ضحك على الدكتور محمد
وبعتلى تاج
وانا بخاف من التاجات
ولكن
مقدرشى ازعل الدكتور حر
علشان انا بخاف من الحقن
وبرضه هو صديق عزيز جدا
يبقى
تعملى ايه يا فرنسا ؟
توكلنا على الله
اركن العجله الاول واقفلها كويس علشان المافيا الايطاليه بتدور عليها
وحركه تموين كده من فرنسا
هاكتب على العجله
دى عربيه مرسيدس
نبداء التاج
لو مكنتيش مصريه بس عربيه كانت هتبقى إيه نظرتك للمصريين واللي بيحصل في مصر دلوقتي؟
لا تعايرنى ولا اعايرك الهم طايلنى وطاليك
ده بالنسبه للسياسه
اما الابيج ( الفلوس ) ربنا يجعل كلامنا خفيف عليها
لو كنت من دوله غنيه
كان هيصعب على الناس اللى بتيجى من مصر تتمرمط وتتبهدل عندنا
وحتى سفارتهم سيقه الهبل على الشيطنه وضرباها احلى طناش بالمكسرات
اما لو كنت من بلد فقيره
كنت هاحسد مصر واقول الناس دول مش حمدين ربنا ليه
عندهم اثار بالهبل
وعندهم قنال بيعدى سفن حربيه بالشىء الفلانى
وعندهم شواطىء بالكوم
وشعبله اللى بطل سجاير وبيكره اسرئيل
عايزين ايه تانى ؟
لو
كنت أوروبيه أو غير مسلمه بردو إيه نظرتك للعرب والمسلمين؟
كنت هاقول فى نفسى الدين بتاع العالم دول دين لازم ادرسه لان فى ناس فيهم بتضحى بنفسها فى سبيل دينها وبيتجمعوا فى مكان واحد كل سنه بالملايين بملابس بسيطه فى خشوع
بس اللى هيحيرنى
ليه بيتجمعوا مع بعض ويرجعوا يقتلوا بعض ويشتموا بعض يلعنوا سلسفين بعض
اكيد دينهم حاجه ومخاخهم حاجه تانيه خالص
لوقالولك إنت بقيتى رئيسه جمهورية هتعملى إيه؟
واحد زى ابو سويلم علق عندى وقال على جثتى ان المرأه تبقى رئيسه جمهوريه
اول واحد هتخلص منه
راح فى شربه ميه الجدع
جات من عند ربنا
لكن
هتخلص من سيطره الحربايه المتسلطه امريكا
وبنتها المتشرده اسرائيل
واخلى اللى يعدى القناه
يدفع بعمله البلد الجنيه المصرى
واطهر ميه الشرب
واشترى صفقه نظارات طبيه لشباب السويس بالاجبارى علشان محدش خد باله من فرنسا وسابوها تعنس
لوكان ينفع ترجعى طفله تاني وتخليكى طفله علطول هترجعى؟ وليه؟
لا طبعا مش هوافق
علشان كنت هفضل طول عمرى اتمنى اكبر ومش هيحصل
لوإنتى طبيبه وعندك مريض ميؤوس من حالته أيهما تفضلى إنك تصارحيه بالوضع وتقوليله كل شيء بأمر الله في الاخر ولا تغرس فيه الامل لغاية لما يموت؟
اصعب حاجه فى الدنيا لما الانسان يعرف انه هيموت
لازم الامل
لان المريض بيموت فى اللحظه اللى بيعرف فيها نهايته
وكنت قريت رد لصديق قال
اقوله علشان يحسن نهايته مع ربنا
لكن
المريض او اى واحد بيحسن لربنا كده كده لما يتزنق
وده طبيعى فى الانسان
لوسمح لكى برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟
كنت هاقول لسيدنا النبى
ادعو لنا بالنصر
فانت مجاب الدعوه
لو
خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخر غير قادر على الإنجاب هيكون تصرفك إيه؟
لو انا بحب الشخص ده خلاص ارضى بنصيبى
زى مانا راضيه دلوقتى
ولو جواز تقليدى
لا
كل واحد يروح لحاله
لان الزواج اصلا للحفاظ على النوع
وبعدين
بعد الانسان لما يكبر هيحس فعلا باحتياجه للابناء
لوطلعت القمر هتكتبى إيه عليه؟
لا اله الا الله سيدنا محمد رسول الله
وتحت هاكتب
بحبببببببببببببببببك
موووووووووووت
يا مصر
لوكنا في عصر ازدهار الأندلس كنت تتخيلى نفسك إزاي؟
فرنسا هانم برضه
انا عجبانى تركيبتى قوى
وعجبانى طريقتى
ولسانى اللى عايز قطعه
وحبى للناس وحب الناس لى
لوأن مررتى التاج ده لحد وما جاوبش عليه أعمل فيه إيه؟
ده اول تاج لى ومجربتش الحكايه دى
لو أحب أمرره أمرره لمين ؟
