الصين وما ادراك ما الصين
نزلت يا جدعان على منتاجتنا فى كل شبر من ارض المحروسه جابت المنتاجات دى على الارض
بلمس الاكتاف والارجل والارداف والضهر كمان
مخليتهاش تنفع تانى
لا انعاش نافع
ولا عنايه مركزه هتفيد
السر الالهى طلع واللى كان كان
الجماعه احبابنا بتوع الصناعه بيقولوا
شجعوا منتاجات مصر
فرنسا هانم بتحب مصر مووووووووووت
ونفسى اعمل اى حاجه فى سبيل الغلبانه المسكينه مصر
قلت اشجع منتجات مصر وبلاها النادى الاهلى اللى انا بشجعه من زمان
طيب منتجات مصر بتلعب فى انه درجه
دورت ملقتهاش فى الممتاز ولا فى دورى الدرجه الاولى ولا حتى السبعين
طيب هشجعها ازاى ؟
قعدت مهمومه وحزينه وحاطه طاجن ستى على راسى
ومش عارفه اعمل ايه
هجرت الاكل والشرب والفسح وقعدت افكر اشجع المنتاجات دى ازاى
بصراحه ملقتش حل
لغايه لما ربنا هدانى وفكرت كويس ولقيت ان الايه مقلوبه
وده رأى فرنسا هانم وانتوا قولولى رأى حضراتكم
مفروض ان المنتجات المصريه هى اللى تشجعنا
ازاى ؟
اقولكم
لو الساده اصحاب المصانع والمسئولين عن الصناعه فى المحروسه اهتموا بالمنتج كويس من حيث الدقه فى التصنيع ومن حيث جوده الخامات ومن حيث( الفنش )السليم لاستطاع المنتج المنافسه فى جميع الاسواق العالميه مش بس هنا فى مصر
وكده المنتج هيشجعنا ان احنا نشتريه
لو انا او انت او انتى او اى مصرى راح محل وعنده منتجين الاول مصرى والتانى اى مله والاتنين بنفس الجوده اكيد المنتج المصرى هيكسب وهنشتريه على طول
وكده المنتج شجعنا ان احنا نشتريه
يبقى هما عكسوا الايه ولا لاء
وبعدين مش الصين بس هى اللى ضربانا فى السوق
ده دول كتير يا باشا دخلت فى اللعبه
واحنا قاعدين تحت العارضه بنمص قصب
ضاربنها طناش
واللى يعلا يعلا
لغايه ما غرقوا البلد
من فوانيس رمضان اللى متميزه مصر بيها للكبريت لجميع انواع العدد للعربيات للموتوسيكلات لحبال الغسيل للثوم ابو كياس للملابس للمشاط والفلايات
بس عندى رجاء اخير
اعلان الى المسئولين عن الصناعه المصريه
تعلن فرنسا هانم عن جائزه كبرى لاى مسئول عى الصناعه يتضح ان جميع محتويات منزله او مكتبه
صنع فى مصر
الاشتراك في:
تعليقات الرسالة (Atom)
هناك 77 تعليقًا:
الله المستعان
جرح مؤلم يا فرنسا
السلام عليكم
عزيزتي فرنسا
ازاي تبقي فرنسا وتشجعي مصر
ههههههههههههههه غريبه دي
------------------
الموضوع فيه بس شوية حاجات متلعبكة كده
بصي يا ستي
التصنيع محتاج حاجات كتير
منها مثلا الخامات
والايدي العاملة
والمعدات
والتسويق
والحاجات الكتير دي
اهم حاجه الخامات
واحب اقولك ان مصر افقر خلق الله خامات
مش علشان مفهاش
علشان مبتعرفش تعمل المادة المعدلة
يعني مثلا القطن المصري زي الفل
انتي بتصدرية
وبترجعية تاني اتواب
وتفصلي
دا بقول مثلا
مواد معينه بتحتاجيها
متعرفيش تصنعيها
بس بتدخل في تصنيع المنتج ده
الصناعات المكملة يعني
واحنا تعبانين قوي في الموضوع ده
وبناء عليه احنا بنجيب الخامات دي من بره بسعر غالي
هوب بقي احنا خبرتنا اقل منهم
تلاقينا عملنا المنتج بالخامات الغاليه دي
وبجودة اقل
واوقات بنجيب خامات ارخص
بتطلع الجوده اقل اكتر
وفي نفس الوقت بتكون اغلي من المستورد
وعلشان كده عايزين خامات والخامات محتاجة صناعات مكملة والصناعات المكملة محتاجة فلوس
والفلوس عايزه بنك والبنوك مسروقة الحرامية نايمين بره
وبره مش معبرنا
فهمتي؟
عزيزتى
مش مساله جوده لان الصيين بتعمل اى سلعه بكذا جوده وكل شئ بسعر
لاكن المشكله تناسب الجوده مع السعر
واصل فى مشكلتين ان اى صاحب مصنع بيعمل حسابه ان فيه ضرايب واكراميات ورشاوى ومحاسيب وهدايا وتأيد والف باب فلازم يجى على حاجتين العامل اللى بيشتغل عنده يطلع عينيه وعين اهله والعمال مفيش اكتر منهم
ويجى بقه على جوده الحاجه ويوم ما يعمل شئ كويس يكون للتصدير علشان بس بيخاف على سمعة مصر
شوفى ربنا يخلينا الصيين
صحيح انا مش بكتب شعر ومش عاوز اكون شاعر انا بكتب اللى بحسه ومش مهم بقه وزنه كويس غلط المهم احسه وبس
