الاخوه المدونين الاخوات المدونات
كل عام وانتم بخير
بمناسبه العام الجديد
الصقعه اليومين دول جامده قوى وفى ايام بتيجى رصراص تخلى سنان الواحده تعمل زى مزيكا حسب الله . وبما انى فى اجازه ام دبوه ولسه قدامى شهر وخمسه وعشرين يوم تانى اجازه . بمدد براحتى ليل نهار عصر مغرب عشاء ساعه مايجى فى عينى النوم انام كويكلى
علشان كده بقلق كتير وانهارده وانا ممدده ومكعمشه وسط البطاطين وعينى فى السقف سرحت
وحلمت حلم من احلام اليقظه
انا مذيعه
قال ايه انا بقيت مذيعه مشهوره جدا وبتدلل على كل القنوات وكل مندوب قناه يجى لى ويقولى فى عرضك يافرنسا وفى طولك يافرنسا عايزينك فى برنامج خاص بالمحطه بتاعتنا
وانا ارفض وهما يتحايلوا ويبوسوا الجدم ويبدوا الندم على غلطهم فى حق ......
لا مش دى
المهم
انا اخترت الفضائيه المصريه واشترطت انى اعمل حوار مع جورج بوش
يهديكى يا فرنسا
والنبى يا فرنسا
عيالنا يا فرنسا
ارجوكى يا فرنسا
وانا راسى والف صرمه قديمه يا بوش يا بلاش
وطبعا تحت الحاح المليارات من البيبل ( الناس)عبر العالم وافق بوش انه يعمل معايا حوار على الهواء
طبعا الناس الجدعان بتوع البيت الابيض فى ابيض ادونى ورقه مكتوب فيها الاسئله اللى انا مفروض اسألها وادونى نص الاجابات بتاعه السيد بوش والكلام اللى انا هرد بيه على سيادته بعد ما يجاوب
انا اخذت الورقه وحفظتها
وعملوا دعايه للحوار جامده قوى
قريبا
على الفضائيه المصريه
فرنسا هانم تحاور بوش
على جميع القنوات الفضائيه والدش المتحرك والثابت وفى الاذاعه والتليفزيون والمحطات الارضيه والعلويه والموجه المتوسطه 350 كيلو هرتز والموجات الفرعيه والموجات المتوسطه وموجات تسونامى والمد والجزر وفوانيس رمضان
وذلك يوم الثلاثاء 1-1-2008 على الهواء مباشره
هذا الحوار برعايه ام دبوه كولا رائده صناعه المنتجات البشليه فى الشرق الاوسط
وطبعا
زى بتوع الملاكمه
استضافونى فى الفضائيات ووكالات الانباء بتجرى ورايا فى كل مكان وجابوا خيم ايواء ونصبوها على طول الطريق بتاع السويس القاهره والمراكب ملت البحر الاحمر والطيارات غطت المنطقه بتاعتنا .. وفى صدر النشرات الاخباريه وفى شريط الاخبار الموجود فى القنوات وفى الصحف والنت الاقى اخبار فرنسا هانم
فرنسا فطرت فول بالزيت واكلت رغيف كامل
فرنسا فطرت فول بالسمنه البلدى ومخلل وشربت كوبايه لبن
فرنسا تشرب الشاى الساعه العاشره واحدى وعشرون دقيقه
فرنسا عطست اليوم ثلاث مرات
فرنسا فتحت الشباك فرنسا قفلت البلاكونه فرنسا كحت فرنسا كوت الهدوم فرنسا فرنسا فرنسا
كل الناس بتتكلم على فرنسا
وانا طبعا قطعت الورقه بتاعتهم ورميتها فى الزباله
وكتبت كلامى انا
السيد بوش
س - لماذا غزوت العراق ؟
س - من يصرف على الحرب ؟
س - هل ذهبت الى الصدام فى سجنه ام احضروه اليك ؟
س - اين اسامه بن لادن ؟
س - ما حقيقه انتصاركم على الصدام ومن الخائن ؟
س - لماذا تحارب الاسلام ؟
س - كم عدد الجنود اللامريكيين القتلى وما هى الارقام الحقيقيه للجرحى ؟
س - لماذا حاربت افغانستان والعراق وفررت امام كوريا الشماليه ؟
س - ما حقيقه اعاده فرز الاصوات اثناء الانتخابات التى اتت بك الى الحكم ؟
س - لماذا غابت الحريات فى ابو غريب وجوانتنامو ؟
س - من اطاح بكلينتون وما حقيقه دور الموساد فى الفضيحه الامريكيه ؟
وطبعا اول ما اصحابنا فى البيت الابيض فتشونى وشافوا الورقه بتاعه الاسئله وعرفوا انى غيرت الاسئله رجعونى بالعجله بتاعتى من المطار ورحلونى على مصر والحكومه قامت بالواجب اعلان السلطان العثمانى عصيان فرنسا هانم
وتمت خصخصتها
وبيعها بالذاد العلنى
طبعا هتقولوا نامى واتغطى يا فرنسا
احلمى على قدك يا فرنسا
تستهلى يا فرنسا
انا مستعده اسمع اى كلمه تقولوها
ولو حد عنده سؤال لبوش نحطه مع الاسئله
ومليش دعوه لو اتخصخص
هناك 101 من التعليقات:
لى الشرف ان اكون اول واحده تعلق هنا
بصراحه يا فرنسا هاموت من الضحك
بس تفتكرى العجله بتاعتك هينفع تستمعليها بعد كده
اكيد الكاوتش اتبرى
وهنضيف سؤال تانى للسيد بوش
هو الغباء اللى عند حضرتك وراثى ام مكتسب
فرنسا الله يسعدك والله يا بضحك من قلبى عندك
ابقى ردى على بوستاتك القديم
والا والله هاتمشى على رجلك من غير عجل بعد كده
صباح الخير
احنا بنذاكر انت صاحيه بدرى ليه...؟
ام البنات
انا فعلا مش جاى لى نوم
قله الشغل
والاجازه لخبطت حياتى
ولخبطت مواعيد نومى
وادعو الله لكم بالتوفيق والنجاح ان شاء الله
وهارد على البوستات القديمه
2eh ya faranca:
