الأربعاء، يونيو 04، 2008

فرنسا فى العش ولا طارت ؟؟؟؟؟

اسفه جدا
********
لقد قمت بنشر تدوينه منذ ساعات
.
بعنوان قانون طارق بيه
.
ولكنى اكتشفت من خلال تعليقات اخى الكريم
.
ابو خالد
.
ان انسانه عزيزه عليه
.
من الطراز الاول تعانى من سكرات الموت

ولان التدوينه كانت ضاحكه ساخره
.

فقمت بحفظ التدوينه
.
وارجوا منكم جميعا
.
ان تتوجهوا الى الله وتدعوا لها
.
انا لا احسن الدعاء المحفوظ
.
ولكنى سادعى لها من قلبى
.
يارب ارحمها وخفف عنها الالام
.
واشفها يا رب العالمين
.
اخوانى الاعزاء
.
يجب ان نقف بجانب الاب والاخ
.
ابو خالد




تحديث
************
تم بحمد الله عمل المدونه الجديده

فرنسا والرايق

منتظره رأيكم فيها

ملحوظه مهمه
*********

لو اى مدون محب للكتابه الساخره والكوميديا بانوعها يحب يشارك معانا انا تحت امره بس ياريت اللى يبعت حاجه تكون جديده يعنى لم تنشر فى مدونته
*****************


اخوانى المدونين واخواتى المدونات
وحشتووووووووووووووووووووونى جدا جدا
انتوا عارفين الهبله العبيطه ام بدوى ؟؟؟؟
احب اعرفكم بنفسى ...الهبله العبيطه ام بدوى
الحكايه انى رجعت من المستشفى طازه بنار الفرن وايدى وعقلى ودماغى بياكلونى على الكمبيوتر ...اقول لنفسى اصبرى يابت يا فرنسا انتى لسه عامله العمليه اهدى فى نفسى ..وفعلا قدرت اتغلب على نفسى وقدرت اهزم نفسى بلمس الاكتاف واجبنى الارض ...وفضلت متغلبه على نفسى لمده ساعه وربع
لكن الظاهر ان الحكم مكانشى لسه ضرب الجرس والمباراه لسه مكانتشى خلصت ...راحت نفسى قايمه من تحتى وعملت معايا حركه من بتوع الواد بروسلى وراحت رميانى فى الهواء شاشى وانت متدراشى
اول ما اخواتى مشيوا لقيت نفسى بجرى على الكمبيوتر وافتحه وكتبت ليكم التدوينه اللى بعد خروجى من المستشفى ... ومأكتفيتشى بكده لأ قعدت متابعه معاكم كام يوم ....لغايه لما وقعت الفاس فى الراس ..وبقيت مش عارفه اتحرك ...كل مسكنات الصيدليه والصيدليه اللى جنبها والصيدليه اللى وراها وكل صيدليات السويس وقفوا يطلعوا لى لسانهم ويقولولى اشربى بقى يا فالحه
اقولهم انا عامله دايت مش هاشرب يقولولى انتى اللى جبتيه لنفسك
عارفين طبعا المذكور مسبقا ميدو ابن اختى ..راح متصل بأخواتى وفى دقايق الكل بقى عندى
وانا عامله نفسى البطله زينا اللى كانت مع هرقليز وكاتمه اهاتى والمى ...لكن الالم كان اشد منى
اتصل اخواتى بالدكتور على عمنا المحمول باشا فلته العصر وحكوا له الحكايه بالظبط
قالهم هى بتتحرك كتير ؟؟؟؟؟؟؟
شاور المذكور اعلاه ميدو على الكمبيوتر لاخوايا ....راح اخويا قال للدكتور بتقعد على الكمبيوتر
انا سمعت صرخه الدكتور بجد ...لان اخويا كان فاتح الصوت
الدكتور بعد الصرخه لابس حرير فى حرير ...والست مرجانه عملالى عيانه
الدكتور قالهم لو مبعدتوش الجهاز عنها اسبوعين على الاقل مش هتمشى على رجلها تانى ...وانا قلت لكم وانتوا اعملوا اللى عايزينه
عملوا مناحه
وعملوا لى صوان قبل ما اموت
وقرر الجنرال اخوايا الكبير قرار جمهورى باخذ الكيسه بتاعه الجهاز عنده البيت
طبعا فرنسا مش صيد سهل
لأ انا برضه ليا كلمتى
لكن لان جزورنا اصلها صعيديه فبنحب نحسس الرجل ان كلمته هى اللى ماشيه
وطبعا ده اخويا الكبير بس هو عارف مين فرنسا ...قام مسك ايدى وقالى انا عايزك تمشى على رجلك تانى ياختى ..اسمحيلى اخد الكيسه
انا بجد صعب عليا وعيطت جامد ...مش عيطت من الموقف لأ انا عيطت علشان اخويا اندمج وداس بايده على الكلونه اللى مربوطه فى دراعى
قلت لهم خلاص بكره خدوها
وفعلا كتبت لكم التدوينه الماضيه
وبعدين انا كان عندى كياس بالهبل
كل اللى جاى جايب زياره فى كيسه والسكر فى كيسه وكل حاجه فى كيسه
بس مجاتنيش فرصه اخد كيسه واركبها على الجهاز
ههههههههههههه
انهارده جابوا الكيسه بعد سماح الدكتور ليا بالحركه البسيطه
فانا معاكوا من انهارده ان شاء الله
بس رجاء
وسامحونى فى الرجاء ده
انا هتواصل معاكم فى المدونه وفى التعليقات لكن هاقصر شويه من ناحيه زيارتكم
لكن برضه هحاول ازوركم كلكم
وحتى لو للسلام

فى ملحوظه مهمه جدا

عندى ليكم خبر مهم جدا
فى فتره ما قبل العمليه بشهر ارسل لى الرايق رساله على الاميل يدعونى الى عمل مدونه مشتركه معه وكانت فكرته عمل مدونه تحكى مواقف كوميديه او قصص قصيره كوميديه وارسل لى بعض الافكار الجميله
وارسلت له اميل بالموافقه والفكره دى انا كنت هاعرضها على سوووووو ولكن مش عارفه معرضتهاش ليه واول ما عرضها على الرايق وافقت وفعلا كتبنا ثلاث حلقات ولكن توقفت حتى عن ارسال اى ايميلات للرايق قبل العمليه باسبوع ولم ارد على ايميلاته لانى كنت اخاف الا اعود مره اخرى وحتى انى لم اخبره باى شىء عن العمليه وانا بعتذر لكم جميعا انى لم اخبركم وخصوصا ابو خالد لانه زعل جدا لانى لم اخبره
وسوف اقوم بعمل المدونه والبدء فى ارسال الثلاث حلقات وارجوا من الرايق البدء او العوده للكتابه ولو عنده حلقات جاهزه يبعتها على الاميل بتاعى ...علشان كده ان كنت كتبت ان الرايق توأم قلمى

وملحوظه اخيره برضه مهمه جدا جدا

اخوانى واخواتى اللى سألوا عليا فى فتره غيابى اشكركم جدا
ومش هاذكر اسماء ولكن انا لقيت تعليقات مكرره يوميا من ناس كانت بتدخل المدونه وهم على امل انهم يلاقونى ولغايه انهارده بيدخلوا الناس دى ايه ؟؟؟؟؟؟؟؟؟؟؟؟؟؟
صدقونى الناس دول ملايكه
صدقونى الناس دول اهلى
صدقونى انا بحبكم جدا جدا
صدقونى انا هاعيط
محدش معاه منديل ورق ؟؟؟؟؟؟؟؟؟؟؟؟؟؟

هناك 251 تعليقًا:

‏1 – 200 من 251   ‏›أحدث   ‏أحدث»
واحدة مفروسة يقول...

هيييييييييييييييييييه
انا اول تعليق
راحت عليك يارايق
خليك انت مع المودام جبلها شاش و قطن
ههههههههههههههههه
اروح اقرا بقى و ارجع

Z_Diva يقول...

ايه ده, هو مفيش حد هنا وللا ايه, لا انا بتكسف محبش ادخل الفصل الا لما يكون مليان ماليش دعوة :)

انا بس بقولك حمد الله على السلامة, و بما اني خلاص الحمد لله استمأنط عليكي, ساعود للمتابعة الصامتة, او ممكن لا بما ان رجلي خدت على صفحة الكومنتات عندك, و كمان انا اصلا زبونة هنا من زمان, احتمال ابقى اعلق و اصدعك :)

ربنا يتم شفاكي على خير ان شاء الله, وويلكم باك :)

Z_Diva يقول...

اه ده الحمد لله مفروسة جت وانا بكتب و دخلت الفصل قبلي, اه كده الواحد يخش وهو مسطمئن :)

واحدة مفروسة يقول...

بصى يا قمر اولا حمدا لله على سلامتك و ربا يتمم شفاكى على خير
و بعدين يافرنسا الصراحه يعنى بلاش تتعلمى من توأم قلمك البخل حللي الكيس و نامتوب,,قصدي لاب توب ...تقومي تلعبي بمزاجك و لاموكف العتفيه الفزيعه والدغت على الكانولا
هههههههههههههه
فكرة المدونه المشتركه تحفه و انا بدعوكم تاخدو أرض الاحلام ..مدونه جميله و ناسها حلوين موش بتوع زنب و لا مقالب
هههههههه ده طبعا يعنى لو عاوزين..هيه شرحه مطرحين و صاله وعفشة ميه و جنينه خضرا
هههههههههههههه


فرنسا احلى ما فى العلم اللى احنا فيه أن الارواح( اللهم احفظنا) بتتوافق مع بعضها..احنا بنتعامل مع ناس لاشافونا و لايعرفونا ..يعرفوا بس الشخصيه التدوينيه...و ده فى حد ذاته أجمل ما فى الموضوع....
انتي جميله ...و الناس كلهم اللى فى المدينه ديه جمال

واحدة مفروسة يقول...

