السلام عليكم
وصلنى عبر الحمام الزاجل تاج من العزيزه همسه قلم
وطبعا انا مش هينفع افتح الصالون وعندى واجب تدوينى
علشان كده قفلت الصالون وحطيت لافته بتقول
مغلق للتجديدات
والتاج ده جاوبه قبلى كتير من المدونين الكرام
وانا مش هينفع ازايد عليهم
ولكن
ما باليد حيله
هنجاوب واللى يحصل يحصل
بس ياريت ميكونش فيها اعدام
اجابه السؤال الاول
والتانى والتالت علشان الوقت
طن تفاؤل
لما اروح اجيب عيش من الفرنه والاقيها فاضيه مش طوابير للقاهره
طن تفاؤل
لما اللهف القبض بتاعى من الصراف والاقى ورق الفلوس زى بقيه دول الله مفيهاش ورق متقطع ومتبهدل وديبان
طن تفاؤل
لما اشترى كبريت مصرى ويولع من اول شطه
من اول شطه يا كبريت ولعت القلب يا عفريت
طن تفاؤل
لما امشى فى الطريق وملقيش ميه المجارى مغرقه الشوارع
طن تفاؤل
لما اسمع صوت طفل حديث الولاده
طن تفاؤل
لما افتح الشباك الصبح بدرى واسمع صوت العصافير
طن تفاؤل
لما اشوف الاولاد الصغيرين يوم العيد لابسين هدوم جديده وفرحانين
طن تفاؤل
لما الاقى ميكروباص فاضى وقت الخروج من العمل او المدارس
طن تفاؤل
لما اعدى قدام مدرسه فى الطابور واسمع نشيد بلادى بلادى بصوت الاطفال
طن تفاؤل
لما يعكش المفتى بتاعنا فتوى وميرجعشى فيها
طن تفاؤل
لما اسمع ان جلجل محافظ السويس اتشال
طن تفاؤل
لما اروح السوق والاقى حلبه خضراء
طن تفاؤل
لما امشى فى الشارع بالليل وملقيش شباب بيضرب بانجو على الناصيه
طن تفاؤل
لما الاهلى يكسب
طن تفاؤل
لما اسمع اسم المأذون
طن تفاؤل
لما اروح انفخ العجله والاقيها مش مخرومه
طن تفاؤل
لما اسمع صوت عبد الباسط عبد الصمد
طن تفاؤل
لما اسمع جمله لا مساس بالدعم
طن تفاؤل
لما اقعد على شط القنال وملقيش سفن امريكيه معديه
الاشتراك في:
تعليقات الرسالة (Atom)
هناك 88 تعليقًا:
الحمد لله أول تعليق
نحجز ونرجع
بعد كده نكتب براحتنا بقى
خلاص احنا خدنا اول تعليق وخلاص
المهم
اجابات جامده
وانا مش عارف انتي بتجيبي الاجابات دي منين
بجد
انت تنفعي سيناريست هايلة
يعني هاتمشي معاكي السطة وعال العال في السينما والمرسح كمان
ايوة المرسح
ربنا يبسطك كمان وكمان
سلامات يا خالتي
و الله لو الحاجات اللى انت كاتباها دى بتبعث على التفاؤل ... فالمكان الوحيد اللى غالبية الحاجات دى متحققة فيه هو عند "أم ترتر" فى جنينة المشمش .. مش "فى المشمش" بس .. لأ .. جنينة بحالها
ثم انت بتشجعى الأهلى ليه ؟؟ انت مش من السويس ؟؟ يبقى المنطقى إنك تشجعى أسمنت أسيوط
السلام عليكم
طن التفاؤل
لما الاقيني رابع تعليق عندك
يا رب الحق
انا الحمد لله بخير
وبصحة جيده
انتي اخبارك ايه؟
انا كنت آخر تعليق في التدوينة اللي فاتت كان نفسي اكون اول تعليق في التدوينة دي اكون حققت رقم قياسي لكن ماحصلش
خيرها في غيرها
ماشاء الله وحدة الأوزان عندكم الطن؟
خير والله
ياختى عليكى
الله عليكى
