الاثنين، يونيو 16، 2008

اخر نظافه..... بهدلنا نظافه


اخوانى المدونين واخواتى المدونات
اعذرونى لعدم استطاعتى زياراتكم فى الوقت الحالى
ويسعدنى تلقى تدويناتكم الباسمه الضاحكه على اميلى
وذلك لنشرها فى المدونه الضاحكه
فرنسا والرايق

يقال والعهده على الراوى

انه فى كوكب المشترى ومننذ حوالى ملايين الثوانى راى ملك دوله الحضاره والتقدم ان شعبه الغلبان بيتجراء وبيشترى لبان ...وكان الملك قلبه على شعبه انفطر وقلب شعبه عليه حجر ..فقرر الملك يعمل عمليه نظافه للشعب ..فاخد العجله بتاعه فرنسا هانم وفتح على الرابع وطلع لكوكب زحل وقعد مع نفسه يفكر ....تعمل ايه يا عبد الرحيم ؟؟؟ ...تعمل ايه يا عبد الرحيم ؟؟؟. .تعمل ايه يا عبد الرحيم ؟؟؟..
وفجاءه نطت فى ادمغه الملك فكره عبقريه ...النظافه من الايمان ..فعلا النظافه سر الحياه
قام الملك اخد العجله ورجع كوكب المشترى مره تانيه ..ورمى العجله قدام بيت فرنسا بعد ما بهدلها ووقع الجنزير ..اصله مبيعرفشى يسوق عجل
المهم
الملك عين رئيس مجلس وز وبط اسمه احمد اخر نظافه ...وقاله شوف بقى يا حماده ..الشعب بتاعى دلوقتى بقى معاه فلوس ..وانا خايف عليه لحسن الفلوس تجرى فى ايديه وتبوظه ..ممكن يروح الشعب يلعب فى السايبر جيمز ..ولا ممكن يشترى سجاير ..ولا ممكن يدخل السيما ..ولا ممكن يشرب مخدرات ويبوظ ..علشان كده انا عينتك تنظف الشعب
عمنا ابو حميد مكدبشى خبر
وفى كام سنه كان مخلى الشعب يلمع ..( والقطنه مبتكدبشى ) وبقى الشعب الملعون بعد ما كان بيدور على الترفيه ..بقى دلوقتى بيدور على رغيف العيش
وفى يوم من الايام
وعمنا اخر نظافه قاعد على البحر بيلعب رفه مع صحابه.....لقى علبه على شكل جعران بتعوم فى الميه ..شكل العلبه عجابته ..قام نادى على واحد من مجلس الوز والبط وقاله روح هاتلى الجعران ده
وفعلا عمنا العوام راح جاب الجعران
وفتح عمنا اخر نظافه الجعران ...وفجاءه طلع منه دخااااااااااااااااااااااااان كتييييييييييييييير وفى لحظه بقى الدخان مارد كبير وله عضلات ولا عضلات شتيفى جراف ..ومارتينا نافرتيلوفا...
.وضحك المارد وقال
هههههههههههههههههههههه
ههههههههههههههههههههه

شبيك لبيك عبدك وملك ايديك ..انا جيت احقق لك عشر امنيات

اخر نظافه :- امنيات مين يا ولد احنا ناقصين لعب عيال وحلق حوش ...اجرى يلا العب بعيد

المارد :- لا ارجوك لو محققتش ليك امنياتك هتحرق ارجوك يا عمى اطلب منى الله يباركلك ..خلى قلبك رحيم ..انت معندكشى عفاريت صغيره

اخر نظافه :- طيب مش اقدر اعرف انت تقدر تعمل ايه الاول ؟

المارد :- انا اقدر اجيبلك ثروه كبيره زى مانتا عاوز

اخر نظافه :- فلوس ؟؟؟؟؟؟؟؟...ههههههههههههههه........يا بنى الفلوس معانا بالعبيطه دا احنا من كترها بقينا نكره شكلها ..ده احنا بنمشى نتكعبل فيها فى كل حته...روح اجرى يا شاطر العب بعيد

المارد :- لا والنبى يا عم ..وحياه ابوك ...ورحمه الميتين لك ...والنبى علشان خاطرى

اخر نظافه :- طيب تقدر تعمل ايه تانى ؟؟؟؟؟
المارد :- انا ممكن اديلك العصايه السحريه تخليها فى ايدك الشعب يبقى تحت طوعك

اخر نظافه :-يا بنى انت عبيط ؟؟؟؟ كده كده الشعب تحت طوعى ...هو حد بيقدر يكح فى اليوم اكتر من 3 كحات
كحه الصبح وكحه العصر وكحه بالليل واللى يكح الرابعه لازم يجيب شهاده بالرقم القومى من مستشفى الصدر انه مريض والا هيروح النار
انت يا ولد يا مارد
انا بصراحه كده زهقت منك واصغر واحد من اعوانى برقبتك ويقدر يعكل اللى تعمله انت واكتر

المارد :- يعنى هتجيب قدره البشر لقدره الجن ؟؟؟؟

اخر نظافه :- يابنى هو احنا اصلا بشر عادى ...دا احنا اللى ضربنا الهواء فوتومين ..ولاعبنا الفيل جمباز ...وعملنا النار المتلجه

المارد :- طيب والنبى ابوس ايدك اطلب اى حاجه ..احنا برضه الجن لينا قيمتنا ولينا هيبتنا ..ويستحيل يقدر علينا البشر

اخر نظافه :- طيب انا عندى فكره ...شاور انت بايدك على اى واحد من الاعوان دول ..ونعمل بينك وبينه مسابقه ولو كسبت هاطلب منك العشر طلبات .ولو خسرت هاسيبك تولع

المارد :- ماشى انا هاختار اللى قاعد هناك لوحده ده

اخر نظافه :- ماشى ..وادى 10 جنيه ليك و 10 جنيه ليه ..كل واحد يا خد ال 10 ويروح يشترى لى سجاير ويجى
وقدامكم ساعتين من دلوقتى

ورجع المارد والمنافس له من البشر النظافى بعد ساعتين .....ولأن المارد وصل قبله بدقيقه اتقدم هو الاول

المارد :- اتفضل ادى كرتونه فيها عشرين قاروصه سجاير وكرتونه فيها عشرين قاروصه كبريت وادى ال 10 جنيه بتاعتك سليمه زى ماهى

اخر نظافه :- طيب عملت كده ازاى وجبت السجاير دى كلها ازاى ؟؟؟؟؟؟

المارد :- ههههههههههههههههههه
هههههههههههههههههه
ده شغلى انا بقى وسر المهنه ..يلا بقى نشوف صاحبك جايب ايه

اخر نظافه :- ايه يا حسان شكلك كده هتفضحنا مع العفاريت والجن ...جاى ايد وراء وايد قدام ولا حتى معاك علبه سجاير واحده

حسان :- بصراحه يا بيج بوص ..انا مجبتش معايا سجاير خالص وكمان العشره جنيه طارت منى

المارد :- هههههههههههههههههههههههه
هههههههههههههههههههههههه

مش قولت لك الانسان عمر ما يقدر على الجن ابدا

حسان :- ده لو كان من الناس العاديين لكن اعوان اخر نظافه ما يقدر عليهم الا الله ..احنا لا يهمنا مارد ولا حتى السبع موارد ..انا لسه مخلصتش كلامى ...اتفضل يا بيج بوص عقد شركه بينك وبين صاحب مصانع السجاير ذات نفسه ممضى ومختوم ومتسجل فى الشهر العقارى هو النص وانت النص ..وكله من العشره جنيه

هناك 163 تعليقًا:

نوره الخشن يقول...

