اخواتى واخوتى
السلام عليكم
انا متعوده انى اقوم الصبح بدرى اضرب لى نفسين على الريق
تقويه ونشاط للجسم طول اليوم
وتحولت الحكايه دى لادمان وبقيت فعلا مدمنه انى افتح باب البلاكونه الصبح الساعه سته واضرب لى نفسين هواء نضاف . لان الصبحيه بتكون العربيات لسه نايمه والشوارع هواها يرد الروح
المهم
فتحت باب البلاكونه ولسه هضرب اول نفس
لقيت بنات بينضفوا منور العماره بتاعتنا
انا صرخت فى نفسى من الفرحه
خلاص بح ناموس وبح دبان وبح صراصير
لا ده انا لازم اقدم يد العون والمساعده فى العمل الخيرى ده
وشمرت على سواعدى واخذت اهبه الاستعداد وانطلقت
نزلت اساعد البنات فى العمل الجليل ده
قلتلهم سلام عليكم انا ممكن اساعدكم
بصيت لقيت واحده ست وانا لغايه دلوقتى شاكه فى امرها الوليه دى
كونداليزا رايس جنبها ملكه جمال
امنا الغوله جنبها عسوله
الست بصت لى بعنين نشافين وقالتلى انتى مين يا اختى ؟
بس ايه صوتها كان طالع من ركبها ومن مناخيرها ومن ودانها
صوت على الشريف جنبها كروان
المهم قلت لها على مكان شقتى وفضلت اساعدهم لغايه الساعه سبعه ونص وبعد كده طلعت اجهز نفسى علشان اروح الشغل
بعد كام يوم
لقيت الناس دول بيجيبوا زرع وبلاط ورمل واحتلوا المنطقه واعلنوا عصيان عرابى
وبدأوا فى بناء الاسطول وفرض الضرائب على الشعب
فاتت ايام وعرفت الحقيقه المؤلمه
بعد عمل احصائيه مبدئيه بواسطه لجنه تقصى الحقائق المشكله من خيره سكان العماره
ناضورجيه صف اول ام فلانه وام علانه
اتضح الاتى
عدد سكان الشقه المطله على المعسكر 15 وظوظه وراجل وصاحبه
قصدى وراجل ومراته
ال15 وظوظه مش بناتهم
لا
دول قرايبهم وبيشتغلوا شحاتين
ايوه شحاتين
استولوا على منور العماره وحولوه لمنطقه خضراء زى بتاعه الامريكان فى العراق
ممنوع منعا باتا التجول داخل معسكرهم
او التصوير
او النظر لاكتر من لحظه
والا
جرا ايه ياعمر ايه ياروح ...............الخ
وهاتك يا ضحك ويا طبل وزغرده طول الليل
وجرى ولعب وسرمحه
ولبس وخلاعه وكلام قبيح جدا
تشوف الواحده منهم بالنهار وهى بتشحت تصعب عليك
وتزعل على بهدلتها فى سنها الصغير ده
معظمهم فى العشرينات
طبعا
فرنسا هانم بالاشتراك مع الاس ام كى
سكان المنطقه كلهم
طلعناهم من العماره بطريقتنا
لانهم كانوا مؤجرين من واحد صاحب شقه
افتكرت الموضوع ده انهارده لما واحده صاحبتى قالت لى ان فى شحاته قطرتها من اول شارع الجيش لغايه ما ركبت الميكروباص وكانت مصره تاخد منها حسنه
وهى كانت شايفه انها لاتستحق
سؤال الحلقه
هل هذه النوعيه تستحق الاحسان مع العلم ان اكلهم كله من محلات الكبابجى ؟؟؟
وازاى بيقدروا يخدعونا بمظهرهم وجعلونا نخلط بين المستحق والغير مستحق ؟؟؟
ترسل الاجابات على العنوان التالى
كولالمبور
شارع المثلث المتساوى الساقين
بركه البط
وهنيه لك يا فاعل الخير والثواب
الاشتراك في:
تعليقات الرسالة (Atom)
هناك 93 تعليقًا:
ايه ده ياخالتي
ههههههههههههههههههههههههه
طيب وساعدتيهم
اتبهدلتي كده ومع شحاتين
يعني من الاخر قولتيلهم البيت بيتكم وانتوضيوفنا
بس جدعه ياخالتي
ادي اخرة نفسين الهوا اللي عالريق
