رهنت العجله بتاعتى
وخدت المبلغ بتاع الرهنيه واشتريت بيه حصانه
ايوه حصانه
لا متودوناش فى داهيه مش الحصانه بتاعه مجلس الشعب
قصدى حصانه مرات الحصان الفرسه يعنى من الاخر
وجبت لها كام لجام محترمين صنع فى الجيزه مع بردعه اخر شقاوه وجرس بتلاته نغمه وحميتها وسرحت لها شعرها وقصيت حوافيرها
وركبت لها بطاريه جنب الديل وشغلت ام بى ثرى
وكام فلاشر يمين وشمال
وخرزه زرقه علشان عين الحسود فيها عود
ومشيت العلع فى السويس
كل اللى ماشى واللى رايح يقول مين الفارسه دى
شجره الدر ؟؟؟؟؟؟؟
لا طبعا اصل القباقيب انقرضت
دى فرنسا هانم
المهم اخذت الحصانه
لا مش الحصانه مرات الحصان
هتودونا فى داهيه برضه
اخدت الحصانه بتاعه مجلس الشعب
الناس رشحونى ونجحت بدون تزوير ولا فتوانه
وطبعا انا كريمه قلت اشارك اخوانى واخواتى المدونين والمدونات فى الحصانه
قمت عملت تاج
وكل واحد يجاوب عليه ياخد الحصانه لغايه لما يخلص التاج وبعدين يرجعها
معلش علشان عايزين نرجع العجله
هى ايدى ورجلى بتحرك بيها فى اى مكان واى وقت نفاثه
طبعا من المفروض ان تكون مؤلفه التاج اول من تجاوب عليه
ولكن
لاننا فى مجلس الشعب
فيجب ان يرأس الجلسه اكبر الاعضاء سنا
واكبر الاعضاء عندنا اللى انا اعرفهم
الاستاذ وطنى
مينفعشى اجاوب قبله
وانا ادعوه لبدء الجلسه والاجابه على التاج
تاج
دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟
كنت تفضل الدخول مستقل او تتبع حزب معين ؟؟؟؟
اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟
ايه اول حاجه هتعملها لنفسك ولاسرتك ؟؟؟؟؟
ايه المشروع اللى ناوى تعمله لاهل دايرتك ؟؟؟؟دون ذكر اسم الدائره ان اردت
قعدت فى المجلس جنب نائب مميز . من هو النائب ؟؟؟
قدمت سؤال للحكومه ايه هو السؤال ؟؟؟؟؟
طلب احاطه موضوعه ايه ؟؟؟ وبتقدمه لمين ؟؟؟؟
استجواب لاتنين من الوزراء موضوعه ايه ؟؟؟؟وبتستجوب مين ؟؟؟؟
هل انت مع الخصخصه ؟؟؟؟؟؟
هل انت مع قطع العلاقه مع اسرائيل ؟؟؟؟؟
هل تؤيد الحرب الحرب على العراق ؟؟؟؟؟؟؟؟
هل تؤيد مرور الامريكان فى القناه ؟؟؟؟؟؟
هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟؟
بتمرر التاج ده لمين ؟؟؟؟؟؟؟؟
وانا عن نفسى اقدم التاج هديه لاول خمس تعليقات على تلك التدوينه
يعنى من نفسهم كده بعد عمنا وطنى يحضروا نفسهم لاستلام الحصانه
رفعت الجلسه
على ان تعود للانعقاد بعد فك رهنيه العجله
فرنسا هانم
السويس
فى يوم السبت الموافق فى المشمش
الاشتراك في:
تعليقات الرسالة (Atom)
هناك 117 تعليقًا:
هههههههههههههه
خالتي فرنسا انتي عسل والله :D
كده هتخوفي الناس من اول 5 تعليقات بس احنا مش بنخاف
ومش بنتكلم في السياسة
وبالتالى مش رادة على التاج رغم انى اول تعليق :P
بجد بوست دمه خفيف واسئلة في الجون زي ما بيقولوا :)
دمتِ متألقة دوما ياخالتو
سبحان الله .. أنا داخل والله أعمل حاجة للشغل فوجدت التدبيسة دي
الله يسامحك يا فرنسا هانم
انا والله مليش في موضوع التاجات ده
و انت كدة وضعتيني في موقف (بفتح القاف ) لكن أعمل ايه .. على رأي الست
حاضر يا ستي حجاوبه
...........