فرنسا ممكن أقف على الباب اعمل الآلفه على عبده الرايق؟

واحدة مفروسة يقول...

الوافقه عندك حلوه انتى ساكنه جنب البحر الدنيا عندك تراوه

آلام وآمال يقول...

حمدا لله على سلامتك وربنا
واسأل الله العظيم رب العرش الكريم أن يشفيكِ شفاء لا يغادر سقما

وفي انتظار مشروع المدونة المشتركة بإذن الله
:)

رئـــــيسـة حزب الأحلام يقول...

ازيك يافرنسا وحشتينا ياقمر
لولولولولولولوي
ازيك ياقمر وحشتينا
انا هقرا وارجع

مناجاة يقول...

ربنا يتم شفاكي على خير ويجعله في ميزان حسناتك
اختك مناجاة

رئـــــيسـة حزب الأحلام يقول...

بجد بجد انتى وحشتينا والواحد كان حاسس المدونات مالهاش طعم من غيرك
فرنسا انا بجد نحبك فى الله
ادام الله نعمة الصحة ونعمه حب الناس اليك
لولوىىىىىىىىىىىىىىىىىىىىىىىىىىى

appy يقول...

حبيبه قلبي توامي الجميل حمد لله على السلامه والله كنت لسه داخله ابص عليكي بجد انا مبسوطه قوووووووووووي الف مبروك المدونه المشتركه ان شاء الله هتبقى هايله بجد
عارفه الواد مهند الباحث عن الحقيقه بيقولى انا واتني شيه بعض فى الاراء كتير وانا اتبسطت قوييييييي من كده لانه شرف ليه وحشتينا قويييييييييييييي بوسه كبيره وحضن لاجمل اخت

آخر العنقود يقول...

حمدلله على السلامة يافرنستنا
وربنا يقويكي يارب
عشان نشوف ونستمتع بأحلى المدونات انتى والرايق
دى هتبقى تحففففففففففة

الف الف حمدلله على سلامتك ياخالتو
ويارب دايما بصحة وسعادة

Salwa يقول...

حمد لله على سلامتك ؟

الحمد لله إنك بخير

على فكرة المدونه الجديده هتبقى خطيره إن شاء الله

ربنا يوفقكم

ويتم شفاكي إن شاء الله

ربنا يحفظك دايما

أميمة كامل يقول...

حمدا لله على سلامتك

ربنا يتم شفائك على خير

كاميليا يقول...

يا اللـــــــــــه

حمد الله علي السلامه

عارفه؟

انا كنت حاسه اننا عاملين زى سرب الطيور الطائر بدون قائد السرب

تايهين ، بنكتب ونعلق وكل حاجه بس جوانا حاجة مش موجودة

يمكن مش عارفة اوصف صح احساسي
بس انا كنت حاسة كده

ربنا يتم شفائك علي خير يارب
وترجعى لنا بالف سلامة

مبروك المدونة المشتركة مع الرايق
بس مش قولتى اسمها إيه؟
ربنا يبارك لكم فيها
وتنشرو فيها كل السعادة والخير
اللى هاتسعد قلوب ناس كتير
هاتيجى تستريح عندكم من احزانهم وآلامهم

ربنا يحفظك يارب

تحياتى وحبى
لشقيقتى العزيزة

اهو ده عيبه يقول...

حمد الله على السلامه يا فرنسا
وعوده الكيسه كمان
فى انتظار المدونة المشتركه اللى اكيد هتكون جبارة
شدى حيلك انتى بس واجمدى كده وورينا هتعملى ايه فى الرايق

سلام يا قمر

Jana يقول...

حمدا لله على السلاااااامة يا شمس المدونات وقمر البلوجرز

وحشتينا والله قوى جدا خالص
ده انا اللى كنت حاعيط من موقف اخوكى
ربنا يحفظكم لبعض ويباركلك فى اخواتك ويباركلهم فيكى...وخصوصا ميدوو العسول

اهم حاجة انك تسمعى الكلام ومتجيش على نفسك تانى لحد ما تعدى نقاهتك على خير

مبروك علينا احنا المدونة الجديدة
مفرحانا دايما يا فرنسا الغالية

تحياتى حبيبة قلبى ..وعودا محمودا
:))))))

فاتيما يقول...

حمدلله على السلامة يا قمر السويس كله
يا ستى على مهلك خالص و إحنا موش هندقق قوى
إرتاحى على الآخر عشان بعد كدا
لا رحمة و لا تهاون
و موش هنسمحلك بالفلفصة تانى أبداً
ألف حمدلله على السلامة يا حبيبتى
كان نفسى تكونى معانا يوم الجمعة
بس ملحوقة إن شاء الله
دمتى بألف خير و عافية يا قمر

ابن حـجـر الـعـسـقـلانـى يقول...

فرنسا فى العش .. فرنسا فى العش .. فرنسا فى العش

الحمد لله .. و الله العظيم أنا سعيد جدا

و الف مليون حمد الله على السلامة

و يا ستى استريحى كتير .. احنا ممكن نصبر كمان و كمان .. يعنى ممكن لغاية تلات ساعات كدة .. أهو مش حارمينك من حاجة عشان ترتاحى

و جميلة حكاية الدويتو دى .. شكلها كدة هاتبقى حاجات حلوة جدا .. مستنيينها بشغف

بس هى هاتبقى فى مدونة لوحدها و لا هاتبقى عندك هنا و لا عند عبده الرايق ؟؟

يا ريت لو هاتبقى عند عبده الرايق يبقى الدخول مجانى الله يخليكم و إلا دة هايبقى استغلال لحالة إدمان قراية موضوعاتكم و هايكون اكتساب أموال بشكل غير شرعى و ممكن أبلغ عنه مباحث أمن المدونات

و شكلى كدة هاوريكم الوش الوحش .. ابن حجر الطيب بتاع زمان خلاص .. راح .. و رمى قلبه و حط بداله حجر .. طبعا مش بن حجر


و الف سلامة مرة مليون و خمسة و اربعين .. و بجد تدوينة فرحتنا جدا جدا

فى رعاية الله يا فرنسا

قوس قزح يقول...

موووووووووووووووووووووووووووووووه
هقرا و ارجعلك تانى

kochia يقول...

حمد الله علي السلامة
كنتي عاملة مظاهرة
متهيالي لو رشحتي نفسك في انتخابات المدونات تكسبي
تحياتي

قوس قزح يقول...

انا كده اللى هعيط و هاخد منك المناديل

انا بقرا كلامك و فى نفس الوقت ببعته لاحمد سكر لانه مش عارف يدخل على المدونات من بروكسل
و بيبعتلك السلام كتير اوووووووووووووى

انا فرحانة انك بخير و ان الحكاية كانت غصب عنك
انا بردو قلت اكيد انتى مش بتقرى كلامنا مش معقول تشوفى كلامنا و تكونى قادرة مش تردى علينا

حمدلله على سلامتك
بس ارجوكى بلاش بردو تجهدى نفسك اوى
كفاية ساعة فى اليوم للجهاز

تصبحى على خير موووووووه

خبيب يقول...

Hلف ألف ألف حمدا لله على السلامة

شفاك الله وعافاك

وعودا حميدا

التدوين كسب بعودتك

maiosha يقول...

حمد لله على سلامتك يا فرنسا

ألف بعد الشر عليكى الحمد لله إنك رجعتلنا بالسلامة ..ده إنتى متعرفيش الرايق كان هيعمل إيه؟؟
راح جاب بالطو غريب كده ونضارة مكبرة وعاش شخصية شارلوك هولمز على الأخر ..وقال هجيبك يا فرنسا يعنى هجيبك .. بس لحقناه بالعافية

أما بقى حكاية المدونة الجديدة دى فأكيد هتبقى جامدة أخر حاجة يعنى..مستنياها على احر من الجمر

وألف سلامة عليكى يا قمر

فرنسا هانم يقول...

واحدة مفروسة

لايق عليكى الالفه
بجد انا مبسوطه منك يا مفروسه
لانكى بجد سألتى عليا كتير

فرنسا هانم يقول...

Z_Diva
مرحب بيكى
انا اتشرفت بزيارتك
ومش من انصار المتابعه الصامته
خليها غير صامته والدخول مجابا

فرنسا هانم يقول...

Z_Diva
حلوه مسطمئن دى
انجليزى دى يا مرسى

فرنسا هانم يقول...

واحدة مفروسة
على فكره يا مفروسه انا حاطه عينى عليكى من زمان
ولو الرايق ممشيش معايا عدل فى المدونه المشتركه
هاديله استماره 6
بس دى كانت فكرته
وهو فعلا عمل 3 حلقات فيهم مجهود كبير

فرنسا هانم يقول...

واحدة مفروسة
انا بقول ان انتى تنفعى الالفه

فرنسا هانم يقول...

واحدة مفروسة
لا مش ساكنه جنب البحر
بينى وبين البحر حوالى 3 كيلو ميتر

فرنسا هانم يقول...

آلام وآمال
شكرا يا محمود
وادعو من الله ان تنول المدونه اعجابكم

فرنسا هانم يقول...

رئـــــيسـة حزب الأحلام
زغروته حلوه رنت فى مدونتنا

فرنسا هانم يقول...

مناجاة
اختى الجميله مناجاه
شكرا على سؤالك عنى
بجد متشكره

فرنسا هانم يقول...