لكل واحد يدخل عندى ويحب يجاوبه
على فكره
انا طبعا احب كونى مصريه ولا احب ان اكون غير مصريه ولا غير مسلمه ولكن احببت ان اكون واقعيه
الاشتراك في:
تعليقات الرسالة (Atom)
هناك 137 تعليقًا:
عزيزتي فرنسا هانم انتي زرتي المدونه اللي بكتب فيها شعر و توقفت عن الكتابه فيها من شهر 3 اللي فات ,, مش مدونتي الأصليه اللي هي
www.innominatex.blogspot.com
الله ينور يا فرنسا
فعلا من احلى الإجابات اللي شفتها للتاج
إجابات تلقائيه وصريحه
يا أستاذة الأساتذة إيه الإجابات الرائعة دي
وبرضه على جثتي إن واحدة تحكمنا
أمال أنا اشتغل إيه
تصدقي إنك مميزه جدا
من أحلى الإجابات اللي قرأتها من يوم ما دخلت عالم التدوين
بساطه وواقعيه وتلقائيه وخفه دم
ما شاء الله عليك
وبعدين ولا يهمك
أنا هلم كده جيش من البنات الفتوات
وهنخليكي رئيسه للجمهوريه
خالص تحيااااتي وودي
واسمحي لي أضيفك على إيميلي
اول زيارة ليا للمدونة المميزة دي
على فكرة
المدونة دي هتاخد شهرة وسمعة كبيرة في وقت قصير جدا
للعلم:
المدونة دمها خفيف جدا وانا قررت اكون صديق لها....لو ماكنش عند سيادتك اعتراض على شخصي المتواضع
يشرفني زيارتك لمدونتي المتواضعة
تحياتي
فرنسا هانم
تصدقى حبيتك من الإجابات
دمك خفيف والله ..هو كل أهل السويس كده أصلى عمرى ما قابلت حد سويسى
ربنا يوفقك
السلام عليكم يا قمر
ايه الاجابات دى
دا احنا نروح نبيع لبن بقى
ربنا يعزك يا رب
عارفه اجابة رئيس الجمهوريه دى
واللى يعدى القناه يدفع بالمصرى
تدل على انك سياسيه محنكه
وفعلا دا احل الاوحد علشان نرجع للجنيه قمته بعد ما ضربوه بالبتاعه
فرنسا هانم
اجباتك خلتني اعجب بيكي اكتر وخفة دمك فظيعة ماشاء الله
فكرة النظارات لشباب السويس دي فكرة عظيمة
تحياتي
هااااى فرنسا هانم
والله جميل، انت مثقفة متميزه
اجابات عميقةوفيها فلسفة خصوصا وانت بتتسائلى عن اسباب اقتتال المسلمين رغم وحدة شعائرهم وعقيدتهم
برافوووو
وتحياتى
ههههههههه
سألوكي : لو كنتي عربية ، لكن واضح إنك عايزة يبقى معاكي جنسيتين واحدة منهم المصرية !
:)
إجابات جميلة
الحمقاء المضلله
وانا بقول انا جيت غلط ولا ايه
عموما
ليا زياره تانيه ليكى
فى مدونتك
دكتور حر
من غير درجات كده يا دكتور
ولا اعمال سنه ولا حاجه
ولا حتى نجمه
عصفور المدينة
استاذنا الكبير قووووووى
تعلقك ده شهاده ابروزها واحطها فى عقلى
انا متشكره جدا
لكن برضه كده يا استاذ
تقول على جثتى
فداك فرنسا هانم
وفرنسا بتاعه باريس ذات نفسها
Salwa
خلى بالك
خالتك فرنسا مخربشه
هاتى الجيش بتاعك
ومعاهم النساوين اللى عندى
وانا وانتى
وهناخد الكرسى هناخده
A.SAMIR
وانا قررت قبولك زائر للمدونه
وتشرف فى اى وقت
وخضر اربع كوبيات شاى ومكان اركن فيه العجله وانا جايه عندك
فزلوكة
عمرك ما قابلتى حد سويسى ؟
ناس السويس
زى باقى شعب مصر
كلهم خفه دم
صانعة الحرية
سياسيه ؟
ومحنكه ؟
ربنا يكرمك
لكن هما ضربوه بالبتاعه وبس ؟
shahy
ايه رأيك ؟
مش عندى حق
خلونى اعنس
وانا لسه فى ريعان الكهوله
amro
ولامتميزه ولا حاجه
انا مثقفه على قدى
لكن
كل حاجه واضحه
ومش عايزه نباهه
خبيب
ازاى واضح انى عايزه جنسيتين ؟
انا عايزه اموت بجنسيتى المصريه فقط
ماشي يا فرنسا
كله
اعمال السنه 9/10
وآخر السنه 100% تمام
ونجمه
وستار
وصح بالأحمر كمان
اي خدمه
عزيزتى
شوفى ده من التاجات اللى الانسان يحب يشوف اجابتها لانها اسئله هامه
اجاباتك رغم السخريه اللى فيها لاكنها صريحه وواضحه ومحدده
