الأربعاء، مايو 21، 2008

انها حقا عائله محترمه

اخوانى واخواتى الاعزاء
بصراحه انا مش عايزه اقطع الحفله الجميله اللى انتوا عاملينها والالتفاف المذهل حول مدونتكم ( ليس مدونتى انا ) ولكن اسمحوا لى لو فعلا بتحبوا اختكم فرنسا استأذنكم فى اجازه مرضيه واوعدكم بانها لن تطول انشاء الله ..لانى بصراحه مش قادره اتابع معاكم ..وكمان مش قادره اكتب براحتى ..انتم لا تعلمون كيف اكتب الان كما انها تعليمات الدكتور
دكتور بنى ادمين يا رايق مش دكتور قطط
كنت اود ان ارد على تعليقاتكم تعليق تعليق كعادتى دائما ولكن يعلم الله انى لا استطيع

واسمحوا لى ان اشكركم جميعا
واشكر اخى الكريم سكــر الذى كانوا ينوى القيام بغزوه للسويس للبحث عنى
واشكر اختى appy على شعورها الجميل واستعدادها للمجىء الى السويس ايضا
واشكر اجدع بت خيخة وأى كلام وهى مش خيخه لا ده ست بمليوم راجل
واشكر اخى وتؤام قلمى اللى عمرى ما هازعل منه ابدا عبده الرايق على مجهوده فى محاوله اضحاكى
واشكر الاخ الفاضل محمود رئيس جمهوريه نفسى على قيامه باضراب حتى عودتى
واشكر اختى الرائعه حنين القلب على لهفتها على حبيبتها فرنسا
واشكر اختى كاميليا على شعورها وعلى ما قامت به تجاهى واستعدادها للاضراب عن التدوين ايضا
واشكر اخى الكريم محمد فوزي على مجهوده الكبير فى البحث عن معلومات تخصنى ( واحب اقول له اوعى تنسى الحمله )
واشكر اختى الرائعهBella على اهتمامها الكبير على اختها فرنسا
واشكر اختى رودى احلى بنوته مصرية على اهتمامها المستمر وخوفها عليا
واشكر اختى الرائعه ام البنات على احساسها المرهف تجاه اختها فرنسا
واشكر البنت الرائعهSally اللى حبيتها من كل قلبى
واشكر الوزه الجميله وزتى عزه انين الحزن واقولها الف مبروك
واشكر الجميله الضاحكه الرائعه واحدة مفروسة واقولها بقيوا 2 مفروسين
واشكر اختى فى الكويت Nsreen Bsunee على كل ما قامت به لى
واشكر اختى الغاليه mayada على دوام السؤال عنى
واشكر اخى الكريم الفاتح الجعفري على كل شىء جميل فكم هو جميل فعلا
واشكر بنتى الجميله shayma على شعورها تجاه خالتها اللى بتحبها فرنسا
واشكر الننوس الكبير حبيبتى الغاليه قوى Salwa واعضو الدائم فى عائلتى الالكتىونيه
اما بقى الرائع اللى زعلان منى اخى الكريم ومعلمى أبو خالد واقوله بعدين هنتصافى يا اخى العزيز
واشكر مفاجأه المدونات الكوميديه والعلميه والدينيه والثقافيه المتنوع المبهرابن حـجـر الـعـسـقـلانـى
واشكر اختى السكر معقود آخر العنقود
واشكر القادمه الجديده الى مدونتى منوفيـــايــة
واشكر الاخ احمد الباحث عن الحقيقة واقوله كنت قلقان ليه على الصوره
واشكر الرائع الجميل اللى كلمته تاج فوق جبينى Soooo
واشكر اختى Rainbow او قوس قزح
واشكر المجنونه اللى اعقل خلق الله سومه...مجنونه فى بلد عاقل
واشكر اختى العزيزه كلاكيت تانى وتانى
واشكر بلدياتى السويسى مدحت محمد
واشكر الرائعه حماتــــــــــــي ملاااااااااااك
واشكر اختى القديره ام يوسف فاتيما
واشكر العملاق الصغير صاحب العقل الكبير wa7ed 2ensan wnsan
واشكر اخى همس الاحباب خالد الاخ العزيز
واشكر اختى الكريمه مجداوية
واشكر دكتورتنا العزيزه خمسة فضفضة
واشكر اختى الكريمه مربيه الاجيال أم أحمد المصرية
واشكر القادمه الجميله ايمان العزب
كما احب ان اتوجه بالشكر لكل الاخوه الافاضل اللى سألو عنى فى فتره غيابى
ومعلشى انا مش برتب اسماء انا بغش من صفحه التعليقات


A.SAMIR ..صوت من مصر ..NIDAAL PAL ...خبيب ..omaima ...صاحب المضيفة ...الطائر الحزين
...Sherif ...فليعد للدين مجده...ammola ...رفقة عمر...دكتور حر ...
nonoymm ..وضـّاح ..مروة الزارع....dodda....رئـــــيسـة حزب الأحلام ....كفايـة طيبـة ..WhItE HeArT ...لماضة ..mostafarayan ...د/اجدع بنوته....:.-=- ELGaZaLy-=-.:...الجدة فصيحة ..
احساس لسه حى..حبيب الروح ..الكيلانى... عصفور المدينة....Jana ...امام الجيل ...Abo 7anf ...رندا ...طارق الغنام ...bar2ash
...اهو ده عيبه ..أبو نظارة ...الشنكوتي الكبير ..Omar... [ خروشات ] ...حل وسط...مصري بالغربة ...عاليا حليم ...Ahmed Mubarak ..
maiosha....بحبك يامصر ... tamer.sala7 ...ا بـن عــمــر

ملحوظه هامه
الاسماء دى من تعليقات التدوينه اللى كنت غير متواجده فيها

شكرا لكم جميعا
واتمنى لكم التوفيق دائما
وارجوا ان تقبلوا الاجازه وتمضوها بسرعه حتى اعود بسرعه
واطمئنوا عليا
وانا سوف ارسل من يطمنكم من الحين والاخر كما اتفقت مع خيخه لانى فعلا مش قادره اقعد على الكمبيوتر
واحد يسألنى كابتن لطيف ..كل ده كاتبه ومش قادر تقعد على الكمبيوتر
اقوله
الحب والحنان وواجب الشكر خلونى استحمل اى حاجه
اخوانى
استوصيكم خيرا بالراااايق ...فانى احبه فى الله ..وهو توأم قلمى

هناك 206 تعليقات:

‏1 – 200 من 206   ‏›أحدث   ‏أحدث»
عبده الرايق يقول...

اول تعليق
امال انا قاعد هنا ليه ؟؟
هاقراء وارجع

عبده الرايق يقول...

ياريتنى ما قريت يا فرنسا
لكن للاسف
موافق جدا على الاجازه
بصراحه
من وراء قلبى لكن مقدرشى اتكلم
ومش هاقدر اقول غير
سلام يا غاليه
سلام يا غاليه
سلام يا غاليه
سلام يا غاليه
سلام يا غاليه

ابن حـجـر الـعـسـقـلانـى يقول...

و نشكر أختنا و خالتنا الغالية العزيزة و الرائعة اللى حسستنا بقدار معزتها (بفتح الميم و العين و تشديد الزين المكسورة) عندنا و حسينا بمقدار معزتنا (برضه بفتح الميم و العين و تشديد الزين المكسورة) عندها .. و اللى حسستنا بمقدار انجذابنا و تفاعلنا فى المجتمع التدوينى و اللى فجرت قدر كبير من الإنسانيات داخلنا

خدى أجازة براحتك (مش عارف أنا الناس اللى بتاخد أجازات من غير لازمة دى) مع إنى عمرى ما أخدت أجازة من التدوين زى ما انت عارفة :-) بس مستنيينك بشغف .. و ربنا يخليكى لينا دايما يا رب


و كمان يخلينا ليكى .. و لا عندك رأى
تانى ؟؟

فى رعاية الله

أبو خالد يقول...

أختى و أبنتى الغالية/فرنسا
و لا عاش و لا كان اللى يزعل منك
أنا عمرى ما زعل منك
أنا كنت بعبر عن أفتقادى الشديد
لوجودك فى هذا العالم
فأنتى غالية جدا جدا يا فرنسا
ربنا يقومك لنا بالسلامة
و أكرر بلاش أقراص مسكنه للألام
تضر المعدة بشكل و حش
يارب تكونى بخير..و حقك على ..
و أنا أحب الرايق من قلبى و أتمنى أن اراه قريبا هو و كل اللى بيحبوك يافرنسا نفسى التقى هؤلاء جميعا
أنهم حقا عائلة محترمه
دمتى إنسانة جميلة

أبو خالد يقول...
أزال المؤلف هذا التعليق.
أبو خالد يقول...
أزال المؤلف هذا التعليق.
ابن حـجـر الـعـسـقـلانـى يقول...

يا عم عبده ارحمنى ابوس إيدك ... انت ورايا ورايا .. مش عاتقنى فى التدوينة اللى فاتت و كمان دى

أنا جاى و لابس بدلة كاملة من الكاوتش عالى العزل الكهربى ... و أما اشوف هاتعمل إيه .. و يا انا يا انت يا رايق .. يا إما بن حجر يا إما عبده الرايق فى المنتئة

و أيوة يا منتئةةةةةةةةةةةةةة

ابن حـجـر الـعـسـقـلانـى يقول...
أزال المؤلف هذا التعليق.
أبو خالد يقول...
أزال المؤلف هذا التعليق.
أبو خالد يقول...
أزال المؤلف هذا التعليق.
أبو خالد يقول...

أبنتى الغالية فرنسا
أنا و بن حجر دخلنا على السوا
عملنا قافله
فتكرر التعليق أكثر من مره
أحنا كلنا بنحبك يافرنسا
شفاك الله

ابن حـجـر الـعـسـقـلانـى يقول...

أستاذنا أبو خالد

بلاش قفلة دى الله يخليك عشان أنا اتعقدت من الكهربا
:-) :-) :-)

و شكلى كدة هاغير شغلى من مهندس كهربا لبياع بطاطا

و ربنا يديم المودة بينا يا رب

غير معرف يقول...