طبعا انا أشكر حضرتك على هذه ( العمة ) بكسر العين اللي انتي لبستهيالي بحكاية أكبر الأعضاء سنا دي ... أمرنا لله
الله يسامحك يا فرنسا هانم
انا والله مليش في موضوع التاجات ده
و انت كدة وضعتيني في موقف (بفتح القاف ) لكن أعمل ايه .. على رأي الست
حاضر يا ستي حجاوبه
انا الرابعه
بحجز بس
تاج وسياسة
نياهاهاهاهااااااا
( ضحكة شريرة )
شكلك حزب وطنى يا فرنسا اعترفى
حرام عليكى ياخالتى وانا بحجز المكان وماعرفش ايه اللى هيحصل للخمسه
يادى التوريطه
هههههههههههههههههه
خالتى ياخالتى ايه التاجات المؤلفه الصعبه دى
بس كده ترهنى العجله
مش هينفع كده ياخالتى
لالالا لازم النس تجاوب التاج ده بالعافيه علشان ترجع عجلتك ياخالتى الى ارض الوطن
:)
ربنا يكرمك ويسترها معاكى دنيا واخره:)
بصراحة تاج .. محتاج حصانة عشان ما نروحش ورا الشمس
يا فرنسااااااااااا يا جامدةةةةةةةةةة اوىىىىىى
شوفيلك حتة تانية تروحيها والنبى
ورا الشمس اتملى خلاصصصصصصصصصص
لسلام عليكم
مش من اول خمس تعليقات
والحمد لله اني مش منهم
مبروك الفرسه
المهره يعني
أنا الحمد لله بعيد عن خمس تعليقات بس حاخد التاج وحاقول صنع في فرنسا
ههههههههههههه
بوست دمه خفييييف اوى يا فرنسا هانم
اصل دي حاجات ماخدناهاش
ومش في المنهج
الدكتور لغى الفصل ده
ومش داخل في الامتحان
انا جديده فى عالم التدوين يافرنساممكن تحجزيلى مكان معاكوا بس مش فى الرد فى الفرجه بس على اللى هيحصل بعد كده؟؟؟؟؟؟؟
رنسا هانم
لا حصانة حصانة يعنى
فرسة :)
لا تاج جميل وسياسى جدا
وكمان عايزة اسم الدايرة
ماااااااااااااشى
عرفوا ياثروا فيكى بسرعة
عرفوا شعبيتك
ربنا يستر ومتحوليش للحزب الوطنى
بجد انتى دمك زى العسل بموت فيكى
الحمد لله بقا لينا واسطه فى مجلس الشعب طبعا انتى مش عايزة توصيه
انتى عارفه مطالبنا
منتظرة ردك على الاستجوابات
أيه يا فرنستى الكلام الجامد ده طب انتى ياستى واصله انما إحنا غلابة هنروح فين ونييجى منين بس خلاص بقالنا واسطه اهه عاوزه انا بقى أرخص توك توك المنوفيه السويس الصحراوى علشان الواحد مايزحمش الزراعى برضو
ههههههههههه
الحمد لله انا رقم 18
مبروك على الحصانة
يلهوى حصانة مين
قصدى الفرسة طبعا متفهموناش غلط
همسة قلم
حبيبتى
التاج ليس اجبارى
التاج اختيارى
فمدونه فرنسا
مدونه ديمقراطيه استراتيجيه حره متحده
ولا يهمك
نشوف اللى بعدك
نحمد الله العلى القدير اننا من اصحاب التعليقات اللى عدت الخمساشر مش الخمسة بس
:))
التاج دا مكلكع اوى ولازمله دماغ جامدة عشان يترد عليه
دى حصااانة ياجماعة مش لعب مساكة:)
بس فعلا وحقيقى وفى الواقع انتى من اكتر الناس اللى بستمتع جدااا لما بشوف كتاباتهم وعديت دلوقت على البوستات اللى فاتتنى
انا كنت بغيبوبة باين عليا واللا ايه
وحمدلله على سلامتك من الجبس ..عقبال ماتشيليه كله وتقوميلنا بالف سلامة
معلش التهنئة متاخرة اعذرينى
وتوصبيحين على خيرون
:)
الحمد لله اني مش من أول خمسة
ده مش بوست
ده داهية تودي ورا الشمس
شكلك كده يا فرنسا عاوزة تودي عمنا الوطني في داهية
انا جاي أهدي النفوس طبعا
في انتظار التاج عند عمنا الوطني
سلام وخلي بالك من العجلة
وطني
سيدى الفاضل وطنى
قبل الرد عليك قرأت اجابتك على التاج
وفعلا
كان عندى حق فى اختيارك
اشكرك على الرد
عاشقه الفردوس
انت الاولى بعد اعتذار همسه قلم
Desert cat
اقسم بالله اننى
لا انتمى الى الحزب الوطنى ولا اى حزب
انا مستكل
لا
مش موتوسيكل
مستكل
يعنى فيات مستكل
كله شغل عربيات
Desert cat
اه نسيت
انتى المرشحه رقم اتنين
اليكى الميكروفون
قصدى اليكى التاج
عاشقه الفردوس
اشكرك على مساندتى فى مسئله رجوع العجله
بالرد على التاج
وبعدين انا ماكنشى قصدى
هى جت فيكى
اعمل ايه ؟؟؟؟؟
ابن حـجـر الـعـسـقـلانـى
معلشى يابن حجر
انت المرشح الثالث
نصيبك كده
مروة الزارع
مروه
انتى المرشحع الرابعه