بس انتى بصراحه غلطتى اصلك اعتمدتى على شباب السويس بس وعاوزه كمان تيجبليهم نظارات وبقيت المصريين مش تعبريهم وكمان مالك ومال امريكا
مش تعلبى على ادك سودان ولا صومال
على العموم انا سعيد باجاباتك الواضحهويا قمر انتقدى زى ما انتى عاوزه بس انا بقولك ما تقوليش شعر قولى احساس وبس وانتقدى على كيفك انا اساسا بموت فى النقد وبحبه
سلام يا سكر
ايه يا شقيقة الكلام الجامد ده
يا فظيعة يا فرنسا
يا لسانك يا فرنسا
يا عجلتك يا فرنسا
والنبي يا فرنسا لو شفتي الرسول حتى لو في الرؤيا بوسيلي رجله وايده
ولو بقيتي رئيس جمهورية
نفسي ومنى عيني ابقى محافظ القاهرة
والله العظيم هأدلعها يا فرنسا
عمرك شفتي طموح واطي كده؟
معلش والنبي يا فرنسا
محتاجين السلطانية اللي لبستيها دي، عشان الفول
جميل اوى يا استاذة
بارك الله فيك
دعواتك
ماشاء الله
إجابات جميلة
بس فعلا
عمر الستات يكونو رؤساء جمهورية
أنا مؤيد لهذا الكلام
دمتم
سلام
خالتو
حتى فى اجاباتك هلكتينى من الضحك
بس انا برضه ضد ان المرأة تمسك رئاسة جمهورية
بس مش ضد انها ترشح نفسها
بس تمسك
هبقى متضايق اوى اوى اوى
بقلك
لما تمسكى الرئاسة
عايز تجبيلى قيمة
1000 نضارة
اصلى ناوى افتح محل نضارات كبير
واضرب جراند اوبتكيان
تحياتى ياخالتو
واضح ان المدونة بتاعتك جامدة جداااااا
انا هاجيليك تاني
حبيت بس اسلم
اجابات زي العسل :D
عجبتني انظارات اللى هتلبسيها للشباب دي ..:)
في كل الاحوال عندك همةس قلم وزير اعلام من دلوقتي أهو بنتفق ..:D
فرانسواز هانمواز
إجاباتاز التاجاز جامدةاز
و بصراحة مدونتك من المدونات اللى باستمتع جدا بقراية البوستات بتاعتها و بازعل لما البوست بيخلص
و بالفعل أنا باشعر إنى أمام شخصية مصرية أصيلة دمها خفيف و تسخر من المصائب و الكوارث كعادة المصريين
امتى البوست الجاى هاينزل بقى عشان مش عايز استنى كتير ؟؟؟؟؟؟؟
خالص تحياتى
للاسلوب الممتاز والكلام الرائع
والتدين والمصريه والتعبير المحترم
دى اول زيارة واعتقد انى هنا على طول
لو ربنا ادانى عمر
اكيد دينهم حاجه ومخاخهم حاجه تانيه خالص
صح عندك حق
مع ان الاعتقاد لازم يبقى فى الامخاخ دى
سبحان الله
تحياتى
دايما كل ثورة ولها اعداء
واكيد بما انى من الابطال العظماء فلابد اكون اول عدو للانقلاب اللى انت هتحاولى تعمليه
هيهات هيهات
انا ماسك البلد بايد من حديد ومش معقول ان واحدة ست تعمل انقلاب ناجح ضدى حتى ولو كانت بريطانيا العظمى مش فرنسا وبس
حقيقى
اجاباتك جميلة وواقعية وفيها انتماء شديد كالعادة
بس ماتروحيش بفكرك لبعيد
انا مش هاسيبك تطلعى القمر نهائى
لان ده هيعمل مشاكل كبيرة جدا
الناس لما تبص للسما وتلاقى قمرين موجودين يعملوا ايه بقى؟
على فكرة انا سيبتلك تعليق على التدوينة السابقة
سلام يا فرنس
فرنسا الجميله
كل ما اقرا بوست ليكى ببقى عايزه اعرفك اكتر واكتر
مصريه وجدعه اوى بجد
بس متنسنيش فى حوار النضارات دى عشان اختك نظرها ضعيف
حبيبتى اترشحى انتى بس لمنصب رئيس الجمهورية
وانا على جثتى لو خليت راجل يحكمنا
وابقى خلى راجل كدا يترشح قصادك وانا الم له العيال فى الشارع يحدفوه بالطوب
طبعا الاجابات التلقائية الظريفة دى متخرجش غير من فرنسا هانم
محبتى
امواااااااااه
على فكرة بتوع المافيا كلمونى وعرفو حكاية التموين اللى عملتيه فى العجلة وبعاتين واحد علشان يصفوكى يا فرنسا وخاصة لما عرفو انك هتترشحى لرئاسة الجمهورية وكمان هتتخلصى من الام والبنت الصغيرة المدللة
بالروح والدم نفديكى يا فرنسا
نموت نموت وتحيا فرنسا
