تحديث
****************
طلب منى اخوه واخوات عبر بريدى الالكترونى ... اللى ببلاش من غير ورقه بوسته ولا يحزنون ...ان اترك تدوينه انا احب امريكا لاطول فتره ممكنه ...وانا انحنى لطلبهم .. والبى لهم رغباتهم ...واترك التدوينه .يومين اخرين ... وانشاله ماحد حوش
=========================
ايوه بحبها .. حد عنده اعتراض
اللى معترض يطلع لى بره .. وانا افرجه شغله
حبيبتى امريكا ...نور عينى امريكا .....سندى امريكا
الناس دلوقتى قال ايه - زعلانه ان واحد مصرى اتقتل فى السويس بواسطه النيران الصديقه الامريكيه
ههههههههههه
الناس اللى زعلانه دى مخها ضارب ولا ايه ؟؟؟؟؟؟؟؟
ايه يعنى واحد انضرب بالنار طلقه قى راسه وطلقه فى صدره --حسب روايه اهله --ايه يعنى ...اختنا الكبيره وحبيبه قلبنا امريكا هانم كعب الغزال تعمل اللى يريحها ...واللى على كيفها ..واللى مش عاجبه يشرب من المجارى
ناس حلوين امامير طيبين واقفين بيتفسحوا فى الغاطس مستنيين دورهم فى عبور القناه ..وزهقوا ومفيش بط ولا وز ولا عصافير يصطادوها ..قاموا اصطادوا واحد مصرى قتلوه واتنين صابوهم ....فيها مشكله دى ؟؟؟؟؟؟؟
الغلط عندنا احنا
المفروض نوفر البط البرى والعصافير واليمام للسفن الامريكيه اللى واقفه فى الغاطس علشان لو حد زهق منهم يلاقى اللى يصطاده يلاقى عصافير وبط برى ....ها ...يبقى الغلط غلط مين ؟؟؟؟؟؟؟؟؟؟؟
تانى حاجه
السفينه الامريكيه قتلت الفريسه وسابت الصيد بتاعها ... يعنى حتى الصيد سابوه ....شكرا لكى امريكا ..شكرا على كرمك
المفروض
اننا نفرح ونهيس ونعمل الافراح واليالى الملاح
ونحتفل بتشريف المواطن المصرى المرحوم الشهيد محمد فؤاد بدخول الرصاص الامريكى لجسده
شرف كبير قوى لينا شرف كبير قوى لمصر
مبرووووووووووووووووك لمصر
مبروووووووووووووووووك لمصر
مش عارفه امنع نفسى من الدموع ...والله دموعى هتنزل ...والله عينى مش قادره تركز على لوحه المفاتيح ..
دموعى دى .....دموع الفرح ..ابكى معايا ....اذرفوا الدمع
نزلوا دموع الفرح
لحبيبتكم امريكا
نزلوا دموع الفرح انها شرفتنا بالرصاص الكريم فى جسد ابنائنا
يااااااااااااااااااه
مش متخيله
امريكا بتضحى برصاصتين علشان يصيبوا محمد فى راسه وصدره
رصاصتين ؟؟؟؟؟؟؟؟؟؟؟؟؟؟
شكرا امريكا على التضحيه بالرصاصتين نظير انسان تافه
من شعب تافه
ومن حكومه تافه
ومن قلوب تافه
ومن مشاعر تافهه
ومن حمايه حقوق الانسان التافهه
ومن كاتبه تافهه لهذه الكلمات
ما معنى ان تطلق السفينه النار على البمبوطيه فى مياه اقليميه مصريه ؟؟؟؟؟؟
انها انعدام للسياده
وانعدام للكرامه
وانعدام للانسانيه
انا اعرف ام احمد خاله المجنى عليه قصدى خاله الشهيد _ لانه كان يقصد باب رزقه - ولكنى لم استطيع الذهاب الى الهيشه تلك المنطقه التى تسكن فيها الخاله .. ولكنى تحدثت مع المقربين منها
