السلام عليكم
تحياتى لكل من نور المدونه وشرفنى بالتعليق
واردت ان انوه لكل من قراء التدونتين الماضيتين انه لا علاقه بينى وبين فرنسا الرئيسه الا الاسم
فدعوها تفعل ما تشاء فقد اخذها تيار السلطه
وانشاء الله ما من طير طار وارتفع الا كما طار وقع
وهتقع على جزور رقبتها من غير لا سلم ولا ام دبوه
نكمل المشوار ؟؟؟؟؟؟
فرنسا هانم :- ايه ده يا عبده انتى جايبنا الصحراء وبقالنا ربع ساعه ماشيين كل ده علشان الاجتماع ؟
عبد الجليل :- خلاص يا فندم وصلنا المغاره
فرنسا هانم :- الاجتماع هنا فى المغاره دى ؟
عبد الجليل :- ايوه يا فندم علشان الحيطه اللى عاملها الانسان ليها ودان اما الحيطه بتاعه المغاره طبيعيه ملهاش ودان وبعدين الاجتماع انهارده مسئله حياه او موت ..وتحيا الشفافيه المتحده ... خشى يا فندم برجلك اليمين كل الوزراء والناس بتوعنا المهمين كاجول هنا
فرنسا هانم :- السلام عليكم انتوا متجمعين بربطه المعلم ؟
الوزراء :- وعليكم السلام ياريس منوره المغاره
عبد الجليل :- احنا انهارده اتجمعنا علشان امر فى غايه الخطوره .. احنا عايزين نخرج من عنق الزجاجه وانتوا عارفين الازازه اللى احنا دخلنا فيها فتحتها ضيقه قوى وعايزين زقه حلوه علشان نطلع منها
الموضوع ببساطه ان الدول اللى مسلفانا فلوس عايزه فلوسها والديون بتاعتنا تلتلت وبقت فوق السطوح . وطبعا محدش منا عايز يجرح الوديعه اللى مكمنها فى البنوك اللى بالى وبالكم .. يبقى لازم نلاقى حل ونلم فلوس من الشعب باى طريقه .. كل واحد منكم عنده اقتراح يقوله
فرنسا هانم :- نزود فاتوره الكهرباء
وزير :- بعناها ياريس
فرنسا هانم :- نزود فاتوره الميه
وزير :- بعناها يا ريس
فرنسا هانم :- نزود التليفونات
وزير :- بعناها يا ريس
فرنسا هانم :- نلغى المجانيه بتاعه التعليم
وزير :- لغيناها ياريس
فرنسا هانم :- نبيع كام شركه من شركات الدوله ؟
وزير :- بعناها ياريس
فرنسا هانم :- نبيع كام حتته ارض من اراضى الدوله
وزير :- مفضلشى غير الجبال ياريس
فرنسا هانم :- والشواطىء
وزير :- بعناها بسمكها ياريس
فرنسا هانم :- نزود الضرايب
وزير :- كل شهر بنزودها ياريس لغايه الناس مابقت مش قادره تدفع وبقينا مبنلمش حاجه
فرنسا هانم :- حيرتونى امال هنعمل ايه ؟؟؟؟؟؟
عبد الجليل :- ماهو احنا مجتمعين علشان كده ياريس وجينا هنا فى المغاره علشان الشفافيه
فرنسا هانم :- شفافيه ايه ونيله ايه ؟ وجعتوا دماغى ... شوفولكم حل فى المصيبه دى .. ولا تشوفولكم رئيس غيرى .. انا خلاص طهقت
وزير :- على مهلك ياريس انا عندى فكره ... احنا دلوقتى مفيش عندنا الا الشعب .. نعمل عليه مزاد علنى ونبيعه بالطن
عبد الجليل :- مين هيشترى شعب محدش ناقص بنى ادمين ........مين عنده فكره تانيه ؟
وزير :- البلد بتاعتنا كبيره علينا ياريس واحنا مش عايشين فيها كلها نبيع حته منها ونسدد الديون
عبد الجليل :- بيقولك يا فالح مش ناقص غير الجبال مين هيشترى جبال مفهاش اى معدن
فرنسا هانم :- طيب لو كل واحد مننا سحب ربع فلوسه اللى فى البنوك بتاعه بلاد بره هتعمل حاجه ؟