saba7 el foul 3aleka ya za3emaha,2eh ya benty bas kol deh 2as2ela 3ayza tes2aleha l bosh tab mn bab 2awla tes2aleha lel 7ayawan elly fe masr o teshoufy el 2as2elaha ely enty 3ayza tes2aleha 2ahoh 7ata haykoon awqa3 ya fandem,3omoma2 ya faranca name kewayes o 3'aty el 2az2ozah 3ala ra2y nouran
salam ya gamiel o ana ha7'aly bosh yero 3alaky fe 2a2rab wa2t\
happy new year ya fandem o ma3lesh ba2aly kteer 3'ayba 3aned bas 2asly lkont fe 7alet 2ekte2ab gamdah el kam youm elly fatpo doul bas el 7amdo lelah gat salema o hanazel post may be 2moorow feh kol 7aga o sabas el 2ekte2ab
salam ya gamiel
ألف سلامة عليكي يا فرنسا
ممكن أضيف سؤال لبوش
أين ذهبت فرنسا هانم
خالتى ياخالتى الف سلامه عليكى
ايه اللى عملوه فيكى ده نقول ايه
ماهو ده اللى بيقدروا عليه
بس تعرفى اسئلتك عجبتنى
والسؤال الزياده بتاع ام البنات عسل اوى
خالتى بقولك ايه نامى كويس ومالكيش دعوه باحلام اليقظه :)
طيب يا خالتى عندى سؤال ولو جرى ليه اى حاجه مش مهم بس يجاوبنى عليه
لما هما بلد حريات وبتنجان ليه مش بيتعاملوا كده مع المصريين او العرب اللى هناك ولا دى شعارات كدابه ليه بيقضوا على البلاد التانيه وخاصه المسلمين فين الحريه فى العقيدة ما كل واحد حر فى بلده ولا هى الكبيرة ومحدش يقدر يتكلم
و الله الأمريكان دول ناس طيبين ... لأنهم سابوكى بعد الكام سؤال دول و ما وصلوكيش مجانا تقضى أجازة الكريسماس فى جوانتانامو .. بيقولوا الجو فيها خطيييييير ... أنا بافكر أروح أقضى فيها كام يوم كدة أنا و اصحابى .. بس مش لاقى وقت الصراحة
و أهم حاجة العجلة ..كويس إنهم رجعولك العجلة
و كل سنة و انت طيبة يا أخت فرنسا .. و ربنا يتم شفاكى على خير
خالتنا
ايه ده
خالتنا مين؟
ولا اعرفك
لحد ميرسولك على بر
يقعدوا يقول قرايب ومش عارف ايه
ونتاخد في الرجلين
ليه هو العمر بعزقه
هههههه
بس فعلا حوار مينفعش يتخيل
ولو اني انا متصور ان الأسئله ديكلها مش محتاجه استفسار واجابات
أن حتى المنظمات الداخليه الأمريكيه مجاوبه عليها
والدبلوماسيات لا تعبر أبدا عن السياسات
ربنا ياخد كل اللي في بالي
ويتم شفاكي على خير
....
للمرة الخامسة.... بعد المائة السابعة.... بقوووووووووووووول:
الله يسامحك يا ام دبوووووووووووووووووووه
خفى النشوق شوية يا فرنسا، ام دبوه اديتك اجازة اجبارى و بوش هيديكى معاش مبكر و برضوا اجبارى
صباحك فل بعد فاصل
سلمك الله
بقيتى بتتأخرى فى زيارتى ؟؟
شوفى يا ستى فكرتينى بقصيدة كتبها فاروق جويدة لبوش الاب ايام البوسنة
هذا مطلعها
ياسيدى بوش العظيم
انا طفلة مسلمة
نبتت على احضان بوسنة
منذ الاف السنين
وعلى ثراها
لاح فى عينى ضياء الله
يسرى فى قلوب المؤمنين
ورايت فى امى كتاب الله
نورافى الضلوع
وانجما فوق الجبين
واتيت للاسلام راغبة
ولم اسمع صراخ الحاقدين
اقول له من تبقى فى الارض لم تتلطخ يداك بدمة
تحياتى
السلام عليكم ورحمة الله وبركاته
فرنستى الجميله
الف سلامة يا قمر وحمد الله على سلامتك من عند الناس الوحشين دول الى بياكلو مال النبى زى ما بيقولو كان نفسى ابقى معاك
علشان اقوله سؤال
هو انتم ليه بتحشرو نفسكم
فى الى ما يخصكوش كده وبتتدخلو فى الى مالكوش فيه
حاجة تقرف
وكمان عاوزه اقوله نفسى ربنا يهده بقى هو والى وراه
اسيبك بقى دلوقتى
تنامى شويه
زمان المشوار تعبك ومحتاجة ترتاحى
ًهههههههههههههههه
والله ضحكتينى من قلبى يا فرنسا
يا ستى مالك انتى ومال التليفزيونات ومال بوش
يعنى نهار ما تحلمى تحلمى ببوش كدة مرة واحدة
أهى دى الأحلام اللى تودى فداهية
كلو منك يا ام دبوه
عجبونى أسئلتك أوى
ثلاث أسئلة لفتت إنتباهي جدا وبصراحة أي حد يقكر يسألها لهم حق يخافوا منه
أين أسامة بن لادن ؟؟؟
فضيحة كلينتون والمسؤول عنها
سؤال فرز اصوات الإنتخابات التي أتت ببوش للبيت الأبيض ف أبيض
فسوف تثبت الأيام أنها كانت صفقة قذرة كنا نحن العرب والمسلمين ثمنها
لهم حق يخافوا منك يا فرنسا هانم
هههههههههههههههههه
يخرب عقلك يا فرنسا
اهى هيا دى الاحلام ولا بلاش
والله يافرنسا ليكى حق تسالى كل الاسئله دى وفوقيهم سؤال من عندى
لما انت فزلوك اوى كده وبتحارب الارهاب ساكت ليه على بيحصل فى فلسطين والا الاطفال دول خطر على امن حضرتك والشرشوحه اسرائيل
هنعمل ايه بس هما مطبخينها سوا وواكلين العالم واحنا قاعدين بنقشر بصل
واضم صوتى لصوت ام البنات فى سؤالها
:)))
واعتقد انه الاتنين يعنى وراثى بس هو زود علييه بعد كده
:))))))))))
بس خلى بالك يا فرنسا انا ضعيفه ولو جرالى حاجه هعترف عليكى على طول واقول هيا الى مصلتانى
ههههههههههه
لا انا اقدر برضه متهونيش عليا يا فرنستى
سلاااااااااامى
عزيزتي فرنستي الغالية
اولا ..استغلي الاجازة دي في حاجة حلوة ..مثلا احفظي القران او اقري كتب كويسة