انا اول تعليق يالهوي يا انا

نوره الخشن يقول...

طب اجرب تاني كده

نوره الخشن يقول...

طب مرة كمان والنبي لحسن شكلها كده مفيش غيري واقف فالمدونة

نوره الخشن يقول...

ايه ده هى فرنسا اضربت فالسوق ولا ايه فين الرايق وخيخة والعالم دي

نوره الخشن يقول...

هههههههههههههههههههههه
ههههههههههههههههههههه

شبيك لبيك عبدك وملك ايديك ..انا جيت احقق لك عشر امنيات

يا ماما ايه الرعب ده



اخر نظافه :- فلوس ؟؟؟؟؟؟؟؟...ههههههههههههههه........يا بنى الفلوس معانا بالعبيطه دا احنا من كترها بقينا نكره شكلها ..ده احنا بنمشى نتكعبل فيها فى كل حته...روح اجرى يا شاطر العب بعيد

ايه الخيااااااال ده
وسعت منك اوي يافرنسا المرة دي

نوره الخشن يقول...

بس حلوة بتفكرني بالبتاعة بتاعة الملك ده العبيط والوزير النايم اللي كنتي كتباها قبل كده

وكفاية كده عليا تعليقات عشان هتولعي فيا انا عارفة

Wael Galal يقول...

هاهاها
بتفكرني بالنكتة اياها لما وشوش ابليس في ودنه , إبليس قاله: يا راجل اتقي الله

مجداوية يقول...

السلام على من اتبع الهدى

مرور تحية وسلام على أختنا الفاضلة

nigro يقول...

يقال و العهدة على الراوي إن أنا باين كنت أول تعليق قبل الاتنين اللي بقوا سبعة
و يقال و العهدة على الراوي برده (الله يكون في عونه تاعبينه معانا جامد الراوي ده) إن صحة فرنسا هانم بالدنيا .. و راحتها اهم عندنا من اي حاجة
و يقال برده .. لأ كفاية كده على الراوي .. خليها عليا المرة دي
إن الشعب الغلبان ده عمره عمره يعني عمره ماتهنّى من ساعة ما اتخلق و يا عيني عليه دايماً بيدوّر على المم و عمره و عمره ما فكّر إنه يتسلى ولا يرفّه عن نفسه لا سمح الله
بس تقريباً كده لما دوشة الحريات بدأت تعلى في الكواكب التانية و زي ما الرئيس اللي من المشتري عارف إن الحيطان ليها ودان .. قال نقرص زيادة كمان شوية على الشعب علشان نحرمه من اي حاسة تانية غير حاسة التذوق و نبوظ كل أعضائه ما عدا معدته .. اللي هي كمان ماسلمتش م البوظان
و كل الكلام اللي فوق ده خلاصته إننا لازم نقول لفرنسا هانم

أسأل الله العلي العظيم رب العرش العظيم أن يشفيك

أسأل الله العلي العظيم رب العرش العظيم أن يشفيك

أسأل الله العلي العظيم رب العرش العظيم أن يشفيك

أسأل الله العلي العظيم رب العرش العظيم أن يشفيك

أسأل الله العلي العظيم رب العرش العظيم أن يشفيك

أسأل الله العلي العظيم رب العرش العظيم أن يشفيك

أسأل الله العلي العظيم رب العرش العظيم أن يشفيك

يلا سلام

ٍSOU يقول...

جااااااااامدة

حاجات جوايا يقول...

هههههههههههه
جميلة بجد
عودا حميدا يا قمرنا

سلامى لآخر نظافه بيه واعوانه اللهم احفظنا
هههههههههه


سالى

ام البنات يقول...

وحشتينى
ومقموصه منك

محمد فوزي يقول...

هههههههههههههههههها

والله الواحد بيشوف ذنوب بيعملها البشر بيتهيألي ابليس عمره ما توقع إنه يوصلها ولا كان يعرفها اصلا

ويقال والعهده ع الراوي إن ابليس واخد اجازه بدون مرتب اليومين دول وبيدور على عقد عمل

قوس قزح يقول...

هههههههههههههههههههههه
جميلة يا فرنسا اوى

فكرتنى بنكت العفريت لما طلع لملك عربى و قاله تطلب ايه رد عليه الملك و قوله انت اللى تطلب ايه

فاتيما يقول...

خالتشى
هيا البت نورة واخدة توكيل صفحة التعليقات و لا إيه؟؟!!
ماشى
ضكتينى ضحك المتنبى اللى بقى زى البكا
للأسف دا اللى حاصل
قريتى قصيدة على سلامة على باب سفارة كندا ؟؟
ابليس مهاجر و طفشان من شيطنة بعض البنى آدمين ....
ربنا يلطف علينا جميعاً
أزى صحتك دلوقتى ؟؟

عاشقه الفردوس يقول...

ايه ده بقي كل ده نوره الخشن

عاشقه الفردوس يقول...

شتيفى جراف ..ومارتينا نافرتيلوفا

مين
دول يافرنسا

انتي جيبتي الاسامي دي منييييييييييييين


ربنا يسترها يافرنسا

بس حلوه كلمت بالعبيطه دي

غير معرف يقول...

عوده قويه يا خالتى
انتى فعلا من الناس اللى اثرت عالم التدوين
سؤال الحلقه بقى
خمنى انا مين ؟

واحدة مفروسة يقول...

فرنستي الجميله
ملعوبه ...و لا ابوتريكه يا فرفر
بيقولولك بقى ان اعوان نظافه اتعمل عليهم ..ريسرش...طلعوا كلهم ..ولاد جنيه...و الجنيه ديه كانت أم الواد الجني ..اللي طلع لنظافه
و طبعاا و انتي سيد العارفين ....مافيش عيل بيعرف اكتر من امه
ههههههههه
دمتي بصحه يا رب

الباحث عن الحقيقة يقول...

حد يقتل نورة الخشن وله الحلاوة
6 تعليقات مره واحده
دي كانت نايمة على باب المدونة ولا ايه
ادي فرصة لغيرة يا خشنه

لسه برضه دمك خفيف..بطلي شرب مية كتير
احسن حسان يروح يتعاقد مع اثيوبيا وفي الاخر يبعتولنا النيل في أزايز

الطائر الحزين يقول...

يعنى بينطحن علشان الشراكة تبقى بين النظافة وشركة السجاير

وطلع يا ولداه من المولد بلا حمص

يعنى يا ولداه كم عيل تااااااااه
والليلة الكبيرة يا عمى والعالم كثيرة


بارك الله فيك

بفكر اكتب موضوع عن الزبالة

appy يقول...