بعد كده بارشحلك مية ساقعة مبلولة عالريق بتدي نفس المفعول بس من غير المضاعفات بتاعة الهوا
بس موقف جامد
علي راي عاشقة الفردوس
جدعة يا خالتي
ــــــــ
اما بخصوص سؤال الحلقة
كنت اتفرجت علي الدكتور طارق سويدان قبل كده وكان بيتكلم علي النقطة دي
وازاي انه مش صح اننا نساوي بين من يستحق ومن لا يستحق
وان اهم اسباب انتشار ظاهرة الشحاتين وتحولها لظاهرة فعلا ..ان النقطة دي مش بتستوقفنا رغم اهميتها
وانه واجب علي كل حد فينا قبل ما يبقي تقديره قائم عالمظهر وبس انه لازم يكون فعلا متاكد من انهم يستحقوا
مدونتك جميلة اووي
دي اول زيارة ليا هنا ومعتقدش هتكون الاخيرة
تحياتي
ana ba7gez 3 comment
im gonna eat my dinner and come back
salam ya faranca ya gamiela
الموضوع يحتاج إلى توازن في المشاعر
أما أجر المخطيء في مساعدة من لا يستحق فهو على الله
كما في حديث الرجل الذي تصدق على سارق وعلى غني وعلى بغي
ولكن مع شحة الموارد وكون هؤلاء يتلبسون بالمعاصي وغالبا يستخدمون هذه الأموال في المعاصي
حاقولك على خلطة مريحة
من حقك أن تفترضي أن جيران الشخص الذي يسأل سوف يغيثونه وهو واجب متعين عليهم حمل فقرائهم
ولو كنت انت في مكان ورأيت محتاجا وأنت من أهل البلد اسأليه عن مكانه وبيته وأعطيه مساعدة بسيطة مثلا ويمكنك بعد ذلك توصيل المساعدة له في بيته أفضل وتتأكدي من أحواله
و الله انتى جدعة انك نزلتى و ساعدتيهم
المهم تحافظوا بقى على المنور نضيف
بالنسبة للمساعدة انا شايفة حلها ان الواحد يساعد اى حد يسأله المساعدة بس بمبلغ بسيط علشان ميكونش تشجيع له على عدم الشغل
و طبعا راى عصفور المدينة هايل جدا بس صعب على البنات انهم ياخدوا عنوان حد و يروحوا يشوفوه على الواقع
تحياتى ل اس ام كى :)
يحنن يا ماما
والنبى اى حاجة
ربنا يرزقك يا ماما
والنبى اجيب فطار اى حاجة
==============
تصدقى
كان فيه مرة راكبه الاتوبيس المكيف وطلع راجل عامل نفسه مبيعرفشى يتكلم قوى وبيبيع مناديل وبيقول عاوز يكمل حق الدوا اللى فى ايده فقلت اجيب منه مناديل وهيه اصلا ملهاش لزوم قمت ناديته وبديله 50 قرش بيقولى لا يا مدام دى ب 75 قرش بقوله ليه قالى هو كده قلتله خلاص شكرا مش عاوزة بيقولى طب خلاص هاتى ال50 قرش فقلتله انا مش عاوزة مناديل خلاص هشترى من السوبر ماركت - قام بصلى شذرا ومشى
=============
وعندنا حبة ناس جنب جنب المترو عاوزين يطخو بالنار
============
اعتقد ان الموضوع محتاج نقطة تحرى لمين اللى يستحق ومين لا
ثم انتى كده مع نفسك تنزلى تشيلى وتحطى من غير متعرفى هما بيعملوا ليه؟
هات السلك بتاع الكهربا يا عبده وتعالى - فين النيسكافيه اللى كان هنا يا هانم - انا قلت للضيوف - مش ليكى
حاجة غريبة
يلا باى
هبة
فرنسا هانم
حقا مدونتك تسترعى الانتباه،وشيقة تصورى الناس دى فى بورسعيد ايضا يجوز هذا هجوم على منطقة القناة، وربما يكونوا تابعيين لقوات المارينز الامريكان لتأمين زيارة النل لمصر ..ربما..
فرنسا هانم
حقا مدونتك تسترعى الانتباه،وشيقة تصورى الناس دى فى بورسعيد ايضا يجوز هذا هجوم على منطقة القناة، وربما يكونوا تابعيين لقوات المارينز الامريكان لتأمين زيارة الندل لمصر ..ربما..
