الثلاثاء، سبتمبر 22، 2009

محافظ السويس ..هبل فردى ام عبط جماعى ؟؟

اولا .. كل عام وانتم بخير بمناسبه عيد الفطر المبارك
ثانيا .. انا اعترف واقر انى بعيده تماما عنكم . ولكن ساعات كده حاجه تيجى تدعك الفانوس المصدى بتاعى فيخرج عفركوش ابن برطقوش ويجبرنى على كتابه تدوينه
**********
واللى دعك الفانوس المره دى .. هبل وعبط محافظ السويس .. السيد اللواء العسكرى الديكتا طور ..سيف الدين جلال

والراجل ده بصراحه مش محبوب نهائى من اهالى مدينه السويس .. الا انه ورثها من سنين طويله رغم دعاء الاغلبيه العظمى من الاهالى من اجل رحيله عن المدينه ..ولكن يبدو ان معظم الناس لا يدعون وهم طاهرون .. فالسيد الجنرال اللواء اركان حرب ديكتا طور عصره واوانه قاعد على تلها ومربع كمان
الحكايه ايه ؟
اقولكم
قرار سيادى من سيد قراره محافظ السويس بعدم اقامه سوق العيد بالمحافظه خوفا من انفلوانزا الخنازير
ههههههههههههههههه والف ههههههههههههههههه
شوفوا الهبل والعبط ...
اولا.... قد يكون السيد اللواء محق اذا كان المرض منتشر
وثانيا .. قد يكون السيد اللواء محق لو استطاع منع جميع مظاهر التجمع بالمحافظه
ولكن
وما ادراك ما لكن
بعد ايام قليله ستنطلق بطوله كأس العالم للشباب وستتشرف محافظه السويس بلعب 6 مباريات على ارضها
والسؤال هنا
تقدر يا سياده المحافظ ان تمنع اقامه البطوله والتجمع الجماهيرى المنتظر فى المدينه ؟؟؟؟
والمصيبه الكبرى يا ساده
ان السيد الهمام العسكرى سيف الدين جلال منع اقامه سوق العيد فاضطر الاهالى تحت الحاح اطفالهم وبكائهم ان يذهبوا الى حديقه مبارك التى كانت تذكره الدخول فيها ب 1 جنيه واصبحت ب 3 جنيه
والمشكله انها اصبحت ذات زحام شديد جدا فاق سوق العيد باضعاف
هههههههه
عملت ايه بقى يا محافظ عصرك واوانك عملت ايه يا شمشون الجبار؟؟؟؟؟؟
منعت ابو بلاش
وسيبت ابناء المحافظه لتحكم الحديقه الخاصه

ههههههههههههههه
والله والله والله سمعت دعاء الاطفال الصغار بودانى عليك يا محافظ السويس
الاطفال مش حاسيين بالعيد منك لله
طيب يا سياده المحافظ تقدر تنمع الزحام الشديد الموجود بالميكروباص ؟؟؟
تقدر تنمع الزحام الموجود فى افران العيش البلدى ؟؟؟
تقدر تمنع الزحام الموجود داخل الاسواق ؟؟؟؟
تقدر تمنع الزحام الموجود داخل المصالح الحكوميه ومكاتب صرف المعاشات والبنوك ؟؟؟؟
تقدر تمنع القهاوى والتجمعات الموجوده فيها ؟؟؟
تقدر تمنع الافراح فى النوادى والشوارع ؟؟؟؟
وعلى مستوى الجمهوريه
تقدروا تمنعوا الزحام فى مترو الانفاق ؟؟؟
تقدروا تمنعوا الزحام فى اتوبيسات النقل العام ووسائل النقل الاخرى ؟؟؟
تقدروا تمنعوا الدورى والكاس ؟؟؟
**************

السيد اللواء محافظ السويس

تحيه غير طيبه لشخصك الغير كريم
اذا دعتك قدرتك على ظلم الناس فتذكر قدره الله عليك
وانا كنت اول من سيكون معك بكل قلبى لو كنت منعت سوق العيد ومنعت كل مظاهر التجمع سالفه الذكر