اوبا هما كمان هيأخدوا دى
بصى بقى اقولك هما فعلا مبقاش نافع معاهم حاجه عارفه السبب احنا بجد احنا اللى نفخناهم وخلناهم يعملوا فينا كده
سيبنا لهم الحق فى رعبنا بدليل مش بيترعبوا من الجن هههههههههههولا العفريت
على فكرة نظيف فى بدايه اول اسبوع ليه كان ماشى كويس فى الوزراة بس اتشد من سوزى بجد وباللفظ اتقاله يا روح ....وانتى عارفه بجد والعهده على الراوى الصادق اللى عارفاه فاضطر يعمل بنصيحة الهانم والقطنه طلعت بتكدب يا فرنسيتى مش مبتكدبش هههههههههههههههه

بطوط حبوب يقول...

ههههههههههههههه
بقالى كتيير اوى مقرتش ليكى حاجه
فالامتحانات كانت صاحيه لعن الله من ايقظها
بجد انتى روعه ودمك شربات مكرر يا فرنسا

فى ناس بتدعى ان ربنا يشفيكى
الف سلامه عليكى بجد
وربنا يشفيكى يااااااااارب

EmY يقول...

هههههههههههههههههه

البوست يجنن العفريت طلع غلبان مش عارف ان الناس هنا بيجيلها الشياطين و العفاريت تاخد كورسات عند الحكومه الذكيه النظيفه

تحياتي يا قمر

همس الاحباب يقول...

هههههههههه
هههههههه
لا جامدة قوى قوى يا خالتو
حتى الجعران وعفاريته مش قادرعلى عمنا اخر نظافة وجنوده اه والله لنا الله
بس ازاى الملك ياخد العجلة من غير ما يستاذن ويبوز الجنزير كمان
لا كله الا عجلة فرنسا هانم

اتفضل يا بيج بوص عقد شركه بينك وبين صاحب مصانع السجاير ذات نفسه ممضى ومختوم ومتسجل فى الشهر العقارى هو النص وانت النص ..وكله من العشره جنيه
ههههههههه
جنى ايه يا خالتو دول عفاريت ولاد شياطين طلعوا من مصباح علاء الدين ومش ايدخلو تانى
والبلد بصراحة بقت اخر نظافة
تحياتى

نونو يقول...

هههههههههههههههههههههههههههههه
سكرعسل شربات مكرر
حمد الله على السلاااامة

shayma يقول...

هههههههههههههههههه
هههههههههههههههه
لاااااااااااااا
ملعوبه بجد
ههههههههههههههه

ملكيش حل يا فرنستى

عبده الرايق يقول...

ياماما
عفاااااااااااااااااااااااريت
معطلكيش يا فرنسا

عبده الرايق يقول...

ايه يا فرنسا الجو الملبش ده ؟؟؟؟
انا بخاف من العفاريت
لكن
عايزك تسئليهم عن الكادر
هيجى ولا بح ؟؟؟؟؟؟؟

عبده الرايق يقول...

سامع اصوات غريبه فى المدونه يا فرنسا
انتى مفروض تعملى زار بعد التدوينه دى
و
حبرشنى يا حبرشنى

Jana يقول...

القطنة دى حتروح النار

اكتر حاجة بقى عجبتنى انك طلعتى ليكى فى التنس
صحيح مارتينا بيقولوا انها كانت مارتن فى الاصل ...بس سيبك انتى شتيفى جراف عضلات بحق

تدوينة ساحقة ماحقة على رأى معلقى التنس

أتم الله شفاكى على خير حبيبة قلبى

واحد من البلد دى يقول...

السلام عليكم
حمد الله على السلامة

يقال و العهدة عليا أنا إن الشعب بيكح تراب و ممكن بعد كده يتحول التراب ده لأسمنت و يبقى الأسمنت للركب و الحساسية على قفا من يشيل..
وساعتها ييجى عمنا اللى مايتسماش و يطلع ضريبة كحة

والبلد اللى فيها كحة
تفضل واقفة مطرحها

وسلميلى على القطنة

موجة يقول...

ازيك يا فرنسا
♥ ♥ ♥ ♥ ♥ ♥ ♥
انتي كاتبة قصة هايلة بجد
كالعادة امتعتينا بجد بكتاباتك و فكرك العالي و روحك الحلوة

خالص تحياتي

kochia يقول...

تصدقي العفريت صعب عليا
طيب هيعمل ايه دلوقتي
هو ايه اللي كان جابه الناحية دي
يللا بقي
نصيبه

تحياتي

بت خيخة وأى كلام يقول...

انا جاية امسى واطمن على ست الكل وست الناس كلها
عاملة ايه يا فرنستى الغالية

يارب تكونى احسن دلوقتى

سلام
اختك خيخة

فليعد للدين مجده يقول...

سعيد جدا بعودتك فرنسا هانم

اسلوبك رائع وخيالك خصب

وأنا شخصيا لا اصدق شطارة نظافة وأعوانه؟

كان الحال غير الحال

أحسن تـستاهـل يقول...

عبد الرحيم،، الحاكم اسمه عبد الرحيم؟

وبعدين هو راح قعد في زحل يفكر،، خير يعني زحل ده المنتجع بتاعه؟

أحمد آخر نظافة؟؟ طب ايه ما لجأش لخالتي نجمة من الهلال والنجمة والصبي بتاعها دقدق وبالتالي هتخلوا بالكو من العلااااااااامة

وفيه بأه غلطة لا تغتفر في حق العفاريت اللي بيطلعوا من الفوانيس والجعارين –ايه رأيك في صيغ الجمع دي؟-
العفاريت بتضحك كده نياهاهاهاهاهاها،،، هههههههههه دي بتاعة البني آدمين

بس الواد حسان ده بجد رهيييييييييييب

يا فرنسا هانم بأه انتي جامدة ودمك سكرررررررررر

إدينا من ده كتير،، ادينا في الأدموغي

مها ميهوووو

فرنسا هانم يقول...

نوره الخشن
اهلا بحبيبتى الغاليه اللى وحشانى جدا نورا
كنت فعلا مفتقداكى جدا جدا

فرنسا هانم يقول...

نوره الخشن
الراعى الرسمى للمدونه

فرنسا هانم يقول...

نوره الخشن
لا اقرأى تانى وانت تعرفى انها موسعتشى خالص
انا مش قصدى على الشعب
لا انا قصدى على احمد اخر نظافه واعوانه
ولا انتى برضه عند رأيك انها وسعت

فرنسا هانم يقول...

نوره الخشن
لا طبعا انا عمرى ما اولع فيكى ابدا
فداكى الرايق

فرنسا هانم يقول...

Wael Galal
عارفاها
وهى فعلا قريبه منها
لكن ابليس المارد المره دى اصبح بدائى جنب اللى بيحصل

فرنسا هانم يقول...

مجداوية
وعليكم السلام ورحمه الله وبركاته
انا سعيده جدا جدا والله بسلامك ده
لان معناه ان انتى مش فاضيه
ورغم كده حبيتى تزورينى وتسلمى عليا
بحبك قوى يا مجداويه
ومتشكره جدا على سؤالك

فرنسا هانم يقول...

nigro
يقال والعهده على الراوى ان تعليقات نيجرو رحعت تنور تانى فى مدونتى
وده شىء يسعدنى كثيرا
وعلى رأيك بلاش الراوى
العهده على فرنسا
اشكرك جدا لدعواتك لى
دمت لى اخ عزيز

فرنسا هانم يقول...