الوزراء وعبد الجليل :- مناهاللعؤالانائ÷اليهضعباخعباخهتسهلباسحهغشلخسهلاحهسغبلسختا
فرنسا هانم :- ايه يا جماعه مالكم انا كنت بسأل بس
عبد الجليل :- سؤالك هيضيعنا ياريس
فرنسا هانم :- خلاص معلش حقكم عليا انا كنت بهزر
الوزراء وعبد الجليل :- هههههههههههههههههههههه
عبد الجليل :- الظاهر مفيش حل الا الجدوله .... واللى يجى بعدينا ربنا ينفخ فى صورته
فرنسا هانم :- يلا بينا يا عبد الجليل علشان نلحق نروح . لحسن طول ماحنا هنا وانا قلقانه على بكار اصل زعتر رجعله تانى
الاشتراك في:
تعليقات الرسالة (Atom)
هناك 94 تعليقًا:
حجز بس أول تعليق
بعدين نقوم بالواجب
قولي إن شاء الله
أصل هي ماشية في الاتجاه ده وساعتها حسيبوهالنا ويجروا وبعدين احن نقول للديانة مالكمش حاجة عندنا وهي موتة ولا أكثر وبعيدن ممكن نبقى نلم شوية الشركات تاني ونطرد الناس اللي اشتروها ونبدأ من أول وجديد ونفتح لنفسنا حسابات من جديد وهلم جرا
واديهم شغالين على الجدولة بقالهم سنين
وكل واحد يشيلها للى بعديه
لغاية ما محدش هيرضى بيها بعد كده
مش عارف صحيح الناس بتسعى للسلطة ليه
ده هم متلتل صحيح
بس نقول ايه
طب و مين قالك انهم مش حيلاقوا لنا بيعة
ممكن يصدرونا كعمالة رخيصة
بل و لو قفلت معاهم خالص ممكن يموتونا و يبيعونا قطع غيار بشرية كلاوي و كبد و عيون و قلوب وفشش و كده يعني
و ما تستبعديش حاجة مادام فيها فلوس يبقى مش حيسموا علينا
دكتور حر
عصفور المدينه
امام الجيل
مهندس مصرى
بسم الله ماشاء الله
اربع عمالقه وراء بعض
اللهم لاحسد
انا هارد بعدين على حضراتكم لكن فرحت باسماءكم فكتبت الكلمتين دول على الماشى
تذكرت عند هجوم التتار ولم يكن هناك جيش ولا فلوس
وذهب قطز للشيخ العز بن عبد السلام يستفتية فى فرض الضرائب على الناس لتجهيز الجيش
قال له لن نفرض ضرائب الا بعدما يتخلص الامراء من الفائض من اموالهم وان تبقى
نبدأ بفرض الضرائب...................
وبعدين يا ست فرنسا قصدى يا ريس فرنسا
رحتى المغارة وملقتيش الكنز بتاع الاربعين حرامى
اكيد مكنتيش عارفة كلمة السر
سم سم
من السم مش السمسم
تحياتى
العنوان جااااااااامد .. بس أنا ملاحظ إن العنوان شبه قصة "على بابا و الأربعين حرامى" .. و مش قادر أجيب العلاقة بين العنوانين بصراحة .. يا ترى العلاقة إيه ؟؟ يا ترى العلاقة إيه ؟؟
بس المغارة فى القصة بتاعة على بابا كانت مليانة دهب .. ياقوت .. مرجان .. أحمدك يا رب
أمال المغارة فى الحكاية بتاعتك مأشفرة كدة ليه ؟؟
آه صحيح .. هو انت ما حسيتيش بنور زيادة فى السويس اميارح الجمعة ؟؟ أصل أنا كنت هناك أنا و زمايلى .. و أكلنا أكلة سمك ما حصلتش فى حياتى .. لكن للأسف .. عملنا بعدها حادثة و عربية صاحبى بابها اتخرشم .. و شوفت الموت بعينى للحظة .. لكن الحمد لله كلنا خرجنا منها بسلام
و تحياتى لمدينة السويس الرائعة تاريخا .. و حاضرا
والله انتي عسل
انا بدءت كدا اخاف عليكي
بس ولا يهمك احنا كلنا معاك ياريس
كان نفسي اكون اول تعليق
بــــحـــبـ بحبك بحبك بحبك بحبك ــك
وزتك
يعنى خلاص؟
finish?
game over?
