الجمعة، فبراير 18، 2011

عوده سيدنا مبارك عليه السلام


تحديث
********
الرجاء اضغط هنا واقراء هذا المقال جيدا
*****************************
شكرا جزيلا لكل من سال عنى وارسل لى اميلات *
وعلشان انا نافوخى ساعات كده بيلق وبيفك ومبيعجبنيش ابدا الحال المايل احب اقول للقوات المسلحه ولسياده المشير طنطاوى *
قبل ان ندرك انها مؤامره * وقبل ان يأخذنا الفكر بعيدا عن الصواب * وقبل ان نظن اننا اغبياء * و قبل ان نتدفأ بالهواء فى ليل امشير * وقبل ان نظن انها صفقه لحمايه مبارك وعائلته * وقبل ان نصدق الوكالات العالميه ان هناك تعذيب فى مصر بعد مبارك * وقبل ان نصدق ان مبارك مازال يحكم مصر
وخلى كلامنا بلدى علشان البلدى يؤكل
سياده المشير هو لمؤخذه يعنى* سيدنا مبارك عليه السلام نبى من الانبياء واحنا منعرفشى
ولا سيدنا فتحى سرور وسيدنا صفوت الشريف وسيدنا زكريا عزمى وسيدنا سيف الدين جلال محافظ السويس وسيدنا جمال وعلاء مبارك اولياء الله لاخوف عليهم ولا هم يحزنون
ايه معنى ان سيدنا مبارك والساده الاولياء (((الشرفاء!!!!))) مفيش حد جاب سيرتهم ابدا فى المحاكمات ولا تجميد الارصده ولا غيره
ولا دول ناس شرفاء بجد
ولا الثوره دى وهبه الشعب ده وارواح الشهداء دول وجموع المصابين دول كلهم افتروا على سيدنا مبارك والاولياء الصالحين ودى ثوره كنتاكى صح ومائه يورو
سياده المشير ممكن حضرتك تظن ولو ثوانى ان صغار القاده فى الجيش وحتى كبار القاده والمجندين كانوا هيوافقوا على ضرب النار على الشعب حتى لو نزلهم ملك من السماء وقال لهم اضربوا
عليا النعمه انا عارفه ان لسانى فالت وهلخبط فى الكلام
 سياده المشير مفيش رسل
خلاص سيدنا محمد صلى الله عليه وسلم خاتم الانبياء والمرسلين
كلنا بعد كده سواسيه كاسنان المشط
انا فهمى على قدى يا ناس بسمع الاخبار الاقى ان الاتحاد الاوربى وافق على التحفظ على ودائع بعض المسئوليين السابقين بناء على طلب الخارجيه المصريه ليس من بينهم مبارك وعائلته
اشمعنى بقى مبارك وعائلته
ياترى خايفيين نقدمه للمحاكمه لنعمل زى الامم التى قتلت انبيائها
ولا سيدنا مبارك وال بيته الكرام خلقوا من ورد وريحان ونحن خلقنا من طين
ولا هيه بقى صفقه تمت ( لو كانت صفقه نفهمها بقى ونريح دماغنا علشان منعيشى زى عبله الهابله )
سياده المشير معلشى بقى ولو ان فى حكم عسكرى اليومين دول لكن ان هقول وامرى على الله سؤال بينهش فى قلبى زى وحش
مين بيحكم مصر دلوقتى ؟؟؟؟؟؟؟؟؟؟؟؟؟؟
مع اسفى للسؤال ومن غير جبن منى ولكن احترام للقوات المسلحه بس انا شايفه ان السياسه هى هى
اه والله انا شايفاها كده
وحياه جارتى العزيزه ام دبوه انا شايفاها كده
الشفافيه بسم الله الله اكبر زى ما هى متغيرتشى
التعذيب يجمال نانوس امه زى ما هو برضه
الحكومه هى هى برضه
ميدان التحرير هو هو برضه
اخوانى الاعزاء من قراء مسبقا لفرنسا هانم يعرف جيدا اننى لا اسير بمنطق (البقره لما تقع سكاكينها بتكتر ) فكل مدونتى تشهد منذ اربع سنوات وانا انتقد النظام ولا يعجبنى الحال المايل
اخيرا بقى علشان وقت البرنامج
السيد المشير محمد حسين طنطاوى القائد الاعلى للقوات المسلحه شكرا لك ولكل قاده القوات المسلحه ولكل فرد فى القوات المسلحه للمنظر الحضارى التى بدت عليه القوات المسلحه منذ يوم جمعه الغضب الى الان
ولكن ارجو ان اعرف جواب تسألاتى حتى اظل على حسن موقفى وعلى حسن ظنى فى قواتنا المسلحه وعلى رأسها الرجل الشريف محمد حسين طنطاوى وحتى ندرك اننا فعلا تغطينا بالدفاء فى ظل الامان والامن
ملحووووووظه مهمه جدااااااااااا
اذا كان البعض يتباكى ليل ونهار على ان مبارك بطل حرب اكتوبر وبطل الحرب والسلام كما يقال فاحب ان اقول لهم باعلى صوتى لم يحارب حسنى مبارك وحده اذا كانت الحرب تنسب للقاده فالرئيس محمد انور السادات هو بطل الحرب واذا كانت الحرب تنسب للشهداء فشهدا مصر هم الابطال واذا كانت الحرب تنسب للجيش فحسنى مبارك ليس الا فرد من الاف شاركوا فى الحرب واذا كانت الحرب تنسب لمصر فحسنى مبارك اخرسها طوال ثلاثين عاما واحتل مكانها
******************
معلشى سياده المشير سؤال تانى والله بعد ما خلصت البوست والسؤال خارج سياق الموضوع تماما السؤال هو:- هى الدبابات الكحيانه المهكعه الموجوده فى السويس عندنا دى هى سلاح الجيش بتاعنا وهو ده الجيش التالت ؟؟؟؟؟؟؟؟؟؟؟؟؟؟؟؟؟؟

