اعذرونى على التدوينه اللى كلها تخاريف فى تخاريف
تانى حاجه انا سمعت ان فى سفنتين جايين من بريطانيا يوم الثلاثاء وكل واحده جايبه كابل نت لعل وعسى
التدوينه دى تعويضا عما سببته لكم فى التدوينه السابقه
ندخل فى التخاريف
المعلم :- ايه ياد الناس اللى بيجروا فى الشارع دول هو فى ايه ؟
الصبى :- مش عارف يا معلم دا حتى القهوه فضيت خالص
المعلم :- طيب اسأل اى بنى ادم ماشى وشوف لنا الحكايه بدال مانت واقف كده زى خبيتها
الصبى - لو سمحت يا سيد .... يا استاذ .... يا مدام .... يا كابتن .... لو سمحت هو فى ايه بتجروا ليه كده ؟
عابر سبيل :- واحده ست مسكت رئاسه الجمهوريه وهتحلف اليمين دلوقتى حالا وتقول خطاب للشعب
المعلم :- ست ؟؟؟؟ ليه هى هوزلت اخره المتامه ست تحكومنا ده لايمكن يحصل ابدا انا لايمكن ست تحكمنى وتمشى كلامها عليا ابدا
الصبى :- احمممممممم
المعلم :- ايه ياد انا قلت ست مجبتش سيره ام العيال متودناش فى ابو نكله لحسن الحيطان ليها ودان ... اجرى انجر افتح المخروب ده نشوف الحكايه ايه
الصبى :- اهو يا معلم انا فتحت التليفزيون والمذيعه بتقدم الرئيسه الجديده ....اهى رايحه للمنصه اهى المذيعه بتقول اسمها فرنسا هانم
المعلم :- دى ست تحكمنا دى يابنى دى شبه الفلاح اللى عنده بلهارسيا ...اتصوا فى نظرهم وجابوها منين دى ؟؟؟؟ ... هى بتعمل ايه ؟؟
الصبى :- دى هتحلف اليمين يا معلم ... هاعليلك الصوت شويه علشان تسمع
فرنسا هانم :- اخواتى واخوانى شعبى الحبيب السلام عليكم
وحياه الاخوه والعيش المدعم والملح اللى هناكله سوا لاخليكم فل الفل وانعنشها معاكم واروقكم ميه ميه واتعهد لكم بالابقاء على قناه سبيستون بتاعه الاطفال وزياده انتاج الفلفل الرومى
وزير :- كح كح كح كح
فرنسا هانم :- مالك يابنى بتكح ليه ؟؟؟؟
وزير :- احنا اتفقنا يا فندم لو حضرتك غلطى اكح .... وحضرتك غلطى لان مش ده القسم بتاع الرئاسه
فرنسا هانم :- انت مين وبشتغل ايه وايه اللى موقفك جنبى ؟؟
وزير :- يا فندم انا وزير الاعلام بتاع جمهوريه سعادتك
فرنسا هانم :- بلغ نفسك خصم اسبوع .... ومكافأه الف جنيه ومتقاطعنيش تانى سيبنى اضرب الخطاب وانزل لحسن العجله لوحدها
شعبى الحبيب
انا جيت احكمكم من غير انتخابات ولا يحزنون ....هى كده جات مع العمى طباش
انتوا عارفين انى من سكان الاقاليم وجيت العاصمه اتروشن شويه واديها فسحه وخدت العجله بتاعتى وهاتك يالف على الكبارى
وانا نازله اتدلع من على كوبرى لقيت عربيات كتير مركونه تحت الكوبرى . مديت راسى واديتها بصه لقيت يجى اربعين بنى ادم فرشين تراب على الارض وبيلعبوا رفه
دخلت بحكم الفضول اشوف ايه الحكايه طلعوا عليا بالقصافات وقالولى سلمى نفسك ... عدو ولا حبيب ؟؟
قلت لهم حبيب ... انا ماليش اعداء
انا فرنسا هانم قالولى فرنسا ؟ انتى بتاعه باريس ومارسيليا
قلت لهم لا والله انا ماليش دعوه بباريس ولا مارسيليا ولا حتى بساركوزى ..ده انا من الشعب
قالوا انتى من الشعب .....قلت ايوه والله من الشعب وانا الشعب
قالوا خلاص طالما انتى الشعب اقعدى معانا وحكمى بينا
قلت على ايه يا باشا
قالوا احنا مش فاضيين لانتخابات ووجع قلب وصرف فلوس على الفاضى احنا قررنا نختار رئيس الجمهوريه بالقرعه ..هنلعب رفه واللى هيكسب هيبقى الرئيس وانتى الحكم
وفضلوا يلعبوا وكان فى واحد نصاب بيقرص على البريزه ويوقفها وعماله يكسب وطلع نص اللى قاعدين ... انا برضه مش سهله كشفته وقلت له بلاش القرص هنعملها رفه على الطاير ... واحد انسحب وطلب منى ادخل مكانه وهتتك بتتك كسبت ووصلت للدور قبل النهائى وبعدين النهائى وهوب كسبت الكل
قالولى انتى الرئيس بتاعنا الجديد .. يلا بقى علشان تحلفى اليمين وتضربيلك خطاب بسرعه
جيت اركب العجله قالولى لا
لازم تركبى العربيه المصفحه
قلت لهم يا خلق الله انا جايه بالعجله ...قام واحد باين عليه كباره ضرب يمين طلاق لانا را
وزير :- كح كح كح كح
فرنسا هانم :- ايه يابنى مالك تانى ؟؟ومين انتى ؟؟؟
وزير :- يافندم انا وزير الاعلام وحضرتك قلتى يمين طلاق وده مرفوض فى الخطابات
فرنسا هانم :- جدع انك نبهتنى مكافأه خمسميت جنيه وخصم شهرين من مرتبك .. واوعى تتدخل تانى بينى وبين شعبى
كنت باقول ايه يا شعبى انا نسيت ؟؟؟
المعلم :-كنتى بتقولى حلف بالطلاق
فرنسا هانم :- شكرا يا معلم الراجل فى اخر الدنيا فى قهوته متابعنا فى التليفزيون . وفاكر وانتوا لا .... نهديك السلام يا معلم
نرجع لكلامنا تانى
الراجل دب طلاق تلاته من مراته كل ما تحل تحرم انى اركب المصفحه ... اخدت العجله معايا وركبت المصفحه وجيت على هنا على طول و هاعملكم خلطه وزاره وقرارت بالهبل وهاخلى حياتكم بمبى وهطالب بزياده اراضى المزروعه كرات وفجل وبقدونس لزوم السلطه .. وان امكن هازود البنجر كمان والى اللقاء فى خطابات اخرى
والسلام عليكم
المعلم :- يانهار ابيض هى طلعت فوق المنصه ووقفت عليها ليه ؟؟؟
الصبى :- مش عارف يا معلم . ده باين عليها لابسه شبشب حمام
الاشتراك في:
تعليقات الرسالة (Atom)
هناك 151 تعليقًا:
صباح التخاريف قصدي مساء العقل قصدي تصبحي على خير
قصدي شفاك الله وعافاك
انجااااز تاريخي
اول تعليق
بصي يا هانم
من اهم عيوب العشا التقيل هي الهلاوس السمعية والبصرية اللي بتيجي للي بيتقل في الاكل
وواضح ان سيادتم ادتيها طبق فول بالزبدة قبل النوم ودي كانت النتيجة
مبروك العربية المصفحة
الباشمهندس سبقني بكسر من الثانية ولحق اول تعليق
يالله
التاني له رب كريم
Great posting. Thank you.