الله انا لا نسألك رد القضاء ولكن نسألك اللطف فيه
تقول الروايه الامريكيه
او روايه المتأمركين
ان زورقين مصريين اقتربا من البارجه غلوبال بتريوت" وان الجنود اطلقوا طلقات تحذيريه مضيئه للزورقين ولكنهما واصلا الاقتراب فاطلق الجنود الطلقات التحذيريه مره اخرى فاصابت اثنا وقتلت اخر
حراااااااااااااااااااااااااااااااااااام
عليكم
حرااااااااااااااااااااااااااااااااااام عليكم
حرام عليكم بجد
تتصوروا لو انتوا مكان البمبوطيه دول
ومركب طلبت منكم عدم الاقتراب
واطلقوا طلقات تحذيريه فى الهواء
اول حاجه هتعملوها ايه ؟؟؟؟؟؟؟؟؟؟
هتجروا طبعا وتهربوا
وكمان بذمتكم
فى حاجه اسمها طلقات تحذيريه تصيب اتنين وتقتل الثالث ؟
تانى حاجه فى حاجه اسمها طلقات تحذيريه تصيب الرأس والصدر؟
الروايه الاقرب للصحه
ان السفينه سفينه شحن عاديه تستأجرها القوات الامريكيه لنقل معدات وشياء عسكريه --طبعا معامله البمبوطيه للسفن التجاريه غير معاملتهم للسفن الحربيه والبوارج - اقترب البمبوطيه الذين يحملون تراخيص للعمل فى الخليج لعرض البضائع على السفن التى تستعد لدخول القناه .. وكان الوقت متأخر حسبما اخبرنا الاهالى بانهم تلقوا الخبر فى ساعه متأخره من الليل .. وفجأه انهال الرصاص عليهم من محترفين او من قناصه لان محمد اصيب بطلقه فى راسه واخرى فى صدره
علشان كده
انا بحب امريكا
وبموت فى امريكا
وروحى وعقلى تراب امريكا
وعلشان كده اتشرف انى ارسل رساله شكر لبوش
واقوله
الكلب الحقير بوش ( مدونه نظيفه ) انضمت روح محمد الى مئات الالاف من الارواح التى تسبب غباءك واستهتارك وافراطك فى النرجسيه فى قتلها
ستسأل امام رب العرش العظيم عنهم
وعن هذه الارواح
باى ذنب قتلت
واخر كلماتى
حسبى الله ونعم الوكيل
الاشتراك في:
تعليقات الرسالة (Atom)
هناك 214 تعليقًا:
1 – 200 من 214 ›أحدث أحدث»عدى الجمايل يا فرنسيس
الاول
هااااااااااااااااا
كده كتير يا فرنسا
انا بجد بكيت على حالنا
حرام عليكى يا فرنسا
بس انا كنت عايز اسألك عن اهل السويس
ازاى اتلقوا الخبر ؟؟
أختى المحترمة/فرنسا
هونى عليك أختاه نحسب الأخ محمد فؤاد شهيدا و لا نزكى على الله أحد ..لا تحزنى فهو بإذن الله مع حمزة سيد الشهداء..
ما يمزق نياط القلب أختى فرنسا مكانة مصر و عزة الأسلام و النخوة اخشى أن تضيع و تضيع هيبتنا ..فمصر دوما و على مر العصور كانت الملجأ الاخير لعزة المسلمين و قوتهم و كانت حائط الصد لكل الغزاة و السفلى..
أختى /فرنسا بالله عليك لا تبكيه فهو بمشيئة الله شهيد..
و أدعو الله العلى القدير أن يرد الله شباب هذة الأمة إلى الاسلام ردا جميل..
أختى فرنسا بشريات النصر لاحت صدقينى أمريكا تهزم فى أفغانستان و باكستان و العراق و الصومال إنها بداية نهايتها فما جارت حضارة إلا و بادت .
