وحشتوووووووووونى
قوى قوى قوى
اشكر بشده وبمزيد من الشده كل من تكرم وسأل عنى
دخلت المدونه انهارده وجدت اخوانى واصدقائى بيسألوا عنى
انا الحمد لله كويسه جدا
واحب ان اعرفكم ان فرنسا هانم اصبحت اكثر بياضا
بقيت بيضا ناصعه البياض
احكى لكم الحكايه من طقطق لسلام عليكم
من وسط جميع المجرات
ومن وسط كل الكواكب
ومن وسط الست مرجانه قصدى الست قارات
ومن وسط دول افريقيا ومحافظات مصر واحياء السويس
يقع حظى فى عماره واحده مع ام دبوه
ام دبوه دى يا اخوانى جاره ساكنه فى الدور اللى تحتى مباشره
واخلاقها وتصرفاتها غير الناس كلها
ام دبوه الوحيده فى العماره اللى رفضت تشترك مع السكان فى تركيب رخام للسلالم
ووقفت الموضوع سنتين وفى النهايه ركبنا السلم واتحملنا نصيب ام دبوه كل ساكن دفع جزء
ام دبوه يا ساده الوحيده فى العماره اللى عمرها منورت نور السلم لاى حد الا ليها ولعيالها
وحتى لما لمبه السكان اللى قصادها تتحرق راسها والف سيف متولعش النور
تيجى من اول الدور بتاعها وتنادى
واد يا دبوه ولع النور ياله
واول ما تدخل الشقه تتطفىء النور على طول
ام دبوه يا ساده
الوحيده فى العماره اللى حاطه صفيحه زباله جنب باب الشقه
كل السكان حاطه الصفيحه او شنطه الزباله فى المطبخ
الا ام دبوه
اتحايلنا عليها تدخل الزباله فى المطبخ وهى راسها والف سيف لا
لغايه لما صندوق زباله ام دبوه بقى وصمه عار فى جبين العماره كلها
طبعا كل اللى طالع او نازل وفى ايده منديل او اى ورقه او اى نوع من انواع الزباله يرميه فى صندوق ام دبوه فى الخباسه كده
الصندوق بقى مقر دائم للامم الزباليه
قلنا لها
يا ام دبوه يمكن حد من الناس الكبار زى بوش ولا ساركوزى ولا كريس ايفرت بتاعه التنس او كاكا بتاع الكوره او ام باتعه بتاعه الفجل يجوا يزورونا فى العماره يلاقوا منظر الصندوق الاسود ده
قالت
اللى مش عاجبه يشيله جوه شقته انا شقتى مفهاش مكان
اما بعد
حصل اللى حصل
من حوالى عشر ايام
وانا نازله اتدلع املىء القلل على السلم
وعند صندوق ام دبوه الاسود
وفى غير موسم الموز
جابت ام دبوه موز
واتكرمت علينا بالقشر على السلم
وطبعا
من غير فكاكه
الكل عرف اللى حصل
طرت لفوق
زى اى عصفوره او يمامه
ونزلت اتكوم على السلالم الرخام
لاول مره فى حياتى اتمنى اكون اى حاجه بجناحين
عصفوره حمامه غرابه اى حاجه حتى لو بومه
المهم
طرت
ونزلت على ضهرى
كسرين فى العمود الفقرى فى الفقره القطنيه الاولى والتالته
والله العظيم كسرين فى ضهرى
عاجبكم كده
استنوا خدوا اخر كلامى
انا لما طرت ونزلت امسح السلالم بكل جسمى وهدومى
صرخت باعلى صوتى
اتلم كل ناس العماره والعمارات المجاوره
واتقدمت النسوان وشالونى على الاعناق زى عصام الحضرى
وارقصى يا فرنسا
وبعد عمل الاشعه
اتضح وجود كسور فى الساق والذراعين وجرج فى الرأس
ونصح الاطباء بعمل حزام عالى بحمالات
او قميص جبس
او
تلات شهور نوم على السرير بدون حركه كبيره
وعدم ركوب سيارات نهائى طوال ال 3 شهور
ولفونى كلى فى الشاش
رجلى وايدى وصوابعى وراسى
كلى
ابيض فى ابيض
والسبب
ام دبوه
وطار فى الهوا شاشى وانتى متدراشى يا جدع
تعرفوا يا اخوانى
انا قعدت قد ايه اكتب الكلام ده
خمس ساعات
واربع برشامات مسكن قوى
يعنى انا دلوقتى مبرشمه
مره تانيه
اشكر كل من سأل عنى
وتصبحوا على خير
فين ايام العجله ؟؟؟؟؟؟؟؟؟؟؟
الاشتراك في:
تعليقات الرسالة (Atom)
هناك 126 تعليقًا:
عين وصابتك يا فرنسا
اي والله ياختي
أولا حمدلله عالسلامه بعد الغيبه دي والحمد لله انك برضه بخير
ثاني هام
منها لله ام دبوه دي
وبس حد يكتبلها حديث النبي عن الجار وحسن الجيره ويقوللها النبي عمل ايه مع جاره اليهودي
لكن حتى في وسط الامك لم تتخلى عن روح الدعابه وخفة الدم في طرحك للموضوع
انا باقترح عليكي الى ان يتم شفائك انك تأجري العجله في الفتره دي
لكن برضه مش ممكن أقوم الا لما ادعيلك
اللهم رب الناس أذهي البأس
اشف أنت الشافس لا شفاء الا شفاؤك
شفاء لا يغادر سقما
اللهم اشفها من كسرها
وبارك في عمرها وصجتها
واجعل في ميزان حسناتها يا كريم
اللهم اهد لها جيرانها وأحبابها
ووفقها لما تحب وترضى
خالص أسفي وتحياتي لك يا فرنسا
ودمت بكل خير
السلام عليكم
مش عارف بجد أقول إيه هو فيه ناس كده بجد ؟
يعني الست دي كدا عايشه عادي كده ومش حاسه بأي حاجه ولا ملاحظه إنها عجيبه كده والناس كلها مخنوقه منها ؟
عموماً ربنا يديها على قد نيتها وأظن مافيش دعوه ممكن تتدعى عليها أصعب من كده.
وربنا يشفيكي و يخفف عنك الألم دا لأني جربته قبل كده وعارفه.
ويارب كدا نسمع أخبار شفاءك قريب وماتحسيش بالوقت دا ويمر عليكي بسرعه.