have a good day
ههههههههههههههه
نياههههاااااااا
ههههههههههه
انا بس جى أأمن على دعاء أخى عصفور
السلام عليكم
عصفور المدينة
استاذى الكبير
ماهو انا قلت انها تخاريف
مش مرض معدى ولا حاجه
انا سعيده بتواجدك يا هندسه
A.SAMIR
فول بالزبده ؟؟؟؟
ياريت
فين ايام الزبده بتاعه زمان ؟
ده حتى اللبن غشوه والزبده غشوها
والفول كمان غشوه
ربنا يجعل كلامنا خفيف على العيش
david santos
Thank you
but
do you can read arbic ?g
mo'men mohamed
وصل التأمين شكرا لك وللعصفور
وبعدين لو كله هيأمن على الدعاء لى بالشفاء يبقى كويس جدا جدا
اللهم امين
بالروح بالدم نفديك يا مدحت
قصدى يا فرنسا
امشى ياريس واحنا وراك
ايه التواضع دة رئيس جمهوريه بالعجله والشبشب كمان
لا بجد انا معاكى قلبا وقالبا
ربنا يسعدك يارب ويدخل السرور على قلبك اللهم امين يارب العالمين
وباشكرك قوى على ردك على تعليقى عندك كلامك عنى اكتر مما استحق ربنا يخليكى يارب بجد بتجبرى بخاطرى جدا اولا انا باحبك لسبيبن اولا لسعه صدرك للجميع ومحبتك للجميع وطيبتك الفظيعه اللى نادرة قوى
تانى حاجه اختيارك لعبله كامل كاصورة للبروفيل
انا بحبها قوى لطبيعتها وبساطتها وحاساكى فيكى كتير منها دمها الخفيف انها على طبيعتها وبساطتها
بجد انتى من اجمل المدونات اللى دخلت عالم التدوين
ربنا يوفقك يارب ويحقق ليكى كل ما تتمنيه اللهم امين يارب العالمين
دا كلام كبير أوي يا فرنسا هانم
زي ما بيقولوا كده ضرب تحت الحزام على رأي بتوع السياسة
أما على رأي بتوع السيما فدي بقى اللي بيسموها...
الكوميديا السوداء
صح ؟؟؟
انا قرأت البوست بعيون عضو مجلس الشعب و لا انت نسيتي ؟؟؟
بس بجدبجدبجد
فانتازيا رائعة
خالص تحياتي
فرنسا هانم ,سعادتك هتتولى السلطة بالفتحة مش السلطة بالضمة وبالطربقةدى حتحربى أمراض سوء التغذية ونقص الفيتامينات ,وطبعا معاليكى حتعينى كام وزير وأنا بقترح عليكى1 -وزير لزراعة السلطة, 2-وزير لرى السلطة3- وزير لصناعة السلطة4- وزير لصحة السلطة 5-وزير لشراء وبيع السلطة 6- وزير لتصرف فى السلطة بعد هضمها7- وزير لمنع بيع السلطة فى السوق السوداء.
يبقى ناقص أية !!!!
أة الى المفاجيع الى حيكلوا السلطة
أنا بقول نعمل أستنساخ للناس بتوع
اسكندنافيا الى شكلهم حلو وطوال قوى
لأن أخواننا الى هنا لو أكلوا السلطة دى هيجيلهم تلبك معوى ومنعرفش أية ممكن يحصل لهم أية
ألاخت الغالية فرنسا أصحى من النوم
لان كدة أحنا مخنا هيضرب ويبقى سلاطة
أخوكى محمد
أختى الفاضلة/فرنسا هانم
دعوت لك ككاتبة للمدونة حتى لا ينصرف دعائى لفرنسا،أما بالنسبة لهذا البوست فهو ليس بتخاريف بل هو تنفيس ليس إلا،و نصيحة لك من أخيك أبو خالد الذى يتشرف بأن تكونى له أختا و هذه النصيحة نصحها رسول الله صلى الله عليه وسلم إلى الصحابى الجليل عبد الرحمن بن السمرة و هى فى صحيح مسلم"- (1652) حدثنا شيبان بن فروخ. حدثنا جرير بن حازم. حدثنا الحسن. حدثنا عبدالرحمن بن سمرة. قال:
قال لي رسول الله صلى الله عليه وسلم (يا عبدالرحمن! لا تسأل الإمارة. فإنك إن أعطيتها، عن مسألة، أكلت إليها. وإن أعطيتها، عن غير مسألة، أعنت عليها).
فلا تسأليها حتى و لا فى الحلم ..
أخيك أبو خالد
طب تعالى نكمل الموضوع .. بجد .. لو بقيتى رئيسة جمهورية لمدة حكم خمس سنين مثلا .. إيه هو المشروع أو الترتيب أو القرار الأهم اللى هايكون محور الخمس سنين دول ؟؟؟؟؟؟؟؟؟
حتى الأستاذ
ديفيد سانتوس
وصل عندك هنا وبيبايع كمان
السلام عليكم
فكرتيني بفيلم ظاظا
ههههههههههههههه
فتحية في الاول ودلوقتي فرنسا
هي رئاسة الجمهورية بقت عادي كده؟
غريبه
هههههههههههه
والنبى يا خالتى انتى عسل وشربات كمان
بس تعرفى بجد والله مش انحياز للستات ولا حاجه بس منكرش جه فى دماغى هاجس من كام يوم ان لو حكمنا ست هيبقى الحال ممكن يكون افضل مما نحن فيه مادام البلد ديه مش مكتوب لها يحكمها من شيمتهم الرجوله رغم وجود الكثيرون الذين يتمتعوا بالرجوله الصادقه والثقافه والدين ولكن للاسف ملهمش نصيب فى الحكم خلاص نخلى الستات يمسكوها بقى
تحياتى ليكى
بالروح والدم نفيديكي يا فوفو قصدي يا فرنسا . فينك من زومان يا ريسه
فرنسا تا تا تا تعيش <<<< حته نفاق بئه موش رئيسه الجمهوريه
<<<<< ضاربه عنيها على منصب رئيسه وزراء .. برسم على تقيل
بصي يا فرنسا لو حبيتي واحد أو وحدايه يقود لك الحمله الانتخابيه ..