أبو خالد
بقولك ايه يا فرنسا بجد اميركا يعنى درس وتحت الدرس فص كاوبوى بيحب رقص دولاراته تشتريكا
امريكا امريكا
وكمان امريكا
والله يا فرنسا قلبى وجعنى بس هنعمل ايه حسبى الله ونعم الوكيل ولا هو اول الشهداء ولا اخرهم كتير ماتوا ولا حد حس بيهم ولا حد اتحاسب والظاهر كده ان دمنا بقى ارخص من دم الحيونات اللى بيربوها وبيخافوا عليها فى بلدهمر.حسبى الله ونعم الوكيل
ولسة احنا شوفنا حاجة؟
داحنا حنشوف ايام سودا
اسود من كده بكتير
اذا كان فى الحوادث يقدر ثمن المواطن المصرى بثلاث الاف جنيه ستين في المية منهم يخصموا ضرايب، وعشرين في المية عمولة للى سهلوا الحصول علي التعويض.
تفتكر سعر المواطن المصرى بالدولار يبقى كام؟
تحيا الحكومة الاليكترونية
تحيتى
يااااه اسلوب اكثر من رائع
مش فى الكلمات ولا السرد بس
فى المضمون كمان رائع جدا
وفعلا لسه يا ما نشوف من الكلاب احفاد القردة والخنزير ولا حياة لمن تنادى
بوش ده مجرم حرب من الطراز الاول بل سفاح حقير وجبان
وحكومات العرب اكثر جبنا وحقارة
لا بجد حرام عليكى مش قادر اكمل بصراحة ........
لا حول ولا قوة الا بالله ربنا مع اهلة
يارب ويساعدنا ع احتمال ما نحن فية من مشكلات
فرنستي
طب انا اقول ايه بقه دلوقت انا في الاول مكنتش واخده بالي وكنت فاكراكي بتهزري وعايزاهم يصطادوا الوز
بس بجد زعلت اوي اوي الله يرحمه
محمد شهيد
احنا حقنا عند ربنا لان مش هنعرف ناخده دلوقتي
منهم لله
سلامووووووووووز
وزتك
العيب مش على امريكا العيب على البلد اللى بتسكت لما تتضرب برصاص اسرائيلى ولا حمساوى ولا امريكانى
مفيش نخوه
مفيش كرامه
مفيش سياده
يبقي يلطشو فينا براحتهم ويعملونا هدف للتدرب على اطلاق الرصاص
بنموت بعض فى طوابير العيش
وبنغرق على شواطئ ايطاليا
مئات الارواح راحت فى العبارات والقطارات من غير ما حد يتحاكم والدم كده راح هدر
يبقي حنحاكم امريكا اللى حاميه الكرسي لمبارك وولده من بعده
يبقي حنحاكم امريكا اللى بتدينا اعلى معونه فى العالم بعد اسرائيل
يبقي حنحاكم امريكا اللى سايبانا عايشيين ولسه معملتلناش اباده جماعيه
يبقي حنحاكم امريكا اللى كل التكنولوجيا والعلم والتطور اللى احنا فيه مستوردين منها
ازاى بس
منقدرش حتى لو عاوزين
نسد جوعنا الاول ونحاكم اللى حاكمنا وبعدين نبقي نحاكم امريكا
احنا مبقناش محترمين عشان حد يحترمنا
احنا مهزئين بضم الميم
بناخد على قفانا من الحاكم وساكتين
مهزئييييييييييييييييين
بس بس يا فرنسا لو اتكلمت اكتر من كده حاموت بالجلطه والله
يا عزيزتى
هونى عليكى
تعرفى ؟
اللى حصل للشهيد محمد دا ...خير
أيوه!!
تفتكرى واحد غلبان زيه ...كان ممكن يكون حظه غيه فى الدنيا دى ...كان عايش ميت ..
دلوقتى بقى ميت شهيد ....