ازاى معرفشى انا
اليكى التاج
mohand
منهم يا ريس
انت المرشح رقم خمسه
اليك التاج
واحسبها كويس
عاشقه الفردوس تعليقين بتعليق
ووطنى تعليقين
لا يحسبوا
لان التاج اليه من البدايه
هو رئيس المجلس
وباعتذار همسه قلم
اتدبست يا ريس
عصفور المدينة
قدها وادود يا استاذنا
اشكرك على الاستجابه
Nada
شكرا يا ندى
زياره سريعه دى ؟؟؟؟؟؟
سها
يمكن المنهج اتغير
او
اتلغى اساسا
Anonymous
اتفرجى براحتك
ومن المقصوره كمان
امام الجيل
امامنا
مين يقدر يؤثر على فرنسا
طول عمرى دماغى ناشفه
ومش سهل حد يؤثر فيا
انا
لم ولن انتمى لاى حزب
لان الساحه فارغه
رفقة عمر
طبعا عارفه المطالب
وانا من موقعى هذا
ومن مكانى هذا
اقول
المطالب تحقيقها
يستلزم هزه ارضيه قوتها 9 بمقياس ريختر للهزات
بس مش هزات فيفى عبده
مستجدة
اول طريق السويس بس
علشان التوك توك ممنوع منعا باتا فى السويس
ghalia
الله يبارك فيكى
ويكرمك بحصانه
لا
مش فرسه
قصدى تنجحى فى الانتخابات وتدخلى المجلس
ŞoŖśậŖấầ
وانتى من اهلون
يا سارتون
وشكرا على التهنئه
وعبقال ما تهنينى كده
لما الكسر بتاع الفقرات القطنيه يلم
وارجع
العب مصارعه
وهوكى الجليد
انا مجهزه كام قالب تلج فى التلاجه النو فروست ام بابين
صاحب المضيفة
لا والله
انا اروح قبلهوبعدين عمنا الوطنى جاوب على التاج
وكانت اجاباته هايله
farancaaaaa:
ana geet met2a7'ar o mesh le7e2t akoon mn awel 7'amas motasabqeen,2asdy awl 7'amas mo3aleqeen bas dah 3'asb 3any o enty 3arfa ba2a fro2 el tawqeet been masr o usa
el mohem ana harod 3al tag dah o 2amry lelah bas rabena youstor o amd el dalwah mesh yewadeny fe dahya
1-bosy ya sity ana el rabz el 2ente7'aby beta3y haykoon 3alam masr ,2a3mel 2eh ba7ebaha awy.
2-taba3a2 ya farance had7'ol k 7ezb mostaqel o akoon tabe3a leh isa mn gamal el 2a7zab elly fe masr awy hatba3 wa7ed fehom
3-la2 taba3a2 ya benty dah mafesh 7ezb bakrahoh ad el 7ezb el watany,rabena ya7'dak ya gamal ya moubarak.
4-mesh ha3mel 2ay 7aga wala l nafsy wala l 2ahly,ha3mel 7agat kteer l 2ahl dayrety.
5-well isa ana harasha7 nafsy l dayret madenet nasr o awel 7aga ha3melha heya eny ha7awel 2a3mel malga2 lel 2aytam o dar moseneen 3ala mostawa 3ashan el nas deh betes3ab 3alaya awy o ha7'aleh magany\
6-mesh ba7eb 2a2eod gamb 7ad 3ashan el amrad o kaman kolohom 7emeeeer.
7-ha2ol lel 7okomah so2al wa7ed bas ma3aneeh kteer awy,ha2olohom LEH KEDAH
8-shoufy ya faranca ana law 3amalt 2e7atah hataleb b sheel 7osny mobarak mn el 7okm o ha2demo leh sha7'seyaa2
9-bosy ya faranca ana mesh fakrah 2asma2 el weozaragh 7'ales bas ana akeed hastagweb wazeer el ta3leem o ra2ees el wozarah.o has2olahom leh beydamaro masr o masr 3amaletlohom 2eh we7esh,o 3ashan 2eh 2e7na balad mota7'alefah o leh mesh yetawar nezam el ta3leem
ama ra2es el wozarah has2aloh howa leh mesh bey3ayen 7ad gedeed o el nas 3afenet mn koty ama ba2alha ktyeer wozarah.
10-2ayna3am ana ma3a el 7'as7'asah
11-walahy ana ded 2at3 el 3elaqat ma3a israel ma7na 3amalna ma3ahom 2etefaqeyet camb david so metsal7een ma3ahom 2aslan yeb2a leh ba2a ne2ate3hom badal ama na7'od mn 7'brethiom o homa 3ala fekra sha3b zaky geda2.
12-no comment 3ala 7arb el 3eraq,bas homa elly 3amalo keda fe nafsohom o ana shakly keda hatdereb law 2olt enohom 7'ano nafsohom.
13-may3ado ya3ny howa 2eh el moshkelah ya3ny ya farnca ma7na 7'adna menhom kol el 3adat el zeft mn 7'amra o diso gat 3al 7agah elly betgeeb floos o newa2afha.