ما تتكسفيش احنا اخوات
والله بوست جميل فيه حل وحلل لكل مشاكل مصر .. مصر .. تحيا مصر
تحياتي .. وحبي
ازيك يا فرنسيس
الحمد لله برضه لسة محافظة علي مكانتي و ماسكة اول تعليق .......بعد العشرين
اكيد مكنتيش متغطية امبارح كويس
ابقي تغطي كويس علشان متحلميش كدة تاني احلام
تحياتي ليكي يا قمر و منورة دايما
:))
هاهاهاهاهههههههههاااى
لا جامده يعنى سيادتك بقيتى رئيسه... اول ست فى التاريخ
طيب ماشى انا موافقه وهشجعك
بس تاخدينى فى الوزارة بتاعتك
مممممممم
مش عارفه بس مسكينى التموين عشان اظبط الشعب
هههههههههههه
سلامى يا فرنستى
:)))))))))
لا حول ولا قوة الا بالله
هي السقعه بتعمل اكتر من كده
ولا الظاهر الكابل لما اتقطع أثر على تواصل الاعصاب عندك
ولا يمكن انتي واكله عجل قبل ماتنامي
ولا مفيش غطا كفايه عندك
انتي ايه مشكلتك يابنتي علشان نشوف لازمك ايه ونبدا نجمعلك اي حاجه
السلام عليكم يافرنسا هانم
الحقيقة انا تاني مرة اعلق عندك علقت قبل كده
بس مش عارف التعليق راح فين يمكن منزلش لأن النت فصل ساعتها من عندي أو تاه في السكة
المهم بصراحة ربنا يكرمك مدونة راائعة وانا أسمع عنها من زمان
ربنا يوفقك لعمل الخير وربنا ينفع بيكي
وصباح التهييس
ممكن ابقى وزير رى على قدى ؟
بس ايه تخريفه عشر على واحد ونص
هذا هو الوجه الأخر لفرنسا
فكرتينى بأحمد رجب
وقهوة الموظفين
والكحيت
تخيلتك مثل الكحيت بس بالجلبية المخططة بتاعة اخوكى شلبى والشبشب ابو صابع الملحوم عند عم سيد فروخة بتاع البلاستيك
تحياتى
هههه
ربنا يكرمك يافندم ويصلح لك حالك
:)
حاسس إني أعرف أفراد القصة , ولكن الرئيس اللي كسب حينها كان الرجل اللي بيغش .. ولا زال بيغش
قشطه ياريس
بجد بحبك اوي اوي ربنا يخليكي للشعب
بس ابقي افتكرينا وانت ريس ياريس
وزة
احلى حاجة ان الأختيار يبئا بالرفة مش بالانتخابات
كده هيكون في مروتة اكتر وفرص أكبر عن طريق القرص على ـ ودان الشعب ـ
ااصدي على البريزة
D:
ههههههههههههههه
احنا معاك ياريس
وهنجبلك اجمل الملابس وجزمه جديده
بدل الشبشب
علشان الفضايح مش تبقى على الهوا
جميل قووووووووى البوست ده
احييييييييييكى
كاتبه ساخره فعلا
اخوكى احمد
تحياتي
حضرتك قلتي تخاريف ، و احيانا التخاريف
تتحول الي حقيقة. مثلا من كان يتصور ان حلم و تخاريف الطيران مثل الطيور يتحول الي حقيقة. من كا يتصور ان حلم السفر في الفضاء الخارجي و النزول علي سطح القمر يصبح حقيقة.
لكن كلام جد، بما أنك أنثي ، هل تري فعلا أن المرأة يمكن ان تحكم مصر في عصرنا الحالي؟. أنا اسأل هذا السؤال لانني أزعم ان المرأة المصرية مختلفة عن الاوربية و الامريكية و ان تعتبر بيتها
واولادها الاهم...و أولوية قصوي لها.
و النائبة الدكتورة بمجلس الشعب التي استقالت من المجلس لتتفرغ لحياتها الزوجية مؤشر جيد .
تحياتي و تقديري
السلام عليكم ورحمة الله وبركاته
اختى وفرنستى الجميله
اهلا بك ومرحبا من جديد فى عالم الابتسامة الشقيه التى دائما وابدا ما تنقطع من مدونتك الرائعة
ايه المشكله لما تبقى الرئيسة واحدة ست ما شجرة الدر حكمت مصر ولو لفترة فصيرة
وحتشبسوت كمان حكمت مصر ايه المشكله
انك لابسله شبشب وراكبه عجله
مهو ده تما شيا مع عولمة السياسة الجديدة
اقول لك انى معك قلبا وقالبا
وهجمع كل الاخوه الصحايبه بتوعى بالعجل بتاعهم ونبايعك عيانا بياننا
يا اجمل واحلى فرنسا
عاشت مصر حرة مستقلة
عاشت مصر حرة مستقرة
تسقط فرنسا
تسقط فرنسا
مش عاوزييييييييييييينها
مش عاوزييييييييييييينها
انزل
انزل
-----
هتظبطينى فى النيسكافيه
ولا اسقطك وابقى تبع جبهة المعارضة
ها
فكرى
قولى
فكرتى
----
ايوة كده عقلك فراسك تعرفى خلاصك
بدل ماخد العجلة والشبشب ابو صباع
وارجعك الاقاليم مسحسحة
----
ناس متجيش غير بال........ايوة
يا مسروووووووور
يا عبده
شيلووووووه وارموه
يلهوى على اللى بيحصل منك لله يا اللى فى بالى..كده خليت الشعب يهلوث
ربنا يستر على الباقى
وطني
اسمحوا لى اخوانى ان ابدا بالرد على تعليق الاستاذ وطنى
اخى وطنى
اثارت كلماتك مافى جبعتى فاردت ان انقل لسادتك ما يجيش فى صدرى
انت نظرت الى التدوينه من موقع عضو مجلس الشعب ونسيت انك اكبر الاعضاء سنا وتوليت رئاسه المجلس
ما علينا
ندخل فى الغويط بقى
هذه التدوينه ليست عبثا ولا احلام ولا تخاريف كما اسميتها وانما من الممكن ان تكون تنفيس كما قال الاخ ابو خالد