و ربنا يسامحنا جميعا على ذنبه
و تعرفى الموضوع دا رجعنى لجو الانجليز و الاحتلال و حوادث التاريخ اللى درسناها زمان دى
دلوقتى التاريخ بيعيد نفسه معانا و ان كان المحتل مغير الطريقة و الجنسية
ربنا ما يورينا اللى أسوأ من كدا
السلام عليكم
انا لله وانا اليه راجعون
الحاجة الوحيدة اللى بترخص فى البلد هى المصريين بس ياريت منرخص اكتر من كدة
إنا لله و إنا إليه راجعون
لا حول و لا قوة إلا بالله
ربنا يصبر أهله
إنا لله و إنا إليه راجعون
مش عارف أقول إيه
الله اما ابرم لهذه الأمة أنر رشد يعز فيه أهل طاعتك ويذل فيه أهل معصيتك
أختي جزاكم الله خيرا على الخير ولن أزيد على كلا من سبقني
ويؤسفني إن تكون أول زيارة ليا على البوست ده
ماشى يارايق
مبروك على اول تعليق
عبده الرايق
الناس حزينه جدا فى السويس
لكن الجدار الحديدى
منع الناس حتى من التعبير عن حزنها
أبو خالد
ادعو الله يا اخى العزيز ان تزول تلك الطاغيه
فقد سئمنا منها
ومن افعالها وجبروتها
اللهم انت القوى فانتصر
صوت من مصر
اسفه جدا
مفهمتش تعليقك
اسفه
حنين القلب
الغريب يا اختى العزيزه انهم يخافون على الحيوانات اكثر من البشر
لاحول ولا قوه الا بالله
إنجى
مفيش سعر خالص
يمكن سعر السمك الشخرم اعلى من سعرنا
تحيه لكى فى زيارتك الكريمه
همس الاحباب
عندك حق يا خالد
انا زيك مكنتش قادره اكمل الكتابه
ربنا معانا
تحياتى اخى الكريم
كلاكيت تانى وتانى
امين يارب
يرزق اهله ويرزقنا الصبر والسلوان
انين الحزن
وزتى العزيزه
حسبنا الله ونعم الوكيل
ارجو ان تتفحصى اميلك
مش عارف اتكلم الله يحرق الى ذلونا
Nsreen Bsunee
لا يا حبيبتى كل كلامك وصل
وبعد الشر عليكى من الجلطه
يارب الجلطه تاخدهم هما
عموما
انت معاكى حق فى كل كلامك
يارب
نتحرر
زى ما تحرر العبيد
فنحن اصبحنا فعلا عبيد
fatima
ياريت يكون التاريخ بيعيد نفسه
علشان نشوف نهايه المتغطرسه امريكا
زى ما شفنا نهايه كل الامبراطوريات قبلها
تحياتى لكى
رئـــــيسـة حزب الأحلام
اكتر من كده
هيبقى التراب اغلى مننا ياريسه
ابن حـجـر الـعـسـقـلانـى
حاسه بيك يا بن حجر
حاسه بيك ياخويا
ربنا معانا
محب الدين
شرفت مدونتى يا محب
وحظك جه فى التدوينه دى
لكن
مع انها مأساويه
الا انك شرفتها بوجودك
بطوط حبوب
امين يارب
تقدم رهيب وانا رقم تلاتين ححجز واجى اعلق
للاسف قريت المدونه
ولو كنت اعلم محتواها قبل التعليق ...لما فرحت بهذه التفاهه يااااه كم اشعر بانى فى لحظه اخذتنى تفاهتى لفرحه تقدم تعليق....امال لو يوم نشيتلى واحد من الجنود بتوع اميركا حعمل ايه....ومستغربه ليه يا فرنسا...مصر بتقتل اولادها بايدها حنستخسر واحد فى ماما امريكا....امال نعملل ايه فى مماتوا على الحدود مع اسرائيل ...وهى ضاربانا بالجزمه
هى وامريكا لو كنت انسانه وقحه كت قولت كلمه مش كويسه بس للاسف بقى مش قادر يقولها مع انى مقتنعه بيها...