ٍSOU
اشكرك جدا جدا
بس اتمنى تكونى فعلا قريتيها كويس
والا هستناكى قدام قسم الاربعين قدام العلاوى واسلط عليكى ام دبوه

فرنسا هانم يقول...

حاجات جوايا
ربنا يحفظنا منهم
ومن جبروتهم ومن تسلطهم
تحياتى لحبيبتى سالى

فرنسا هانم يقول...

ام البنات
انا مقدرشى على زعلك بس انا عملت ايه ؟؟؟؟؟؟؟

فرنسا هانم يقول...

محمد فوزي
خليه يا خد اجازه ويدور على عقد عمل
مش هيلاقى دلوقتى شغل لما يشوف حلمه ودنه
هما البنى ادمين خلوله حاجه

فرنسا هانم يقول...

قوس قزح
عفاريت هابله بصحيح
مبتعرفشى تنقى
قال ايه
جايه تبيع الميه فى حاره السقايين

فرنسا هانم يقول...

فاتيما
ازيك انتى
على فكره انا قريت التدوينه الجديده بتاعتك
ومعاكى ان انتى تاخدى اجازه
بس تكون لمده اسبوع او اسبوعين بالكتير
واكيد هتلاقى مواضيع كتير تكتبى عنها
تحياتى لكى

فرنسا هانم يقول...

ارجوا ان تسمحوا لى ان استريح قليلا واعود للرد عليكم

(احمد سكر ) يقول...

السلام عليكم

ازيك يافرنسا

اناااااااااااااااسف

مقصر معاكى جدا

اعذرينى صديقتى

بس المدونه بيبقى شكلهات وحش من غيرك


الحمد لله انك بخير

وحشتينا اوى


تحياتى اختى الفاضله

احمد

mayada يقول...

ههههههههههههههههههههه
برافو برافو كل ده من مصروفك
ياحبيبي
عارفه النكته دي يافرنسا
سمعت سمع خير ان المارد متحرقش بس قاعد في
مستشفي المجانين يقول انا انسان انا انسان

دعوة الفردوس يقول...

أظن التدوينة دي تتحط تحت تصنيف فانتازيا
فكرتيني بنكتة كده بلاش أقولها احسن المدونه تتقفل :)))
بس بلاش الحلفان بغير الله حتى ولو على سبيل المزاح تجنبا للشبهات

الظاهر ان صختك بتيجي على الخيال
احلمي كتير بقى
سلامي

ayman badr يقول...

هيه نورة واخدة البوست لحسابها ولا ايه؟
بجد يا فرنسا بوست جامد جدا ملوش حل صحيح هوه ده الكلام 20 قروصة ايه اللى بيتكلم عليهم النظافيون جابوا من الآخر وخلوها تلمع ...اديها بنى
تحياتى

ftataljanna يقول...

يالهوييييييييييييييي

والله العظيم ما ليكي حل

انتى تعرفي ابله نظيفة والقطنة ولا ايه

لا بجد ربنا يبارك فيكي ما شاء الله

بس خدي بالك كده انتى كحيتي اوى
شوفي لك شهادة بقى من مستشفى الصدر تخرجك منها لا اصحابنا الحلوين ييجوا يظبطوكى ويايفوكى ويخلوا عقد الشركة على مقاسك بالظبط

وحشتيني بجد جدا انا خلصت امتحانات الحمد لله و يللا يا ستي مش هازعل علشان ما سالتيش عليا :)))

ربنا ينجحنى :)))

معلش اعذري تقصيري

رئـــــيسـة حزب الأحلام يقول...

ازيك ياقمر المدونات
بجد وحشتينى النت كان فاصل اسبوع بحالة كنت خلاص هتجنن انا بجد مش مصدقة انى رجعتلكم تانى
انا جيت امسي
تحياتى لكى

maiosha يقول...

هههههههههههههههههه

عسل كالعادة يا فرنسا
بس إيه العفريت العسول ده .. أول مرة اشوف عفريت بيقول والنبى إطلب حاجة بقى

لأ بجد دمك زى العسل كالعادة
ههههههههههههههههههه

أنا مش عارفة ابطل ضحك

الربان يقول...

تحياتي

موضوع جميل وبه توريه ...وايماءات..
فعلا البشر لديه القدرة علي ان يتفوق
علي الجن...

ذكرتينا بقصة سيدنا سليمان و عفريت الجن...الذي قال انه يمكنه ان يجلب عرش بلقيس قبل ان يقوم سليمان من مجلسه..
لكن من عنده علم من الكتاب قال انا آتيك به قبل ان يرتد طرفك...


يعني احنا من الممكن ان نصنع المعجزات
ان صلحت النوايا...و خلصت لله رب العالمين...

تحياتي و تقديري

فرنسا هانم يقول...

عاشقه الفردوس
نوره عملت واجهه حلوه للمدونه
رغن انها خدت الذهبيه والفضيه والبرونزيه يعنى قشطت كل الميداليات

فرنسا هانم يقول...

عاشقه الفردوس
مارتينا ..وشتيفى جراف من اروع لاعبات التنس فى نهايه الثمانينات
وكانتا زى القط والفار مع بعضهن
وكنت بستمتع مكن مشاهده اى مباراه لهن سويا
تحياتى لكى حبيبتى الغاليه

فرنسا هانم يقول...

غير معرف
عرووووووووووووووووووووستى

فرنسا هانم يقول...

واحدة مفروسة
على رأى المثل
الربعيه عايزه تعلم امها الرعيه !!!
انتى معملتيش ليه تنويه عن بوست سحر فى مدونتك ؟؟؟؟
انا امبارح كنت عندك وملقتشى التنويه لا عندك ولا عند الرايق

فرنسا هانم يقول...

الباحث عن الحقيقة
هههههههههههههههه
ملعوبه يا ابو حميد
حسان بعد ما باعها كلها بيدور على الشراكه
خايفه يجوا يشاركونى فى الشقه بتاعتى

فرنسا هانم يقول...

الطائر الحزين
الزباله دى موااااااااااااال كبير
وانت طبعا هتكتب عنها باسلوبك الجميل
وعلى فكره
انت اسلوب فى الكوميديا يجنن
يا ريت تكتب حاجه كوميديه وتبعتها على اميلى ويسعدنى نشرها
اسفه ان كنت مقصره فى زيارتك
بس انت شايف انا برد على التعليقات بالعافيه
وبتعب ومش بقدر اكمل
تحياتى لك ولاختى الغاليه الى قلبى العزيزه جدا ام الابناء

فرنسا هانم يقول...

appy
حبيبتى الغاليه ابى
طول عمرك بتفهميها وهى طايره
ليه المره دى وقعت منك ؟؟؟
عموما انا كنت بقول القطنه مبتكدبشى لان احمد باشا خلى الشعب يلمع يعنى نضفه وفعلا لو دورتى هتلاقى الشعب نضف خالص وبقى الفقير فقير جدا لدرجه اللمعان
تحياتى لكى اختى وتوأم روحى ابى
واسفه لعدم استطاعتى التعليق عندك لانى بكتب حتى الردود عندى على مراحل
بجد مش قادره
الف بوسه وسلام لكى

فرنسا هانم يقول...