بالنسبة لموضوع النضارات بقى اعتقد انه برده مش هينفع اصلهم يا عينى نظرهم كويس جدا بس الظروف
يلا حصل خير ان شاء الله
ممكن تبقى تاخدينى القمر نكتب سوا
العواف عليكى
تتمسى بالخير
هبة
على فكرة؟ كنت بقرا لك تعليقات فى مدونات الاخرين
و لما جيت قريت هنا؟
حسيت انى ضربت حلة عدس بجد بدل مزمزة الشيبسى اللى بتكتبيه هناك فى تعليقاتك
المهم؟ ربنا ما يحرمنا من عدسك و تشليئك
خصوصا فى الشتا
مدددددددددددددددد يا غريب
دكتور حر
ايوه كده
تمام
كده هاطمئن انى مش هاجيب كحك اخر السنه
احساس لسه حى
شباب باقى المحافظات برىء من تهمه جعل فرنسا عانس
هما شباب السويس السبب
وبعدين
ياجدع انت متعرفش فرنسا ولا ايه ؟
انا افوت فى الحديد
لايهمنى امريكا
ولا كوستاريكا
العمر واحد والرب واحد
وانا كوماندوز
بلعب كاراتيه
ومعايا عجله بفرامل
يعنى لايهمنى مصفحات ولا دبابات
فرامل ياجدع فرااااااامل
اما النقد
زرتك امبارح ملقيتش حاجه جديده
يوميات عيل مصري
ليك محافظه القاهره يا عم ولا تزعل
بس انت ساعدنى
واقف معايا فى الحمله
ومتخليش الباشمهندس محمد عصفور المدينه ياخد خبر بالحمله
علشان هدد وقال على جثتى ان فرنسا تتولى الرئاسه
من غير تصفيه جسديه لانه عزيز جدا على فرنسا هانم
اما السلطانيه دى يا باشا
مش بتاعتكم
انا سرقاها
قصدى لقياها
قصدى مستلفاها
يووووووووووووه
هى بتاعه مين ؟
الطائر الحزين
اشكرك جدا على المؤازره
بس ايه ده ؟
كلمتين كده وجريت ليه ؟
عبدالرحمن ياسين
ماشى يا عم عبد الرحمن
مانا عارفه
انا وليه مكسوره الجناح
وكل الرجاله مستوقيين على
لكن عندى جيش بنات يسدوا عين الشمس
وهناخد الكرسى
doha
جراند اوبتكيان مين
انا هفتح لك احلى محل فى النمسا
فى عماره بلير
ولا اقولك
طالما انت مش هتايد فرنسا للرئاسه
وهتزعل اوى اوى اوى
يلا على عرب المعمل
هفتح لك محل هناك
وامنع اى حد يشترى منك
اعدام على طول
ارجع عن رأيك يادوحه
انت ابن بلدى
غمض عينيك
ميت الف مسا
لك من فرنسا
همسة قلم
عينتك خلاص
بس تيار الرجاله جامد علينا قوى
متعرفيش البنت زينا بتاعه هرقليز
ترضى تنضم معانا ولا لاء
ابن حـجـر الـعـسـقـلانـى
ابن حجروز
متشكرتوز
من دلوقتى
لبكره توز
والتدوينه القادمه
قادمه
mohamed
ربنا يديك طوله العمر
وتشرفنى دايما
ماهى دى اصل المشكله
فين الاعتقاد السليم
وابسط مثال
الحرب الكلاميه الدمويه بين
الشيعه والسنه
عجبنى قوى النظارات اللى هاتجيبها لشباب السويس
ضحكتنى والله ربنا يكرمك يارب
اجاباتك جميله قوى
زيك كدة
أبو سويلم
على فكره
القايمه بدأت تزيد
واعداء انقلاب فرنسا بيزيدوا
لكن
برضه هاوصل
كتبت الوصيه ولا لسه ؟
3ala asm masr
هند الاموره
حبيبه فرنسا
نظاره ليكى انتى يا قمر
ده انا هجيب لهم نضارات للعقاب
من ام بلاش
اما انتى نضاره دهب
Desert cat
نانا
يا احلى عسليه
الظلط على حسابى
عندنا فى السويس محاجر بالهبل
ورخيصه
اموااااااااااااه
Doba
هبه
هما عرفوا ؟
يلا
حصل خير
الواد حمو بتاع الدوكو هيغير لونها
وهاكتب عليها عربيه كارو
وخلى المافيا تاخد بالها
على فكره
الكلام ده حركه تموين برضه
يمكن يكونوا عرفوا المدونه وبيتجسسوا على الغلبانه فرنسا
Omar
الف هنا وشفا
ماترح ما يسرى يمرى
بس انت ضربت الحله كلها
اتعشى انا بقى حاف ولا ايه ؟
رفقة عمر
تعرفى
انا بتفأل بيكى خير
وانتى عارفه ليه
اول ما اشوف تعليقك بافرح قوى
لا بجد تاج جميل
وردودك زى العسل
تقبلى مرورى
وتحياتى
princess dodo
اتقبل مرورك ؟
ده ياختى على عينى وعلى راسى
واتمنى تكرار الزياره
بس ابقى بضعى وانتى جايه