خالتى فرنسا انا اول مره اتحدث معكى بصراحة انا بحبك فى لله ويارب يشفيكى ان شاء الرحمن عندما قالت لى زهرتى انك بعيده عن المدونة حزنت كثير وقولت اروح السويس معهم بس الوقت سلمتك على فكرة انا اخت صاحبة مدونة شوية وشوية

قتطى

Salwa يقول...

يا حبيبتي الله يخليك ويسعدك ويتم شفاكي إن شاء الله

شئ يسعدني ويشرفني إني أكون عضو دائم في عائلتك الإلكترونيه

خدي أجازة وإرتاحي
وإن شاء الله ترجعي بسرعه

لأن حب الناس ده علاج من نوع تاني
ربنا يديمه عليكي يارب

دمتى بكل الخير

اهو ده عيبه يقول...

فرنسا هانم

سلامتك الف سلامه وان شاء الله كده تشدى حيلك وترجعى تناكفى فى عبده ولو ان هو مش مريح نفسه

مستنيينك يا قمر بس متغيبيش علينا

Nsreen Bsunee يقول...

خالتي الغاليه فرنسا هانم
يا فرنسا شكر ايه بس هو انا عملت حاجه
انا عاوزه اقولك على سر انا اللى المفروض اشكرك بجد
كلام فى سرك كده كان فيه ناس كتير مدونين مش باحبهم للاسف بسبب اختلاف التوجهات والافكار
والله والله حبيتهم كلهم بعد ما شفت قد ايه حبهم ليكي واتعلمت ان البني ادميين مهما اختلفو فى الافكار حيتفقو فى الحب والانسانيه والاختلاف مش سبب ابدا لانى انفر من حد او كده يعني

:))
المهم حمدلله على سلامتك يا خالتو ارتاحي خالص ومالكيش دعوه بحاجه خيخه ست بيت شطوره وحتخللي المدونه احلى من الاول
:))

متتأخريش علينا اوى بس عاوزين نعرف رأيك فى الاحداث الجاريه اول باول

رئـــــيسـة حزب الأحلام يقول...

سلامتك وربنا يقومك بالسلامة واحنا منتظرينك
انشاء الله

كاميليا يقول...

الغالية فرنسا هانم

الف سلامه عليكى

خدى اجازة براحتك

بس مش هتقدرى تاخدى اجازة من حبنا

ربنا يحفظك يارب

ويخليكى لكل اللى بيحبوكى

يارب
يارب
يارب

دمتى بكل الخير

همسة قلم يقول...

ترجعي بسلامة الله خالتو فرنسا

شفاكِ الله وعافاكِ

طهور وأجر باذن الله تعالى

ربنا يطمنا عليكي ويشفيكي ويعافيكي ويبرأك من كل سوء ويحفظك من كل شر

دمتِ بكل الود والحب الذي احمله لكِ في قلبي...

حنين القلب يقول...

حبيبتى حمد الله على سلامتك
انا لسه مش قريت البوست
بس قولت اجى الاول اقول الف ميلون حمد الله على السلامه واخيرا نورتى مدونتك يا حبيبتى
اروح بقى اقرى وارجع اعلق براحتى

رئيس جمهوريه نفسى يقول...

رغم انى ربنا يعلم حتفوت علينا قد ايه صعبه اجازتك دى بس مش مهم نستحمل ان شاء الله ونصبر وان شاء الله ترجعى لينا احسن من الاول وربنا ما يحرمنا منك يارب

رفقة عمر يقول...

المهم تتطمنينا عليكى دايما
شقااكى الله وعفاكى
وجعل كل الم وكل حقنه فى ميزان حسناتك اللهم امين
اسال الله العظيم رب العرش العظييم ان يشفيكى
اللهم امين

حنين القلب يقول...

حبيبتى فرنسا
اجازة مرضيه مااااااااااشى ترجعى لينا بالف مليون سلامه ولونى هتوحشينى
واسمحى لى انا هدخل كل يوم عندك واسئل عليكى ومش مهم تردى بس المهم انى احس انى معاكى وربنا يتمم شفاكى على خير
بس يا رب الاجازة مش تطول
هتوحشينى
لا اله الا الله
سلام وخلى بالك من نفسك ومش تتحركى اى حركه جامده ظهرك لسه ضعيف اوك

appy يقول...

ربنا يقومك بالسلامه اجازه سعيده عليكي ومتخافيش الرايق هاخده الكوكب حلاص وريا يا عبدو باشا

أنسانة-شوية وشوية يقول...

طهور بإذن الله يا فرنسا
ربنا يجعله في ميزان حسناتك، وتنورينا وترجعلنا بالف سلامة

مجداوية يقول...

السلام عليكم

انا جيت اطمن واسلم عليك اختى الكريمة قبل انا كمان ما آخد اجازة امتحانات ربنا يرجعك بالسلامة وخالص دعواتى لك بالشفاء ولا شكر على واجب فنحن أخوات فى الله وهى اخوة أكبر من اخوة الدم ربنا يديم الود وترجعى بالف سلامة

امل يقول...

اسأل الله العظيم رب العرش الكريم ان يشفيك , اللهم رب الناس اذهب البأس اشف انت الشافي لاشفاء إلا شفاؤك شفاءك لايغادر سقما..

خبيب يقول...

شفاكِ الله وعافاكِ

نسأل الله تمام العافية

وغفران الذنوب

---

إن شاء الله الإجازة متطولش

ننتظر عودتك سريعا

فاتيما يقول...

ترجعى بألف سلامة يا قمر السويس
و على مهلك أرتاحى على الآخر
عشان تستردى صحتك و تستعيدى قواك
عشان وحشنا مناوشتك الحلوة مع عبده الرايق
و الله الراجل غلبان من غيرك قوى
دا كل دا منظر و حركات
و هوه أغلب من الغلب
ترجعى بالسلامة يا حبيبتى

ام الابناء يقول...

السلام عليكم ورحمةالله وبركاته

فرنستى الجميله
الف مليون سلامة عليك شفاك الله وعفاك من كل شر وسوء
وربنا يتمم شفاك ان شاء الله
اما عن الاجازة فهى واجبه
للكى تلرجعى لنا باقصى سرعة
بعد شفائك ان شاء الله

تقبلى دعائى انا وزوجى الطائر السعيد وابنائنا الصغاربدوام الصحة وسرعة الشفاء

محمد فوزي يقول...

الشكر ليكي انتي لأنك كتبتيلنا برغم الآلام اللي أكيد هي شديده جدا

أجازه صعبه علينا أكيد بس ربنا يتملك الشفا على خير

ومتقلقيش على الحمله ولو انها هتفتقد عنصر مهم جدا من عناصر نجاحها هو مشاركتك فيها,

في انتظارك يا فرنسا هانم .

shayma يقول...

حبيتى يا فرنسا
سلامتك الف سلامه
هنستناكى بفارغ الصبر وربنا يتم شفاكى على خير

ومش محتاجه تشكرينا يا فرنسا
لا شكر على واجب فرضه علينا حبك ومعزتك الى فى قلوبنا

سلامى يا احلى خاااااااااااالتشى
:))

wa7ed 2ensan wnsan يقول...

فرنسا هانم الف سلامه ليكي واجازه تفوت ولا مدون يموت من غير ما يقرا بوست جديد ليكي

يا رب يكون فيه تحسُن والف سلامه عليكي وربنا يتم شفاكي بس الاجازه انا كمان عندي اجازه عشان امتحاناتي لحد 25 /6 دعواتك بقى


شكرا انك تعبتي نفسك وكتبتي الموضوع الطويل العريض دا

الباحث عن الحقيقة يقول...

السلام عليكم يا فرنسا
ماشي يا ستى ارتاحي براحتك وخدي اجازه
اصل انا سمعت بعد الشر انك كنتى عيانه
مش عارف مين اللى طلع الاشاعه دي
جايز الرايق يمكن
الف سلامه ليكي دايما يا فرنستنا
انا مش قلقان ع الصورة انا بس اتخضيت لما شفت صورتك ومكتوب عليها تضامنا مع فرنسا
قلقت عليك يا نجم السويس
يلا بقى وتصبحي على خير
انا داخل انام
عايزه حاجه من التلاجه قبل ماتخمد
احسن برضه
نامي
منتظرينك ترجعى بالسلامه
اه ..ما شوفتيش تونجر صغير
الواد ابن حجر قلي عايزه في مشوار ولسه ما رجعوش
مش عارف بيعمل بيه ايه
السلام عليكم

دعاء مواجهات يقول...

شفاكى الله وعفاكى وعدتى لنا بكل خير وصحة ياقمر المدوناات

بحبك اوى اوى اوى يافرنسا وبموت فيكى وبدعيلك

وان شاء الله ترجعى تنورينا تاااانى

دعاء مواجهات يقول...

كالشمس انتى والمدونين كواكب

ياشمس لم يسطع مثلها ولا نريد لها مغرب

كلمتين من كلااام واحساااس كتير جوايا يارب يوصلك

بحبااااااااااااك وبدعيلك

دعاء مواجهات يقول...

انتى تقصدى انى انا المنوفياية؟ متهيالى اة اصلى لاقيت الكلمة طست فيا كدة طواالى

ميرسى ع تزكرك ليا ياقمر

وان شاء الله ترجعى اقوى واحسن بفضل الله وبفضل ادعية محبينك

دعاء

دعاء مواجهات يقول...

احلى حاجة بجد والله

انك كما العمود فى عالم التدوين شئ اساى وثابت فى اى مدون بدخلها اسم فرنسا واللينك اللى بيقودنا لعالمك السحرى

إجمد بقى ياعمود وارجع بسرعة

مستنيييينك

دعاء مواجهات يقول...