هناك 37 تعليقًا:

Unknown يقول...

السلام عليكم ورحمة الله وبركاته
أنت عبرتى عما بداخلنا جميعاً وعن مخاوفنا
وخاصة عن هذه الحالة الضبابية ونتمنى أن نجد خطوات تزيل كل هذه المخاوف والتساؤلات

خايف من الحقيقة يقول...

مرحبا بعودتك والعود أحمد

وندعو الله ان تعود لنا مصرنا الحبيبة

غير معرف يقول...

اختنا المحترمه جدا فرنسا هانم
وحشتينا
وحشنا لسانك اللاذع
احب اقولك بس ان الحاله دلوقتى ضبابيه للغايه
وبجد محدش فاهم حاجه
مبروووووووووووك الثوره
وتحيه للسويس

الطائر الحزين يقول...

لا اظن ان هناك احد من الغباء ان يستهين بفهم الناس بعد اليوم


و حظهم اسود لو فكروا فى ذلك حتى لو كان المشير

حمدا على السلامة

عين فى الجنة يقول...

دهاحلى ككلام فعلا
ينصر دينك يا فرنسا

الطائر الحزين يقول...

بخصوص الدبابات دى ماركة m60
يعنى من سنة 60

لما كنت فى الجيش كانت برضة هى m60

مش عارف بقى الجيش التالت وصل للواحد وستين ولا لسه

غير معرف يقول...

طيب شوف دا علشان تاكد على كلامك

اقسمت عليك /ى بالذى رفع السموات الطباق ان لا تتجاهل رسالتى دا فى عنقك حتى يوم المحشر ابعته لغيرك وبسرعة لكن امنتك بالله لاذم تشوفه


http://www.youtube.com/watch?v=r3QqyuaJZ7Y


تانى لينك

http://213.251.145.96/cable/2008/12/08CAIRO2572.html

تالت لينك

http://www.telegraph.co.uk/news/worldnews/africaandindianocean/egypt/8289698/Egypt-protests-secret-US-document-discloses-support-for-protesters.html


رابع لينك


http://www.telegraph.co.uk/news/worldnews/africaandindianocean/egypt/8289686/Egypt-protests-Americas-secret-backing-for-rebel-leaders-behind-uprising.html



5-very impor...خامسة الرجل دا قاعد فى وشنطون امريكا؟؟!!! .


http://www.youtube.com/watch?v=PANW_J18z4Y&feature=related

6 ودا قبل يوم من النزول للشارع

http://www.youtube.com/watch?v=tX-6aN4uHoI&feature=related


وفية اكتر واكتر لكن اللى عاوز يشوف يدور ارجوا الاهتمام والقاء لو نظرة بسيطة

غير معرف يقول...

الغاليه لقلوبنا فرنسا هانم
انا لسه مقريتش البوست هاقراء وارجع بس قلت اسلم عليكى

غير معرف يقول...

ههههههههههههههه
الضحكه دى على سؤال الدبابات
ماهو علشان كده احنا كناخايفين حتى من خيالنا

غير معرف يقول...

بخصوص البوست
اسمحيلى اقول لحضرتك ان فحوى البوست ده بجد منتشره بشكل كبير فى وسائل الاعلام كلها
ولو صحت تبقى كارثه
والكارثه ليس فى فلوس مبارك وعائلته فقط ولكن الكارثه ان الكثيرين جدا بل ان كل الحراميه سيحتمون بالصفقه وذلك بمبدا انا ومن خلفى الطوفان
فوقوع اى كلب فى الموضوع سيتلوه وقوع باقى الكلاب وهذا مالايرضاه مبارك واولاده

هديل يقول...

لسة مبارح و الله كنت انا و زميلي بنتناقش في نفس الحكايات اللي قلتيها .. احنا خايفين يكون اتضحك علينا و عليكم !

غير معرف يقول...