تحياتى يا افندم
سلام
تحياتى فرنسا هانم
عيز اقولك ان احنا دلوقت فى زمن العولمة
يعنى تجارة حرة ومنظمة تجارة عالمية
حتى مفهوم السيادة فى القانون الدولى اتغير عن ايام الحرب الباردة
الصين مشهورة بسياسة الاغراق وبتستغل غبا القوانين المحلية وعبط مسئولى الاقتصاد فى الدول الممغزوة لو صحت الكلمة
موضوع مهم للغاية
تحياتى
المشكلة يا فرنسا ان فيه بعض المصريين عندهم عقدة الخواجة يعنى لو الحاجة مش من برة تبقى كخة علطول
حتى البياعين لما بدخل اشترى بنطلون مثلا الاقى البنت بتقولى عندى حاجة حلوة اوى هتعجبك ومن برة
اقولها طب ماتجيبى اللى من جوة الاول نتفرج عليه
الاقى مافيش فرق فى الفنش الفرق بيبقى فى السعر بس يعنى ابو من برة بيقى ضعف تمن ابو من جوة
يعنى انا شايفة المشكلة مش بس فى اصحاب المصانع انا شايفة ان المستهلك نفسه
بقى عايز من ابو من برة
وطز فى ابو من جوة
وعلى فكرة واحشتينىموووووووووووت
وعلى فكرةهند صاحبة مدونة على اسم مصر عايزة تاخد ايميلك وتضيفك عندها فكرى فى الموضوع وردى عليها
سلام يا غالية
اختك خيخة
فرنسا هانم
*********
من هنا من الأرض الطاهره أضم صوتي الى صوتك في النداء الى الصناعة المصريه
لكن فيما يبدو يا خالتو ان المشكله أكبر من قدرة المصانع المشكله ايضا مشكله سياسيه
مشكلة اراده وإداره
**************
يا رب توب على مصر من اللي هيا فيه
واهدينا يارب
أشكرك على تشجيع المنتجات
ويا ريت بالمرة نقاطع المنتجات بتاع الناس الوحشين
فرنسا هانم
تعرفي ان احنا من جيل واحد، يعني بأمارة الدبابات اللي ركبتي عليها بعد العودة للسويس في 75، أنا عندي 22 سنة طبعا،
وفي أمارة تانية ماحدش هيلتفت ليها في البوست ده غيرنا
وهي الجون اللي قاعد تحت العارضة بيمص قصب
بتاعت فكري الجيزاوي ..صح؟
ولا أظن أن فيه حد سمع المصطلح ده ولا سمع المنولوجست فكري الجيزاوي .. ممكن الناس تفتكروا عمر الجيزاوي
بصي يا حاجة .. حكاية التصنيع علشان نبقى واضحين، فيه ناس كتير اوي في البلد دي صناعتهم زي الفل .. وفيه حاجات نص نص
يعني أنا مثلا .. مش بألبس في الهدوم بتاعتي غير حاجات مصرية ومش عاوز اعمل اعلان عندك .. ولا الاقي حد يقولي ده اللبس اللي بتقول عليه غالي
والله العظيم أنا وعيالي بنروح نجيب لبسنا كله صناعة مصرية .. بس ماركة معينة (عقبال عندك اللي بيسموها براند) ومبسوطين جدا
خدي عندك حاجة تانية
تعرفي ان المصانع بتاعت العربي اللي هو توشيبا وشارب .. 95% من المنتج صناعة مصرية .. وهو جايب الخبراء اليابانيين مش عشان يصنعوا .. لأ عشان يعلموا الناس اللي عندهم .. وعنده في المصانع بتاعته اتناشر الف عامل مصري،
اقولك على حاجة، وانا صغير كنت باشتغل جزمجي، عارفة الاسطى كان مممكن لو ما نضفناش العلبة اللي فيها الجزمة، ممكن نضرب .. مش بس الجزمة، ولازم نحط ورقة شفافة بين الفردة والفردة التانية
أومال ايه اللي حصل؟
اللي حصل بكل بساطة كان غياب إدارة، معلش أخوكي تخصص جودة شاملة وموارد بشرية، وإدارة وشوية أونطة كده، بس حكاياتي في الإدارة زي حكاياتي العيالي اللي بتشوفيها
وقعت الإدارة والاهتمام بالإدارة لصالح المحسوبية، ومشي حالك، والواسطة وبالتالي وقعت معاها كل حاجة
الحاجة التانية
احنا عندنا حالة من عدم الشعور بالخطر ودي برضه مصيبة
الناس بتتحرك لما تشعر بالخطر، والظاهر اننا مش عارفين نشعر بالخطر
وبالتالي مش واخدين بالنا ان احنا بايدينا بنضلمها على عيالنا
ياريت لو عرفتي انت وأي حد تاني يتفرج على فيلم سوق المتعة بتاع محمود عبد العزيز والهام شاهين، بس من غير ما يقعد يركز أوي مع أي حاجة عارضة في الفيلم، بس فكرة الفيلم مهمة لينا كمصريين عاوزين نفهم هو فيه ايه
البوست الآخير عندي اتشال بسبب ان انا مش عاوز نعملها قضية نقعد نختلف عليها وتبقى ساحة حوار واختلاف .. على ايه يا فرنسا .. خليها كده عاملة زي السيما الصيفي ..اللي بنروح نتفرج فيها على الافلام .. ولا ايه رأيك يا شقيقة.