أسأل الله العظيم رب العرش العظيم أن يشفيك
لا حول ولاقوة إلا بالله
أسأل الله أن يجعل ما أصابك في ميزان حسناتك
منها لله "أم دبوه"حد يسمي إبنه "ديوه"أه؟
منها لله ..كدة مش هتكتبي في المدونة غير مرة كل شهر...إهىء إهىء إهىء
منك لله يا أم دبوه..حد يسمي إبنه دبوه!!ظ
طب دي ممكن تكون مثلا من الموساد ولا من السوفيت ولا حاجة وجاية تتخلص منك...يا ستي إتخلصي منها...بس في حاجة محيراني..إنتوا عملتوا إيه معاها!!؟
ولا هي لمت عزالها وهربت؟
لازم تروحوا تعملوا محضر في الشرطة
مينفعش..لازم تخدي حقك..وإلا ألم العيال ونروح نعمل إعتصام قدام عمارتك..\
بجد لازم تعملي حاجة...
عموما الحمد لله رجعتي مش بالسلامة ولا حاجة
والله يا فرنسا بدعيلك .....3 شهور ..مش قادر أتخيلها!!!
3شهور على السرير ...إهىء..ربنا معاك يارب
ويفك كربك
ويشفيكي بسرعة
وينتقم من أم دبوه..حد يسمي إبنه دبوه!!!!!1ظ
يارب فك كرب خالتي فرنسا
يارب شيل البياض إلي عليها دا بسرعة
ما عدا بياض وشها طبعا
يلا علشان أنا طولت قوي
أسأل الله العظيم رب العرش العظيم أن يشفيك
سلام
لك مني أحر الدعاء
انا لله وانا اليه راجعون
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسال الله العظيم رب العرش العظيم ان يشفيك
اللهم رب الناس اذهب البأس.....اشفى انت الشافى لاشفاء الا شفاؤك....شفاء لا يغادره سقما
اسال الله ان يجعل كل ما لاقيت ى
فى ميزان حسناتك
و الله طول ما أنا باقرا ... مستنيكى تقولى إنك بتهزرى .. لكن للأسف ما قلتيش
كان الله فى عونك و جعله فى ميزان حسناتك
أنا لو منك أفكر أفكار شيطانية .. و أروح مثلا أرمى زجاجة بنزين مولع فى الصندوق الأسود .. و نقول إنها سيجارة شاردة هى اللى عملت الولعة
أو نجيب صباع ديناميت و نسربه ليها من تحت عقب الباب .. دة بعد ما نولع فى الديناميت .. و فى الباب كمان
أو نكتب على باب شقتها "العالمة المصرية أم دبوه التى شاركت بتصميمات مبتكرة فى صنع القنبلة النووية الإيرانية" .. و بعد كدة مكالمة تليفون صغيرة (أو مسيد كول ممكن) للسيد جورج بوش .. و هم هايتكفلوا بالباقى
و ما تقلقيش .. أنا سمعت إن العظام من أكتر مكونات الجسم قدرة على الالتئام و إعادة بناء نفسها
و شدى حيلك كدة .. و قاومى الإصابة .. دة انتم أهل السويس مشهورين بالمقاومة
ملحوظة كدة على جنب .. أنا مش عارف أقرااسم "دبوه" ... ممكن تكتبيه بالتشكيل
لا حول ولا قوة إلا بالله
والله احزنتيني جدا :(
تذرت مقوله : غن شر البلية ما يضحك وانا اقرأ كلماتك
شفاك الله وعافاك اختنا الفاضلة وجعله الله في ميزان حسناتك
واذكرك بحديث الحبيب الرائع :
عجبا لأمر المؤمن إن أمره له كله خير وليس ذلك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له
اسأل الله العظيم رب العرش العظيم أن يشفيك
هيه فييييييييين
هيه فييييييين الهانم اللى حاطة الزبالة عالسلم لما أكل بطنها عاللى بتعمله
بقى كده تكسرلنا الغالية كده
كده يا فرنسا بقيتى كلك حتت حتت كده يا حبيبتشى والله وجعتى قلبى
-------------
حقيقى أل لا بأس عليكى وربنا يعفى عنك يارب وأهلا كلها حسنات ربنا أراد أنه يرزقك بيها بس والله الواحد كان يتمنى انك تقدرى بس تتواصلى معانا علشان كنا نكون معاكى فى اى وقت لو عوزتى اى حاجة
ايميلى
hebacanon@hotmail.com
نفسى بجد نتكلم واتطمن عليكى - ده لو تحبى وميكونشى تطفل منى وبجد بجد لو محتاجة اى حاجة انا تحت أمرك
ربنا يكمل شفاكى على خير يارب
تحياتى يا كميلة
هبة
خالتي فرنساااااااا
ألف سلامة عليكي ياخالتو
شفاكِ الله وعافاكِ
انا قلت برضه مش يغيبها عن البيت قصدي المدونة الا الشديد القوي
ام دبوه دي بقى الله يسامحها ويهديها يعني الملائكة بتتأذى مما يتأذى منه ابن آدم ودي تأذي بشررررر مش بني آدم واحد
بجد ألف لا بأس عليكي ياخالتو وربنا يهدي ام دبوه ويصلح الحال
اللهم رب الناس أذهب البأس
اشف أنت الشافي المعافي لا شفاء الا شفاؤك
شفاء لا يغادر سقما
شفاكى الله وعافاكى
وان شاء الله يتم شفائك على خير
وترجعى سريعا
قلبك ابيض معلش
لازم نستحمل برضه
ربنا معاكى ويعينك على الكسور
وجميل قدرتك على الابتسامة والمرح خلال هذه الاوجاع
نتمنى سرعة شفائك على خير
يا فندم
قلتلك لازم تاخدي حقك
إسمعي كلامي
انا كنت فاكرة انك خلاص بطلتى تزرينى
مش كنت عارفه انك تعبانة.. الف سلامه عليكى ليدى فرنسا
ربنا يسعدك ويكتب لك الصحه والعافية يارب
كاميليا
يا حبيبتى يا فرنسا
حمد الله على سلامتك الاول والف بعد الشر عليكى
معلش يا جميل ، الله يسامحها أم دبوه
ويهون عليكى ما أنتى فيه
ربنا يشفيكى وتقومى لنا بالسلامة الدنيا
كانت مضلمة يا فرنسا هانم
ومش قادرة اقولك اد إيه إنتى واحشانا
وقدر الله وما شاء فعل الحمد لله
يارب يشفيكى ربنا
يا رب يهون عليكى ما أنتى فيه
ويزيح عنكى اى اوجاع أو ألام
