السبت، يونيو 07، 2008

قانون طارق بيه

اخوانى الاعزاء
اسمحوا لى ان اقوم بتنزيل هذه التدوينه بعد ان قمت بحفظها فور نزولها يوم السبت الماضى
وذلك بناء على طلب اخى العزيز ابو خالد
**********

ولما كانت الليله الثانيه ...قالت ام وحيد لزوجها فريد
بلغنى ايها الزوج العنيد صاحب الرأى السديد والعمر المديد
ان الوزير قحطان خرب وردستان وخلاها قاعده على الحيطان ...وفضل يقربع بانجو من النوع التعبان
لغايه لما الشعب نافوخه طق ...وهاج وماج وخرج من الشق ...وبقى يعرف يقول لأ

الملك فيحان :- انت ياض يا جلجل ...جلججججججججججججل ..يا جلجل

جلجل :- شبيك لبيك يا ابهه ...جلجل ملك ايديك ....مالك الناموس مقرصك ولا ايه ؟؟؟؟

الملك فيحان :- ناموس مين يلا ..عمك الملك فيحان يهمه الناموس ...انا طول عمرى قاضى عليه بالبخاخه كانى مانى الامريكانى ...انا اللى شاغل مخى ومطير النوم من عينى الشعب

جلجل :- والله يا ابهه انا كنت عايز اخبى عليك لكن طالما انت عرفت خلاص انا مش هاقدر اخبى تانى

الملك فيحان : تخبى ايه يا جلجل الشعب مات ؟؟؟

جلجل :- لا يا حلاوه الشعب لسه مامتشى .....لكن الشعب هايج

الملك فيحان :- الشعب ايه يا خويا ؟؟؟...هايج ؟؟؟؟...هههههههه ....بقى شعب وردستان هايج ؟؟؟ ...طيب وايه اللى مهيج الشعب امال ؟؟؟

جلجل :- الشعب مش عايزنا نمد قانون طارق بيه

الملك فيحان :- الشعب مش عايزنا نمد ايه ؟؟؟؟ ...بقى الشعب دلوقتى يعرف ايه اللى يتمد وايه اللى ميتمدش ...فين الوزير قحطان ؟؟؟؟

جلجل :- ولا يا طاطا ...انت ياض يا طاطا ....تعالى كلم المعلم فيحان

قحطان :- ماما زمانها جايه جايه بعد شويه جايبه لعب وحاجات ...جايبه معاها شنطه فيها عجله وبطه بتقول ماء ماء ماء

الملك فيحان :- ايه ياولد يا قحطان ...ماتفوق لى شويه وحياه ابوك

قحطان :- مين المعلم فيحوحتى ؟؟؟...ازيك يا معلمه ....ازيك يا جلجولتى ...انتوا واقفين فى الشارع ليه ماتطلعوا فوق ...برضه ميصحش تقفوا كده فى الشارع

الملك فيحان : شارع مين يا قحطان فوق واسمعنى كويس ..احنا هنا مش فى الشارع ..احنا فى القصر يا يلا ...فوق احسن لك

قحطان :- هو احنا فى القصر ...مين اللى شالنا وجابنا هنا ...طيب يلا نروح بقى

الملك فيحان : - اعمل حاجه يا جلجل حاول تفوقه

جلجل :- قحطوحتى ..انت ياض ...الشعب هايج ومكسر الدنيا على قانون طارق بيه ..والمعلم فيحان عايزك تتصرف

قحطان :- هههههههه ....شعب مين يابا ...وطارق مين ؟؟؟؟....انا مستنى الواد شيشه يجبلى البانجو بتاعى .انا مش لاعب معاكوا ...انتوا وحشين انتوا عايزين تخطفونى

الملك فيحان :- سيبك منه يا جلجل وقلى نعمل ايه ؟؟؟؟؟؟؟

جلجل :- هو حضرتك مش كنت بتقول ان الشعب مطير النوم من عينك يبقى اكيد فكرت فى حاجه ..قولى انت فكرت فى ايه ؟؟؟

الملك فيحان :- فكره مين يا عم هو انا كنت بفكر فى كده اصلا ...انا كنت بفكر كلمه الشعب بالانجليزى بتتكتب العين ازاى ؟؟؟

جلجل :- وبعدين يا هندسه ..هنعمل ايه يا معلم

الملك فيحان :- شوف يا جلجل ...مد الاتنين ...مد قانون طارق بيه ...ومد الشعب كمان

جلجل :- مش فاهم يا عسل قولى انا دماغى هنجت

الملك فيحان :- شوف يابنى تمد قانون طارق بيه براحتك سنه سنتين اربعه ..ولو الشعب اتكلم تمده على رجليه فى وسط الطابور

جلجل :- فى حاجه تانيه يا معلم

الملك فيحان :- ايه تانى يا جلجل عايز انام بقالى دراع ونص مانمتش

جلجل :- الشعب كله هايج على اخونا معز بتاع القصب وبيقولوا انه احتكر القصب لحسابه ومحدش عارف يوقف فى وشه والناس زعلانه

الملك فيحان : - لالالالالالالالالالالالالالالالالالالالالا
الا معز والا القصب
هو يابنى معز ده يملك حاجه مش كله من دقنه وافتله ويا بخت من نفع واستنفع

هناك 110 تعليقات:

فاتيما يقول...