خلصت البلد خلاص
يلا بالسم الهارى
مغااااااااره
ده التطور الطبيعى للحاجه اقعه
مع تحياتى لكى
وربنا يكفينا شر الناس بتوع قوانين المغارات
ابو الفدا
معلشى
قصدى الساقعه
ماشاء الله من 11 الاوائل صحيح انه مركز متأخر بس هعمل ايه دكتور حر والباشمهندس عصفور المدينة حبايبي ومقدرش اتكلم
والله انا اعتقد انك لو بعتي شوية الوزراء دول في سوق العبيد هيجيبوا فلوس احسن من وشهم
دكتور حر
ازيك يا دكتور
انا منتظره
جو اون فرنسا
انا بجتمع هناك اعينك رئيسه وزراء وانتى هنا بتبقى رئيسه طب القرار ملغى
عصفور المدينة
يعنى نعمل زى حاورينى يا طيطه
لانملك يا هندسه الا ان نقول حسبنا الله ونعم الوكيل
امام الجيل
هى هم متلتل
للى يعرف ربنا وعايز الاصلاح
اما حلف الشيطان
فمهما كان من خراب
فالجيوب هتعمر ولو على حساب ذوى الاحتياجات الخاصه
مهندس مصري
قطع غيار
واكسسوارت
وعلى راى يوسف وهبى
وما الدنيا الا مجزر كبير
الطائر الحزين
والله لو اصبحنا مثل هؤلاء الذين احبوا الله واخلصوا له
واحبوا الوطن وضحوا له
لصعدنا الى مانستحقه من مراتب
تحياتى لام الابناء
وحياه غلاوه اختك فرنسا عندك
تخلى بالك من ام الابناء
مش عارفه مالها اليومين دول حزينه ليه
خد بالك منها
ابن حـجـر الـعـسـقـلانـى
مفيش اى علاقه بين القصه وبين كلامى
الا انى حبيت اقول ان مطبخ القوانين لا يتمتع باى شفافيه
والقرارات تتخذ هناك
فى المغاره
عارف يعنى ايه مغاره ؟
ابن حجر كان فى السويس ؟
لالالالالالالالالالالالالالالالالالالا
انت لازم وحتما واجبارى تقولى عن تفاصيل الاماكن اللى زرتها فى السويس
لاعرف الاماكن التى تشرفت بتواجدك فيها
انا بتكلم جد
رحت فين وفين ؟؟؟؟؟؟؟؟؟؟
قول متخافشى
المعلم الباحث عن الحقيقه مش هيعترض
وبعدين
حمدلله على سلامتك
زعلتنى على العربيه
لكن اللى يجى فى الصاج يتصلح
انين الحزن
وزتى الغاليه جدا جدا جدا
وانا كمان بحبك يا عسوله
الا قوليلى يا وزتى
انت كلامك سكر وعسل كده ليه ؟؟
3ala asm masr
جيم اوفر
وكل بلد واحنا طيبين
وانشاله تقف بزورهم تطلع روحهم
ابو الفدا
القوانين
ومغاره القوانين
وما خفى كان اعظم
آفاق الحرية
هههههههه
ضحكتنى
بجد فكره حلوه احييك عليها
نبيع الوزراء
بس المشكله ان مفيش بتوع روبابيكيا
يرضوا يشتروهم
رئيس جمهوريه نفسى
قدمت لك الطلب من بدرى
وكل مااروح اسأل يقولولى فوتى علينا بكره ياسيد
وبكره مش عايز يجى
تحياتى ياريس
تصفيق
عجبنى جدااعنوان البوست بجد انتى حكايه ماشاء الله عليكى
وفكرة المغاره حلوة قوى
نسيت انكم ممكن تبيعوا الهوا مش دة ممكن يتباع برضه ولا ايه متهيالى هايفك ازمه برضه
تحياتي
اشكرك علي الموضوع....لكن حقيقي انا ما زال لدي آمل ...مازال لدي آمل في
ابناء مصر الذين يعملون و يكدون و ينتموا الي بلدهم...
صحيح ان الحياة اليومية اصبحت صعبه علي جل المصريين....لكن الصحيح أيضا أننا نحن الذين نزيد من قسوة الحياة علي انفسنا...
كل منا لا يؤدي عمله بما يرضي الله...كل منا لديه قصور ما تجاه دينه و وطنه.
" إن الله لا يغير ما بقوم حتي يغيروا ما بأنفسهم"....