السلام عليكم ورحمة الله وبركاته
معلش يا خالتو تعيشي وتاخدي غيرها
بس ماقلتلناش ايه الطريقه الجهنميه اللي طلعتوهم بيها ؟؟؟؟؟
----
بخصوص السؤال
مشكلتنا اننا شعب عاطفي اي حد يتشحتف قدامه وينزل دمعتين قلبنا يرق ويصعب علينا وتبقي عاوزين نساعد بللي نقدر عليه
من كتر ماالناس اللي زي دول مروا عليها في الصيدليه ماباقتش اصدق حد اللي الواحد اللي اكون عارفه ظروفه فعلا ومتأكده من ان هيستحق
واعتقد ان اللي بيعد يطلب بالبجاحه دي والالحاح الفظيع ده مش بيبقي مستحق
ده القرآن بيقول وتحسبهم اغنياء من التعفف
عموما حتي لو ادينا حد مش مستحق وبيخدنا فاجرنا علي الله
فيه تدوينه عند باشمهندس بينو فيها نفس الحكايه ياريت تقريها
http://3yooon.blogspot.com/2007/12/blog-post.html
سلام يا احلي خالتو
هههههههههههههه اهنيك الاول على البوست والكلام اللى فيه انا خلاص بجد بموت من الضحك من كلامك بس يالاميرسى ليك بتغيرى ليه المود بتاعى الوحش
المهم يا ست الكل ان فيه فعلا كتير من دول وبيأكلوا من الكبابجى وعندهم عمارات وبتبقى دى مهنتهم لانهم بيستسهلوا فاهمه زى الدعاره كده بالظبط سورى يعنى بس دول ميستحقوش وانا بصراحه مش بيصعب عليا غي رالاطفال بس فيه ناس كتير تستحق هتلاقى ام والولاده يتمى فى بيوتهم والفرق بين الناس اللى فى الشارع والناس المحتاجه فعلا هو الكرامه وعزة النفس فعلا الناس اللى محتاجين بجد بس مش بيمدوا ايديهم بيكون عندهم كرامة وعزة نفس
هلا
يستحقوا طبعا المساعدة
ما هى الكفتة والكباب بقوا غليين
اليومين دول
ولازم منحسسهمش بالفرق
وان الدنيا لسه بخير
وهيفضلوا ياكلوا كباب وكفتة مهما حصل
بس ربنا يكرمك فى وقفتك وايجابيتك
سواء فى التنظيف معاهم بحسن نية
او فى طردهم بحسن نية برضه
kolek zo2 walahy
da mawgood 7ata 3andena fel maghreb, ma3a el asaf dahera mota3ayasha 3andena beshakl "3adi"
bas mo2akharan fe baramej 3amlaha el dawla we jam3eyat ghyr 7okomya 3ashan etakhfyf men dahera de
post gamil zay ma3awedty 9ora2ek.
ta7eyati laki
انتي لسة بتدي فلوس لبتوع الشارع دول
لا مش ممكن
الصدقة لازم تروح لمستحقيها اللي انتي عارفاهم
دي بقت سبوبة يا خالتي
انا بفكر ادخل المجال دة
تحياتي
ازيك يا فرنسا يا قمر
فرحت أوى انك جيتى :)))
بخصوص البوست بقى فالواحد شاف العجب من الناس دول اللى عاملين نفسهم محتاجين وهم ميستاهلوش
مرة كنت راكبة أوتوبيس طلع راجل عامل نفسو مريض وموطى ظهرو وماشى بالراحة على اساس مش قادر يمشى وقعد يستعطف الناس وكدة
المهم بعد ما لم اللى لمو من الناس و أول ما لقى السواق حيطلع لقيتلك ظهرو اتفرد واللى مكانش قادر يمشى لقيتهولك نزل جرى م الاتوبيس
==========
لكن فى المقابل في ناس فعلا تستحق
مرة وانا فى روكسى شفت ست كبيرة فى السن قاعدةعالرصيف فى عز البرد بتبيع مناديل
ورحت اديتلها اللى فى النصيب ومشيت ما اخدتش المناديل
قعدت تنادى عليا علشان ارجع اخد المناديل حسيتها كأنها بتقللى أنا مش بشحت .. بجد مش قادرة انسى الموقف ده
هما دول اللى يستحقو
سلام أحلى فرنسا
ههههههه معلش نهاية المعروف بقى ياخالتي بسفعلا انتي نلقشتي قضية كبيرة قوي ببقى هتجنن هقولك مرة كان في واحدة بتشحت بالنهار وبليلل كنت بجيب شبكتي لقتها بتجيب اسورة خلتني اتحسر على نفسي وعلى العلام الي ابويا علمهوني وقلت يارتني كنت شحاتة يارتني
كدة؟؟؟
متقوليليش ؟؟
الله يسامحك
:(
هو احسن حاجة ان انتي نزلتي ساعدتيهم في بناء المستعمرة بتاعتهم
ده بجد اللي ضحكت عليه
---------------------------
اما عن استحقاقهم للحسنة
فوالله اعلم
انا اري انهم لا يستحقوها
نظرا لما ذكرتي ام اكلهم كله من الكبابجي
بالذمة يا شيخة؟؟
دول يستحقوا حسنات؟؟
و حاجة كمان بقي
ان هم قادرين يشتغلوا و بصحتهم
يعني مش مرضي ولا مش قادرين يشتغلوا
انا فر رايي بدال الشحتة والتسول علي خلق الله الغلابة