نضفي الصالون للزوار
و هكذا يعني
------------------------------
انا زعلانة قوي ان طنط ام البنات اخدت مكاني النهاردة
معلش
تتعوض المرة الجاية
------------------------------
بصي يا سيتي
انا هاعلق مرتين دلوقتي
بس هاقوم اصللي العصر و و ارجع ارد عليكي
سلاااااااااااااااااااااااااام
:)))
مبتجيش ليه ؟؟
يا حبيبتى مكانش يومك فى الخصخصة يا نضرى
انا معنديش اساله لبوش اصلى برسم على حكم امريكا
ازيك يا فرنستي مرة تانية ؟؟
-----------------------------------
س - لماذا غزوت العراق ؟
غزا العراق من أجل الاطاحة بصدام حسين فقط وزيادة الهيمنة الامريكية علي الشرق الاوسط و موارده الطبيعية
س - من يصرف على الحرب ؟
الامريكان دافعي الضرائب هم من يصرفون علي الحرب..الي جانب ميزانية البنتاجون
س - هل ذهبت الى الصدام فى سجنه ام احضروه اليك ؟
عندما كنت في الولايات المتحدة في 2004 كان يشاع ان صدام موجود في سجن هناك
بس محدش عارف الحقيقة ..يبقي صدام هو اللي راح تقريبا
س - ما حقيقه انتصاركم على الصدام
ومن الخائن ؟
هم انتصروا علي صدام بدليل انهم قتلوه..و من الخائن؟؟
مش فاهمة يعني
الخائن هنا هو شعب العراق اللي سلم صدام لامريكا
ده رايي انا
س - اين اسامه بن لادن ؟
بصي بقي يا ست الكل..اسامة بن لادن ده لعبة في ايادي الامريكان لان الراجل
معملش حاجة الا انه شوه صورة الشعب العربي والاسلامي امام صورة الشعوب الاخري الغير مسلمة و بقي الاسلام ده دين الارهابيين والانتحاريين والقنابل و خلافه من وسائل القتل
ثم أمريكا لو عاوزة تجيبه هاتجيبه
هم سايبينه يطلع كل شوية يقول كلمتين بتوعه علشان هم اللي يتحكموا في الشعب الامريكي و تستمر المعركة في العراق
و يستمر نهب البترول
انا في رايي بن لادن ماهو الا عميل لامريكا
س - لماذا تحارب الاسلام ؟
أمريكا لا تحارب الاسلام..بدليل وجود مسلمين عايشين فيها و بيمارسوا دينهم عادي جدا و يوجد مساجد و مراكز اسلامية و قنوات اسلامية و مجلات اسلامية
اذن امريكا لا تحارب الاسلام والا كانت ارسلت كل المسلمين والعرب الي ديارهم هنا
او قامت بزجهم في السجون مثلا
او هدمت كل المساجد والمراكز الاسلامية هناك و منعت روادها من المسلمين من دخولها
احنا كمان كعرب بنحارب الاسلام
بدليل ان كل من هو اخوان مسلمين يتربصون بع لزجه في معتقل
و كل من هو مربي ذقنه و لابسة نقاب بنظهرهم علي انهم ارهابيين
حضرتك شوفي نسبة الطلاب المعتقلين عندنا من الجامعات
وقوليلي
من اللي بيحارب السلام
؟؟
المسلمين نفسهم
والعرب نفسهم
ولا امريكا
مين اللي اخطر ؟؟
- لماذا غابت الحريات فى ابو غريب وجوانتنامو ؟
اولا ربنا يفك أسر كل اللي هناك
ثانيا
معتقلات و سجون مصر فيها وسائل تعذيب ابشع من ابوغريب وجوانتناموا
و معتقلات و سجون مصر كل من فيها مصريين و ابرياء شرفاء
مشفناش يعني مصر قبضت علي واحد ارهابي او فاسد و عذبته
لا ده لو فاسد بيتعامل اعلي معاملة
-----------------------------------
عزيزتي فرنسا
اختلاف الراي لايفسد للود قضية
وانا مسلمة
أحب ديني جدا جدا ولا حاجة لهذا القول الا ن البعض هيفهمني غلط
قبل ما نلوم أمريكا او بوش نلوم نفسنا علي تخلينا عن ديننا و عن ابناء ديننا وعلي محاربتنا للدين في عقر داره
احنا السبب ...مش امريكا
يافرعون ايه فرعنك؟؟
قال ملقيتش حد يلمني
امريكا مفيش حد واقف قدامها من العرب
بناخد منها صفقات سلاح بالمليارات قصاد معونة بملاليم مشرطة
اراضي الدول العربيةالاسلامية ماهي الا قواعد عسكرية امريكية
العربي المسلم في معظم الدول العربية مهان و مستباح حقه
بيروح أمريكا و اوروبا بيتعامل معاملة ادمية
انزلي بنفسك شوفي المعاملة اللي ممكن تتعامليها لو رحتي جاردن سيتي
و الظباط والرتب اللي قاعدين هناك مهمتهم الاولي والاخيرة حماية السفارة الامريكية
شوارع متقفلة حوالين السفارة..ممنوع مشاة او سيارات تعدي
كان جاردن سيتي دي مش تبع مصر ولا حتة من بلدنا
احنا اللي بنعمل في نفسنا كدة
مش امريكا اللي غلطانة
والدليل انتي ذكرتيه
ان امريكا تراجعت قدام كوريا الشمالية و احترمتها لما قالت لا انا هاكمل في برنامجي النووي
و مرضختش لاي تهديدات
صدقيني المشكلة عندنا احنا
ولا نلومن الا انفسنا
------------------------
اعتذر علي الاطالة
و كنت عاوزة اعمله بوست لوحده عندي
بس فضلت نكون هنا للمناقشة
و اعتذر لاي قاريء من اصدقاء مدونتك للاطالة ايضا
و لاي سبب اخر في كلامي
:))
dear mermaid:
walahy i agree with u 199% as i live in usa i see that there is alot of muslims and we live in peace ya3ny mafesh 2ay moshkela 7'ales.