بطوط حبوب
طبعا انت كنت غايب وعندك عذرك لكن انا كنت مريضه
والحمد لله
لكن بناء على تعليمات مشدده من الطبيب
ومن مراكز الاحساس بالالم
تم تقليص وقت جلوسى الى الكمبيوتر بشكل كبير جدا

فرنسا هانم يقول...

EmY
ايمى حبيبتى
عفاريت زمان
هما طيبين اليومين دول
وعفاريت اليومين دول اكيد مالهمش نظير زمان خالص

فرنسا هانم يقول...

همس الاحباب
اخى العزيز خالد
واللى يغيظك اكتر ان الملك مبيعرفشى يسوق
بوظ العجله ووقع الجنزير منه لله
وفى الاخر ركنها جنب الحيط وهاتك يابو فكيك
خاف لاشوفه
تحياتى اخى العزيز
على فكره وصلنى اميل من الرايق يبلغنى ان مكالمه تليفونيه دارت بينه وبين اخى الجليل ابو خالد
وان ابو خالد طلب منه اكثر من مره ارسال سلامه لى
وقال الرايق فى اميله
ان ابو خالد كان متأثرا جدا وهو يتحدث عنى
وسأل عنى بلهفه
اخى خالد
ارجوا ان تبلغ اخى الجليل ابو خالد
اننى بخير والحمد لله
الا ان فتره جلوسى على الكمبيوتر لا تتعدى نصف ساعه واشعر بالالام فاقوم من على الجهاز
لذلك انا مقصره فى حق الجميع
وارجو ان تخبره
ان يرسل لى اميل مباشره فهو اخ وليس بيننا حجاب
واميلى هو
faransahanm@yahoo.com
شكرا واسفه انى تعبتك معى

فرنسا هانم يقول...

نونو
والله انتى اللى سكر بقى هىء

فرنسا هانم يقول...

shayma
الله عليكى يا شيماء
بجد تعليقك خلى معنوياتى فى السماء

فرنسا هانم يقول...

اخوانى الاعزاء
استأذنكم فى الاستراحه قليلا ولى عوده معكم
معلش اعذرونى

همس الاحباب يقول...

خالتى فرنسا
الحمد لله انك بخير
وعلم يا خالتو وجارى التنفيذ فورا
انتى تؤمرى يا خالتو
وربنا يطمنا عليكى دائما
وانا سوف اخبرك بما حدث لو حتى على الايميل
تحياتى واحترامى

NIDAAL PAL يقول...

هههههههههههههههههه
ايه ده .. هو كمان أحمد كلين وصل للمشترى و نضف الى فيه بعد ما لمع أهل الارض
..
والا حكاية المارد و حسان دى لوحدها مشكلة بجد .ههههههههههههههههه
انا جبتلك عقد شركة السجاير ذات نفسيييييها .... يا لهوى ههههههههههه
بس بوست جااااااااامد زى كل بوستاتك
تحياتى
نضال

عاليا حليم يقول...

اخبارك ايه يا خالتوا

وحشانى و الله
كعادتك دائما تطلى علينا بكوميديا سوداء تضحكنا على انفسنا

همس الاحباب يقول...

خالتو
انا ابعتلك ايميل بتدوينة جديدة فى مدونة فرنسا والرايق
اوك
تحياتى

الحمقاء المضلله innominate x يقول...

شوفي انا بقالي كتيييييييييييييييير مفيش مدونه ضحكتني......خير اللهم اجعله خير ضحكتينييييييييي

القلم السكندري يقول...

ميييين؟؟


آخر نضافة والشعب؟؟؟

مين آخر نضافة ده


أنا مش فاهم حاجة

أنا مبلعبش معاكم شكلكم هتودونا ف داهية






بصراحة خيال واسع وقلم ساخر متميز جدا أختنا العزيزة

فعلا والله كنا مفتقدينك جدا


تحياتي

مدحت محمد يقول...

احمد اخر نظافهههههههه

ولا اخر ........

المهم حمد الله على سلامتك ياخالتو

دعاء مواجهات يقول...

احجز التعليق الثمانين

كعادتى

واعود لاحقاً

بيس يامان وياوومن..

almasry يقول...

ههههههههههههههه

نوره الخشن ــ آي و كفاية يقول...

هههههههههههههههههههه

ااااااااااااه فهمتك النضيف اللي نضف الدنيا تماماً وصلت خلاص

nigro يقول...

السلام عليكم
ازيك يا فرنسا هانم
لا أنا مش جاي أعلق
أنا علقت قبل كده .. هو فرح تعليقات؟
أنا جاي بس أسلم و أطمن على صحة حضرتك
إزيّ الصحة؟
إزيّ الحال؟
طبعاً حلوة و عال العال
مش كده؟
قولي كده بقى
يا رب يا رب يا رب تكون صحتك بخير يا فرنسيس

يلا سلام

ayar يقول...

ياخبر ؟!

يابنت الايه
ايه البوست الجهنمى دا !!

بجد فكرته تحفة
ويارب البعدا يفهموا
اللى واخدين البلد فى كروشهم ومأنتخين
.. بس ليهم يوم انا متأكدة

احييكى بجد بجد البوست اكتر من رااااااااااااااائع عجبنى جدا لغة الحوار فيه عالية اوى وكل كلمة فيه طلقة رصاص ..

على فكرة ينفع مسرحية من فصل واحد .. فكرى فى الفكرة دى ..

تسلمى يافرنسا بجد .....

آفاق الحرية يقول...

ايه يافرنسا هانم
هو انا اغيب شوية الاقيكي عاملة فيلم رعب هنا ولا ايه
دايه العفاريت ده
ههههههههههههه
المهم طمنينا علي صحتك
ان شاء الله تكوني بخير

الباحث عن الحقيقة يقول...

ايه يا فرنسا
مالك سلامتك
ايه الغيبة دي
اخبار الشسيه ايه

يلا بلاش كسل علشان محدش يطمع في العجلة

بلاش غيبة
اوك

maya يقول...

فرنسا هانم
كيفك يا رب تكوني بخير وبصحة جيدة دوم يا رب انتي اكيد ما بتعرفيني لسه
هاي اول مرة بعلق في مدونتك ولي الشررف طبعا بس بدي قولك ان مدونتك من اجمل المدونات يلي شفتها وروحك حلوة كتير طاغيه على كل البوستز يلي بتنشريها
انا مدونة جديدة ولي مدونة ادبيه تختلف تماما عن مدونتك بس مع هيك بحب اقرالك كتير بتمنى تضلي بهاي الروح الحلوة دايما وتتحفينا بكل ما هو جميل
تحياتي لك وللاستاذ الرايق وبتمنى تزوريني بمدونتي المتواضعه
اختك ماياا ( فلسطين)

Miss. Sosa يقول...

السلام عليكم

أحييك علي فكرة العالي وروحك الخفيفة

اباليس الانس تفوقوا على اباليس الجن

وابلوس الكبير هاجر الاراضي المصرية من زمان وقال انا خلاص اطمنت عليكم يا ولاد وماانتوش محتاجين وسوستي

وربنا يرحمنا من عبد الرحيم
ومندوبي النضافة احنا شعب قذر وصحتنا مش بتيجي ع النضافة

ربنا يديكي الصحة ويشفيكي ويعافيكي يارب

بحبك يامصر يقول...