يشتغلوا اي حاجة و بجد الواحد لما بيلاقي حد غلبان بيشتغل بيديله
ربنا يهدي و يرحم
------------------------------
تحياتي يا قمر
ام البنات
علشان لسه هاعمل ساين ان
فرنسا هاحاول استوعب وارجعلك
شوفى يا ستى
بما ان المثلث متساوى الساقين اذا تتساوى زاويتى القاعدة
يعنى يا فندم لازم الواحد يكون عنده فطنه
ومشكلتنا اننا لا نبحث ولا نجد فى البحث عمن يستحق المساعده الناس التى لا تسأل الناس الحافا ونحسبهم اغنياء من التعفف
بارك الله فيك
فرنسا هانم
اظن اتعلمتى درس مهم قبل ماتساعدى لازم تفهمى الاول الموضوع صح
شوفى بقى بالنسبه لسؤال الحلقه
انا شايفه انا لموضوع ده انتشر فعلا بشكل كبير لدرجه البجاحه
انا للاسف بقيت مش بثق فى اى حد بيحاول يتسول بأى شكل
اصلهم اخترعو البدع فى الموضوع ده
ومختلف الاعمار
ولو حاولتى تساعديهم او تنصحيهم او حتى تجيبى لحد فيهم شغل يرفض عشان هما اساسا اتعودا وبقوا يستسهلوا الموضوع ده
تحياتى وتقديرى
السلانم عليكم
اكيد ناس لا تستحق المساعة لانه كده بصراخذحة الشحاته اصبحت شغلانه وخلاص
يعني مرة انا واحد زميلي كنا راكبين المترو
لاقينا واحده طلعت وقالت كام كلمة في منتهبي الروعة واحنا مستغربين من كده
لكن لما الكلمة اتكررت وبنفس الافلاظ فهمنها علي طول
يعني من الاخر اصبح الشحاتيني بهاوات وبياكلوا كباب
السلام عليكم
ميستحقوش اساسا حضرتك
وانا شخصيا مش بديلهم حاجه
ومن زمان من قبل ما افهم اصلا
معرفش ليه مكنتش برتاحلهم
هههههههههههه
***********
بقول لو مصر عملت تصريح بالشحاته خارج حدود مصر
هتلاقى كل الشعب بيقول
لكل دول العالم لله
يا محسنين
والله ياخالتو الحكاية دي مش تطمن الاول مبروك انكم عرفتم تخرجوهم من عندكم
ثانيا الواحد احيانا بيستشعر المحتاج من اللى مش محتاج
شوفي ياخالتو المحتاج بجد بتحسي نفسه عزيزة عليه اوي وبيطلب منك فعلا على استحياء
لكن النوع التاني بيفضل يتمحلس ويتلزق فيكي وياابلة والنبي وجعان وجعانة وكده ماعندوش دم يعني
وتلاقيهم مجموعة مع بعضها و اديتي لده تلاقي عفاريت صغيرين من تحت الارض ويشاوروا لبعض الهبلة اللى هناك دي بتدي روح لها
نفسين ع الصبح
شحاتين ياكلوا من محلات الكباب
سدية تشبه كواندليس
سؤال وكاننا في القناة الثالثة
ما اجمل مدونتك صديقتي
عارفة ؟
حتي لو ادينهم فلوس فاكيد ربنا مش هيباركلهم فيها وهيطلع الكباب لحم حمير ومضروب كمان
ساعد نسرين الايمن
والله ما عرفه اقولك ايه بس المشكله الى بنعانى منها هو التفتيش فى النوايا ولو بجد الحكايه دى اصبحت قاعده او هى بقت قاعده خلاص لو انتشرت تبقى مصيبه لان فيه كتير فعلا محتاجين وفى ظل الظروف المهببه الى احنا فيها ديه بس فلاع الحسنه تخص والسيئه تعم
انا عن نفسى فيه كتير من المتسولين مش برتاح نفسيا ليهم عشان كده مش بتعامل معاهم وفيه الى بحس انه صادق والاهم من ده هو نيتى كانت ايه
بجد يا فرنسا انا معجبه بالخطوه الشجاعه الى انتى عملتيها فانك ساعدتيهم وبرضه معجبه بانكم تكاتفتم لمنع الفساد المصغر ويحيا شعار لا يصح الا الصحيح و اسيبك بقى تشدى بس حسبى على صدرك من الشد الكتير
تحياتى لاحلى خاله فى العالم الافتراضى كله
بصى ياخالتو وصل للى بيستحقه موصلش للى بيستحقه
دى مش المشكلة
المشكلة انه يطلع اصلا سواء وصل او موصلش
الانسان بياخد الثواب
بس فعلا المفروض الانسان يتحرى
مين له الاحقية
ولذلك الله عز وجل قال
الاقربون اولى بالمعروف
صدق الله العظيم
اما حتةالبنات اللى نضفو المنور
واحتلوه
فاكيد هما مش جايين يعملو حاجة لله يعنى
عملو زى امريكا بالظبط
احنا جايين نحارب الدبان قصدى الارهاب
ونشوف القنابل النووية فى العراق
سيبك
فكرتينى بموقف
فى راجل كل يومين يجى العمارة عندنا
ويمشى بيعرج
المهم انا راجع من برة لاقيت الراجل ده خبط علينا
ووالدتى ادته اللى فى النصيب
وماشى بيعرج اول لما والدتى قفلت باب الشقة طلع جرى على السلم