but 2 me i always say that osama nb ladem made in usa and they already killed him but what we see on cnn is just fake,there is no qa3dah or ben ladem any more
salam ya gamiela
كل سنه و انتي طيبه سنه جديده سعيده كلها خير و حب و تغيري العجله بتوك توك ماحصلش
حد يبتدي السنه ببوش يا شيخه حرام افتكريلنا حاجه عدله
بس ايه الحوار الجامد ده انتي كده تقعدي محمود سعد و مني الشاذلي في بيوتهم و اوبرا وينفري احتمال تشيلك الشنطه
مستنياكي عندي علشان اعرف رأيك في البوست الجديد
الواحد عارف ان الجبس يعمل اكثر من ذلك
هههههههههههههه
Sola
بعد الشر عليكى من الاكتئاب وانشاله بوش هو اللى يكتئب لوحده
وانا مستنيه البوست بتاعك علشان اعرف فيه اخبارك
بس متطوليش على
اما عن الاسئله بتاعه الراجل بتاعنا
خليها فى سرك
وكل عام وانتى بخير
وعلى رأى نوران
السلام عليكم ورحمة الله وبركاته
ياعيني عليكي وعلي اللي جارالك ياخالتو
وانت تروحي لحد امريكا وتتعبي نفسك ليه وتستهلك كاوتش العجله اللي بقي بالشئ الفلاني
انت بس كنت تامري واحنا نجبلك المنيل بوش لحد عندك وبالمر ه نوصي الحاجه ام دبوه انها ترمي المره دي قشر سباطة موز بحاله مش موزه واحده واهو منها بوش تتقصف رقابته ومنها ام دبوه ياخدوها علي جوانتانامو وتستريحي منها
عصفور المدينة
قامت من على السرير
ولا جرالها اى حاجه
غير بس كام قنبله بووى فى الركبه
على كام صاروخ عابر للقارات فى الدراع وخلاص
عاشقه الفردوس
ماهو لازم نحلم
لازم
نطلع اللى جوانا
لازم نحاول نعبر
ونعبر
ونقول كل اللى نفسنا نقوله
حتى لو هندن فى مالطه
appy
اضفت السؤال بتاعك
لبوش
وهاسيبه يرد عليه
ومتخافيش
انا عارفه مكان نرجع منه
انتى بالبطوط
وانا بالعجله
ابن حـجـر الـعـسـقـلانـى
جوانتنامو صعبه اليومين دول
بسبب ارتفاع سعر العمله بتاعتهم
وخلينا نروح سوى نتفسح هناك
علشان اعملكم كام صنيه رقاق من بتوع العيد نتقوت بيهم هناك
واجيب معايا المصاصه بتاعتكم
اللى فضحتونى بيها على كل المستويات
ساركوزى بيتصل علشان يعرف جايزتى
اقوله ايه؟؟؟؟؟؟
دكتور حر
بتتبرا منى فى اول السنه ؟
طيب خليها فى مارس
فى يونيو
فى فبراير
لكن فى اول السنه كده
لا
انا رجعت وكويسه
ومفييش اى حاجه
لكن مش عارفه
كل ما المس حاجه بتكهرب ليه ؟؟
Omar... خروشات
ام دبوه
ام دبوه
اه
افتكرت
مش دى اللى اكتشفت البنسلين ؟؟؟؟؟
لا
مش هى
تبقى
ملكه جمال العالم
لا
ام دبوه
ام دبوه
غلب حمارى
الطائر الحزين
انا مقدرشى اتاخر عليك ابدا ابدا
ولو حصل سامحنى جدا
وهاكون عندك بس شد حيلك
وجهز غداء وعشاء وفطار
اما القصيده
فاشكرك عليها
ولقد ضممت سؤالك الى باقى الاسئله
ومن غير تفتيش
ام الابناء
مشوار ايه اللى يتعبنى ؟
ده انا معايا النفاثه
عجله نصر معتبره
وانا حطيت سؤالك مع الاسئله الموجهه الى بوش بيه كعب الغزال
هو انتم ليه بتحشرو نفسكم
فى الى ما يخصكوش كده وبتتدخلو فى الى مالكوش فيه
سلام يا اختى الحبيبه
ghalia
داهيه
داهيه
هو احنا مخللين
العمر واحد والرب واحد
وقال هيسخطوك ياقرد
سيبك انتى
كل سنه وانتى طيبه
وطني
استاذنا الغالى
عجبنى وقارك
وتعليقك المتزن
وقرأتك لما بين السطور
سلمت
بس هيخافوا منى ليه
ده انا نسمه
shayma
ام البنات انضم اليها ناس كتير
سمعانى يا ام البنات
ارفعى ايدك علشان اشوفك
عارفه يا شيماء
انا مبسوطه جدا
انك هتتعرفى على
ونكون فى حديد واحد
وانا هكتب واضم سؤالك للحلقه
لما انت فزلوك اوى كده وبتحارب الارهاب ساكت ليه على بيحصل فى فلسطين والا الاطفال دول خطر على امن حضرتك والشرشوحه اسرائيل
MerMaid
انتى طلعتى دماغ
بس انا هارد عليكى فى التعليق التانى
Desert cat
وانا هنتخبك
بدون قيد ولا شرط
السلام عليكم
دا انا وصلت لرقم قياسي وبقيت التعليق رقم 36