ليكن موضوعك هذا دعوة الي المصريين كافة
لان يعملوا و يصبروا و يتقوا الله في انفسهم و عملهم....حينها سنكون من اسعد الامم و من افضل الامم.
تحياتي و تقديري...
ومستنية على نفسك كدة ليه...أطلبي أول
مغارة يخدوكي فيها
هههههههه
يا سيادة الرئيسة ..قظدي يا خالتي فرنسا
.مش تبطلي تخاريف شوية ...انا خايف عليكي...
بس بجد بجد...حلوة...
لازم...كل ما أخش المدونة ..لازم أضحك..
والله دمك ده طلع شربات مكركر
ههههههه
تحياتي لكي
فرنس هانم
أنا متابعة التخاريف من أولها
بس أول مرة أعلق
إبداع إبداع إبداع يعنى
بس على فكرة ممكن نتباع
ده المصريين دول عملة نادرة
"شعب صبووووووور وطيب وابن بلد "
يعنى هيتصرفوا متقلقيش
وبعدين
الظاهر حصرتك عايزة تغيرى مكان إقامتك
فى عندنا " طرة , أبو زعبل , القناطر , ...... إلخ "
إللى تختاريه
بس أمانة عليكى , أول ما تحبى تغيرى المكان قوليلى عشان أعمل حسابى أشوفك هناك
وسلالالالالالام
يا خالتتتتتتتتتتى فرنسا
انتوا قررتوا تبيعونا فى مزاد علنى بالطن ؟
هو احنا لسه متبعناش ؟؟؟
احنا اتبعنا وقبضوا تمنا واللى كان كان
تحياتى الكبيره الكثيره لكى
بطه
ربنا معاكي وتعرفي تعملي حاجه للبلد
يا فرنسا يا نصيرة المظاليم
ويجعل الفرج قريب
قادر يا كريم
أختى العزيزة/فرنسا
لى رأى و لا تعتبرينه دموى ..أعدمى عبد الجليل و جميع الوزراء فى ميدان عام أو تحت أى كوبرى و بعدين نلعب رفه من جديد يمكن نفلح فى التغيير
أخيك الممتن لك ,أبو خالد
هو أحسن حل أنك تبيعي الشعب فعلا
وبعدين ده شعب ممتااااز لأي حاكم
لا بيهش ولا بينش
وإذا كان ملوش سوق وهو حي ممكن يتباع قطع غيار
إعملي ورشة من الأطباء يفككو البني آدمين كلاوي وقلوب وعيون وكبد
والحاجات دي مطلوبة برة وغالية
ومين ده بقي اللي أمه داعية عليه اللي مش وطني وخاين ويرفض مشروع زي ده في خدمة وطنه
ملحوظة: ابقي قوليلي بدري شوية قبل المشروع ده عشان ألحق أخد أي جنسية تانية
بس معلش يعني خليكي واقعية شوية .. بلاش حتة مشيت ربع ساعة في الصحرا والكلام ده.. ده أنتي حتي بتركبي ببلااااش
تحياتي يا مولاتي الأميرة
هما خلاص هبيعونا ... طيب انا نفسى اتباع فى لندن اصلى بجد عايزه اعيش فى البلد دى
....
وبعدين مين جدولة دى اللى مصدعينا بيها من يوم ما اتولدت ولا هى جت ولا حلت مشكلة ... ما يشوفوها فين ويروح لها ولا يمكن تكون ست متجوزة وخايفين من جوزها ... ممكن يبعتوا لها الزجاجة اللى احنا محشورين فى العنق بتاعها ومش قادرين نتنفس يمكن الست جدولة تحن علينا وترحمنا من العنق اللى اتكتم ده ...
على فكرة فرنسا شكلها هتسيب الرياسة قريب اصلها ماسكة بلد خربانة
عارفه عندى امل انهم يتخنقوا بقى علشان نبطل نقول آآآآآآآآآآه يا مصر آآآآآه يا شعب بس انا فى راى الشعب جه وقته وهو شايفهم بيتخبطوا ويقوم هو الاول يا ريس يعنى هما بيوقعوا بعض خلاص ودى فرصتنا بس فين بقى اللى يسمع وينفذ
فرنسا ياقمر
الكلام السكر للناس السكر ياسكر
تعالي بقه عندي نشرب حاجه مع بعض انا لسه عمله لبابا سحلب هاعمل حسابك في كوبيتين او تلاته ومتخفيش علي العجله
سلاموووووووز ......... وزتك
استاذه فرنسا
والله بوست رائع
هما فعلا باعوا كل حاجه وعلي فكره بيبيعوا الشعب برده ساعات
وقت ضرب لبنان كانت كل السفارات بتخرج شعوبها بمنتهي الاحترام
الا مصر
وقفتهم طوابير برده وبهدلتهم
يعني وقت الجد هيبيعونا
وجزاكم الله كل خير
انا حاسس ان الشعب اللى عايزين يبيعوه
هيصحوا الصبح مش هيلقوه.