حتى لوانسان محتاج بجد
لازم يكون عنده عزة نفس
تحياتى
خالتي فرنسا
هو ظاهرة التسول دي بقت موضه عندنا
وساعات بيحصلوا 500 جنيه في اليوم
دي بقت تجارة ورايجه كمان
ربنا يتر علينا ويرحمنا من الهبش ده
شكرا على كل كلمة بتكتبيها
وبتسعدينا دايما بكتباتك الجميلة دي والله
دمت بخير
عاشقه الفردوس
انا ساعدتهم لانى مكنتش اعرف هما مين
انا قلت ناس بتنضف منور العماره
وانا ملسوعه من الحشرات وكان نفسى المنور ينضف
حلم الحرية
انا لما قريت موضوع المضاعفات اللى بيعملها نفس الهواء
رحت على مدونتك
لقيتك صيدلانيه
يبقى المضاعفات دى
من سر المهنه
والميه المبلوله دى اسيبها تنشف شويه احسن ولا لا ؟
شرفتينى جدا فى اول زياره لكى
Sola
كل الوقت ده بتتعشى
انا شفت تعليقك الصبح
وقلت هترجع
وهتخلص عشاء
لقيتك مجتيش
الف هنا ليكى
عصفور المدينة
استاذنا الكبير
فعلا كلامك منطقى وجميل
وانا هنفذه
واطلب من صديقاتى تنفيذه
لكن فقط
اذا كانت السائله انثى
لانى لا استطيع طلب عنوان رجل
ولكن فكرتك سليمه جدا للرجال
دايما مصحصحنا يا هندسه
بافكارك الهندسيه
من القلب
يااااااااه
انا لسه كاتبه الرد
نفس كلامك
سبحان الله
والاس ام كى
بيسلموا عليكى جدا جدا
Doba
انا نزلت معاهم لانهم بينضفوا المنور بتاع العماره
ودى حاجه محتاجه تعاون من الكل
ولقيتهم بنات
يعنى مفيش مانع انى انضف معاهم خالص
وكمان لما تلاقى ناس بينضفوا منور العماره
هتسأليهم ليه ؟؟؟؟
لا
انتى اللى هتتكهربى
امسك
انتى وقعتى فى الكمين يا ناصحه
شكرا
أبو خالد
لا طبعا
هو انا هبله
هو انا مش عارفه الفرق بين قوات المارينز وبين الشحاتين
طبعا يا ابو خالد دى معروفه زى الشمش
الشحاتين بيلبسوا هدوم اى كلام وشبشب حمام
اما المارينز
اطرافهم مقطوعه من قنابل المقاومه العراقيه
خمسة فضفضة
احلى دكتوره
لا هى مش جهنميه قوى
هو انا واعوذ بالله من كلمه انا
وباقى السكان اتكاتفنا ورحنا لمالك الشقه الاساسى
وضغطنا عليه ضغطه رجل واحد
وبين الترهيب والترغيب
وافق على طردهم من الشقه
لانه كان عامل لهم عقد استضافه
appy
وانا داخله المدونه شفت بطوط
قلت يبقى ابى هنا
الف مليون هنا
بالناس اللى هنا
فعلا المحتاج عزيز النفس
ومحترفى التسول رذله
واكتر من رذله
امام الجيل
لا يامام
الوقفه فى النضافه كانت بحسن نيه
اما عمليه الطرد
فتمت بكل حسن نيه برضه
ملحوظه
هو الكباب غلى ؟؟؟؟
wida
انت من المغرب ؟؟؟؟
يا اهلا وسهلا
بالاشقاء المغاربه
ياريت الحكومات تقنن حكايه الجمعيات الاهليه دى
حتى تسيطر فعلا على هذه الظاهره
A.SAMIR
انت ناوى تدخل المجال ده ؟؟؟؟
يادى المصيبه السودا
يبقى عينك على المنور بتاع العماره
ghalia
بجد موقفين متناقضين جدا
المحتاج
والغير محتاج
ربنا يجعل ما اعطيتى
فى ميزان حساناتك
وبعدين انا مقدرشى مجلكيش
لكن انا اتكسفت انى رحت بايدى فاضيه
واتكسفت اكتر
انى برضه رجعت بايدى فاضيه من غير تورته ولا حتى جاتوه
truelove
تانى واحده تقول ياريتنى كنت شحاته
انتوا عينكم على المنور بتاع العماره ولا ايه ؟؟؟؟؟
متتحسريش على العلام
لا
ده سلاحك الفتاك
MerMaid
انا لقيتك مشغوله بقضيه جامده محبتشى اقلق افكارك
وطبعا انا سؤالى مش على النوعيه اللى انا شفتها بعينى
لا
دول خلاص عرفنا مصيرهم وعرفنا انهم بيكالوا وعايشين احسن مننا
انا سؤالى على من لا نعرفه ؟؟؟؟
ام البنات
انا فى انتظارك
الطائر الحزين
طائرنا السعيد
اهلا بك
حلويين قوى الكلمتين دول
انا بحييك عليهم
على فكره
ام الابناء
كتبت تدوينه هايله جدا جدا
ra7eel
وفين الشغل اللى يخليهم ياكلوا كباب على طول
تصدقى
انا بيتهئألى ان الناس دول مكنوش يعرفوا حاجه اسمها طبيخ بيتى
كله من ابو فلوس
يبقوا هيرضوا يشتغلوا ؟؟؟
son's egypt
ايه رأيك ؟؟؟؟؟
فوت بريزه بقى
فوت بريزه ولا ربع جنيه من غير كلام
انا اختصرت التدوينه علشان خاطرك
وجاى من غير هديه ولا حاجه
يلا
خليها علينا
