الخاله فرنسا انهارده عايزه تفتح معاكم ملف اتقطع من الفتح وجلدته اتهرت من كتر ما عمالين يفتحوه
الا وهو حريه المرأه
اولا : انا مش عالمه فى كل المجالات وكمان مش متخصصه فى كل العلوم
ولكنى ذات راى فعلى الاخر ان يحترم رأيى
تانى حاجه
انا والله مش عضوه فى اى جمعيه من جمعيات المرأه
تالت حاجه
الكلام ده مش للبنات بس طبعا انا بنوته
لكن بنوته كبيره حبتين
وكلامى للشباب والبنات معا
كل واحد عماله يتكلم عن حريه المرأه وكله مش متفق مع كله
ولكن قدام شاشه التليفزيون كله مع المرأه وعلى صفحات الجرائد كله بيتكلم عسل
ولما يكون القعده فيها ست كله يتكلم عسل
وكل واحد مع نفسه يقول
نسوان ايه المهاريش دول اللى عايزين يتساوا معانا
القطه كلت عيالها يارجاله
الست تساوينى ؟ ليه ؟ فوضى ؟
الخاله فرنسا بتقول لهم
ايوه تساويك هى نفس وانت نفس هى خالقها ربنا وانت خالقك ربنا هى بتحس وانت بتحس هى بتتعب وانت بتتعب هى بتشيل الهم زيها زيك بالظبط
من حوالى 4 سنين اتجوز اخر اخواتى الرجاله عندى 3 اخوه
وانا كنت قاعده معاه فى شقه الاسره
وقبل الفرح بشهر بدأت اجتماعات القمه العالميه على مستوى الاسره والعيله كلها وكانت المفاوضات عسيره جدا والخناقات على ودنه
كل ده ليه ؟
اين تعيش فرنسا ؟
كله رافض ان فرنسا تعيش لوحدها
اقولهم يا جماعه انتوا عارفين انا بسبع رجاله واعيش مع القرود
كله رفض
وقرروا اقامه فرنسا الجبريه مع اخواتها التلاته الرجاله بالتناوب كل بيت شهر
طبعا فرنسا مش هبله وعارفه ان ده مستحيل يستمر
وافقت
ومضيت على محضر الجلسه
وانتهت المفاوضات واتجوز الولد
واستمرت فرنسا تبحر فى بيوت اخواتها
وانتوا عارفين ان لكل واحد حريه شخصيه فى بيته
فكان الموضوع مش مريحنى ولا مريحهم وخصوصا انى كنت عامله زى ايام الهجره بتاعه مدن القناه شايله خلاجاتى ومهجره هنا شويه وهنا شويه
وبعد سنه ونص او اكتر
طلبت عمل مؤتمر عالمى للاسره مره تانيه باشتراك اخواتى البنات عندى اختان
واسغرق المؤتمر خمس دقايق
وافق الجميع على اقامه فرنسا فى شقه الاسره على ان يزورها الاخوه الرجاله يوميا
عشت لوحدى
زيى زى اجدعها راجل
تتصوروا والله بتتعرض على مشاكل للاهل والجيران وبعون الله انا بحلها وكلمتى مسموعه
ونسوان العماره قبل ما يشتكوا لاخواتهم يشتكوا لفرنسا
يبقى ليه البنت مش زى الولد
ليه لما نتكلم عن حريه المرأه مانتكلمش بضمير صافى خالص لله
انا عارفه ان فى فرق جسمانى بين الراجل والست
وان الراجل اقوى واشجع من الست
لكن الاتنين ليهم نفس العقل
ونفس الروح
ونفس الذكاء
ونفس الايمان
ونفس الاحساس
يبقى من حقنا نقول البنت زى الولد
الاشتراك في:
تعليقات الرسالة (Atom)
هناك 72 تعليقًا:
الحمد لله
انا اول تعليق
البنت زى الولد
ماهيش كمالة عدد
هو وهى
لا هى وهو
انا شايف ياخالتو
انى هى
واخدة كافة حقوقها
وان هو
اعتقد
العقد
الجاى هو اللى هيطالب بحقوقه
ده من نحية
بعد كدة عايز اقلك
انتى فعلا بميت راجل
القعدة فى البيت لوحدك
صعبة اوى
ربنا يكرمك ويوفقك
ويعزك
سلامات
هو انتى عايشه لوحدك نفسى والله انا كمان استقل واعيش لوحدى واكون مستقبلى
انا عانيت يا حبيبتى من موضوع البنت والولد ده اكتر من اى حد فى الدنيا
لما فكرت اعمل مشروع خاص بيا
وعرضت مشروعى على الاسرة الكريمة وكان كوفى نت ... كله فتح بؤه وكانى بقولهم كفتح كازينو فى شارع الهرم ... واللى يقولى انتى اتجننتى دى شغله ولاد ... والجميع ماسك لى سبتى للولاد ايه ... ما تخلوناش نأبح بئه ونشتم فى الولاد على اللى خلفوهم ... هو الولاد بس اللى ليهم الحق فى المجتمع واحنا واقعين من القفة ولا ايه ... واصريت على اللى فى دماغى والجميع تخلى عنى واولهم بابايا اصل دى شغله ولد وانا مش حنفع فيها يبقا اتحملى انتى العواقب ومفيش فلوس ... بس اختك كانت راجل وبشنبات كمان .... عملت اجتماع لكل صحباتى ونزلنا لفينا وشوفنا مكان ينفع للمشروع ... وابو صديقتى مدير بنك سهلى قرض على قرض اخر من جمعيه رجال الاعمال وبدأت المشروع والحمد لله اشتغل وزى الفل اول سنتين سددت فيهم القروض اللى كانوا عليا ... وادينى بقالى سنة مستحوزة على الدخل لوحدى ... والحمد لله .... واللى كانوا متنبأين لى بالفشل الذريعوعمال يبخوا سمهم فى ودان اهلى .. انتوا ازاى سايبين بنتكو كدا دى بنت ازى تفتح نت يعنى وكانى جبت لاهلى العار ... بقوا كل شوية يقولوا لولادهم الرجاله جتكو خبة شايفين البنت عملت ايه ووقفت على رجليها .. مش انتوا رجاله وبشنبات وقاعدين لنا فى البيت