و وزعيها علينا أنا مستعدة اخد منك
حبة ،
وحشتينا وحشتينا
ربنا يتم عليكى الشفاء يا رب
وتحيات كبيرة وسلامات
مع خالص حبنا ليكى كلنا بنحبك
دكتور حر
ازيك يا دكتور محمد
لو تعرف حد يأجر العجله تبقى عملت معايا احلى واجب
وحتى بالمره نقدر نصلح الفرامل
وبعدين فين الصاقع
وفين العصير
هو انا مش مريضه ولا ايه ؟
جاى فاضى يا دكتور ؟
وحشتنى جدا
وحشنى كل الاصدقاء
كانت معكم
من مصنع الجبس
مراسلتكم
فرنسا هانم
الف سلامة عليكي يافرنسا
ربنا يتم شفاكي على خير وترجعي لنا بألف سلامة
ممكن تبقي تجيبي حد من اصحابك يكتبلك ويقرالك التعليقات وانتي مستريحة على السرير
انا لو ماكنش متعلق في رقبتي تلات بغبغنات وابوهم كنت جيتلك بدون تردد
ربنا يعينك ويهون عليكي مدة الرقدة في السرير
alaa salim
متشكره قوى يا علا
وانا بحارب فى الالم
لكن اختك فرنسا جدعه
وتستحمل الالام
بدليل انى بكتب وانا متكسره
اه
يا صبعى
اه
يا ضهرى
اه
يا رجلى
فرنسا هتبقر شرك
وهتطلع على المعاش المبكر
عصفور المدينة
استاذنا وحشنى كلامك
وتعليقاتك
رغم انك برضه جاى فاضى
فين العصاير
والمثلجات
واكياس السكر
فين البرتقال
والموز
واللحمه
شكرا يا باشمهندس محمد على تشريفك وسؤالك عنى
عبدالرحمن ياسين
ابنها اسمه الاصلى عبد الله
والاولاد اصحابه دلعوه بدل عبده دبوه
وبقيت هى ام دبوه
اما عن تحرير محضر فى قسم الشرطه
جات ام دبوه مع بعض سكان العماره
وحلفت باكثر من يمين انها متعرفش اى حاجه عن الموز
وحلفت انها مش هتحط الزباله تانى بره
وانا حمدت الله
ومبحبش اذيه الناس
صانعة الحرية
الف قبله ليكى يا عسوله
متشكره جدا جدا على اهتمامك بى
ودعائك لى
وهى دى بنات مصر ولا بلاش
لكن كان نفسى تجيبى معاكى
عشرين كيلو لب وسودانى
اختك فرنسا مطوله فى النومه دى
مره تانيه
شكرا جزيلا
ابن حـجـر الـعـسـقـلانـى
يا عينى على الافكار الفله دى
عشره على عشره يابن حجر
انا معاك ياريس وربنا ينصرك
نعمل اى حاجه
التار ولا العار يا ولدى
وانا عندى فكره تانيه
نسحلها ونسلخ فروه راسها زى الهنود الحمر
تصدق يابن حجر
خليتنى احس انى ورايا رجاله
يخافوا على اختهم
شكرا
اما اسم دبوه
دلع عبده
debbo
عرفت تقراه ولا اطلعك على السبوره
المهـ إلي الله ـاجر
خفف عنك يا اخى
لا تحزن
انى بخير والحمد لله
والدليل انى بكتب ليكم دلوقتى
لكن مخبيش عليك
بالمسكنات
هفتح صيدليه خاصه لفرنسا
وابيع فيها مسكنات بس
Doba
هبببببببببببببببه
وحشاااااااااااااانى موت
بوسه لاختك فرنسا
وحشانى يا قمر
هدى نفسك يا هبه
الوليه دى متستهلش تمدى ايدك الطاهره الجميله دى عليها
من غير سنجه ولا مطاوى
ولا ديل حدايه
انا سيبتها لله
وربنا يسامحها
وانتى عارفه
لو
ولو
ولو
حطيت دماغى فيها
هقرقشها
وافرمها تحتى
واعملها كفته
بجد وحشانى جدا
فرنسا هانم
همسة قلم
بالحضن يا غاليه
وحشانى جدا جدا
وانتى عارفه صحيح
ان الحاجه الوحيده اللى تحشنى عن اصدقائى
لازم تكون خارجه عن ارادتى
ربنا يسامح ام دبوه
وامثال ام دبوه
الف
الف
مليون شكر
فرنسا هانم
امام الجيل
خالتك فرنسا طول عمرها قلبها ابيض
ومبعرفش اشيل الكره لحد
علشان كده انا سامحت ام دبوه وربنا يسامحها
ومتشكره على كلامك الطيب عنى
ودعائك لى
عبدالرحمن ياسين
يا عبد الرحمن عفا الله عما سلف
وسيبها لربنا
والايام هتعلمها اكتر منى
لكن كلام فى سرك
انا لو وقعت فى ايدى تانى
بس بعد ما اخف
هقطعها حتت
بس لو عملت كده تانى
كاميليا
ياقمرايه انا حاشنى عنك الشديد القوى
ومدونتك من المدونات الجميله
اللى بحرص على زيارتها باستمرار
جهزى برشامه مسكنه
وانا جايه عندك
Esmat
بعد الشر عنك ياروحى
انا نفسى فداكى
برضه اوزع الالم على احبابى
يا حته عسووووووووووله
انا بحبك موت
واتالم سنين وانتى متتالميش ثانيه واحده
بقولك ايه
انا هتسند
واركب العجله
واجى ازورك فى مدونتك
عندك عشاء ؟
shahy
القمرايه تخلف تلات قمرات
مش تلات بغبغانات
انتى قمره
وهم
قمرات
انا متشكره جدا على احساسك ناحيتى
وانا باخد مسكنات
واكتب
علشان
محدش عارف انى عندى مدونه
واهو
ماشيه
والحمد لله
اللهــم،رب الناس ، أذهب البأس،اشف أنت الشافي لا شفاء إلا شفاؤك شفاء لا يغادر سقما
***********.
اللهــم،رب الناس ، أذهب البأس،اشف أنت الشافي لا شفاء إلا شفاؤك شفاء لا يغادر سقما.
****************
اللهــم،رب الناس ، أذهب البأس،اشف أنت الشافي لا شفاء إلا شفاؤك شفاء لا يغادر سقما
***********.
اللهــم،رب الناس ، أذهب البأس،اشف أنت الشافي لا شفاء إلا شفاؤك شفاء لا يغادر سقما.
اللهــم،رب الناس ، أذهب البأس،اشف أنت الشافي لا شفاء إلا شفاؤك شفاء لا يغادر سقما
********.
اللهــم،رب الناس ، أذهب البأس،اشف أنت الشافي لا شفاء إلا شفاؤك شفاء لا يغادر سقما
*********.
اللهــم،رب الناس ، أذهب البأس،اشف أنت الشافي لا شفاء إلا شفاؤك شفاء لا يغادر سقما
**************
الف سلامه.