اما ان تتشطر على الاطفال !!!!!!!!!!!!!!!!!!!!
فمعلشى بقى
مش هاقولك غير كلمه واحده
هيقعدلك فى عيالك واحفادك


ملحوظه هامه جداااااااااااا
*********
هذه التدوينه كتبت بدموع الاف الاطفال الذين ينتظرون العيد بفارغ الصبر من السنه للسنه فاخرس السيد اللواء البهجه فى صدورهم

هناك 44 تعليقًا:

فرنسا هانم يقول...

اولا شكرا لكم على ترك تعليقكم القيم
ثانيا
قد يكون القرار معمم على مستوى الجمهوريه
وهنا سيكون الامر عباره عن عبط جماعى
وانا فقط اردت ان اشير لهذا
مع خالص وارق تحياتى للجمع
وكل عام وانتم بخير

مهندس مصري يقول...

وحشتينا جداً يا فرنسا
الحمد لله إنك بخير
و كل سنة و انتي طيبة

رحــــيـل يقول...

كل سنه وانتى طيبة وبخير
اممم انا جيت السويس فى شهر سته حسيت ان البلد اصلا فاضيه ومش فيها ناس كتير

بس بصراحه استهبال هو فعلا بيشطر على الاطفال
يالا ربنا يصبركم عليه
المهم انك بخير
:))

صبرني يارب يقول...

فرنستي العزيزه الغاليه الى وحشاااااااني موت

ايه ده بقى نعمل فيكى ايه دلوقتي


بصي يا ستى موضوع سوق العيد ده حصل عندنا السنه الى فاتت

ومن غير خنازير ولا زفت

الى حصل ان ثاني يوم العيد لقيناهم بيفكوا حاجتهم وواقف على ايدهم بتوع المرافق والامن وموال كبير اوي كده

استغربنا فى ايه

وقالك اصلهم عاملين زحمه والشوارع مقفوله

طب وايه الجديد ما الشوارع كلها مقفوله عندنا

المهم ايه الحل

الحل انكم تروحوا الحديقه الي كانت فى مكان واتنقلت مكان تاني مش عارفين ليه

والى هى مقفوله وبفلوس
والى هى بقى الطاق ثلاثه

والى هى برضه زحمه مووووووووت

تفتكري دي صدفه ؟؟

ولا البهوات دول قابضين من الاخ الى واخد الجنينه مقاوله من الحكومه ؟؟

وطبعا لو كحيتى انتى جوه الحديقه تدفعي اثنين جنيه
اه عشان بتستهليكى هوا اكتر لما تكحي عاجبك ولا مش عاجبك ؟؟

وده متنفس الغلابه الى ما يعرفوش يروح نوادي البهوات

وايه يعنى ما ينحرقوا الغلابه

اااااااه ياني ايه يا خالتي فى العيد يا خالتي

والنبى انا محروقة الدم خلقه يا خااااااالتي

وحشاني وحشاني وحشاني

سومه...مجنونه فى بلد عاقل يقول...

وحشتينا جدااا يا خالتى ووحشتنا كتاباتك مما لا شك فيه ان السيد لواء اركان حرب مولد النبى لو قرى كلامك حيمنع زحمه المدونات عشان انفلوانزا فرنسا متعديش الناس ههههههه ويبداوا يفكروا ويفهموا
اما عن الدعاء فلو عدينا كم واحد اندعى عليه ولسه عايش حنلاقى من اول رئيس رئيس لواء اركان حرب مراجيح مولد النبى ولحد موظفه شئون الطلبه عندنا فى الكليه :)
ونصيحه منى لابد من مطالبه الحكومه بتوزيع شرائط مخدره عشان الناس تنام فى بيوتها ومتشوفشى مصايبهم اكتر من كدا
عاوزه اقولك والدت اول مره تقرا لاى مدون قريت موضوعك ومسخسخه جنبى من الضحك
وبتقولك هم يضحك وهم يبكى
ويامكتر همومنا اللى بتضحك
الكلمه الجايه دى منى انا سومه وبخلى مسؤليه امى عنها ههههه
ربنا ان شاء الله حياخدهم بغبائهم لا تقلقى
كل سنه وحضرتك طيبه

سومه...مجنونه فى بلد عاقل يقول...