وانا من هنا من مكانى هذا بقول تحيا الستات
معلشى يا قلبى رغيت عندك كتير
استحملينى بئه
اموااااااااااااه
يافرنسا
لو قعدنا نقول من هنا للسنين اللى جايه
البنت زى الولد
ولا حد يصدقها ولا يقتنع بيها
ممكن اه يسمعها
لكن مايقلهاش
احييكى
اولا احب احييك على النشاط ده
انا كنت عندك اول امبارح اجى النهارده الاقيك نزلت بوستين
ما علينا
انا رايى ان اللى كبر الموضوع ده هو بحثنا فيه بمرجعيات متعددة وفلسفات مختلفة
مع ان الموضوع بسيط جدا جدا
ويكفى اننا نتناوله زى ما دينا الحنيف تناوله
وده هيحل كل المشاكل
ببساطة
المرأة مثل الرجل تماما فى كل الواجبات والحقوق
مع مراعاة الطبيعة التى خلق عليها الرجل وخلقت عليها المراة
مفيش احلى من كده
لكن تعالى هنا وقوليلى
الموضوع مش موضوع تقعدى مع مين من اخواتك
الموضوع انك عاوزة تقعدى فى شقتك لوحدك علشان تبقى عمدة العمارة
حب السلطة يعنى
بس برده عمرى ما هاسيبلك منصب رئاسة الجمهورية
على جثتى
سلام يا فندم
هو يعني مافيش حل وسط
يا إما تبقى كمالة عدد
يا إما تبقى زي الولد؟
الموضوع وسط والإنصاف مراعاة الفروق الفردية مش بس فرق العضلات والشجاعة ولكن فروق الفطرة والمسئوليات والواجبات والمؤهلات التي أعطاها الله لكل منهما
ومسألة رجاحة العقل دي طبعا مش حاناقشك فيها بدليل إن قاعد هنا باقرأ ومستحمل ومافيش شاي ولا قهوة ولا حتى كوباية مية
doha
ربنا يدينا ويديك طوله العمر
لو بعد عقد من الزمن دارت العجله وهو اللى بيطالب بحقوقه
هتبقى فرجه
وتنتشر جمعيات حقوق الرجل المسكين
نقعد احنا على راحتنا يا ستات
وهات لى شويه ميه اشرب ياض
اغسل المواعين بسرعه وولعلى معسله
اكوى لى الطقم البيج علشان نازله اسهر مع صحباتى
خلى عندك حركه
متخلينيش اقفقلك
غير للبنت هدومها
لا
احنا مش بنطالب بقلب الموازين
الرجل رجل والست ست
والمساواه هى الحل
Desert cat
اصفقلك
تصفيق حاد
وبايدى الاتنين للصبح
انا مش هاقول عليكى راجل وبشنبات
لا
علشان مش ده مثلنا الاعلى اللى عايزين نوصله مع الاحترام الكامل للرجل
انا هاقول عليكى ست الستات
فرنسا بتحب النوع ده من البنات اللى بتعتمد على نفسها وتعيش فى ضل كيانها هى مش فى ضل راجل
الكلام ده مالوش دعوه بالجواز
الجواز حاجه
والست اللى تبنى نفسها وشخصيتها حاجه تانيه خالص مالص
مش امواااااااه
واحده
لا
مليون اموااااااااه
على اعتمادك على نفسك
من قلب الصحراء كانت معكم مراسلتكم
فرنسا هانم
حبة حاجات (ايمان
لكن برضه هنفضل نقول ونقول
لغايه ما يتحقق اللى عايزينه
مش كده ولا ايه ؟
أبو سويلم
مااااااااااااشى يابو سويلم
وحيا قصقوصى (شعرى)وعمرى ما بحلف بيه كدب انه هيجى يوم يا ولدى وتلاقى واحده حديديه
زى خالتك فرنسا الحديديه
قاعده على الكرسى
وبتحكم
وهاصدر قرار جمهورى
رقم واحد لسنه كذا
بالقبض على كل واحد فى فى حروف اسمه
ا ب و س و ي ل م
وهلاقيك
هلاقيك
وساعتها
هعفو عنك
لان العفو من شيم فرنسا
عصفور المدينة
ياخبر ابيض
الاستاذ عندنا
ومحدش عمل واجب الضيافه معاه
عثمان انت مرفود
عبده انت مرفود
حنكش انت مرفود
ام الخير مرفوده
وفرنسا كمان مرفوده
الاستاذ عندنا حاجه كبيره قوى
ماحنا يا سيدى بنطالب بالانصاف ده ومش لقيينه
ياريت يبقى فى انصاف
السلام عليكم
بما اني من اشد معارضين للمساواة
وبعلنها في كل مكان
سواء بقي في وسط قعده فيها ستات او لوحدي حتي لو جيت في التلفزيون
وبعلنها في مدونتي
فانا ارفض المساواة بالشكل اللي بيطلبوه
