الخميس، يناير 27، 2011

كلاب السلطه تقتل ابناءنا

انفجر الوضع فى مدينه السويس الباسله الى اسوء ما يمكن
قتلى وجرحى وامهات ثكلى
السويس الان تنفجر
انقذنا يا سياده الرئيس
انقذ الامهات والشباب
انقذنا يا من توكلت امرنا
انقذنا يا من انت رب اسرتنا
انقذنا يا من عاهدت الله بحمايه ارواحنا
انقذنا يا سياده الرئيس
انقذنا برحيل سيادتك
انقذنا بذهابك عنا
انقذنا فقد مقتناك
السيد الرئيس المبجل محمد حسنى مبارك ترى ( هل نحن اخترناك؟ )
اقسم بالله يا سياده الرئيس اننى لم افعل
اقسم بالله اننى لم اختار سيادتك
اقسم بالله اننى قد مقت سيادتك
السيد الرئيس المبجل محمد حسنى مبارك ارانى اريد منك الرحيل فهل سيادتك اعتدت الجسوم على صدرى
السيد الرئيس انا وكل الشعب على استعداد تام لجمع تبرعات لحجز غرفه جميله ورقيقه وانيقه تليق بسيادتك فى حبيبه قلبك السعوديه
فخامه السيد الرئيس محمد حسنى مبارك كرهت المخلص المدلل لك المهندس احمد عز
والسيد المحترم جدا فتحى سرور والمبجل صفوت الشريف وسيد الكل ودلوعه امه جمال باشا
فخامه الرئيس بجد والله خلاص استوى الرز
وانت تعلم اكتر منى بحكم طلعتك البهيه فى يوم العبور الكبير ان ترك الرز على النار اكتر من وقته بيشيط
فخامه السيد الرئيس شكرا جزيلا على كل ما قدمتموه لشعب مصر الكبير
شكرا على السئ والحلو
شكرا على الاخلاص والاستهتار
شكرا على الوفاء والغدر
شكرا على 30 عام من الحكم
شكرا جزيلا لسيادتك وارجو من سيادتك ان تنسانا
ارجو من سيادتك ان تترك مشاكلنا فانت رجل كبير فى العمر وصحتك لا تناسب مشاكلنا الكثيره لذلك شكرا جزيلا لك
فخامه السيد الرئيس
فخامه السيد الرئيس
فخامه السيدا لرئيس هذا طلب مؤدب منا لك فخامه السيد الرئيس هذا طلب مؤدب مره اخرى منا لك
والقادم اسؤ

هناك 6 تعليقات:

Empress appy يقول...

ربنا يقويكوا انت رجاله وطول عمركوا قدها اللى خلاكوا تقدروا على الانجليز والصهاينه مش ها تقدروا على دول

مهندس مصري يقول...

عرفينا يا فرنسا تفاصيل اللي بيحصل
بيقولوا الإتصلات مقطوعة مع السويس و متحاصرة تماماً
عرفينا تفاصيل اللي بيحصل
ربنا يسلمكم من كل ردي

فاتيما يقول...

ربنا معاكم يا خالتى

على رأى آبى
انتوا قدرتوا ع الألعن منهم
اخويا مابارح بيقولى شكلها هتيجى م السويس باينها وهيا اللى هتعمل الفرق

ولحد دلوقتى دا اللى باين على فكرة
هيا اول مكان فيه شهدا
ان شاء الله ربنا يسلمكم من كل شر
وتنزاح الغمة عنكم وعن الوطن كله

يا رب

همس الاحباب يقول...

طول عمرها السويس ارض المقاومة الباسلة والتضحيات بالارواح والممتلكات
قلوبنا معكم يا ارض الابطال
والقادم خير باذن الله
ولن تضييع دماء الشهداء الزكية

فرنسا هانم يقول...

Empress appy
مهندس مصرى
فاتيما
همس الاحباب
لااجد اى كلمات تكتب
فقدت الروح والاحساس
فقدت كل رغبه فى اى شىء
فقط اشكركم على تواصلكم معى

العاب يقول...

well done