عارفة انة مش وقتة بس

لااازم اقولك ع اللى وزة عملتة يرضيكى نبقى من بلد واحدة وبينا نص ساعة وتطنشنى ولا تجيبلى سيرة خطوبتها ولا رنة ولا مسج ولا كوول مى حتى؟؟؟

مش هى بنتك هاتيلى بقى حقى ما انا كمان بنتك ولا هنفرق من اولها؟؟؟؟

ترجعى بمليوون سلاااااامة

سلاااااام بقى علشان متتخنقيش منى

دعاء

Sally يقول...

يا حبيبة قلبى متحرمش منك يارب
ربنا يشفيكى ويعافيكى وترجعلنا بالف سلامة يارب
بس أمانة عليكى متتاخريش علينا
ربنا يعجل بشفاكى يارب
أنا هضطر كده اوقع معاهم عالأجازة عشان خاطرك وعشان منتعبكيش

حبيبتى الغالية
أحبك فى الله
سالى

لا إله إلا الله

أبو خالد يقول...

أبنتى الغالية /فرنسا
مع كل مركب تعبر القناة من الشمال للجنوب ابعث لك بمليون أمنية بالشفاء
العاجل..
و مع كل مركب من الجنوب للشمال اسأل
كيف حال فرنسا الأصيلة..
حبيت أصبح على أجمل أخت..
نفسى تكونى بخير يا فرنسا أنا عارف الألم
و حسه ..شفاك الله و عفاك و جعل الجنة
مثوانا و مثواك..
الدعاء لأخيك بظهر الغيب مقبول بإذن
الله ..أدعي لى يافرنسا..
أفتقدك كثيرا..دمتى همزة و صل لهذة العائلة المحترمة..و أنا شايف أثر جميل
نسرين حبت الناس اللى أختلفوا معها فى الرأى علشان بيحبوك يا فرنسا..
و عايز أقول لبنتى نسرين ..و الله يا نسرين مش مستاهله نخاصم بعض ..نختلف
فى الرأى ده طبيعى و لكن لا نكره بعض
بالعكس أنا شايف الخلاف من كلا الطرفين
نابع من حاجة مشتركه هى حب مصر و من أجل مصر و لكل و جهة نظر تحترم..
أبنتى الغالية نسرين مش هتزورى مدونتى هناك بوست أحب رأيك ..

خمسة فضفضة يقول...

السلام عليكم ورحمة الله وبركاته


احازة مقبولة يا خالتو
بس يالا روحي بسرعه وارجعي بسررررررررررررعه عشان مش هانقدر نستني كتير

والف الف سلامه علي ضهرك ومنها لله ام دبو

سلام

Doba يقول...

يارب تقومى بألف مليون سلامة
فى انتظارك دايما ومش تتعبى نفسك كده

ربنا يزيد من عائلتنا المحترمة دايما يارب ويحبب فيكى خلقه كمان وكمان

اعذرينى عن غيابى الكتير بس ظروف عملى وبيتى اللى بتخلينى مش فى تواصل دائم بينكم بس والله متابعاكم على قد مقدر

تقوميلنا بالف مليون سلامة يارب
بحبك فى الله يا قمراية

هبة

دي قضية بلد يــا علــي ؟؟!! يقول...

على حظي يعنى ؟؟؟؟!!!!! .. يعني أنا أول مرة أدخل على مدونتك تكونى واخدة أجازة ........ على العموم ترجعى بألف سلامة ...

ويجعله عااااااااااااااامر

قوس قزح يقول...

مووووووووووووه
اهو كده نطمن
و حقك طبعا ترتاحى لان اى حاجة فى العمود الفقرى بتحتاج انك تنامى اغلب الوقت
ربنا معاكى يارب

انا كان اسمى رينبو بس اكتشفت ان فى اخت مدونة اسمها هدى لها نفس الاسم فغيرته لقوس قزح علشان مينفعش اخد اسم البنت يعنى
عموما يا جميل قوللى داليا

سلامتك الف سلامة

المستنصر بالله يقول...

شفاكى الله وعفاكى
ترجعى بالسلامه ان شاء الله

غني يابهيه يقول...

فى البدايه .... الف سلامه

وارجو تقبل عذرى حيث اننى امضى بفترة امتحانات البكالوريوس ولم اكن امارس اى نشاط تدوينى على النت منذ فتره

وفى النهايه
سوف ننتظرك بفارغ الصبر
وان شاء الله عوده جديده

تحياتى وتحيات بهيه

عبده الرايق يقول...

هاااااااات الازازه واقعد لاعبنى
دى المزه طااااااااازه والحال مش عاجبنى

هق
ااااااااااااانا جدع

عبده الرايق يقول...

انا مش مسطول شرب لا سمح الله
لكن بعدك يا ريسه سطلنى

الفاتح الجعفري يقول...

استاذتنا الغالية
ربنا يحفظ حضرتك ويمن عليكي من فضله ,واهم حاجة في الدنيا صحة حضرتك طبعا ,وياريت حضرتك تستريحي فعلا بس طمنينا عليكي من وقت للتاني قدر المستطاع ,ونسأل الله ان يتم شفائك علي خير يا استاذتنا وييسر كل امر ويجعله في ميزان حسناتك
وقال رسول الله صلي الله عليه وسلم
"ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفَّر الله بها من خطاياه"
نسأل الله ان يكفر خطاياكي ويرفعك عنده درجات
ومنتظرين حضرتك
وجزاكم الله كل خير

أم أحمد المصرية يقول...

حبيبة قلبي فرنسا شفاك الله و عفاك و اثابك خيرا عن معاناة المرض و سنتحمل فراقك عشان مصلحتك لكن مش تحددي الاجازة المرضي قد ايه و لا ارفدك يعني :))حأقول لك ايه مقدرش ارفدك من قلبي براحتك يا حبيبتي و ترجعي لنا بألف سلامة كل شوية حفتح المدونة لغاية مافرح بعودتك لها

همس الاحباب يقول...

اجدع خالتو فى الدنيا
الف سلامة عليكى وربنا يطمنا عليكى
واجازة سعيدة مع انها غصب عنا بس الظروف اقوى مننا
ترجعى بالسلامة
وعامة انا ابعتلك الرايق اهو ينفع يجيب الخضار والعيش ويسليكى شوية احسن من بريزة لب ههههه
وابقى اجى اشقر عليه احسن يعمل حاجة علشان عارفه بيحب المشاكل وايعمل دوشة فى المدونة
بس انا برده اقف جنبه ضد المدونين اللى عايزين يكهربوه
لانه حبيب قلبى برده انا ممكن اسمحلك انتى بس تعملى فيه اى حاجة
اما غير كده انا هفجر المدونة والبورصة كمان ماشى يا ابن حجر
انتى فاهمنى طبعا وممكن افجر كوبرى ترسا باللى حواليه
تحياتى واتوحشينا قوى
خالد

همس الاحباب يقول...

اه نسيت
خلى بالك يا عبده من خالتو فرنسا
وكل يوم تروح تقف فى الطابور من 5 صباحا لحد 12 بالليل علشان تجيب العيش
وبلاش ازعاج فى المدونة
تحياتى

سبهللة عالآخر يقول...

الف سلامة عليكى يا هانم
انا عايزة اقولك لكل اللى بيحبوكى
ان ألام الظهر غير محتملة
رجاء اعذروها
وادعو لها بالشفاء
شفاكى الله وعافاكى

بحبك يامصر يقول...

فرنسا هانم
ربنا يشفيكى يارب ويرجعك لينا بالف سلامه واحنا موافقين على الاجازه عشان هى فى مصلحة صحتك ويارب تكونى بخير
تحياتى ليكى

الجدة فصيحة يقول...

السلام عليكم ورحمة الله وبركاته

شفالك الله وعافاك أختنا الفاضلة فرنسا

اجازة مقبولة طبعا أهم حاجة صحتك وأننا اطمننا انك معانا بإذن الله دائما



تحياتي

Salwa يقول...

أخبارك إيه إنهارده يا جميل

شد حيلك وبطل دلع

إن شاء الله تكوني احسن إنهارده

تحياااتي

مهيج الجماهير يقول...

بصى يا ستى ..
أولاً : الف سلامة عليكى و تقومى بالسلامة ان شاء الله
ثانياً : دى أول مرة ادخل مدونتك ... و عجبنتى قوى
ثالثاً بقى : انا بحس ان كل المدونين فعلاً عيلة واحدة ... حتى لو كنت معرفش مدون مثلاً ... بس برضه هو من عيلتى ... علشان كدة أفرح معاه و أزعل معاه برضه ... عامة تقومى بالسلامة و هستنى أول بوست تكتبيه ...
سلام

سومه...مجنونه فى بلد عاقل يقول...

والله يا خالتو انا مبدخلش للاسف لفتره برضوا عشان الامتحانات معلش ربنا يتم شفاكى واسمعى كلام الدكتور
وسامحونى انا كمان عشان مبدخلش كتير وادعولى عشان الامتحانات
تحياتى ليكى ومفيش شكر على واجب
والعنوان بعد ازنك عشان اجيب سته كيلو سمك وجمبرى وكوزين بطاطا...وعلبه شاكلاطه وحزمه ورد واجى ازورك ونوجب صح
سومه_87

فليعد للدين مجده يقول...

العزيزة فرنسا هانم

تمنياتي بالشفاء العاجل

ويا جماعة المدونين حلوا عن فرنسا وسيبوها تتنفس

ألا تعرفون أن زيارة المريض طرفة عين

تحياتي لكم جميعا ولمشاعركم النبيلة

maiosha يقول...

فرنستى الجميلة .. والله هيعز عليا غيابك أوى بس أرجع وأقولة صحتك أهم من أى حاجة وبعدين كمان علشان ميفوتنيش كتير لإنى مش عارفة بعد كده هقدر ادخل أطمن عليكى تانى ولا لأ ؟ بعيد عنك إمتحانى كمان يومين وهقعد أمتحن شهر كامل

على العموم من دلوقتى ولغاية ما ترجعى بالسلامة ولغاية ما أنا كمان أخلص إمتحانات .. وبعدين نتقابل على خير إن شاء الله

مع السلامة يا أحلى فرنسا فى الدنيا

mayada يقول...