خالتتتتتتتتشى
حمدلله على السلامة
ياااااه
وحشتينا و وحشنا كلامك الحلو
هههه
حلوة قوى نمد القانون و نمد الشعب كمان
و بعدين ليه بتجيبى فى سيرة المعيز و الزعازيع ...
أنا هتحسد عشان جيت فى الاول
حمدلله على السلامة يا قمر السويس كله

غير معرف يقول...

احجز مقعدك لولولولولو لولللللي
راجعه تاني

عبدالله يقول...

حمدلله علي السلامه يا خاله عوده قويه للكلمات القويه الي كلها مفيهاش حنيه :)
حلو جدا موضوع نمد الشعب ده فكره جديده ربنا يستر مش يسرقوها ويطبقوها
وابعدي لو سمحت عن القصب اصله يعز علينا برضه


تحياتي

غير معرف يقول...

ههههههههههههههههههه
نمد الشعب في طابور العيش صح ياخالتي هههههه
اسكتي ياخالتي مش معز ناوي يعمل العربيات القديمه عصير قصب يلا صيف بقي وكل سنه وانت طيبه الصيف بيحب العصير
فهيعصروا لشعب وعربياته
حمد الله علي السلامه

Wael Galal يقول...

مساء الفل يا خالتي
مش هاتبطلي تجيبي في سيرة الناس بقى؟
العصبجية اشتكوا من كتر حواديتك
و الواد معز داير في البلد يلسن و يقول فرنسا بتشنع علياعشان مارضيتش اسلفها عودين قصب تكمل بيهم العشة

و فيه دلوقتي اجتماع بينه و بين قحطان
خدي بالك من نفسك

مشروع انسان يقول...

عايزين كام واحد من الشعب ده
يجوا يعملوا حاجة

اصل الناس هنا ولا سامعين عن طارق بيه
وحتى معز
مش بيفكروا يعملوا اى حاجة لمواجهته

مشكلة والله لما يبقى قانون زى ده بيسوى كل ده ومحدش يعرف بيه وبتفاصيله كويس

يبقى ازاى هيتحرك عشان يغيره

ربنا يحينا

nigro يقول...

و الله يا فرنسا هانم قانون طارق بيه ده خلاص عفّن قوي
و ريحته بقت تقتل
بس الغريبة إن احنا راضيين نموت مخنوقين
سنتين تلاتة أربعة خمسة و عشرين زيادة
و أهو كله ماشي
و أهم حاجة المم
فليحيا المم

بنوته مصرية يقول...

يااااااااااااه

انا الكرسي رقم 8 مش معقول

اروح اقرا واجي علطول يا قمر

حمدالله علي سلامتك

ابن حـجـر الـعـسـقـلانـى يقول...

بصراحة حكاية "معز" بتاع القصب دى مش معقولة .. ضحكتنى كتير جدا

و الله يا أخت فرنسا وحشتينا بجد و وحشتنا روحك الكوميدية الساخرة الجميلة فى التعليق على الأحداث

و الله وضع "معز" مع القصب و احتكاره و كمان سكوت الناس على كل دة فكرنى بمثل بيقول:"زى الحمير فى النجيل .. لا الحمير بتشبع و لا النجيل بيخلص" .. هو الوضع كدة بالضبط .. لا "معز" بيشبع .. و لا الناس هاتبطل تبنى بيوت .. قصدى تمص قصب

امل يقول...

السلام عليكم
الف حمد الله على السلامة
ومبروك المدونة الجديدة
خالص تحياتي وتقديري

غير معرف يقول...

الله
هى حواديت الف ليله رجعت تانى ولا دى على بابا والاربعين حرامى

وبعدين مالك انتى يا فرنستى ومال الكلام ده
انتى واحده فى النقاهه والقصب مش كويس على صحتك

لا بوست فى الجون يا فرنستى
سلامى يا قمر
:))))

Asmaa mahaba يقول...

انا بحجز 11 وتقدم ساحق وسوووووووومه

Asmaa mahaba يقول...

هههههههههههههههه مد الشعب ومد القانون جامده يا خلتو تسلمى
خافى على نفسك انتى دلوقتى تعبانه استنى اما تشدى حيلك....
تحياتى ليكى سومه_87

رئـــــيسـة حزب الأحلام يقول...

ازيك يافرنستى
ايحاءات سياسيه جميلة
وقانون طارق وحديد عز
مشاكل عايشينها وحسينها
منورة ياقمر المدونات
تحياتى لكى

Unknown يقول...

خالتي فرنسا هاانم وحشتيني جدآ جدآ و وحشني كلامك

حمد الله علي سلامتك و رجوعك لينا تاني بالسلامه

نورتي البلوج سبوت كلو

البوست بجد هايل هايل هايل

اسلوب نقد سياسي ساخر و بسيط

تحياتي

Eldebug يقول...

ماهى المشكلة انهم مايقدروش يلغوا قانون طارق بيه قبل مايخلصوا قانون ايهاب باشا ولا انتى ايه رايك فى الموضوع ده

ربنا يحفظك لينا ياااااارب والف حمدالله على السلامة

عاشــــــ النقاب ـقــــة"نونو" يقول...

ناس ناكرة للجميل
ايه دة دة لمصلحتكوا ياشعب
وانتهز هذه المناسبة واكمل تهنئتي لكل شعب مصر بهذا المد اللي ظاهره زي ما اتال لكن حقيقته انه العمر كله
عسل يا خالتشي حمد الله على سلامتك
عاوزين بقى نتعلم ازاي نخلي الصم والبكم اللي هما احنا الشعب يعرف ينطق خصوصا وان قانون طارق بيه خلانا بقينا صم وبكم
ضحك حتى البكاء للاسف
ايه اخبار العملية ان شاء الله تكوني بالف صحة
تحياتي ومودتي

أبو خالد يقول...

