عبدك وملك ايديك ..انا جيت احقق لك عشر امنيات

اخر نظافه :- امنيات مين يا ولد احنا ناقصين لعب عيال وحلق حوش ...اجرى يلا العب بعيد

المارد :- لا ارجوك لو محققتش ليك امنياتك هتحرق ارجوك يا عمى اطلب منى الله يباركلك ..خلى قلبك رحيم ..انت معندكشى عفاريت صغيره

اخر نظافه :- طيب مش اقدر اعرف انت تقدر تعمل ايه الاول ؟

المارد :- انا اقدر اجيبلك ثروه كبيره زى مانتا عاوز

اخر نظافه :- فلوس ؟؟؟؟؟؟؟؟...ههههههههههههههه........يا بنى الفلوس معانا بالعبيطه دا احنا من كترها بقينا نكره شكلها ..ده احنا بنمشى نتكعبل فيها فى كل حته...روح اجرى يا شاطر العب بعيد

المارد :- لا والنبى يا عم ..وحياه ابوك ...ورحمه الميتين لك ...والنبى علشان خاطرى

اخر نظافه :- طيب تقدر تعمل ايه تانى ؟؟؟؟؟
المارد :- انا ممكن اديلك العصايه السحريه تخليها فى ايدك الشعب يبقى تحت طوعك

اخر نظافه :-يا بنى انت عبيط ؟؟؟؟ كده كده الشعب تحت طوعى ...هو حد بيقدر يكح فى اليوم اكتر من 3 كحات
كحه الصبح وكحه العصر وكحه بالليل واللى يكح الرابعه لازم يجيب شهاده بالرقم القومى من مستشفى الصدر انه مريض والا هيروح النار
انت يا ولد يا مارد
انا بصراحه كده زهقت منك واصغر واحد من اعوانى برقبتك ويقدر يعكل اللى تعمله انت واكتر

المارد :- يعنى هتجيب قدره البشر لقدره الجن ؟؟؟؟

اخر نظافه :- يابنى هو احنا اصلا بشر عادى ...دا احنا اللى ضربنا الهواء فوتومين ..ولاعبنا الفيل جمباز ...وعملنا النار المتلجه

المارد :- طيب والنبى ابوس ايدك اطلب اى حاجه ..احنا برضه الجن لينا قيمتنا ولينا هيبتنا ..ويستحيل يقدر علينا البشر

اخر نظافه :- طيب انا عندى فكره ...شاور انت بايدك على اى واحد من الاعوان دول ..ونعمل بينك وبينه مسابقه ولو كسبت هاطلب منك العشر طلبات .ولو خسرت هاسيبك تولع

المارد :- ماشى انا هاختار اللى قاعد هناك لوحده ده

اخر نظافه :- ماشى ..وادى 10 جنيه ليك و 10 جنيه ليه ..كل واحد يا خد ال 10 ويروح يشترى لى سجاير ويجى
وقدامكم ساعتين من دلوقتى

ورجع المارد والمنافس له من البشر النظافى بعد ساعتين .....ولأن المارد وصل قبله بدقيقه اتقدم هو الاول

المارد :- اتفضل ادى كرتونه فيها عشرين قاروصه سجاير وكرتونه فيها عشرين قاروصه كبريت وادى ال 10 جنيه بتاعتك سليمه زى ماهى

اخر نظافه :- طيب عملت كده ازاى وجبت السجاير دى كلها ازاى ؟؟؟؟؟؟

المارد :- ههههههههههههههههههه
هههههههههههههههههه
ده شغلى انا بقى وسر المهنه ..يلا بقى نشوف صاحبك جايب ايه

اخر نظافه :- ايه يا حسان شكلك كده هتفضحنا مع العفاريت والجن ...جاى ايد وراء وايد قدام ولا حتى معاك علبه سجاير واحده

حسان :- بصراحه يا بيج بوص ..انا مجبتش معايا سجاير خالص وكمان العشره جنيه طارت منى