هذه التدوينه كتبتها بعنايه شديده ولكن للاسف الشديد لم يصل معناها الى الكثيرين وهذا ليس عيبهم وانما عيب صياغه اتحمل انا مسئوليته
سيدى تلك الكلمات كتبتها منذ فتره واحتفظ بها فى محفوظات المدونه
وقمت بتعديل بسيط فيها امس ونشرتها
واشكرك على تسألك الذى اتاح لى الفرصه لبيان مقصدى
اولا
اخى العزيز انا لم اذكر اسم مصر مطلقا فى التدوينه وحتى عندما تحدثت عن نفسى قلت انا من سكان الاقاليم والجميع يعرف انى من سكان السويس فلو قلت السويس اذن انا اتحدث عن مصر
ولم اذكر اسم اى بلد
ولو من الخيال وذلك لاترك للجميع تخيل ما يشاء
ثانيا
موضوع اختيار الرئيس بلعب الرفه لم ولن يحدث ولكن الست معى فى ان الوقت الراهن هناك دوله مثل لبنان الى الان ومنذ اكثر من شهرين بدون رئيس ولم يتفقوا على رئيس مع ان لبنان من اكثر الدول العربيه ديمقراطيه الا ان الاهواء والمصالح غلبت الجميع
ثم انظر الى الانتخابات وما يشوبها من تزوير فى كثير من الدول
ثم من يختار الرئيس فى الدول الناميه
اليس هما الجالسون تحت الكوبرى
لقد جعلتهم يجلسون فى الخفاء ويختارون الرئيس منهم فيهم
ثالثا
الرئيسه التى تحدثت اعطت الوزير خصما ثم مكافاءه وبعد ذلك مكافاءه ثم خصما هذا دليل على تضارب القرارت المتخذه فى كثير من الاحيان
رابعا
المعلم بتاع القهوه رد على الرئيسه فى حين لم يرد عليها من يقفون بجانبها
كنت اريد ان اقول ان الشعب مستيقظ وواعى حتى وان كان بعيدا
خامسا
الاضطراب والقلق دليل على عدم الشفافيه فى شىء فالرئيس جاء دون علم الناس
سادسا
يقع اللوم على فرنسا هانم فى عدم قدرتها على الصياغه الكامله
سابعا
كنت انوى تقديم تسلسل لللاحداث بمثل الشكل الموجود
الا ان البدايه لاتبشر
حتى ان البعض اتهمنى بالجنون
اخى وطنى
شكرا على حسن استماعك
وصبرك فى القراءه
كانت معكم مراسلتكم فرنسا هانم
من بلاد الفانتازيا
3ala asm masr
شكرا على تأييدك لى يا هند
بس هو مين مدحت ؟؟
رفقة عمر
ساحتفظ بهذا التعليق فى فولدر خاص خارج المدونه ليسهل لى الوصول اليه دون الحاجه الى دخول النت
ولن ارد على كلماتك
لان الكلمات اقوى من اى رد
شكرا جزيلا اختى العزيزه
رفقه عمر
mohamed
اخى العزيز محمد ارجو ان تقراء ردى على الاستاذ وطنى
لتعرف هل انا من الممكن انفع فى السلطه بفتح السين ولا لا
وبعدين يا سيدى السلطه والله ليها فوايد كتييير قوى
اختك فرنسا
أبو خالد
رجاء من اخت ان تقراء ردى على الاستاذ وطنى
وبعد ذلك اتشوق
وانتظر بفارغ الصبر
لردك على كلماتى
ملحوظه
يا اخى ابو خالد
انا لا ابغى اماره والله
ابن حـجـر الـعـسـقـلانـى
والله يابن حجر
تعليقك فى الجون
انا بحترمك
واطلب منك كاخت ان تقراء ردى على وطنى وتفيدنى
انت عارف انا اقدرك كثيرا
عصفور المدينة
اول مره يجى يابيه
وشششششششششششششششششش
هو مين ديفيد سانتوس ؟؟؟
mohand
مهند
اقراء ردى على وطنى
رئاسه الحمهوريه مش كده
وبعدين ليه الغرابه
وايه الغريب ؟
ياراجل ده احنا فى زمن الغرائب
only spot
تحياتى لكى
الست العربيه
لسه مش مؤهله لحكم دوله
صحيح شجره الدر حكمت
لكن الان مش عارفه ليه مينفعشى ؟
العنقـــــــــاء
تحياتى وحبى وتقديرى لكى
ومنصب رئيسه الوزارء محجوز ليكى من دلوقتى
لكن تفتكرى لو دخلنا فى حمله وانتخابات وكده
هناخد اصوات ؟
مش بعيد ناخد صوتى وصوتك بس
MerMaid
مرميد انا عارفه دماغك
وبحترم رأيك
علشان كده ادعوكى لقراءه ردى على وطنى
وبعدين اعشم بقى فى تعليقك ورأيك
لان رأيك يهمنى
shayma
مع ان التموين محجوز
لكن مفيش مانع
احجز لك التموين
هو فى وزاره تغلاء عليكى
بس انتى شاورى
shayma
مع ان التموين محجوز
لكن مفيش مانع
احجز لك التموين
هو فى وزاره تغلاء عليكى
بس انتى شاورى
دعوة الفردوس
اشكرك على كرمك فى تجميع حاجه ليا
واحترم رايك جدا
ولكن ارجوا ان تقرائى ردى على وطنى فى الاعلى
لعلك تجدين ما تعطيه لى
مره اخرى متشكره على الكرم ويجعله عامر بأذن الله
صيد الخاطر
ربنا يكرم النت ويتصلح
انا كمان بيضيع منى تعليقات
شكرا على زيارتك
وشكرا على تواجدك
صوت من مصر
وادى وزاره الرى كمان اتحجزت
مبروك عليك
أهم حاجة أنا هلاقي لي مكان في حكومتك؟؟
ولا هروح في الباي باي
أنا مش طماع ولا حاجة لا سمح الله
أنا بس عايز الداخلية
زهد بقي تقولي ايه!!