خلتينى اتافئل بجد
وحشتينى
نسيتينى كدة لية؟
جميلة اوى يا فرنسا
ايه التفاؤل ده كلو
لما الاقى ميكروباص فاضى وقت الخروج من العمل او المدارس
بس دى بالذات واسعة أوى أوى
بس ربنا يسمع منك
يا بنتي الناس اللي صنعوا التاج ده كان نفسهم نطلع شوية من مود الكآبة حتى الراجل الطيب اللي عمله سماه تاج بالشيكولاتة أصلا انت حولتيه وبقدو قادر
تاج بالفرن
نقدر نقول بما أن الأشياء المذكورة متوفرة فقط بمزارع أم ترتر كما اشار بن حجر يبقى اكيد انت متشاءمة معظم الوقت
بس الحمد لله إن كل يوم العصافير بتصوصوصوصو
السلام عليكم مش شايفه ان التفاؤل ده كتير شويه لدرجه انه يوصل للوهم وان شاء الله يتحقق احلامك كلها حنين
جامده اجاباتك يا فرنسا هانم
بجد حلوة اوى
خصوووووصا موضوع الدعم والسفن الامريكانى
هههههه
وسلامات يا خالتشى
:))
خالتى فرنسا اهلاويه يا جدعاااااااااان
يارب تكونى دائما وابدا متفائله وتعيشها على طول فى تفاءول الى هى حياتك وعلشان تكونى متفائله وردت للجمهوريه عندنا شويه كاوتش عجل استبن تحفه حجزت ليكى دسته جوانى ودستتين برانى
واضح ان حضرتيك متفائله جدا جدا بس اظن ان الحجات دي مبقيتش موجوده او معظمها انقرض
واسأل الله ان يجعل حياتنا كلها تفاؤل
وجزاكم الله خير
صاحب المضيفة
انا اللى اتشرفت بكونك اول تعليق
ومتشكره على السناء ده كله على كلماتى البسيطه التى تخرج من قلبى بكل تلقائيه
وبعدين مش اسمه مرسح
لا
اسمه
تراترو
بنت اختى سمعتها كده
ابن حـجـر الـعـسـقـلانـى
عند ام ترتر بجد
لو كان كده تبقى سهله
ام ترتر حبيبتنا
وساكنه عند ام اللالى
صاحبه محلات دوخينى يالامونه
ابن حجر ياباشا
انا بشجع الاهلى من ايام ما كنا بنحط حجر الاساس للهرم بتاع خوفو
وصحيح انه منطقى اشجع اسمنت اسيوط
كلمه فى سرك
تعالى
هات ودنك
بجد بجد دمك عسل
mohand
بجد
انت جنتلمان
احييك على ذوقك الجميل يا مهند
والحمد لله انى اطمئننت عليك
مناجاة
لا
دحنا جبنا واسطه كبيره قوى علشان نخليها بالطن
ابن خاله جار ابن عمتى شغال عند جوز عمه واحد عنده ميزان كبير ادهولنا سلف
مروة الزارع
اه
ليكى حق عندى
وانتى وحشتينى جدا
وهعاقبك على كده بانى ازورك دلوقتى واعملك هيصه بالعجله تحت المدونه
ghalia
ههههههههه
ضحكتينى
واسعه جدا صح
بس لما تحصل يبقى من حقى اتفاءل
صح ؟؟؟؟ظ
عصفور المدينة
تاج بالفرن مع الشيكولاته
تبقى اكله ممتازه يا استاذنا
وصوتك من الاصوات اللى بحبها
فى الصوصوه
وفى العزف على اوتار التدوين
حنين
وهم
وهم
بس ممكن تتحقق
ولو اتحققت
يبقى تفاؤل
shayma
الله يبارك فيكى
وفى لسانك السكر
وفى زيارتك المعطره
بجد انا حبيتك جدا جدا
رئيس جمهوريه نفسى
ايه ياريس
سمعت الجيران
انا كنت مخبيه الموضوع بتاع الاهلى ده
غريبه جدا ازاى انت عرفت ؟؟؟؟؟
انا مستغربه خالص انا كنت مكتمه على الخبر ؟؟؟؟؟؟؟
وشكرا على الكاوتشات