حبيت اجاوبك على سؤالك بس قبل ما امشى العبط جماعى يا خالتى

أحمـــــــــــــد أبو العلا يقول...

حمدلله على السلامه
العبط ده طبيعي
تخبط في القرار وعدم معرفة وقرارات عشوائيه
ماهو مفيش صاحب للمحل, المحل يضرب يقلب والكل يرن

كل سنه وانتي طيبه

فرنسا هانم يقول...

مهندس مصري
وانتى طيب يا باشمهندس محمد
وكل اسرتك بخير
وانتى وحشتنى جدا جدا جدا
وانا جايه اشرب الشاى حالا عندك

فرنسا هانم يقول...

رحــــيـل
حبيبتى الغاليه رحيل انا مش عرفت ادخل مدونتك
ادانى الوضع غير متاح
لو كنتى غيرتى اللينك ياريت تقوليلى
وهو فعلا السويس بلد هاديه ولكن نعنمل ايه لقى لحكم قرقوش

فرنسا هانم يقول...

صبرني يارب
حبيبتى الغاااااااااااااااااليه
صبرنى يارب
ياقمر 14 انا مش فاهمه دى حرب ضد الناس ولا من المفترض ان الحكومه والاجهزه التنفيذيه فيها بتبقى مع الناس
اظن ان الوضع مقلوب
وبصراحه كده فى حاجات كتيييييييير غلط
كل سنه وانتى بخير يا قمر
وانا منتظره افتتاح الضاحكون علشان نتقابل هناك

فرنسا هانم يقول...

سومه...مجنونه فى بلد عاقل
قبل ما ارد عليكى يا اجمل سومه
بحب اسلم على والدتك واهديها سلام كبير منى واقولها ده شرف كبير جدا يا فندم ان حضرتك تثنى على تدوينتى وان شاء الله اكون عند حسن ظن حضرتك
وكل سنه وحضرتك بخير

فرنسا هانم يقول...

سومه...مجنونه فى بلد عاقل
اما انتى بقى يا سومه
ففعلا العبط جماعى
وللاسف الشديد ان اللى تحت المقصله
ولكن مش هنكون كده للابد
تحياتى وقبلاتى لجارتنا الغاليه سووومه

فرنسا هانم يقول...

أحمـــــــــــــد أبو العلا
انت كده جبت من الاخر
والمثل بيقول ان غاب القط العب يا فار
لكن برضه التخبط ده والهوس التعسفى الديكتاتورى كان موجود برضه ايام وجود صاخب المخل
وصاخب المخل كان بيحط واخد ايده على واخد خده وبيسبنا لقدرنا

امام الجيل يقول...

يا اهلا

نورتى التدوين من جديد

ده فص من فصول غياب الحكومة عن الشعب والناس واحتياجاتهم وهمومهم

هما فى وادى واحنا فى وادى تانى

مجرد قرارت بدون اى فكر او تقدير للظروف او نظرة للمستقبل والتاثير اللى هيحدث منها

ربنا يهدى

عاشقة الفردوس يقول...

فرنستي الجمييييييييييلة

فييييييييييينك وربنا وحشتيييينيييييييييي جداااااااااااااااااااا


كل عيد وانتي بخييييييييير

ومعلش دعواتك للناس تخف م الهبل الجماعي ده


متغيبيشس تاني كدددددددددده

ادخلي قولي اي حاجة تطمنينا عليكي بيها

سومه...مجنونه فى بلد عاقل يقول...