أبنتى الغالية /صاحبة مدونة فرنسا
لا أستطيع و صف كم أفتقادى لك فى هذا
العالم الأفتراضى ..
سعيد أن قلمك عاد للأبداع
أقصد لوحة مفاتيحك
دمتى لى أخت و أبنة و صديقة كريمة
عظيمة النفس
بارك الله فى عمرك وتمم لك الشفاء
سعيد أنى اقرأ هذا البوست الساخر
دمتى إنسانة فكرك راقى و جميل

همس الاحباب يقول...

خالتى فرنسا هانم
منورة دايما
وحمدلله على سلامتك
دائما مبدعة يا خالتو
وقانون طارق بيه زى باقى القوانين الوضعية المتخلفة انخلص منه ايجى قانون ايهاب بيه انيل واضل سبيلا .

الشعب كله هايج على اخونا معز بتاع القصب وبيقولوا انه احتكر القصب لحسابه ومحدش عارف يوقف فى وشه والناس زعلانه
الملك فيحان : - لالالالالالالالالالالالالالالالالالالالالا
استوقفتنى كثيرا تلك الكلمات
واعجبنى مدلولوها السياسى
دمتى مبدعة دائما
تحياتى وتقديرى

حبيبـــــــة القمـــــر يقول...

عزيزتي فرنسا
الاول حمدا لله على سلامتك ياقمر
بجد حكاياتك ملهاش حل....
صحيح بلغني انهم ماسكين معز اوي ومشددين عليه في حكاية القصب اللي محتكره
بس مبقتش مشكلته دلوقتي ..
هو فلت .. دي بقت مشكلة صبيانه الصغننين بكرة يبقى القصب بالكوبون زي العيش يافرنسا

بحبك يامصر يقول...

الله عليكى يا فرنسا هانم
مبدعه بجد وحشنا كلامك واسلوبك الساخر
موضوع الاخ معز بتاع القصب ده يخنق بجد
الراجل بيقول ان كيلو المش بقه بعشره جنيه انتو جايين تكلمونى عن كيلو الحديد قصدى القصب
فالراجل ياعينى معزور ياريت نلم له عشان يكمل الفلوس اللى بيحوشها ويبطل يغلى فى القصب عشان نخلص بقه تبقى مره واحده

تحياتى

walaa يقول...

عارفه اللى انا وحشه وبايخه ومقصره فى حقك جدا جدا وانا مكسوفه منك قوى والله بس اعذرونى اختى الحبيبه انا كنت واخده اجازه من المدونه ومعرفش حاجه خالص
وفجأه انى سمعت حبيبة الكل وحبيبة قلبى وقريبه من قلبى قوى تعبانه
دخلت المدونه وقرأت الوبستات اللى فتاتنى
بقولك انا اسفه قوى قوى قوى
والله كنت واخده اجازه ومكنتش بفتح ولا مدونه
الف سلامه عليك يا قمرايه
وشفاكى الله وعفاكى واسال الله العظيم رب العرش العظيم ان يشفيك ويعفيك
ونورت مدونتك يا قمر من جديد وان شالله دايما منوره بينا علطول
ومدونتك بينا ما يغيب ليها صوت منوره منوره وشفاك الله وعفاك
تحياتى يا اجمل اخت
ولاء

walaa يقول...

الشعب للاسف الشديد لا بيثور على نعز ولا بيثور على طارق بيه
هو راضى باللى بيحصله
اكتر شعب فى الدنيا راضى بالذل وقاعدج ولا عمره هيثور هههههههههههه
شعب من بلاستك والله
تحياتى ولاء

عبده الرايق يقول...

ايه يا فرنسا التخاريف اللى انتى بتخرفيها دى ؟؟
قانون طارق بيه ده مين ؟؟
ماتخليكى صريحه وقولى انك بتتكلمى عن طارق السعيد بتاع الزمالك
ماله بقى طارق ؟؟؟؟؟؟؟؟؟؟؟
انطقى اتكلمى سكتى ليه ؟؟؟؟؟؟؟
وايه حكايه معز بتاع القصب ؟؟؟
الراجل لامحتكر قصب ولا غيره وسايب الخلق كلها بتسترزق وكل مادخل معصره اشترى قصب ملقاش عليها اسم معز ولا حاجه
انا مش فاهم حاجه يا فرنسا
لكن ممكن البوست ده يكون فيه تريقه وقصدك على معز تانى
خلاص اروح بكره معصره تانيه يمكن الاقيه

عبده الرايق يقول...

اوعى تكونى اتجننتى يا فرنسا وقصدك المعز لدين الله الفاطمى
نو
نو
نو
الراجل يشكر بنى قناه السويس
عايزين منه ايه تانى ؟؟؟؟؟؟؟

أبو خالد يقول...

رجعنا تانى مستر رايق
نقول معلومات تاريخية هامة
أنا نفسى لما تأخذ الكادر
تعطى دروس فى التاريخ و الجغرافيا
مجانا علشان شعبنا الجميل
يصحح معلوماته المغلوطة
متى نلتقى مستر رايق
دمت أخف دم

آفاق الحرية يقول...

هههههههههههههه
يلا قصب قصب
كلها زعازيع برده
ولا ايه

عبده الرايق يقول...