14-ana el zabat el ragel elly kasarlek reglek dah 3ashan ya3melek keda o 2edeto 2 dollar,lol
bahazar taba3a2
15-walahy ana 2aslan mesh ba7eb amarar el tag l 7ad bas hafakar
salam ya gamiel
السلام عليكم
ازيك يا خالتى فرنسا وحشانى بجد اوى اوى ومتشكره جدا على سؤالك عليه وأسفه لتأخيرى فى الزياره والتعليق بس قريت كل البوستاتك
ومبروك الحصانه طبعا مش حصانه مجلس الشعب
بس سيبك انتى بوست وتاج فى الجووووووووووووون
الواحد يجاوب حقيقه ويروح ما يعرفش فين
لا بجد جميل أوى
تحياتى ليكى يا أجمل خاله
لااااااااااا
يا فرنستى انتى كده دماغك رايحه فى سكه الى يروح ميرجعش وانا محذراكى.. من اول قلم هعترف على طول هو انا حمل بهدله
بس تعرفى دانا لو معايا الحصانه الى هى "الفرس" يعنى دى كنت سويت الهوايل
يعنى كنت لميت الى قدرت عليه وهربت بره البلد ولا حتى ممكن مهربش ..اروح اعيش مع بتوع الحصنه الى زى مهم اصلهم عايشين عيشه فل مش هم اصحاب الحصانه "الفرس" يعنى بيعملو كده
ايوة منا هفهمك
هما اصلهم بيخصخصوا ا ا قصدى بيبيعوا الفرسه والحاجات دى لو اصيله بتجيب شىء وشويات
يووه شكلى لبخت
فرنستى خلى بالك ده هوا قلم
:)))))))))))))))
دمك زى السكر يا جميل
Sola
ياستى انا بشكرك جدا على تكرمك بالرد على التاج
بس انتى فعلا مبتحبيش تقعدى جنب حد ؟؟؟؟؟
على فكره
كنت عايزه اسئلك عن احوالك
عامله ايه دلوقتى ؟؟؟
حياة الأحلام
شفتى المدونه نورت ازاى
كانت ضلمه من غيرك
انتى فعلا نورتيها
عامله ايه دلوقتى ؟؟
صدقينى انا زعلت قوى لما دخلت عندك ولقيتك تعبانه ؟؟؟؟
shayma
بتبعينى بقلم يا شيماء
يابنتى القلام بالهبل
والصين عامله اقلام رخيصه وتفضى تترمى على طول
كنا زمان بنغير الانبوبه بتاعه القلم
دلوقتى بنرمى على طول
وانتى لو خدتى قلم
ارميه طوالى
سلام يا اجمل شيماء
farancaaa:
ya fande, 2ah ana fa3lan mesh ba7eb 2a2eod gamb 7ad 7'ales,o ana el 7amdo lelah lesa mokta2eba bas isa soon kol 7aga hatkoon tamaam
Sola
انا بدعو الله ان كل حاجه تكون تمام فعلا
وترمى الاكتئاب فى عرض المحيط الاطلنطى
وتضربيه بالشلوت كمان
يدوبك فاتنتي الخمسه الأولانيين
معلش
انا اليومين دول اصلا
الله أعم بحالي
الواحد كان فين في المدونات وبقى فين
باين يا خالتوا ان الدنيا غير مكنت متصور خالص
الواحد كان عايش في أوهام تغيرت وتبدلت بعد لما نزلت الشارع
انا بس لي تعليق على بند في البنود
أتمنى ان موضوع الخدمات ده يتلغي خالص من فكر الناس عن عضو مجلس الشعب
نفسي فعلا في كده
لأن يا جماعه توزيع الأدوار شيء في غاية الأهميه
الوحده المحليه لها دور
والمجلس المحلي
والمحافظ
والوزارات
والحكومه
احنا بقى عندنا فكر ان عضو مجلس الشعب هو المفروض يعمل كل الحاجات دي
والحزن الوطني عندنا هو اللي بدع الموضوع ده عشان يداري على خيبة النواب ويشتري الأصوات
فبالتالي يا ريت ي خالتو نغير الموضوع ده
ربنا يكرمك يا رب
ويتم شفاكي على خير
تقصدى اول خمس تعليقات من الأول ولا من الأخر
وبعدين
مفيش حاجة كدة للفقراء والمساكين؟؟؟؟؟
تحياتى
السلام عليكم ورحمة الله وبركاته
هيييييييييييه الحمد لله انا رقم واحد بعد الخمسين
يبقي فلت من التاج
علي راي سمباتيك :
التاج ممنوع والزعل مرفوع
هههههههههههه
فرنسا هانم ...تحياتي
السادة الاعضاء تقدموا باستجوبات بعدد شعر رأسهم... عايزين يعرفوا كيف
يتم تدخل خارجي ( فرنسا)...
تحياتي و تمنياتي.
ياخالتو فرنسا مش تزعلي مني
انا مش اقدر على زعلك ابدا .. التاج فوق راسي وجوة عيوني :)
اوعي تزعلى مني بجد:(
يا نهار ابيض عليكى انتى ناويه تودى المدونين فين بالتاج ده الحمد لله مكنتش من الخمسه بس الاحلى اللى عاوز يستخبى يجى عندى الكوكب اصلها ملبسانه فى حيطه جامده هههههههههههههه