دمتي لأخيكي
أحمد
مودموازيل فغانسواز
بون جوغ
كومون سا فا
جى بو ديغ تون اغتيكل إي تغى مانيفيك .. أون دوات افانسيغ إكغيغ كوم سي بوت أغتيكل
ألا فان دو مون كومنتيغ .. جى دي .. بون تغافاى
سالوت
الترجمة: أنا جعان
-------------------------
بجد .. عندك حق.. المنتجات الصينية مغرقة الأسواق المصرية .. مش بس كدة .. لأ من حين لآخر نلاقة بياع صينى أو بياعة صينية جاى أو جاية تبيع منتجاتها لغاية باب بيتنا
لكن للحق .. احنا عندنا منتجات كتير مصرية قوية و لها القدرة على المنافسة فى السوق المحلى بل و العالمى
تعرفى إن أنا أعرف واحد شغال فى شركة مصرية قال إنهم خلاص على وشك إنهم ينتجوا موبايل مصرى تماما
و حاجات كتير من هذا القبيل .. لكنه الفساد لعنه الله و لعن أصحابه
طبعاً كلام مظبوط بس بصراحة أحسن حاجة عجبتني هي وجهة النظر اللي انت قولتيها والطريقة اللي بسيطي بيها على موضوع (شجع منتج بلدك) والاصل أن لو منتجات بلدنا مشجعه هتفرض نفسها في السوق (الحر) عشان طبعاً العمله الجيدة بتشيل العمله التعبانه من السوق (كلام كتب بقى بس صح)
تحياتي
يا حبيبتى اليابان هاااااااااه
عارفه اليابان
العيال بتوعهم بقا
عباقرة وبيعرفوا يستغلوا كل حاجه ويعملوا من الازاز المكسر احلى اشكال
فما بالك بقا بالكبار
زمان وانا فى ثانوى كدا كانوا جايبين طفل يابانى ... عامل السفينة تايتنك من عيدان الكبريت اه والله وزهولت مش زى العيال بتوعنا بياكلوا فول ويتنحوا
طبعا مش هحكى لك عن الدول التانية وعمايلهم احسن الواحد يجى له استبحس اكتر من اللى جه كفاية علينا احنا هنا قاعدين منتاخين وخلاص
مش تشغلى دماغك كتير علشان مش تتعبى
ويكفيكى فخرا الاعلان اللى بيجى على التلفزيون المصرى
مصر بتتقدم بينا
طب ما تخلوها تتاخر يمكن يكون الناتج احسن
تحياتى ليكى يا اجدع فرنسا
يا ختشى من الصبح وانا عمالة الف وادور فى السوق على حاجة عدلة اجيبهالك فى ايدى وانا جاية بس كله مضروب وفشنك - اعمل ايه بس ما باليد حيلة بقى
فى رأيى الشخصى ان الموضوع كله بيفتقد للقادة - اقصد قائد العمل - اللى بيبص ويلاحظ ويعدل ويعلم اللى بيعملو تحت قيادته
وده لو طبقناه على كل مجال هتلاقى كده - بصى على مكان يكون عاجبك فى انتظامه ودقته هتلاقى اللى ماسكه شخصية محترمة عندها مقدرة على قيادة فريق بشكل منظم
انا قريت من خلال عملى اكتر من كتاب بيتناول موضوع القادة - اعتقد من الاولى اننا نتبدى نختار شخصيات ونقويهم بكورسات وبتجارب عملية عشان يقدروا يعدلو الكفة شوية
لكى منى كل التقدير والاحترام
حاجة ساقعة بقى احسن ريقى نشف
اما رغاية صحيح يا هبة
ربنا يلطف بينا
موضوع الفينيش ده يا عزيزتى اهم شىء فى المنتج ... ممكن اشترى حاجة عشان تغليفها عجبنى .. دى مش هيافة صدقينى بس المثل بيقولك الكتاب بيبان من عنوانه
ما فيش جودة فى اشياء كتير جدا حتى المشاعر للاسف
عميق تحياتى
هدى
فرنسا هانم
أول مرة أدخل المدونة
ولقيييت الموضوع إللى بيوجع ده
لسه النهاردة جايبة توكة وماما بتقولى حلوة فيها إبداع
أبص ألاقيها
made in china
المشكلة إن إحنا فعلا مش مؤمنين بنفسنا
ممكن نستحمل شوية رداءة المنتج المصرى فى سبيل إنجاحه