والاستبن
وانا مكسوفه اطلب
تاره
وكفتين
وجنزير
ورمان بلى
وكادر
وفرامل
وجرس
وجوز مرايات
وكرسى ورانى
وحماله
وياريت من كل نوع خمسه
للزمن
مكسوفه اطلب حاجه تانيه
الفاتح الجعفري
ياريت كل ده يتحقق
وده يكون خير
وبعدين
فى حجات كتيره متحققه فعلا
فرنستنا
يا فرنستنا
هو احنا قولنا نحلم
قولنا نتفائل من اللي موجود
ودتينا
عند ان ترتر
وام اللالي
واللمونه
خلينا هنا ونحلم يا خالتنا
بس ده لا يمنع ان اجاباتك جميله وممتعه كالعاده ربنا يخليكي لنا
ويتم شفاكي على خير ان شاء الله
لما أسمع نشيد بلادى بلادى بصوت الاطفال
الله عليكى يا فرنسا
وحشتينى اوى بجد
المهم أنتى تكونى كويسه
أدعيلى أنا بدأت أمتحانات
طن احترام مني لهذا التفاؤل
ياسلام على اطنان التفاؤل ياخالتو
ربنا يديمها عليكي
بس بلاش ام ترتر دي الله يكرمك لحسن دي تبعث على التشاؤم مش التفاؤل خالص :)
جميلة حكاية العصافير اللى بتصوصو الصبح ..:)
ايه الاجابات دى
والله العظيم انتى عسل
حلوة بتاعه اول شطه كبريت دى هههههههههههههههه
بس ياريت الحاجات دى كلها تتحقق
سلام ياخالتى
خالتي ربنا يجعل حياتك كلها تفاؤل يارب ويسعدك دايما وتصدقي فكرتيني بتاج فعلا عندي هروح اجاوب عليه يالا ربنا يجعله عامر
زادك الله تفاؤلا .. وفرج همومك
وياريت تفتكرينا بنص طن تفاؤل علي سبيل المعونة عشان مفيش اكتفاء ذاتي
وتحياتي
saba7 el 7'eer ya 7'alty :) ... de awel mara azore feeha modwantek 2wo salonek be ma3na as7 ... gameel gedan wallahy wa damo 7'feef ... wa beeb beeb ahly...beeb beeb ahly hahahaha
دكتور حر
دكتورنا الحبيب
يسعد مساك قوى قوى
ام ترتر وام اللالى من ابطال المقاومه اللغويه
وهما اللى اكلوا السمكه حتى رأسها
بس ابطال من ورق
وسيبك منهم
خلينا فى موضوعنا
انا فعلا بحلم
وخلطت الحلم مع التفاؤل
علشان يطلع عصير
مستقبل بتمناه
ربنا معاك ويكرمك
3ala asm masr
كنت حاسه ان غيابك ده وراه حاجه
بس الحمد لله انها طلعت الامتحانات
ربنا يوفقك
وينجحك
وينور بصيرتك
يا هند يابنت اخت فرنسا هانم
Barrak
و2 طن شكر منى لهذه الزياره
مين يزود ؟؟؟؟؟؟
طن تفاؤل
الواحد
محتاج
1000000
تفاؤل
همسة قلم
نداء الى اصحاب القلوب الرحيمه
نداء من فرنسا الى كل الوحدات
نداء
عندى سؤال محيرنى
ومش عارفه اجابته
ليه ساعات الاسم بتاع المدونه فى التعليق ساعات بيظهر اسود
ولما اضغط عليه ميروحشى للمدونه
اللون ده ظهر فى تعليقك همسه قلم وفى تعليق حنين
وبيظهر كتير ؟؟؟
اريد حلا
عاشقه الفردوس
ياريت والله يا اجمل عاشقه لاحلى فردوس
لو اتحققت
ابقى
متفائله فرى ماتش
قلوب حائرة
الحمد لله انى فكرتك
ها
استاهل ايه ؟؟؟؟؟؟؟؟
القلم السكندري
تجاره داخليه يعنى ؟؟؟؟
مفيش مانع
انتوا ميناء
واحنا ميناء
والموانى لبعضيها
جارى ارسال المعونه
يرجى التأكد من خدمات الشبكه
littel angel (2alb el 2ased)