فرنستى الغالية
اولا بدأت اشك فيكى
حسيت انك مزئوئة علينا
وانك مخابرات مش عارفة ليه
عموما انا نويت اجاوب بصراحة
اول سؤال
دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟
عندى رموز كتير عجبانى يعنى ممكن اطؤرح كام رمز والناس تختار اللى عاجبها
يعنى مثلا عندى رمز القصرية
ورمز البامبرز
والخازوق
والكنجارو
وكل رمز من الرموز دى بتعبر عن حاجة معينة جوايا بس مش هينفع اقولها
تانى سؤال
كنت تفضل الدخول مستقل او تتبع حزب معين ؟؟؟؟
اكون مستقل
تالت سؤال
اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟
لا لا اوافق
رابع سؤال
ايه اول حاجه هتعملها لنفسك ولاسرتك ؟؟؟؟؟
هاشترى شقة ببلكونة وكرسى هزاز ثابت
خامس سؤال
ايه المشروع اللى ناوى تعمله لاهل دايرتك ؟؟؟؟دون ذكر اسم الدائره ان اردت
عايزة اعمل مدرسة من كى جى وان لحد الثانوى
ويكون ملحق بها دار ايتام
ومدرسة لمحو الامية
ويكون فيه مطعم الناس تيجى تاكل كل يوم فى اى وقت اللى هى عايزاه وببلاش
وابنى عمارات كتير اوى وتكون متشطبة تشطيب كويس وفيها فرش كويس واخلى الناس اللى مش لاقية شقة تاويهم اخليهم ياخدوا شقة
حاجات كتيييير اوى فى دماغى هاعملها
كلها تتعلق بمساعدة الاخرين
سادس سؤال
قعدت فى المجلس جنب نائب مميز . من هو النائب ؟؟؟
شاهيناز النجار قبل ما تتجوز وتقعد فى البيت
سابع سؤال
قدمت سؤال للحكومه ايه هو السؤال ؟؟؟؟؟
الناس تعبانة ليه؟
رغم انكم بتحلفوا انكم عايزين تريحوها امال هما ليه تعبانيين
تامن سؤال
طلب احاطه موضوعه ايه ؟؟؟ وبتقدمه لمين ؟؟؟؟
اساس معرفش يعنى ايه طلب احاطة
تاسع سؤال
استجواب لاتنين من الوزراء موضوعه ايه ؟؟؟؟وبتستجوب مين ؟؟؟؟
الوزرا هما حبيب العادلى وزير الداخلية
وهاقوله انت ليه اسمك مش على مسمى
وتانى وزير
هو عزوز فخد الجمل
قصدى اسمه ايه ده حاجة الجمل كدة بتاع التعليم
وهاقوله
هو انت عايز ايه بالضبط من العيال
عاشر سؤال
هل انت مع الخصخصه ؟؟؟؟؟؟
لو الخصخصة لمستثمرين مصريين
اه معاها
ولو الخصخصة هتوفر فرص عمل اكتر للشباب
اه معاها
غير كدة انا مش معاها
السؤال الحداشر
هل انت مع قطع العلاقه مع اسرائيل ؟؟؟؟؟
ايوة ايوة ايوة
انا مع قطع العلاقة مع اسرائيل
انور السادات لما عمل معاهدة السلام
كان القصد منها السير على مبدا صباح الخير يا جارى انت فى حالك وانا فى حالى
ماعملهاش علشان نروح عندهم ويجوا عندنا وتبقى الحياة بمبى
ماعملهاش علشان نحط ايدنا فى ايدهم ونعمل بيزنس
دول اسرائيل
يعنى هنلاقى فى كل بيت فى شهيد مات برصاصهم
فى ام قلبها اتحرق على ابنها وفيه زوجة اترملت وفيه عيال اتيتمت
وفى ارض اغتصبوها ولاد الكلب
ازاى نحط ايدنا فى ايدهم
ازااااااااااااااااى
انا بكره اسرائيل
وبحتقر اى مصرى بيحط ايده فى ايدين واحد اسرائيلى لمجرد انه يزود عدد ملياراته فى بنوك سويسرا وينسى تاريخهم الاسود معانا
ايوة انا مع قطع كل العلاقات اللى بينا وبين اسرائيل
السؤال الاتناشر
هل تؤيد الحرب الحرب على العراق ؟؟؟؟؟؟؟؟
لا طبعا لا أؤيد
السؤال التلتاشر
هل تؤيد مرور الامريكان فى القناه ؟؟؟؟؟؟
لو مرورهم مافيهوش اى ادنى اذية يمروا بس بشرط يدفعوا قيمة المرور بالجنيه المصرى
واى حد يمر فى القناة يدفع بالجنيه المصرى
وبكدة الطلب على الجنيه المصرى هيزيد
وبالتالى هترتفع قيمته
وهتترد فيه الروح من تانى
السؤال الاربعتاشر
هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟؟
لا والله انا ماشتركتش يافرنستى الغالية
تلاقى البت دوبا هى اللى اشتركت
السؤال الخمستاشر
تمرر التاج لمين
مش هامرره
انا هارجعهولك تانى يا فرنسا وانتى اتصرفى فيه
بس خلاص
انتهى
سلام
اختك خيخة
دكتور حر
ابن اختى الحبيب
انت كلامك منطقى جدا
وعلى حق
ولكن
جرى العرف على تحميل العضو كل ما ذكرت