يالا ما علينا
نزلت لدوري الدرجة التانيه
الاسئلة اللي انتي سالتيها في الجون
وبالذات سؤاله عن تزوير سعادته للانتخابات
ومين اللي اطاح ببيل كلينتون اللي جزمتة برقبة بوش
تحياتي
فرنسا هانم
يا من زلزتى عروش بوش واعوانه
جميل الحلم
وجميلة الاسئلة هى صعبة بس جميلة
هما كمان بيفتشوا ويحطوا اسئلة جاهزة
شكلهم امريكان متمصرين
بس كويس انك رجعتى ولو على عجلة
احسن ما كانوا يودوكى جوانتانمو ولا حاجة
ولا يحطوا فى شنطتك متفجرات ويمسكوكى بيها
احمدى ربنا
MerMaid
استعنا على الشقاء بالله
صباح الخير ياعم احمد
صباح الخير يامتولى
ايييييييييييييييه
دنيا
شوفى ياست الكل
طبعا كلامك على عينى وعلى راسى
واحنا عارفين ان فى تقصير شديد فى مجتمعنا وفى تقصير فى عروبتنا
لكن مش معنى كده
انى اقارن افعال المستعمر
او افعال القطب الواحد المهيمن على العالم والمتحكم فى مصير الشعوب
وان هو المستر بتاع الانجليزى اى حد يغلط يمده وسط الطابور
لا
احنا شائننا الداخلى حاجه
والتدخل الامريكى فى شئوننا حاجه تانيه خالص
ومش معنى كده اننا فرحانين بالخضوع الداخلى
لا
ثم انتى مكنش عندك اختيارات
كل الاسئله اجبارى
فى سؤلين مجوبتيش عليهم
وفى سؤال غلط
مش البنتاجون بس هو اللى بيصرف على الحرب
لا
دول الخليج بتصرف دم قلبها
وبقيه الاسئله احييكى عليها
بقى شىء واحد
شعب العراق ليس هو الخائن
الخونه هم من استأجرتهم المخابرات الامريكيه
ليخونوا الصدام من الداخل ومن الخارج
وفى الختام
اوجه الشكر لكل من شارك فى الاعداد والاخراج ولكل العاملين فى البرنامج والى اللقاء فى حلقه قادمه
حلقه ايه ؟؟؟؟؟؟
نسيت اقولك
ان
الرأى
والمشاركه الايجابيه
افضل عشرات المرات
من
المشاركه بدون معنى
ومهما كان رأيك
على عينى وعلى راسى
Sola
اشكرك على الرد على
MerMaid
وانتى تقولين انكى تعيشى فى امريكا
وتتفقى معها بنسبه 99 فى الميه فى كلامها
وتقولين ان اسامه بن لادن صناعه امريكيه وقتلته امريكا
وتقولين
انه
لايوجد اسامه بن لادن ولا القاعده
عموما اشكرك على
مشاركتك والرد الجميل
وتسلم الايادى يا جميله
EmY
انتى نفختينى جامد قوى
يلا
اهم شويه الهوا دول ينفعوا لو العجله اتخرمت
وانا جايه عندك حالا
ا بـن عــمــر
اتفك الجبس يا باشا
انت مش بتقراء فى التاريخ ولا ايه ؟؟
الاسره الرابعه بعد المليون
فك جبس فرنسا هانم بدون الم
صفحه زيرو
خمسة فضفضة
تصدقى فكره وانا كده اكون ضربت عصفورين بحجر واحد
واتخلصت من الاتنين فى يوم واحد
بس تفتكرى
يرضى بوش يجى ؟؟
لوحصل
ادافع عن ام دبوه بكل قوتى
عارفه ليه ؟؟؟
تصطاد الملاعين واحد واحد
mohand
انت بعدت عن التدريب يا كابتن
وبعدين
الدرجه التانيه مش مستواك
انت ممتاز يا باشا
وعلى رأس الجدول كمان
امام الجيل
لا
كله الا العجله
هو انا اروح بيها وارجع من غيرها
على جثتى
ده انا افرج عليهم كل دول خلق الله
كلام اونطه اوعى تصدق
أنا بقي مش داخل أحط سؤال لبوش أنتي قومتي بالواجب
وبعدين انا مقدرش ازايد عليكي طبعا
انما أنا معترض علي حاجة واحدة بس
قال يعني حضرتك لما تبقي مشهورة أوي كدة بقي هتفطري فول بالزيت وفول بالسمنة البلدي
ولا هتعبرينا ساعتها وتقعدي علي المدونة؟؟
هي غلاسة بقي مني معلش
وسلميلي علي السلطان العثماني كتيير أوي
طويل العمر يطول عمره وينصره علي من يعاديني
بوست لذيذ
تحياتي
القلم السكندري
انا مصريه من الصميم الى النخاع
انا بنت البلد انا من
من
من ايه ؟؟؟؟؟
وايه الكلام الكبير ده ؟؟؟؟
لا يا عم طبعا كنت هاكل فول فى المناسبات بس
كنت هاكل الحاجات بتاعه الاغنيياء
لكن مكتبتهاش
لانى لسه معرفتهاش
تعرف انت ؟؟؟؟؟
انا اخرى الفول
dear lady france,,
each time I enjoy Ur writtings style and the Idea in it..