اخى وصديقى ومعلمى ابو خالد
ادعوا الله ان نلتقى قريبا جدا ان شاء الله
وعلى فكره
انا سعدت جدا بحديثى الشيق والممتع معك على التليفون انت وحبيب قلبى خالد همس الاحباب
هه
سامعه يا فرنسااااااااااااا
انا كلمت ابو خالد وخالد فى التليفون
خليكى انتى كده لوحدك لغايه لما القطه تاكل ضوافرك
اتغاظى بقى واتفرسى

حـــــدوتـــــة يقول...

السلام عليكم
الف حمد الله على السلامة
النت بيرقص من فرحته بعوده فرنسا هانم
والله المدونات من غيرك ملهاش طعم
وطبعا العوده قوية كالعادة
مع احترامى لطارق بيه طبعا

سلالالالالالالالالالالالالالالالالالالالالام

المستنصر بالله يقول...

الاستاذه الكبيرة فرنسا
اولا حمد ال ع السلامة
ثانيا بادعى ان قانون طارق يكون القشة اللى قطمت ظهر البعير ويكون المعز وديوله اول الضحايا والقصب اللى فى ايده يكون هو برده اللى بيتكسر بيه نافوخه هو وديوله
ان مع العسر يسرا وماضاقت الا ما فرجت وكل ديقه لازم بعدها وسعه وكل ليل بعده نهار
الامل فينا وفى ربنا كبير طول مافينا انتى واناوكلنا وكل رافض لطارق والديول واحتكار القصب والزعازيع
ماتتاخريش علينا تانى بنستفاد منك كتير
تحياتى

Mafrousa يقول...

انا مالياش وش ادخل
انا رقم واحد و تلاتين
و لو اخدتني الجلاله شويه و كتبت سطرين زياده يمكن أبقى 32
كل ده علشان كنت بادهن الببان
اكيد ريحة البويه سطلتني
ههههههههه
فرنستي...مش طارق اللي انتي جايبه سيرته ده يبقى احمد حلمي فى فيلم ظرف طارق؟
ههههههو بعدين القصب ماله و مال المعيز...انا بحب القصب امصه امصه و اشربه عصير...
طيب يمكن المعيز بتحي التفل بتاع القصب المصوص
ههههههه
انا شاكلى مهيس من ريحة البويه
ههههههههههههه

Asmaa mahaba يقول...

خالتوا انا شايفه اننا نحصن ابواب مدونتك ونرش ميه بملح على العتب يمكن الرايق يخف شويه
اه متنسيش تبقى تبخريها وتحطى عين الخشتوك من عند العطار دا بطفش الارواح الشريره عوووووووووووو
سومه_87

اوعى تفكر يقول...

لالالالالالالا كل الا بتاع القصب
مش ناقص غير ان احنا نتكلم عليه
ده راجل مدلعنا
ده حتى بيبيع القب بنص جنيه
ولو زوده مش هيزوده غير اتنين جنيه
حرام عليكى تجيبى فى سيرته

حنين القلب يقول...

تسلم ايديكى يا حبيبتى
وصح كله من دقنه وافتله يعنى معز بتاع القصب بياخد منين ويودى فين كله عند الملك وفكرة برضه انهم يمدوا القانون والشعب
وحشتينا يا فرنستى ووحشنا كلامك اللى فى الجون
بوست بجد جامد وعجبانى اوى مدونتك انتى والرايق بجد دمها عسل ربنا يخليكو لينا
ملحوظه صغننه
انتى ليه مش قريتى البوست الجديد بتاعى انتى نستينى ولا ايه
سلام يا حبيبتى

kochia يقول...

الاخت العزيزة فرنسا هانم
فعلا ليكي جو كدة مميز مخصوص ومختص بيكي
بنضحك واحنا متغاظين ومفروسين
بنقرأ واحنا عاوزين نقوم ونثور ونعمل حاجة
وبنرجع نقعد تاني ونكمل قراية
بس يعني هي هتيجي من كله
اهو بنبتسم برده

منورة
تحياتي

فرنسا هانم يقول...

فاتيما
لا متخافيش مفيش حسد من حد
انا مبخره المدونه كويس
الا بقى لو الحسد جه من الشخص اللى منفعشى فى الحجاب والتميمه
طبعا عارفاه

فرنسا هانم يقول...

mayada
مبروك عليكى الميداليه الفضيه يا مياده

فرنسا هانم يقول...

عبدالله
هما لسه مسرقوش الفكره
دحنا رجلينا ورمت من المد
دحنا غلابه وهما السابقين فى الافكار المقندله
تحياتى لك

فرنسا هانم يقول...

mayada
ياخوفى يا بدران لاتكون فكره العربيات دى بجد
لان معز غااااااااااااااااااااالى على الملك قوى قوى
وبكده هيطلع قانون اى عربيه تيجى عالزيرو تقعد سنه واحده بس وتتكهن

فرنسا هانم يقول...

Wael Galal
ان كان على قحطان يبقى قدامهم كام سنه عبقال مايعرفوا يفوقوه

فرنسا هانم يقول...

امام الجيل
هى دى اصول اللعبه الصح
عارف
حكومه الملك فيحان لوعايزه الشعب يعرف هيعرف
ولو عايزه الشعب ينام فى العسل هينام فى العسل
زى مثلا عندنا
لما عملوا تعديل للدستور وعملوا عليه استفتاء
الناس راحت الاستفتاء وهى مش عارفه فى ايه ؟؟؟؟؟؟؟

فرنسا هانم يقول...

nigro
صدقت يا نيجرو المم
هو ده اللى مخلينا ماشين تحت الحيط
وهما عارفين كده كويس
علشان كده دايسين تانى وتانى على ممنا

فرنسا هانم يقول...