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان
يشفيك
كده يا خالتي
الله يسامحك ويشفيكي
بجد زعلت جدا والله
يارب تكوني بخير وسعاده ومش تكوني ناصعة البياض كده فترة طويلة
في انتظارك مرة أخرى وبقوة إن شاء الله
وتكوني بعيده عن ام دبوه
إنتي متأكدة إن هي إلي رمت الموز؟؟؟
لازم برده تتأكدي
ابن عمر
انا متشكره جدا على شعورك الطيب
ودعائك لى
والله يسلمك
صاحب المضيفة
ايوه اهم حاجه بعيدا عن ام دبوه
انا متشكره جدا على اهتمامك بى ودعائك لى
وانشاء الله
العوده والعزيمه موجودان
معلش يا فرنسا
عندي دي
يلا يابني
11 صندوق ساقع على شقة فرنسا
10 ليها مليانين
وواحد فاضي للشقه اللي تحتيها يتكسر على دماغ اللي فيها
واي حاجه تعوزيها بس
اطلبي على الحساب
والباشمهندس عصفور هيقوم بالواجب
ولا يهمك
عبدالرحمن ياسين
يا عبد الرحمن
يا عبد الرحمن
يا عبد الرحمن
ناديتك تلات مرات
لانى متاكده زيك ان ام دبوه او حد من العائله هو اللى رمى القشره بتاعه الموز
لكن ايه العمل وانا مكسره ومفتفته ؟
صبرك على لما افوق
انت عارف انى بلعب كاراتيه ؟
يعنى ممكن اعجن ام دبوه وجوزها ابو دبوه وابنهم البكر الرشيد دبوه
يا حبيبتى يافرنسا
الف سلامه عليكى
فى عز الامك ضحكتينى برضه
ربنا يعافيكى بسرعه اللهم امين يارب العالمين
دكتور حر
يا عينى عليك يا اجدع دكتور
ايه الكرم ده 10 صناديق مره واحده
صحيح اصحاب الارض الطاهره
اصحاب الكرم
بس عندى رجاء
خلى الصندوق الفاضى بتاع ام دبوه خمسه علشان دماغها ناشفه
رفقة عمر
صاحبه السبق
اهلا بحبيبتى
وحشتينى جدا
وبجد وحشتينى
وشكرا على سؤالك
السلام عليكم ورحمة الله وبركاته
الف الف سلامة عليكي يا فرنسا هانم
والله فعلا جيران معندهمش دم
فكرتيني بونيس لما خله كان يقوله ناس معندهاش دم
وهو اللي معندوش دم
الف سلامه مره تانيه
ومستنين رجوعك
يا حبيبة قلبى الف سلامة عليكى
يارب كانت ام دبوه ودبوه ابنها اللى اتقطمت رقابتهم علشان كانت حرمت تأذى حد بذبالتها
سلامتك يا قلبى الف الف سلامة عليكى
وان شاء الله تقومى بالسلامة
وتنورينا تانى
وابقى طمنينا من وقت للتانى
اموااااااااااااه فى مكان مفيهوش شاش
خالتى فرنسا
ياخبر الف سلامه عليكى
بجد انت فعلا وحشتينا جدا
ويارب تقوميلنا بالسلامه
خالص تحياتى وتقديرى
الف سلامه عليكي
ربنا يخفف عنك
الوليه دي لازم حد يولع فيها بجاز
ياساتر على الاذى
الف ألف ألف مليون سلامة عليكي يا شقيقة
معلش يا ست الهوانم كلها هو المؤمن دايما مصاب
وأجر وعافية وكفارة ذنوب
حتى الشوكة تاخدي عليها أجر، اومال ايه، ده ربنا بيحبك اوي يا فرنسا، وبعاتلك تكفير ذنوب، وافتكاره رحمة يا فرنسا
تخيلي بقى الألم ده فيه كام شوكة، اللهم لاحسد
تعيشي وتقومي يا مٌهر عربي اصيل، وإن شاء الله يارب كانت تيجي في اللي أخدوا العلقة منكم في 73، واللي يتكسر عضمهم، وينشف دمهم
ويجعلهم في كل خطوة ام دبوة
ده انت غالية اوي يا فرنسا
وكتبتك تعليق اول ما قاللي دكتور حر
والظاهر من استعجالي قمت شاطبه من غير ما اخد بالي
عاوزينك بقى تشدي حيلك كده، وتنسى الألم ده، وأوعي حسك عينك يكون لسانك جراله حاجة؟
الضهر مقدور عليه يا فرنسا
اخوكي، عنده انزلاق غضروفي في تلات غضاريف، واحدة عملها عملية وشالها
والاتنين الباقيين يتعامل معهم بحنية
يعني والله يا ختي مجرب الألم الرهيب بتاع كسرة الضهر
والدكتور بيقولي انت كنت في سلاح المظلات قلتله لأ في سلاح الحارات
انا ما دخلتش الجيش، بس شوفت عبود ع الحدود
يا فرنسا، كل البيوت في مصر عندها ام دبوة دي، من اول نور السلم لغاية صفيحة الزبالة اللي على السلم
ويا سلام بقى ، في حكاية الاشتراك في حاجة في العمارة
تحسسك انكم كلكم شغالين عندها
لو تحبي نعمل اي واجب ونيجي نخلصك منها قولي
والله يا فرنسا مع كتر الانشغال مش عاوز اخلص
باحترم فيكي انسانيتك وجدعنتك، وحبك للناس
يارب يا فرنسا لسانك يفل طويل على طول يارب
على فكرة انا كنت مستنيكي في البوست اللي قبل ده .. عشان كان بتاع افتتاح قناة السويس
ان شاء الله لما تتعافي هتشوفيه
ربنا يخلييكي يا فرنسا، ويشفيكي، ويسعدك ويبارك ليكي في اوقاتك
يا أصيلة
أحمد
السلااااام عليكمممم
لا حول ولا قوة الا بالله
بقى ياربى اول زيارة ليا للست فرنسا الاقى الحال بالشكل دا
اسأل الله العظيم رب العرش العظيم ان يشفيك وترجعى لينا بألف سلامة
ومش هقلك تعيشى وتاخدى غيرها احسن دى صعبة اوى
دى ايه بقى دا دووول
لا بجد كوكتيل غير عادى من الاصابات.. اكيد ام دبو عملتلك عمل وحطت فيه قشرة الموزة
مش عارفه انا الناس دى ماتعرفش ان ممكن يجيلها يوم برضو وتحتاج اللى يقف جنبهم