يمكن يكون خفه الدم من الزوار الكرام
واهلا بك فى اول زياره
وبيب بيب اهلى
ا بـن عــمــر
بلاش طمع يا ابن عمر
ناخد الطن الاول
وبعدين نفكر فى ال 100000 طن
هو الرقم ده اكتر من 200 طن بكتير؟؟؟؟
بحد بجد اجابات تحفة
خليتني بجد احلم بكل ده
انتي مية مية يا فرنسا بجد وتجنني
اختك رودي
طن تفاؤل
لما الاقى فرنسا كاتبة بوست جامد كله تفاؤل فى تفاؤل
مش عارفه ليه بحبك اوى كدا
انتى تعرفى ؟
ربنا يخليكى يا فرنستى
انا كمان حبيتك جدا جدا جدا جدا جدا جدا جدا
:)))))))))))
ربنا يديم المحبه يارب
:)))
عجبتنى كل اجاباتك
وخصوصا لما اسمع كلمه ماذون
انا كمان باحس بالتفاؤل
ربنا يكرمك يارب وتسمعيها فى بيتكم قريب جدا
المهم اخبار صحتك ايه يارب تكونى بقيتى احسن
بنوته مصرية
شكرا يا رودى
انا سعيده جدا بيكى وبكلامك
اشكرك جدا
ويارب كلنا نتفائل
Desert cat
طبعا اعرف
شوفى يانانا
فى تقارب ملامحى استراتيجى بينا
يعنى ايه؟؟
انا مش فاهمه لكن هقولك
انا بحب الكتابه الساخره
وانتى كمان
وانا بحب مصر وبغير عليها
وانتى كمان
انا بنت مرحه
وانتى كمان
انا بحبك
وانتى كمان
فهمتى حاجه ؟؟؟؟
وانا كمان
shayma
امين يارب
انا بدعى من كل قلبى
رفقه عمر
انا الحمد لله كويسه جدا جدا
ويارب
المأذون يدخل كل البيوت
بس علشان يجوز بس
خالتنا
بالنسبه لتساؤلك عن الاسم اللي بيطلع اسود
في ناس ساعات بتكسل تعمل تسجيل دخول للمدونه
فبتكتب اسمها في الخانه اللي جنب
Nickname
فبيطلع الاسم من غير رابط
بس
السلام عليكم
إجابات جميله والله وفي منتهى العمق والموضوعيه.
لو الأشياء اللي ذكرتيها دي حصلت مع بعضها في نفي الوقت نقدر ساعتها نقول ان فيه أمل غن البلد دي حالها يتصلح
تحياتي
ليدى فرنسا
توقيت رائع للتاج
انا هاعتبر الاجابات دي كلها أمنيات العام الجديد
وادعو الله ان يحقق لك كل ماتمنيتى يارب آمنية آمنية
ويزيدك عليها الصحة وسعادة القلب وراحة البال يارب
كل عام وانتى بآلف خير
عام سعيد عليكي
مع حبى
كاميليا
خالتو فرنسا
اولا مبروك ياستى التاج
تاجاتك كترت
وهبتدى احسد
بسم الله ماشاء الله ياعم
ماشاء الله كل ده تفاؤل
حاضر وماضى واتى ومستحيل
حدوثه
بس ماله جلجل
بس
انا عاجبنى فيه والله
انى شايف انى البلد اتظبطت حبة
حتى لو التخطيط زى مانتى قلتى قبل كدة قبل ماسعادته يشرف
بس فى عهده اتنفذت الافكار تحسبله برضه
الخوف انى يجى واحد ينهب ويمشى
زى كتير قبليه
بس برضه السويس مش هتجيب محافظ زى تحسين شنن
ماعلينا شكلى طولت
ربنا يديم عليكى السعادة والتفاؤل دايما ياخالتو
ما أحلي التفاؤل و اعظمه من نعمة نعطر مرار الأزمات
طن تفاؤل : ان استيقظ من نومي فأجد أن الحياة ما زالت تدب في واني استطيع ان اتوب من ذنوبي
لا بلاش مطبات
ومبروك عليكى التاج عقبال يا رب كده التاج بتاعك وانتى عروسه حلوة فى الكوشه والله وأجى ازفك ببطوط عربيتى الصغيرة بس ساعتها هبرشط على اى حد من أصحابى واجيب عربية اكبر وافضل معاكى لاخر الفرح