The answeres as many friends answered..showes that we allready know...now there R no secrets..but the imporatnt ..how 2 B Independent in Our decesion//and How 2 keep our Own Pride...
a Dreamer with feet on the Floor
اذا كنت قد فهمت كلامك صح
فانا اعترض عليه
انا فهمت
انك تثنى على كتاباتى وانا اشكرك على ذلك
ثم فهمت
انك تقول ان الاخوه المعلقين قالوا اشياء معروفه وانه لاتوجد اسرار
هذا
ان صح
فانا اعترض لانه توجد الاسرار والاسرار
ولا نعرف الا ما يريدونا ان نعرفه فقط
وقد يكون مخالف للحقيقه تماما
شكرا لك
هههههههههههههههه
ايه الجمال ده ؟؟
بجد كلام واحدة دماغها عالية قوى قوى
أنا بقول نعتزل التدوين احنا بقة
و نترك الساحة لفرنسا بحالها و برج إيفل
هنبقى احنا و فرنسا فى التدوين ؟؟
ده حتى الشانزيليزيه يزعل
و مدام عبلة كامل كمان تزعل
لا يا عم احنا مش قد زعلهم لأ
------------------
حقيقى بوست ممتاز
بس انتى اللى غلطانة يا أستاذة فرنسا
المفروض زى ما حفظتى الورقة بتاعتهم تحفظى الأسئلة اللى هتسأليها
ازاى تفوتك دى بس ؟؟
و بعدين مكنتيش تقطعى ورقتهم
خديها معاكى و اسألى اللى على مزاجك
و بعدين حصل طيب
أصلك لو كنتى قلتى الكلمتين اللى كانوا ف زورك و زورنا احنا كمان
مكناش هنسمع عنك تانى
و مكناش هنعرف حتى انتى كنتى ناوية تكملى تقولى ايه
فبرضه ربنا بيعمل الخير
و الخصخصة أحسن من حاجات تانية كتير
على العموم أنا معنديش أسئلة لبوش
لأنه مفضوح و نيته مفضوحة أمام العالم كله
أنا نفسى بس حد يناولنى زمارة رقابته
بس تكون بتزمر كويس و تنفع كلاكس لعربيتى
يلا بقة سلام يا هانم
د.حمــــــاس
نسلم الايد اللي كتبت
والعقل اللي فكر في الاسئلة
احنا مش عارفين من غير فرنسا كنا عملنا ايه
عقبال ما تعملي مع ساركوزي كمان
عاوزين نشوف انفرادات جديدة كل كام يوم كده
دمت بكل الود
فرنسا هانم:
تحية طيبة و بعد ،
بعد هذا الحوار مع الندل أرجو أن تلحقى نفسك و تأخذى العجلة بتاعت حضرتك و تروحى أختبار بنت خيخة و أى كلام لأنه مهم بالنسبة لك.
أخيك أبو خالد
ايةةةةة دةةةةةة
هو الفول ابو زيت بيعمل دماغ عالية كدةةة
ههههههههههههههه
عايزين بقى المرة الجاية حوار مع حتة طرية كدة بوسى سمير او نجلا او اى حد من المزز دى وطريلنا القاعدة شوية
بتش يا فرنسا
البت خيخة عاملة امتحان نفسى وقلت لازمن ولابد اجى اقولك
انا خلصت الامتحان من قبلك وقلت مش هغششك وش مطلع لسانه
وهاخد الجايزة وانتى لا
-----------------
ميت مرة اقولك تتغطى كويس وانتى نايمة
لا صحيح ده انتى صاحية
طب احلام اليقظة دى اعملك فيها ايه بقى - هتنينى ماشية كده وراكى طول اليوم بدل متودينا فى داهية
---------
أسئلتك جامدة جدا وفى الصميم ومعظم البشر عارفين إجابتها وهو كمان مش هينكرها بس مع نفسه مينفعشى يجيلك ويقولك كده - مينفعشى يا بنتى كده هيبوظو التاريخ المكتوب والمتفق عليه
---------
بس تصدقى والله انا حمدت ربنا لما ادولك العجلة ترجعى بيها واهى نفدت منهم بأعجوبة
يلا اتغطى بقى وكلى طبق الفول بالسمن البلدى وكوباية اللبن واعطسيلك عطستين واتخمدى بقى - أأأقصد نامى كويس
سلام يا نصيبة
السلام عليكم
بجد..بجد
بجد..بجد
مدونة حلوة جدا
أصل انا صريح اوي .. وما بعرفش أكدب
جزاكم الله خيرا
اسئلة بوش دي
عديمة الفائدة لانه ما كانش هيجاوب
أصله فاشل دراسيا
آخره يغش من
من بلير او بيرلسكوني اوو .أو...أو
مبارك
سلااااااااااااامي واحترامي
ممكن أنا أحورك بعد اذنك بما انك فشلتي في انك تكوني محاوره للرجل العظيم
رجل المواقف الصعبه جورج اسم الله عليه بوش
1- ما علاقتك بعبله كامل
2- لماذا اخترتي شخصيه فرنسا هانم لتمثلك
3- هل عندك نيه تغيري صورة الافيتار وتحطي صورة لدوله اخرى
4- هل زرتي مدونتي من بعد السنه الجديده ما بدات
5- هل معاكي ربع جنيه سلف
هو مش سؤال
هو طلب
نفسي اشوفه وهو خارج من البيت الابيض
هي صحيح مش هتفرق
واللي جاي بعده هيبقىاسخم منه
بس انا نفسي اشوف حقيقة مشاعره وهو خارج وسايبها
DR.HAMAS
ااااااااااااااه
فاتتنى ازاى دى ؟
فعلا كنت ممكن احفظ الاسئله
لكن
اخر سؤال كنت هسأله من هناك
من جوانتنامو
عايز تعتزل التدوين
يا دكتور
احنا هنيجى ايه جنب ابداعاتك
ربنا يكرمك يارب
ويكرم
حماس
صاحب المضيفة
ساركوزى
ده حاله لواحده
عايز مخمخه
لكن علاقاته مع اليهود مفضوحه
ومش عايزه اسئله
عارف ايه اللى عايز اسئله؟؟؟؟
التغير الاخير فى اواخر فتره رئاسه شيراك
كان تغير ملموس تجاه امريكا واسرائيل
ايه سببه ؟؟؟؟؟؟؟؟
أبو خالد
تم سماع الاشاره
وجارى التنفيذ
شكرا ابو خالد
مروة الزارع
الحوار القادم هيكون مفأجاه
ومش طريه للاسف الشديد
لا
دى ناشفه حجر
Doba
دوبا
ازيك يا هبه