احنا فى بلدنا المصرى ارخص من رغيف العيش ابو شلن....ومسؤلينا اجدع مسؤلين يرموا تصريحات...
اقولك احنا عاملين زى اللى بياخد على قفاه ويقول كمااااااااااااااان
اسفخس على دى حكومه ودول عرب ...
ووالله انا لو من امريكا اجى افجر مصر باللى فيها....واحنا اللى نستاهل
تحياتى ليكى سومه_87
وحسبى الله ونعم الوكيل
أنا صغير في السن بس عارف إن حادثة دنشواي حصلت ومصر كانت محتلة والشعب كله قام على الإنجليز اللي هم أباطرة العالم في الوقت دا ... وكان الثمن غالي
وأيام عبد الناصر قفلنا مضيق باب المندب على بحرية أمريكا ...
أعتقد إننا كلنا مربوطين بدم الشهيد في رقابينا هو وكل الشهداء على الحدود الإسرائيلية ..
إحنا محتاجين نقوم بقى ... زهقنا من الهوان اللي عايشينه
اللهم أسكنه فسيح جناته
استاذتنا
ربنا يبارك في حضرتك
والله اذا كان علي جرائم امريكا تتار العصر او اسوء يبقي مش هنسكت هنتكلم عن ايه ولا ايه ,لكن قتل المسلمين هكذا كل يوم والله حرام وكل يوم بيفتحوا فروع جديدة
واهم بقم عندنا اهم
بس ايه التعتيم الاعلامي الرهيب ده ,شاطرين بس لما اخونا المسلمين الموحدين دخلوا ياكلوا يأكلوا اطفالهم دخلوا من الجوع والخوف والله العظيم طلعوا يقولوا مصر والسياده المصريه ولن نقبل بأي تجاوز
بس فين بقي العنتريه دي علي امريكا وقوي الشر
الاسرائيليين يقتلوا والامريكان ,ونحن هكذا لازلنا في خيبتنا
قال رسول الله
لزوال الدنيا اهون عند الله من دم امريء مسلم
وكل يوم خبر لمقتل مسلم سواء في فلسطين او العراق والان مصر ربنا يستر وتفوق امة الاسلام من جديد
جزاكم الله خير يااستاذتنا
كل ده في نص ساعة بس
ده في 34 تعليق و يا عالم حالحق ال 35 و لا لأ
عموماً
انا كنت منتظر كتابتك في الموضوع ده يا فرنسا لأنك من السويس
احنا نظامنا الحاكم بالكامل مستند الى الدعم الأمريكي في البقاء جاثماً على أنفاسنا فكيف تتوقعي منه ان ينظر في عين أسياده
قرأت في جريدة الدستور ان امن الدولة ارغمت اهل الشهيد على سرعة دفنه ثم امرتهم النيابة بعدها بعدة ساعات باستخراج جثته من أجل تشريحها
و ان التشريح اثبت ان الرصاص من النوع المحرم دولياً الذي ينفجر داخل الجسم
و ان الإصابتين حدثتا من الخلف
أي ان ظهره كان ناحية اطلاق النار
أي ان مركبهم كانت استدارات لتبتعد عن السفينة و مع ذلك استمر اطلاق النار حتى قتلوه
كما قرأت ان النيابة العسكرية هي من تجري التحقيقات و هذا غريب
فالحادث من سلطة النيابة العامة لأنه لم يتورط فيه احد العسكريين و لم يحدث في منطقة عسكرية
رحم الله الشهيد
و شفى جراح المصابين
و صبر أهلهم جميعاً
و لا كرامة لنا جميعاً في ظل النظام العميل
يا ريت تشوفى البوست ددا يا فرنسا
http://magnonaa.blogspot.com/2008/03/blog-post_3480.html
سومه_87
فرنسا هانم لقد بكينا جميعا معكى
ومع ضياع عزتنا وكرامتنا
بكينا بكاء الاطفال
على ما اصابنا من خزى وعار
لنا الله يا فرنسا
ابو الفدا
بوش ليس مجرما بل المجرم هو ذلك الخسيس الذى نكص على عقبيه و جبن عن أن يواجه سيده ولو بتساؤل عن السبب بل و ياللصفاقة سرب السفينة وعلى متنها القتلة لتغادربلادنا ودم الشهيد لم يبرد بعد
من يبلغ الخسيس وسيده عنى أن الفجر قد إقترب
مش بوش اللي هيتحاسب على دم الشهيد
مش بوش ابداً
اللي هيتحاسب هو الإمام المسئول عن الرعية
عارفة يا فرنسا.. والدتي أول ما سمعت الخبر قالتلي مثل غريب كده.. قالتلي
اللي يقول لمراته يا عورة.. يلعبوا بيها الكورة
يعني اللي يدوس على شعبه و يهينه و يذله في قوته(أكله و شربه) و في كرامته
عمره ما هيتحرك لو وقع واحد أو اتنين او حتي مليون من شعبه
نقول إيه؟!!!!!!