شويه عنب على على اى فاكهه والسلام
السلااااااااام عليكم
والله حضرتك زي العسسسسسل
و مدونتك جميلة جدا جدا جدا
بجد استمتعت بقرائتها من اول بوست
لاخر بوست
:)
و لا كأنو عليا امتحان بعد بكرا
p:
هههههه بستنا الجديد ان شاء الله يا فرنسا هانم
فدا
فدا
متشكره جدا جدا
وانشاء الله
على الكرسى رايحين
ربنا يخليكى ليا يا فرنسا يا حبيبتى يارب
وحشتينى والله
فرنسا هانم
بصراحة اجابات زي الكتاب مبيقول
بس انا لوبقيت رئيس جمهورية
اشتري صفقة امواس حلاقة
وحبال غسيل
وبلح
الامواس علشان قطع العلاقات مع اسرائيل
وحبال الغسيل علشان ربط العلاقات
المصرية العربية
واما عن البلح
فدى بقى علشان المشروع المصري النوووييييييييييييييييييييييييي
هههههههههههههههههههههههههههههه
خالتي فرنسا ممكن لو تسمحي وتتكرمي وتيجي تطلي على اخر انجازات السيد احمد نظيف في مدونة ميخا
والسلام ختام
ايه ده ؟ الدنيا مقلوبه
فرنسا جت فرنسا جت
جيت انا اشوف مين فرنسا اللى عامله الهوليله دى؟
بس تصدقى يا شيخه
عندهم حق والله
انتى برطمان عسل عملاق وانكب على المدونات
تحياتى يا عسل
السلام عليكم ورحمة الله وبركاته
ايه الجمال وخفة الدم والسلطنه دي يا خاله
الله عليكي اجابات في الجون
فرنسا هانم
تاج جميل
وردودك كانت اجمل واجمل
حسيت فيه بصدق قوى
خالص تحياتى
لا والله إجابات مفيش زيها
عجبنى كل إجاباتك
ومش عايزة ترجعى طفلة صغيرة تانى
برده كده
ده جميل يا فرنستنا يا عسل
حد يرفض يرجع للدلع
واحلى تحية لاحلى فرنسا
3ala asm masr
وانتى كمان يا هند وحشتينى
لكن تصدقى بالله
خايفه اجرب حكايه الشات تانى
علشان محدش يزعل منى
الجمعاوي الاصيل
الله عليك يا جمعاوى
هو ده الكلام المظبوط
نجيب البلح
ناكله
والنوى
للطاقه النوويه
ماهو اصلا اسمه نوى من النووى
هات انت ياباشا البلح
انا اكله
واخلى النوى
مستنيه زيارتك المره الجايه ومعاك ظباتين بلح
منى
مين اللى قالك عنى يا منى ؟؟؟؟؟؟؟؟
اكيد المافيا
ياخر اااااااااابك يافرنسا
روحتى فى شربه ميه يافرنسا
ماكنش يومك يا فرنسا
حد يشترى العجله ؟
خمسة فضفضة
وعليكم السلام ورحمه الله وبركاته
انا متشكره على حسن ظنك بخالتك فرنسا
ربنا يباركلى فيكى
ra7eel
انا مبسوطه ان اجاباتى عجبتك
ويارب دايما
مع كل تحياتى
وتقديرى
Esmat
عصمت حبيبتى ازيك
وحشانى
عارفه انا رفضت ليه
علشان مجربش تانى حكايه انى استنى اتجوز وفى الاخر زى مانتى شايفه
الى العنوسه معتاده مرش
اجابات جامده ورايقة وتعبر عن شخصية مرحة
بس بجد الله ينور على الجمال والتلقائية
اتمنى اني اكون صديق واكون سعيد بكده جدا
دمت بكل الخير
صاحب المضيفة
ياراجل ده انت صاحب المضيفه كلها
انا يشرفنى
انك تكون صديق عزيز لفرنسا
هههههههه
يا خبر والله دمك زى السكر
من احلى الاجابات الى شفتها
بقولك ايه انا غيرت رايى مش عاوزه شاى انا جايه اشرب من دمك
قصدى اشرب شربات
تحياتى ليكى يا فرنسا والله
ايه الحلاوة دي
بس انا عاوز اقولك بلا ش نظرة التشاؤم دي علشان الايام جاية كتير
ومش انتى لوحدك اللى زعلانة ومتضايقة
لو بصيتى لكل الناس هتلاقى كل واحد مشغول فى همومة
يللا ربنا يوفقك
فرنسا يا شقيقة
انت فين؟
فرنسا هانم
تاج جميل واجاباتك روعة
خصوصا موضوع النضارات الطبية ده بس يا ريت تعمميه على كل المحافظات اصل فى حالة عدوى فيهم كلهم فى عدم الشوفان ده والنبى ههههههههههههه
حبى وحبى وحبى ودعائى
هدى
عاااااااااااااااااااااا
عااااااااااااااااااااا
انا كمان عايزة تااااااااااج
محدش عبرنى خالص باى تاااااااااج