رئـــــيسـة حزب الأحلام
ياريسه ربنا يعلم اد ايه انا كنت مشتاقه لكم جدا
لكن
على كل حال الحمد لله

فرنسا هانم يقول...

appy
ابى حبيبه قلبى
عامل ايه معاكى الكابتن اسلام
انتى بجد بجد تؤام روحى فعلا
فى حاجات مشتركه فى تفكيرنا
بس انا نفسى اتعلم منك نفش الريش

فرنسا هانم يقول...

آخر العنقود
اخر العنقود سكر معقود وحشتينى جدا
وبلغى الدكتور محمد ابو زيد انى زعلانه منه
لانه مكلفشى خاطره وسأل عنى

فرنسا هانم يقول...

Salwa
حبيبتى الغاليه
وعامود العيله الالكترونيه سلوى انا مش عارفه اعبر عن امتنانى لسؤالك اليومى عليا
بجد الشكر وحده مش كفايه

فرنسا هانم يقول...

أميمة كامل
الله يسلمك يا اميمه
وشكرا على الزياره

فرنسا هانم يقول...

كاميليا
حبيبتى الغاليه كاميليا حتى تعليقك حلو التعبير زى جمال مدونتك وجمال اشعارك
احبك جدا جدا جدا جدا جدا جدا

فرنسا هانم يقول...

اهو ده عيبه
انا بشكرك جدا لانك فعلا كنتى من الناس اللى حسسونى بقيمتى فى هذا العالم
تحياتى وقبلاتى لكى

الفاتح الجعفري يقول...

ربنا يحفظ حضرتك ويشفيكي ويزيل عنك تلك الالام ويجعلها في ميزان حسناتك
بس صحة حضرتك بالدنيا مش مهم تتعبي نفسك تماما الايام دي وخلي بالك من صحتك
واوصيكي بالدعاء
واوصيكي بكثرة الذكر
وجزاكم الله كل خير
والله فرحت جدا لما وجدت تدوينتك
ربنا يرضي عنك في الدنيا والاخرة

فرنسا هانم يقول...

Jana
كنتى هتعيطى
وانا عيطت من الكولونه
عارفه اعظم حب حب الاخوات
وعارفه انا حاسه ان احنا برضه فى العالم الالكترونى برضه اخوات
انا متشكره على سؤالك المستمر عنى

shayma يقول...

فرنسسسسسسسسسسسسسسا
تا تعيش تا تعيش

بجد يا فرنسا وحشتيييييييييييينى اوىىىىىىىىىىىىى
الف الف الف حمدلله على السلامه

يارب تكونى بخير ومتشديش على نفسك يا فرنستى يعنى متستعفيش عليها والنبى يا فرنسا عشان تخفى من غير مشاكل

وحلوة اوى حكايه المدونه المشتركه دى هتبقى جاااااااامده اخر حاجه بجد

مستنينها بقى بسرعه

وحشاااااااااااانى
المدونات كانت وحشه او من غيرك يا فرنستى
ربنا يتم شفاكى على خير يارب



مش عايزة امشى
:)))))))

سلامى يا فرنستىىىىىىىىىىىى وخدى البوسه دى امواااااااااااه
:)))))

فرنسا هانم يقول...

فاتيما
ام يوسف يا عسل
وحشتينى انت وحكاياتك عن حبيب قلبى يوسف
ويظهر كده
انى هتجرأ
واطلب منك ايد يوسف
وتبقى حماتى
هههههههههههههه
بحبك جدا
وقبلاتى لكى وليوسف

بحبك يامصر يقول...

الف حملله على السلامه يارب يقومك لينا بالسلامه يفرنساهانم انتى متعرفيش قيمتك عندنا معلش يا فرنسا حاولى تحافظى على نفسك واسمعى كلام الدكتور
واحنا هنقدر صحيح هتوحشينا بس صحتك اهم
يارب تكونى دايما بخير
تحياتى ليكى يا هانم

فرنسا هانم يقول...

ابن حـجـر الـعـسـقـلانـى
اخى الكريم والعظيم والحبيب
لانى خالتك واكبر منك بكتير
لكن فعلا احبك فى الله
وحاسه انك ابنى
او علشان مكبرشى نفسى قوى
حاسه فعلا انك اخويا الصغير
تحياتى لك
ومتخافشى
المدونه المشتركه هتبقى عندى
وفى حاجه تانيه
انت اسلوبك خرافه فى الكوميديا والكتابه الساخره
والظاهر كده انى هافلسع الرايق قبل ما نشتغل مع بعض
وفى اسماء كنت حاطه عينى عليهم
مفروسه
وخيخه
وابى
وانت وسووو
والبنت سووومه المجنونه
وناس تانيه بيكتبوا كوميديا
نفسى اعمل حاجه كبيره
هابدء مع الرايق
ولو نجحنا
هاحاول انى اضم مجموعه تنجحنا اكتر واكتر

فرنسا هانم يقول...

قوس قزح
امواااااااااااااااااااااه
بحبك جدا

فرنسا هانم يقول...

kochia
انا عايزه اكسب الحب
احسن من مليون انتخابات

فرنسا هانم يقول...

قوس قزح
ياااااااااااااااااااااه
كل المجهود ده علشانى
متتصوريش انا انبسطت من كلامك ازاى
وارجوا ان ترسلى سلامى لاحمد سكر فى بروكسيل
بجد انا بحبك
ومتشكره على سؤالك المستمر عليا

فرنسا هانم يقول...

خبيب
لأ طبعا
انا اللى كسبت بعودتى للتدوين
انا بحس بالدفء وانا معاكوا
اه مش هتنفع حكايه الدفء دى الجو حر
خلاص نمشيها بالحنان
بجد
انا بحس باخوه تجاهكم

فرنسا هانم يقول...

maiosha
تعرفى انا كمان فوجئت ان الرايق من السويس
يعنى لو عمل فعلا شرلوك هولمز هيجبنى
يجعل كلامنا خفيف عليه
انا متشكره على سؤالك عنى

محمد فوزي يقول...

حمدالله ع السلامه هلا يا هلا
اشتقنا ليكم ياما هلا يا هلا
الصحبه دي واحشانا
والفرحه مش سايعانا

يا مرحبا يا هنانا
يامرحبا يا هنانا

يعني محمد فوزي ومشغلك عمرو دياب
أحلى جو يعني , ايه أعلي الصوت ؟

لا معلش الدنيا ليل والناس نايمه

فرنسا هانم يقول...

الفاتح الجعفري
والله انا لقيت كذا تعليق منك لما رجعوا لى الكيسه
انا بجد فخوره بيك
وفخوره باخوتك لى
انت فعلا نعم الاخ
لما قريت تعليقاتك حسيت انى فعلا اعرفك من زمااااااااااااااااان قوى
واحب فعلا ان تكون لى اخ فى الله

فرنسا هانم يقول...

shayma
اموااااااااااااااااااااااااااه
حبيبتى الغاليه شيماء
انا فرحانه جدا بيكى
وفرحانه جدا بتعليقاتك وسؤالك عنى
وده برضه كان عشمى فيكى
انا سعيده بعودتى لاحضانكم

Z_Diva يقول...

نياهاهاهاهاهاهاااااا

بس كده.... انت تامري يا خالتشي, من هنا و رايح هيكون صوت و صورة -بس متجيش و تقوليلي سد يا ديفا, افصلي يا ديفا. طالما دوستي عالزرار, ما فيش ستوب- :)))

و ايوان طبعا, مسطمئن دي عنجليزي بس قديم شيوية, يمكن عشان كده محيراكي بس :)))

فرنسا هانم يقول...

بحبك يامصر
الله
كلامك فى حب وحنان كتار قوى عليا
انا باحترم جدا خوفك عليا
لكن لما عاد الكمبيوتر انهارده ولقيت التعليقات ده
ياااااااااااااااااااااااااه
حسيت انى فعلا انسانه

فرنسا هانم يقول...

محمد فوزي
كفايه صوتك انت حاسه انه اخوى جدا
اخى محمد
انا رجعت
ولسه مالفيتشى على المدونات
لكن
معلشى احنا اخوات لكن الشغل شغل
لو رحت عندك ولقيتك فرطت فى الحمله بتاعه البطاقه
او فرطت فى فكرتك
انت الجانى على روحك
اختك الكبيره فرنسا

فرنسا هانم يقول...

Z_Diva
عارفه يا ديفا
الظاهر اننا هنكون اصحاب جدا جدا
انتى بتحبى الضحك وانا بموت فيه
ولو على الزرار ياستى انا مستعده ادوس على الزرار للاخر
وعمرى ما هازهق منكى ابدا

محمد فوزي يقول...

والله يا فرنسا هانم ربنا يعلم انا فعلا باعتبرك اخت والأغنيه دي انا بحبها جدا وكل كلماتها بتعبر عن اللي انا عايز أقوله

بالنسبه للحمله , انا شغال , بتكتيكات مختلفه , بس بصراحه الحمله محتاجه دعم , بمعنى إنها محتاجه فرنسا

وخصوصا في ناس من صحابك (انا مش هفتن عليهم) طلبت منهم يبدأوا الإجابه على التاج وهما وعدوني يبدأوا وبعدين نسيوا باين ,

أصلهم معندهمش مدونه هما عندهم حاجه أكبر ومسؤلياتهم فيها كبيره
كان الله في العون

تحياتي والحمله في انتظارك

Z_Diva يقول...