الف حمد الله علي سلامتك يافرنسا
وبعدين تعبتي نفسك ليه بس وكتبتي البوست ده بتشكريني علي ايه يافرنسا انت متعرفيش
انت بالنسبه لنا ايه
اجازه سعيده ياخالتي وترجعيلنا بالف سلامه
انا بصمت علي الاجازه
مبعرفش امضي بقي انت عارفه
اشوفك علي خير ياخالتي

Jana يقول...

فرنسا الغالية
الاجازة ضرورة ملحة ..
ربنا يتم شفائك ..ويهون عليكى الالم ..وكله فى ميزانك ورفع لدرجاتك باذن الرحمن
ويهون علينا احنا ايام غيابك ..وترجعيلنا بالف سلامة

الربان على فكرة ..كان عامل تدوينة حب ..ودعاء ليكى عنده ..جزاه الله كل خير

اذا اراد الله بعبد خيرا ..حبب فيه خلقه

الف لا بأس والف سلامة حبيبة قلبى

منوفيـــايــة يقول...

ألف ألف حمد الله ع السلامة
وألف مليوووون سلامة
الحمد لله اننا اتطمنا عليكى ياسيادة الريس
ياحبيبة الكل يا غالية
ان شاء الله تقومى بألف سلامة وتبقى آخر حاجة بإذنه تعالى
واشكرك على ذكرك الجميل لأسمى المتواضع
تحياتى ليكى ودعواتى بالشفاء العاجل
شفاكى الله وعافاكى

Abo 7anf يقول...

لا شكر على واجب يفرنسا
ربنا يتم شفاكى على خير
وخدى راحتك
وان شاء الله تنورى مدونتك

NIDAAL PAL يقول...

خالتو / فرنسا
الف سلامة على حضرتك
الف سلامة , الف سلامة ,الف سلامة
وبرغم شغفى بقرأة مواضيعك
بس مضطر اوافق على الاجازة دى الى هتبعدك عن الساحة التدوينية او عائلتك الالكترونية
طبعاً حضرتك هتقولى الواد ده بيضحك عليا بكلمتين ولا ايه .. بما انك ما شفتيش ولا تعليق ليا تقريباً
هقول لحضرتك : ان انا متابع جميع البوستات . بس فى الدرا علشان ما اتحسدش
ربنا يشفيكي يارب و يرجعك لينا بالسلامة و تبقى احسن من الاول
ونفسى ادعى كتير كتير بس مش هنا بقى
والا هحتكر صفحة الكومنتس
تحياتى يا خالتو
نضال

Om Dodo 7abiby يقول...

هاااااااات الازازه واقعد لاعبنى
دى المزه طااااااااازه والحال مش عاجبنى

هق
ااااااااااااانا جدع

--------------------
هههههههههههههههههههههههه
الرايق ده بجد ملوش حل
يارب يا حبيبتى متتاخريش
أحسن ترجعى تلاقيه غير عنوان مدونته وسماها " خمارة ينى " هههههههههههههه

تحياتى وامنياتى ودعواتى يا غالية

دمتى بكل الخير أختى
سالى

حنين القلب يقول...

فرنستى حبيبتى
عامله ايه النهارده يا رب تكونى بالف خير.
ايه اخبارك والعمود عامل ايه ربنا يتمم شفاكى
فرنسا وحشتينى اوى هترجعى امتى عارفه ان اجازتك لسه فى الاول بس وحشتينى بجد والله
سلام يا حبيبتى

أبو خالد يقول...

كل جمعة و أنتى طيبه كل جمعة و أنتى بصحة و عافيه ..كل جمعه و أنتى منوره عالمنا على فكره يافرنسا
أنا كنت فى القاهرة بالأمس
و رأيت عائلة التدوين
ناس جميله قوى يا فرنسا
ناس يتحبوا بجد
كان حفل توقيع أول مدونة للجيب
و رأيت الناس اللى بيحبوك يافرنسا
إن شاء الله فى لقاء قادم تكونى معانا
دى ناس تبهر يا فرنسا أدب و أخلاق
و علم و طيبه
شدى حيلك و أعملى للرايق واحد قهوة
مظبوط
دمتى حبيبة الجميع

حنين القلب يقول...

صباح الفل والورد والياسمين على احلى عيون سوسيين
ايه اخبارك النهارده يا سكرة
فرنسا
جعل الله فجر حياتك نوراً
وظهرها سروراً
وعصرها استبشاراً
ومغربها غفراناً
وجعل لكى دعوة لا ترد
ووهبك رزقاً لا يعد
وفتح لكى باباً فى الجنه لا يسد
اللهم امين
اللهم امين
يعلم ربى انى ابحبك فى الله
سلام يا حبيبتى

قوس قزح يقول...

اخبارك ايه النهارده فرنسا
يارب تكون فى تحسن
امبارح كان يوم جميل اوى
اتقابلنا فى حفلة توقيع مدونات مصرية للجيب
ياريتك كنتى معنا
ربنا يقومك بالسلامة

free heart يقول...

إزيك يا لولو إنهارده

إن شاء الله تكون أحسن


يارب يخفف عنك وترجعي بالسلامه

Soooo يقول...

يارب ترجعيلنا بالسلامه يارب
وربنا يحبب فيكي خلقه اكتر واكتر

امي الله يرحمها كانت بتقول من حبو ربه .. حبب فيه خلقه
وانتي ان شاء الله ربنا بيحبك عشان احنا كلنا بنحبك

والله ماعايز امشي وعايز اقعد اتكلم اقول كلام كتير قوي
فرحان قوي اننا بقينا قريبين من بعض
يارب ديم المحبه مابيننا وابعد عنا الشياطين من الانس والجن يارب
----
عبده يارايق
ربنا يسعدك ويكرمك دنيا وآخره يارب .. زي مانت ضجكتنا بمداخلاتك وتعليقاتك




سلاموووووووووز

ra7eel يقول...

الف سلامه عليكى

يارب تقومى بالسلامه وترجعى بالف خير
لمدونتك ولبيتك ولعائلتك

صاحب المضيفة يقول...

انا فعلا مبسوط ان اسمي نزل عند خالتي مدونتها


يا جدعان خلاص مشع عاوز حاجه تاني

يكفيني فخرا اني ذكرت هنا


سلامات يا خالتي وان شاء الله طهور وكفارة يارب

وتروحي وترجعي بالسلامة يارب


تحياتي

ايمان العزب يقول...

تأثرت جدا لما رأيت اصرارك على مجاملة اصحابك وحبايبك رغم ما تعانية والذى ادعو الله ان يصرفه عنك ويمن عليك بالصحة والعافية ومضاعفة الاجر
بجد قلبك طيب قوى يا فرنسا
عوزة اقولك بشرى
ان الله اذا احب عبدا (او أمة)نادى فى اهل السماء انى احب عبدى فلان فأحبوه فيحبه أهل السماء وينادى جبريل اهل الارض ان الله يحب فلان فأحبوه فيوضع له القبول فى الارض
وانا بحبك فى الله يافرنسا السويسية طبعا مش الاوروبية.
خدى يا حبيبتى اجازة وارتاحى ،ربنا يرجعك بألف سلامة.

ومتوصناش على الرايق هنروقهولك لحد ما ترجعى بالسلامة، ربنا يديم اخوتكم.

حاول تفتكرنى يقول...

أشك فى تكلمة الاجازة
أعتقد أن قلمك سيرفض السكون



تحياتي

WhItE HeArT يقول...

ألف سلامة ومستنيين العودة

بس متغيبش اوي يعني

وله اقول لك غيبي براحتك لحد مااتخفي واحنا هنا هنقعد ندعي ربنا يشفيكي

بس متطوليش يعني

يوووه خلاص انا موافق وخلاص

وبالنسبه للرايق والله انا معرفوش بس مادام توأم كتابتك يبأه انا رايح على طول دلوقتي

تحياتي

مصري بالغربة يقول...

يا خالتي فرنساحمد الله على السلامة

بس انا زعلان انت عندك يعني ناس مهمين وناس نص نص وناس اي كلام

يعني كتبتي كل واحد باسمه وشكرتيه واسم مدونته كمان

وناس تانية وانا منهم طبعا اولاد البطة السودا

مجرد كوبي وبست كده وخلاص تادية واجب يعني

عموما حسابنا مش دلوقت لما تخفي كده ان شاء الله وترجعي بالسلامة لمدونتك طبعا

على فكرة انا باهزر انا بس كفاية اني اطمنت عليكي وانا باقرالك من زمان على فكرة بس مكنتش باعلق كتير يعني

وسلام يا خالتي

غير معرف يقول...

www.hsher.blogspot.com

مدحت محمد يقول...

ترجعيلنا بالسلامة ياخالتو يارب

حنين القلب يقول...

صباح الفل يا فرنستى
وحشتينى جدااااااااااااااااااوالله
ايه عامله ايه النهارده طيب لو ينفع اى حد بس يطمنا عليكى ولو بكلمتين كده
يا رب انتى اللى تطمنينا بنفسك
انا مستنياكى ومش هنزل بوست الا لما تقرى بوستى وتعلقى عليه كمان ان شاء الله بعد سنه برضه هستناكى
بحبك يا سويسيه
سلام وربنا يحفظك

كفايـة طيبـة يقول...

ترجعيلنا بالسلامة واحسن من الاول يارب ياحبيبي :)

مفتقدينك :)

بنوته مصرية يقول...

الف سلامه عليكي

والهي بدعيلك بلشفاء وانك ترجعي بسرعه الصفحه مضلمة من غيرك يا غالية

معلشي لسة راجعه من القاهرة النهارده واول حاجه عملتها جيت اطمن عليكي

ترجعي لنا بالف سلامه

وخدي بالك من نفسك
رودي

واحد من البلد دى يقول...