بنوته مصرية
تحيه لاحلى رودى
ومبروك الكرسى رقم 8

فرنسا هانم يقول...

ابن حـجـر الـعـسـقـلانـى
هههههههههههه
حلو قوى المثل يابو العساقيل بجد فى الجون
تحياتى لك
ومش هازايد على المثل بتاعك لانه جاب من الاخر

فرنسا هانم يقول...

امل
الله يبارك فيكى يا امل
وتحياتى لكى

فرنسا هانم يقول...

shayma
لا طبعا
القصب ده تسليح ضد المرض
ومدام تسليح خلينا نتسلح
وعلى رأى الاغنيه
اتسلح واجرى يارمان وتعالى على حجرى يا رمان

فرنسا هانم يقول...

سومه...مجنونه فى بلد عاقل
التقدم الحقيقى هيبقى فى الميداليه الذهبيه

فرنسا هانم يقول...

سومه...مجنونه فى بلد عاقل
والله عندك حق ياسومه
لكن
تعملى ايه فى الادمان
بحب اتواصل معاكم

فرنسا هانم يقول...

رئـــــيسـة حزب الأحلام
ربنا يبارلكلك ويخليكى ليا ياريسه
وهنعمل ايه القصب داخل فى كل حياتنا

فرنسا هانم يقول...

EmY
ايمى حبيبه قلبى انتى اللى وحشتينى ووحشتنى الغاليه كوكا
ارجو ان تبلغيها سلامى الى حين عودتى مره اخرى لمتابعه المدونات

فرنسا هانم يقول...

Eldebug
ههههههههههه
حلوه ايهاب باشا دى
عسسسسسسسسسسسسسسسسسسسسل
احييك بشده

فرنسا هانم يقول...

nonoymm
اخبارى لسه
لكن الحمد لله على كل حال
تحيه قلبيه خالصه لحبيبتى ام اسراء

فرنسا هانم يقول...

أبو خالد
اخى وصديقى وابى العزيز ابو خالد
لا يكفيك التحيه فقط
ولا يكفيك التقدير فقط
فانت من علمتنا الاخلاص والوفاء وحب الاخريين
على فكره
وصلنى عبر الاميل
اميل من الرايق انه تحدث معك تليفونيا وبلغته السلام الحار لى
وكم كانت فرحتى بسلامك
فقد وصلنى سلاما حارا واخويا جدا
رغم انى عارفه اى حاجه تقع فى ايدين الرايق عمرها ماتوصل زى ما اخدتها ابدا
لازم يحف منها
تحياتى اخى الكريم

فرنسا هانم يقول...

همس الاحباب
اخى خالد شكرا على ارسالك السلام ايضا مع الرايق
فقد بلغنى تقديرك الكبير لى
مش عارفه اقولك غير احبك حب اخوى فى الله
فانت نعم الاخ فعلا
تحياتى لك
وربنا يستر من ايهاب باشا

فرنسا هانم يقول...

بحبك يامصر
ههههههههههه
عجبتنى الفكره خااااااااااااالص
نلمله علشان نخلص منه
جميله الفكره
لكن تطبيقها مستحيل
فلو امتلك الانسان كنوز الارض لطمع فى كنوز السماء
وعمنا معز مش هيسكت الا لما يتفرج لبيان على المعلم لاخوه قارون

فرنسا هانم يقول...

حبيبـــــــة القمـــــر
انا سمعت انهم مسكوا المعز بعد ما ريحته طلعت قوى والناس قالت اف بصوت عالى
لكن للاسف
ملقيوش له ودان زى ودان الشنطه او القفه يمسكوه منها فاضطروا انهم يسبوه

فرنسا هانم يقول...

walaa
ردى على كل اللى قلتيه ده
امواااااااااااااااااه
بوسه كبيره وحضن من خالتك
لانى عارفه انا عندك وانتى عندى ازاى
ومتأكده انكى مكونتيش تعرفى

فرنسا هانم يقول...

walaa
لكن انا حاسه ان الشعب دلوقتى اتغير كتير عن الاول
مش عارفه

فرنسا هانم يقول...

عبده الرايق
المعلم جه
قصدى السيد رئيس مجلس الاداره جه
طيب مانا متأكده الف فى الميه ان سيادتك مش هتفهم الكلام اللى مكتوب ده
عندى لك فكره
عليك وعلى المعلم بتاعك
حسن الفراش
يمكن يقدر يفهمك

فرنسا هانم يقول...

عبده الرايق
طبعا المعز لدين الله حفر قناه السويس هو انا اقدر اكدبك يا رايق
الا قولى يا رايق
اختك فرنسا طالبه منك طلب
لو معاك شهاده الابتدائى ياريت ومره تانيه وعاشره ياريت تصورها وتبعتها ليا على الاميل لانى بصراحه خلاص عديت مرحله الشك لمرحله اليقين
ومتأكده دلوقتى انك بلاطه

فرنسا هانم يقول...

أبو خالد
الحمد لله اكيد ابو خالد هيصدق على معلوماتى
نفسى فى مره اسمع من الرايق معلومه صحيحه

فرنسا هانم يقول...

آفاق الحرية
فعلا كلها زعازيع
تحياتى اخى الكريم
واحشنى جدا

فرنسا هانم يقول...