ازيك يا خالتو الله يخليكى وحبلغها ان شاء الله
بيعجبنى فيكى تفاؤلك :)
مش هنكون كدا للابد
اوافقك الراى يعنى ان شاء الله فى غضون خمشين ميتين سنه كدا حنتغير ان شاء الله

واحدة مفروسة يقول...

فرنساهليتى علينا بعد غياب زي هلال العيد
كل سنة و انتى طيبة و عيد سعيد
بصي يا ستى
من ناحية انه هبل جماعي فهو كذلك
بس ليه بقا ظاهرةالهبل الجماعي اللى يفرس ده ؟
ببساطة لأنهم مش عارفين يسيطروا ولا الناس متعاونةاصلا
فى الأعياد الناس بتخرج فى الشوارع و ترمي زبالتها و غيره من السلوكيات اللى الناس مش راضية تتخلى عنها
فأبسط حل يمنعواالتجمعات فى الاماكن اللى يقدروا عليها وخصوصااللى فيها تجمعات للأطفال..زيها زي.المدارس
وربك يستر و مش يبقى وباء
سلامي و تحياتي ليكي يافرنستي

غير معرف يقول...

خالتشى فرنسا
واحشتينيييييييييييييى موووووووووووت
عايزه ابوسك بجد والله
لكن زعلانه منك
عارفه ليه
علشان انتى بتعودينا عليكى وتمشى وتسيبينا
انا عايزاكى معانا دايما
لو كنتشى فعلا بتحبينا

غير معرف يقول...

خلى بالك ازعل اوى اوى قد البحر لو مش عرفتى انا مين

همس الاحباب يقول...

كل سنة وحضرتك طيبة
وعيد سعيد عليكى باذن الله
واحنا جميعا الحمد لله بخير
معلش ما المحافظ بقى الحاكم بامره فى محافظته
سيبك انتى المهم انك وحشانا مووووووووت
حمدلله على السلامة ونورتى يا ست الكل
تحياتى

فرنسا هانم يقول...

امام الجيل
هى فعلا قرارات عشوائيه بس الهبل فيها زياده شويه
عارف يا امام لو فعلا فى خطر من التجمعات يبقى لازم نلغى كل مظاهر التجمع
ونحاول نبحث عن البديل
يعنى لغى سوق العيد المتنفس الوحيد للاطفال فى السويس
البديل انه كان يقوم بعمل اسواق صغيره فى كل الاحياء وبذلك يختفى الزحام ويشعر الاطفال بفرحه العيد
اما عندنا فى مصرنا الحبيبه فلا بديل

فرنسا هانم يقول...

عاشقة الفردوس
حبييييييييييييييتى ونور عيونى عاشقه الفردوس
رزقك الله بهجه الفردوس
انا مش بغيب بخاطرى بجد انا بغيب عصب عنى
لكن اوعدك انى لو غبت تانى هاكتب لكم
المهم انا مبسوطه جدا ان مكانتى فى قلوبكم لسه زى ماهى
الحمد لله
الحمد لله

فرنسا هانم يقول...

سومه...مجنونه فى بلد عاقل
شكرا على توصيل سلامى
اما من جهه التغيير
فتأكدى ان دوام الحال من المحال
الف تحيه وقبله ليكى

فرنسا هانم يقول...

واحدة مفروسة
اهلالالالالالالالالالالالالالالالالالالالالالالالا
مفروستى الغاليه
انا معاكى ان الاطفال والناس الغير واعيه بترمى زباله وتوسخ مكانها
لكن
بصى انتى بتشترى لطفلك الصغير حلوى وشيكولاته وعارفك انه ممكن يوسخ هدومه وممكن يوسخ السجاد لكن برضه بتشتريها ..ليه ؟؟ .. لانه طفل صغير ودى الحاجه اللى بيحبها
انا مش مع السلبيات الموجوده فى قذاره الارض ورمى الزباله
ولكن
ليس معنى وجود الطفل فى مكان ما ورمى الزباله فيها ان نقوم بغلق المكان
وبعدين يا مفروستى
هما لو كانوا منعوا كل التجمعات كنا سكتنا
وقلنا الناس دول خايفين على صحتنا
ولكن
اسلوب خيار وفاقوس ده مش طبيعى ومش كويس خصوصا مع الاطفال
احنا ممكن ككبار نستحمل الاسلوب ده ونستحمل حاجات كتير لكن الاطفال لا
تحياتى ليكى يا قمر

فرنسا هانم يقول...