اولا انا اخدتك حضور هناك عندي خلاص يا فندم

ثانيا طبعا اتمنى اننا نبقى صحاب, هو انا اطول :)))

ثالثا هستنا زيارتك الحقيقية للبلوج بتاعي لما تتمي شفاكي على خير

رابعا متطوليش القعدة عالكنيونوتر يا خالتشي, و الا هبلغ عنك في العيلة عندك اهو, و هقول لسي الدكتور كمان و قد اعذر من انذر :))))))))))))

تصبحين على خييييير :)

بنوته مصرية يقول...

لولولولىىىىىىىىىىىىى

وحشتينىىىىىىىىىىىى

حمدالله علي سلامتك يا غالية

من فرحتي مش عارفة اقولك ايه

امووووووووووووووووه

Soooo يقول...

يارب يارب يارب يارب يتم شفاكي على خير يا فرنسا يارب

وان شاء الله تقومي وتنوري مدونتك ومدونات الناس بزياراتك وبكلامك وبتعليقاتك

وياستي انا لي الشرف والله العظيم انك فكرتي ولو لمجرد لحظة اني اعمل اي حاجه في المدونه اللي ناويين تعملوها انتي والرايق
ولو حتى اني اعمللك شاي وقهوة
انا ماجيش جنبكم حاجه بجد
ولي الشرف مجرد ان اسمي يتكتب تحت اساميكم انتي والرايق .. او حتى ان اسمي يتكتب في مدونة انسانه بجد بجد من اكتر الناس اللي انا باحترمها وباحترم فكرها وباحترم كل كلمة بتكتبه

وربنا يسعدك ويكرمك ويبسطك ويعفو عنك ويرضيكي دنيا وآخره يا احلى فرنسا في الفرنساهات المتفرنسه كلها




سلامووووووووووز

فليعد للدين مجده يقول...

عود حميد أختي فرنسا هانم
أجر وعافية إن شاء الله

صبرني يارب يقول...

الف الف حمد الله على سلامتك يا فرنستنا الجميله

والله العظيم واحشاااااني خالص وربنا يتم شفاكي على خير يارب ويشفى جميع مرضانا ومرضى المسلمين .

وبعدين ايه ده هبله انا وجايه الحق اول تعليق الاقينى ال63 يلا فى امل باقرب كل مره من قدام

ومفروسه دي مش هانسهالها طول عمري دايما اول تعليق فى كل المدونات انتى قاعده على الباب ولا ايه
عايزه اعمل صندوق زي الى عندها بيطلع المواضيع الجديده مش عارفه

فرنسا مستعده اكلمك مايك تملينى الى عايزه تكتبيه وانتي نايمه وميدو بيه يمسك هو المايك
والله العظيم ده بجد مش هزرا او حتى سجليه وابعتهولي ملف صوتي ومالكيش دعوه
هابعتهولك انا على ملف وورد مكتوب ومتأفلط اخر افلطه . انا بروفيشنال واتخنها بوست فيكى يا مصر بياخد مني ربع ساعه .
اميلى اهو على الهوت reda_kholy@hotmail.com

والله ما عزومة مراكبيه صدقينى انا مستنيه اميل يقولي اكتبي بس يا صبرني عنيه لكى يا فرنستى والله

والف مليون سلامه عليكى يا قمر

إيمان العزب يقول...

اجمل مفاجأة يافرنسا
اجمل مفاجأة رجوعك لنا تانى
حمدا لله على سلامتك
بس بالراحة على نفسك علشان ما تتعبيش تانى
دعواتك للاولاد عندى لان امتحاناتهم السبت الجاى ولمدة شهر كامل
اول مرة ثانوية عامة بقى
فى انتظار تدوناتك مع الرايق
دمتى فى صحة وبهجه

mayada يقول...

الف حمد الله علي السلامه يابطتي
قصدي يافرنسيتي ربنا يتمم شفاكي علي الف خير
والف مبروك علي الديوتون اللي هتعمليه انت والرايق
ان شاء تدغدغوا الدعاديغ

wa7ed 2ensan wnsan يقول...

يااااااااااااااااااااااه


فرنسا هانم رجعت يا جدعان

فرنسا هانم بنت السويس رجعت يا مينزززززززززززز

هيييييييييييييييييييه

حمد الله عالسلامه يا فرنسا هانم والله انا مصدقتش نفسي وانا شايف تعليقك منور في المدونه وبيحمل معاه اشارة الفرحه والله العظيم حمد الله عالسلامه يا فرنسا هانم والله العظيم فرحان بجد جدا جدا جدا

يااااااااااااااااااااااه

حمد الله عالسلامه

wa7ed 2ensan wnsan يقول...

معلش بقى يا فرنسا هانم الحمد لله الواحد اتطمن على حضرتك والحمد لله

طلب بقى من واحد رخم - اللي هو انا - يا ريت كل ما تلاقي نفسك فاضيه ومفيش وراكي حاجه تدعيلي

انا عارف انه طلب رخم . بس ان شاء الله ليكي الجنه عليه وهنيالك يا فاعل الخير والثواب ومن قدم شيء بيداه التقاه وحييييييييييييييييييييييييييي

حنين القلب يقول...

هيييييييييييييييييييييييييييييه
فرنسا رجعت والله المدونه نورت وقبل ما اقرى ولا حرف قولت اجى اقول الف مليون حمد الله على السلامه
لووووووووووووولىىىىىىىىىىىىىى
والله بجد فرحانه جدا لرجوعك يا حبيبتى
هروح اقرى وارجع تانى
سلام

مدحت محمد يقول...

اولا ربنا يتم شفاكى على خير ياخالتو

واسمعى كلام الدكتور بلاش الحركة الكتير

ثانيا بقى مبروك المدونة الجديدة المشتركة بينك وبين الرايق انا اعتقد انها هتكون من اجمد المدونات بجد ان شاء الله
لانها بتجمع بين اخف دمين من المدونين

فى اول تعليق ليا عندك فى اول بوست كتبتيه قلتلك الديك الفصيح من البيضة بيصيح

حسيته اوى لما كنت فى القاهرة وكل ماقول انى من السويس لاحد المدونين يقلى فرنسا هانم

بقيت اشهر من السويس ياستى ههههههه
ياللا ربنا يقومك بالسلامة ان شاء الله

حنين القلب يقول...

الف مليون بعد الشر عنك يا حبيبتى
معلش بكرة تبقى تمام وزى الفل وتكتبى لينا احسن بوستات وحلقات حلوة مع الرايق جدا
بس بجد يا فرنسا خلى بالك من نفسك خصوصا الفترة الجايه دى وبلاش برضه تقعدى كتير على الجهاز احنا اطنا عليكى وخلاص مااااااااشى ولا اجى اعمل زى اخوكى واخد الكيسه بس انا مش هرجعها هسرقها علطوله ههههههههههههههههههههه
الف مليون حمد الله على سلامتك
بس انا ليه عندك طلب صغنون
انا حلفت انى مش هكتب اى حاجه تانى الا لما تدخلى عندى وتحطى ولو تعليق فاضى وانا الصراحه ايدى بتاكلنى وعايزة اكتب البوست الجديد ممكن تتدخلى تقولى انا جيت اهه يا حنين وتمشى 4 كلمات بس مش تتعبى نفسك ماااااااااشى ولا ايه؟؟
لا اله الا الله
وربنا يحفظك ويتمم شفاكى على خير
سلام

الفاتح اليعقوبي يقول...

حمد لله علي سلامتك وان شاء الله تقومي بالسلامة وتعملي المدونة مع الرايق
ووحشتنا تعليقات حضرتك
بس تقومي بالسلامة اهم حاجة
والسلام

شباب روش طحن يقول...

بالرغم من أني مش من ضيوفك الدائمين ولكني بحب أزورك من وقت للتاني مش شرط أعلق لكن يعني حاجه بحب أعملها وخلاص بحس أن مدونتك مصرية قوي يمكن أكتر من مدونات ناس كتير فاكره نفسها بتعمل حاجه وهي في الحقيقة واقفة تتفرج وتشتم وبس في السلبيات في حياتها

أسف للتعليق خارج الموضوع تقريبا وحمد الله علي السلامة

بنوته مصرية يقول...

وحشتينىىىىىىىىىىىىىىىىىىى

قولت اصبح عليكي يا قمر

عاملة ايه دلوقتي

قولت اقولك صباح الخير

واتكل علي الله وانزل مصر

اشوف وشك بخير

هاجي ازورك لما ارجع ان شاء الله يوم الاحد

كان نفسينا تكوني معانا في اللقاء الحريمي

بس انتي هتكوني معانا بروحك

يلا صباح الخير يا غالية

أم أحمد المصرية يقول...

حبيبتي فرنسا الف مليون حمد لله علي السلامة
فلتضيء الشموع و لتعلق الزينات و لتدق الطبول فرحا بعودة اميرة التدوين المصري فرنسا هانم
عشان كده اول ما شغلت الجهاز النور طلع منه
يارب يعطيك الصحة و ما يحرمناش ابدا منك مستنين تدويناتك و مستنيني المدونة الجديدة
و بنحبك لدرجة انك لو كتبت ريااااااان يا فجل حنقول الللههه لمجرد بس انك موجودة
مليون بوسة و حمد الله علي السلامة كمان مرة

واحدة مفروسة يقول...

أنا جيت تانى اشوف عبده جه و لا لسه
أصل مش عادته يعنى ..دايماً بيجى على اللمه..

يااااااه يافرنسا أنا فين و إنتوفين...
انتو أسلوبكو هوه اللى بيخلينى أتجاوب معاكم....والله إنتو كلكم ناس جمال
وخيخه جميله جداااااا أنا حاسه بكده
وعلى فكره أنا برج العقرب , والبرج ده بيبقى عنده مش حاسه سادسه لأ بيبقى عنده سابعه و تامنه و بيحس بالناااس
أنا يشرفنى

ربنا يتمم شفاكى على خير

قوس قزح يقول...