عبده الرايق
وصلنا بقى لشغل العيال الصغيره
قطه ايه اللى تاكل ضوافرى يا رايق
خلى بالك الاوده بتاعه الفيران لسه مفتوحه
ومش هارحمك تانى
قوم بس روح المدونه بتاعتنا يارئيس مجلس الاداره واعملى واحد قهوه ولا اقولك خليها ينسون ونضف المدونه ورشها ميه واستنانى لما اجى

فرنسا هانم يقول...

حـــــدوتـــــة
ده انا اللى قلبى بيرقص من الفرحه لما بكون وسطكم وسط حبكم وتشجيعكم ليا
بجد انا فرحانه جدا

فرنسا هانم يقول...

المستنصر بالله
ونعم بالله
طبعا الامل فينا وفى ربنا
لان المواضيع زادت قوووووووووووووووى
تحياتى لك اخى الكريم

فرنسا هانم يقول...

واحدة مفروسة
مفروسه انا هابعتلك دعوه على الاميل للمشاركه فى المدونه
ابعتيلى اميلك
او اكتبيه فى التعليق
وخليكى بقى مهيصه زى الوزير قحطان

فرنسا هانم يقول...

سومه...مجنونه فى بلد عاقل
الرايق مينفعشى معاه اى حاجه من عند العطار
لا
الرايق عايز نتلم عليه انا وانتى ومفروسه وحنين ونحبسه جوه المدونه وكل واحده تجلده 270 مليار جلده
يمكن
يمكن
يمكن يبطل يطلع لنا فى المقدر

فرنسا هانم يقول...

اوعى تفكر
ده وصل سعر اللبشه الى 8000 جنيه
ربنا يستر
احسن نتلبش كلنا

فرنسا هانم يقول...

حنين القلب
ومين قالك انى مش قريت البوست الجديد بتاعك ؟؟؟
علشان معلقتش يعنى
حبيبتى
والله مش قادره فعلا اتابع
انا بروح مدونات وبقراها لكن لو علقت فى مدونه
لازم اعلق عند باقى اصحابى
وعلشان تعرفى انى متبعاكى كويس
انتى لسه منزله بوست حزين انهارده ولا املك الا ان اقول لكى ربنا يرزقك بما تتمنيه واعرف ناس كتير جدا استنوا سنه واتنين وخمسه واكتر وفى الاخر ربنا رزقهم
اصبرى يا اختى الحبيبه
وانشاء الله ربنا هيكرمك
والبوست الماضى كان عن اختطاف فتاه فى عز الظهر بواسطه 3 شباب
بس
رجاء اعذرينى شويه لعدم التعليق
فقط هذه الايام
وادعيلى

فرنسا هانم يقول...

kochia
اعمل ايه
هى دى الكوميديا السوداء
كوميدياء نجيب الريحانى
نضحك واحنا بنبكى من جوانا
تحياتى الغاليه

حلم الحرية يقول...

تعرفي يا خالتي

المشكلة فعلا ان الملك مطمن ان الناس مش متابعين طارق ولا معز

هو لو الملك عارف ان الناس هيتحرك ويهيج علشان طارق وللا معز مكنش طارق وللا معز يقدروا يعيشوا في مجتمعنا

بوست جااااااااااااااامد زي ما اتعودنا منك

دمتي مبدعة وفي افضل صحة وحال

Unknown يقول...

وحشتينا يا فرنسا وصحيح لازم عشان يتمد قانون طارق لازم يتمد الشعب ومن غير ما يتمد القانون هيتمد برضة
تحياتى

Unknown يقول...

استاذتنا الغالية
حمدلله علي سلامة حضرتك وربنا يحفظكم من كل سوء ويمن عليكم من فضله وكرمه وواسع عفوه
للمرة الثالثة اكتب التعليق ربنا يستر وميضعش
:)
يمد قانون الطواريء عامين وهل يضمن ان يعيش هو عامين ,وصدقيني يا استاتنا تعيش البلاد26 عام من الطواريء ,ولكن الله يملي لهم حسبنا الله ونعم الوكيل
المهم اسأل الله ان تكون صحة حضرتك الان بخير واتمني لكم السلامة
ولاتنسينا من صالح الدعاء
جزاكم الله كل خير

صبرني يارب يقول...

فرنسا حبيبتى ربنا يكرمك وحمد الله على سلامتك وربنا يطمنا على حبايبك الى تعبانين

عجبتنى اوي يا فرنسا مد قانون طارق ومد الشعب كمان

ماهو ده الى بيحصل اصلا

فرنسا عايزه اميلك عشان ابعتلك بوست تشوفيه ينفع على المدونه الجديده ولا ايه تسلمى يا قمر

بنت الصالحين يقول...

فرنستيييييييي الحلوة
اذيك
انا سمعت انك كنتي تعبانه
وربنا معرف

وكنت معتزله العالم كله

بس والله كنتي في بالي دايما


مبارك يافرنسا علي مدونتك التانيه انتي والرايق
يادي النيله ايه اللي حشرك ياخالتي مع الرايق
اخاف عليكي ياخالتي
هههههههههههههههههههههههههه



يادي معز وسنينه ربنا يرحمنا بقي من جلجل ومعز وقحطان وبتنجان ويهديهم

الباحث عن الحقيقة يقول...

من غير مد
يعيش طارق
بس القصب غالي قوي يا ملك فيحان
عايزين نبني الدور التاني خلونا نتنيل نتجوز بقى

مجرد خواطر يقول...