الطائر الحزين
اخى الطائر شكرا جزيلا لك
للاسف كثيرون لم يتقبلوا التدوينه
وخدت تريقه للصبح
وانا حاولت اشرح موقفى فى ردى على وطنى
ارجوا ان تقراءه وتقول لى رأيك
فرأيك من الاراء التى احترمها
وضـّاح
القصه للاسف الشديد متكرره بصوره او باخرى
فى اماكن وازمنه مختلفه
وضـّاح
القصه للاسف الشديد متكرره بصوره او باخرى
فى اماكن وازمنه مختلفه
انين الحزن
افتكرك ؟؟
هو انا اقدر انساكى
على فكره
انا حاسه انكى اصبحتى قريبه منى قوى يا وزه
ولا انا غلط ؟؟؟
آلام وآمال
وما يزال مسلسل القرص مستمر
وعلى عينك يا تاجر
غير معرف
متشكرين على الهدايا والملابس
بس مش تفتكر انى هاخدهم هاخدهم
الربان
لا
المراءه المصريه غير مؤهله للحكم ؟
ولكن بما انك تسألت مثل هذا التساؤل وانا رديت عليك
ادعوك الى قراءه ردى على وطنى فى الاعلى
ويهمنى رأيك جدا جدا
ام الابناء
يا اجمل ام الابناء
يا احلى راجيه عفو الله
انا متشكره جدا جدا
وزى ما قلت للطائر
اتعرضت فى التدوينه دى للهجوم المباغت
ارجوا ان تقرائى ردى على وطنى
وتقولى لى ردك
انا هستناكى مش هامشى
Doba
هو انتى دايما كده جايبه معاكى مسرور وعبده
ده انا غلبانه
وجايبه لكى نسكافيه تيك اوى
الكياس الصغيره
مليت بيها التلاجه
اعمل ايه
مابنزلشى
اصحابى اشترولى
تحياتى يا عسوله
بحبك يامصر
لا
مش هلوثه
اتمنى ان تقرائى ردى على وطنى فى الاعلى
وبعدين انا فى انتظار التعليق
القلم السكندري
الداخليه ؟؟؟
يلا مبروك عليك
كويس ان محدش طلبها قبلك
مبروك الوزاره
تخاريف يا خالتي تخاريف
تسلم الأيادي على الصيغة الرايقة
ادعيلي الله يبارك لك
دمت بود
أختنا الكريمة ... فرنسا هانم
في الحقيقة أنا قرأت التدوينة من المرة الأولى كما شرحتيها أنت تقريبا في التعليق و هي واضحة جدا لأي عضو مجلس محلي حتى وليس عضو مجلس شعب فما بالك برئيس المجلس ؟؟؟
و انا لما سألت لم يكن للإستفهام و إنما
للتقرير ( حصة بلاغة ببلاش كدة) ولما قلت كوميديا سوداء أقصد أنها وصف لواقع مأساوي نعيشه ولكن في قالب فكاهي ساخر و هذه من أصعب أنواع الكتابة اما بالنسبة للسينما فأفلام الريحاني كانت رائدة في الكوميديا السوداء ولعلك تذكرين مشهد الكلب من فيلم غزل البنات , الخلاصة ان الفكرة واضحة و أرجو بل ألح عليك في الطلب أن تكملي ما عندك لأنه فعلا رائع
خالص تحياتي وأرجو أن أكون وضحت المسألة بعض الشيء
هو كل ده من اثر النت
طيب انتى عندك جهاز فى البيت
امال انا اللى عندى سيبر والدنيا وقفت عندى ومخرفتش ولا اى حاجه خالص
وقضيت اليومين اللى النت فصل فيهم فسح وسينمات ومعرض كتاب واشطة يعنى
وايجى نت الله يكرمهم حوا يحرمونى من اللف والسرمحة اللى كنت فيها استلفوا لنا شوية نت من تى داتا على مبتوع اطاليا يرجعوا لنا النت بتاعنا وبالتالى عدنااااااااااا تانى ...
كنتى بتقولى بتخرفى ليه بقى ؟؟؟
اولا
اعتذاااااااااااااااااااااار كبير للمعلمه الكبيره قوي
قصدي الريسه الجديده
قصدي خالتنا الغاليه فرنسا
بس والله غصب عني مبروح ولا آجي
الشغل خطفنا خطفا خطوفا
المهم
ردك على عمي خالد نال أضعاف ما نالته التدوينه من اعجاب
نفسي ولا يهمك
البلد بلدنا
دعواتك يا غاليه
فرنس هانم
اخبار صحتك ايه ؟
فرنسا فرنسا فرنسا فرنسا
الشعب كله وراكى يامعلمه اعمليها انتى وملكيش دعوه
تحياتى وتقديرى
مش عارفه اقول لك ايه اد ايه مش لاقيه حاجة توصفك :) البوست اللى فات انا ماعرفتش ارد عليه لان النت كان فاصل وماكنتش عارفه اكتب ولا كلمة ولما اكتب مفيش حاجة بتوصل
بس كده كده انا ماكنتش هلاقى حاجة مناسبة اقولها بس اد ايه حبيتك اوى وقتها ربنا يبارك فيكي يا رب
جزاكى الله خيرا يا ست الريسه
أنا جيت متأخر
بس جميل انك تفكري في كل ده يا فرنسا
يمكن انتي ما عرفتيش توضحي
و يمكن احنا سطحيين زيادة عن اللزوم و كنا عايزيين نضحك معاكي بعد البوست اللي فات
و عصفور المدينة حاطط لك لينك لتدوينة قديمة عنده كان عاملها عن ديفيد سانتوس
اضغطي على اللينك و اقري التدوينة و انتي تعرفي كل حاجة
:)
سلام
ahlan sa3tt el rayys
ana basallm bss :)
انا مع وطنى لما قالك انك بتوصفى كوميديا سوداء لانه بالفعل وفى الوقت الحالى الواققع بقى اسود قوى والدنيا كل مادا مبيزيد غمقانها
كلامك فى البوست وعلى الرغم من الشكل الساخر المقدم الا ان الفكرة مبسطة وواضحة واعتقد انها وصلت للكل وحتى لو كل واحد سخر وعلق على شكل او حدث من احداث البوست لانه هو ده الهم اللى بيضحك مش اكتر
الكل شايف حال البلد واحوال البلاد من حوالينا وربنا كريم بقى
اشكرك على إثارة موضوعات غاية فى الدقة وتناولها بشكل ساخر وارجوكى تكملى ما بدأتيه ومتخافيش عالعجلة محدش هيقدر يقربلها
لكى منى كل تحياتى
وامنياتى بالتوفيق
هبة
ههههههههههههه
فرنسا هانم ولا فرنسا الريسه صدقينى هانم احلى بلا رياسه بلا وجع مخ
تحياتى لك ولاء
اولا بعتذر عن ان فاتنى بوستين ومن هنا هغنى لكى
بوستاتى يا بوستاتى
وطبعا التعليق مش هقوله ربنا يكون فى عونك من اللى فات
اما بقى التخاريف دى فهايله ممكن اجى معاكى