وبالشكل اللي عايزينه ده
تحياتي
mohand
اقفل باب المدونه يابنى
وشغل الانذار
وهات لى مهند فى الحال
مكبلا بالاغلال
ولا اقولكم خلاص سيبوه
احنا فى عصر الديمقراطيه
اخى مهند
اوعى تزعل خالتك فرنسا بتضحك معاك
انا احترم رأيك جدا جدا
فكل منا مؤمن بفكره
ومن يتخلى عن ايمانه بفكرته كمن تخلى عن ذاته
بس انا هاصدر قرار بمنعك من دخول ماسبييرو
السلام عليكم
مدونة الباحث عن الحقيقة هي بتاعتي الاصليه
والمستديمة
خالتى فرنسا انا لسه سامع الفيلم طازه على قناه الافلام قبل المكتب وجيت اشقر لقى الموضوع الوزعى ده
نحسبها صح اولا الراجل محتاج الست اكتر من احتياج الست ليه الست فى حياه الراجل ام اخت زوجه وبنت يعنى الست بتشارك الراجل طول حياته
موضوع الست زى الراجل اه ونص ونصين كمان بل الست بتتفوق على الراجل ومثال بسيط مدام كورى الوحيده اتنين نوبل على مدار التاريخ حتى الان
حاجه على جنب كده الست ممكن تعيش من غير راجل لكن الراجل مش ممكن يعيش من غير ست
الراجل مراته تموت بعد الاربعين يتجوز الست جوزها يموت ممكن تقضى بقيه حياتها تربى ولادها
يبقى الست مش زى الراجل الست اهم من الراجل
mohand
وعليكم السلام ورحمه الله وبركاته
شكرا مهند على الايضاح
رئيس جمهوريه نفسى
الباشا سعاده الريس بيقول احلى كلام
مين يا ريسنا يسمع كلامك ؟
ومين يحققه ؟
اهم حاجه الاقتناع
والعمل بقناعه
من اجل فكره صحيحه وان كانت تبدو للبعض خاطئه او غير مستساغه
الا انها واقع
سلامى يا اجدع رئيس جمهوريه
وتحيا نفسى العربيه
صحيح قبل ما انسى
هى جمهوريه نفسى فى اى قاره
البنت زي الولد دي معروفه من زمان بس مش زيه في كل حاجهو الا مكانشس هو ولد و هي بنت
بس مش شايف ان في الاختلاف اللي فيهم انك تقعدي لوحك ده عادي طبعا
Mohamed_sobhy84
انا مقلتش ان البنت زى الولد فى كل حاجه
طبعا لا
وبما انك مش شايف ان قعده البنت لوحدها مفهاش حاجه
يبقى خلاص تشرب عندنا احلى شاى فى المدونه
وسكر بره كمان
انا مع المهندس عصفور المدينه
الموضوع لا زم يكون فيه وسط
البنت بنت
والولد ولد
ومفيش حد عايز يبقى زي التاني
لا البنت ولا الولد
واللي عايز كده يبقى بجد مش طبيعي
وربنا يعينك في الحياه يا ستي
البنت زي الولد.. أنا مأيدك في شوية وشوية لأ
يعني زيه في العمل والشغل، والحياة .. آه وألف آه ..
بس لا يطلب منها اللي يطلب من الولد .. إحنا برضه محتاجين احنا الاتنين الرجل والمرأة الاحساس بالاختلاف وإلا تبقى الدنيا، ملولة
شرفينا بالزيارة .. فيه موضوع عن يا بيوت مدينتي أو قريب منه
دكتور حر
انا طبيعيه ميه فى الميه
ولا اطالب بالمساواه فى كل شىء
ولا اقول البنت زى الولد فى كل حاجه
البنت زى الولد فى فكرها
وفى احساسها
وفى كونها ربما تشق طريقا وعرا لعيش حياتها
وربما تكون مسئوله عن عائله
فيجب ان لا نضع الحواجز فى طريقها
وندعها تشق طريقها وان تعثرت وكانت فى حاجه الى المساعده
يمد اليها الرجل يد العون
لا هو يستغنى عن هى
ولا هى تستغنى عن هو
زيارتك لى شرف كبير
اشكرك عليه
يوميات عيل مصري
كلامك لمس الحقيقه فعلا
انا معك 300 فى الميه
ومش عارفه هلاقى تاكس دلوقتى يودينى مدونتك ولا لا
علشان مشوارنا عن القاهره بعيد
لكن فى نفاثه اهى معديه
جهز الشاى
تحياتي....
الولد و البنت أو البنت و الولد..صنوان...متكاملان لا متضادان..
و أحيانا تفوق البنت الولد في تفكيرها و عقلها...و اتزانها...
وقال الله سبحانه و تعالي في سورة مريم
" و ليس الذكر كالانثي "....و هنا نحتاج الي التفكير المتأمل ...و لانمر عليها مرور الكرام....
و لا ننسي جميعا أن الرجل الصالح ورائه أم صالحة...قامت بتربيتة فأحسنت و علمت
فأحسنت...و منحت الحب و الحنان...
الموضوع ليس الذكر و الانثي او الولد و البنت...الموضوع في رأيي هو تقبل الاخر...و احترام الاخر ....
تحياتي ...و تقديري
فرنسا .. تصدقي نفسي أعرف حد من السوايسة .. هأموت واعرف حد عنده أغاني الكابتن غزالي
مدونتك حتة تحفة ..