ومعرفش الناس دى بتجيب التاج منين
المهم
اجاباتك قريبة شوية من اجاباتى وخصوصا حكاية السفن اللى بتعدى من القناة دى كنت مرة فى حوار مع احد الاشخاص وقلتله ليه مندفعش السفن دى العملة المصرية
كدة الجنيه قيمته هترجعله وهيكون الطلب عليه كتير
بس تقولى لمين
المهم يا جميل
اجاباتك فيها شئ من الامل والطيبة وبعد النظر
بحبك يا فرنستى الجميلة
اختك خيخة
لماضة
دمى كله فداكى
بس خليلى معلقتين
يمكن اعطش
تحياتى ليكى
المغنواتى
ما انا برضه مش بتكلم عن نفسى فقط
انا بتكلم على احوال كل مصر
يوميات عيل مصري
انا لبده فى الدره
rainbow
هبه حبيبه قلبى
ازيك
وحشتينى
هى العدو خرجت من السويس وانتشرت ؟
اذن
نحن نطالب الحكومه
ان تدعم النضارات
وتوزعها على بطاقه التموين
بت خيخة وأى كلام
خيخه
بقالى كام يوم ادور عليكى فى مدونتك مش باينه
كنت هأجر عربيه وميكروفون
والف بيها اكتوبر كلها
وحشاااااااانى
موت
انا جايه اشوفك نزلتى حاجه ولا لاء
ههههههههههه
ردود جميله
أضحكتنى
ههههههههههههه
ابن عمر
شكرا جزيلا على مرورك
اولا اجابتك عقلانيه بجد وتتسق مع الواقع
ايه حكايه تبقى ؤئاسه جمهوريه دى وتوافقى على الفكره دى ازاى وانا موجود
على العموم انا خدت رقم العجله سيدس بتعتك وحاسبى على نفسك اليويمن دول
على فكرة يا خالتى عبلة كامل لو دخلت المدونة دى حتخاف على نفسها من شخصيتك النادرة المتميزة و يمكن تفكر تستخبى و تعتزل هى المدونة بس يتعملها دعاية كويسة و هى حتمسح افلامها مسح
شخصيتك باينة فى التاج على طبيعتك ما لكيش فى الزواق و لا المجاملة
سلام م}قت يا شربات
ايه الحكاية كل ما ادخل مدونة انهاردة الاقي تاج تاج تاج
اشمعنى احنا موش بيتباصلنا تاجات
مانشبهش ولا ايه
هذه المدونة لم اندم على زيارتها
أحب انا الاجابات الجميلة البسيطة اللي مفيهاش تكلف ولا فزلكة دي
تحيتي ليكي
معلش سؤال بس
هو حضرتك لعبتي ف الأكواد بتاعة التامبلت؟
واضح ان حد لعب فيها عشان السطر المكرر اللي باين ف المدونة ده
:D :D
اجابات فوق الرائعه
يشرفنى زيارة مدونة مثل حضرتك
لمدونتى المتواضعة
كشف فضيحه جديدة للاثار فى رشيد وقرائن تكذب رئيس المجلس الاعلى للاثار
http://dreamoffreedom2.blogspot.com/دا الرابط للموضوع
حبيبتى الغالية فرنسا هانم
إنتى فلة و بعدين هى الواحدة
مضطرة تتجوز اى واحد والسلام لا
لازم اللى يفكر
يجوز الست فرنسا ميكنش اى راجل
لازم يكون دماغ حلوة علشان يقدر
يتواصل معاها ولو مفيش النوع ده
يبقى قلته أحسن
فبلاش كلمة عنوسة دى ده اللى طلع
الكلمة دى واحد معقد من الستات
والله بجد فيه ستات بميت راجل
وانتى واحدة منهم
وانا لى الشرف بمعرفتك
ولكى تحياتى
السلام عليكم ورحمة الله وبركاته
كده برده مكنش العشم
متساليش عليه عموما شكرا
كنت فاكرة انك اول ماغيب عليك هتسالى يله
اما اجاباتك جميله جدا وكمان واقعيه زى ما قلتى وبرده دمها خفيف زى كل كلامك
تقبلى تحياتى
ام الابناء
راجيه عفو الله
أنا إتفصلت م الجامعة يا جدعاااااااااااااااااااااااان
الحقووووووووووووووووووووووووني
يا شقيقة
الحقي حد جايب في سيرتك عندي
الحقي نفسك بقى
فرنسا هانم
اجاباتك تنم عن
شخصيه مصريه دمها خفيف
ودايسه بالعجله بتاعتها على مشاكل الكره الارضيه
تحياتي
فرنسا
الحقي فيه موضوع جديد
ازيك يافرنسا
كل تاج وانتى طيبة
كدة مش تقولى ليا كل سنة وانت طيب
عايزة تعرفى لية تعالى المدونة ولاتنسى بقى الهدية
تحياتى
السلام عليكم
إجاباتك على التاج جميله والله ومتميزه
كل تاج وانتي طيبه .