ربنا يهديها هى وكل امثالها من امهات دبو
وانتى ربنا يعافيكى وان شاء الله ترجعى احسن من الاول
انا عارفه هتدعى عليا من كتر الرغى دا معلش
سلاااااااام
وياريت تمنعى اى زيارة ليكى فيها موز اوى حاجة بقشرها:))
فرنسا لا الف سلامه عليكى انا ادايقت جدا هى فين ام دبور وزن على خراب عشه
الف سلامه عليكى يا ست الكل
عين الحسووود
ربنا يقومك بالسلامه وترجعى على طول ان شاء الله
طيب لو حابه اطمن عليكى اعمل ايه بجد
يارب استجب لنا دعاءنا واشفها
وندفع الساقع مش مشكلة يا دكتور محمد
السلام عليكم ورحمةالله وبركاته
الف سلامه عليكي يااجدع خالة فرنسا في المنتشقه كلها
من اول البوست وانا مش قادره امسك نفسي من الضحك
وفجأتا...ان ان ان ..اذا بالكارثه ، لا الف سلامه عليكي ومنها لله ام دبوه ( الا هي بتتنطق بالفتحه ولا الكسره ولا الضمه ولا ايه بالظبط )
وانا كمان هادعيلك ربنا يقومك بالسلامهخ ويتم شفاكي علي خير
اللهم رب الناس أذهب البأس
اشف أنت الشافي لا شفاء الا شفاؤك
شفاء لا يغادر سقما
اللهم اشفها من كسرها
وبارك في عمرها وصحتها
واجعل مرضها في ميزان حسناتها يا كريم
اللهم اهد لها جيرانها وأحبابها
ووفقها لما تحب وترضى
اللهم آمين
هههههههههههههههه
بس كده اؤمرى
اتفضلى يا ستى
20 كيلو لب
20 كيلو سودانى
وربنا يعجل شفائك ويجله فى ميزااان حسناتك
وعلى فكره لكى عنى تاج
لما تتحسنى ابقى تعالى خديه وجاوبى عليه
السلام عليكم
اسأل الله العظيم رب العرش العظيم ان يشفيكى
قال رسول الله صلى الله عليه وسلم
ما يصيب المسلم من نصب ولا وصب ولا هم ولا حزن ولا غم ولا أذى ..حتى الشوكة يشاكها الا كفر الله له بها من خطاياه
صدق صلوات الله عليه وسلامه
والنصب والوصب هما المرض والتعب
ما شاء الله عليكى وعلى خفة دمك حتى وانتى تعبانة
ربنا يكرمك ويعجل فى شفائك ويوضع فى ميزانك باذن الله
حمد لله على السلامه ونورتى البلوج بتاعك من تانى والف سلامه عليكى بخرى البلوج وبخرى نفسك ياختى
الف سلاامة عليكى
ياخالتو
وانا عمال اقول
ايه اكثر بياضا دى
اخيرا فهمت
هو فعلا العين فلقت
الحجر
كله عمال يقول فرنسا فرنسا
لحد ماوقعت خالتى فرنسا
ربنا يقومك بالسلامة
سلام ياخالتو
mohand
خله
عارف يا مهند
انت جبت التايهه
برافو عليك
هى شبه اخلاق خله بالظبط
عشره على عشره يا مهند
Desert cat
امواااااااااه
يا احلى قطه صحراء
وحشانى جدا يا نانا
وانا معتمده عليكى تاخدى تارى لغايه لما اقوم
وبعد كده اشيل ام دبوه وعيله دبوه بصابع واحد وارميهم فى عرض البحر الاحمر
وحشاااااانى
امواااااااااه
ra7eel
هما الكلمتين دول وبس ؟
من غير
كام كيس برتقال على كام كيس عنب
على كام ازازه عصير
معندكيش حق وانا مستنياهم الزياره الجايه
لولا الملامه
اهلا يا قمر منوره المدونه
عارفه
انا لولا الملامه كنت حرقتها هى وعفش بيتها
ولولا الملامه كنت كسرت دماغ جوزها اللى سايبها تاذى الناس
ولولا الملامه كنت عملت فيها احلى محضر فى القسم
ولولا الملامه كنت حلقت لها راسها زيرو
ولولا الملامه
ولا اقولك الطيب احسن
يوميات عيل مصري
ابو حميد
وحشنى جدا
جاى اخر الناس يا شقيق
وكمان ايد وراء وايد قدام
فين الزياره المكن بتاعه الاخوات
انا فضيت الصاله كلها وقلت احمد هيجى المدونه محمل ب 3 مقطورات عصير وسفن اب
وعربيه صغيره شايله الشفاطات بتاعه علب العصير
ماشى يا شقيق ولا يهمك
انت برضه عملت الواجب
بس فوت حتى ولو نص جنيه نجيب احنا العصير
وعلى فكره
الباشمهندس عصفور المدينه
م / محمد
فاتح حساب خاص وهيدفع كل مصاريف الصاقع بتاعه المدونه هو والدكتور محمد
وانت بقى يا شقيق
عليك الاكل
تدفع مصاريف العزومات بتاعه المدونه من لحمه وكباب وكفته وسجق وكرشه وممبار
وانا هجيب العيش على حسابى
اظن كده قسمه العدل
بجد
بجد
بجد
وحشنى كلامك الاخوى
اختك فرنسا
ŞoŖśậŖấầ
اهلا وسهلا بيكى وبزيارتك
وانشاء الله متكونش اخر زياره
بس انا مش عارفه اقراء اسمك
ممكن توسوسينى فى ودنى وتقولى عليه ؟
شكرا على زيارتك
صباح الفل يا سنيورة المدونات
الست فرنسا هانم
جيت اصبح يا جميل واسألك عن احوالك
ومع بزوغ الشمس دعواتى لكى أن تكونى بخير
وإستحملى بقى صبح ومسا ماهو لازم نطمن عليك يا جميل يا رب شفاكى يبقى سريع
ربنا يطمنا عليكى و يحلى أيامك
واحلى صبح لاحلى فرنسا يحميكى ربنا
بت يا فرنسااااااا
انتى يا بت
اه ده انتى متجبسة خلاص انا هجيلك
انا جبتلك حاجات التلاجة واللب والسودانى وكل اللى نفسك فيه علشان تعملى احلى دماغ وانتى بتتصفحى المدونات وتشقرى علينا
ومنسيتش النيسكافيه والقهوة - دول تبعى اوعى تقريبليهم لكهربك - حاكم انا عندى مبدأ مهم جدا - عض يدى ولا تعض نيسكافيههى