انا طبعا زيك بأموت في عبلة كامل
عندي فكرة.. ليه ما تكتبيش عن السويس، يعني أوعي تغرقي في المشاكل اللي مصر كلها غرقانة فيها، نفسنا نعرف عن بلدنا من اهلها
عاوزين منك تدوينة عن الكابت غزالي
وعن السمسمية
عن سيدي الأربعين
والغريب
عنالشيخ حافظ سلامة
عن مقاومة 24 أكتوبر
مش عاوزين كلام سياسي، عاوز كلام مصريين في قعدة حلوة
معلش .. أنا آسف اتدخلت في التدوينة، بس ربنا يكرمك اكتبي على راحتك ..ده انا حشري أوي
فرنسا الجميلة
قريت البوستات بتوعك كلهم بس قلت اسيب التعليق فى اجدد بوست انتى كاتباه
موضوعك ده فكرنى بحالتى لما اتطلقت من كام شهر كدة اى نعم انا رجعت لجوزى دلوقتى
بس المهم انى فعلا بعد الطلاق كنت رافضة انى اعيش مع اهلى
مش علشان العند للعند ولكن لانى اتعودت على تحمل المسئولية من صغرى وبعتبر نفسى ليا شخصية مستقلة
وبعدين كنت رافضة نظرة المجتمع للبنت او الست اللى تقعد لوحدها اى كانت ظروفها
ارملة او مطلقة او وحيدة
الناس عندها نظرة ان اى ست تقعد لوحدها يبقى هتنحرف
وانا علشان النظرة دى بالذات كنت مصممة انى اقعد لوحدى علشان اثبت للناس ان نظرتكم غلط
ماهو الواحدة ممكن تقعد وسط اهلها ولو عايزة تنحرف هتنحرف برضه
الواحد لو محطش على نفسه رقيب يبقى عمر الناس ما هتكون رقيب عليه
المهم مطولش عليكى
بوستك عجبنى اوى
وبمناسبة البوست بتاع البلاعات كنت عايزة اهديلك قصيدة للفاجومى بس مش لاقياها دلوقتى على الجهاز عندى لما ادور عليها هابقى ابعتهالك
يلا سلام من اختك بت خيخة وأى كلام
جمهوريه نفسى يا فرنسا هانم فى قاره انا الكبرى بس مش انا وبعدى الطوفان لا انا وحبيى البلوجز كلهم
ليه الحرب دى
الموضوع مش افضلية نوع
الموضوع افضلية تكليف
بما فضل الله بعضكم على بعض
وبما انفقوا من اموالهم
لازم يترسخ فى الذهن هذا المفهوم
انه افضلية تكليف وليس نوع
ليه تقلبي علينا المواجع ما تسيبنا واخدين على دماغنا وحاسين اننا من النوع التاني بحجة قال ايه بيخافوا علينا هي تحكم وبس ربنا يهدي
مش هاقول غير كلمة واحدة
وانا قبلت التحدى
وعلى نفسها جنت براقش
هع مين هناك؟
الربان
تحياتى وتقديرى للربان ولكل قباطنه اعالى البحار
اتمنى ان يسمع ويرى الذين يريدون تهميش دور المراه كلامك
فنحن واحد
لا اثنان متناقدان
زيارتك شرف كبير لى
يوميات عيل مصري
على فكره انت مش حشرى ولا حاجه
انا عن نفسى فعلا كنت ناويه اكتب عن السويس كتير
وانت فتحت نفسى بتدوينتك عن الحرب وزياره نيكسو والاعلام المرفوعه وصور الاسرى الاسرائليين
وفعلا كنت ناويه ارحرح فى الكتابه عن السويس
اما الكلام فى المشاكل فلا مفر منه وان كان معمم على مستوى الكل
فلا يضيع حق وراءه مطالب
رئيس جمهوريه نفسى
يوه يقطعنى
كنت ناسيه القاره دى
اصلى كنت نص نص فى الجغرافيا
عموما يا ريس
قاره انا الكبرى
حضاره واصاله وتاريخ
وتحيا جمهوريه نفسى العربيه
الطائر الحزين
اخى الطائر
ليس حربا
وانا لم اعلنها حربا
فكيف تحارب الانثى
اخيها
وابيها
وابنها
اننا لا نحارب
ولن نعلن الحرب
فقط
نريد توضيح الامور
وعدم خلطها
بس سؤال
المدام راجيه عفو الله
معندهاش ليه مدونه خاصه بيها ؟
بت خيخة وأى كلام
بت خيخه العسل
كلامك بينقط سكر
هى دى فعلا الست الجامده
والكلام الموزون
ممكن البنت فعلا تعمل اللى هى عايزاه فى اى وقت وتحت اى ظرف
وبعدين
نسيت اهنى على عودتك لجوزك
فين الشربات
truelove
وليه ناخد على دماغنا ونسكت ؟
هى دماغنا دى ملطشه ؟
ولا سبيل للى عايز يلطع ؟
احنا لينا خصوصيات ومطالب
وبعدين احنا مش بنقص من قدر الرجل
الرجل
رجل وعلى عينا وراسنا
وليه مكانته
لكن لازم يعترف
ان احنا كمان
لينا مكان جنبه
ركزى على
كلمه جنبه
احنا مش عايزين ناخد مكان الراجل
احنا عايزين نبقى جنبه فقط
أبو سويلم
وانا مش هاقول غير كلمه واحده
واسمعها كويس يابو سويلم
ان غدا لناظره قريب
هع فرنسا تتحدى
جهز جيوشك يابو سويلم
وهات معاك
اعلام الاستسلام
وقابلنى عند واحه التدوين الكبرى بجبل البلوجرات الاعظم
والنصر لنا
النصر لنا
النصر لنا
السلام عليكم ورحمة الله وبركاته
فرنستى الحبوبه
ازيك عامله ايه
اوى اجاوبك على السؤال ليه معنديش مدونه والله انا بشرع فى كتابتها بس منتظرة الوقت المناسب لذلك وكمان علشان متبقاش اى مدونه والسلام
عاوزاها مدونه مميزه وتكون جديره بزوارها المحترمين امثالك واستاذنا الكبير عصفور ومعلمنا الحبيب الطائر
نيجى بقى لموضوع البنت والولد
براى التربيه من الصغر لها عامل كبير فى ده وكمان التمييز بين البنت واخوها ساهم كثير فى كده
ولكن فى فرق بين التميز لانها انثى كما خلقها الله جل وعلى
والذكر من حيث التكوين الجسمانى والجهد العملى
والتفكير ايضا المراء خلقت بجزء كبير من العاطفه تحكم قلبها وعواطفها فى كل امورها
والرجل يحكم عقله فى كل حياته