تخيلوا كده الحكومه صحيت الصبح ملقتش الشعب
يلهوى على رأى عادل امام يبقوا يرحوا السعوديه بعقود عمل يشتغلوا هناك
هههههههههههههه
Nigro
يالذيذ يارايق
رفقة عمر
الغاليه رفقه عمر
هما ساعه الجد لا بيخلوا حتى الهوا
يعنى هيخلونا انضف من الصينى بعد غسيله
الربان
اخى العزيز
هذا جزء من الحل
وليس الحل كله
هناك من يعملون بجد واخلاص
وفى المقابل
هناك من يحصدون وحدهم ثمره كفاح الاخريين
وليس معنى ذلك الا نعمل ونكافح
لالالا
فالعمل والاجتهاد هما ماسيوصلانا الى بر النجاه
اذا لم يجدا من يسرقهما منا
حتى لا نصبح مثل الطفل الصغير الذى يضع مصروفه اليومى داخل الحصاله
وبعد سنوات يفتحها فيجدها فارغه
فقد كان اخوه الاكبر ياخذ ما يضعه اولا باول
أحبك تهاجر وتبعد تسافر وتبعت فلوسك دولار أو ريال
هو ده الحل
جزاكم الله كل خير
السلام عليكم
شكلك عالهوا يا خالتوا
الله يكرمك ارجمينا من الحاجات دي شويه
بس الصراحه أوجع ضرب الضرب وانت بتضحكي كده
ربنا يخليكي للغلابه
وينصر دينك
عبدالرحمن ياسين
ده انت اللى شربات مكرر
تحياتى لك يا عبده
وهاطلب اول مغاره ليه ؟
المفروض اطلب الشعب
ولا ايه ؟
فزلوكة
لالالالالالالالا
انا مش عايزه اغير مكان الاقامه
بس لو هاقابلك هناك
معنديش مانع اغير
لكن ربنا يرحمنا انا وانتى والمسلمين جميعا
من طره وابو زعبل وابو قردان
بس عايزه اعرف
لما انتى كنتى متابعه التخاريف من الاول
ليه مكنتيش بتعلقى ؟؟؟
سؤال مهم
بطه
يعنى شكلنا كده هنبيع بضاعه متباعه
يبقى نصب
ولا مش صح ؟
صاحب المضيفة
ربنا يسمع منك
قادر ياكريم
البلد ينصلح حالها
امين يارب
السلام عليكم ورحمة الله وبركاته
طالما اربعين وزير وفرنسا بابا يبقي لازم مافيش الا بيع الشعب واللي يتكلم او يفتح بقه ودوه ورا الشمس
أبو خالد
اخى العزيز / ابو خالد
تحيه كبيره لك
انا رايى من رأيك ومن غير دمويه
لكن
التعديل البسيط فى رأيك
اننا لو عملنا بالنصيحه واتخلصنا من المجموعه دى
خلاص
البلد دى مش هتلعب رفه علشان تختار الرئيس
لا
بالعكس
هترجع تبقى زى خلق الله
تحياتى لتعليقاتك المضيئه
القلم السكندري
مش بقولك ابن نكته
عموما انا واقعيه جدا يا استاذ
واوقع من الموقوع بالوقعه الموقعه ادناه
فاهم حاجه ؟؟
بجد انا واقعيه لانهم بيركنوا العربيات بعيد ويرحوا المغاره على رجليهم
وده زياده فى الشفافيه
خليك صاحى معايا كده ومصحصح
علشان مطلعشى لك كارت اصفر
وعموما
لو نفذنا المشروع ده
هاقولك واقول لكل الشعب علشان نتجمع كده كلنا فى القلعه
ونكرر تجربه محمد على ومذبحه القلعه
ههههههه
لالالالالالا
اوعى تصدق
انا بهزر
Desert cat
يسلم فمك يا قطه
فعلا يانانا
فرنسا مسكت بلد بااااااااايظه
وخلاص
طلقتها بالتلاته وتلاتين
اما الست جدوله
طول ما الفساد موجود
هتفضل موجوده
appy
فكرك صائب
وعقلك راجح
بت يا ابى انتى سياسيه محنكه
فعلا
كله بيخبط فى كله
وكله بيرمى على كله
بس الخوف نروح فى الرجليين
تحياتى لرؤيتك