فرنسا هانم
دمتى لنا بالخير دائما
دمتى لنا مبدعه دائما
بجد اسلوب رائع بس محتاجه تنزلى موسيقى الف ليله وليله تعمل جو واحنا بنقرأ البوست
تحياتى ليكى ولوحة مفاتيحك

قوس قزح يقول...

ازيك يا فرنسا
عاملة ايه ؟ وحشتنى و الله
انا عارفة انك مشغولة فى مدونة الضاحكون ربنا معاكى

خدى بالك بس من نفسك و بلاش تجهديها

و ربنا يسعدك زى ما بتسعدى الناس بالمدونة الجديدة

موووه سلام

سومه...مجنونه فى بلد عاقل يقول...

هههههههههه
ازيك يا خالتو فرنسا
طبعا احنا سبقنا الجن
معلش على التاخير
تحياتى لكى سومه_87

appy يقول...

لا يا حبيبى فاهمه طبعا انا بكمل لكب الكلام عن اونكل مش تظيف ههههههههههههههههه

ام الابناء يقول...

السلام عليكم ورحمة الله وبركاته
فرنستى الجميله


انا جايه اسلم عليكى واطمن عليكى
معلش اختى الحبيبه
انا مقصرة فى حقك بس غصب عنى والله
دعواتك

معلش هسيبك دلوقتى وان شاء الله ارجع لك تانى

أم أحمد المصرية يقول...

حبيبتي فرنسا

ازيك ياقمر صحتك عاملة ايه دلوقت يارب احسن ان شاء الله
__________________________
بس انا تعبت من الضحك يا فرنسا بين هنا و مدونتك مع الرايق
ايه رأيك حد يحدف حذاء الطنبوري اياه في رأس رئيس مجلس الوز والبط و ربنا يكرم
مش بقول لك المدونتين دخلوا علي بعض و مخي قرب يضرب :)))))))))

الطائر الحزين يقول...

كيف حالك وازى صحتك

شفقة هانم واحسان بك يقول...

ازيك فينك؟
شفقة

دعاء مواجهات يقول...

انا مسافرة النهاردة

العمرة يافرنسا

هتوحشينى اوى اوى

هدعيلك من قلبى ربنا يتم شفاكى

على خير

اشوفك دايمة متألقة

هتوحشينى اوى

لااله الا الله

محمد فوزي يقول...

فرنسا هانم
وحشتينا انتي فين , مفيش جديد ليه ؟

ادعوكي للمشاركه في المصالحه التي ادعو اليها عندي في مدونتي
وهي بين ناس بتعزيهم وبيعلقوا عندك على فكره بس عاملين فريقين ونازلين في بعض
وشكرا

حنين القلب يقول...

جااااااااااااااااامد موت البوست ده
هو الجن ده خايب من الاول واحسنله انه يتحرق ايه جابه هو لاعوان الملك دول يغلبوا الجن والعفاريت
تسلم ايديكى يا حبيبتى
وحشتينى
سلام

فزلوكة يقول...

أسجل التعليق المية








وارجع اقرأ

فزلوكة يقول...

هههههههههههههههههههههههههههههههههههههههههههههههههههههههههههههههه

(احمد اخر نظافه)

دا إسقاط
وبعدين نسيتى تقولى حاجة مهمة جدا
إنو كمان طوووووووووووووويل
"أصل دى عقدة نقص عندى "

وحشتينى يا خالتو والله
كنت بمتحن وخلصت وفضيتلك أهو

إيما ( أم البنين) يقول...

حمداً لله على سلامتك..متعك الله بالصحة دائماً ...آمين
دمت سالمة
أم البنين

سومه...مجنونه فى بلد عاقل يقول...

فينك يا خالتو....ممكن اضيفك ولا تزعلى؟؟؟
سومه_87

ابتسم من فضلك يقول...

موضوع هايل ربنا يوفقك من حسن لاحسن

المنسى يقول...

هههههههههههههه
جميلة أوى يافرنسا
تانى مدونة أدخلها وأضحك أو التالتة عشان مبقاش كداب


فعلا

مايقدرش عليهم غير ربنا
ربنا كده يارب يررزقهم بسيد الجن والعفارين لالاسيد الشياطين


متهيألى برضو مش هينفع
أهو ربنا ياخدهم وريحنا منهم وخلاص


تحياتى
http://www.elmancy2000.blogspot.com/

3ala asm masr يقول...

والله عندك حق الشعب بقا أخر نضافه أنضف من الصينى بعد غسيله

mony يقول...

فرنسا هانم

اولاً حمدالله علي السلامة

بجد دمك شربات يا فرنسا

حلوة اوي الحكاية ديه

بس عقد شركة السجاير اتعمل من زمان من غير مارد انت ماعرفتيش ولا ايه؟؟

و ربع و تلات تربع كمان (طبعا الربع لصاحب الشركة)

رفقة عمر يقول...

فرنستنا الجميله اخبارك ايه يارب ترجعلنا بالسلامه وحشتينى قوووى
ربنا يطمنا عليكى يارب

شفقة هانم واحسان بك يقول...

انتى عسل يا فرنسا والله المدونة بتاعتك هايله
احسان

hesham يقول...

هههههه

احب اطرح سؤال نظيف و محتاج اجابة انظف
ماهو الاسم الحقيقى لحسان مساعد اخر نظافة

هل هو

1- عزو

او

- عــزوو

او

- عــــــــزوووووووو

لو عرفت الاجابة و مقتنع بيها احتفظ بيها لنفسك حفاظا على حياتك من اخر نظافة و اعوانه

و ربنا جعل كلامنا خفيف عليهم

تحياتى و محبتى
هش

almasry يقول...

بقالنا كتير قوى ماتشرفناش بيكى


اتمنى تنورينى


تحيــــاتى
المصــــــــــرى

العسكري عتريس يقول...

دعوة لحضور المناقشة المفتوحة للمدونين عبر غرفة شرقاوي اون لاين علي البالتوك ، سيدير حلقة النقاش الاستاذ الدكتور إيهاب إبراهيم استاذ المسالك بكلية الطب وصاحب مدونة فليعد للدين مجده ، وذلك في تمام العاشرة مساء اليوم الجمعة 4 يوليو والدعوة لمناقشة موضوعات المدونين المختلفة .
اقرأ المزيد علي شرقاوي أون لاين موقع طلاب جامعة الزقازيق
http://www.sharkawyonline.com/Articalshow.asp?NewsID=2223&Categories_ID=17

عاليا حليم يقول...

(انه فى كوكب المشترى ومننذ حوالى ملايين الثوانى راى ملك دوله الحضاره والتقدم ان شعبه الغلبان بيتجراء وبيشترى لبان ...وكان الملك قلبه على شعبه انفطر وقلب شعبه عليه حجر)
انتى بتجيبى التعبيرات دى منين يا فرنسا بس ؟
:)
اقول أيه خلاص من جمال بوستاتك خلصت كل الكلام الجميل
ربنا يخليكى لينا نجمة منورة فى سماء التدوين دايما

وحشتينى .. اعذرينى انا كنت مفصرة فى زيارتك و زيارة ناس كتير بسبب الشغل
مودتى و أحترامى

دعوة للأمل يقول...