ولكن اذا سعى الابوان عند تربية الابناء انه الولد والبنت لهما نفس الحقوق وعليهما نفس الواجبات واحترام الصغير منهم للكبير ويعطف كبيرهم على صغيرهم كما اوصانا النبى الكريم عليه صلوات الله وسلامه لختلفت الحياه تما فى معاملة كل من الجنسين للاخروساد بينهم السلام والوئام بدل ماهى حرب
على الفضائيات والنت
كده
حاجة صعبه يا شيخة
ولكننا لا ننكر ان الله قال فى كتابه الحكيم
ليس الذكر كالانثى
وللذكر مثل حظ الانثيين
وبهذا تكون هناك افضليه بينهما
واخيرا الفارق بينهما يكون بالتقوى والعمل الصالح اذ انهما مساون فى العبادة لله ولحفاظ على سنة نبيه الكريم
ولكن الخطا فى تطبيق تلك المافيم من قبل المجتمع اذ ان المسؤل الاول فيها عن سن القوانين هو الذكر
فسناها على هوى وما يشتهى الرجال
ناسيا ان الانثى
المراة مشاركه له فى هذا المجتمع
دى الخلاصه
فرنسا
اللهم اهدى قومى فانهم لا يعلمون
اقولك بقى سلام احسن طولت عليك
ودوشت القراء للمدونه
ام الابناء
راجيه عفو الله
انا كماااااااان نفسى استقل عن اهلى واعيش مستقبلى زى مانا عايزه مش زى مهما عايزين
ايه يعنى ان احنا بنات يبقى منتغربش
طيب لو ظروف شغلى اللى بحبه ونفسى اشتغل فى مش نفس بلدى؟
اموت يعنى استحمل شغل مش بحبه عشان خاطر انا بنت؟
اوقات بكره نفسى انى بنت بجد
لو كنت ولد كنت هعمل حاجات كتير
مش عارفه اعملها عشان انا بنت
فرنسا هانم خالص تحياتى لكى
من زمان وانا بسمع الاغنيه دى وكنت بحبها جدااااا
بس بصراحه لما كبرت كرهتها وكرهت اللى بتغنيها
عشان حاسيت ان البنت مش زى الولد دى احسن من الولد الف مرة
لقيتها فى البيت بتدلع اكتر منه
فى المدرسه لازم تقعد فى اول الصف
لو راكب مشروع وهى جت ومافيش مكان لازم اقوم وهى تقعد
وحاجات كتير خلاص
لحد من فتره بدات ادخل الجامع وعرفت
اديه كان اهتمام النبى بالنساء
حتى وصى عليهم كتير
عشان كده كده عرفت اهميه النساء وهم لازم نعملهم كده عشان هم كده
فاهمين حاجه
تحياتي
معذرة علي الازعاج و لكنني أخطأت في اسم السورة ، الصحيح انها سورة آل عمران الاية رقم 36 .....
و لمن يرغب سماع تفسير الاية للشيخ الشعراوي يمكنه زيارة الموقع :
http://www.elsharawy.com/realplayer2.asp?p_path=http://www.thequranweb.com/media/_ra__ra__/sharaw_003_05.rm&p_memo_english=من%20الاية%2030%20الى%20الاية%2040%20من%20سورة%20آل%20عمران&quran_page_1=quran\054.jpg&quran_page_2=quran\055.jpg&quran_page_3=&quran_page_4=
تحياتي
السلام عليكم
فكرة المساواة أختي ظهرت من اعتقاد البعض ان هناك تفاضل كلي بين الرجل والمرأة وأنا في رايي تلك الفكرة خاطئة او لنقل غير مكتملة
فالمراة مخلوق نفيس في رأيي وله مزايا لا تتوافر في مليون رجل . لو ساويناها بالرجل لأفقدناها تلك المزايا والتكريمات الإلهية التي منحها الله اياها
المرأة هي الرئة الاساسية للحياة . فهي كل شيء جميل بدأ من الام والأخت والزوجة والأبنة والخالة والعامة
ارأيتي .. كل هؤلاء نساء .. وكلهم اصحاب قيمة عالية جدا جدا
الرجل اُمر أن يستوصي بها خيرا وان يعتني بها فهي غالية
وصدقيني قد تكون البنت أحيانا . احسن من الولد وليست مثله ولا يمكن أن تكون يوماً كمالة عدد.. وتكريما لها أن لا نساويها بغيرها فهي نسيخ مختلف ومكانتها عالية
تحياتي لحضرتك
طبعا البنت زي الولد مفيش شك خالص
دي كمان احيانا(بعض البنات)بتبقي اجمد من الولد لو اتحط تحت نفس ظروفها واقرب مثال ان الولد دايما يفكر بعقله ومبيديش فرصه لعواطفه اما البنت فدايما بتفكر بقلبها وتحكم عقلها في نفس ذات اللحظه وفي معظم الوقت بتبقي هي رايها يماشي الاوضاع لاانها تعاملت مع بشر بقلب وعقل مش مع عقول بدون بشر وقلب
وهي دي النظريه
و(بست وشز فور يو)يااحلي بنوته
كنت قلتلك فى تعليق اللى فوق ده شايفاه
ايوة ده
انى هاجيبلك قصيدة بتاعة الفاجومى وادينى جيت ومعايا القصيدة ومعايا كمان شكولاتة علشان متزعليش
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ……. نسترحمك
نستعطفك …….نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقري مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد “غازه” لإسرائيل
ويومين كمان ويمد نيل
أهو يعني نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد “مستوطنة ”
(متسلطنة بالسرطنة)
إيه اللي خدناه م الكرامة والإباء
حبة خطب وكلام…كلام
إحنا راهنا على النظام
ورضينا بخيار السلام
(بخيارحنسد عين الشمس بيه)
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس وأقب وأعود
بشعب يريحك
راضي وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
بس خلاص القصيدة اسمها دا شعب فقرى
للفاجومى
علىفكرة يا فرنسا
مش عارفة ليه اول مادخلت مدونتك حسيت انى قاعدة فى بيت اختى وحسيت كمان انى لو حبيت اطفش من الدنيا انى مش هالاقى غير بيتك اللى يساعنى انا وابنى
مش عارفة ليه مستجدعاكى اوى
وحاسة ان ليا ضهر
متقوليش عليا هبلة بس ده فعلا اللى حسيته
يلا سلام من اختك خيخة وأى كلام
على راى سعد باشا
مفيش فايدة
انا ارقض كلمة مساواة.