انين الحزن
وزتى الغاليه جدا جدا جدا جدا
انا شرفنى انى رحت مدونتك وعلقت على موضوع الحوار اللى عندك
وشربت نسكافيه مش سحلب
والمره الجايه هاخد السحلب
تحياتى لاجمل وارق وزه
الفاتح الجعفري
الاستاذ الكبير الجعفرى
والنبى انا عندى سؤال محيرنى جدا
بجد
انت واليعقوبى فرد واحد؟
ولا قرايب ؟
ولا اصحاب ؟
ولا متعرفوش بعض ؟
يرجى ارسال الاجابه الصحيحه الى العنوان التالى
مدونه فرنسا هانم
فرع المسابقات
وسلامى لليعقوبى
بحبك يامصر
هى الحكومه
مناها واملها تصحى الصبح متلقيش الشعب
وبعدين هما مش محتاجين عقد عمل فى السعوديه
الفلوس اللى معاهم
لو ولعوا النار فيها سنه
مش هتحرق ربعها
mo'men mohamed
وترجع تئن ولبلدك تحن وتعيش الحقيقه مش الخيال
هو ده الرد
وجزاكم الله خير
دكتور حر
ابن اختى يأمر وانا انفذ
خلاص
قرار جمهورى
بوقف التخاريف
انت جيت فى جمل ؟؟؟؟؟؟
انت لو طلبت اقفل المدونه خالص وافتح كشك حلاوه على الناصيه هاعملها
لا بجد
انا خلاص بجد طلعت كل اللى جوايا
وهاوقف التخاريف شويه
تحياتى العاطره لك
خالتك فرنسا
انتى بتكتبى الردود يا خالتووووووو
انا معاكى هنا
بطه
خمسة فضفضة
ازيك يا دكتوره
وحشانى
ايه اخبار الوزير معاكم ؟
ربنا معاكم
على فكره يا دكتوره ورا الشمس كومبليت
اتملى خلاص
بطه
انا فعلا بكتب الردود
شميت ريحه حلوه
معايا اون لاين
تحياتى
والله فكرتينى بصاحب المكروباص الى بركب معاه
الراجل عقله سافر ومبقاش على لسان غير الله يخرب بيتهم هم وراهم حاجه غير خرابها ويبقى بيتكلم على اى حاجه فجاءه يشوف امين شرطه او قسم او حتى المحافظه الى بنعدى عليها تلاقيه يا خالتى بدا فى سب وقذف الحكومه وانهم خربنها
عارفه للاسف المواطن البسيط متمتع بالذكاء جدا بس للاسف الخوف مقيد الذكاء ده
الموضوع محتاج قولة لا بس بعقل وحكمه بدون تخريب لانى ضد التخريب بس السؤال الى بيطرح نفسه ممكن علاج البلطجه والسرقه بالعقل والحكمه؟؟؟؟؟؟؟؟
عموما ربنا يسترها معانا وربنا يلهمنا حسن التصرف
خالص تحياتى ليكى يا قمر وللاسف كعادتك بتضربى على الجرح فى رداء الفكاهه
تحياتى
ياريت يبيعونا وهاياخدوا فينا عمولات كمان هو احنا شوية ولا ايه ؟
والله يا فرنسا عندك حق بس المغاره ليها برضه ودان
ولا ربنا مش شايفهم
ازيك يا فرنستى يا جميلة يارب تكونى بخير وضهرك بقى كويس والحمد لله واتمنى تكونى رجعتى لحالتك الطبيعية مرة تانية
انا لما قريت اول بوست على التخاريف الفرنساوية وضحكنا وعرفت انك بتثيرى بيها موضوعات شائكة واقعية قلت ليكى حق بس للأسف ما باليد حيلة ولا نملك الا اننا نمصمص شفايفنا وخلاص
لا اللى عنده فلوس بره هيجيبها ولا اللى جوه هيبطلو سرقة ولا الناس هتعرف تاخد حقها وتعيش عيشة هنية
احنا هنتنينا عايشين فى البالوظة وحبة انفلونزا طيور تخدعنا وشوية كورة تاكل دماغنا وارتفاع الاسعار مخلى كل واحد بيجرى جوه طاحونته علشان يجيب المم لولاده ويادوب يعلمهم الرقاية والكتابة حاكم بلدنا خلاص مبقاش فيها حتى قيمة تعليمية لولادنا