كنتى غاطسه فين يا بت ؟؟؟؟
واخداكى غياب من فتره
ومبلغه عنك الانتربول
والوكاله الدوليه للفحم
ولجنه تقصى الحقائق
ودوران شبرا
وهيجبوكى هيجبوكى
لكن الحمد لله ان انتى سلمتى نفسك بنفسك
وحشانى يا سكر
صريح أوي
وانا برضه صريحه اوى
الظاهر اننا اخوات
شكرا على تشريفك وصراحتك
وخلى بيرلسكونى ينفعه
بلير ذهب الى مذبله التاريخ
Mask
انت جاى على طمع بقى
ربع جنيه بحاله يا مفترى
انت ناوى تشترى السد العالى
ويلا
انشاله ماحد حوش
هبعت لك الربع جنيه
مع الاتوبيس بتاع بكره الساعه واحده الظهر
بس متنساش تدى للسواق خمسه جنيه بقشيش
اما عن اسئلتك
1- ما علاقتك بعبله كامل
2- لماذا اخترتي شخصيه فرنسا هانم لتمثلك
3- هل عندك نيه تغيري صورة الافيتار وتحطي صورة لدوله اخرى
4- هل زرتي مدونتي من بعد السنه الجديده ما بدات
5- هل معاكي ربع جنيه سلف
عبله كامل واحده من المعجبين بتوعى
2يمكن حبيت الشخصيه دى
3الافيتار ده فطار ولا ايه ؟؟؟؟؟
4 للاسف لا وانا فى الطريق اليك
5 موضوع الربع جنيه اتحل
سها
زى مشاعر ابوه لما خرج
ماهى عيله واطيه اساسا
ما بتحسش
اسفه على اللفظ
خالتي خالتي خالتي
ممكن اسال بوش سؤال
انت هتمشي امتى ياعم؟؟؟
ولما هتمشي .. هيجيبو اراجوز زيك ولا ايه الحياه؟؟؟
ملحوظه
خطرفة ماقبل النوم دي رهييييييييييييييبه
انا مره خطرفت اني خطبت شاكيرا .. وامي الله يرحمها اتعرفت عليها واتكلمت معاها وبتاع .. وعزمناها هي وابوها يجو يتغدو عندنا تاني يوم
وامي هتعمل رقاق باللحمه المفرومه وبط محشي
تعتقدي اكلنا هيلّد على بطونهم؟؟؟؟
سلاموووووووووز
Soooo
يابنى دول مفاجيع
اكلنا انضف من بطونهم
بس خليهم ياكلوا لوحدهم
احسن يحسدوك ياسووووو
واحنا مش ناقصين
أنا عارف اني مقصر في حقك يا شقيقة
بس النهاردة آخر بوست لي في مدونتي
وكان نفسي تشاركيني الختام
بجد بجد عسل وعسل ابيض كمان
ده انتى والله مبدعة ودمك احلى من السكر
دى اول زيارة ليا عندك بس بجد انتى هايلة جداجدا ..وربنا يوفقك ويرزقك بالزوج الصالح اللى يستاهلك لانك بجد عسولة والله
بصى عاوزة اقولك (انى احبك فى الله ياخالتى فرنسا هانم )وابقى طلى على مدونتى المتواضعة مع تحياتى ودمتى بكل خير
سلامتك من الخصخصة يا قمر
ان شالله كونداليزا يارب
بوش دا يا فرنسا يا أختي مش عايز يحاوروه لأنه كداب اساسا ومش هايغلب في الكدب للرد على الأسئلة
دا عايز يتحجز في مصحة عقلية ..هو وزمايله المجانين الى عندنا
فاهماني ؟
ويجعله عامر
:)
كان بدري عليكي يافرنسا
كل سنه وإنت طيبه
إن شاء الله عام سعيد كله خير وسعاده وصحه
لك ولكل من حولك
بوستك جميل
الله يكرمك يا فرنسا كنت محتاجه أضحك
ربنا يوفقك دايما
دمتى بحفظ الله
تحياااااااااتي
فرنسا هانم
ربنا يتم شفاكى على خير
والله انا خايفه نبتدى ندور عليكى
وبدل مايقول فرنسا عملت وسوت
يقولوا فرنسا هانم اختفت وجارى البحث عنها ورا الشمس
بوست دمه خفيف جدا
تحياتى
ملقيتيش غير بوش؟؟ماله محافظ السويس
ربنا يكرمك لما تقابليه قوليله ابن اختي مناجاة بيدعي عليك تمشي ومايجيش حد غيرك
ابني شرير عاوز الشعب الامريكاني يتلطم
يوميات عيل مصري
لماذا الختام ؟؟؟؟؟؟؟
لا للسكوت
شكرا جزيلا على الزياره
وعلى الكلام الجميل
وانا سوف ازورك
بس
زيارتى بتكلف
لازم صاقع وممكن عشاء او غداء
dr.Roufy s
العباسيه موجوده
والعلاج رخيص
وهندفعه احنا لو لزم الامر
غمض عينيك
لا للنواح
Salwa
وانتى طيبه
والعالم اجمع بخير
الا
اللى فى بالى
وانا سعيده انى بقدر اوصل الابتسامه
ra7eel
طيب لو وراء الشمس تبقوا عرفتوا مكان تدوروا فيه
بتوحشينى يا رحيل
عامله ايه ؟؟؟؟
مناجاة
اختى مناجاه
انا بنضم لابنك الشرير
وابقى شريره زيه
ويتلطموا
يتلطموا
ملناش دعوه
ماهم لطموا ناس كتير
ازيك يا فرنستي
غايبة عني ليه يا حبيتي؟؟
هو انا كل شوية هاجي ادي زقة للعجلة بتاعتك علشان تيجي تشوفي مدونتي ؟؟
شوية كلام ها
:))
MerMaid
العجله كانت مخسعه من امبارح
كان عندى دور برد
ولسه داخله النت من نص ساعه
عسل يا فرنسا وكويس ياخاله انك جيتى بالسلامه بس كان عندى سؤال للمحروس.....هيا الست والدته جابت منه كام؟...علشان نبقى ف الصوره بس مع إن السحنه دى ميجيش منها أكتر من واااااااااااااااااحد فقط لا غير
الست والدته ؟؟؟؟؟؟؟؟
اه
فكرتينى
ده اتولد زينا
خالتى فرنسا
اولا كل سنة و انت طيبة و دمك سكر و زى العسل
ثانيا مكنتيش عارفة تخبى الورقة بتاعت الاسئلة كويس ليه يا خالتى ؟؟
طيب بصى لو حصل و قدرتى تقابلى بوش ابقى اساله و النبى فين بترول العراق ؟؟و لو بياخده بيدفع تمنه ؟؟ طيب بلاش البترول فين الاثار ؟؟ ابقى دعبسى كده فى جيوبه و شوفى هو اخد ايه منها
بس خدى بالك ليطمع فى العجلة :)
فرنسا هانم ..