لانها صعبة
المفروض يكون فية احترام منبادل بين الطرفين
حلاوة الرجل والست ان فية احتلاف بينهم عشان يحصل تكامل
لكن لو كان الرجل زى الست اية اللى يخلى كل طرف ينشد للتانى
كل طرف ينشد للتانى عشان بيشوف فية حاجات ياقدها عندة
ضد المساواة
لكن مع احترام المراة
تحياتى
من غير كلام عسل زي بتاع التليفزيون والذي منه
بالتأكيد أنا أؤمن بالمساواة
لكن بفهم الإسلام
الإسلام الذي ساوى بينهما في أصل الغاية ، وراعى الفروقات في الوسيلة
فساوى بينهما في وجوب توريث المرأة مثلا ، لكنه راعى الفروق في مسألة قوامة الرجل وإنفاقه فأعطاه مثل حظ الأنثيين
الإسلام الذي ساوى في أصل قبول الأعمال الصالحة ، والعقاب على الأعمال الطالحة ، لكنه راعى فروق الوظائف التي تضمن تماسك المجتمع ، فجعل واجب المرأة الأول تجاه زوجها وأسرتها قبل أن يكون خارجه
الإسلام الذي يجعل الولد كالبنت في حياة الوالدين ، فيساوي بينهما حتى في القبلة
الأنثى كالذكر في الحقوق
واللي يقول غير كده ظالم
واللي بيحصل غير كده ، قلة فهم
وأحيانا .. جهل .. للأسف
حبيبتى الغاليه
ام الابناء
راجيه عفو الله
اذن انتى تعدى العده لعمل مدونه اتوقع لها النجاح الرهيب
لان لكلامك ملمس السحر
وبلسم لكل جروح
اما عن قولك ان هناك افضليه للرجل
حيث قال الله تعالى
للذكر مثل حظ الانثيين
فان هناك افضليه للمرأه
حيث قال رسول الله
امك ثم امك ثم امك ثم ابوك
وعرفنا من ديننا الحنيف فضل الام
وان الجنه تحت اقدام الامهات
الا اننا
هنا
لانتكلم عن فضل من على من
او الرجل مفضل عن الانثى ام الانثى مفضله على الرجل
نحن لا نريد التفضيل بين الاثنين
ولا نريد المساواه الكامله
ولكن
نتمنى
فقط
اعطاء المرأه حقوقها كامله
ولا ننكر بالطبع ان هناك سيدات على مستويات علميه وادبيه عاليه
وقد اخذن كامل حقوقهن
الا انه
على مستوى القاعده العريضه من الناس
مازالت الانثى فى حاجه الى نظره امل
الى نظره ثقه
وسلامى وقبلاتى ليكى وللاولاد
وسلامى لاخى الطائر
كانت معكم مراسلتكم
فرنسا هانم
ra7eel
الله عليكى يابنتى
شوفتوا الطاقه اللى جوه البنت
وعايزه تطلعها ومش عارفه
ده من ايه ؟
لكن انا بحب اقولك يا عسولتى
مش معنى الحريه ان كل فتاه تستقل عن اهلها
لاء
انا عايشه لوحدى لظروفى الخاصه
لكن طالما فى اسره
ازاى نطالب ان احنا نعيش لوحدنا
لا
ده يبقى تفكك اسرى
احنا عايزين ناخد حقوقنا واحنا معززين مكرمين فى بيوتنا
عارفه انك هتقولى هما بيجبرونى على حاجه انا مش عايزاها وساعات حاجات انا عايزاها واهلى مبيوفقوش عليها
ده اللى احنا بنطالب بيه
اعطاء الفتاه فرصه لاثبات ذاتها
شرفتى خالتك يا قمر
محمد على ..هي كده
انا طبعا فاهمه
وكلامك واضح
وعلى عينك ياتاجر
لكن يا محمد ماننكرش ان فى برضه ناس كتير جدا
مازالت لا تعترف بهذا
وحتى انها لا تتبع وصايا الرسول صلى الله عليه وسلم بالقوارير
الربان
شكرا جزيلا على الافاده
جزاك الله خير
المهـ إلي الله ـاجر
ايه يا عم الكلام الموزون بميزان دهب حساس ده
الله عليك الله
وانا بقولك
الرجل
هو الاب والزوج والابن والاخ والخال والعم
يعنى احنا فعلا زى مانت قلت نسيج
تحيه صادقه اليك
نوري
سانك يو
المدونه منورك بوجودك فيها
ارحب بك جدا
وكلامك اضافه كبرى لتدوينتى
وتعيش النظريات
بت خيخة وأى كلام
ممتازه جدا
اشكرك على القصيده
وعجبتنى حكايه
لو عايز الحكم اجبلك شعب بالمازوره
عسل
وبعدين اخنا اصلا شعب طماع فعلا
ايه يعنى لما تتباع مصانعنا وشركاتنا وتتنهب اموالنا
فيها ايه دى ؟
مش احسن منشترى بيها لب وعسليه ومصاصات تسوس سنانا
ايه يعنى لما يودوا الغاز لاسرائيل ولا حتى لام قويق
مش احسن ما نقعد نولع ليل ونهار على الفحم علشان المعسل الوحش اللى بيضر الصحه
ايه يعنى لما يفرضوا علينا الضرائب بالجمله وياخدوا اللى ورانا واللى قدامنا
مش احسن ما الفلوس تقعد معانا وتعفن وتحمض وتطلع ميكروبات
احنا فعلا طماعين