لكن إحنا أو معظمنا معندوش الإنتماء الكافى
طولت عليكى .... لكن مافيش مشاكل
زهراء
فرنسا هانم تحياتى
تسمحى لى اعلق
شوفى يا ست الكل مفيش حاجة اسمها
منتجات مصرية اصلا اللى بيعملوه
ده مخالف لكل مواصفات الدنيا
احنا بنعمل مواصفات خاصة لمنتجاتنا
تليق بالمصريين علشان
ما يطمعوش ويحمدوا ربنا على القليل
تعرفى مرة كنت بستعمل صابونة لوكس
هنا فى الرياض وبعد كام غسلة
لقيت ايدى بتوجعنى وفيها حرقان
فجبت الباكت بتاع الصابون
وقريت اللى عليه
طلع مصنوع فى مصر
فرحت اوى اوى ان السعودية بتستورد
صابون لوكس من مصر
والله عرفت بالصدفة بعد ما ايدى
اتبهدلت
بالذمة مش حاجة تكسف
معلشى متزعليش ربنا يهد اللى هدنا
وتقبلى تحياتى ايتها الفاضلة
عصمت
فرنسا الجميله
بصى والله أنا حاسه أن الموضوع فيه أكثر من زاويه
يعنى لازم نهتم بجوده المنتج
لازم ندرب العمال تدريب جيد
لازم نبطل عقده الخواجه اللى صح فعلا على راى خيخه
لازم نكون عندنا ضمير ونبطل نعمل الحاجه الكويسه بس عشان نصدرها بره
ما تيجوا نقاطع المنتجات بتاعت الناس دول واهو نبقى عملنا حاجه نقابل بيها ربنا
تحياتى يا فندم
وعلى فكره انا كنت عايزه ميلك ده لو معندكيش مانع
طبعا مش هتلاقى حد ياخد الجائزه الكبرى
انتى تعملى الجائزه الكبرى مين اللى فى بيته حاجه صنع فى مصر
والله هم بيكى وهم يحزن على رأيك من اول الفوانيس بحد الابر لحد كل حاجه
دول دالوقتى بيصدروا بنى آدمين يظهر تخيلى كل شويه حد يرن الجرس اروح اروح الاقى اتنين صنين يقولو "مش هايزه هاجات جميله"
والله مأساه وعندك حق المفروض المنتج هو اللى يشجعنا واهم حاجه الفنشنج
تحياتى يا فرنسا هانم تستاهلى تكونى هانم من موضيعك
عصفور المدينة
استاذنا الكبير
هو فعلا مؤلم جدا لمن يعشق تراب مصر
تحياتى
وشكرا على وضع رابط هذه التدوينه فى مدونتك القيمه
mohand
والنجار عايز مسمار والمسمار عند الحداد
موضوع الصناعات المكمله
واستخراج الخامات
و وووووووووو
هى دى الصناعه
وهو ده التطور
وهذا ما نطلبه
احنا كنا اسبق من تايوان فى مجال الصناعه
هى طلعت فوق
واحنا نزلنا البدروم
الفلوس ؟؟؟؟؟؟؟؟
البلد فيها فلوس
بس
هى فين ؟؟؟؟؟؟؟؟
زى ما حضرتك قلت
وخليها فى سرك
احساس لسه حى
صاحب المصنع اللى بيوزع منتجاته خارج مصر
يهمه اولا واخيرا الربح
مش سمعه مصر
وانا لا اشكك فى وطنيه احد
كلنا مصريون
وكلنا نحب مصر
ولكن
هذا هو البيزنس
اما عن الشعر
اكتب كيفما شئت باحساسك
وهاجى برضه اعلق وانتقدك
وان كنت لا تحب النقد
قوللى
amro
الغباء موجود
ليس فينا
فنحن لاحول لنا ولا قوه
ولكن الغباء ليه ناسه
مش كده ولا ايه ؟
بت خيخة وأى كلام
فى منتجات مصريه كتير
لا
مش كتير
لكن فى بعض المنتجات احسن من المستورد
لكن هذه نسبه بسيطه جدا
والباقى فى الترارالى
اما اميلى لهند
faransahanm@yahoo.com
وانا يشرفنى انها تضيفنى
من غير اى تفكير
دكتور حر
حكايه المقاطعه دى مستحيله
حتى لو نفذها كل مثقفى مصر
انت عارف لييييييه ؟
وسلام الى كل الاصحاب فى الارض الطاهره
يوميات عيل مصري
الاخ احمد
برضه 22 سنه يانصاب
احنا فعلا جيل واحد
وحكايه تحت العارضه بنمص قصب انا سمعتها فى اوائل التمانينات
ولكن فى شريط كاسيت لاحمد الحداد