ربنا يتم شفاكى على خير
ربنا ما يحرمك ولا يحرمنا من احلام يقظتك ونومك المليئة بالمقابلات الهادفة
ربنا ما يحرمكيش من عجلتك الغالية وتلفى بيها الكون كله وتقابلى بقية السلاطين والسلطانيات العرب نفر نفر
وكمان فوق البيعة ربنا ما يحرمك من حبنا ودعئنا والتفافنا حوالين مواضيعك الرائعة
دمتى بكل خير وصحة
حبى الخالص ومودتى الصافية
هدى
عندى شوية اسئلة بس مش لمستر بوش
لأ دى هتكون لمستر مبارك
تصدقى انتى خليتى الدماغ الخيخية تشتغل
وهاعمل حاجة زى البوست بتاعك ده
بس اسئلتى هتكون لاسمه ايه ده
بس هما يا فرنستى الجميلة نسيوا يكتبوا فى شريط الاخبار الخبر التالى
فرنسا تتوقف فى محطة البنزين لتنفخ كاوتش العجلة
تحية كبيرة ليكى
وابقى فعلا اتغطى كويس
علشان الدنيا برد اوى
اختك خيخة
يا خالتو فرنسا
حد يروح للقضاء برجليه وهى دى خلقه تتشاف اصلا ربنا يصبرك
بصى بقاء يا فرنسا هلنم انا جاى عامل عرض لقطه انتى تروحى لبتوع بتروجيت اقنعيهم يسيبو وليد سليمان واسامه محمد للاهلى وليكى كوميشن حلو قوى عجله سباق موديل 2008 فول اوبشن بالكتالوج والاستبنات بتعتها قولتى ايه
السلام عليكم ورحمة الله وبركاته
كيف احوالك فرنستى الجميله
ايه انتى ناسيانى خالص كده
ماشى يا ستى بقى انا قلت انك هتعسكرى عندى ماشى
براحتك
انا جيت اطمن عليك واسلم بس
الأخت فرنسا
تحياتي و أضيف سؤال للسيد بوش امده الله بصاروخ يجي بين عينيه و يتحول لقرد
ياترى هتطلعوا امتى
مش عارف فيه ناس تانية ليها احلام مشابهة....
فيه واحد سعودي...كاتب ساخر جدا ورهيب ..اسمه ابو شمس كتب موضوع زي بتاعك....
اتفضلي -حضرتك- اقريه...
بس من حوالي 9 شهور
:)
http://aboshms.ektob.com/50379.html
من القلب
حلو سؤال الاثار ده ؟؟؟؟؟
وانا كنت بقول ناسيه ايه يا فرنسا ناسيه ايه ؟؟؟؟
بجد بحييك على السؤال ده
فين اثار العراق ؟؟؟؟؟؟؟؟؟
rainbow
اقابل السلطانيات
كويس
بس متكونش السلطانيه بتاعه تاج الجزيره
ازيك يا هدى وحشتينى جدا
بت خيخة وأى كلام
نونايه
عسلايه
انتى عامله ايه ؟؟؟؟
انا بعت العجله مع ولد صغير علشان حركه تموين
رئيس جمهوريه نفسى
عمنا رئيس الجمهوريه
انت اكبر نخاع
بس ولا كلمه
انت مش وعدتنى تجيب طقم كاوتشات استبن جديد للعجله
وقلت الجمهوريه هتستوردهم
فين بقى الكوتشات والاستبن
هات الوعد القديم
ونبدء نفكر فى الجديد
ام الابناء
اقسم بالله
واقسم بالله تانى
انى كنت فى مدونتك امبارح
وملقتشى جديد
بس اوعدك
اما اروح مره تانيه
هسيب تعليق حتى لو كنت معلقه قبل كده
والدليل على كلامى
انك وانتى بتنزلى التعليقات
اكيد شفتى تعليقين لى
واحد المغرب
والتانى فى السهره
اصلى بنام متاخره شويه
انا فعلا احببتك جدا جدا
مثلية تبحث عن ذاتها
كده القرود هتزعل منك وهتخاصمك
وعلى كل حال
ضميت سؤالك مع الاسئله
خالد
انا تانى مره ارد عليك
انا قريت موضوع ابو شمس
وهو فعلا جميل جدا جدا
اشكرك على اللينك
لهم حق يخصخصوكى يا فرنسا
بقى تسالى الراجل عن الانتخابات واللى فيها
وتساليه اذا كان الموساد له دخل فى فضيحة كلينتون ولا لأ
ومش عايزاهم يخصخصوكى
بقولك ايه يا فرنسا ياختشى... نعمل ايه مع بوستاتك الجامدة دى
يعنى ايه حلها بالظبط؟؟
تحياتى
شيماء
إرسال تعليق