ويار ب كل اللى بتتمنيه تلاقيه
طن تفاؤل بحالة
انتى عارفة طن التفاؤل وصل لحد كام دلوقتى
ما انتى مش هاهمك حاجة
جبل عتاقة جنبك وبتحملى منه تفاؤل براحتك
انتى عندك تفاؤل لما الكبريت بيولع من اول شطة
انا بقى لما أدور عليه والاقية اصلا
تحياتى
طن تفاؤل
لما عرف مكان ام ترتر
ردودك جميله وتعليقات
حبايك دمها خفيف
وسلامى لأم ترتر
وربنا يفرح قلبك
وتكونى متفائله دايما
تحياتى لك
الاخت الغالية فرنسا هانم
حبيت اقولك كل سنة وانتى طيبة ويا رب تكون 2008 افضل من الموكوسة 2007 على جميع اصعدة حياتك
تحياتى لاجاباتك المليئة بالود الانسانى الصافى وهذا التوق للجمال فى كل ما حولك الذى ينم عن روح جميلة لانسانة اجمل
دمت بكل خير وسعادة
حبى ودعائى
هدى
يارب كل اللي إتمنتيه يتحقق
يا فرفورة
عند أم ترتر
عند أم خرز
المهم يتحقق
ولو حتى بالحلم
دمتي بكل خير عزيزتي
ههههههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههههههه
اجابات طالعه م مواطنه مصريه صرف زى السكرررررر
ههههههههه عسل عسل ياخالتوو
تسلم ايدك
فرنسا هانم ست الهوانم يا أحلي هانم و ستهم كلهم
بجد ربنا وحده يعلم انا حبيتك قد ايه النهاردة انتي والاخت خيخة
بجد والله في ناس كدة نضاف و دمهم خفيف زيكم الواحد يفتخر بمعرفتهم و المرور عليهم
حقيقي انا سعيدة
مدونتك روعة روعة روعة
و يكفي ان عندك هنا اسماء عظيمة من المدونين اللي بفتخر اني بدون معاهم رغم الفارق بيني و بينهم
ربنا يكرمك يارب
و يوفقك و يرضي عنك
:))))
تحياتي
احب اضيف لك حاجة كمان
كل بوستاتك روعة روعة روعة
و بجد غيرتي رايي في حاجات كتير
ربنا يوفقك و يرضي عنك يارب
:))
دكتور حر
دكتورنا الحبيب
محمد
والله
والله
والله
انا حاسه ان المدونه دى
عمادها الاساسى
د / حر
لان معنى ان انت تجاوبنى على تسألى
انك متابعنى كويس
انا فرحانه بيك قوى
ومش هقدر اقولك اكتر من كده
انا اتشرف انى اكون خالتك بجد
وعلى فكره
فى ناس تانيه محوطين المدونه دى
بجناحهم
وحبهم
وانا بحبهم جدا جدا
علاء سالم
عمنا علاء
كله يتحقق مره واحده ؟؟؟؟
بلاش طمع
حتى لو فى اوقات متفرقه
المهم يتحقق
كاميليا
تصدقى انها جات صدفه
فعلا
العام الجديد على الابواب
ودى تنفع امنيات للعام الجديد
برافو كاميليا
doha
تحسين شنن
الله يرحمه
هو فى محافظ هيجى زى تحسين ؟؟؟؟
يااااااااااااه
فكرتنى بيه
وبفتره توليه المحافظه
فتره مذدهره فى حياه السوايسه
rainbow
هدى
سنه 2007 مش موكوسه قوى
لا
سنه 2007 انا عرفت فيها عالم التدوين
وعندى اصدقاء
واتعرفت بيكم
علشان كده انا بعتبرها
مش موكوسه قوى
رغم الكسور
وانا كمان بقولك كل سنه وانتى طيبه
المهـ إلي الله ـاجر
المهاجر الى الله ممن يرعون مدونتى ويهتمون بها وانا اعجز عن شكرك
ويارب تقدر وانا اقدر