لو سمحتى حس للولية اللى تحت دى رنى بس جرس العجلة وهتلاقى فوريرة عندك ومعايا كل السنج والمطاوى وهشرحهالك بعون الله هيه والمحروس عين أمه
---------------
حبيت فعلا أصبح عليكى واقولك يارب تكون بخير واوصيكى بقراءة القرآن وذكر الله والاستغفار كثيرا كثيرا
وحشتينا فعلا يا مجرمة المدونات كانت ملهاش حس من غيرك
يلا خلى بالك من نفسك واوعى تعملى شملولة بقى وحركات - ارتاحى كده ولو عوزتى حاجة زى مقلتلك رنى بس جرس العجلة
سلام يا أم الأصالة
هبة
ألف ألف سلامة
مكنتش أعرف
وللأخت أم دبوه
أعتقد إن المشكلة فى دبوه ربنا يخليهولها
زهراء
ما هو إنتي لازم تاخدي حقك بسرعة
قبل ما هي تخلع وتهرب من البلد
فلازم تصلطي عليها شويت عيال..يخلوها تتمنى الموت..أنا والله بكلم بجد
لازم تدوقيها إلي إنتي دوقتيه
أصل أنا والله واحد حقاني
ومبحبش أتظلم
بجد
فا إنتي لو ما عرفتيش تاخدي حقك
آجي أنا والشلة بتاعتي ونيجي ناخد حقك
نسافرلك يا ستي السويس عادي
بس بجد لازم تخدي حقك
ازيك خالتى فرنسا انا لينا
المهم عشان كتر تطفلى وانا بعلق عند بعض المدونيين لقيت مدونتك وعشان برضه تطفلى حبيت اعرف ايه الى ورا الاسم الجاااااااااامد ده ودخلت عندك بصراحه مدونه جنان وكلامك بالعميه وحكاويكى عجبتنى اووووووووووووى وخليتى للمدونه شكل تانى بس بجد تستاهلى وسام عالمدونه دى
انا بجد اتشرفت بمعرفتك والف سلامه عليكى وربنا ام دبوه دى لو حطيت ايدى عليها لعيشها فى الانعاش عشان الى بتعمله فى الناس ده يس يالا مش مهم ربنا يسهلها مشكوررررررررره جدا
لينا
حسبنا الله ونعم الوكيل ماهى اللى زى جارتك دى ميجيش من وراها الا المصايب والاذى معلش ربنا معاكى ويبعد عنك وعننا اللى زى جارتك دى ربنا يطمنا عليكى
السلام عليكم ورحمة الله وبركاته
فرنستى الجميله
الف الف مليون سلامه عليكى اسال الله العظيم رب العرش العظيم ان يشفيكىبجد شكلها عين جامده قوى الى صابتك دى
قدر الله وما شاء فعل
وحشانى جدا قوى خالص
ربنا يتم شفائك على خير ان شاء الله
ولو اعرف عنوانك لاتيت اليك سعيا لكى اطمئن عليكى
ولكن النت الان اسرع
الف الف مليون سلامة يا قمر
هرجع تانى ابقى اطمن عليكى
انا والابناء وابوهم
ام الابناء
راجيه عفو الله
شفاكي الله وعفاكي
الحمد لله على كل شئ
وياريت تجتمعوا وتقولو للست أم دبوة دي
إنها كده بتأذي الناس
دمتى بحفظ الله
خالتي
الف الف ومليون سلامة
انا قاعدة أقول فرنسا راحت فرنسا واللا ايه ؟ ومش عارفين لك عنوان ولا رقم تليفون نتطمن عليكي منه
بس الحمد لله انك رجعتي بالسلامة ونورتي مدونتك يا غالية وربنا يجازي اللي كان السبب
وابقي خدي بالك يا جميل احنا معندناش غير فرنسا واحدة
حمدا الله على سلامتك يا خالتي
فرنسا هانم
حبيبتى الف الف سلامة عليكى
يا ربى الكلمات لاتسعفنى
انا بجد والله زعلانة جدا ونفسى آجى للست دى اهبدها عالسلم واوريها مقامها
ربنا معاكى يا رب وتقومى بالسلامة يا جميلة فى كل شىء حتى المك
دعائى لك حقيقى واتمنى من الله ان يتقبل
حبى ومودتى الصافية
هدى
لسه داخل النت اليوم بعد غياب اسبوع
شفاك الله وعفاك
اللهم رب الناس اذهب عنك الباس لا شفاء الا شفاؤك شفاءا لا يغادر سقما
سنة فى الجبس ولا يوم فى الحبس
سلمك الله من كل سوء
تحياتى
لماضة
الف مليون شكر يا احلى لماضه
وانا كويسه والحمد لله
والنبى نورتينى بجد
عصفور المدينة
باشمهندس محمد
شكرا لك على واجب الصاقع
ولو اننا مش عايزين نغرم حضرتك
خمسة فضفضة
ام دبوه
الدال بالكسره
debbo
واهى عملت باسمها وكسرتنى انا احلى كسره
انت وحشانى موووووووت
يا احلى اموره
وشكرا على قفص البرتقال
ولا مش انتى اللى بعتاه ؟
صانعة الحرية
ايه الجمال ده كله
لب وسودانى
احمدك يارب
Jana
خفه الدم مش منى
خفه الدم من تشجيعكم لشخصى الضعيف
وانا بجد متشكره قوى قوى
رئيس جمهوريه نفسى
ازيك ياريس
ايه اللون الاسود اللى كاتب بيه اسمك ده ؟
انت عملت حداد على فرنسا من دلوقتى ولا ايه ؟
doha
ابن بلدى
اهلا
وسهلا
انت مسمعتش صوت الوقعه على السلم ولا ايه ؟
Esmat
هو انا اطول اخوات قمرات يسألوا عنى
انا سعيده بيكى قوى قوى
وانتى تشرفينى فى اى وقت صبح ظهر ليل
المدونه تحت رجليكى فى اى وقت
ولو جيتى متأخره هوصلك بالعجله
Doba
حبيبتى يا هبه
والله جدعه يابت
وانا شايلاكى للعوزه
واول فرصه لضرب المدافع هرن جرس العجله وندبح ام دبوه
بس
فى حاجه
هو النسكافيه اللى فى التلاجه مش تبعى ؟
دانا خلصت نصه
يبقى هتكهرب
امانه عليكى
خلى موضوع الكهربا ده بعد ما افك الجبس
فزلوكة
الله يسلمك يا قمر
هى المشكله فى العيله كلها
عبدالرحمن ياسين
سيبك انت