السلام عليكم
اولا الف الف سلامة عليكى وربنايتم شفائك على خير انا اول مرة ازور مدونتك وسمعت كتير عنك من الأخوة المدونين ومن اسم المدونة مكنتش متوقعة أقرأ اللى قرأته.أذهلتينى

مدحت محمد يقول...

قانون طارق واحد
ده ملك محترم

ده فى ملوك اعرفهم

عاملين كذا قانون طارق

دعاء مواجهات يقول...

احجز التعليق التاسع والسبعين

واااجى فورااا


بيس مؤقتا

دعاء مواجهات يقول...

أحجز التعليق

الثمانين

فى عين العدوو

وآجى أعلق

الواحد مش ضامن ظروفوا بردوو

بيس مؤقتا تاانى

šσяšαяαα يقول...

السلااااااااااام عليكمممممم

ياااااااااااه ياجدعاااااان دا الواحد كان فغيبوبة مش فبيات صيفى

خالتو فرنستو مش عاوزة اقولك قد ايييييه مفتقداكى جداااا وكل الناس المجدع اللى هنا

والف حمدلله على سلامتك وربنا مايجيب اى حاجة وحشة تانى

عارفة والله التدوين دا ادماااااان بجد انا برضو كنت ببقى خلاص ضهرى بيسمع الشارع اللى جنبنا مالوجع ورقبتى اتلوحت وكتفى تقريبا ثانية ويخلع وبرضو كنت بطنش دا كله
بس لقيت العملية زات قوى فقلت الم نفسى لحد ماعرف اظبط امورى

بس انتى يافرنستنا دلوقت مركز الكون التدوينى يعنى لانستطيع ولانستطيع وايضا لانستطيع ان مانعديش قناة السويس ونييجى نرمى السلام.. وسلم علييييي لما جابلنى وسلم على ولدى ياولدى

معلش اى نو زات انى برغى كتير بس بعوض الكام شهر اللى فاتونى:)

وبالنسبة لكانون تارك بيك الاسكندنافى
هو كانون اشترتش بيتمط وبيكش على حسب المزاج
وقصب السكر دا هو اللى فيهم والباقى خيار مخلل
وسلم لى عالبانجو

دعوة الفردوس يقول...

انا كنت متغيبه عن التدوين فتره كبيره بسبب ان مكنش في نت في البيت علشان الامتحانات

بس لما رجعت دخلت مدونتك لقيت حوارات كبيره حاصله وعمليات وكلام كبير
الف مليون وسبعتاشر حمدا لله على سلامتك
شفاك الله وعفاك
ربنا يجعله في ميزان حسناتك يارب
منها لله ام دبوه
هي السبب
يلا لعله خير
الف مليون سلامه على حضرتك
وآسفه اني مكنتش اعرف الفتره اللي فاتت كلها

الطائر الحزين يقول...

القصب سوس خلاص
ولسه بيتعمل عصير

ناس لها سكر وناس لها تمص الزعازيع

الف حمدا لله على سلامتك

الطائر الحزين يقول...

الا قولى لى

هو احمد معز بتاع المعز لدين الله الفاطمى!!!!!!!!

3ala asm masr يقول...

حمد الله على سلامتك
ايوه كده هى دى البوستات انا جايه اسلم عليكى يارب تكونى بخير ادعيلنا

دعاء مواجهات يقول...

ههههههههههههههههههه

انا جيييييييييييت

لااااااااااا
الامعز انتى متعرفيش انو نايبى ولا إيية؟؟

مقولكيش مغرقنا فى القصب ليل نهاار..

عسل كعادتك يافرنسا

عاوزة رايك فى بوستى الاخير لانة عاامل قلباان والدنيا مولعة.....

ولو فاضية

استمتعى وادخل المدونة المختلفة دى

http://3la7orytna.blogspot.com/

Mafrousa يقول...

فرنستي
انتي بجد عاوزه الميل بتاعي؟
يالهوى يا اختي ...أماال البوست اللي انا بعته و كنت بصوت تلحقيني راح لميييين
يادهوتي بكره يتمسك عليا و حد يبتز اموالي بيه
ههههههههههههه
شوفيه ليكون عبده الرايق كتب عليه الروشتات
ههههههههههههههه
لأبجد انتي عاوزاني اسيب عنواني على الملأ يا اختي جنب المركب للرايح و اللي جاي يمسى
هههههههههههههههههههه
طب تصدقى....فعلااان ريحة البوية عملتلي احلي دماغ
ههههههههههههههه

Mafrousa يقول...

طيب ما تزعليش

ياااااا اهل السوييييس الكراااام
اليكم عنوان البت مفروسه
اللي زهق من الضحك عند فرنسااا ستكم
و اتعالج عند الرايييق و مات...و لا جاله اللي جاله
و لسه عاوز يتفرس يشرفني فى العنوان التالي
وده طبعا نزولااا على تعليمات ستكم كلكم فرنساااااااا هاااااانم
wahdamafrousa@gawab.com
ههههههههههههه
تلميذتك يا ابله فرنسا
هههههههههههههه

غير معرف يقول...

ايه ده كملي كملي ما توقافيش بيسونعه بيسونعه (اللي هي بسرعة كخخخخخخخخخخ :) )

فرنسا هانم يقول...