المدونة رائعةو القصة احلى
و تحياتى

كراكيب يقول...

اذا كان العفريت ضحك كدة
هههههههههههههههه

امال احنا نضحك ازاي
نيااااهااااهااااااااااع يعني واللا ايييييييييه

عسل يا خلتشي فرنسا عااساااااال

miro

كراكيب يقول...

ايه دااااااااه
ببص فوق لقيت مها ميهو اختي "احسن تستاهل" معلقة على نفس الموضوع بتاع الضحكة
يا سبحان الله يا سبحااااان الله

اخوات بقى وكدة
له في ذلك حكم

ميرو تاني

انين الحزن يقول...

فرنستي


سمعت اشاعه بتقول انك مش موجوده بقالك يومين وكدا

فا ايه انا مش وحشااكي ولا ايه

بحبك اوي اوي

سلاموووووووز
وزتك

قوس قزح يقول...

فرنسا
وحشتنى
بالرغم من انى بشوف تعليقات فى المدونة التانية
بس وحشنى فرنسا هنا
بلاش تشغلك المدونة التانية و تنسى فرنسا هانم

ياريت تقدرى تنزلى بوست جديد هنا

shahy يقول...

انا شايفة شومة كبيرة هاتنزل على دماغي

بصي ياقمر انا ماقريتش البوست لسة
انا جاية اقولك اني مانسيتكيش وكنت بسأل عليكي دوبة على طول وكنت بحاول اتابع حالتك الصحية لما بدخل ازور مدونتك على السريع وماكنتش بعلق

عارفة اني طلعت وحشة بس يعلم ربنا اني كنت بدعيلك

في مسلسل كان اسمة سامحوني ماكانش قصدي

انا كمان بقولك سامحيني على تقصيري في حقك

تحياتي وقبلاتي

نوري يقول...

ههههههههههههههه
لا بس ملعوبه يا خالتي
بجد شطيها في الجول يعني

بس العفريت ده طلع للناس دي ليه
وراح فين الشعب
اكيد اتعموا من كتر الضغط
فمشافوش علبت الجعران
بس يلا مهم شعب نحس اصلا
المنحوس منحوس
ولو علقوا ع راسه فنوس

يلا بقي بست وشز فور يو

ro7 يقول...

اضحك الله سنك
معالجة جميلة
وتسلسل اجمل بجد سعدت جدا
بزيارتي ليكي
واتمني انك تنوري مدونتي
وتيجي تزوريني
ويكون بينا تواصل
روح
تحياتي

bar2ash يقول...

هههههههههههههههههه

الشنكوتي الكبير يقول...

لا مارد ابن مارد صحيح

بموت في اسلوب الف ليله وليله بتاعك ده يا بنتي

تحفه كلاعاده وبرده طبعا لازم ولابد من الافاده

من الأخر يعني اللي فهمته ان التدخين ضار جدا بالصحه
صح ولا انتي قصدك حاجه تانيه

سلااااااااااااااااااام
اخوكي ايهاب

الشنكوتي الكبير يقول...

الأسم من دوله غريبه
بلد مهياش نواحينا
مع انها يا ناس منينا
حاسه وعايشه في ايامنا
تسمع كلامها وافكارها
تقول زعيمه تيارها
والناس بتهف بحياتها
واحنا بنهتف وياهم
جدعه وجامده يا حلاوه
لكنها عندها واوا
والعضم ماله هسهس فس
واجعها ومعقد حالها
لسان فزيع حالف ينطق
وعن البلاوي يتكلم
عماله فينا بتعلم
واحنا معاها بستفهم
حاجات كده فايته علينا
بالضحكه والكلمه الزينه
خلتنا نلحق ايامنا
ونشوف معاها احلامنا
يمكن يا بكره لو تيجي
هتلاقي حاجه مشهوره
عملت لبلدي المعذوره
حاجه تفيدها ونتقدم
وبلدها كانت بتحارب
الجد من ابطال عصره
تحس وانت بتسمعها
اختك وعارف احوالها
وكانها عاشت زيك
وعارفه عنك اكتر منك
في المجدعه مفيش مثالها

وياريتني اقدر اقولهالها
فرنسا يا اجدع اخت ربنا يحفظك

سلااااااااااااااااااااااااااام
اخوكي ايهاب

دكتور حر يقول...

خالتنا الغاليه

بس بسلم واطمن عليكي
ويا رب تكوني بخير
واعذريني عالتقصير معاكي

ودعواتك

فرنسا هانم يقول...

عبده الرايق
طول عمرك خواف يارايق

فرنسا هانم يقول...

عبده الرايق
اسألك العفاريت على الكادر ؟؟؟؟
ماشى يارووووقه

فرنسا هانم يقول...

عبده الرايق
هاعمل زار بس عايزين الدبيحه

فرنسا هانم يقول...

Jana
لا حكايه مارتن دى جديده
انا اعرف انها كانت لها فعلا صديقه

فرنسا هانم يقول...

واحد من البلد دى
اسمنت للركب ؟؟
لو جبس كمان يبقوا هيجبسونا

فرنسا هانم يقول...

موجة
اشكرك جدا
رغم انها مش قصيده

فرنسا هانم يقول...

kochia
اكيد اللى جابه هنا حظه النحس

فرنسا هانم يقول...

بت خيخة وأى كلام
دايما بفرح جدا بوجودك يا اجدع خيخه

فرنسا هانم يقول...

فليعد للدين مجده
استاذنا ودكتورنا الغالى
وانا كمان بس لازم نصدق

فرنسا هانم يقول...

أحسن تـستاهـل
اكيد راح قعد فى منتجع زحل
فاكر الافكار هتتزحلق له

فرنسا هانم يقول...

احمد سكر
حمدلله على السلامه يا سكر
وانت عارف المدونه مدونتك

فرنسا هانم يقول...

mayada
ده خد جلسات كهرباء
خليته يقول حقى برقبتى

فرنسا هانم يقول...

دعوه للفردوس
حبيبتى الغاليه
منورانى دايما وفعلا انا باجى على الخيال

فرنسا هانم يقول...

ayman badr
فعلا صاحبنا الانسان جاب النهايه

دعاء مواجهات يقول...

إزيك يافرنسا ياحبيبتى

وحشتينى اوى اوى اوى

إمواة

إموااااة

وكمان

إموااااااااااااااة

انا رجعت من 5 أيام من العمرة

ودعيتلك هناك بالشفاء والمغفرة والرحمة

ربنا يتقبل منمى ياارب

انتى وحشتينى اوى ووحشتى مدونتى كمان

بحبك ياقمر

طمنينى عليكى

سلااام

قوس قزح يقول...

ازيك يا جميل
عاملة ايه
يارب تكونى بخير
طمنينا يا فرنسا على حالتك اخبارها ايه
انتى بتختفى كتير هل ده سببه ضهرك بردو ؟

أبو خالد يقول...

أبنتي الغالية/صاحبة مدونة فرنسا هانم
أفتقدك كثيرا أبنتي
رجاء طمنيني عليك و علي صحتك
كنت أتمني أن تكوني معناأنتي و الرايق في أجتماع مدوني بورسعيد كانت ستكون مفاجئة من العيار الثقيل
أتمني أن تكوني بخير و ادعوا الله أن يتم شفائك شفاء لا يغادر سقما
دمتي أغلي أبنة

Doba يقول...