وبعدين ايه يعنى لما الست تمسك الرياسه انا هرشح نفسى وابقى انتخبينى بقى
احنا نطول ياباشا
انا بجد فرحت جدا جدا بكلامك ده ياريت والله ليا الشرف طبعا
واحساسك صح ياريس
وزة
تخاريف فى تخاريف فى تخاريف فى تخاريف ....الى مالانهاية
بس ماتحوليش تفكرى فيها كتير
حتقولى هيا مين
السلطة
قريت ردك على وطنى
جميل قوى تفكيرك وصياغتك للموضوع
انا بحييكى جدا
احمد
فرنستى الغالية
احب اوضح انى قريت البوست اللى فات
ومقدرتش اعلق لنى معرفتش اعلق اقول ايه
لكن بجد زدتى غلاوة على غلاوتك عندى واحترمتك اوى واحترمت مشاعرك النبيلة
نيجى بقى للبوست ده
اممممممممممممم
بوست يخلى الحجر ينطق
واضح انك فى البوست ده كنت بتنفثى عن اللى جواكى باسلوب رائع كعادتك دائما
المهم انا مش عايزة اكتب تعليق دلوقتى الا لما تكملى لان واضح جدا ان للحديث بقية
وعموما لو انتى شايفاها تخاريف
انا شايفاها غير كدة
دى تنافيث
تحياتى ليكى
ومستنية الباقى
سلام
اختك خيخة
خالتى العزيزة فرنسا
حقيقى انا كل لما بأدخل أقرالك موضوع و أسترسل فى القراءة بناءا على جاذبية أسلوبك الى بجد ما حصلتش بحس انى تعليقى يمكن يكون عيالى او طفولى بعد كلامك الى بقراه حقيقى مش مجاملة نفسى اناقشك مرة كده و اخش معاكى فى حوار ححس ساعتها ان ليا عقيلة لا باس باه
لو كل التخاريف خلينا ننظر نظرة ثاقبنا لحالنا المؤسف مع البلد دى كده يبقى اهلا بالتخاريف و لو يوسف معاطى قرا شوية فى مدونتك يبقى ربنا يستر عليكى لانه حيستخدم كل الوسائل عشان يبعدك من طريق التأليف
و اخيرا تعالى شرفينى عايزاكى تباركيلى على حاجة مهمة
و بعد أذنك لو تسمحى انا ضيفتك لمدونة ( أهل عندليبيات ) جناح ( أى دمعة حزن لا )
بجد ايه بطرمان العسل اللى انفجر ف البلوج ده
!!
بجد مدونتك عسوووولة :)
على فكرة اى حد هيقرا كويس ، يعنى الكلام وماوراء الكلام هتوصله فكرتك ومفيش اى مشكلة ف اسلوبك بالعكس يجنن اصلا :)
قبل مااعلق كنت ناوية اقولك انى عجبتنى الاسقاطات اللى شوفتها فيه اللى هى بلو بلو بلو ... بس انتى وضحتيها ف التعليق بتاعك وحاجات اكتر منها ، يعنى م الاخر ، رسالتك وصلت ياهانم :)
مدونتك عسولة بعد اذنك هضيف لينكها عندى .
صحيح ، لافتة صغنونة بس.. عشان ديفيد سانتوس ده تعبنى نفسيا ، هو مش بيقرا عربى بس هو بيبعت التعليق ده توماتيكى على البلوجات لاسباب ترويجية .
سلامات ياخالتى:)
أنا أول من هيهتف باسمك وأرشحك...دي يوم السعد لما حد يترشح ويبقى رئيس جمهورية من السويس...بلدي الحبيب
;)
بقالي فترة متابعة المدونة بتاعتك بس مكنتش بعلق
بس المرة دي مقدرتش
بجد انتي تحفة
:)
نوني
أنا قرأت ردك على تعليق الأستاذ وطنى .. و رجعت قرأت التدوينة من جديد
أحييكى يا أخت فرنسا .. الموضوع عجبنى جدا .. الغلاف الساخر للموضوع تحتيه حاجات كتيرة جدا معبرة
بس المشكلة يا أخت فرنسا فى المصريين .. على الرغم من كونهم يقظين فى أوقات كتير .. و بيبقوا فاهمين الأوضاع إلى حد معين .. إلا إنهم ما بيتحركوش .. تماما زى ما فهمت من مواقف المعلم و الصبى مع باقى أفراد الموضوع.. دايما محتاجين لحد يقودهم .. زعيم .. أو قائد .. أو ديكتاتور .. أو فرعون .. إما يوجههم صح .. أو يوجههم غلط .. و يا سلام لو اتكلم بـ"اسم الدين" .. يجد الطاعة العمياء .. و للأسف دى صفات أصيلة فينا .. بس كنت قرأت لجمال حمدان عبارة متفائلة بتقول إن هذا الشعب لا يتحرك إلا بعد عصور و عصور من الضغط .. و يكون حينئذ تحركا كاسحا
بس فكرة "الرفة" دى فكرة عبقرية ... معبرة جدا .. مافيش اى نوع من أنواع النظام و لا التخطيط .. فكرتينى بموقف فى رواية لإبراهيم عيسى اسمها "مقتل الرجل الكبير" .. لما كان "الراجل الكبير" بيختار وزراءه مع رئيس الوزرا .. كان موقف قمة فى اللعب و الهزار .. و الوزرا تم اختيارهم بشكل غاية فى الغرابة .. و الرواية بالمناسبة من إصدار دار ميريت قرب ميدان التحرير
بجد يا أخت فرنسا .. لو ناوية تكملى الحكاية .. كمليها .. خصوصا بعد ما دور كل فرد فيها اتضح .. أعتقد هاتبقى حكاية حلوة جدا
السلام عليكم
حلوه تخاريفك يا سياده الريس
ومدونة جميله ما شاءالله
عقبال مدونتى
فرنسا هانم ...
تحياتى لقلمك المبدع
صحيح دى أول زيارة ليا ..
بس إن شاء الله لن تكون الاخيرة ،
قرأت البوست و قرأت ردك على الاخ وطنى
رائعة رائعة رائعة ،
تقبلى خالص ودى ...
السلام عليكم ورحمة الله وبركاته
تنتخبوا مييييييييييييين ...فرنسا
حبيبتكم ميييييييييييين ....فرنسا
اوؤيد وابايع الريسه الجديده فرنسا هانم
والي الامام ياروميل..يوه اقصد يافرنسا
احلي فرنسا
----------
بنت الحتة اللي حتخللنا سبستون و كمان عشان خطري روتانا سينما و امسحي وو لعي ستريك اللي بتقوللك
حيوان من تلت حروف يسمي اسد الغابة
يا تري مين؟؟؟؟
اصلي اسالتهم بتبقي هرد موت يا فرنسا
تحياتي
عروس البحر
شاركوا شباب عايز يروق مصر
http://hnro2masr.blogspot.com/
خالتنا الفاضلة ... (بلاش فرنسا) علشان أنا بكره فرنسا لإن إستعمارها هباب بيغير في الجذور ....