وهذا بالطبع
لايمكن تغيره بين يوم وليله
الا
وما ادراك ما الا
الا اذا قامت الحكومه بتذليل جميع المشاكل لدى الناس وبالتالى لا يلجاء المواطن الى الاعضاء
ويتركهم ليقولوا نعم او لا
وبالطبع سيقولون نعم
ادعوا من الله
ان يذلل كل عاقبه تقف امامك
وتحياتى
الطائر الحزين
اقصد اول خمس تعليقات من الاول
وبعدين الفقراء
انا منهم
حد عنده حاجه لينا ؟؟؟؟؟؟؟
فين ام الابناء ؟؟؟؟
خمسة فضفضة
يا حبيبتى حتى لو فلتى المره دى
المره الجايه مش هتفلتى
لكن
انا عندى راى للاخوه والاخوات اللى مش متقبلين التاج ده لانه سياسى
مش لازم ان الواحد لما يتكلم يشتم الحكومه
ممكن يكون دبلوماسى فى رده
وبعدين
لما نمسك التاج
انا اظن ان الاجابه عليه سهله
ومفيهاش اى حاجه خارجه
والكلام الموجود فيها
بيتكلموا عليه فى جميع وسائل الاعلام
وتحياتى لكى
الربان
ارجو اعاده السؤال
لانى مش فهماه
همسة قلم
لا والله انا مش زعلانه منك
لكن فاتك انك تأخرى ترتيبك فى التعليقات الى السادس
وتخلصى من المطب ده
لكن
انا اللى مقدرشى على زعلك
انتى عارفه انا بعزك اد ايه
سلامى يا قمرايه
appy
انا اللى ناويه اودى المدونين فين ؟؟؟؟؟
ولا انتى اللى بتلمى الناس فى الكوكب بتاعك وتبلغى عنهم
بس اسمعى
احجزيلى اودتين وصاله فى الكوكب
ويكونوا بمنافعهم
وبحرى
وبعقد دايم
مش عقد مؤقت
ومقدم حنين الله يسترك
بت خيخة وأى كلام
طلب احاطه
هو طلب يتقدم به مجموعه من الاعضاء لمناقشه قضيه ما على وجه السرعه
ويقوم الاعضاء بالامضاء عليه فى الجلسه
ووزير التعليم
اسمه يسرى الجمل
وانا اشكرك على تطوعك بالرد على التاج
وعلى فكره
انا كنت شاكه فعلا فى البت دوبه
انا اول مره اجي المدونه رغم اني كنت بشوف اسمك كتير جدا في كل المدونات الصديقه
بس بجد
سكره
عايزه افعكش شويه في باقي المدونه وابعديني عن التاج
انا بمتحن
سلاموز
سلام عليكم
اول مرة ادخل مدونتك
بس واضح ان اسلوبك مميز ... قريت اول بوست كتبتيه في المدونة
واعتقد ان السرد اللي سردتيه عن العرسان وتقشير البصل كل البنات مرت بيه ولو كان ماليش دعوة بالموضوع لكن مش لازن تنسي موضوع الزواج ده وتشيليه من بالك
على كل حال... انا مش مصرية لكن بحب مصر جدا وبحب اهلها
وكمان انا من اكبر المعجبين بعبلة كامل... بالفعل ممثلة رائعة
بالتوفيق ان شاء الله يا خالتي فرنسا
وان شاء الله ححاول على طول ازورك واقرا جديدك
تحياتي
استمتعت بالبلوق و كل البوستس وايـــــــــد .. شكرا لكلماتك
ما شاء الله عليكى
قدرتى توصفى الحال اللى موجود بالظبط
ربنا يحفظك ويصونك يارب
اولا السلام عليكم ورحمة الله
وعام هجري زي الفل على المسلمين كلهم
ثانيا شرفتيني ونورتي مدونتي الممتواضعة بزيارتك واتمنى تزوريني على طول
بالنسبة لعكروتي اسراء هطمنك عليها بس في المدونة بتاعتي عشان تيجي تاني
موضوعك هايل وواقعي جدا جدا وكان نفسي اخد التاج دة احله
باذن الله اول ما اطمئن على اسراء اكون حوزت على موافقتك واحله مع تاج حبيبتي عاشقة الفردوس ويارب
يسيبوني اربي عيالي بعد ما اجاوبه
يعنى أرجع من الامتحان القيكى رهنتى العجله
أنا من البدايه قلت أمتحان الفرنساوى ده وشه وحش
أه والله وشه وحش
بما أنك دخلتى المجلس وكده كده العجله اترهنت فأنا من موقعى هذا
بناشد السيده فرنسا صاحبة القلب الكبير
أن تطالب بأصلاح أحوال التعليم فى مصر وأن تطالب أيضا بألغاء ماده اللغه الفرنسيه من قسم اللغه الانجليزيه اللى هو احنا يعنى
عشان أنا مبحبش الفرنساوى
والسلام عليكم ورحمة الله وبركاته
كانت معكم هند عمار من أمام مدرج 5 كلية الاداب جامعة طنطا
فعكشى براحتك خالص مالص
وبعد ما تفعكشى سكى الباب وراكى
شرفتينى بزيارتك
وربنا معاكى فى الامتحانات
دعوة الفردوس
الرد اللى فوق ده بتاعك بس اسفه نسيت اكتب الاسم
شهيدة