انا بعد ما افك الجبس
هاخد حقى منها
ولو احترت هبعتلك تجيب الشله وتيجى
وعلى وعلى اعدائى
البنت الشقيه
تطفل ايه ؟؟
انتى نورتينى
وكلامك وسام كبير على صدرى
انا متشكره لشعورك الجميل
بجد
نورتينى
bocycat
انا متشكره قوى يا قطه
بس كنت مستنيه
برضه العصير
وقلت
بوسى كات عمرها ما تيجى فاضيه ابدا
لى عندك عصير
ام الابناء
راجيه عفو الله
انتى يا حبيبتى كأنك جيتى بالظبط
وانا بفرح قوى قوى اول ما اشوف تعليقك
وحشانى جدا
Salwa
احنا فعلا ناويين نجتمع
لكن
فى حاله انها هتكرر نفس العمله وتحط الزباله بره
تبقى وقفت قدام القطر
والقطر ده فرنسا
The Queen
الملكه
اهلا
وسهلا
بجلاله الملكه
انتى عرفه جلالتك انى مش ممكن اتأخر الا لظروف خارجه عن ارادتى
rainbow
هدى حبيبتى
حبيبتى هدى
وحشتينى جدا
وانت عارفه خالتك فرنسا عضلات ومجانس
ولو حطيت الوليه دى فى بالى
همسحها من على وش الارض
واوديها لوش القفص
وحشانى يا اجمل وارق هدى
الطائر الحزين
طائرنا العزيز
اهلا بيك
وحشنا
ولعل مانع دخولك للنت يكون خير
انا نور لينا
صدقنا كلامك وتعليقاتك نور للمدونات
وسلامى لام الابناء
راجيه عفو الله
وخلى بالك هى جات بنفسها وسلمت على
السلام عليكم
الف سلامه عليكييا فرنسا هانم
والله يسامح اللي كان السبب
بس نصيحة نمني بعد كده خدي بالك بالذات عند باب شقة ام دبوه
son's egypt
طبعا انا هعمل بالنصيحه
والمؤمن لايلدغ من جحر مرتين
تحياتي ... و تمنياتي لك بالشفاء العاجل ان شاء الله....و الف سلامة لك.
ياريت الست أم اسمها ايه تكون تعلمت درس ...و ياريت من رمي قشرة الموز يكون هو أو هي أيضا تعلمت درس...
الحديث الشريف فيما معناه ان الايمان بضع و سبعون شعبه...أعلاها لا إله الا الله و أدناها إماطة الأذي عن الطريق.
تحياتي و لك دعواتي و دعوات كل اصدقائك بالشفاء العاجل ان شاء الله.
عامله ايه دلوقتى يا خالتى
طمنينى عليكى
ممكن اجى اكتبلك على الجبس
متهيالى دلوقتى مفيش مكان فيه اكتب حتى حرف
حبايبك كتير يا عم
السلام عليكم ورحمة الله وبركاته
فرنستى الجميله
ازيك يا قمر كل المدونات
عامله ايه دلوقتى ان شاء الله ربنا يمن عليك بالشفا سريعا والله يجازى الى كان السبب وحشانى جدا
الابناء بيسلمو عليكى وبيقولو لك الف مليون سلامه يا خالتو
اجمد يا بطل وان شاء الله هتقومى زى الفل والورده المفتحه
يا اخف دم فى عالم التدوين كله
اسيبك دلوقتى
وابقى اعدى عليك مرة تانيه للاطمئنان عليك
هسيبك دلوقتى ترتاحى شويه
الف سلامة يا سكر سنترافيش
ام الابناء
راجيه عفو الله
الف سلامه عليكي يافرنسا يأخوتشي
ان شالله اللي يكرهوكي
بصي ياأختشي انت تجيبي اتنين كيلو مرهم هيموكلار وتدهني مكان الاصابه
يعني قلبة السلم اللي عملتي عليها باتيناج
بالنسبه لام دوبه انصح باستدعاء عدد واحد نجار مسلح
وتسمير باب شقة المذكورة اثناء وجودها بالداخل
مع التنفيض تماما لكل اصوات الصريخ و الاستغاثه التي ستصدر من جوه
اعتقد ان خلال اربع شهور لما المعونات الغذائيه اللي جوه تخلص في الحاله دي عزرائيل هايجي على نفسه ويشوف شغله
هوه اكيد مشوار تقيل على قلبه بس معلش ابقي شوفيه بعشره جنيه او بوست محندق كده
والف سلامه وبالشفا
شفلكى الله وعفاكى
وابعد عندك ام دبور
وكل الدبابير
سلامتك الف سلامه
ههههههههههههه تعرفى ان دمك خفيف والله بجد مش بهزر والف سلامه عليك ويارب تكونى بخير
وتحياتى لك
الف الف الف الف الف سلامة عليكى اختى العزيزة
ربنا يقومك بالسلامة
تحياتى
يا حبيبتى يا فرنسا يا حبيبتى
والله زعلانه عشانك قوى
عايزه اجى ازورك
يا ولاد الحلال محدش يعرف يجى يخودنى من المنصوره يودينى لفرنسا؟
الف سلامه يا هانم
وشى وحش فى اول زياره كده؟
كلنا كنا مستنين نطمن عليكى يا قمر
الف الف الف الف مليون سلامه عليكى يا حبيبتى
انا جيت وجيبالك معايا موز
لاء بلاش موز هروح اديه لخيخه
خدى انتى البرتقان
انشله اللى يكرهك يا رب
ربنا يشفيكى ويقومك لينا بالسلامه
تحياتى يا احلى فرنسا
اه نسيت اقول حاجه
حسبى الله ونعم الوكيل فيكى يا ام دبوه
شفاكِ الله وعفاكِ شفاء عاجل غير آجل
وربنا يجعله فى ميزان حسناتك
وربنا يهدى جارتك ويتوب عليها من أذى الجيران
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
ربنا يخرب بيتك يا ام دبور
أكيد خادتلها شويه في اجنابها جامدين جدا
متخيل شكلك يا ست هانم وانتي طايره ومش عرف ليه ببقي عايز اموت الست ام دبور ودبور وابو دبور والعيله كلها
الف سلامه عليكي يا خالتي
تحياتي
ألف سلامة يافرنسا هانم
شفاكي الله وعافاكي
وجعله في ميزان حسناتك
تقبلي تحياتي
الربان
انت جيت فى وقتك يا كابتن
بما انك قبطان