حلم الحرية
مع انى اظن ان الملك بيعرف كل حاجه عن الشارع تماما
وحتى اللى احنا منعرفهوش الملك بيعرفه
البركه فى العسس
تحياتى لكى

فرنسا هانم يقول...

ayman badr
يعنى كده ممدودين وكده ممدودين
ربنا يستر
تحياتى لك يا ايمن

فرنسا هانم يقول...

الفاتح الجعفري
اخى العزيز الجعفرى
كتبت تعليقك 3 مرات ؟؟؟؟؟؟؟
مفيش حاجه بتضيع من المدونه الا لو جه الرايق
مش عارفه بظلمه ولا ايه ؟؟
عموما يا اخى لسه عداد السنين شغال ومش عارفين هيودينا لفين
تحياتى لك اخى العزيز

فرنسا هانم يقول...

صبرني يارب
حبيبتى الغاليه صبرنى يا رب
يسعدنى ان انشر لكى بوست
واميلى
faransahanm@yahoo.com
وانا فى انتظار تدويناتك

فرنسا هانم يقول...

عاشقه الفردوس
امين يا رب
قادر يرحمنا برحمته الواسعه
اما عن مدونتى مع الرايق
متخفيش ان بعد صوابعى كل ما اكتب حاجه فى المدونه دى
دا برضه الرايق
وحشتينى جدا
وانا متأكده ان احبابى اللى مسئلوش عنى اكيد ميعرفوش انى كنت مريضه
تحياتى لكى
والف بوسه كمان

فرنسا هانم يقول...

الباحث عن الحقيقة
اكيد ده من توابع منع النسل
تحت شعار
لا للجواز

فرنسا هانم يقول...

طائر حزين
اهلا وسهلا بك
وشرفتنى بالزياره
ناقص لاسمك ال
وتبقى مدون اكن له كل تقدير واحترام اخى الكريم الطائر الحزين
لاول وهله اتلغبط فى الاسم
عموما
شرفتنى بالزياره واهلا وسهلا بك مره اخرى

فرنسا هانم يقول...

مدحت محمد
اذن لقد انتشر طارق بيه
واصبح كالنار على العلم

فرنسا هانم يقول...

دعاء مواجهات
حبيبتى الغاليه دعاء
بحبك جدا
ويسعدنى تواجدك ولو كان حجز فقط

فرنسا هانم يقول...

دعاء مواجهات
ماشى ياستى انا فى الانتظار

فرنسا هانم يقول...

šσяšαяαα
يااااااااااااااااااااااااااااه
ايه ده ياجدعان
صرصاره عادت مره تانيه
والله واحشتينى جداااااااااااااااااا
ومليون جدا
مش هاقولك غير كلمه واحده بجد انا فرحت جدا بعودتك
تحياتى القلبيه الغاليه لكى

فرنسا هانم يقول...

دعوة الفردوس
اسف ايه وكلام فاضى ايه
اكيد انا مقدره ان اصحابى واحبابى لو يعرفوا انى كنت مريضه مش هيستنوا ثانيه واحده للسؤال عنى
فلا داعى للاسف
بس انا فرحانه جدا انهارده
انتى رجعتى وصرصاره رجعت وعاشقه الفردوس رجعت
ده ايه اليوم الحلو ده

فرنسا هانم يقول...

الطائر الحزين
هههههههههههه
جميله الجمله دى
احييك عليها جدا جدا
وادعوك لكتابه بوست او تدوينه ضاحكه لمدونه فرنسا والرايق
وايميلى موجود فى التعلقات وفى البوست الجديد
ومنتظره ابداعاتك الكوميديه

فرنسا هانم يقول...

الطائر الحزين
ههههههههه
سبقك الرايق بنفس التعليق فوق
انتم متحدين ولا ايه ؟؟؟؟؟؟؟؟؟

فرنسا هانم يقول...

3ala asm masr
الحمد لله انا بخير
لكن لسه بعانى من صعوبه الجلوس امام الكمبيوتر
تحياتى لكى يا هند
انتى فين ؟؟؟؟؟؟؟؟؟

فرنسا هانم يقول...

دعاء مواجهات
لو قلتلك انى قبل ما اكتب التعليق ده رحت عندك وقريت موضوع الدكتاتور ممكن تقولى صدفه
ولكن فعلا هى حصلت
ولكن انا لسه بروح المدونات دون تعليق لانى لا استطيع التعليق فى كل المدونات
وبالطبع لايمكن ان اعلق فى مدونات واخرى لا
عموما
مبروك على مدونتك الجديده
واتمنى لكى التوفيق

فرنسا هانم يقول...

واحدة مفروسة
على رأى الرايق
هات الازازه واقعد لاعبنى
يظهر كده ان كتر العلاج خلانى انا اهيص
وخلانى افقد الذاكره
فعلا انتى بعتيلى اميل وانا رديت عليكى ونشرت لك تدوينه من الاميل


حد يفوقنى بجردل ميه

فرنسا هانم يقول...

واحدة مفروسة
عموما انما بعتلك دعوه على الاميل
تحياتى الغاليه لكى
وارجو التنسيق معى فى حاله نشر جديد لكى

فرنسا هانم يقول...

أحسن تـستاهـل
اكمل ايه ؟؟؟؟؟؟؟؟؟؟
ما لاخاص لاخاص
اللى هى خلاص

Unknown يقول...

السلام عليكم
ازيك يا خالتي
يا خالتي ياللي مقصره في حقي
كده من يوم ما بديت تدوين زرتيني مره واحده

هستناكي اوعي تتأخري

الطائر الحزين يقول...

ايه اخبارك
يارب تكونى بخير