نتوب عن ذنوبنا
كل سنه وانت طيب
appy
فرحى ؟؟؟؟؟؟؟؟؟؟
الكوشه ؟؟؟؟؟؟؟؟؟؟؟؟
حلم ده ولا علم
انا عارفه انك هتقدرى تنفذى كلامك
لكن جواز فرنسا باطل
جواز فرنسا باطل
باطل ايه هو فى اصلا جواز ؟؟؟؟؟
الطائر الحزين
جبل عتاقه جنبى اه
لكن مقدرش ادوس فى التحميل
الكارته تمنها ولع
لو عايز كبريت
قولى
اختك سداده
من عود لميه
وشطاطه كمان
يلا
انشاله ما حد حوش
klmat
بس كده
غالى والطلب رخيص
اكتب عندك
درب التبانه
كوكب الارض
قاره افريقيا
ج م ع
Salwa
ام خرز كمان دخلت القائمه
كويس
ام ترتر
ام اللالى
وام خرز
كويس
وربنا يحقق لك انتى كمان كل طموحاتك واحلامك
وكل سنه وانتى طيبه
وعام سعيد
د/اجدع بنوته
ربنا يدوم ضحكتك
واشوفك دايما مبتسمه يا رب
كل سنه
وانتى
عسل
وسكر
MerMaid
انا متشكره على الاطراء ده كله
وده اكبر منى بكتير
وخيخه تستاهل فعلا المحبه
انا بحبها قوى
بس اوعى تقوليلها علشان
متتمرعش فيها
انا سعيده بيكى
وبكلامك
جدا جدا
السلام عليكم
اسمحيلى انضم لمعجبينك بجد مدونتك جميلة وبالذات اخر بوست بتاع التفاؤل ده هوا لوحده يبعث على التفاؤل بس انتى بجد دمك شربات...ربنا يكرمك ويوفقك يارب.
مستجدة
ممستجده انت فعلا مستجده على المدونه
ومدونتى اتشرفت بيكى جدا جدا
لكن عندى سؤال مهم
انتى لو جيتى مره تانيه هتبقى برضه مستجده ؟؟؟؟؟
السلام عليكم ورحمة الله وبركاته
فرنستى الجميله
اولا كل عام وانتى بالصحة والسلامة بمناسبة عيد الاضحى والسنة الجديده
وان شاء الله تكون سنه سعيده على امة الاسلام اجمع
ثانيا والله عتابك ده على عينى لان الابناء كانو بعافية شويه من قبل العيد لحد اليوم والحمد لله على كل شىء وكمان النت عندنا مقلكيش عاوز شويت سلر ويتولع فيه
وبعدين انا مقدرش على زعلك يا قمرة المدونات وسكر سنترافيش المسكريين كلهم
اما بخصوص التفاؤل فهو مطلوب جدا النهارده وخصوصا فى ظل الظرف القاسية التى نعايشها حاليا
لنا الله احتى الحبيبة سلامى اليكى والى صالونك الرائع
اختك ام الابناء
راجية عفو الله
طن تفاؤل
ان الاهلي يكسب
مهي دي القاعده و الاستثناء طن تشاؤم انه يخسر
ام الابناء
راجية عفو الله
الف الف مليون سلامه على الاولاد
البرد مش سايب حد فى حاله
انا بعتب عليكى من حبى ليكى بس
لكن
الاولاد اهم من الزيارات واهم من اى حاجه تانيه
خلى بالك منهم
والف سلامه ليهم
وادعوا الله لهم بالصحه والعافيه
واهم حاجه انى سمعت صوتك الكروانى
سلام لاختى العزيزه
ام الابناء
راجيه عفو الله
Mohamed_sobhy84
طن تشاؤم ان الاهلى يخسر
تبقى انت اهلاوى
لانك عكست الكلمه
وعكس العكس ايجاب
كلامك كله رائع وحقيقي جدا ودمه خفيف مع انه بيعيطني وجزاك الله خيرا
nonoymm
مرحبا بكى فى اول زياره
والكلام الساخر
ديما يضحك ويبكى
طن مرح وابتسام
لما بدخل المدونة عندك يافرنسا هانم
غمض عينيك
شكرا
ويارب كتر المرح والتفاؤل
إرسال تعليق