معلش تعليقى كئيب
بس السياسة والقرف والمعاملات دى بتخنقنى بشكل كبير ومش بستحمل
اشكرك لسؤالك عنى وعذرا على غيابى عليكى لكننى كنت مشغولة لحد كبير فى شغلى
تحياتى
وبوسى نفسك بوستين
هبة
اقول ايه يا فرنسا
حتى لو باعونا بالطن
مننفعش
مش عاوزين نشتغل
ومش عاوزين نعمل حاجه بإتقان
من الآخر
كويس انك هتلحقى بكار
بتقولي كلام يا فرنسا يهز
من جوه القلب بس لو نحس او نفهم
وياريتنا نلاقي حل
سلاااااااااااااااااااااام
بقى مش عارفة ان الجعفري و اليعقوبي أصحاب يا فرنسا ؟
:(
دا أنا كنت فاكرك متابعة أكتر من كده
:)
عموماً أنا كنت مصورهم هما الإتنين صورة حتلاقيها في البوست ده عندي
http://egyptioneng.blogspot.com/2007/12/blog-post_28.html
الجعفري على الشمال و اليعقوبي في النص
:)
و أي خدمة يا فرنسا
انا عندي حل مفيش غير توشكي اهي جاهزة بس ناقصها شوية توضيب وتبقي سوبر لوكس علي المفتاح واديها مرمية محدش بيعمل بيها حاجة
كلامك حكم
انا مابتكلمش فى السياسة
لو سمحتى يا فرنستى الغالية انا عايزة كام بوست من بتوع
فى صالون فرنسا كانت لنا ايام
ياريت البوست الجاى يكون حكاوى الصالون
انا ماليش فى السياسة اطلاااااااااقا
واخد بالك يا اسمك ايه
يارب اسمه ايه يقرا تعليقى
علشان يحل عن سمايا بقى
سلام اختك خيخة
وانا بقرأ بقيت مش عارفة اضحك ولا ابكي!!
لو جت علينا يبيعونا برخص التراب يا فرنسا !
تحياتي لكِ يا غالية ..
أشعر و كأنك تكتبين ردود الآن على الطرف الآخر سعيد بردودك سعيد بإنسانيتك سعيد بكلمة أخى أبو خالد
فأنتى إنسانة عظيمة أفخر ايما فخر كونها تدعونى أخى ..أبو خالد
والله الحكومه دى صعبانه عليا اوى ومش عارف هى هتعمل ايه فينا دا انا دلوقتى بفكر لها فى حل وعرفته بس مش هقولك عليه عشان انتى الحكومه
ودى اول زياره لمدونتك وانشاء الله مش هتكون الاخيره
المنقـــــــــذ
تحياتى الغاليه لخالتنا الغاليه
فرنسيس هانمو
بجد يا خالتى
التخاريف دى بقت علامه فى عالم التدوين
ابو الفدا
هههههههههه
هم بقوا اربعين وزير؟
يعنى أربعين وديعة بتتودع؟
لأ كده نبقى إحنا كشعب خلاص
بنودع
ربنا يستر
بحبك ياسيادة الريس
اولا ازيك يا خالتى فرنسا
هههههه هههه
هما بفه مش هيبعونا لان الناس مش ناقصه قرف هما هيموتنا بغلاء الدواء
والمبيدات المسرطنه والاغذيه الفاسده
وغلاء الاسعار
ماهى دى بلد البابا بتاع جمال
تحياتى ولاء
only spot
السفر كتر قوى قوى اليومين دول
صاحب الميكروباص عقله سافر
ونص الشعب عقله سافر
ربنا يرحمنا
ويهديهم علينا
أنا وهي
عمولات ؟؟؟؟؟
طبعا
ماهما اصلا اهل العمولات
والرشاوى والذى منه
صوت من مصر
ربنا فى كل مكان وشايف كل انسان
لكن
مين قال ان الناس دى بتراعى ربنا ؟
Doba
والله يا هبه يا حبيبتى انا لما رحت وسألت عليكى مش علشان انتى مبتجيش عندى
لا
علشان انتى اصلا مش متواجده على مدونتك
وبعدين