بت يا خيخه اسمعى يا مقصوفه الرقبه
لو شميت بس بعينى انك مش موافقه على سيادته
هاجرك من شعرك والف بيكى المدونات كلها
وابيع منك الوقه بقرش
حبيبتى الغاليه جدا جدا
بت خيخه
انا كمان حبيتك قوى ومستظرفى دمك خالص وحاسه ان انتى قريبه منى خالص
لكن يا حبيبتى
سيبك من افكار سيبان البيت ده
الواحده مالهاش غير بيتها وجوزها خليكى عاقله
وخلى بالك من جوزك وابنك
وخليه يروح يقلب رزقه فى الحضانه براحته
أبو سويلم
يبقى سلمت يابو سويلم
فين الرايه البيضا
مفيش فايده ؟
ليه كده ؟
فاكر زمان
لما رحنا نصطاد سمك من البركه ومصطدناش
مزعلناش كنا رجاله ووقفنا وقفه رجاله
مقولناش مفيش فايده
ولا لما رحنا المسرح وملقناش تذاكر
كنا رجاله ووقفنا وقفه رجاله
لكن نقول على طول كده مفيش فايده
هات العلم الابيض
هات
Tamer Nabil
انا معك يا تامر
وسبقق فى هذا الراى الكثريين
ونحن فعلا
بحاجه الى ان يعرف كل طرف واجبه
خبيب
نعم الكلام ونعم الراى
اشكرك على رايك واتمنى ان يفهمه الكثيرون ممن يحاولون طمث الحقائق
وعلى فكره
واضح ان ده كلام من العقل ومالوش دعوه بكلام التليفزيون
و الله عندك حق
ربنا بيقول "و لهن مثل الذى عليهن بالمعروف * و للرجال عليهن درجة" و الدرجة دى بعض المفسرين بيقول إنها مسئولية زيادة .. مش مستوى أعلى يعلو بيه على المرأة
إلى جانب حديث شريف فيما معناه أن النساء شقائق الرجال
لكن للأسف .. مجتمعاتنا مجتمعات ذكورية بشكل مرضى
تحياتى لكى
فرنسا هانم والله انتى زى العسل ودمك خفيف موت .. ويامرحب بالسوايسة الجدعان .. ياحبيبتى مفيش راجل حيقول لك ان فى مساواة بين الراجل والست لسبب بسط جدا جدا تعرفى ايه ؟؟؟ عشن احنا اكيد فى مصر .. تحياتى الخالصة
لا معنديش حاجة اقولها انا بس كنت جاية اطمن عليكى
وارمى السلام واقرا انتى رديتى عليا قلتى ايه
ومتخافيش مش هاسيب البيت
بس هو مجرد احساس والله ان لو حبيت ابعد عن الناس هلاقيكى فتحالى بيتك
والله حبيتك يا فرنسا
وبرضه جيت ومالقتكيش عموما علبة الشكولاتة جواهر جالكسى اللى معاها تحلو المشاركة هتلاقيها عند البواب انا خفت احطها على الباب وامشى حد ياخدها وهو طالع
سلام يا فرنسا الجميلة
اختك بت خيخة وأى كلام
ابن حـجـر الـعـسـقـلانـى
تحياتى لك ابن حجر
وفعلا مجتمعاتنا مجتمعات ذكوريه
تنظر بنظرات الريبه والشك الى المراءه
وتنظر اليها من منظور التابعه
وليس الشريكه
بجد بجد انا سعيده بزيارتك وبكلامك الطيب
bocycat
ايوه يا بوسى كات يا اختى
كلامك صحيح
احنا فى مصر
وهتفضل نظره الرجل لينا طوالى كده على طول
بس عارفه يابوسى
انا سعيده جدا ان فى رجاله مقدره الست
وبتتكلم كويس جدا
يعنى اضربى عينك لفوق هتلاقى
شباب كتير كلامهم عن الست ممتاز
يا ريت يبقى الفكر ده مستمر
اقعدى بقى معايا على العشاء
لا ميصحش تمشى
انتى اول مره تزورينى
عشاء خفيف كده
كوارع وفته
وطاجن باميه
شرفتينى بزيارتك
بت خيخة وأى كلام
يووووووووووه
يقطعنى
انا امشى من هنا وانتى تيجى من هنا
حظك مهبب يا فرنسا
معلش الجايات اكتر من الريحات
وانا هلبدلك فى الدره
وهستنى طلعتك السكريه
وكويس انك مسبتيش الشيكولاته على الباب
جارتى التخينه كانت هاتكلها بالعلبه
والبواب بتاعنا راجل امين
اول ما وصلت
قالى
علبه شيكولاته جالاكسى معتبره
جابتها واحده قمرايه
قلت له
عما فى عينك
بتعاكس ضيوفى
لو حصلت تانى
همدك على رجليك
واخلى اللى ما يشترى يتفرج عليك
تصدقى بالله
انا كمان حبيتك قوى
وخلاص بقيت صديقتك غصب عنك
تحياتى الغاليه
والغاليه جدا
اختك الكبيره
فرنسا
انا كمان جيت علشان اقولك تصبحى على خير يا فرنسا يا غالية
بت خيخة وأى كلام
وانتى من اهله
اسيبك تنامى
ياااااااه
الموضوع ده انا دايما بتكلم فيه بس رأيي يمكن يعجب الرجالة شويه لاني ببدأ كلامي باني مش مع الجمعيات اللي بيعملوها دي ويقعدوا فيها شويه ستات قرشانات بيكرهوا الرجالة يقولوا الست احسن من الراجل مش حتى زيه