والمره الجايه هاكتب التدوينه مضاعفه
mohand
عوده مهند
يااااااااااه
تصدق انا فرحت لما شفت تعليقك
ايه اخبارك ؟؟؟؟؟؟؟؟
شوف كام علامه استفهام
ا بـن عــمــر
وممكن يحصل العكس
جيوش من الدول الفقيره
تيجى هنا
ونبقى جبناه لانفسنا
وبدال ما هنصدر
هنستورد
همسة قلم
هههههههه
ضحكتينى
حلوه الهبله اللى هناك دى بتدى
هما فعلا كده
بيقولوا الزبون
كانوا بيتكلموا مع بعض فى الشارع فى الليل بصوت عالى
وكانوا بيسموا المحسن
الزبون
هو انا ليه مبعرفش اقفشلك بوست بدرى رغم انى بشقر عليكى على طووووووووووول
:)))))))
بصى ياستى انا اضحك عليا كتييير بس لما بشوف حد بصحته يبقى مبيشتغلش ليييييييييييييييه؟؟؟
بس ميستهلوش طبعا روحى يا حلوة اشتغليلك شغلانه تاكلى منها عيش
بس المشكله انهم بيستسهلو ده غير انه مش هيبقى مربح ليهم زى الشحاته
يعنى عايزينهم يبطلو وفرولهم شغل بمرتب محترم
ايه الهجص ده دانا نفسى معرفش المرتب المحترم ده يبقى كام
بقولك ايه يا فرنستى اساليهملى كده مش عايزين واحده معاهم
وسلملى على ........ الا هو اسمه ايه يا فرنستى
سلامى ياقمر
Anonymous
طبعا انا مش عارفه ايه حكايه ساعد نسرين الايمن
انا من غير تريقه على الاسم متلخبطه
لان التدوينه تتكلم عن المساعده
بصراحه مش عارف
ده اسم
او محور كلام
ارجوا الايضاح
only spot
انا اللى بيحيكى من كل قلبى
وكلامك الكبير ده فعلا دخل دماغى بجد
لان الحقيقه تايهه
ولو الموضوع واضح
مكنتش تعبت نفسى وتعبتكم معايا فى كتابه الموضوه ده
سلامى وتحياتى
doha
هو الراجل اللى بيعرج ده وصل السويس ؟؟
انا مشفتهوش
لكن هاخلى بالى منه
انا معاك ان الحسنه خرجت وخلاص
والحسنه اتكتبت
ولكن
يجب فعلا تحرى الدقه
صاحب المضيفة
يااااااااال 500 جند فى اليوم
يعنى 15 الف بريزه امهات فى الشهر
واو
لا
ان كان كده انزل انا بقى لمنور العماره
shayma
طالبه وظيفه معاهم
قدمى السى بتاعك
وواسطه كبيره
و20 باكوا رشوه
واستنى دورك
ويا صابت يا اتنين عور
اما الاسمه ايه ده
قصدك كباب ؟؟؟
ده لينك قصه جارتى ابقى اقريه وانتى تعرفى انا ليه بغيظ فيها دى معارك يا امىىىىىىىىى طويله وابقى قوليى ردك ايه
http://appyplant.blogspot.com/2008_01_02_archive.html
hey:
this is my new blogs address
http://egyptiangirl-81.blogspot.com
hope 2 see u there
chao
ان جيتي للحق المفروض الحكومه تمشي في الشارع توزع فلوس على كل المصريين
مهم بيشحتوا باسمنا
وفي الاخر مش بنطول حاجه
ناخد حقنا ناشف احسن
فرنسا هانم
جزاك الله خير ضحكت من الأعماق على ردك الجميل التلقائى و يدل على سرعة بديهة و خفة دم لا مثيل لها أسعدك الله ودمتى بصحة جيدة
أبو خالد
عزيزتى فرنسا
بوست جميل كالعادة مشاء الله عليكى
.....
شكرا يا ويدا
انا سعيد انى عرفتك بالاخوة و الاخوات المدونيين المصريين
و انا متاكد انك هنا عند فرنسا و فى غيرها من المدونات المصرية سوف تجدى عقول مصرية جميلة
تواصلى فهنا اخوة لك يا صديقتى العزيزة
و السلام
يا خالتى ابعدى عن الفرش خليكى فى المعلب احسن مكنش جرى ليكى كل ده
انا بهدد لو وليد سليمان واسامه محمد اتنقلوا الاهلى حجيب اهلاويه الصعيد ونعلن الحرب على السويس وبتروجيت خدى ساتر
اه فكرتينى بواحده ست كبيرة كانت كل يم فى مضان تلف على المحلات قبل الفطا وتقلنا بنتى والدة وعايزه اجيبها لها فرخة
ومن اول يوم فى رمضان لحد اخر يوم كل يوم اختراع جديد فى مرة بتقولى عندى ست بنات وعايزة اجيب لهم فطار قولت لها عندهم اد ايه كام سنة يعنى ... لاقيتها بتقولى فى العشرينات .. قولت لها طيب ما تخليهم ينزلوا يشتغلوا بدل ذل السؤال اللى حضرتك فيه ده ... لاقيتها بتبص لى من فوق لتحت زى ميكون بقولها شغليهم فى كباريهات وبتقولى عييييب بناتى ميشتغلوش ويتبهدلوا ... طيب ما احنا بنشتغل يا ست انتى وانتى بتيجى تاخدى فلوس من شغلنا ده .... من بعدها مشوفتهاش عندى ...