تاخد الوليه ام دبوه وفى عرض البحر ترميها
وياريت يكون المتجمد الجنوبى او الشمالى مش راح تفرق كتير
وترجع لنا انت بالف سلامه
نداء من اختك فرنسا
لماضة
حبيبه قلبى
انا كويسه جدا وروحى المعنويه مرتفعه جدا بتواجدكم معى
ام الابناء
راجيه عفو الله
مش عارفه اقولك ايه
انا فعلا بحبك جدا
و3 جدا
و300 جدا
و3000000 جدا جدا
سلمى لى على الطائر الحزين وعلى الاولاد
وقولي له يشد حيله معاكى ويعمل لك المدونه بتاعتك
سلام يا حبيبتى
اختك فرنسا
Mask
من فرنسا الى ماسك
من فرنسا الى ماسك
هل تسمعنى ؟
تم تنفيذ جزء من الخطه
وجارى العمل فى باقى الخطه
وعلى فكره
انا بعت اجيب 2 كيلو مرهم هيموكلار
قالولى لازم تخدى جنبه 2 كيلو بطاطس
و 2 كيلو طماطم
و 3 رطل لحمه
جبت المطلوب
وجارى تنفيذ الخطه ب
حول
semsem
الله يسلمك ويبارك فيك
وهى اسمها ام دبوه مش ام دبور
ولو انها فعلا ام دبور
walaa
شكرا جزيلا
وانا مبسوطه جدا بهدا الكلام
ويارب اكون عند حسن الظن
Tamer Nabil
الله يسلمك يا اخى العزيز
وشكرا على الزياره
ولو اننى كنت منتظره
العصير
والبرتقال
منى
وله يا حمو
التمساحه ياله
احسن مرسيدس شبح معدل
تروح تجيب منى من المنصوره للسويس
ولا اقوله
ابعت لك العجله ؟؟؟؟؟
e7na
وشك زى العسل
مفيش حاجه اسمها وش وحش
انا زى الحصان
قصدى الفرسه
ومفييش اى حاجه
وبكتب والحمد لله
3ala asm masr
اشد ودانك ؟
وكمان اشد ودانك ؟
انا زعلانه منك خالص
كنت افتكر انكى هتكونى من اوائل الناس اللى بتسأل على فرنسا
جايه متأخره
وانتى عارفه انى كنت غايبه
والناس كانت قلقانه على
خالتك فرنسا زعلانه منك
3ala asm masr
اه نسيت اقولك حاجه
فين الزياره ؟؟؟؟؟؟
أمـ الله ـة
اللهم امين
ربنا يستجيب لدعائك
alshared
وانا طايره ؟؟؟؟
والله لسه الاحساس اللى كنت حاسه بيه قبل السقوط واثناء الطيران
لدلوقتى وانا عايشاه
فينك يا عباس يابن فرناس
أمير القلوب
الف مليون شكر
وتقبل تحياتى
هههههههههههههههه
اوسوسك ازاى دى ليها متخصص فكدا مش انا:))
انا حاضر اقولك اسمى ايه مايغلاش عليكى ابداااا
انا... احم اختك الصغيرة صرصارة
بس لو ناوية تغدرى وترشى بيروسول
يبقى اسمى سارة
ويجعلو عامر:))
ŞoŖśậŖấầ
هههههههههههههه
ما انا كنت شاكه برضه فى الاسم ده
تصدقى بجد
خليتينى احب الصراصير
يا اجمل صرصاره
بس اول ما تيجى المدونه عندى هديكى تركيبه اعشاب جامده قوى تحميكى من جميع انواع البيروسول
سلام ياقمر 14 الف سلام
لا
مش معقول
انتى اكيد بتهرجى
انتى بجد اتكسرتى
بتتكلمى جد
معقول
يا حبيبتى
الف الف الف الف الف سلامة عليكى
ومعقول كمية الكسور اللى عندك دى
طب مين قاعد معاكى مين بيعملك الاكل
انتى قاعدة عند حد من اخواتك ولا فيه حد قاعد معاكى
يا حبيبتى يا فرنسا
والله خلتينى اعيط
فرنستى الغالية مكسورة
ازاى ده
الف سلامة عليكى يا حبيبتى
والله يا فرنسا لو انا جنبك ماكنتش سبتك لحظة
حاولى متتحركيش كتير
وقوليلنا هتقعدى اد ايه فى الجبس
الف سلامة عليكى يا حبيبتى
اختك خيخة
بت خيخة وأى كلام
انا الحمد لله بمب البمب
مانتى عارفه الستات المصريات
جامدين قوى وناشفين قوى
اى اى
انا لما لقيتك اتاخرتى قلت مش معقول الناس كلها جات وخيخه لا
رحت مدونتك
لقيت موضوع الشغل
ربنا يكرمك ويوفقك
اما من ناحيه مين بيخدمنى
اخواتى البنات
وزوجات اخواتى
وانا بتحرك برضه فى محيط الشقه بس
كان نفسى الف التراك بتاع الاستاد
لا انا بضحك
تراك ايه ؟
هو انا قادره اخرج بره
اى اى
لاء متشديش ودانى
والله العظيم لو روحتى للبوست اللى فات بتاعك هتلاقينى سألت عليكى
وأنا جيت هنا متاخره بس والله عشان مبدخلش كتير
عندى امتحانات يا فرنسا يا قمر أدعيلى
وحشتينى وحشتينى وحشتينى موووووووووووووووت
اه نسيت
اتفضلى يا ستى اشقطى
ادى تفاح
ادى برتقان
ادى موز
لاء بلاش موز عشان ميفكركيش بام دبوه
ده أنتى تاخدى عنيا يا فرنسا
ربنا يوقمك بالسلامه
الف سلامة يا فرنسا
صحيح متأخرة
بس و الله لما عرفت يا إختي
الف لا باس عليكي يا شابة
عين و صابتك
و عين الحسود فيها عود يا حلاوة
أم دبوة دي مفرد إيه بالظبط
ههههههههههههههه
و انتي عاملة ايه دلوقتي
خالص تحياتي
منها لله صحيح بس انا لو منك مسيبهاش في حالها اقرفها في عيشتها ياتعزل ياتدخل الزبالة جوا زي مثلا اشيلهولها خالص هوة موضوع صعب ومحتاج تخطيط بس هعملو او كنت اعرفها وانشاله هيا الي تتكسر هي ودبوة بتاعها دة وانتي لا
سلام
3ala asm masr
ولا يهمك يا عسل
واطمئنى انا الحمد لله دلوقتى
موجة
انا دلوقتى الحمد لله
وام دبوه مفردها
هى جمع ؟؟؟؟
مشمش
ربنا يكرمك يا مشمش
وانا كويسه والحمد لله
وشكرا على زيارتك
إرسال تعليق