المارد :- هههههههههههههههههههههههه
هههههههههههههههههههههههه

مش قولت لك الانسان عمر ما يقدر على الجن ابدا

حسان :- ده لو كان من الناس العاديين لكن اعوان اخر نظافه ما يقدر عليهم الا الله ..احنا لا يهمنا مارد ولا حتى السبع موارد ..انا لسه مخلصتش كلامى ...اتفضل يا بيج بوص عقد شركه بينك وبين صاحب مصانع السجاير ذات نفسه ممضى ومختوم ومتسجل فى الشهر العقارى هو النص وانت النص ..وكله من العشره جنيه

السبت، يونيو 07، 2008

قانون طارق بيه

اخوانى الاعزاء
اسمحوا لى ان اقوم بتنزيل هذه التدوينه بعد ان قمت بحفظها فور نزولها يوم السبت الماضى
وذلك بناء على طلب اخى العزيز ابو خالد
**********

ولما كانت الليله الثانيه ...قالت ام وحيد لزوجها فريد
بلغنى ايها الزوج العنيد صاحب الرأى السديد والعمر المديد
ان الوزير قحطان خرب وردستان وخلاها قاعده على الحيطان ...وفضل يقربع بانجو من النوع التعبان
لغايه لما الشعب نافوخه طق ...وهاج وماج وخرج من الشق ...وبقى يعرف يقول لأ

الملك فيحان :- انت ياض يا جلجل ...جلججججججججججججل ..يا جلجل

جلجل :- شبيك لبيك يا ابهه ...جلجل ملك ايديك ....مالك الناموس مقرصك ولا ايه ؟؟؟؟

الملك فيحان :- ناموس مين يلا ..عمك الملك فيحان يهمه الناموس ...انا طول عمرى قاضى عليه بالبخاخه كانى مانى الامريكانى ...انا اللى شاغل مخى ومطير النوم من عينى الشعب

جلجل :- والله يا ابهه انا كنت عايز اخبى عليك لكن طالما انت عرفت خلاص انا مش هاقدر اخبى تانى

الملك فيحان : تخبى ايه يا جلجل الشعب مات ؟؟؟

جلجل :- لا يا حلاوه الشعب لسه مامتشى .....لكن الشعب هايج

الملك فيحان :- الشعب ايه يا خويا ؟؟؟...هايج ؟؟؟؟...هههههههه ....بقى شعب وردستان هايج ؟؟؟ ...طيب وايه اللى مهيج الشعب امال ؟؟؟

جلجل :- الشعب مش عايزنا نمد قانون طارق بيه

الملك فيحان :- الشعب مش عايزنا نمد ايه ؟؟؟؟ ...بقى الشعب دلوقتى يعرف ايه اللى يتمد وايه اللى ميتمدش ...فين الوزير قحطان ؟؟؟؟

جلجل :- ولا يا طاطا ...انت ياض يا طاطا ....تعالى كلم المعلم فيحان

قحطان :- ماما زمانها جايه جايه بعد شويه جايبه لعب وحاجات ...جايبه معاها شنطه فيها عجله وبطه بتقول ماء ماء ماء

الملك فيحان :- ايه ياولد يا قحطان ...ماتفوق لى شويه وحياه ابوك

قحطان :- مين المعلم فيحوحتى ؟؟؟...ازيك يا معلمه ....ازيك يا جلجولتى ...انتوا واقفين فى الشارع ليه ماتطلعوا فوق ...برضه ميصحش تقفوا كده فى الشارع

الملك فيحان : شارع مين يا قحطان فوق واسمعنى كويس ..احنا هنا مش فى الشارع ..احنا فى القصر يا يلا ...فوق احسن لك

قحطان :- هو احنا فى القصر ...مين اللى شالنا وجابنا هنا ...طيب يلا نروح بقى

الملك فيحان : - اعمل حاجه يا جلجل حاول تفوقه

جلجل :- قحطوحتى ..انت ياض ...الشعب هايج ومكسر الدنيا على قانون طارق بيه ..والمعلم فيحان عايزك تتصرف