كلام رئيس جمهورية نفسي مظبوط الست مهمة جدا في حياة الراجل وحياته مش بتستقر من غيرها
بس المساواة اللي انا شيفاها وبطالب معشر الرجال بها هي المساواة في المعاملة
بمعنى
اديها حقها في المشاعر في الاهتمام قدر اللي بتعمله عشانك حسسها انها مش اقل منك اديها حقوقها كلها زي ما بتديك حقوقك كلها هي دي المساواة
وبالنسبة للمجتمع المساواة مش ان الست تلبس زي الراجل ولا تقوم بأعماله لان ده مستحيل وبيخدش انوثتها
انما تديها الحق انها تقول رأيها بحرية تخدم نفسها ووطنها واسرتها في المجالات اللي هي حباها وقادرة تدي فيها
وتصون حقوقها
معلش هو بره الموضوع بس كمثال
الغتصاب اللي شايفينه دلوقتي بيكتر ببشاعه تفتكروا المرأة واخده حقها ؟
بيتهمها الكل انها الجانيه مش المجني عليها والراجل ( او الحيوان بتعبير ادق ) بيعيش حر لانه هو راجل !! ده كلام
لو عايزين مساواة بجد ارجعوا للإسلام بيدي للرجل حقه وللمرأة كمان
خالتي فرنسا
بأحييكي على طرحك الجميل
دمتي بكل خير
The Queen
جلاله الملكه
هى مشكله الفهم
فى ناس كتير جدا والحمد لله فهمه الست عايزه ايه
ونا مش فاهمه
فاكره ان البنت بتطلب المساواه
انها تقعد على القهوه
وتشرب معسل
وترقع الراجل علقه لو كلمها
وتسهر بره البت للفجر
لا
البنت طالبه
قليل من الثقه
انا الموضوع ده ليا عليه تعليق كبير جدا
بس ورايا مشوار طارىء لازم انزله فورا
فباذن الله هرجع واقول وجهة نظرى ف الموضوع ده
بصراحه النسوان بتوع جمعيات المرأه و الهبل ده هما اللي متفهين الموضوع و مخليين الرجاله يتهيفوا الموضوع لأنهم بيتكلمو في نقط هبله اوي
انما لو جينا بقي علي الحقيقه
لأ الراج و الست زي ما انتب قولتب مشتركين في حاجات كتير زيهم زي بعض
بس يبقي الراجل راجل و الست ست
شكرا كتير الك فرنسا هانم على الموضوع اللي بجد مهم
وانا معك بكل شيء قلتيه
اكيد المراة انسان زي ما الرجل بالضبط انسان الها حقوق وواجبات والرجل ايضا اله حقوق وواجبات
وكل واحد فيهم مش مفروض يتعدى على حقوق الاخر ولازم يأدي واجباتو بأكمل وجه
طبعا انا ضد المساواة اللي بيطالبو بيها النسوان اليومين دول عشان كدا بقت مرجلة مش مساواة
ونحن عندنا حقوق ولازم ناخدها
كان اتفتح الموضوع دا بالسنتر يلي بدرس فيه في محاظرة المحادثة وانا كنت فيه جبهت معارضة وكان في ولد كرهني من يوميها
قلتلو نحنا مش اخدين حقوقنا
قالي ازاي
قلتلو مش اخدين الاحترام
وهالشيء اهم حاجة
صحيح نحنا بنعمل كل حاجة ووصلنا لكل المناصب ومافيش حد يقول مراة لا
بس في حاجة ناقصة وهيا الاحترام من قبل الرجل
يعني بنظرهن على طول ست
يعني مثلا لو في مراة مديرة للمدرسة وقد المسؤولية اكتر من الرجل حيقولو ازاي هيا تمسك المنصب دا
يعني الاحترام مش موجود
وفي مرة كنت انا و ماما بسوبر ماركت
كان لما نوصل للتشك في طابور طويل وكان في مقابلنا رجال طويل عريض جته
فماما قالتلو ممكن لو سمحت؟ يعني يخليها تعدي
قالها لاا طبعا مش عاوزين المساواة مع الرجل اهي دي بالضبط المساواة
انا بصتلو من فوق لتحت
قلتلو الله يعطيك العقل ويهديك
بس غريبين الرجالة دول
على طول عندهم ان المراة اقل منهم
وبالعكس المراة على فكرة اقوى بكثير
هيا بتشتغل برا البيت ولما تيجي للبيت بتشتغل جو البيت كمان
الرجال بيشتغل برا البيت ويجي بدو ياكل وينام وبس عكس المراة بتكون مصدعة وتعبانة من الشغل بس هالشيء ما يمنعها تبلش تشتغل بالبيت كمان
ومثل ما قلت قبل نحنا ناقصنا الاحترام وهاذ الشيء اهم حقوق المراة
وشكرا على الموضوع
وعلى فكرة حلوة الحياة لوحدك احلا من التنقل من بيت لبيت وتحسي براحتك واستقلاليتك
د/اجدع بنوته
استنيتك ترجعى وتقولى رأيك مرجعتيش
وانا قاعده مستنيه
koukawy
سيبنا من الهبل
خلينا فى العقل
الراجل طبعا راجل محدش انكر
والست ست
محدش انكر
DamnGirl
الراجل الجته ده مثال لعدم احترام الراجل للمرأه
وده مثال سىء جدا للرجال
نورتى مدونتى
إرسال تعليق