غير معرف
من غير زعل
انا مش اقدر على زعل اصحابى وحبايبى
لكن
الزهايمر بقى غطى على تفكيرى
وبعدين خالتك فرنسا دلوقتى على مشارف العقد الخامس من عمرها
يعنى وضاع العمر يا ولدى

فرنسا هانم يقول...

همس الاحباب
ابو همس يا عسل
ازيك انت وكل الضاحكين
وارجوا يكون سلامى وصل لابو خالد
انا فى انتظار ردك

مهندس مصري يقول...

فرنسا هانم
==========
يا ستي آدي الشاي
http://www.5star.co.il/UploadedFile/kobaetshay.jpg
و لو إن مجيتك المفروض نجيبوا فيها شربات يا خالتي
كل سنة و انتي طيبة
و أنا كنت جايب سيرتك في تدوينة من شهر و شوية
http://egyptioneng.blogspot.com/2009/08/blog-post_13.html
إبقي بصي هناك
نورتينا يا خالة المدونين كلهم

عاشقة الفردوس يقول...

طبعا مكانتك زي ماهي وزيادة والله

بنحبك جدا والله وانا بجد لسه من كام يوم كنت بفكر في تدوينة السويس فاكراها ؟؟ والبطولات اللي كانت هناك وكل اللي حكتيه عليها حتى انا بعمل تصميم لايكونة كده علشان احط فيها تدوينتك دي في المدونة بس محتاسة مش عارفة فين الاقي كود الصورة على لينك : )

لو تعرفي الكود ابعتهولي الله يكرمك ياخالتووو


أحبكِ في الله

اقصوصه يقول...

كل عام وانتم بخير

الفقيرة إلى الله أم البنات يقول...

كل سنه وانت طيبه يا حبى الاول والاخير
ياقاسيه كده تنسى اختك الكبيرة اللى عجزت...ونفسها تسمع صوتك او تشوف كلمه منك

وشتينى يا فرنسا يا جميله

فرنسا هانم يقول...

مهندس مصري
انا بجد فرحانه انى رجعت معاكم وبتكلم معاكم وبتردى على كلامى
بجد حاجه كنت مفتقداها جدا
ومش بخوطرى
المهم
انا رحت قريت ردك عليا يا باشمهندس محمد من اول يوم ودخلت اللينك وقريت الموضوع وانت كنت بتسأل عن غيابى المفاجىء انا وجنه
وسعدت جدا جدا ولكن ده كان منتظر منك
لانك مصرى بجد وجدع بجد وراجل بجد وابن اختى بجد وجدانى
خالتك فرنسا

فرنسا هانم يقول...

عاشقة الفردوس
حبيبتى الغاليه عاشقه الفردوس
لو قصدك على لينك صوره فرنسا
اللينك هو
http://images.google.com.eg/imgres?imgurl=http://news.bdr130.net/newspics/589348.jpg&imgrefurl=http://news.bdr130.net/news5996.html&usg=__n-fSxdk3VO2mJziE2EGJVFC-mNk=&h=225&w=300&sz=13&hl=ar&start=24&tbnid=Eu24E4DbQ7xomM:&tbnh=87&tbnw=116&prev=/images%3Fq%3D%25D8%25B9%25D8%25A8%25D9%2584%25D8%25A9%2B%25D9%2583%25D8%25A7%25D9%2585%25D9%2584%26gbv%3D2%26ndsp%3D20%26hl%3Dar%26sa%3DN%26start%3D20
ههههههههههه
انا بصراحه لما عملت كوبى للينك ولقيته طويل كده اتخضيت وافتكرت انى عملت كوبى لقصه حياه عبله كامل
لكن بعد ما حطيت اللينك فى البار ودخلت لقيته مظبوط
لكن لو تقصدى لينك اخر قوليلى وانا ابعتلك اللينك
تحياتى وقبلاتى لكى
خالتك فرنسا

فرنسا هانم يقول...