على ما اذكر
ان لم تخنى الذاكره
اما السويس والدبابات
فساكتب عنها قريبا
وهى فعلا زى ما نت قولت
المشكله مشكله اداره
وعدم احساس بالخطر
واضيف من عندى
سرقه وفساد
انا قفشاكى اهو وانتى بتكتبى التعليقات دلوقتى
هقطعك حتت حتت وهرميكى للقطط
وفتافيت فتافيت خلىيها تاكل الكتاكيت
يلا باى
هبة
ابن حـجـر الـعـسـقـلانـى
ال نى با دونكبا رست
الترجمه
ياروح خالتك يقطع فرنسا هانم ودول اوربا تما
وعليهم امريكا كمان
انت جعان يقطعنى مره تانيه
نسيت اقولك التلاجه على ايدك اليمين وانت داخل تالت دوران بعد الكرسى
فيها ما لذ وطاب
كل
بالهنا والشفاء
خلصت الترجمه
لكن الفساد لعنه الله
مش هعلق
Yahia
مش كلام كتب
هى دى الحقيقه
وانا سعيده جدا ان المعلومه وصلت لك ببساطه
Desert cat
عارفه يا احلى قطه
لو اتاخرت مصر سنين طويله اكتر من كده برضه الساده المسئولين
هيقولوا
احنا بتقدم
وعلى رايهم هنفضل نتقدم لغايه لما نقع فى النقره اللى ورانا
Doba
يابنت بلاش شغل التلات ورقات ده
دانا خلتك فرنسا
برضه لفيتى فى السوق
لا
انتى قلتى
انا محمله اشى وشويات امبارح
وفرنسا مش هتلحق تخلصهم لوحدها
اما عن قاده العمل
شوفى
الحكايه مش حكايه ملاحظ او قائد
المكن راكب وشغال على انه يطلع المنتج الفلانى بصفات معينه
الملاحظ او القائد مش هيعمل حاجه
الاساس
ان احنا
نصلح الاساس
rainbow
فعلا يا هدى
حتى المشاعر
والفينش مطلوب جدا جدا
تحياتى لكى
فزلوكة
ماحنا قولنا
يا زهراء
ان المنتج هو المفروض
يشدنا اليه
او يشجعنا ان احنا نشتريه
بجودته
ولا انتى مش معايا ؟
Esmat
اسمحلك ازاى تعلق وانت علقت واللى كان كان
يا باشا انت تعلق فى اى وقت
المدونه تحت امرك
بس ابقى ابعت شويه هدايا لخالتك من الرياض
يعنى باكو شاى اخضر
علشان الحبايب اللى بيزرونى بيحبوه
3ala asm masr
برضه يا هند يبقى عندى مانع
ايميلى هو
faransahanm@yaoo.com
وانا يشرفنى جدا اضافتى
لكن اعملى حسابك
دخولى الماسنجر بسيط جدا
لكن هدخل علشان خاطرك
حياة الأحلام
ربنا يبارك فيكى
انا يا حبيبتى بجد
مصر بتجرى فى عروقى
لا
مش بتجرى من البوكس
ده احنا اللى هنجرى منه
Doba
هبه يا قمر
سماح يابيه المره دى
والنبى سماح
طيب كل هذا معك حق
لكن احنا عملنا ايه
ياريت كل واحد على قد ما يقدر ما يشتريش الا الحاجات المصرية
ويكون ده هدف وبصدق مش مجرد كلام ويبقى بينة وبين نفسة واخد القرار ده
المشكلة الاكبر اننا شعب ممكن نتعايش مع اى حاجة يعنى مثلا لو الصين سحبت كل منتجاتها ولا هنحس بحاجة
المشكلة فى المستوردين اللى لهم المصلحة الاكبر
الله المستعان
جنسيتك ايه؟
صنع فى الصين
تحياتى
فرنسا هانم
تم اضافة سعتك
ودقايق تكفينا وتزدانا شرف يافندم
وميرسى جدا
فرنسا هانم
احلى مسا عليكى
والله عندك حق هى فعلا اية مقلوبة
عارفه
كنا لسه بنتكلم انا واصحابى فى الموضوع ده
يعنى العيد اللى فات كان فى تبرعات وبنشترى لبس عيد للايتام فجبنا صناعه صينى
وبعدين كان فى ناس معترضه المفروض نجيب مصرى عشان نشجع المنتج الوطنى
فجينا نقارن
طبعا المصرى اغلى وكمان الفنش مش حلو والموديلات مش جديده
بعكس الصينى طبعا طبعا ارخص
وفى الحالات اللى زى دى بنكون محتاجين نجيب كميات كبيرة