صباح الخير يافرنسا

النهارده يوم جميل اوى
عارفة ليه
علشان اول حاجة شوفتها تعليقك عندى

لو اعرفك انك جاية كنت فرشت لك الارض ورد و فل وياسمين بكل الوان الطيف

ومتنسيش الاتفاق
بلاش تجهدى نفسك علشان تفضلى معنا و ميخدوش منك الكيسة تانى

ربنا يتم شفائك على خير

الطائر الحزين يقول...

مفيش فايدة فيكى

مترجعيش تعيطى تانى بقى

والله فعلا منورة

شفاك الله وعفاك
وطهور ان شاء الله


اما انت والرايق

هو احنا عارفين نسلك مع واحد منكم لما تتجمعوا انتوا الاثنين ربنا يستر

ٍSOU يقول...

الف الف الف حمدالله على السلامة .. انا بتابع المدنونة لكن ردودى مش كتير و اعذرينى انى ماسالتش وقت مرضك - دة احنا بلديات و عيب على حتى - بس الظروف .. المهم الف حمدالله على السلامة ... شفاكى الله و عفاكى

أبو خالد يقول...

أبنتى الغالية و أختى الحبيبة
صاحبة مدونة فرنسا هانم
"الحمد لله رب العالمين"

kochia يقول...

مهو انت اكيد كسبتي الحب
ما شاء الله لا قوة الا بالله
امال انت فاكرة انتخابات من اياها ؟؟؟؟
والمظاهر اللي كانت معمولة عشانك من اصحابك مظاهرة حب طبعا
حمد الله علي السلامة مرة تانية

الشنكوتي الكبير يقول...

فرنستيييييييي

الف سلامه عليكي
يعني هو لازم ناخد الكيسه علشان تاخجي بالك من نفسك

ربنا يحفظك ويشفيكي

بنحبك يا اجدع فرنسا

سلاااااااااااااااااااااااااام
اخوكي ايهاب

صاحب المضيفة يقول...

مش معاكي انتي مناديل يا خالتي


انا اللي عاوز اعيط بجد


ربنا معاكي ويخفف عنك حملتك على راي ستي


يارب يجعل ذلك كفارة لك من سيائتك ويطهر بها نفسك وروحك




منتظرينك دوما

princess dodo يقول...

الحمدلله على سلامتك
انا مبسوطه بجد انك بخير
وطمنتينا عليكى

يارب تكونى بخير دايما

وبنحبك اووووى والله

نبضات يقول...

الف الف سلامه
اول مره ازورك ومش حتكون الاخيره باذن الله. صديقتى عاليا حليم حكتلى كتير عنك كنت اتمنى ازوك فى ظروف احسن من كده لكن الظروف.اهم حاجه ماتتعبيش نفسك الفتره اللى جيه خالص
وممكن ترجعى للتدوين بعد ماتخفى انا عارفه انه صعب بس بقولك خلى بالك من نفسك اصلك صعبتى عليا جداااان قعادك على المدونه تسبب فى المك
على فكره .....اسلوبك لذيذ اوى

تحياتى

Ema يقول...

أنا كنت بسمع عن حضرتك وزعلت جدا لما عرفت موضوع تعبك بالصدفه ..كنت أتمنى إني أعرف قبل كده علشان أطمن عليك
أنا شاعره بيك لأني بعاني زيك من آلام في ظهري من 5 سنوات ممكن تخليني مش قادره أتحرك من السرير بالأسبوع ..تخيلي بقى حضرتك الوضع ومعايا 3 أولاد وفي بلاد الغربه لوحدي...ولدرجة إن الأطباء شكوا في وجود سرطان..وعشت أيم صعبه جدا ززليس معي أحد سوى الله وبعده زوجي أكرمه الله ..
بدعيلك من كل قلبي ..ربنا يشفيك وساعتها عايزه أشوفك منوره مدونتي والدنيا كلها

رفقة عمر يقول...

لا تتخيلى فرحتى بعودتك قدايه
حمدا لله على سلامتك
بجد فرحاااااااانه جداااااااا
الحمد لله انك بخير ويارب يكون كل الم تالمتى فى ميزان حسناتك ورفع الله به درجات فى العلين اللهم امين
يارب داييما بخير وبينا منورانا

سومه...مجنونه فى بلد عاقل يقول...

اسمعى يا خالتو فرنسا
انتى لسه مخفيتيش متكتبيش حاجه تانى دلوقت لو دا حيدهور صحتك تانى صحتك هم من انك تتواصلى معانا وصحيح المدونات كانت غتيته بالنسباى منغيرك وصحيح انى ديما بطيئه هان وتلاقينى اخر تعليق بس برضوا ممكن نستحمل شويه عشان تكونى صحتك كويسه خالص ....وعلى فكره انا فرحانع بتعليقك عندى قوى المدونه هناك فيها شمع ونور وعشان اوفر ن واخده وصله سرقه من العمومى...نياهاها
على فكره الرايق كان تقريبا تعبان تضامنا معاكى محطش ولا تدوينه جديده من فتره غير امبارح بس تقريبا....
وبعدين ياخالتو قلك ابيض بقى بعد اللى كتبه عنك فى المدونه تكلميه تانى
هههههههههه انا بس بهدى النفوس....انا مش حعلق انا حكتب موضوع تعبير انشائى ولو حتتعبى من القرايه انزل التعليق على تلات اجزاء هى فين المدونه الجديده دى .....
يا رب يا خالتو تخفى وتبقى حصان وفكرى شويه لو عاوزه تاخرى تانى وترتاحى تانى احنا عمرنا ما ننساكى وانا لو راج كنت رحت زورتك بس للاسف البنات عندنا من البيت للكباريه ومن لكباريه للبيت ....ههههه لالا اقصد من البيت للمدرسه والجامعه .....يا ختىىىىىىىى ياله محدش واخد منها حاجه
الا قوليلى عرفتى ان المدونات حيجتمعوا ان حقول لخيخه اول حاجه نجيبها سيرتك هههههههه لو شرقتى اعرفى اننا بننم عليكى يا خالتو
كفايه كدا بقى
ولنا عوده ان شاء الله
سومه_87

Doba يقول...

وحشتيييييييييييييينى موووووووووت
جدا
قوى خالص
ببشاعة يعنى

النت والدنيا مضلمين
كل يوم اجى ابص واطل
واقول يمن سابت تعليق هنا ولا هنا
وانتى بعيد بعيد

الحمد لله ان اخوكى عمل كده
احنا يهمنا انك ترجعى بألف سلامة

تقوميلنا بالسلامة يا قمرة
وفى انتظارك دايما
واوعى تتعبى نفسك خالص
ولو بايدينا كنا جينالك لغاية عندك
والله مش بهزر
لو ترضى قولى واحنا نجيلك

سلام يا غالية
هبة

دعاء مواجهات يقول...

اوزل ما لاقيت فى تعليقاتى فى المدونة

صورة فرنسا هانم

اتجننت معقوووول

هى ياناااس

اية دة

اة هى فرنساااا

ياخبر ابيااااض

الف مليون حمدلله ع سلااامة القمر ياناااس

انا رميت الواد اخويا من ع الكيبورد وقعدت طواالى وقلبى هو اللى بيكتبلك دلوقتى ياقمر

مليون مليون حمدلله ع سلاامتك

بجد انا كدة ارتحت

وحشتينى
اوى
اوى
اوى
اوى
لحد السنة الجااية

كلاكيت تانى وتانى يقول...

حمدالله على السلامة انا مستنية على ناااااار مدوناتكم ابقى ادخلى كدة شوفى الجروب بتاعنا على الفيس بوك نعم مطلقة ولا اخجل والمدونة بنفس الاسم والله الدنيا كلها نورت وكفاية بس اننا نعرف انك بخير ومتكتبيش ولا تقولى حاجة
http://www.facebook.com/topic.php?uid=24205381223&topic=5034
http://www.facebook.com/group.php?gid=24205381223
http://motalaka-with-out-fear.blogspot.com/

دكتور بهــدوء يقول...

فرنسا هانم اول مرررره ليا هنا
الحمد لله ع سلااامتك
بس انتي حد انا شايف كل الناس حابّاه
انا كماااان منهم خلاااااص بقيت هنا رسمي
والف سلاااامه تعملي عمليه بررره وانا موجود
بس معلش عشان لسه ماعرفناش بعض بس خلااااااص
راشق هنا ع طول اخلص امتحانات واجي الزق هنا
بجد من حب الناس ليكي
وحشتينيىىىىىى

يوميات فنانه مفروسه جداا يقول...

الف حمدالله علي السلامه يا خالتي فرنسا ربنا يشفيكي ويعافيكي ويخفف عنك يا رب

اول زياره عندك بس كنت بسمع عليكي كتير جدا

تقبلي مروري

سلام

Desert cat يقول...

حمد الله على سلامتك يا فرنسا عوا احمد ومحمد ومحمود يا جميل الحاج بلوج سبوت نور من تانى لا بأس شفاءاً طهوراً

حــــــراء يقول...

اولا حمدالله على السلامة ويارب تكونى بخير النهاردة
ثانيا دى اول مرة ازور مدونتك الرائعة
ثالثا وده الاهم اسلوبك رائع فى الكتابة وشدنى اوى
وتانى الف سلامة عليكى ويارب تكونى بخير
ونسأل الله العظيم رب العرش العظيم ان يشقيك
مع خالص تحياتى
واتمنى تنورينى

همس الاحباب يقول...