تحياتى الى كل لبنان
واهل لبنان
وانا مستنياكى تشرفى بلدك التانى مصر بعد لبنان عن طريق فرنسا
لغبطنا الدول كلها فى بعض
قصدى عن طريق مدونه فرنسا هانم
`~MnO YeNSa! ~`
مرحب بالكويت وباهل الكويت
نورتى المدونه
والساقع قدامك اتفضلى
والحلو كمان
الحشرى
اشكرك يا حشرى
ونورتنى جدا
nonoymm
حبيبتى الغاليه ام اسراء
كده مش عايزه تطمنينى على اسراء
طيب يا ستى
انا هنزل بليل اجيب كام كيلو برتقال
واجى ازورها فى المدونه بنفسى
سلام يا قمر
والف سلامه للكتكوته اللى حبيها قوى قوى
3ala asm masr
ازيك يا هند
اخيرا خلصتى امتحانات
عايزه اطمئن
ايه الاخبار ؟؟؟
وعلشان تعرفى معزتك عندى
انا هطالب بمسح الفرنساوى من عندكم مسح
على فكره انا كمان ماكنتش بحب الفرنساوى
ورغم كده سميت نفسى فرنسا
تحياتى
gmlانا المرشحة التانية
ده ايه التدبيسة دى بقى دى بقى دى
حاضر يا قمرى اصلا انا مش اقدر ارفض لك ترشيح
تاج جامد جدا واسلوب حضرتيك رائع في عرضه بس اشمعنا يعني حضرتيك سيبتي مصر كلها وجبتي الحصانه من الجيزه انا احتج كده لان انا من الجيزه وبطالب باستجواب فوري
ربنا يبارك في حضرتيك وجزاكم الله خير
بصراحه جامد موت التاج ده والنبى يبقى اديه ليه قريب علشان حترشح محليات بجد كخطوه اولى يا فرنسا هانم
للوصول لمجلس الشعب
ثانيا ارتحتى وقفتى الصفقه بتاعت اسامه محمد ووليد السيد ادينا خسرنا الكاس
السلام عليكم
أنا طبعا ما قرأتش البوست
مش رخامة
لا
علشان انا عندي إمتحانات
إدعيلي
إهىء إهىء إهىء
عندي بعد 8 ايام
تحياتي لكي
سلاموووووز
السلام عليكم ورحمة الله وبركاته
فرنستى الجميله
بجد موضوع حيوى وصياغتك له خرافة
فعلا خفة دمك مش على حد اثابك الله عنا خير الثواب
زى مانت كده بتسرى عنا بخفة دمك
عرفت انك بتسالى عليه انا جيت اقولك انى الحمد لله
كنت عاوزه رايك فى التدوينه الجديده الى مش عاجبه بعض الناس
ولو معجبتكيش
مش مشكله اختلافنا فى الراى لا يفسد الحب بينا قضية
مش كده ولا ايه
الخالة فرنسا
كل سنة وانتى طيبة
مبروك الحصانة
لا متفهمنيش غلط مش الحصانة
بتاعت مجلس الشعب
دى اصلا نقمة مش نعمة
انا قصدى الحصانة
اللى ببطارية دى
دايما بوستاتك دمها زى العسل
الحقيقة
الحمد لله انى وصلت متاخر
وعسى ان تكرهو شيئا
سلاموز
فرنسا هانم
ايه التاجات الجامده دى
هههههههه الحمد لله انى جيت فى الاخر
ربنا يعينهم بقى اللى يجاوبوا عليه
تحياتى لكى وتقديرى
عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم
ههههههه
بجد بوست فى الجون
و الأسئلة ممتازة جدا جدا
بس هتودى أول خمسة ف داهية
الحمد لله ان انا ال 85
ده ربنا بيحبنى على كدة
ههههههه
ربنا يكرمك
د.حمـــــاس
فرنسا هانم
ازي حضرك ده بداية
ثانيا بقى
مدونتك حضرتك عسولة جدا جدا وانا كمان عرفاها من زمان بس للاسف لما عرفتها كنت فى فترة امتحانات وبعد الامتحانات كان فيه شوية مشكلات ودلوقتى انا برضه فى امتحانات
المهم انى كنت عماله ااجل الكومنتات لحد لما افضى ولما لقيت مفيش بد وشكلى مش هافضى ابدا علشان اكتب لك كومينت محترم قلت اخلصي يا بنت بقى وروحى
حضرتك عسولة اوى و زى السكر :)
انا ماليش في التاج ده خالص لانى ولا اعرف حاجة عن مجلس الشعب ولا اعرف اسم ولا عضو هناك :)
ياريت حضرتك تشاركي معانا فى حل مشكلة صديقتي وحبيبتى فى مدونة شارك همومك
http://moshkela-w-7alaha.blogspot.com/
تحياتي
اوضح لك ما قصدت قوله و معذرة ان كان تعليقي في المرة السابقة غير واضح..
حضرتك بتتكلمي عن مقعد في مجلس الشعب
و بما انك اختارتي اسم " فرنسا هانم" فقد حصل لبس لدي السادة الاعضاء بالمجلس
و تتوهموا ان دخول فرنسا الي مجلس الشعب
يعد تدخل من جهة اجنبية في اعمال المجلس
فتقدموا باستجوابات و طلبات إحاطة..
تحياتي و تمنياتي بدوام التوفيق.