فطبعا مش هينفع نجيب مصرى عشانه اغلى
يعنى لو رخص وظبط الجوده اكيد الوضع هيتغير
يارب يجى اليوم اللى كل المنتجات فى تبقى مصرى ومنحترش واحنا بنختار
تفتكرى هيجى؟
الليدى فرنسا
((تعلن فرنسا هانم عن جائزه كبرى لاى مسئول عى الصناعه يتضح ان جميع محتويات منزله او مكتبه
صنع فى مصر))
لآ حضرتك لو كلفتى لجنه بعمل تفتيش على محتويات منزل او مكتب اى مسئول هتلاقى
مش
صنع فى مصر
سرق من مصر
تحياتى لك
ومفيش تحية للمسئولين
كاميليا
طيب انتى اديتى هند ايملك وانا اصلا مش بدخل ياهو
انا 24ساعه هوتميل
اعملى هوتميل بقا عايزه اكلمك
وده ايملى علشان تضيفيه
nana_catofdesert@hotmail.com
يعني ممكن أقول إيه
بعد كل هذه التعليقات الجميله
جيت أنا متأخرة
معلش بقى
البوست بتاعك جميل
والتعليقات رهيبه ومعلومات بصراحه جامده
تحياااااااااتي
عندك واللة حق كل الناس اللى معاها فلوس او حتى الفقراء دة يعتبر مرض عام عندنا بيشجعوا المنتج الأجنبى حتى الصينى التقليد الناس بتشترية أفضل من المصرى المليان عيوب ولا عارفين نصنع ولات حتى عارفين نقلد ربنا معانا
أيه الزحمه دي كلها
ايه يا خالتي يا عسوله مش قلنا بلاش سياسه
أهو دلوقتي الريس يزعل منك
علشان هو اللي مخلي اصحاب المصانع يعملوا منتجاتهم رديئه كده علشان يختبر حبنا للبلد ويشوف اسم مصر غالي علينا قد أيه
وكمان هما يا يعني أصخاب المصانع بيتحايلوا علي الريس علشان يسبهم يرفعوا مستويات المنتجات بتاعتهم بس هو اللي مش راضي
يلا
تحيا جمهورية الصين العربيه
سلام يا خالتي
فرنسا
حضرتك لسانك فيه حتة زيادة، عاوزة تتقص
ايوة 22 سنة، يعني أقولك من جيل واحد عاوزين اقول كام يعني 18سنة
ابقي تعالي زوريني بقى
انا اي انا والعيال في العيد ع السويس
السلام عليكم
فعلا يا فرنسا هانم الصين وصلت لكل حاجة في حياتنا
حتي السبح والمصليات بقت من الصين
مش عارف ايه ناقص تاني
والحل اللي قولته ده اساسا المنطق اللي المفروض نمشي عليه
يعني صناعة تمام نشتري
ولكن منلقاش صناعة اي كلام ونقول اشتري منتج بلدك
فرنسا .. زروينا الله يكرمك بس من غير تريأة
فونسا هانم
لك تاج عندي يا ريت تستلميه
خالتى فرنسا ازيك اولا علك بخير
المشكله يا خالتى انى حنفترض انى فى منتجين صينى ومصرى الاتنين بنفس التمن انتى بتشترى المنتج الصينى علشان الجوده والفنش الاخير
احب اوضح حاجه كان ليه صديق راح مؤتمر فى الصين لما حب يشترى هدايا من هناك على اساس انها حتكون ارخص من مصر طبعا لفرق اسعار الشحن اكتشف انها اغلى عارفه ليه
لانى الى بيتشحن عندنا الدرجه 48 اه والله العظيم قالى الى بيجى مصر الدرجه الاخيره من المنتج المصثرى والدرجات المتقدمه الى بتنزل فى اسواق الصين دى معموله لغزو الاسواق الاوربيه والامريكيه
خالتى هاتى حتته قصب
السلام عليكم ورحمة الله وبركاته
عارفه يا خاله موضوع الصناعه المصري ده في مليون حاجه وحاجه غلط لو قعدنا نتكلم عليها مش هانخلص
مثلا في مشكله كبيره اوي في الصناع المصريين انهم بيبقوا عاوزين يكسبوا اكبر قدر من الفلوس في اقل وقت ممكن ومش مهم بقي المستهلك وسلملي علي جودة التصنيع
اكيد كلنا بنسمع علي طلبيات تصدير رجعت مرفوضه بسبب عيوب في الفنيش وعدم مطابقة المواصفات