قحطان :- هههههههه ....شعب مين يابا ...وطارق مين ؟؟؟؟....انا مستنى الواد شيشه يجبلى البانجو بتاعى .انا مش لاعب معاكوا ...انتوا وحشين انتوا عايزين تخطفونى

الملك فيحان :- سيبك منه يا جلجل وقلى نعمل ايه ؟؟؟؟؟؟؟

جلجل :- هو حضرتك مش كنت بتقول ان الشعب مطير النوم من عينك يبقى اكيد فكرت فى حاجه ..قولى انت فكرت فى ايه ؟؟؟

الملك فيحان :- فكره مين يا عم هو انا كنت بفكر فى كده اصلا ...انا كنت بفكر كلمه الشعب بالانجليزى بتتكتب العين ازاى ؟؟؟

جلجل :- وبعدين يا هندسه ..هنعمل ايه يا معلم

الملك فيحان :- شوف يا جلجل ...مد الاتنين ...مد قانون طارق بيه ...ومد الشعب كمان

جلجل :- مش فاهم يا عسل قولى انا دماغى هنجت

الملك فيحان :- شوف يابنى تمد قانون طارق بيه براحتك سنه سنتين اربعه ..ولو الشعب اتكلم تمده على رجليه فى وسط الطابور

جلجل :- فى حاجه تانيه يا معلم

الملك فيحان :- ايه تانى يا جلجل عايز انام بقالى دراع ونص مانمتش

جلجل :- الشعب كله هايج على اخونا معز بتاع القصب وبيقولوا انه احتكر القصب لحسابه ومحدش عارف يوقف فى وشه والناس زعلانه

الملك فيحان : - لالالالالالالالالالالالالالالالالالالالالا
الا معز والا القصب
هو يابنى معز ده يملك حاجه مش كله من دقنه وافتله ويا بخت من نفع واستنفع

الأربعاء، يونيو 04، 2008

فرنسا فى العش ولا طارت ؟؟؟؟؟

اسفه جدا
********
لقد قمت بنشر تدوينه منذ ساعات
.
بعنوان قانون طارق بيه
.
ولكنى اكتشفت من خلال تعليقات اخى الكريم
.
ابو خالد
.
ان انسانه عزيزه عليه
.
من الطراز الاول تعانى من سكرات الموت

ولان التدوينه كانت ضاحكه ساخره
.

فقمت بحفظ التدوينه
.
وارجوا منكم جميعا
.
ان تتوجهوا الى الله وتدعوا لها
.
انا لا احسن الدعاء المحفوظ
.
ولكنى سادعى لها من قلبى
.
يارب ارحمها وخفف عنها الالام
.
واشفها يا رب العالمين
.
اخوانى الاعزاء
.
يجب ان نقف بجانب الاب والاخ
.
ابو خالد




تحديث
************
تم بحمد الله عمل المدونه الجديده

فرنسا والرايق

منتظره رأيكم فيها

ملحوظه مهمه
*********

لو اى مدون محب للكتابه الساخره والكوميديا بانوعها يحب يشارك معانا انا تحت امره بس ياريت اللى يبعت حاجه تكون جديده يعنى لم تنشر فى مدونته
*****************