انا عن نفسى والله ما بقيت بعرف افرق بين المحتاج من عدمه ...
مافيا التسول .. الولد و لا البنت من دول بيبقى لسة طفل رضيع و أمه أو أبوه يرعرعوه فى بيئة التسول الغنية جدا بقيمها و مبادئها و ثقافتها و خصوصا ألفاظها .. عشان كدة الطفل من دول بعد فترة بيصاب بمرض "التسول اللا إرادى" يعنى نلاقيه بيتسول و هو مش حاسس .. ماشى كدة بالقصور الذاتى .. مرة نلاقيه قاعد جنب كوبرى "يتسول" .. أو جنب حيطة .. و ساعات "يتسول" على قارعة الطريق العام
و ربنا يعافينا من الناس دى
appy
اى نعم
ساقراء
واعرف الحكايه
ويمكن اغيظها معاكى كمان
Sola
شاوووووو
انا فى طريقى اليكى
مع مراعاه فروق التوقيت
دمعاتي
نشحت من الحكومه
طيب
اللى خدته القرعه
تاخده ام شعر
الحكومه بتشحت من الخارج ومن الداخل
يبقى هتشحط
مش معقول طبعا
انا بقترح عمل بيت مال للزكاه والصدقات لكل منطقه ويقوم بيت المال بتقييم المستحقيين للزكاه والصدقات ويقوم بيت المال لكل منطقه بتوزيع الصدقات والزكاه فى منطقتها وذلك لضمان وصول الذكاه والصده لمستحقيها
أبو خالد
يا ابو خالد
انت اللى منورنى بجد
ورافع معنوياتى للسماء
جزاك الله عنى خيرا
Omar... [ خروشات
اخى عمر
عندك غياب التدوينه اللى فاتت
ومحدش مضالك
ومعندكشى اجازات
اخصم انا بقى ولا ايه ؟؟؟
رئيس جمهوريه نفسى
رئيسنا الهمام
اعلان حرب على السويس
لا
انت عارف احنا بلد خبره فى مجال الحروب
واى عيل عندنا بيفكر احسن من روميل ومونتجمرى ذات نفسهم
لكن بما انى فى صفك
ويستحيل ابقى ضد بلدى
يبقى الحل
هو تراضى جميع الاطراف
صنيه بسبوسه معتبره
وكام كيلو سمك
ونمشى المسائل
لا يا فرنسا كنت مشغول فى تجهيز سفرية رزلة لالمانيا
مقدرش اتاخر عليكى ابدا
بلاش خصم والنبى
تعالى ااقرى اخر بوست عندى و خدى بالك من مدونتى خلال غيابى
اركبى العجلة فوراً........ ورر ورررررررر
Desert cat
القطه الشقيه
هو ده مربط الفرس
وهو ده اللى مخلينا نشد فى شعرنا
لغايه ماهنبقى قرع
معادله بين الاحتياج
وعدم الرضى بالعمل معادله صعبه على الست
سهله فى الواقع
لان كلنا بنشتغل
وبنكافح
طمنينى على احوالك
تدوينتك الاخيره الامتنى
ابن حـجـر الـعـسـقـلانـى
حلوه حكايه التسول اللا ارادى دى
يعنى ممكن
يتسولوا وهما نايمين
زى اللى بيمشى وهو نايم
بس
احسن خاليهم يتسولوا وهما نايمين ويبقوا يقابلونى لو حد اداهم حاجه
بحبك يامصر
هو في حاليا بعض المساجد بتقوم بالدور ده
وبتتكفل باسر كتير
لكن المشكله
ان الموضوع ده مش متعمم
وعلشان كده
تلاقى الموارد برضه قليله
Omar... [ خروشات
سماح المره دى
لكن المره الجايه
ولا اقولك
اروح اشوف الاول انت مسافر على فين وليه ؟؟
البوست مالوش علاقة بسفرى
البوست هيوجع قلبك شوية
انا اسف ممقدماً
انا مسافر المانيا فى رحلة عمل لمدة اسبوعين
لو عايزة اى شىء من هناك ابعت لى ايميل و انا الكتف ده زاد و الكتف ده وزاد
Omar... [ خروشات
طبعا محتاجه من هناك حاجه
محتاجه انك ترجعلنا بالسلامه
تسافر وترجع بالف سلامه
على فكره ان رحت مدونتك وعلقت على الموضوع
ربنا يحفظك يا فرنستى الجميلة على دعوتك الرقيقة
شكرا على زيارتك و انا بعت تعليقك لها بالايميل لانه امانة
و لله الامر من قبل ومن بعد
بس بمضي حضور من غير ما اقرا
هنام واصحى أعلق
جمعه سعيده ان شاء الله