السلام عليكم

اخيرا فرنسا منوره كالعاده ياولاد
ولا انتى كنتى حالفه انك تكتبى للنصر

بجدوحشانى
انا كمان رجعت اكتب

بعد الثورة

فعلا قلتى الى كنت هقوله
مش بقلك
القلوب عند بعضها
حمد الله على السلامه
ابقى زورينى

ابو احمد يقول...

انا من السويس واول مره ازور مندونتك
بوجهه شكرى لحضرتك واضم صوتى لصوتك فى الاسئله كلها
معاكى قلبا وقالبا يا هانم

غير معرف يقول...

http://www.youtube.com/watch?v=qFGzGrmWLq8
شوفوا الثوره عملت ايه

ابو احمد يقول...

المساجين يهربون فى حراسه الشرطه
فضيييييييييييييييييييييييحه
http://www.youtube.com/watch?v=XeFaqde0_D0&feature=related

عبده الرايق يقول...

فرنسا هانم عندنا يا مرحبا يا مرحبا
لقد هلت العقربه
هههههههههه
اوعى تزعلى دى بس فرحتى بوجودك
هههههههههه
شفتى اللى حصل للسويس يا فرنسا ؟

عبده الرايق يقول...

الضاحكون مستنياكى يا فرنسا

خمسة فضفضة يقول...

السلام عليكم ورحمة الله وبركاته

فرنستي فرنستي فرنستي

موووووواة مووووووووووواة مووووووووووواة

حمد الله علي السلامه يا قمر يعني لازم الشعب يعمل ثوره عشان ترجعي يا قمر وحشااااااااني وحشاني وحشااااااااااااااااااني

وتحيه خاصه ليك ولاهل السويس الجدعان اللي رافعين راس مصر كلها

ويارب يتم علينا نصره ونوصل بلبد لبر الامان قريب

فرنسا هانم يقول...

الاخوه الاعزاء
مع انى بكتب الردود متأخره وفعلا صدر قرار بتجميد اموال مبارك وعائلته لكن احنا عايزين محاااااااااااااااااااااااااااااكمه

فرنسا هانم يقول...

محمد الجرايحى
شكرا اخى محمد ولسه فى مخاوف طالما مبارك خار ج دائره القضاء

فرنسا هانم يقول...

خايف من الحقيقه
مرحبا بعدم الخوف من الان بالحقيقه
فالحقيقه الان هى الاقوى

فرنسا هانم يقول...

غير معروف
شكرا لك اخى وتحيه لشعب مصر كله

فرنسا هانم يقول...

الطائر الحزين
مرت ايام على كتابه البوست والتعليق ولربما سمعنا مقابله للساده اعضاء المجلس الاعلى للقوات المسلحه من الممكن ان يريحنا ولكن تبقى المحاكمه الشرعيه لمبارك من اهم مطالب الثوره

فرنسا هانم يقول...

راجى
شكرا لك اخى اللهم انصرنا وايدنا بنصرك يارب العالمين

فرنسا هانم يقول...

الطائر الحزين
ههههههههههههه
اللى انا شايفاه ان الجيش بيعد تنازلى مش تصاعدى

فرنسا هانم يقول...

غير معروف
ساذهب لرؤيه اللينكات ولكن اردت قبلها الرد على كلمتك بالشكر

فرنسا هانم يقول...

غير معروف
اذا كان ال3 تعليقات لواحد فقط فانا متشكره لك جدا والايام هتورينا الحقيقه
شكرا لك

فرنسا هانم يقول...

هديل
ربنا يستر

فرنسا هانم يقول...

ام الابناء
حبيبتى عودا احمدا لكى فى الكتابه ولمصر فى الحريه
وانا فى الطريق اليكى الان
الف الف مليار تحيه منى لكى وللابناء وللطائر الحزين

فرنسا هانم يقول...

ابو احمد
اهلا اهلا بكل السويس
ياريت رحت المظاهرات ولا لا
شفت متحف السويس (قسم الاربعين سابقا )؟

فرنسا هانم يقول...

غير معروف شكرا لك

فرنسا هانم يقول...

عبده الرايق
سى عبده
يا هلا يا هلا
هو انت موجود ؟
ياراجل ان كنت فاكره الثوره هتنضف كل البلد ؟
هههههههه
برضه بهزر يارايق
بصره

فرنسا هانم يقول...

خمسه فضفضه
دكتوارتنا الغاليه
امووووووواه امووووووووووواه امووووووووووواه امووووووواه
انا متشكره ليكى جدا جدا
والله متتصوريش كل شعب السويس فرحان باللى حصل قد ايه
تحيه لمصر كلها
والفاتحه لروح الشهداء

HotSolutions يقول...

nice
jana-ahmed.blogspot.com

نادي حواء يقول...

شكرا علي المجهود

Unknown يقول...


thx

شركه تنظيف

المثالي ماكس يقول...

شركة تنظيف بالجبيل

شركة تنظيف فلل بالجبيل