عارفه لو كل واحد راعي ضميره في شغله حال البلد دي هايتغير كتير اوي
المشكله ايه بقي ان كل واحد بيقول انا وبعدي الطوفان وكل واحد عاوز يغرف ويعبي فلوس وخلاص ومش مهم حاجه تانيه
عارفه في منتجات مصريه جودتها عاليه جدا جدا بس برضو سعرها عالي جدا جدا ومش في متناول الجميع وبرضو المستورد بيغلبها برخص السعر
ربنا يدينا ويديك طولة العمر ونشوف اليوم اللي المصري يغلب فيه المستورد ويطلعله لسانه كمان
الطائر الحزين
جنسيتى
مصريه بنت مصرى
وحتى جوز خالتى مصرى
لكن
ازاى تقنع المواطن العادى انه يسيب الحاجه الرخيصه والجيده
علشان بلده
هو ده لب الموضوع
لازم يكون فى اغراء
والاغراء ده بجوده المنتج
وبس
ام الابناء فييييييييييين ؟
3ala asm masr
تم سماع الاشاره
حول
ra7eel
انا هارسل ليكى اميل
لان انتى ليكى عندى كلام
وتأسف بسبب الشات
كاميليا
عندك حق
سرق من مصر
عسل يا بنت
Desert cat
غاليه والطلب رخيص
Salwa
وتحياتى لكى ايضا
كلاكيت تانى وتانى
كلامك سليم
وشكرا على الزياره
alshared
لا
تحيا
وتحيا
جمهوريه مصر العربيه
دى مصر مسكينه قوى
يوميات عيل مصري
حته فى لسانى وعايزه تتقطع ؟؟؟
طيب ابقى عدى من الكيلو 109 الاول
الاولاد والمدام هيعدوا بس
تشرف السويس يا استاذ احمد
son's egypt
اشكرك على المؤازره
وعلى الحضور
يوميات عيل مصري
هاتغدى الاول
واجى انط عندك
يظهر انك بخيل
دكتور حر
استلمته وجاوبته
فرنسا فرنسا فرنسا
من قيمة سنتين تلاته رحت عشان عايز اعمل مكتب صغير للاستيراد والتصدير
مش بلوبيف وسمنه وتونه والهبل ده
لأ
عايز اصدر منتجات فنيه يدوية الصنع
لما رحت عشان اشوف ايه الحوار لقيت ان كل سلعه عشان اصدرها بمبلغ ميتين وخمسين جنيه ..
يعني مثلا اصدر رخام يبقى بطاقة تصديريه شعبة رخام
بينما لو هستوردها هيبقى البند ده بسعر ميه وخمسين جنيه
فاهمه حاجه؟؟؟؟؟
سلاموووووووووووز
السلام عليكم
عارفه انا قرات الموضوع من كام يوم بس مكنش فى وقت ارد عليه
امبارح وانا راجعه من الكليه
دار واحد فى الاتوبيس باقلام رصاص
اول لما بصيت للقلم ولاقيت مكتوب عليه صنع فى تايون
افتكرتك
قلت اول لما افتح ههعلق عالموضوع
وربنا يعزك يارب
وانى احبك فى الله
صديق كان في الصين في بعثه
كان بيتكلم مع صيني
قال ليه انه جه مصر و راح سيتي ستار
كان نفسه في اس سوفونير من مصر ملقاش اي حاجه مصنوعه في مصر عشان ياخدها تذكار
صمت صديقي و شعر بغصه في قلبه
رئيس جمهوريه نفسى
خد عقله من القصب
الواحده متعرفش تاكل حاجه فى المدونات
بص يا ريس
المنتاجات الصينيه فعلا مقسمه لثلاثه درجات من الجوده
واحنا فى السبسه خالص
خمسة فضفضة
ياريت يجى اليوم ده
واحنا مع المنتج المصرى
نطلع لسانا لكل المنتاجات الغير مصريه ايا كانت
تفتكرى ده حلم ؟؟؟؟؟؟؟
Soooo
طبعا انت مهندس ديكور
ولازم تصدر رخام
وخالتك فرنسا فاهمه طبعا كلامك
يعنى لو عايز تستورد ارخص من التوريد
بس قولى
انت هتورد رخام جلاله
ولا جرانيت احمر اسوانى
صانعة الحرية
كويس ان بتاع الاقلام فكرك بفرنسا
لانك بتوحشينى جدا
وانا كمان بحبك جدا
Mohamed_sobhy84
من حق صديقك يتضايق طبعا
وبعدين فين التلقائيه المصريه
كان يقوله