اخوانى المدونين واخواتى المدونات
وحشتووووووووووووووووووووونى جدا جدا
انتوا عارفين الهبله العبيطه ام بدوى ؟؟؟؟
احب اعرفكم بنفسى ...الهبله العبيطه ام بدوى
الحكايه انى رجعت من المستشفى طازه بنار الفرن وايدى وعقلى ودماغى بياكلونى على الكمبيوتر ...اقول لنفسى اصبرى يابت يا فرنسا انتى لسه عامله العمليه اهدى فى نفسى ..وفعلا قدرت اتغلب على نفسى وقدرت اهزم نفسى بلمس الاكتاف واجبنى الارض ...وفضلت متغلبه على نفسى لمده ساعه وربع
لكن الظاهر ان الحكم مكانشى لسه ضرب الجرس والمباراه لسه مكانتشى خلصت ...راحت نفسى قايمه من تحتى وعملت معايا حركه من بتوع الواد بروسلى وراحت رميانى فى الهواء شاشى وانت متدراشى
اول ما اخواتى مشيوا لقيت نفسى بجرى على الكمبيوتر وافتحه وكتبت ليكم التدوينه اللى بعد خروجى من المستشفى ... ومأكتفيتشى بكده لأ قعدت متابعه معاكم كام يوم ....لغايه لما وقعت الفاس فى الراس ..وبقيت مش عارفه اتحرك ...كل مسكنات الصيدليه والصيدليه اللى جنبها والصيدليه اللى وراها وكل صيدليات السويس وقفوا يطلعوا لى لسانهم ويقولولى اشربى بقى يا فالحه
اقولهم انا عامله دايت مش هاشرب يقولولى انتى اللى جبتيه لنفسك
عارفين طبعا المذكور مسبقا ميدو ابن اختى ..راح متصل بأخواتى وفى دقايق الكل بقى عندى
وانا عامله نفسى البطله زينا اللى كانت مع هرقليز وكاتمه اهاتى والمى ...لكن الالم كان اشد منى
اتصل اخواتى بالدكتور على عمنا المحمول باشا فلته العصر وحكوا له الحكايه بالظبط
قالهم هى بتتحرك كتير ؟؟؟؟؟؟؟
شاور المذكور اعلاه ميدو على الكمبيوتر لاخوايا ....راح اخويا قال للدكتور بتقعد على الكمبيوتر
انا سمعت صرخه الدكتور بجد ...لان اخويا كان فاتح الصوت
الدكتور بعد الصرخه لابس حرير فى حرير ...والست مرجانه عملالى عيانه
الدكتور قالهم لو مبعدتوش الجهاز عنها اسبوعين على الاقل مش هتمشى على رجلها تانى ...وانا قلت لكم وانتوا اعملوا اللى عايزينه
عملوا مناحه
وعملوا لى صوان قبل ما اموت
وقرر الجنرال اخوايا الكبير قرار جمهورى باخذ الكيسه بتاعه الجهاز عنده البيت
طبعا فرنسا مش صيد سهل
لأ انا برضه ليا كلمتى
لكن لان جزورنا اصلها صعيديه فبنحب نحسس الرجل ان كلمته هى اللى ماشيه
وطبعا ده اخويا الكبير بس هو عارف مين فرنسا ...قام مسك ايدى وقالى انا عايزك تمشى على رجلك تانى ياختى ..اسمحيلى اخد الكيسه
انا بجد صعب عليا وعيطت جامد ...مش عيطت من الموقف لأ انا عيطت علشان اخويا اندمج وداس بايده على الكلونه اللى مربوطه فى دراعى
قلت لهم خلاص بكره خدوها
وفعلا كتبت لكم التدوينه الماضيه
وبعدين انا كان عندى كياس بالهبل
كل اللى جاى جايب زياره فى كيسه والسكر فى كيسه وكل حاجه فى كيسه
بس مجاتنيش فرصه اخد كيسه واركبها على الجهاز
ههههههههههههه
انهارده جابوا الكيسه بعد سماح الدكتور ليا بالحركه البسيطه
فانا معاكوا من انهارده ان شاء الله
بس رجاء
وسامحونى فى الرجاء ده
انا هتواصل معاكم فى المدونه وفى التعليقات لكن هاقصر شويه من ناحيه زيارتكم
لكن برضه هحاول ازوركم كلكم
وحتى لو للسلام