يا فرنسا الكلام كله عليكي هناك
هو انت فين؟
عجبني قوي ردك على اول سؤال
انا كتير اسال نفسي زي رافت الهجان ما سال محسن ممتاز:
هي الناس دي بتكرهنا ليه؟
جميل جدا والله
اسلوب جميل
الله الله الله
ده انا نايمة على ودانى بقا واول مرة اشوف مدونتك النهاردة والحبايب كلهم هنا كمان
اخصصصصص يرضيكى كدة مايقولوليش؟؟؟
على اى حال نورتى عالم التدوين يا فرنسا وسعدت جدا بجد انى عرفت مدونتك
إجاباتك تحفة وعقلانية جدا
:D
فينك يا ست فرنسا
بايتة برة المدونة إنتى فين
وبعدين أدخل ألقيكى ناسية التليفزيون
شغال
أنا طفيته أبقى خلى بالك
باى
اجاباتك خفيفة وجميلة
بس ممكن اقدم لك التماس عشان ابو سويلم
الراجل صاحبى وانت عايزه توديه فى شربةميه
سلاااااااام
مدونتك كل شويه بتبقى احلى واحلى
ومتهيالى كل واحد مننا لازم يسال نفسه الاسئله دى
تحياتى يافرنسا
فرنسا هانم
انتى فين ليكى مده مش على البلوج بتاعك كنتى متعوده تمتيعنا ببوست كل يومين على الاقل ليكى مده طويله منزلتيش بوست جديد ولا رديتى على التعليقات يارب يكون الى واخدك مننا خير
فى الاول تحياتى لابناء القناه
وعايز اعلق على جزء لو بقيتى رئيسه جمهوريه فكره دفع المراكب بالعمله المصريه فكره غايه فى الجمال وطروحه منذ فتره ولم تنفذ ليه مش عارف مع ان ده هيرفع من سعر الجنيه المصرى جدااا لانه هيكون مطلوب
تحياتى وربنا ينتقم منهم
فرنساااااااااااا
انت فيين؟
طمنينا
تعليقات في منتهي البساطة .. والواقعية كمان
الله ينور
جمييييييييييييييل منك الكلام ده
اجاباتك جمييلة جداا ماشاء الله وواقعية اوي
وعجباني انا أوي حكاية العرب دي
هه هه هه
ماشاء الله ربنا يزيد ويبارك.
انتى فين
انا قلقانة عليكى
طمنينى
فرنسا
انتى فين يا بنتى
قلقتينى
اختك خيخة
لا والله بجد قلقانين
لو سمحتى يا فرنسا الجميلة طمنينا عليكى
تعليق واحد قولى انا بخير بس مشغولة
لو زعلانة انى طفيت التليفزيون فى غيابك
اولعه بس إظهرى بقى
يا رب تكونى طيبة وكله تمام معاكى
عارفة انا مروحتش بلوجى ومش رايحة
وجيت قاعدة لك هنا
لحد ما تظهرى
وتحياتى ياقمر
ماشاء الله عليكي يافرنسا
اجابات تحفة ايه يابنتي الجمال ده ..
بس تفتكري لو ماكنتيش انتي رئيسة دولة كنتي ح تقبلي انه تحكمك امرأة ؟؟
بصراحة انا لو شفت الرسول صلى الله عليه وسلم كنت ح اقوله ادعيلنا بالعودة والفرار الي الله .. لو حصل ح يحصل اللي اكتر وابعد من النصر ..
فرنسا عندك تلقائية جميلة اوي ف الرد .. ومرونة في التعامل مع الامور ..