خالتى فرنسا
وحشتينى قوى قوى
الف مليون حمدلله على السلامة
وسلامتك يا قمر
منورة عالم التدوين والدنيا كلها
انا لسه فاتح المدونة لقيت تعليقك سيبت الدنيا وجيت جرى
والله لسه كنا فى سيرتك انا وابو خالد امبارح
ووزة كلمتنى امبارح وبتسلم عليكى قوى قوى وبتقولك وحشتيها قوى
بجد التدوين من غيرك مالوش طعم
نورتينا والف مليون سلامة ليكى
تحياتى

Nsreen Bsunee يقول...

فرنساااااااااااااااااا
والله يا فرنسا يا خالتى الغاليه مش عارفه اوصفلك فرحتى لما شوفت تعليقك منور المدونه عندي
الف حمدلله على سلامه الرجوع وربنا يخليكي لكل اللى بيحبوكي

الجدة فصيحة يقول...

السلام عليكم ورحمة الله وبركاته

حمدالله على سلامتك
سعدت جدًا بعودتك
وألف سلامة عليكِ

وفي انتظار مدونتك المشتركة مع الرايق أكيد هاتكون حاجة حلوة لأن أنتم منفردين كتاباتكم مميزة وإن شاء الله مع اندماجكم تخرجوا حاجات حلوة كتير


تحياتي

Sally يقول...

ألف حمد الله على السلامة يا قمر
وحشتيييييييييييييييييييييييييييينى
ألف سلامه عليكى يا حبيبتى
يارب يتمم شفاكى على خير
لو لسه فيه خطر عليكى ارتاحى ومتتعبيش نفسك
احنا نستناكى لآخر العمر يا قمر
المهم صحتك لانك غالية علينا كلنا

بوسة كبيرة وحضن كبيرررررررررر بس بشويش عشان متعبكيش

ربنا يخليكى لينا يارب

أيوه كده المدونة نورت وموقع بلوجر بحاله معلق الزينة وراشش الرمل و جايب زفة دمياطى " ده بناء على توجيهاتى طبعا " ههههههههههه

نورتينااااااااااااااااااا

Sally يقول...

فكرة جميلة اوى المدونة المشتركه مع مستر عبده الرايق
بجد هتكون ان شاء الله مدونة ولا أروع للثنائى السويسى

يارب دايما متجمعين فى الخير

قبلاتى لكِ يا جميلة التدوين

رئيس حزب المغتربين يقول...

بجد انا سعيد جدا انك رجعتى بالف سلامه وعموما الف سلامه عليكي تانى وعلى فكرة انا اكتشفت حاجة مهمه جدا انى معنديش موهبة الكتابة وكده يعنى انى اعمل مدونه وبتاع واكتشفت اكتر انى مش فاضي خالص بس هفضل اتابع واعلق واطمن عليكو كلكو انتى وعبده الرايق وياريت نشوف الحلقات الى قلتى عليها ديه بسرعة عشان نضحك من قلوبنا عموما يارب يزيل عنك كل تعب وربنا معاكي ويوفقك دايما يارب

Sally يقول...

مصدقتش عنيا والله لما لقيتك منورانى
لسه شايفاه حالا
ربنا يخليكى يا حبيبتى وميحرمنيش منك

قبلاتى الحاره

نوره الخشن يقول...

حمد الله عالسلامااااااااااااااا

nigro يقول...

فرنسا هانم
حبيبة الألف قلب
مش لاقي رقم أكتب جنبه ألف سلامة عليكي
أنا و الله مكنتش اعرف أي حاجة لأني كنت في امتحانات و ماكنش ليه أي علاقة بالنت خالص
بجد يا فرنسا هانم مليار و مليون و ميت ألف و عشر تلاف و 100 ألف سلامة عليكي
و بجد على قد ما حضرتك عزيزة و غالية قوي عندنا على قد ما احنا عاوزين سلامتك أولاً
خدي حضرتك فترة النقاهة كويس و ما تتعبيش نفسك خالص
المهم صحتك أولاً
و مستنيييييين مدونة حضرتك مع الرايق
للمرة التانية ألف سلامة عليكي
و اعذريني لأني كنت غايب و مش عارف حاجة
السلام عليكم

عبده الرايق يقول...

اول تعليق
هييييييييييييييييييييييييه
انا فرحان لانى اول تعليق
هيييييييييييييييييييييه
هيييييييييييييييييييييه

عبده الرايق يقول...

هو مطلعشى اول تعليق ؟؟؟؟؟؟؟؟
عموما انا كنت عارف انى رقم 105 ودى اول مره تحصل
انا فرحااااااااااااااااااااااان
جدا برجوعك يا فرنسا
وباعلانك عن المدونه المشتركه
واعلن اعتذارى عن الاشتراك معاكى فى المدونه دى
يعنى طالما انتى نشرتى الخبر يبقى اتمنع انا براحتى
لو عايزانى اشترك معاكى ابعتى ربع مليون جند على المدونه بتاعتى
ولا انتى فاكرانى هاشترك ببلاش
سعيده يا عسل

واحدة مفروسة يقول...

هههههههههههههههه
الحقى يا فرنسا عبده الرايق حط من القطره اللى جايبها لمراته
ههههههههههههههههههه
ههههههههههههههههه
ديه قطره فللى خالص

المـــفـــــــقــــــــوعـــــة مــرارتـهــا يقول...

الف حمد الله علي السلامة بس ياريت ماتضغطيش علي نفسك قوي برضه صحتك عندنا بالدنيا يعني حاولي تقنني فترة جلوسك علي الكمبيوتر لحد ماتستقر الحالة
وحشتينا

المـــفـــــــقــــــــوعـــــة مــرارتـهــا يقول...

صباح السطل ياسي عبدو

قال الأول قااااااااااال

رندا يقول...

فرنسا

حمد الله على السلامة يارب يارب مش يحرمك ابدا من اى كيسة هههه

حبيتك قوى من حب كل الناس ليكى وحبيتك اكتر لما قريت حنيت وحبك للكل واسلوبك الجميل
عرفت ان مش ممكن حد بالقلب الصافى دة والجمال دة ومش يتحب
ومبروك على المدونة الجديدة مقدما
ربنا معاكى بقى دة عبد الرايق بحالة
معاكى
بس انا متاكدة هتكون من اجمل المدونات
لما يتجمع اجمل ابتسمتين تبقى اكيد
رهيب والله رهيب
واعتذر على تاخيرى على الرد امتحانات الولاد مجننانى بجد

خلى بالك على نفسك من فضلك
وبالراحة على نفسك
علشان كلنا عايزينك تبقى بخير

بوسة من هنا وبوسة من هنا


رندا

فرنسا هانم يقول...

محمد فوزي
كلامك جميل يا محمد
بس انا كنت عايزه ارجع الاقيك انت شخصيا جاوبت على التاج
مفروض كنت تبدء يا محمد
وبرضه بحترم تكتيكك

فرنسا هانم يقول...

Z_Diva
خلاص كده كسبت صديقه هتكون غاليه انشاء الله
اما عن الفتنه للعيله
ميدو ابن اختى قايم بالواجب لكن انا باديله رشوه علشان يسكت

فرنسا هانم يقول...

بنوته مصرية
تقولى ايه هو فى بعد احلى زغروته كلام
بحبك جدا

فرنسا هانم يقول...

Soooo
اخويا جميل الروح سووووووووو
خلاص المدونه ظهرت
ولو حبيت تنزل فيها حاجه ابعتهالى على الاميل وانا انشرها
اما لو حبيت تشارك فيها انا تحت امرك
وبالمجانى اوعى الرايق يضحك عليك ويقولك الاشتراك بفلوس حكم انا عارفاه

Abo 7anf يقول...

السلام عليكم يفرنسا
يمكن اكون مبعلقش كتير
بس ربنا وحده اليعلم انا دخلت مدونتك قد ايه
المهم سلامتك

فرنسا هانم يقول...

فليعد للدين مجده
اشكرك جدا يا دكتور
وجزاك الله خير

فرنسا هانم يقول...

صبرني يارب
اقسم بالله انى لاعندى مايك ولا كاميرا ولا بادخل الشات نهائى لظروف معينه ممكن اكلمك فيها على الاميل
صدقينى انا فرحانه جدا جدا بيكى

فرنسا هانم يقول...

إيمان العزب
اااااااااااااااااه من الثانويه العامه
انا عندى اختى عندها بنت فى الثانويه عامله معسكر ليها
ومعسكر مغلق كمان
ربنا معاهم

فرنسا هانم يقول...

mayada
الله يخليكى ليا يا بسمتى الحلوه
وعلى فكره المدونه ظهرت

فرنسا هانم يقول...

wa7ed 2ensan wnsan
عبد الله حبيب قلبى
واحشنى جدا جدا جدا
خالتك فرنسا مشتاقه لحوارتك
بس ارجوك
خلى بالك من مذاكرتك
الامتحانات بعد بكره ربنا معاك

فرنسا هانم يقول...

wa7ed 2ensan wnsan
يا روح خالتك انا بدعيلك من غير مانتا تطلب منى
ربنا معاك ويوفقك
وانا مستبشره خير
بس ارجوك بلاش النت اليومين دول

فرنسا هانم يقول...

حنين القلب
حبيبتى الغاليه جدا جدا جدا جدا جدا جدا جدا حنين القلب
وحشتييييييييييييييييييييينى خالص
وانا سعيده جدا بتعليقك

فرنسا هانم يقول...

مدحت محمد
السووووووووووووووووووووووويس ؟؟؟
ربنا يكرمك
انا زره فى بحر السويس
وفرحانه جدا جدا لاقتران اسمى بالسويس
تحياتى لك

فرنسا هانم يقول...