تجولت في مدونتك ... فأحسست بالصدق في كل حرف تكتبينه ...
تحياتي ....
م/ هيثم أبوخليل
مدونة متر الوطن بكام ..؟؟
رشحي نفسك و انا معاكي و على الاقل هتخلي البلد بلدين مصر و فرنسا بس هو دة مش يبقى اسمه احتلال
السلام عليكم
اولا الف مبروك
ثانيا برضه الف مبروك
الاولي عشان كسبتي الرفة والتانية عشان بقيتي رئيس جمهورية
الضحك بحس انه بيمثل لشعب مصر مسكن ولكنه مسكن يخفف الالم ولايعالج المرض
بس شغال
والسلام
فرنسا هانم
رئيسة جمهورية الرفة الديموقراطية
ازيك
من حقي عليكي انك تقري دعوى براءتي من قضية كسر معاليكي بيد الدسيسة ام دبوة و لا دنوة ف اخر بوست عندي
انا حاعمل الشاي على ما تيجي
خالص تحياتي
احمد
مساء الخيييييييييييييير
الحمد لله أنا آخر واحد وتعليقي رقم 94
ودي ميزة لأن أغلب الناس بتبص على أول تعليق وآخر تعليق...
لكن ليه حضرتك نزلتي وعملتي حوار مع وزير؟؟؟
مش كان مع بوش؟؟؟!!
hey
i changed the link of my blog,this is the new link,
http://egyptiangirl-1981.blogspot.com
chao
انا عارف ان انتي بتجمدي قلبنا عليكي
عشان مش نقلق تاني
بس مش كده يا شيخه
ابقى سيبي رسالة وإذن غياب
احسن مش هفوتها تاني
الست الريسة الكبيرة اوى فرنسا هانم
اولا تحياتى وحبى حتى تستغيثى .. النت الكميل كان فاصل ومعذبنى ولما رجع وابتديت اقرا لقيت سلامك الصادق وكلمة بجد وحشتينى مش قادرة اوصفلك اسعدتنى اد ايه
جزاكى الله كل خير على سؤالك الغالى
اما بعد
من مقعدى البائس هذا اريد ان اقولها واجعر بأعلى صوت نحن خلفك يا فرنسا نموت نموت وتحيا فرنسا .. وعلى نغمة ايريال فرنسا فرنسا ووو ووو !0
من غير تهريج بجد تخريفة رائعة واروع منها ردك التفصيلى على توء السفاهم مع الاستاذ وطنى قصدى سوء التفاهم !0
رد منطقى متمنطق متبيهق مالوش حل
حبى الخالص ومودتى الصافية
هدى
جاية اقولك اني رجعت صورة العقري تاني علشان بتحبيها يا فرنستي
أختى الفاضلة/
وصلتنى رسالتك بالكامل منذ أول قرأة لبوست تخاريف ،وفهمت ماذا تقصدين فالرسالة كأدبيات عبد الله النديم فى فن التورية و هى ذكر شئ و بداخله معنى عله يصل لمن كان له قلب ،أما فى جزئية الامارة فأنا أعلم أنك لا تريدين الامارة ولكنى أردت أن أرسل رسالة لمن يطمح فى الامارة ليعلم مدى المسئولية أمام الله فهى و الله ندامة و حسرة و أرجعى لقول سيدنا عمر لمن أراد أن يجعل الخلافة لابنه عبد الله "يكفى من آل الخطاب عمر "
أخيك الممتن لكى..أبو خالد
العزيزه الغاليه فرنسا هانم اولا تهئيسه حلوه بس مش قلتى كنت لعبت معاكم رفه يمكن اكسب كمان انا
انا متاخرتش بس البوستين الى فاتو مقدرتش اعلق عليهم لسبب بسيط جدا انهم رجعونى 11 سنه للخلف در مع الفارق طبعا وربنا يعلم الى كان بيحصل ساعته ومش حقولك كلام رثاء لانى عارف شعورك وموقفك
مبروك وصول مصر النهائى ويارب عقبال الكاس
استاذة فرنسا
حاشا لله ان اكون تكلمت بتريقة
لو دققتى النظر ستجدى تعليقى موافق لمقصدك
تحياتى
رغم انك قلتى انها تخاريف
بس انا شايف انه كلام جميل
كلام معقول مقدرش اقول حاجه عنه
تسلم ايدك يا فرنسا
ايه المدونات الجامده دى
السلام عليكم
بحب تخاريفك والله يا خالتي
هههههه
على رأي أخونا عصفور المدينة
شفاك الله وعافاك من حادثتك
ههه
أنا لما بخرف صح.. بخرف أيامن الإمتحانات
وهنزل بوست في تخاريف من تخاريف الإمتحانات
صباحو قشطة بالمهلبية
تحياتي لكي
جميل جدا البوست ده
رائع
من زمان ماقرأتش نقد ساخر حلو كده
تحياتي
انتى فين يا فرنسا بقالك كام يوم مش ظاهره لعل المانع خير
اوعى يكون التدوينة دى وصلت هناااااااااااك ولا حاجه
فهميهم انك كنتى بتهزرى واحنا شهود
تعالى بقى طمنينا عنك
هلا بيكى
معلش اتاخرت نعمل ايه ان شاء الله بعد ما تمسكى البلد
تظبطى موضوع النت ده
يعنى بقى نور ومية وتليفون
وكمان نت
شوفيلنا حل الله يخليكى
واحنا كلنا وراكى
صاحب المضيفة
ادعيلك ربنا بوفقك وينير لك طريقك
امين
امين
يارب
وطني
اخى وطنى بالطبع انا اعرف ان حضرتك فهمت التدوينه تماما
لذلك اخترت ردى على تعليقك لبيان مقصدى
وتحياتى سعاده الريس
Desert cat
وحشانى ياقطه يا غاليه
التخاريف
طالعه من كتر الهموم
وما اكترها اختى الغاليه
رحتى السيما ومعرض الكتاب
اشطه ياعم
دكتور حر
دكتورنا الغالى
ونور المدونه
ربنا يبارك لك وينير لك طريقك امين يارب
شكرا ابن اختى الغالى على كلماتك الصادقه
ra7eel
انا الحمد لله كويسه جدا
وعلى فكره
هاعملها
واترشح
واكيد انشاء الله
بمساندتكم هانجح
لا
انا بتكلم على انتخابات الصالون بتاعنا
احسن نروح فى داهيه