اقصوصه
اهلا بيكى يا اقصوصه يا بخيله
اول زياره لخالتك فرنسا وكاتبه كلمتين وبس
عموما
انا سعدت جدا بزيارتك رغم ان انتى لم تقرأى التدوينه
تحياتى لكى واهلا بيكى مره تانيه

فرنسا هانم يقول...

الفقيرة إلى الله أم البنات
الله الله الله
احلى واجمل اخت فى الدنيا
تصدقى والله اول ما قريت اسمك حسيت بدقه قلبى
انا والله بحبك جدا جدا جدا جدا
وانا غبت لظروف قاسيه جدا
وكنت متواجده على فترات متقطعه فى مدونه الضاحكون
لان تواجدى المستمر فى مدونتى كان صعب جدا عليا
على العموم
انا بقدم اعتذارى واسفى لاختى الكبيره والجميله اللى عمرها ما هتعجز ابدا ابدا ام البنات
واقولك انا معاكى دايما
تحياتى وقبلاتى لاختى العزيزه

Ahmed Mubarak يقول...

كل سنه وانتي طيبه يا فرنسا

غير معرف يقول...

أخيرا
رجعتى
الحمد لله
كل سنة وانتى طيبة يا فرنسا

عندى سؤال
يعنى ايه سوق العيد؟؟
هل دة اسم حديقة عامة الدخول لها مجانا ؟؟
ام هو فعلا سوق ؟؟
واذا كان سوق لماذا بكاء الاطفال؟؟

فرنسا هانم يقول...

Ahmed Mubarak
وانت طيب يابو حميد وعيد مبارك عليك

فرنسا هانم يقول...

غير معروف
انا هاعتبرها نكته
وهاعتبرك بتهزر
ومش هاعتبرها تريقه
سوق العيد مش حديقه عامه مجانيه
سوق العيد بيبيعوا فيه العيد عايز نص كيلوا عيد تلاقى عايز كيلو الا ربع تلاقى عايز اتنين كيلو ونص تلاقى
وباتنين ونص وتعالى بص

غير معرف يقول...

فرنسا هانم
اقسم بالله العظيم انى ماكنتش بهرج وانا بسأل على سوق العيد انا فعلا نفسى أعرف
وانا مكسوفة انى بسألى وكنت خايفة لتفتكرينى بهزر
بس والله انا فعلا بسأل لانى مش عارفة واول مرة اسمع عن سوق العيد
وعلى فكرة انا مدونة زميلة لك فى التدوين وللأسف مشهورة بين المدونين
عشان كدة ما حبيتش ادخل بإسم مدونتى عشان من مش عايزة حد يتريق عليا
ارجوكى جاوبينى بجد لانى عايزة أفهم
شكرا واسفة على سوء الفهم اللى انا السبب فيه
سلام عليكم

غير معرف يقول...

انا زعلان لوصفك المحافظ بالطور





لان الطور ح يزعل

غير معرف يقول...

مشاهدة مسلسل باب الحارة الجزء 5 الحلقة 17
مسلسل باب الحارة الجزء 5 الحلقة 17

غير معرف يقول...

تحميل اغنية منار محمود سعد اوعى تسب الدين
اغنية منار محمود سعد اوعى تسب الدين
منار محمود سعد اوعى تسب الدين
تحميل اغنية اوعى تسب الدين منار محمود سعد
تحميل اغنية اوعى تسب الدين

غير معرف يقول...

watch sex movie full
watch sex movie
watch sex

غير معرف يقول...

كلمات سر جراند 5
كلمات سر جراند