والله يا فرنسا هانم أنا لم أجلس على الكمبيوتر من وقت طويل وممكن تتأكدى من آخر بوست ليا أنالسه منزله دلوقتى حالا..
ألف ألف سلامة عليكى وأحب أعرفك إنى والله مستعد للنزول للسويس مخصوص علشان حضرتك..
بجد و الله مش كلام ..
إحنا جدعان آوى..
أنا مستنيكى فى أقرب وقت و مش عايزك تكسلى فى العلاج ..
ولو فيه علاج طبيعى خليكى صبورة معاه..
و إن شاء الله ترجعيلنا بألف سلامة و إحنا مش عايزين ردود..كفاية إنك تعرفى إننا بنحب حضرتك جدا و بنحترمك و ما نقدرش ندون من غير ما نشوف تعليقات حضرتك الرقيقة..
و أنا إن شاء الله مش حاقدر أزورك غير لما أقبض الجمعية علشان أقدر أجيب الطلبات البسييييييطة اللى حضرتك قلتى عليها فى التدوينة..
عموما نتمنى لكى الشفاء العاجل و ربنا يكتب لكى العافية من عنده..
دمتى بكل صحة وخير يا أغلى الأخوات..
ملحوظة..
مواطن مصرى نايم..هو إبن أختى وعنده حظر تنفس فى البيت علشان الإمتحانات ..
أنا عارف أختى كويس..فأرجوكى إلتمسى له العذر على عدم سؤاله عنكى لأنه أكيد لا يعرف شيئا..دمتى بخير

Salwa يقول...

عامله إنهارده

لا لا لا

شكلك إنهارده جميل
الحمد لله

يارب تكوني أحسن

في انتظارك

يارب يتم شفاكي
معلش بقى
مرة أدخل باسم free heart
ومرة باسم سلوى

أهو تمويه علشان الرايق
:)

أبو خالد يقول...

أبنتى الحبيبة الغالية
أختى الكريمة جميلة الروح
يا صاحبة مدونة فرنسا هانم
أنى أفتقدك ..
و حشنى كلامك..
أتوق لتعليقاتك
دمتى روح جميلة
شفاك الله و عفاك
أفتقدك جدا جدا
كان نفسى تبقى معانا فى القاهرة
كان لقاء خرافة
لقاء السحاب
ناس حلوين قوى قوى يا أغلى أخت
و كان نفسى الرايق يحضر
على العموم خيرها فى غيرها
و ها فضل وراكى لغاية
ماتروقى ..
و أذكرك لا داعى للمسكنات عن طريق الفم مؤذية..
شفاك الله شفاء لا يغادر سقما يا قادر
يا حكيم

قوس قزح يقول...

فرنسا الغالية
اخبارك ايه النهارده ؟ يارب تكونى بخير

كان نفسى تشوفى المدونات كاتبة ايه عن الحفلة بتاعت التوقيع و تحسى اد ايه الناس فرحانة انهم شافوا بعض
و كان نفسى اكتر تكونى معنا
بس لما تقرى هتحسى انك كنتى معنا بجد

هى الاجازة هطول اوى ولا ايه ؟
ربنا يقويكى

رفقة عمر يقول...

حبيبتنا خالتنا الجميله وحشانى وكنت بافكر فيكى امبارح
اتمنى انك تتعافى بسرعه وتعودى لطبيعتك سريعا اللهم امين
ربنا يشفيكى ويعافيكى اللهم امين
ليه حرمانا يكون ماعنا موبيلك كنا اطمنا عليكى كل دقيقه
ولو نقدر نيجى كنا جينا بس انا مش هاكدب على حضرتك مش هاقدر اجى السويس لانى مش هاعرف اجى لو حدى بس نفسى اكلمك على التلفون
برضه التليفون نص الرؤيه
نتمنى تنورى مدونتك قريبا جداااا

القلم السكندري يقول...

اسف يا خالتو فرنسا

الموضوع خرج من ايدي بصراحة

مش هعرف أمضي ع الأجازة



ترجعي بالسلامة إن شاء الله

وربنا يعجل لك بالعافية

القلم السكندري يقول...

اسف يا خالتو فرنسا

الموضوع خرج من ايدي بصراحة

مش هعرف أمضي ع الأجازة



ترجعي بالسلامة إن شاء الله

وربنا يعجل لك بالعافية

shayma يقول...

فرنسا الجميله
عامله ايه دلوقت
يارب تكونى احسن انشاءالله

وحشتينى يا فرنستى

ترجعيلنا بالف سلامه يا خالتو
ونقرالك احلى بوست بعد الشفاء
انشاءالله

سلامى يا جميله بجد

:)))

صبرني يارب يقول...

فرنسا حبيبتى

الف الف بعد الشر عليكى ربنا يشفيكى يارب شفاءا لا يغادر سقما .

يا حبيبتى على عينى ما سألتش عليكى والله ما دخلت مدونات حد من زمان وكان جهازي عطلان فتره.

بس خيخه وباحث وكل الناس الى اعرفهم ويعرفوكي وماقالوليش هايتقطعوااااااااااااا


الف الف سلامه عليكى يا جميل ويارب ترجعى لنا بالف صحه وسلامه يا جميل .

حنين القلب يقول...

حبيبتى
وحشتينى
وحشتينى
الاجازة طولت اوى عارفه انها مده صغننه علشان ترتاحى فيها انما بجد طويله جدا عليه
مش قولتى هتبعتى حد يطمنها عليكى كل فترة
فين الحد ده فينك يا خوخه؟
ربنا يتمم شفاكى ويرجعك لينا بالف مليون سلامه
هسيبك ترتاحى بس بالله عليكى خلى بالك على نفسك
سلام يا حبيبتى

princess dodo يقول...

عافاكِ الله يا حبيبتى

ام البنات يقول...

فرنسا
دائما الروح تظهر فى الكتابات
وانت روحك جميله قوى يا مصريه قوى
يا مصريه بجد يا مصريه ياجميله
ياحبيبتى شفاك الله وعافاك وردك الينا رد جميل

الفاتح الجعفري يقول...

استاذتنا الغالية
انا بس بطمئن علي حضرتك ,اسأل الله ان تكوني الان بخير وصحة وعافية
ربنا يبارك في حضرتك ويعافيكي من كل سوء ويجعل كل ذلك في ميزان الحسنات بأذن الله وجزاكم الله خير

ayman badr يقول...

ربنا يا رب يقومك بألف سلامة وتقومى من الاجازة المرة دى احسن واحلى ان شاء الله واسف على عدم سؤالى عنك فى وقتها لانى كنت مشغول ومدخلتش على المدونات خالص
تحياتى وترجعيلنا بالف سلامة

عاليا حليم يقول...

حفتقدك و الله يا خالتى ربنا يطمنا عليكى و ترجعلينا بالسلامة ان شاء الله

appy يقول...

حبيبتى اسفه بقالى فترة مش بصيت عليكى
معلش غصب عنى بجد كنت مشغوله جدا يا رب تكونى بخير خالص وتقومى بالسلامه يا رب

حنين القلب يقول...

فرنستى
عامله ايه النهارده
انا كل يوم يسئل ولا فيه حد بيطمنا عليكى يا رب تقومى بالسلامه وتطمنينا بنفسك
وحشتينى يا حبيبتى
ربنا يشفيكى يا رب
سلام يا حبيبتى

أم أحمد المصرية يقول...

حبيبتي فرنسا يارب تكوني بقيتي احسن ان شاء الله ربنا يتم لك الشفا يارب
سامعة هتافات المدونين
التدوين مضلم ليه
فرنسا هانم بعيد عنيه
خفي و ارجعي بقي

الباحث عن الحقيقة يقول...

وحشتينا يا فرنسا

وبعدين ..

علشان تحرمي تلعبي مصارعة يابانية

اهي جت على سلسلة ضهرك

طب كنتى ألعبي في مناخيرك
مالك فيه ايه مكنتي متعودة عليها

اهي حاجه مقدور عليها

ههههههههههه

الف سلامة يا فرسنا

ترجعيلنا بالسلامه

عبده الرايق يقول...

خلينا كده قاعدين يا ريسه نهش دبان
وانتى ولا انتى هنا
الاجازه كده طولت قوى
انا كنت فكرها اجازه لمده 3 او 4 ساعات
كده كتير
وبعدين انا مش لاقى حد اناكف معاه
وانت بتستحملينى
يلا
خلينى قاعد حاطط ايدى على خدى

إنـســـانـة يقول...

ترجعيلنا بألف سلامة يارب

عندى احساس عمييييييق انك اختى ووحشانى اوى ونفسى اشوفك بجد

ربنا يرجعك لينا على خير ياااااارب .. اللهم آميييييييين

رندا يقول...

اجمل فرنسا

اسفة على تاخيرى فى الرد على البوست الجميل
بس على اية بتشكرى
انت اخت جميلة للكل
انا الى لازم اشكرك على وضع اسمى من ضمن ناس رائعين فعلا
فهذا كان كتير عليا جدا
فاانا لم اقم باى شئ مع انى كنت خلاص جيالك مع سكر ههههههه
ربنا يكمل شفائك على الف خير يارب
وتكونى باافضل صحة وعافية

دمتى بكل خير

رندا

بت خيخة وأى كلام يقول...

طب فين يا بنتى همزة الوصل اللى قلتيلى عليها

يا مسهل
ترجعلنا وانتى فى احسن صحة وحال يا فرنسا

اختك خيخة

صيدلانيه طالعه نازله يقول...

الف سلامه يا قمر
والله انا بقالى فتره مش متابعه اى مدونات عشان امتحانات الاولاد
و اول ما دخلت عندك عرفت انك تعبانه و شفت مظاهرات الحب الكبيره دى
اللى تخليكى تخفى على طول من كتر حب الناس
ربنا يخليكى لينا يا قمر و تلمينا حواليكى دايما بس فى الافراح
و اعتذر مره اخرى على التأخير

wa7ed 2ensan wnsan يقول...

الف سلامه يا فرنسا هانم

وان شاء الله تقومي بالسلامه


والله احنا مقصرين في حقك فعلا بس نعمل ايه الله يقطع الامتحانات وسنينها

قوس قزح يقول...