فى ملحوظه مهمه جدا

عندى ليكم خبر مهم جدا
فى فتره ما قبل العمليه بشهر ارسل لى الرايق رساله على الاميل يدعونى الى عمل مدونه مشتركه معه وكانت فكرته عمل مدونه تحكى مواقف كوميديه او قصص قصيره كوميديه وارسل لى بعض الافكار الجميله
وارسلت له اميل بالموافقه والفكره دى انا كنت هاعرضها على سوووووو ولكن مش عارفه معرضتهاش ليه واول ما عرضها على الرايق وافقت وفعلا كتبنا ثلاث حلقات ولكن توقفت حتى عن ارسال اى ايميلات للرايق قبل العمليه باسبوع ولم ارد على ايميلاته لانى كنت اخاف الا اعود مره اخرى وحتى انى لم اخبره باى شىء عن العمليه وانا بعتذر لكم جميعا انى لم اخبركم وخصوصا ابو خالد لانه زعل جدا لانى لم اخبره
وسوف اقوم بعمل المدونه والبدء فى ارسال الثلاث حلقات وارجوا من الرايق البدء او العوده للكتابه ولو عنده حلقات جاهزه يبعتها على الاميل بتاعى ...علشان كده ان كنت كتبت ان الرايق توأم قلمى

وملحوظه اخيره برضه مهمه جدا جدا

اخوانى واخواتى اللى سألوا عليا فى فتره غيابى اشكركم جدا
ومش هاذكر اسماء ولكن انا لقيت تعليقات مكرره يوميا من ناس كانت بتدخل المدونه وهم على امل انهم يلاقونى ولغايه انهارده بيدخلوا الناس دى ايه ؟؟؟؟؟؟؟؟؟؟؟؟؟؟
صدقونى الناس دول ملايكه
صدقونى الناس دول اهلى
صدقونى انا بحبكم جدا جدا
صدقونى انا هاعيط
محدش معاه منديل ورق ؟؟؟؟؟؟؟؟؟؟؟؟؟؟

الأربعاء، مايو 21، 2008

انها حقا عائله محترمه

اخوانى واخواتى الاعزاء
بصراحه انا مش عايزه اقطع الحفله الجميله اللى انتوا عاملينها والالتفاف المذهل حول مدونتكم ( ليس مدونتى انا ) ولكن اسمحوا لى لو فعلا بتحبوا اختكم فرنسا استأذنكم فى اجازه مرضيه واوعدكم بانها لن تطول انشاء الله ..لانى بصراحه مش قادره اتابع معاكم ..وكمان مش قادره اكتب براحتى ..انتم لا تعلمون كيف اكتب الان كما انها تعليمات الدكتور
دكتور بنى ادمين يا رايق مش دكتور قطط
كنت اود ان ارد على تعليقاتكم تعليق تعليق كعادتى دائما ولكن يعلم الله انى لا استطيع