انا دايخ على حاجه عندكم هنا تعيش فتره طويله مش لاقى
السلام عليكم
المشكلة تكمن ان احنا عندنا مشكلة سوء ادارة و تخطيط و الرجل المناسب بيتنفي في اوسخها مكتب بينما اللي بيعرف يبوس الاقدام هو اللي بيطل زي الصاروخ
بوست جميل و قضية خطيرة بس ده عشان أكيد أنت في مصر
هههههههههههههههههههههه
تلاجتنا باظت من كام يوم واللي بيصلحها طلب حاجات كده معرفش هي ايه بس طبعا نوع مستورد ولما اخويا راح يجيبها ملقاش غير المصري وقاله له مش بنجيب المستورد فرجع هيتجنن وبيسال الراجل ليه ؟
فقاله عشان المصري كبيره شهر اتنين ويبوظ وهتروح تجيب غيره لكن لو جبت واحد كويس مستورد هيعيش معاك عمرك كله يمكن وبكده مش هتشتري غيره
شفتي المصريين دماغهم تجارية ازاي ؟؟
تسلمي يا فرنسا على مواضيعك الجامدة اللي بتمس كل فتفوته في حياتنا
اعتقد ياخالتو الحاجة الوحيدة اللى مصر بتصنعها
انا قلتها قبل كدة فى بوست كنت كاتبه من قيمة شهر
بعنوان صنع فى مصر
وقلت انى
كل منتج بجيبه
بلاقى مكتوب عليه
صنع فى الصين
اليابان
ماليزيا
الحاجة الوحيدة اللى مكتوب عليها صنع فى مصر
هى هدومى الداخلية
يعنى نحمد ربنا
انى مصر برضه
بتصنع حاجة تستر بيها شعبها
تحياتى
خلينا نتكلم بصراحة يا فرنس
الناس بتشترى المنتجات الصينية لاها رخيصة
ولو نزلت حاجة فلبينى ارخص من الصينى هيشتروها ويسيبوا الصينى
غير كده
حتة اشترى منتج بلدك لمجرد حبى لبلدى
مش صح
لانى بكده باحكم على الاشياء بطريقة غير موضوعية
ماينفعش افضل منتج على اخر لمجرد حبى لبلد صنعه
فين التنافس الريف بقى
على فكرة
انا عارف الغرض من ورا التدوينة دى ايه
وهاقفل المصنع بتاعك اللى فى العاشر
وهاشمعه بالشمع الاحمر
سلام يا فرنس
على فكرة يا فرنسا مشكلة الصين دى مش عندنا بس دى فى دول كتير مش معنى كده انى ببرر الصناعة بتاعتنا اللى زى الزفت
الاطفال الصغننين بيتولودا الوقتي مكتوب على قفاهم صنع في الصين
خلاص عليه العوض
ههههههههههههههههههههدة على اساس ان الاخوة المصرين حينزلوا ويشتغله بضمير
وبزمه وهمه ويبذلوا مجهود ويبقى عندهم ارادة انهم يعملوا منتج صحى على الاقل
مش حقولك
منتج ينافس
لان المنافسشه دى صعبه شويه
ازا كان العامل المصرى بيكسل يشتغل
وتقريبا المنتج بيطلع من تحت ايده بايظ
ولا ينفع
تصدقى مع انى مؤمن اتن المصرين لو اشتغله بجد ولو عايزين يعمله حاجه تنافس
بس يكون احساس نابع من جواهم انهم عايزين يعمله كدة
مش مهم بقى بيخدوا مرتب كام
او المكن شكله عامل ازاى
او حيقبضه الحوافز الشهر دة ولا لا
والمكافأت حتقل ولا حتزيد
انتى لو مهتموش بكدة
واهتمه بس بأنهم يعمله منتج مصرى بحق وينافس
صدقينى حيعمله ومكن كمان يكتسحه السوق
وتبقى مصر خليفة الاندر فى الملاعب التجارية
بس نقول لمين
ولا حياة لمن تنادى
يااااه يا فرنسا
ده مستحييييل
انتى طلبتى المستحيل
عايزة تلاقى كل محتويات بيته صنع فى مصر؟؟
اطلبى لبن العصفور احسن
تحياتى يا قمر
شيماء
اكيد محدش هياخد الجايزه
دي الباد بتاعة الماوس بتاع الكمبيوتر
اللي هي حاجه هبله
و لا بنس الشعر
و لا الأستيكه
و لا لدبابيس بتعة الدباسه
كلها صيني
دول مخلوش
جدعين و انا احييهم من قلبي الحقيقه
إرسال تعليق