انا جيت اقولك تصبحى على خير و سعادة يارب
انا خايفة تكونى زهقتى مننا و من دوشتنا لكى كل شوية

بس تعالى انت بس و هتلاقى كل واحد خد حاجته و روح بيته

ربنا معاكى

الربان يقول...

تحياتي

حمدا لله علي سلامتك....و عودا حميدا الي اسرتك من المدونين.

تحياتي و تقديري

محمد فوزي يقول...

فرنسا هانم العزيزه

وحشتينا بجد و غيابك مأثر فينا جدا

ربنا يرجعك بالسلامه

وينعم عليكي بنعمتي الرضا والعافيه

أبو خالد يقول...

يعنى آيه أروح أدور عليك فى السويس
بيت بيت ..
طمنينى يا غالية
أفتقدك ..أفتقدك ..أفتقدك

واحد من البلد دى يقول...

السلام عليكم و رحمة الله و بركاته
أخبار فرنستنا إيه النهارده..؟؟
يارب تكون بخير
وحشتينا جدا يا أخت فرنسا
الدلع زاد آوى
إرجعلينا بسرعة و حياة والدك
ربنا يعجل بشفاءك
تمنياتى بالشفاء العاجل
أخيكى فى الله

rovy يقول...
أزال المؤلف هذا التعليق.
rovy يقول...

الف الف سلامه عليكى
ان شاء الله ترجعى تنورى عالم التدوين بألف سلامه .
شفاك الله وعفاك .. ربنا يطمنا عليكى
لكى كل الود والتقدير
تحياتى
rovy

احمد ابوالعلا يقول...

ياست فرنسا حمدلله على السلامة وربنا يتمم شفاكى عايز اعبرلك عن سعادتى بحالة الحب التى تغمر مدونتك يابختك
وبما انك فى اجازة ادعوكى لزيارة مدونتى ويارب تعجبك وتسليكى فى الأجازة وفى انتظار عودتك سالمة باذن الله

أم أحمد المصرية يقول...

حبيبتي فرنسا دخلت اليو و كلي امل اجدك ايه الحكاية هي الاجازة طولت كده ليه يا قمر رنا يشفيك و يرجعك لحياتك و لنا بألف سلامة حاولي يا فرنسا تستغلي الفترة دي و انت مريحة علي السرير في حفظ القران ثواب و تسلية ربنا يكرمك و جعل معاناتك في مرضك في ميزان حسناتك ان شاء الله و ادعي لنا فالمريض دعاؤه مستجاب انا بكتب لك دلوقت و احمد بيمتحن algebra:)) عشان تعرفي غلاوتك عندي

فاتيما يقول...

العائلة المحترمة
إفتقدتك فى حفل التوقيع
و مفتقداكى دلوقتى فى كل المدونات
وحشتينا قوى
و شدى حيلك أومال بقى

دمعاتي يقول...

يارب تكوني بخير
والف سلامه عليكي
اخوكي البار دمعاتي
اللي قاعد بيعيط على شط الترعه وبيدعي ان ربنا ياخد بايدك وتقومي بالسلامه
اجمدي يافرنسا يااختي
اخواتك المدودوين .. المدونين عاوزينك

واحد من البلد دى يقول...

السلام عليكم و رحمة الله و بركاته
أحلى سلام و أحلى صباح على أختنا الجميلة فرنسا هانم..
أخبار حضرتك إيه النهارده ؟؟
يارب دايما بألف صحة وعافية..
أجازتك طالت آوى..
قلقتينا عليكى ..
وحياة والدك ردى علينا و لو رد فاضى حتى ..
نعرف بس إنك شايفانا..
ربنا يتم شفاكى على خير..
آمين آمين..
دعواتنا كلنا ليكى بالشفاء العااااااااااااااااجل

kochia يقول...

اسجل اعجابي الشديد بالمدونة
واتمني لك الشفاء العاجل

سومه...مجنونه فى بلد عاقل يقول...

انتى لسه مرجعتيش يا خالتو بجد الدنيا ضلمه من غيرك
سومه_87

سومه...مجنونه فى بلد عاقل يقول...

انتى لسه مرجعتيش يا خالتو بجد الدنيا ضلمه من غيرك
سومه_87

سومه...مجنونه فى بلد عاقل يقول...
أزال المؤلف هذا التعليق.
shayma يقول...

عامله ايه يا فرنستى
يارب تكونى بخير

اخبارك ايه
يارب نسمع منك قريب

وحشتينى يا فرنستى
:))

حنين القلب يقول...

يااااااااااااااه انتى وحشتنى اوى يا فرنسا
لا بجد اجازتك طولت كفايه دلع وردى علينا بقى والله وحشتينى
طيب انتى عامله ايه
يا رب تكونى فى احسن حال
فرنسا والنبى حددى اجازتك دى. على الاقل مش كل يوم ادخل على امل انى القى البوست الجديد بتاعك يا رب تكون نهايه الاجازة دى بكرة
يااااااااااااااااااااا رب
فرنسا الرايق من غيرك شم نفسه ومحدش قادر عليه ارجعى بقى علشان تسكتيه تانى ده كان محدش سامع ليه صوت فى وجودك بصى دلوقتى محدش عارف يكلمه
ربنا يرجعك لينا بالسلامه
بحبك فى الله
سلام يا حبيبتى

قوس قزح يقول...

و بعدين طيب
انتى وحشتنا اوى
هى الاجازة هطول ولا ايه

ربنا يسهل يمكن تقدرى على الاسبوع الجاى تيجى يارب
خالى بالك على نفسك

ابو لمعه 2008 يقول...

انا قلت امسى بس
دى اول زياره ليا لبنت بلدى
انا من السويس برضه
معلشى بقى
انا مستعجل
الطياره مستنيانى على اول الشارع

Soooo يقول...

سلامو عليكووووووووو

ازيك ياختي .. انا قلت اجي اشقر عليكي احسن تكوني عايزه حاجه ولا محتاجه
بس لو عايزه حاجه هاتي فلوسها اه
مش عشان انتي اختي يبقى خلاص
لااا
اخوكي متشحور شحوره مايعلم بيها الا ربنا

يلا بقى اتجدعني وشدي حيلك وارجعي نوري النت
والله مدوناتنا مضلمه من غير تعليقاتك وزياراتك


ربنا يعفو عنك ويسعدك ويكرمك ويرضيكي دنيا وآخره يارب




سلاموووووووووز

أبو خالد يقول...

أبنتى الغالية
و أختى الفاضلة فرنسا
أنا قلقت كده أرجوك طمنينى
بحاجة و احدة إلغى تعليقى
أشعر أنك معنا

حنين القلب يقول...

فرنسا حبيبتى
برضه مش حددى الاجازة ولا طمنتينى عليكى
طيب اعمل ايه اجيلك السويس علشان اطمن
يا حبيبتى طمنينى بس انك بخير
يا رب يتم شفاكى على خير
سلام يا حبيبتى ربنا يحفظك

همس الاحباب يقول...

اجدع خالتو فى الدنيا
وحشتين بجد
الغيبة كده طولت
يا رب تكونى بخير ويا ريت تطمنينا عليكى بتعليق او تحديث اى خبطة فى دماغ الرايق ومش ازعل عليه المرة دى واسيبك براحتك
على فكرة الرايق قاعد جنبى زى اليتيم يا ولداه وحتى بطل سلف من الناس وبيقولك عايز الفلوس اللى عندك
تحياتى وتقديرى
خالد

nonoymm يقول...

السلام عليكم حبيبتيالنت مضلم ومدونتي مضلمة من غير طلتك عليها
يارب تقومي بالف مليون سلامة يارب
بوسة من اسراء ومريم بناتي وامهم انا يعني
ربنا يديم الحب والمودة ما بينا يارب
احبك في الله
تحياتي ومودتي

بت خيخة وأى كلام يقول...

وحشتينا يا غالية

الفاتح الجعفري يقول...

استاذتنا الغالية
ازي صحة حضرتك حاليا
اتمني من الله ان تكوني بخير
وان شاء الله يرفعك الله درجات عنده
وجزاكم الله كل خير

klmat يقول...

سلامتك الف سلامه
وربنا يكتب لك الشفاء التام
ويعطيكى الصحه والعافيه
خذى اجازه وخدى بالك من صحتك
وطمئيننا عليكى
دعواتى القلبيه بالصحه والعافيه
كلنا بنحبك اوى وحاندعيلك ترجعى لنا
بالسلامه سلاااااااااااااااام

واحد من البلد دى يقول...

السلام عليكم
إيه الحكاية يا أختنا
إنتى فكرتى نفسك فرنسا بجد و الا إيه؟؟
لأ وحياة والدك ..
إحنا عايزينك معانا .
وحشتنا تعليقاتك و ردودك الجميلة..
بجد إحنا مفتقدينك..
أنا باجى أمضى عندك كل يوم ..
لكن عارفة؟؟
أول ما ترجعيلنا بالسلامة..
حابلغ فرااااار
ما الأصحاب ما يبانوش غير فى الأوقات دى..
يارب يتمم شفاكى على خير..
مستنيينك فى أقرب وقت..
بالله عليكى لو تقدرى إبعتى لنا رد فاضى حتى ..
السلام عليكم

الفاتح اليعقوبي يقول...

السلام عليكم
استاذة فرنسا كيف احوالك دلوقتي طمنينا عليك
ال سلامة عليك يااستاذة
والسلام

عبده الرايق يقول...

قولى حاجه
اى حاجه
اقولى جعانه او صقعانه او حرانه
قول قول
قول وميهمكش حاجه
قولى حاجه يا فرنسا مينفعشى كده
انشاله حتى تعدمى الرايق فى ميدان عام انا موافق
بس اسمع صوتك

Salwa يقول...

إتأخرت عليكي اليومين اللي فاتوا معلش

كان في ظروف كده

وقلت لما أرجع هلاقيكي رجعتي

إيه بقى إنتي أخدتي ع الكسل
ولا يعني لازم نعمل لك زيارة

فينك يا فرنسا

طمنينا عليكي

يارب تكوني بخير

ويتم شفاكي على خير

maiosha يقول...