اية ياستى
هو رهن العجلة يجى على نافوخى انا
خدى تاكسى على حسابى ياستى وتعالى
وحشتينىىىىىىىىىىىىى
رجعتي العجله ولا لسه شكلك هايتقبض عليكي قريب
و ماحدش هايضمنك
تاج جميل يا قمر
ربما تكون الكلمات قليلة ، ولكن فانتازيا الحرف ملئت بملايين المعاني بين حرف التاج
تحياتي
Desert cat
قطتى الجميله
اشكرك جدا جدا على الاهتمام
وده برضه العشم
الفاتح الجعفري
لا انا جبت الحصانه من السويس
وده برضه ميمنعشى انى بحب الجيزه
علشان احنا ايام الهجره كنا مهجرين فى الجيزه
وبلتحديد فى وراق العرب
رئيس جمهوريه نفسى
اليك التاج
مش هيغلى عليك ابدا
وانا بدهولك من دلوقتى
اما الصفقه
فانا عملت مجهود خرافى
لغايه لما جبت سيد معوض
عبدالرحمن ياسين
ربنا معاك فى الامتحانات
لكن ابقى طمننا عليك
ام الابناء
ولعى انت بس على كوبايتين شاى من اللى وصى عليهم سلامه
ولو الطائر موجود يبقى تلاته شاى
وانا قادمه اليكى
فرافيرووووووووو
doha
بما انك سويسى
اديت صوتك لفرنسا ولا لاء
اكيد اه
مانا عارفه
ان انا ممكن اعتمد عليك
ra7eel
حظك جه كده
وده مش معناه ان الخمسه المختارين
مجبرين على الاجابه
لا
دى حريه
وانا ديمقراطيه
لكن
اللى مش هيجاوب
باب زويله لسه موجود
نقطة مية
اعلان مدفوع الاجر
DR.HAMAS
ياسيدى
ماحنا هنا فى داهيه
جت على الداهيه التانيه
ftataljanna
ايه النور ده
فتاه الجنه بحالها عندنا يا مرحبا يا مرحبا
هو حد ميعرفكيش
لكن انا ملاحظه انك مقلله فى كتاباتك
وزياراتك
حتى للمدونات الاخرى
وانا هاروح للينك اللى انتى كتبتيه واشوف الحكايه ايه
الربان
اشكرك على الاهتمام
واعاده السؤال
واجابتى عليه
انا طبعا مش عبيطه ولا هبله انى ادخل مجلس الشعب المصرى باسم فرنسا
انا دخلت باسم فرنسا وانجلترا واليابان لاغراض الصناعه فى تايوان
مروة الزارع
طيب كنى ابعتى مع التعليق عشره جنيه
ولا كلام اونطى وخلاص ؟؟؟؟؟؟
انا برضه مقدرشى اتاخر عنك
EmY
الراجل اللى رهنتها عنده بيأجرهالى بالساعه
حاول تفتكرنى
ده كلام كبير قوى يا عمنا
وفانتازيا الحرف دى انا مش قصداها
لكن عموما
مابين سطور كلماتك الكثير
والكثير
تحياتى وشكرا على الزياره
خالتي فرنسا
مبروك الحصُانه
والتاج الجامد ده
ومستني رد حضرتك عليه
موضوعي الاخير ايام من امتحاناتي
الجمعاوي الاصيل
حظك انا كنت اون لاين
ورحت مدونتك من طريق مختصر
سعدت بزيارتك
الحمد لله جيت متأخر بعد الميه حلو دايما كده اجى متاخر بس كويس كل تأخيره وفيها خيره
المهم بوست عسل بجد وفكرته هايله
وانا كده متابع من اول يوم لدوخولى عندك
بحبك يامصر
اهلا بيك ويارب تكون متابع دايما
ونورت المدونه
ولو حتى بعد الميه
مش مهم
بجد انت دمك خفيف والله ربنا يكرمك انا المد لله تعليق 109
يعنى عبال التاج لما يجى عندى يكون حسنى مبارك مات ومصر اتحررت قولى يا رب
مش معقول عبقريتك دى ؟ صدقينى انتى خسارة كبيرة للأدب الساخر و الله ما باجلمك
بس انتى عايزة تختصرى فى البوست شوية
و تسمحيلى بأه بالمساحة الأعلانية دى ؟
ماشى يا ستى متشكرين :)))))))
-----------------------
صاحب ابوابةhttp://elbawaba.blogspot.com/ يدعوكم لحضور حفل أفتتاح دار النشر الخاصة به، حلم شاب تحقق بأمكانيات بسيطة و تجربة تستحق التشجيع فى أنتظاركم يوم الخميس 10 \ 1 \2008 --31شارع محمد محمود مكتبة البلد امام الجامعة الأمريكية
السلام عليكم
بصراحة بوست تحفة
بس كان بودي ان اجاوب عن التاج
ولكني امتنع عن التصويت دون ابداء الاسباب
walaa
بس ممكن التاج برضه يلف ويجيلك
عاليا حليم
ياستى باشا انا اشكرك على الكلام الجميل ده
وبعدين انا موافقه على الاعلان ده
من بدرى
وتحت امرك
انتى وصاحب البوابه
son's egypt
لو قريت التدوينه كويس
تعرف انك مش من اللى هيجاوبوا
وبرضه من غير ابداء اسباب
شوفى يا فرنسا هانم أدامك اللة تعالى لنا , أنا بحب الكوسة , ومبحبش أدخل مع حد, بدخل اى مكان لوحدى,وأحب أعمل مشروع مهم هو حلة محشى ورق عنب مع سلطة الزبادى ومفيش مانع فى حتة لحمة نص كيلو من غير دهن , وانا بحب الفصفصة مش الخصصة لانى بحب أحصل على أقصى جدوى أقتصادية للحاجة الى دافع فيها فلوس ,أما بالنسبةلدول ودول فمنهم للة ,اما بالنسبة للعراق فأنا مش عارف هو دلوقتى بقى فية كام عراق ولا تم ضمة لدولة تانية كمخزن بترول , اخيرا هديتى ليكى قباقب بفردة واحدة
اللــــــــــــه اللــــــــــــه
على قولتكم تحفة ..مشالله
يمكن انا الاولى من الآخـــــــــــر :)
تصدقى بالله مشغول جداً بقالي فترة
و آسف جداً على غيابي عن هنا
قريت كل اللي فاتني
و جاوبت التاج بعد ما أخدته من قطة الصحراء و مستني رأيك
:)
إرسال تعليق