ftataljanna
احلى فتيات الجنه
شكرا على شعورك الطيب
وربنا ييسرها معى ومعك
وتحياتى لكى
مهندس مصري
شكرا اخى العزيز
ضغطت على اللينك وعرفت ديفيد سانتوس
وكمان رديت له الزياره
بس على فكره
انا اللى معرفتش اخرج اللى جوايا كويس
كفايـة طيبـة
وانا برد السلام باحسن منه
وعليكم السلام ورحمه الله وبركاته
نورتينا جدا
Doba
يعنى انتى شايفه كده؟
لو ده رأيك مش هقدر اخلف لك طلب
وابقى هاتيلى النسكافيه على هناك
فييييييييييين ؟؟
اكيد عرفتى
طبعا ورا الشمس
walaa
تحياتى لكى انتى يا ولاء
وسيبك من الريسه
خلينا فى فرنسا هانم
احييكى من كل قلبى
وبلاها كرسى الرئاسه
appy
طيب اعمليها انتى بس كده
وانتى تلاقى وراكى ستات زى الفل
بتأييدك
وخير من يمثلنا ابى
تحياتى لكى
انين الحزن
وانا لى الشرف يا وزه
احبك جدا
اسلام رفاعى
السلطه
ولا السلطه
انا كنت عايزه اعرف قصدك
السلطه ولا السلطه
تفرق كتير
احمد
شكرا جزيلا لك
بت خيخة وأى كلام
ايه الحلاوه دى يا خيخه ؟
نظرك ثاقب
وفكرك عالى
انا بحترمك اوى اوى يا خيخه
يا احلى خيخه
عاليا حليم
انا سعيده جدا باضافتى للجناح الرائع ده
وفعلا عمل جميل جدا
بس
مين قال ان تعليقك طفولى ؟؟؟
انتى صحفيه قد الدنيا
Drop from the Ocean
انا سعيده جدا بكلامك الجميل
ومرحبا بكى
اما عمنا ديفيد
انا عملت اللى عليا ورديت الزياره له
علشان ميبقاش له عندنا واجب
Noony
نونى
من السويس ؟؟؟؟؟؟؟؟
ياقلبك
بقالك فتره متبعانى ومبتعلقيش
ليه ؟؟؟؟؟؟؟؟؟؟؟
ده انا فرحت جدا بتعليقك
وفرحت لما عرفت انكى من السويس
مرحبا بكى
وبدايه صداقه ارجو قبولها من جانبك
انا يشرفنى صداقتك
ابن حـجـر الـعـسـقـلانـى
ااااااااااااااه
انا كده ارتحت
فعلا كنت مستنيه ردك ده
خادمة الاسلام
ربنا يكرمك فى مدونتك
ونزورك
ونشرب النسكافيه عندك
Soul.o0o.Whisper
اشكرك جزيل الشكر
واتمنى فعلا ان تتكرر الزياره الجميله
شكرا مره اخرى
خمسة فضفضة
دكتورتنا الغاليه
طالما انتى معايا بعد ربنا
هامشى وانا مغمضه عينى ورافعه راسى
شكرا يا دكتوره
عروس البحر
طبعا باين الاسئله هارد الهارد كمان
وغايه فى الصعوبه
لكن انا بذكائى الخارق متفوتشى عليا الحكايات دى
وعرفت الحيوان ده
ابو قردان طبعا
صح ؟؟
3ala asm masr
هادخل اللينك واشوف شباب مصر
م/ هيثم أبوخليل
مدونة متر الوطن بكام ..؟؟
يشرفنى حضور حضرتك لمدونتى
ويسعدنى انها نالت اعجابكم
شكرا جزيلا
هو متر الوطن غلى تانى ؟
shams
فرنسا تحكم مصر
اه
احتلال
عندك حق
بجد عندك حق
وانا لو كسبت الرئاسه هغير اسمى فى منت
الفاتح اليعقوبي
منه مسكن للالام
ومنه غذاء للروح
ومنه فيه
ومنه لله اللى كان السبب
تحياتى اخى اليعقوبى
وسلامى للجعفرى
موجة
انا هاروح دلوقتى
بس زمان الشاى برد
عبدٌ من عباد الله
وووووووووووووووولع ياباشا
Omar... [ خروشات
والله انا مش فاهمه حاجه
ارجو التوضيح
ض/خالد
المرجيحه يا دكتور يوم فوق ويوم تحت
بس المهم الواحد ميدوخشى
Sola
شولا الغاليه وحشانى
وهاروح للينك الجديد
دكتور حر
مجبر اخاك لا بطل
وعلى العموم
ده بيبين لى انا عندى اصدقاء حقيقيون بيسألوا عنى
ده عشمى برضه
rainbow
هدى الغاليه
انا سعيده بعودتك الى ارض المدونه
انت فعلا بتوحشينى
لان لكى رأى وفكر انا بحبهم جدا جدا
تحياتى
MerMaid
يااااااااااااااااه
كل هذا من اجلى
انا سعيده جدا جدا جدا
انكى قدرتينى
شكرا جزيلا
أبو خالد
من الاراء التى اهتم جدا جدا بها هو رأيك ابو خالد
وسعدت بردك الذى كنت انتظره بشغف
تحيات اختك فرنسا
رئيس جمهوريه نفسى
مبروك على الكاس ياريس
مصر هى مصر
الف مليون مبروك
الطائر الحزين
انا لم اقصدك انت
لا
بالعكس انا فهمت انك عرفت مغزى التدوينه لذلك قلت لك ما فى صدرى
قلت انا خدت تريقه للصبح
ولم اكن اقصدك انت بالطبع
تحياتى لك ولام الابناء
صالح سعيد
ربنا يبارك فيك
واعشم ان تعجبك دائما تدويناتى
تحياتى لك
عبدالرحمن ياسين
كل التخاريف ماشيه الا تخاريف الامتحانات دى
لا
مش ماشيه ابدا
أنا إنسان
شكرا جزيلا على تقديركم لى
واتمنى ان اكون عند حسن الظن دائما
Desert cat
دايما بنت مصريه جدعه واخر جدعنه يا قطه
تسألى عنى دى حاجه كبيييييره جدا عندى
واحب اطمنك انى بخير والحمد لله
Desert cat
دايما بنت مصريه جدعه واخر جدعنه يا قطه
تسألى عنى دى حاجه كبيييييره جدا عندى
واحب اطمنك انى بخير والحمد لله
امام الجيل
لالالالالالالالالا
اطمئنوا
كل شىء تحت السيطره تماما
ومشكله النت
هتتحل فى الفتره الخمسيه اللى بعد الخمسيه
وخمسه وخميسه فى وش العدو
بالروح والدم نفديكي يازعيمة
إرسال تعليق