حنين القلب
يا حبيبتى لو تلاحظى وقت تعليقى عندك هتلاقينى انا دخلت عندك الاول
وعلقت قبل ما تتخلى عندى
علشان تعرفى انك فى بالى
وعلى فكره فى ناس كتير لسه مارحتش عندهم لانى مقدرتش اكمل امبارح

فرنسا هانم يقول...

الفاتح اليعقوبي
ربنا يكرمك يا رب
والمدونه الجديده ظهرت
هى كانت البوستات جاهزه وانهارده عملت المدونه

فرنسا هانم يقول...

شباب روش طحن
وانا شرفنى حضورك
وباحترم رأيك جدا جدا
ودائما يسعدنى تواجدك

د/أبويحيى وادم يقول...

السلام عليكم ورحمه الله وبركاته

حمدا لله على سلامتك وأن شاء الله تكونى تمام تماماً

كفاكى فخرا وحبا لمن حولك أنى احببتك من كلامهم عنك بدون ان اتكلم معك كلمه واحده او اقراء لك لانى حديث عهد فى عالم التدوين

وهذا اول موضوع اقرائه لك بعد عودتك
اتم الله شفائك ويسر لك الخير حيث كان وجعلك من الراضين دائما المرضى عنهم من الله عز وجل دائما ابدا

والسلام عليكم ورحمه الله وبركاته

عبده الرايق يقول...

عملتى المدونه الجديده فى الخباثه يا فرنسا
طيب
بعد صلاه العشاء لينا كلام تانى

امام الجيل يقول...

عودا حميدا

حمد الله على سلامتك

وان شاء الله ربنا يتم شفائك
وترجعى سريعا

وتنورى المدونة الجديدة

آفاق الحرية يقول...

السلام عليكم
معقولة يافرنسا هانم
بقي انا اغيب شهر ارجع الاقيكي عاملي عملية
ده كلام
لالالالا شفاك الله وعافاك
لكن الخبر الاكبر فعلا عملك مدونة مع الرايق
فعلا هي ده نكتة الموسم

الباحث عن الحقيقة يقول...

أختى فرنسا
اتمنى من الله ان يمتعك دوما بالصحة والعافية
وان يجعل الابتسامه دائما هي الصديق الاقرب لوجهك
ربنا دايما يكون جنبك ومعاكي
انتى شخصية بجد غالية علينا كلنا
ربنا يخليكي
وحسنة قليلة تمنع بلاوي كتيره هنيالك يا فاعل الخير

عبده الرايق يقول...

انتى نمتى يا فرنسااااااااااا
يلا خدت الشر وراحت

مجداوية يقول...

السلام عليكم

فعلا التدوين ده ادمان وأكيد البعد الاجبارى عنه كانت أعراض سحب التدوين صعبة وأكيد جمعتى كل أكياس الشقة جنبك عشان تركبيها مكان الكيسة
يا خبر تعرضى نفسك للخطر ده يعنى بعد الشر كنت تبقى ضحية التدوين

بس فكرة الدويتو التدوينى دى هايلة أكيد بالأسلوب الجميل اللى بتكتبوا بيه حتكون مدونة ممتعة بس حتبقى اسمها ايه ؟

اختى الكريمة براحة على نفسك ان لبدنك عليك حق والتدوين موجود مش حيجرى ولا الأستاذ الرايق ولا احنا متهيألى كل اللى بيعرفك يتمنى تكونى أولا بخير وبعافية وفى أحسن حال وبعد كده يجى التدوين خديها واحدة واحدة متهيألى نوم السرير الفترة اللى فاتت بين قيمة الصحة والحركة فالبراحة على نفسك
ربنا يتمم شفاك وتعودى أحسن ما كنت صحيا وتدوينيا

nonoymm يقول...

حبيبتي حمد الله على السلامة
اسفة النت بايظ اوي
حمد الله على سلامتك
بوسة من اسراء ومريم ومامتهم
ربنا يعافيكي ومتنسيش تدعيلنا

خمسة فضفضة يقول...

السلام عليكم ورحمة الله وبركاته

حمد الله علي السلامه يا قمر ويارب يتك شفاكي وترجعي تنوري عالم التدوين من تاني

سلام

Sally يقول...

روحتى فين تانى
متقليقيناش ربنا يخليكى
يارب تكونى بخير
ربنا يستر

طمنينا يا قمر

فرنسا هانم يقول...

بنوته مصرية
احلى صباح لاحلى واجمل بنوته مصريه

فرنسا هانم يقول...

أم أحمد المصرية
حبيبتى الغاليه ام احمد كنت مفتقده الحنان بتاعك جدا جدا

فرنسا هانم يقول...

واحدة مفروسة
وانا عند كلمتى
اكتبى انتى بوست جديد وابعتيه ليا على الاميل زى ما كنت بعمل انا والرايق
وانا يشرفنى انى اضمك معانا

فرنسا هانم يقول...

قوس قزح
الورد انتى والفل انتى والياسمين انتى
ربنا يخليكى ليا

فرنسا هانم يقول...

الطائر الحزين
اخى العزيز الطائر مش قادره امنع نفسى عن النت
صحيح المثل اللى بيقول
تموت المدونه وصوابعها بتلعب
سلامى لاختى ام الابناء

فرنسا هانم يقول...

ٍSOU
انت من السويس ؟؟؟؟؟؟؟؟؟؟؟؟
اهلا باهل الغريب
على العموم لو كنت عرفت لنى مريضه ومسئلتش
يبقى من واجبى الومك

فرنسا هانم يقول...

أبو خالد
ياااااااااااااااااااااااه
كبير قوى الاستقبال ده يابو خالد
ماهنشى عليك الا الكلمتين دول ؟؟؟

فرنسا هانم يقول...

kochia
بجد ما اعظم الحب
هو فعلا اللى باقى للانسان

فرنسا هانم يقول...

الشنكوتي الكبير
يعلم ربنا يا ايهاب انا بحبكم قد ايه
ويعلم ربنا ان دموعى نزلت وانا بقراء تعليقاتكم بعد رجوعى
انا فعلا اتعلقت بيكم

فرنسا هانم يقول...

صاحب المضيفة
اه
راى ستى وستك ده هو البركه كلها

فرنسا هانم يقول...

princess dodo
الحمد لله
وانا بحبكم جدا جدا

فرنسا هانم يقول...

نبضات
طيب ما هى دى احسن ظروف الزياره
حتى تجيبى معاكى واجب الزياره
من قفصه تفاح وخوخ و........
فاكهه الصيف بالهبل

فرنسا هانم يقول...

Ema
يااااااااااااااااه
الوضع فى الغربه وفى وجود الاطفال يبقى اصعب مليون مره
والحمد لله على اتمام شفاكى
وشكرا على الزياره
وانا سأزورك انشاء الله بعد تحسن حالتى

فرنسا هانم يقول...

رفقة عمر
الله
حبيبتى الغاليه رفقه عمر ؟؟؟؟؟؟
افتقدتك كثيرا جدا

فرنسا هانم يقول...

سومه...مجنونه فى بلد عاقل
هههههههههههههههههه
ضحكتينى يا شقيه
بقى من البيت للكباريه ومن الكباريه للبيت ؟؟؟؟
ده ايه الالتزام ده كله ؟؟؟؟؟

فرنسا هانم يقول...

اعذرونى يا جماعه
طبعا انا هرد عليكم كلكم
لكن بكتب شويه وارتاح شويه

3ala asm masr يقول...

الف سلامه عليكى يا خالتى وحمد الله ع سلامتك عقبال ما تقومى بالسلامه وتستعيدى كامل صحتك ان شاء الله
يارب تكونى مسمحانى على تقصيرى ده وعذرانى عشان الامتحانات انا والله مش بدخل على النت خالص

فرنسا هانم يقول...

Doba
هبه يا غاليه انتوا تنوروا وتشرفوا
وانا افتقدكم جامد جدا لانى حسيت اننا بقينا عيله واحده كلنا وكميه الحب اللى شفتها لايمكن انساها ابدا

فرنسا هانم يقول...

دعاء مواجهات
قلبك هو اللى بيكتبلى وقلبى هو اللى بيسمعلك
انتى انسانه رائعه يا دعاء
انا لايمكن انسى كتابتك عنى فى مجلتك
تحياتى لكى

فرنسا هانم يقول...

كلاكيت تانى وتانى
حاضر يا حبيبتى على عينى وراسى
بس لما افوق شويه
ولعلمك انا مدخلتش على الفيس بوك نهائى

فرنسا هانم يقول...

دكتور بهــدوء
تخلص امتحانات ؟؟؟؟؟؟
يعنى لسه مش دكتور وعايز تعملى العمليه يبقى انا اللى مفروض اخد اتعاب
شرفتنى جدا واتمنى دوام الزياره

فرنسا هانم يقول...

يوميات فنانه مفروسه جداا
الظاهر كده ان اسمك هيشجعنى ادخل عندك
اول ما ابتدى ازور المدونات هازورك باذن الله
شرفتينى بالزياره

فرنسا هانم يقول...

Desert cat
البلوج سبوت منور بالحلوين اللى منورينوا دايمه زيك يا قطقوطه

فرنسا هانم يقول...

حــــــراء
انشاء الله هازورك بس ادينى فرصه شويه لانى مش هاقدر ازور حد الايام دى
لانى لو زرت مدونه اكيد باقى اصحابى هيزعلوا
شرفتينى بالزياره

فرنسا هانم يقول...

همس الاحباب
اخى خالد كنت من الناس اللى افتقدتهم جدا وده لاخلاقك العاليه جدا
ليا عندك طلبين
الاول تطمنى على الحاضر الغائب ابو خالد
والثانى تطمنى على وزه

فرنسا هانم يقول...