فرنستى الجميلة

إزيك دلوقتى يا قمر واخبارك إيه؟؟ إن شاء الله تكونى أحسن من الأول.. يالا بقى يا فرنسا شدى حيلك وطمنينا عليكى

ربنا يخليكى لينا وميحرمناش منك أبدا

دعاء مواجهات يقول...

لسة مرجعتيش ياقمر

يارب ترجعى بالف مليو سلاامة

دودى

Z_Diva يقول...

ازييك يا خالة
ربنا يتم شفاكي على خير ان شاءالله, و ترجعي بقى تكتبي بوستات و كده :))
ربنا يقويكي يا خالتشي :))))

بنت الاسلام يقول...

ترجعي بالسلامة ان شاء الله

ونسال الله العظيم رب العرش العظيم ان

يشفيكي

Sally يقول...

وحشتينااااااااااااااااااااا
بجد وحشتينى ومفتقداكى كده حاسة بفراغ
يارب تكونى بقيتى كويسة وترجعى بسرعة
مستنينك يا قمر
بالورود والشيكولا
وراشين الرمل وفارشين السجاد ومعلقين الزينات على باب مدونتك

ترجعلينا بالسلامة يا حبيبتى
سالى

أبو خالد يقول...

أبنتى الغالية
و أختى الكريمة
صاحبة مدونة فرنسا
أنا حاسس إنك تعبانه قوى
اللهم أجعل كل تعب تعانيه فى ميزان
حسناتك
يارب يا قادر ..يا عزيز
أشفى صاحبة مدونة فرنسا هانم شفاء
لا يغادر سقما
آمين آمين آمين

appy يقول...

حبيبتى اتاخرتي قوووووووي يا رب تكوني بخير يا رب

gannah يقول...

سلامتك مليون سلامة والله انا بردوا كنت بدور عليكى وزعلت لما لقيتك اختفيتى ...قلبى معاكى

همس الاحباب يقول...

يارب تكونى بخير
وترجعلنا بالف سلامة
بس ياريت تطمنينا عليكى
تحياتى واشواقى لاجمل خالتو فى الدنيا
خالد

NilE_QueeN يقول...

ايه دا

يعني انا جيت متاخر

والله نفسي ازور مدونتك من زمان بس المشاغل بقي وانا لسا مدونه على اول الطريق

بس اسمع الناس كلها تقول عنك كلام لزيز

اتمني عودتك واسمحيلي اكون ضيفه لازقه عندك

Soooo يقول...

فرنسا
انا عامل شندوشتات وعامل حسابك معايا
عامل شندوشتات كبده اسكندراني وفراخ بانيه وعسل اسود بطحينه

شغال ولا اعمل حاجه تانيه؟؟؟؟
واعمل حسابك في البيبس ولا انتي بتقضيها سبرايت ؟؟؟

نرجو التوضيح عشان الاكل عالنار




سلامووووووووووز

Salwa يقول...

إيه الرائحه الجميله دي

شامه يا برنسيس

سووووووو بيعمل ساندوتشات

لأ دا أنا هاجي كل يوم
واجيب زوار مدونتي كمان

:)

أخبارك إيه يا فرنسا
يارب تكوني أحسن

أنسانة-شوية وشوية يقول...

ايه اخبارك يا فرنسا
طمنينا عليكي،

حنين القلب يقول...

لا يا فرنسا انا بجد قلقت عليكى
طمنينى عليكى ولو بتعليق فاضى بس عرفينا انك بخير
وحشتينى بجد والله
ربنا يتمم شفاكر واتمنى من الله ان تكون صحتك فى تحسن مستمر
سلام يا حبيبتى

shayma يقول...

وانا جبت النسكافيه والسكر يا فرنستى
عشان القعده تحلو
:))
اعمل حسابى يا سوووو فى السندوتشات

فرنسا اتاخرتى اوى
يارب تكونى بخير يارب

سلامى و دعواتى
:))

son's egypt يقول...

السلام عليكم
الف سلامة عليكي
وترجعي بالسلامة ان شاء الله

mayada يقول...

ازيك ياخالتي
انا جيت امسي بس
واقول لك طولتي الغيبه علي
مشتاقه تشوف بسط جديد لك
عنييا يافرنستي
يارب تكوني بخير وترجعي بسرررعه

فاتيما يقول...

خالتشى
وحشتينا قوى قوى
عاملة أيه دلوقتى ؟؟
يا رب تكونى من حسن الى أحسن
وحشتينا إحياة النبى بجد
منتظرة أدخل عندك الاقى بوست بيقول أنا رجعت يا عيال أهو ....
أسيبك عشان ترتاحى و تعودى باسرع وقت عشان مفتقدينك قوى
تحياتى يا غالية

wa7ed 2ensan wnsan يقول...

فرنسا هانم

لا اعلم ان كنت تقرأين تعليقاتنا ام لا ولكن حقا نفتقدك ونفتقد خفة ظلك وخفة ظل موضوعاتك نرجوكي فقط ان تفعلي اي شيء ولو تعليق واحد نتطئن به عليكي قولي انا كويسه وخلاص بس نطمئن عليكي عشان القلق دا دلوقتي غيبتك طالت الف سلامه لكي افتقد مناقاشاتك المهمه ايضا الاجازه طولت ربنا يعديها بسرعه وعلى خيسر ان شاء الله
وننتظر منك عوده تهز ارجاء المدونات

wa7ed 2ensan wnsan يقول...

واذا كنت لا تريدي العوده الا بعد كسر حاجز المئتي تعليق كعادة موضوعاتك السابقه قولي واحنا نكسر لك حاجز الالفين تعليق مش المئتين تعليق

حنين القلب يقول...

السلام عليكم
وبعدين يا فرنسا كل دى اجازة مرضى مش شايفه انها طولت اووووووى ممكن تقطعيها نطمن عليكى وتكمليها تانى
بجد والله قلقانه عليكى جدا
ربنا يطمنى عليكى يا حبيبتى ويرجعك لينا بالسلامه
سلام يا فرنستى

Jana يقول...

وحشتينى اوى اوى

يا رب ايام الاجازة تنقضى سريعا ..وترجعى منها فى افضل حال

بحبك يا شيخة اوى ...ايه ده !!!!؟

حـــــدوتـــــة يقول...

السلام عليكم
الف مليون سلامة عليكى يا ست الكل
انا اسف بقالى كتير مزورتكيش
انا كنت ناوى اجيب كيس جوافة واجيلك
بس والله الفترة اللى فاتت كنت مشغول اوى
وكنت مقصر مع الكل
بس انا كنت متابعك علطول والله
عموما قومى انتى بالسلامة وارجعيلنا بموضوع جامد

سلالالالالالالالالالالالالالالالالالالالالالام

أبو خالد يقول...

أبنتى الحبيبة الغالية /فرنسا
أقسمت عليك بالله تكتبى كلمتين
"أنا بخير"
طمنينا كلنا
أفتقدك جدا

قوس قزح يقول...

حبيبتى فرنسا
معلش كنت مقصرة اليومين اللى فاتوا و مكنتش بسالك عليكى بس مكنتش فى البيت

و اول مارجعت جيت جرى اطمن عليكى

ليه يا فرنسا الاجازة طالت كده ؟
انتى تعبانة ولا ايه ؟
يارب تقدرى تطمنينا عليكى

الفاتح الجعفري يقول...

لابأس طهور يا استاذتنا الغالية
الحمد لله اولا واخرا وله الحمد في الاولي والاخرة
قال رسول الله صلي الله عليه وسلم
"سبق المفردون قالوا وما المفردون يا رسول الله قال الذاكرين الله كثيرا والذاكرات"
والا بذكر الله تطمئن القلوب
بس بطمن علي حضرتك ولاتنسينا من صالح دعائك
جزاكم الله كل خير

دعاء مواجهات يقول...

مازلت أنتظرك

مازلت أدعى الله ان يشفيكى

مازلت احبك فى الله

تحيااتى

رئـــــيسـة حزب الأحلام يقول...

هترجعى امتى
وحشتينا

سكــر يقول...

ازيك يافرنسا

يارب تكونى بخير

عاوز اسافر وارجع

الاقيكى رجعتى

فرنسا

لو بتقرى كلامى ومحتاجه اى حاجه من برا

برا مصر

علاج اجهزه طبيه اى حاجه

قولى

انتى عارفا احنا اخوات طبعا

دا تليفونى

0106011712

انا مشغله تجوال

ربنا يقومك بالسلامه يارب

إيمان العزب يقول...

حبيبتى فرنسا
ياترى ايه اخبارك
يارب تكونى بتتحسنى
يارب خفف آلام فرنسا حبيبتنا
يارب تصرف عنها
ياريت تخلى أى حد من بنات إخواتك يكتب أى حاجة نطمئن منها عليك

shayma يقول...

فرنسا وحشتييييييييييييينى
سهرانه وعماله الف عالمدونات
وحسيت انك وحشااااااااانى اوى
انا جايه اقولك سلامتك ووحشتينى
بس

سلامى
:))

wa7ed 2ensan wnsan يقول...

فرنسا هانم

في انتظار عودتك على احر من الجمر

حقا نفتقدك والله العظيم مفتقدينك ارجعي بس او قولي اي حاجه نتطمن وبعدين كملي الاجازه

يا رب تكون غيبتك دي بخير وترجعيلنا على خير ان شاء الله

لماضة يقول...

اتاخرتي كده
هتدفعي غرامة
انا مستنياكي والراجل اللى مأجره منه العجله عمال يزن على وداني
كفايه اجازه كده
عاوزين نروح نلحق المصيف

Nsreen Bsunee يقول...

وحشتينا يا خالتو مش كفايه كده بقي وترجعيلنا
:))

ahmd ebn om ahmd يقول...

إيه ده ياخالتى فرنسا أغيب شهرين عشان رجلى المتجبسة والإمتحانات لما أرجع لأ سلامتك ألف سلامة وأتمنى الشفاء العاجل لكى
-------------------------------
وأتمنى لما تعودى بالسلامة تشرفينى فى مدونتى

Salwa يقول...