بجد ربنا يوفقك ويحميكي
تحياتي ليكي .. هايدي
ما حدش شاف أستاذة فرنسا أحسن ماظهرتش بقالها 4 أيام
فرنسا عودي يافرنسا وممكن أعطيك وزارة التدبير المنزلي
يا ولالالالالالالالالاد الحلال بنت تاهت طول كده - بت يا فرنسا
انتى يا بت
انا هتنينى انده كده من تحت
مبدهاش بقى لازم اطلع السلم وارزع البا فوق نفوخها واجرجرها من شعرها لحد متيجى ترد عالناس المتجمهرة دى
مترضى عالناس يا بت انتى وتطمنيهم
وانا معاهم لو سمحتى
واحد قهوة يا عبده لفرنسا ترفدك
هبة
السلام عليكم ورحمة الله وبركاته
شفتى بقى انا اول ما عرفت انك بقالك 4 ايام محدش شافك قلقت ازاى وجيت اسال واطمن عليك شكلك كده كبرتى دماغك مننا
عموماانت وحشتينى قوى
عودى يا بليه
قصدى عودى فرنسا تعالى وانا مش هخلى حد يزعلك
ام الابناء
راجية عفو الله
خالتووووووووووووووووووووووووو
روحتي فين
المكان كله محاصر
عسى الغيبة دي تكون خير خالتو فرنسا
في انتظارك
اجاباتك زى العسل
هههههههههههههه
حلوة حكاية نضارات النظر دى
بجد دمك سكر
تحياتى
شيماء
جزاكم الله خيرا
عاجبنى جدا حبك لمصر رغم انك فرنسا
كيف حالك
خير
يا ترى ما سر الغياب
تحياتى
انا حسدتك ولا ايه
ليه الغيبة الطويلة دى كلها
وكمان مش بتردى على التعليقات
قلقتينا عليك يا فرنس
ياريت تطمنينا عليك بس
حقيقى منتظرينك
تحياتى
وسلامى
فرنسا انى فين
شكلك اتجوزتى وبعتينا
مش مهم المهم تكونى بخير
مروري التاني للإطمئنان عليكى عزيزتي
فينك؟
لم تنزلي بوست جديد وأيضا لم تردي على من علق
عساكي بخير
خالص تحيااااااااتي
فرنساااااااااااااااااااااااا
ايه يا حاجه راوحتى فين
بعتلك رساله ومرضتيش على
طمنينا الله يكرمك
يا بنوتة يا عسل
وحشتيتاااا يا فرنسا هانم
يا رب تكونى بخير
يا رب نطمن عليكى
بكلمة حتى يا قمر
يا رب ترجعى بسرعة
ونسمع عنك كل خير
تحيتنا ليكى يا قلقانا
فرنسا
بجد قلقت القلق بتاع الحاجات الوحشة
لازم تظهرى وتطمنينا عليكى
متختفيش كدة
طب لو تعبانة شوية قولى انك تعبانة وعايزة تريحى شوية
لكن مش تروحى وتقولى عدولى
تعالى بقى
طمنينا عليكى ارجوكى
اختك خيخة
تحياتي لك يا فرنسا وسعيد بوجود اهل السويس الجميلة في فضاء التدوين
:)
فرنسا حبيبتى
انتى فينك مش باينه ليه؟
احنا قلقنا عليكى
يارب تكونى بخير وترجعلنا بسرعه
يا أخت فرنسا
الدنيا صعبة و مش ناقصة نقلق عليكى
الله يخليكى طمنينا لأن الهواجس افترست دماغنا
ريحينا و طمنينا عليكى ربنا يكرمك
إيه ده!!!!!إيه الخبر إلي أنا سمعته ده
إيه يا ستي .إنتي فين...
دا الكل قلقان عليكي وبيحبك
إيه ده!!!!
باين كدة إتجوزتي زي ما بيقولوا...
خلاص ..خلاص... هنديكي رئاسة الجمهورية
إيه..دا المدونة مقلوبة عليكي
دا باين إن أنا كنت نايم على وداني
طمنينا عليكي
تحياتي لك
السلام عليكم ورحمة الله وبركاته
فرنستى الحبيبه
انتىفين بجد وحشانى جدا وقلقت عليكى قوى انت فين طمنينى
طيب لو فى حاجة
خلى حد من طرفك يطمنا طيب متسبناش كدا الشمس غابت فى السما ء
انا مستنياكى فى اقرب وقت
ام الابناء
راجيه عفو الله
فرنسا ردى قولى اى حاجه
بجد قلقانه عليكى جدا
طيب ادخلى قولى انك بخير وامشى تانى
يارب تكونى كويسه وبخير
اجاباتك جميلة اوى وبرضه فيها طابع الدم الخفيف اللى عرفناه عنك .. تحياتى
ازيك يا خالتى انتى مختفية ليه كفلة الشر ؟ ... على قد ما اتعرفت عليكى بسرعة على قد ما وحشتينى بسرعة ما اعرفش ازاى بصراحة ... أظهرى يلا و طمنينا عليكى
فرنسا
كل يوم افتح المدونه مالقيش بوست جديد
قلت جايز كسلانه
فتحت التعليقات لقيت الناس كلها بتدور عليكى
انتى فين؟ بتتقلى علينا ولا ايه
يا ريت تطمنينا
لانك بجد وحشتينا
اشكركم جدا جدا جدا
ولحد خمسه صباحا
على
سؤالكم عنى
انا لما شفت تعليقاتكم
الدمعه نزلت من عينى
اشكركم
اشكركم
إرسال تعليق