انا بحب اطمئن على حبايبى على طول
وحشاااااااااانى
ومتعرفيش قد ايه انا فرحت بتعليقك وانى اطمنت عليكى
وعلشان كده يا قمر
انا جهزت لكى مفاجأه
حسن..على ..سعيد ..متولى
امسكوها
يختى عليها يختى عليها
فييييييييييين النسكافيه ؟؟؟؟؟؟؟؟
ام البنات
حبيبتى ام البنات الغاليه
امبارح كنت فى مدونتك وملقتشى جديد
فين جديدك ياقمر ؟؟؟
بلاش الكسل
الشنكوتي الكبير
فعلا يا اخى ياريتنا نلاقى حل
ربنا يهدينا الى الطريق السليم
مهندس مصري
شكرا
والف شكر على اهتمامك
وانا شفت الصوره
وبالمره شفت صورتك
بس صورتك هناك بشعر تقيل
وانت بتقول ان الصوره بتاعه البروفيل صورتك
عرووووووووستى ؟
شكرا يا باشمهندس مره تانيه على الاهتمام
مشمش
هو حد خرب بيتنا وبهدلنا الا توشكا
وفى الاخر مرميه
عجبى
بت خيخة وأى كلام
والله ده اللى فى دماغى
والتدوينه الجايه مش هتبقى تخاريف
خلينا نطلع من المستشفى النفسانى اللى حطينا نفسنا فيه
تحياتى لكى ولشريف
نـــــــور
هو ضحك فى لون البكاء
علشان كده اسمه كوميديا سوداء
تضحك على الجرح المؤلم
تحياتى العطره لكى
أبو خالد
اخى ابو خالد
الفخر والشرف لى انا وهذا من دواعى سرورى
والامتنان والشكر لك انت على عذب حديثك الاخوى
سلطان الغرام
ايه هو الحل ؟؟؟؟؟؟؟
وبعدين لو انا الحكومه
انت برضه السلطان
تحياتى لك فى اول زياره
وعاشت السلطنه كلها
ابو الفدا
اشكرك شكرا جزيلا
كاميليا
مخك عالى يا كاميليا
اربعين فى عشرين فى مليار فى سبعميه وخمسين فى تمنتاشر
ياااااااااااااه
بنوك سويسرا اتملت
walaa
ازيك انتى يا ولاء
وحشااااااااانى جدا
هما فعلا بدءوا فى تنفيذ خططهم
وبيجهزوا لنا المقابر الجماعيه
خالتشى فرنسا
هلكتينى من الضحك
الضحك على نفسنا
البلد بلد ابونا
واهلنا بيطردونا
بس بالحداقة
ميستغربوش بقة لما يلاقو المصريين كلهم بره
وخصوصا المهندسين
اللى هيبيعو هدومهم من احمد عز وعمايله
تسلمي يا فرنسا
مافيش الا الجدولة
و اللي ييجي بعده ربنا ينفخ بصورته
ربنا يحنن علينا نادي باريس ( اسم الهيئة المختصة بالجدولة )
عشانا عليك يا رب
خالص تحياتي
احمد
تعرفي يا فرنسا انا دايمااقول احنا دلوقتي الوضع السياسي يمثل حرامي خارج من بيت سرقه بس البوليس لسه ما جاش فبياخد الى قدامه على السريع كده وهو خارج وبيجري مش مهم بقى يدوس فىا يه ويوقع ايه ويكسر ايه . اصل لو كان البوليس جه كان جري ووقع الى في ايده كمان فلسه لما الرشاش يبقى منشن على رقبة حد فيهم هايغور ومش في ايده حاجه خالص .
اها ما احنا الدوله الوحيده بتهيئلي الى حكامها ما بيمشوش الا كده حتى الموت الهاديء خساره فيهم تقريبا .
شكرا لكي فرنسا
ازيك يا خالتي فرنسا
دي اول زيارة ب سان شاء الله مشالأخيرة
انا رأيي اننا ممكننتباع للدول اللي بتعاني من قله عدد السكان زي السويد ونيوزيلاندا وسويسرا
الدول الحلوة دي اللي فيها ناس بتفكر وحريم زي القمر والمصري اكيد هينجح هناك لأنه هيلاقي الجو المساعد علي النجاح
إرسال تعليق