ايه يا ست الكل
بقالك شهر منزلتيش اى حاجة جديدة
=========
انا متابعة يوميا الضاحكون والتعليقات كاملة
بس مش كده يعنى
فينك

فين بصمتك هنا
فى انتظارك دايما
هبة

almasry يقول...

فرنسا هانم ..بجد انا زعلان انى مش بقرأ لكن بجد انا مشغول لكن انا زعلان لما جيت أزور انين الحزن رفضت زيارتى لانى مش مدعوا قولى ليها اناكنت هسأل عليها لله زى ما بسأل عليكى بردو لله

تحيــــاتى
المصــــــــرى

دعاء مواجهات يقول...

انتى مختفية فين كل دة

ياقمر

وحشاانى اوى وواحشنى كلااامك

وواحشنى اسمك فى الكومنتات عندى

بيس ياجميل..

ساعد نسرين الايمن يقول...

كج كج
هو احنا ناقصين مصنع سجاير
مش كفاية علينا مفتي الشرقية للدخان اللي طلع لينا ف المقدر جديد

هههههههههههههههه

جميلة اوي فرنسا
بس بجد
هو انتي مختفية فين ؟
مشكلة لتكوني سيبنا وبتصيفي
اش حال انك م السويس

نونو يقول...

جيت اسلم واسال فينك يا جميل
وحشتيني جدااااااااااااااااااااااااااااااااا
طمنيني

shayma يقول...

انتى مش هترجعى تكتبى تانى هنا ولا ايه
هيا المدونه التانيه اخدتك خالص مننا كده

طمنينا عليكى وعلى اخبارك واكتبى جديد بقى

سلامى يا احلى خالتى فرنسا
:))

أبو خالد يقول...

أبنتي الغالية/فرنسا
أنا في غاية القلق عليك و علي صحتك
من فضلك ردى علي جزاك الله خيرا

حاجات جوايا يقول...

السلام عليكم

ازيك يا قمر أخبارك ايه ؟
فينك من زمان مش بتتابعى مدونتك ولا مدونة الضاحكون ليه
يارب تكونى بخير
طمنينا عليكى

سالى

الطائر الحزين يقول...

الووووووووو

د/اجدع بنوته يقول...

وحشتينى مووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووت

ياخالتو .. يارب تكونى بخير

وصحتك ميت فل يارب

بس بجد كنت مفتقده مدونتك وبوستاتك

وكلامك

اموااااااااااااااااااااااه

نور الدين يقول...

نت تحفة
انت جامدة
انت رهيبة
انت ملكيش حل
بس خلاص
................
انت يبنتى بتجيبى الافكار دى منين شكلك حزب وطنى عشان الافكار السفلية دى متخرجش غير من هناك
..
والله بجد الله عليكى انا عادة بعلق بالفصحى لكن معاكى لازم اسيب اللى جوايا يطلع على المصطبة الشعبية اللى انت المعلمة بتاعتها
تانى برافوووووووووووووووووو
برافوووووووووووووووو
............
تحياتى
......
نور الدين محمود

CAIROCOMPUTER يقول...

الأخت العزيزه فرنسا هانم
تحياتنا وحمد الله على السلامه وآسف للتاخير فى الكتابة اليك لأنى كتبت اكثر من رساله موجهه لك اهنئك واكلب فيها الموافقه على نشر بعض تدويناتك فى برنامجنا...كتبت هذه الرسائل فى مدونة الضاحكون فى احدث بوست فيها ولكن الأخت آبى قامت بمسحها مع انها مجرد ضيفه وليس من الذوق ان تعبث برسائل ليست موجهه لهاوالسبب هو اختلافى معها لكرهها لواحده من مساعدى مع انها كانت صديقه لها قى يوم من الأيام وحاولت بشتى الوسائل وباشاعة اشاعات عنها شنيعه ان اعفيها من العمل ...رجاء اتخاذ موقف من هذا العبث باسرع ما يمكن وكتابة اعتذار فى نفس البوست حتى يستمر تعاوننا وشكرا
برتامج انت تسال والكمبيوتر يجيب

tulip_rose يقول...

احلي شيء النظافة ويا سلام بقي لو النظافة كانت للعقول مش بس للجيوب
يمكن كنا اتقدمنا
لاكن لية نتقدم خلينا دايما ورا
عشان وقمة العيش تجري واحنا نجري وراها
بجد جااااااااااااااااااااااااااااااااااااااااااامدة
تحياتي

فاتيما يقول...

فرنسا هانم يا قمر السويس كله
فينك يا بنتى
هجرتى مدونتك ليه
صحيح بتكتبى فى فرنسا و الضاحكون بس خلاص يعنى المدونة الجديدة خدتك خالص مننا ؟؟
أنا عاوزة أقولك وحشتينا
بعرف أخبارك بإستمرار من الناس الحلوة اللى بتحبك زينا
بس مفتقدينك جدا
عارفة إنى مقصرة
بس عارفة إن قلبك أبيض و مبتزعليش من حد
وحشتيناااااااا
بس خلاص

مدحت محمد يقول...

سامع المدونة دى بتبكى بجد

وسكنها عفاريت

هههههههههههههههه


اصلك سيباها فاضية

مينفعش كدة بجد

كنت بكلم الرايق على الميل وبجد انا اد ايه زعلان اووووووووى

انك هجرتى المدونة دى

عاشــــــ النقاب ـقــــة"نونو" يقول...

يا لهووووووووي
فينك بقى عاااااااااااااااااااااا
وحشتي اسراء بقى وام اسراء والنت كله
طب انا قاعدة لحد ما تردي علي بس

اربعين سنة ستيوتند يقول...

قلنا اتغيرت
شبيك لبيك بيس و ملك ايديك
اؤمر يا مان
اي فافور اعملهولك؟؟
بس حلو

ňįĝŗő يقول...

وحشتني فرنسا هانم
قوي
قوي
قوي

ارجعي بقى هنا

ربنا يتمم شفائك يا رب


يلا سلام

مصر يا موكوسه .....يا مزارع الكوسه يقول...

بسم الله الرحمن الرحيم
يقوم مجموعه من المدونين وانا من ضمنهم بتكوين رابطه لانقاذ ومساعدة اطفال الشوارع
التفاصيل كلها هنا
http://awraqwasrar.blogspot.com/
يسعدنا انضمامكم

الدفاع يقول...

كيف الاحوال
قرات المدونه من الجلده للجلده
معلش انا كده بذاكر متاخر قوى
شكرا على وجودك فى عالم التدوين
تحياتى وسلام

مصر يا موكوسه .....يا مزارع الكوسه يقول...

السلام عليكم ورحمة الله وبركاته
حملة كى يكونو حقا احياء
لمساعدة اطفال الشوارع ستبدا هذا الاسبوع
باقى التفاصيل هنا
http://awraqwasrar.blogspot.com/
للاشتراك يرسل الى
quloobrhema@yahoo.com
لنقم بالاتفاق على تحديد مكان وزمان
اللقاء
يسعدنا اشتراك الجميع