Nsreen Bsunee
ربنا يباركلى فيكى يا حبيبه قلبى
وحشتينى جدا

فرنسا هانم يقول...

الجدة فصيحة
نورتينى جدا يا جده
والمدونه المشتركه ظهرت
واتمنى تنول اعجابكم

فرنسا هانم يقول...

Sally
احلى حضن لاحلى سالى
بحبك جدا
وشكرا على الزفه الدمياطى
وده عشمى فيكى برضه
انتى من الناس الغاليين عندى قوى يا سالى

فرنسا هانم يقول...

Sally
بس ياريت الرايق يستر

فرنسا هانم يقول...

رئيس حزب المغتربين
ربنا يقدرك على مشاغلك
والمدونه المشتركه ظهرت
ومستنيه رايك فيها

فرنسا هانم يقول...

Sally
انتى غاليه عندى قوى يا سالى

فرنسا هانم يقول...

نوره الخشن
الله يسلمك يا نوره
ايه انتى زعلانه منى ولا القلم كتب كلمتين وشطب

فرنسا هانم يقول...

nigro
كلامك جميل قوى يا نجرو
انا متأكده انك ماكنتش تعرف لانى عارفه ان انت صاحب واجب
وغير كده اخ كريم

فرنسا هانم يقول...

عبده الرايق
سلامه نظرك يا رايق
ولا نظرك ايه ؟؟؟؟
سلامه عقلك

فرنسا هانم يقول...

عبده الرايق
عايز تعتذر يا رايق
بلا نيله
انا وافقت عليك بالعافيه

الباحث عن الحقيقة يقول...

دورنا قرب ولا لسه
هانت
كرييييم يا رب

فرنسا هانم يقول...

واحدة مفروسة
ههههههههههههههههه
خليه يمكن نرتاح منه

فرنسا هانم يقول...

المـــفـــــــقــــــــوعـــــة مــرارتـهــا
ده فعلا اللى بحاول اعمله
شكرا على اهتمامك

فرنسا هانم يقول...

المـــفـــــــقــــــــوعـــــة مــرارتـهــا
الرايق ده فاااااااااااااااااااضى

فرنسا هانم يقول...

رندا
يا حبيبتى الناس كلها مشدوده الايام دى من الامتحانات والنتيجه
ربنا معاكى ومع الاولاد

فرنسا هانم يقول...

Abo 7anf
مصدقاك من غير ما تحلف
هو احنا مش اهل برضه ؟؟

فرنسا هانم يقول...

د/أبويحيى وادم
انا يكفينى فخر الكلام الجميل اللى قولته عنى
اشكرك جدا واتمنى ان اكون عند حسن ظنك

فرنسا هانم يقول...

عبده الرايق
ماشى يا رايق نتقابل فى ساحه القتال وعلى وعلى اعدائى

فرنسا هانم يقول...

امام الجيل
اشكرك جدا يا امام
بجد كنت من الناس اللى افتقدتهم جدا

فرنسا هانم يقول...

آفاق الحرية
حمدلله على سلامتك
شفت الزمن رمانى لفين
للرايق

فرنسا هانم يقول...

الباحث عن الحقيقة
تعالى يابنى خش جوه
صعبت عليا
هما سابوك لوحدك
تحياتى لاخى الكريم احمد

فرنسا هانم يقول...

عبده الرايق
لسانك متبرى منك يا رايق
انا لو سبت اصحابى عليك هيخرطوك زى الباميه

فرنسا هانم يقول...

مجداوية
اختى العزيزه والغاليه مجداويه
كلامك بلسم
بجد انا حاسه بطيبه قلبك ونقاء مشاعرك
شكرا جدا على اهتمامك بى

فرنسا هانم يقول...

nonoymm
الف بوسه منى لمريم واسراء
انا بحبهم قوى قوى
وخصوصا اسراء
انتى عامله ايه ؟؟؟؟؟؟

فرنسا هانم يقول...

nonoymm
ونسيت ابوس امهم كمان يادى الحوسه

فرنسا هانم يقول...

خمسة فضفضة
دكتورتنا الجميله وحشتينى جدا جدا
بحبك جدا

فرنسا هانم يقول...

Sally
اصلى بقيت زى عمك ايوب
محمد صبحى فى المسرحيه
لما بيقول اصلى بمشى جوه الجزمه الاول

فرنسا هانم يقول...

3ala asm masr
هند يا غاليه مصدقاكى من غير حلفان
اهم حاجه امتحاناتك
ربنا يوفقك

فرنسا هانم يقول...

الباحث عن الحقيقه
ابو حميد يا عسل
دورك على عينى وعلى راسى
ومن قدم شىء بيداه التقاه

قوس قزح يقول...

مساء الخير يا فرنسا

يظهر الواحد اتعود يجى يطمن عليكى حتى بعد ما ربنا شفاكى
حبيت اقولك انى اتقابلت النهارده مع المدونات و كانت مقابلة جميلة اوى ياريتك كنتى معنا
و كمان روحت قهوة البورصة و اتقابلت مع مدونين ..شوفتى بقى اليوم كان حلو ازاى
و حبيت اختمه بانى اجى اطمن عليكى
و اقولك تصبحى على خير و صحة يا رب

دعاء مواجهات يقول...

القمر عااامل ايةالنهاردة؟

ايوا كدة رجووع قوى كما تمنينا

امووووووووواة دى ليكى يمين

اموووووووووواة دى ليكى شمال

ربنا يشفيكى ياارب

maha miho يقول...

فرنسا
مش عارفة انا تقريبا اول مرة اعلق عندك بس كنت بزورك كده وابص عليكي من بعديو واطل الطلة كل شوية
الف سلامة عليكي وان شا الله بوش وشارون واولمرت
فرنسا انا مستنية اباعاتك الجاية بفارغ الصبر

فرنسا،، على فكرة ،، دمك سكررررررررر

أبو خالد يقول...

أبنتى الحبيبة الغالية /صاحبة مدونة فرنسا هانم
يعلم الله قدرك عندى
و كم الحزن على افتقادك
يعلم الله كمية القلق على غيابك
و تمنياتى القلبية بالشفاء العاجل
فأنا أحس الآمك لأننى عانيت مثلها من قبل لقد و قع لى حادث إنقلاب عربة بيجو
و كسر لى الفقرتان 10 ،11 و ضلع
و مات كل من فى العربة عداى
أبنتى الغالية /صاحبة مدونة فرنسا
هانم لفرحى بعودتك حمدت الله رب العالمين
و هى ليست بالقليل
و صليت لله ركعتان شكر لعودتك
أبنتى الحبيبة إلى نفسى /صاحبة مدونة فرنسا هانم
أو تدرى لما أقول صاحبة مدونة فرنسا هانم لأننى أقصدك أنتى الأنسانة التى كنت على إستعداد للسفر للسويس و السؤال
فى كل الشركات عن من هو فى أجازة مرضى من أجل الأطمئنان عليك
كل ما هنالك أنى هذة الأيام حزين غاية الحزن لأن إنسانة تهمنى من الطراز الأول تعانى سكرات الموت و ليس بيدى لها شئ
و أرجوك الرجوع إلى نفس البوست الذى تركت فيه تعليق لتدركين ما أنا فيه
أبنتى الحبيبة شفاك الله العظيم رب العرش العظيم شفاء لا يغادر سقما
و الحمد لله رب العالمين
ملحوظة: انتظر رأيك فى هذا البوست الذى حدثتك عنه
أبوك و أخيك / محمود

Baker يقول...

حمد الله على السلامه
و ربنا يتتم شفاكى على خير

عروس البحر يقول...

الف سلامة عليكي يا فرنسا

أبو خالد يقول...

أبنتى الحبيبة الغالية /صاحبة مدونة
فرنسا هانم
أرجوك أرجعى لصندوق بريدك الالكترونى
و كذا لبوست أنها حقا عائلة محترمة
لتدركين كم الأفتقاد الذى شعرته لغيابك
"و الحمد لله رب العالمين"
دمتى أبنتى المحببة إلى نفسى

همس الاحباب يقول...

خالتى فرنسا هانم
يا رب تكونى بخير وبصحة وسعادة
اما بخصوص والدنا العزيز ابو خالدفهو الحمد لله بخير وبصحة وبيدعو لكى دائما بالصحة والشفاء وتعليقاته منورة المدونة اهى
اما الاخت الغالية وزة
فهى الحمد لله بخير ةسعيدة جدا بالخطوبة والحمد لله
وبتسلم عليكى قوى قوى وبتقولك انتى اكتر حاجة وحشتيها وبتموووووت فيكى
بس النت عنده فاصل من فترة واتدخل قريب علشان تطمنكم بنفسها
اى خدمة يا خالتو
انتى تقشرى واحنا ناكل زنرمى القشر على حبيب قلبى الرايق
تحياتى وتقديرى

أنسانة-شوية وشوية يقول...

حمد الله علي السلامة يا فرنسا وطهور بإذن الله اما بقي المدونة الجديدة اروح اشوفها وقولك ايه الاخبار بس محدش هيعرف يكتب ساخر زيك كده يا قمر
فرحت جدا بزيارتك يا قمر والسلام ده يوم المنى يا جميلة كان عندى

ayman badr يقول...

انا بقى التعليق ال200 حمد لله على السلامة يا فرنسا وربنا يجعلها اخر الغيابات وتمتعينا اكتر انتى والرايق الف سلامة
تحياتى

‏«الأقدم ‏‹أقدم   ‏1 – 200 من 251   ‏›أحدث ‏أحدث»