إزيك يا لولو

أخبارك إيه ؟

يا ربت تكوني أحسن

أنا عندي فكرة بس يارب تكوني بتقرأي التعليقات وتشوفيها

إيه رايك لو تشتري أي خط موبايل
وتكتبيه لنا هنا في مدونتك

علشان اللي يحب يطمن عليكي مش إحنا عيله برضه ؟؟؟؟

ويا ستي لو حد ضايقك إبقى قطعي الخط
وارميه

والوقت اللي تكونى نايمه فيه إبقى إقفليه
إحنا برضه مش عايزين نتعبك

إيه رأيك بقى

طمنينا عليكي يا فرنسا
وما تغيبيش كده


ربنا يحفظك يارب ويخفف عنك

رئيس جمهوريه نفسى يقول...

فى انتظار عودتك على احر من الجمر وفى انتظار تدويناتك الرائعه خالتو وحشتينى قوى يارب تكونى بقيتى بخير

محمد فوزي يقول...

الظاهر احنا غلطانين اننا وافقنالك ع الأجازه دي على طول كده !!

كان لازم نسألك الأول هي كام يوم
وهتعملي فيها ايه بالضبط
وهترجعي يوم كام
وايه الغرامات اللي هتدفعيها لو إتأخرتي
وفوق كل ده تمضي إقرار على نفسك
إنك هتكتبيلنا تعليق كل يوم يطمنا عنك
لكن يبدو إن غلاوتك عندنا خلتنا نتساهل معاكي !!
وانا من هنا بقول

ده تسيببببب !!

أم أحمد المصرية يقول...

حبيبتي فرنسا
ايه يا بنتي الموضوع طول قوي مش ترجعي بقي انا بفكر نعمل جمعية و نجيب لك
لاب توب بس خايفة عبده الرايق يطمع فيه
ترجعي لنا بالسلامة يا حبيبتي

حنين القلب يقول...

حبيبتى فرنسا
عامله ايه وايه اخبارك
طمنينى يا ستى ربنا يطمن بالك
دى مش اجازة مرضيه
طيب بصى اجازتك اخرها يوم الاربعاء بعد كده هعملك غياب وهتوصل لرفد ماااااااشى
ترجعى بالف سلامه
وحشتينى بجد والله العظيم

واحد من البلد دى يقول...

السلام عليكم
إيه يا أختنا
إنتى فرحانة بالتعليقات و الا إيه
يا ستى و الله العظيم و الله العظيم
نحبك فى الله
و نتمنى شفاؤك العاجل كما نتمنى وجودك بيننا فى أقرب فرصة
اللهم يا فالق الحبة و يا بارئ النسمة
هذه أختنا التى ندعوك من أجلها أن تشفيها شفاءا لا يغادر سقما و أن تنعم عليها بالعافية و تجعل ما تشعر به من مثقال ذرة من الألم غفرانا لها من ذنوبا ذكرتها أنت بعزتك و نسيتها هى بضعفها
اللهم لا حول ولا قوة إلا بك
أنت القوى المتين
نستعين بقوتك على ضعفها
و بعزتك على ذلها
وبرحمتك على حالها
نستودعك أمرها الذى أنت به أعلم
يا أرحم الراحمين و أكرم الأكرمين
ياربنا و ربها و رب العالمين

عبده الرايق يقول...

والله يا فرنسا اللى انتى متعرفهوش واللى الجميع ميعرفهوش وكنت مخليها فى سرى انى سويسى زى زيك
يعنى انا زيك من السويس
ومش عايز اعمل حركه قرعه من حركاتى واقدر اوصلك
على فكره انا لو صممت
هاعمل كتير بس انا محترم خصوصيياتك
ارجعى يا فرنسا
احسن تطق فى نافوخى
وتلسع معايا المواضيع واجيبك من عرينك
وقد فزر من بزر

عبده الرايق يقول...

الى كل محبى فرنسا
تسيبونى ادور عليها
ويبقى ده مش تعدى على الخصوصيات
ولا انتظر
انا مستنى رأيكم

shayma يقول...

معلش يا رايق
استنى شويه بس
عشان منجرحش خصوصيتها

هيا اكيد الى مانعها عننا الشديد القوى
ربنا يكون فى عونها ويقويها ويشفيها يارب

سلامى ليكو انتو الاتنين

بت خيخة وأى كلام يقول...

هتيجى امتى بقى
انت كدة طولتى غيابك اوى

مفتقدينك يا فرنستى الغالية

قوس قزح يقول...

لا يا رايق مينفعش ابدا بدام هى قالت انها فى اجازة و محتاجة راحة

اهم حاجة اننا اطمنا عليها و عرفنا انها بخير

و مفروض نسيبها براحتها
و يارب تقدر هى تسيب اى تعليق نطمن به عليها
مع اننا طماعين و عايزة منها بوست كامل
بس هنرضى يا فرنسا بتعليق صغير يقولنا مالك فيكى ايه


ربنا يرجعك بالسلامة

wa7ed 2ensan wnsan يقول...

ياااااااااااه

يا فرنسا هانم دانتي شكلك فعلا تعبانه اوي ودا اللي مانعك عن حتى وضع تعليق واحد ربنا يشفيكي ويعافي عنك يا رب


ارجوكي طمنينا عليكي ولو بتعليق


ربنا معاكي

أبو خالد يقول...

أبنتى الحبيبة الغالية /صاحبة مدونة
فرنسا هانم
سلامتك و و حشانى و مفتقدك
يارب ترجعى لنا بالسلامة
شوفتى كل أحبابك عايزين يطمنوا عليكى
و شوفتى الرايق طلع سويسى أصيل
و الدم يحن ..
أنا أحترم خصوصيتك
طمنينا عن أحوالك

Salwa يقول...

صباح الفل يا لولو

إشتريتي خط ولا لسه

تحبي نشتريه ونبعته مع الرايق لحد عندك :)

طمنينا عليكي يا فرنسا

ربنا يتم شفاكي ويخفف عنك
اللهم آمين

maiosha يقول...

لأ يا رايق سيبها براحتها

إستنى عليها شوية يمكن هى فعلا مش عارفة تطمنا عليها دلوقتى

وإنتى يا فرنسا أخبارك إيه؟؟

مش هتطمنينا عليكى بقى؟؟

إن شاء الله ترجعيلنا بالسلامة

shaimaa samir يقول...

انا تقريبا جيييت فى الاخر
قريت فى احدى المدونات انك عايزةتسيبى التدوين
فبصراحة صعقت
برغم عدم علاقتى القوية بك
ولكنى شعرت انك لست ممن يتركون هذا العالم بسهولة
وبالفعل وجدتسوءفهم
شفاك الله وعفاك واسال الله ان يكون هذا فى ميزان حسناتك


تحياتى
ودعواتك
الامتحانات مدروخانىىىى
ههههههههههه

غير معرف يقول...

ايدة دة بقة هو فية كدة
كل الطلبات والدعوات والامنيات دة
ولا حتة تعليق
حرام كدة يا شيخة والله حرام ننتظر بوست جديد
التدوين مالوش طعم من غيرك
ومش لقين حد يسد مع الرايق
اين انتى
تحياتى ودعائى لك بدوام الصحة والعافية

الطائر الحزين يقول...

سيبك من العالم دى

وريحى لحد ما تتعافى بإذن الله

وبعدين البلد ماشية يا ريس وكله بتوجيهات سعادتك

ترجعى بالسلامة ان شاء الله

حنين القلب يقول...

فرنسا
وحشتينى
وحشتينى مووووووت والله
ايه يا ستى مش كفايه كل دى اجازة
بالله عليكى طمنينى عليكى
ربنا يشفيكى
سلام

حنين القلب يقول...

لا يا رايق سيبها براحتها صدقنى العمليه مش سهله ابدا وهى اكيد تعبانه بلاش نتعدى على خصوصيتها بس انا بؤيد فكرة انها تشترى اى خط وتكتب رقمه لينا وده مش هيكون تعدى على خصوصيتها دلوقتى الارقام من غير صور بطلقه ولا عقد يعنى اى خط والسلام نطمن عليها واظن انه مستحيل حد ممنا يضايقها باى حاجه بس هنكلمها ونطمن ومش هنطول يا فرنسا والله اطمنى خلى اى حد من قريبك يشترى الخط واكتبى رقمه
ماشى يا فرنستى
استودعتك الله الذى لا تضيع وادائعه
سلام يا حبيبتى

رفقة عمر يقول...

اختنا الغاليه
نتمنى ان تكونى بخير
شفاكى الله وعفاكى اللهم امين
وحشتينى جدااااااااااا

wa7ed 2ensan wnsan يقول...

ايه يا فرنسا هانم التعليق ال198 ولسه ما رديتيش ولو حتى بتعليق

اريد ان اذكرك تعاطفك وحده مو كفايه شاركي ولو بتعليق يطمننا عليكي


بالله عليكي تعليق واحد

أبو خالد يقول...

أبنتى الغالية القاسية/فرنسا هانم
أرجوك أشترى خط طمنينا عليك ثم ألقيه
فى زبالة أم دابو سامحها الله
فلقد حرمتنا منك فترة طويلة
و لا أعتقد أن أحد من محبيك سيسبب لك أذى فالجميع يحبونك فى الله ..
أنا أكثر الناس احترام لخصوصيتك
و لكنى فى حاجة شديدة للأطمئنان عليك
ارجوك فرنسا
أدعو الله العلى القدير أن ينعم عليك بالشفاء التام شفاء لا يغادر سقما
وأن يجعل كل معاناتك و الآمك فى ميزان حسناتك آمين آمين آمين

أبو خالد يقول...

استأذن أخى و أبنى الغالى مستر رايق
فى استغلال التعليق رقم 200
فى نداء أخير لأغلى أخت و أبنة فرنسا
هانم رجاء عودى لنا
نحتاج و جودك معنا
دمتى أخت و خالة و أبنة للجميع

‏«الأقدم ‏‹أقدم   ‏1 – 200 من 206   ‏›أحدث ‏أحدث»