واسمحوا لى ان اشكركم جميعا
واشكر اخى الكريم سكــر الذى كانوا ينوى القيام بغزوه للسويس للبحث عنى
واشكر اختى appy على شعورها الجميل واستعدادها للمجىء الى السويس ايضا
واشكر اجدع بت خيخة وأى كلام وهى مش خيخه لا ده ست بمليوم راجل
واشكر اخى وتؤام قلمى اللى عمرى ما هازعل منه ابدا عبده الرايق على مجهوده فى محاوله اضحاكى
واشكر الاخ الفاضل محمود رئيس جمهوريه نفسى على قيامه باضراب حتى عودتى
واشكر اختى الرائعه حنين القلب على لهفتها على حبيبتها فرنسا
واشكر اختى كاميليا على شعورها وعلى ما قامت به تجاهى واستعدادها للاضراب عن التدوين ايضا
واشكر اخى الكريم محمد فوزي على مجهوده الكبير فى البحث عن معلومات تخصنى ( واحب اقول له اوعى تنسى الحمله )
واشكر اختى الرائعهBella على اهتمامها الكبير على اختها فرنسا
واشكر اختى رودى احلى بنوته مصرية على اهتمامها المستمر وخوفها عليا
واشكر اختى الرائعه ام البنات على احساسها المرهف تجاه اختها فرنسا
واشكر البنت الرائعهSally اللى حبيتها من كل قلبى
واشكر الوزه الجميله وزتى عزه انين الحزن واقولها الف مبروك
واشكر الجميله الضاحكه الرائعه واحدة مفروسة واقولها بقيوا 2 مفروسين
واشكر اختى فى الكويت Nsreen Bsunee على كل ما قامت به لى
واشكر اختى الغاليه mayada على دوام السؤال عنى
واشكر اخى الكريم الفاتح الجعفري على كل شىء جميل فكم هو جميل فعلا
واشكر بنتى الجميله shayma على شعورها تجاه خالتها اللى بتحبها فرنسا
واشكر الننوس الكبير حبيبتى الغاليه قوى Salwa واعضو الدائم فى عائلتى الالكتىونيه
اما بقى الرائع اللى زعلان منى اخى الكريم ومعلمى أبو خالد واقوله بعدين هنتصافى يا اخى العزيز
واشكر مفاجأه المدونات الكوميديه والعلميه والدينيه والثقافيه المتنوع المبهرابن حـجـر الـعـسـقـلانـى
واشكر اختى السكر معقود آخر العنقود
واشكر القادمه الجديده الى مدونتى منوفيـــايــة
واشكر الاخ احمد الباحث عن الحقيقة واقوله كنت قلقان ليه على الصوره
واشكر الرائع الجميل اللى كلمته تاج فوق جبينى Soooo
واشكر اختى Rainbow او قوس قزح
واشكر المجنونه اللى اعقل خلق الله سومه...مجنونه فى بلد عاقل
واشكر اختى العزيزه كلاكيت تانى وتانى
واشكر بلدياتى السويسى مدحت محمد
واشكر الرائعه حماتــــــــــــي ملاااااااااااك
واشكر اختى القديره ام يوسف فاتيما
واشكر العملاق الصغير صاحب العقل الكبير wa7ed 2ensan wnsan
واشكر اخى همس الاحباب خالد الاخ العزيز
واشكر اختى الكريمه مجداوية
واشكر دكتورتنا العزيزه خمسة فضفضة
واشكر اختى الكريمه مربيه الاجيال أم أحمد المصرية
واشكر القادمه الجميله ايمان العزب
كما احب ان اتوجه بالشكر لكل الاخوه الافاضل اللى سألو عنى فى فتره غيابى
ومعلشى انا مش برتب اسماء انا بغش من صفحه التعليقات


A.SAMIR ..صوت من مصر ..NIDAAL PAL ...خبيب ..omaima ...صاحب المضيفة ...الطائر الحزين
...Sherif ...فليعد للدين مجده...ammola ...رفقة عمر...دكتور حر ...
nonoymm ..وضـّاح ..مروة الزارع....dodda....رئـــــيسـة حزب الأحلام ....كفايـة طيبـة ..WhItE HeArT ...لماضة ..mostafarayan ...د/اجدع بنوته....:.-=- ELGaZaLy-=-.:...الجدة فصيحة ..
احساس لسه حى..حبيب الروح ..الكيلانى... عصفور المدينة....Jana ...امام الجيل ...Abo 7anf ...رندا ...طارق الغنام ...bar2ash
...اهو ده عيبه ..أبو نظارة ...الشنكوتي الكبير ..Omar... [ خروشات ] ...حل وسط...مصري بالغربة ...عاليا حليم ...Ahmed Mubarak ..
maiosha....بحبك يامصر ... tamer.sala7 ...ا بـن عــمــر

ملحوظه هامه
الاسماء دى من تعليقات التدوينه اللى كنت غير متواجده فيها

شكرا لكم جميعا
واتمنى لكم التوفيق دائما
وارجوا ان تقبلوا الاجازه وتمضوها بسرعه حتى اعود بسرعه
واطمئنوا عليا
وانا سوف ارسل من يطمنكم من الحين والاخر كما اتفقت مع خيخه لانى فعلا مش قادره اقعد على الكمبيوتر
واحد يسألنى كابتن لطيف ..كل ده كاتبه ومش قادر تقعد على الكمبيوتر
اقوله
الحب والحنان وواجب الشكر خلونى استحمل اى حاجه
اخوانى
استوصيكم خيرا بالراااايق ...فانى احبه فى الله ..وهو توأم قلمى