اولا انا زعلانه على مساعدتك اللى طلعت عالفاضى مع ناس زى دى
ثانيا اللى بيقعد يشحت كده لله فى لله انا مش بديله حاجه
لكن لما ببقى فى مكان والقى مثلا حد بيشتغل كده وباين عليه انه غلبان بديله عشان هو حاول يشتغل وميمدش ايده
وانا من رايى المساعده تبقى لاماكن معروفه زى دور الايتام او كده او ناس تكون عارف فعلا انهم يستحقوا
وحشتينى يا فرنسا
http://www.tvosz.com
اهم حاجة إنكم عرفتم تطلعوهم من عندكم و لو إنك ما قولتيش إزاي
أنا أيام الكلية كنت بأسافر بالقطر لأسيوط في أول سنتين و بعدها حولت إسكندرية و بقيت اسافر دمنهور اسكندرية بالقطر برضه
و كنت حافظ الشحاتين بمواعيدهم و قطاراتهم اللي بيركبوها و بيركبوا منين و بينزلوا فين و بيقولوا ايه علشان يشحتوا
كان ناقص أعمل عنهم دراسة دكتوراة في إحتراف الشحاتة في القطارات
ربنا يأخدهم و يريحنا منهم بدل ما بيقطعوا على الغلابة اللي يستاهلوا بجد
و اكرر اسفي و إعتذاري الشديد يا فرنسا هانم :)
طيب
هنيالك يا فاعلة الخير و الثواب
ههههههه
هو الصراحة انا واخد موقف فى موضوع الصدقات
لا أعطى إلا من أثق في فقرهم و احتياجهم
لسبب واحد
لأنهم كتير جدا
رغم ان النبى قال اعطه و لو أتاك على صهوة جواد
لكن فلوسنا قليلة اصلا
و لن تكفى الكل
و بالتالى نعطى من نثق في احتياجهم
و هتخلص الفلوس عليهم أصلا
و ربنا يصلح بلادنا
د.حمــــاس
Omar... [ خروشات
شكرا جزيلا اخى عمر
ويارب
تتوفق تلك السيده فى حياتها
لك تحياتى وتقديرى
دكتور حر
جمعه سعيده
واسبوع اسعد
انا فى انتظارك دائما
ونوم العوافى
3ala asm masr
انا مساعدتى كانت للنظافه فى العماره
بدون ما اعرف من هما
وبعدين النضافه حلوه برضه
لكن انا لو كنت اعرف انهم شحاتين
مكنتش عملت اى حاجه معاهم
انتى اللى وحشتينى جدا جدا
Anonymous
؟؟؟؟؟؟
مهندس مصري
انا رديت على السؤال ده فوق
لكن علشان خاطرك
ارد تانى وتانى
احنا تكاتفنا وذهبنا الى صاحب الشقه الاصلى وهو من كان هؤلاء يؤجرون منه
وبعد محاولات كثيره
استغرقت وقت طويل استطعنا اقناعه بطردهم
انا فى حاجه مش فهماهه
انت بتعتذر على ايه ؟؟؟؟؟
DR.HAMAS
هو فعلا يجب ان نعطى من يستحق
ولكن افعال الناس دول
جعلت الحابل يختلط بالنابل
ولا كلامى غلط ؟؟
شقيقة كل سنة وانت طيبة ، انا مالحقتش اقرأ بس قلت اصبح عليكي
انتى فكرتينى بواحد سمعت عنه حضر مره
درس فى المسجد عن حق الجار فى الاسلام
وبعد ما اتأثر رجع البيت ولقى ناس
طلعه نازلة شيلين فرش واجهزة وكده
يعنى . وقال لما اعمل بقى بحق الجار واساعدهم
وطلع ونزل معاهم ولما خلصوا واطمن ان كله تمام كان فى غايه السعاده لثوابة الكبير
واذا به يتفاجأ انهم كانوا حراميه
بيسرقوا شقة جارة
هههههههههههه
يعنىفعلا ولاد الحرام مخلوش لولاد الحلال حاجه
تحياتي
الحقيقة اصبح من الصعب ان تفرقي بين من يحتاج بالفعل و من لا يحتاج و يمثل الدور...
لكن بالنسبة لي عندي قاعدة...السائل الذي يلح عليً و يتبعني اعرف انه يمتهن هذه المهنه اي سؤال الناس ...
المحتاج للمساعدة فعلا تجديه يسألك علي استحياء...لانه يشعر بالضعف و الخجل داخله...ربما يكون احد اللصوص سرقه في المواصلات او هو نسي محفظته في مكان ما..
المهم هذا النوع من الناس اساعده قدر استطاعتي...اما من يلح و يتعقبني فلا..
تحياتي و تقديري
إرسال تعليق