بسم الله الرحمن الرحيم
وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ{155} الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ{156}
صدق الله العظيم
إنا لله وإنا إليه راجعون
انا مستنية بقيت فترة حكم كابتن بوش يخلص الراجل ده مش طايقاه
مش بحبه .. أنا مش عارفة مستحمل نفسه إزاي ده عنده برانويا ونقلها لشعبه للأسف
بس قال حاجة النهاردة في الجرنال وهي انه هايصرف تعويض لأهل المجني عليه
ابقي طمنينا التعويض وصل ولا لأة
لو مش كدة ابقي قوليلنا نفضحه فضيحة بجلاجل في كل حتة
وربنا يصبر أهل الراجل الغلبان
بصي يا فرنسا
حتى لو كانوا اطلقوا طلقات تحذيريه وبعدها ضربوا نار
احنا اساسا ما يتعملناش حساب
احنا ولا حاجه هايخافوا من ايه
هايحسبوا علينا ليه ؟؟؟؟؟؟؟
احنا نساوي ايه ؟؟؟
فرنسا هو ده غثاء السيل الى قال عليه الرسول عليه الصلاة والسلام يستضعفونا ونحن كثره لاننا ولاااااااحاجه .
وحسبى الله ونعم الوكيل فىكل من شارك فى وضعنا الحالي من العالم اجمع
والله يرحم موتانا وشهدائنا
وربنا يصبر اهله
لا يافرنسا
انتي مااخدتيش بالك من حاجه
ده بوش نفسه الكلب - برده مدونه نظيفه- قال ان المركب اداهم تحذيرات بطلقات مباشره
واخده بالك من طلقات مباشره دي
يعني علي عينك ياتاجر ووروني حلاوتكم
وروني هتعملو ايه
ولو جدعين اخروجولي بره
لا والاجمل ان حكومتنا مابتعملش اسود غير علي شعبها
اللي اصلا حتي لو الواحد بعبع بكلمتين
بيبقي علشان مخنوق
مش علشان عايز يفسد او يقتل ارواح
اقول ايه
حسبنا الله ونعم الوكيل
في حكومتنا وفي كل المسئولين
واسال الله العظيم ان يرينا في بوش عجائب قدرته اللهم امين
ده أصعب موضوع قرأته عن الحادثة دي يا فرنسا هانم
كنت منتظر كلام حضرتك بالخصوص عن الواقعة دي
لأني متأكد طبعا انه أصح من اللي بنسمعه في الإعلام لأنك من البلد
انا مش عارف اقول ايه
بس حاسس ان احنا رخصنا فعلا على رأي البنت الشلبية
احنا رخصنا اوي يا فرنسا هانم
رخصنا بجد
حسبنا الله ونعم الوكيل
في المقارنة بين الرواية الأمريكية والرواية الحقيقية أزيدك
الرواية المصرية تقول أن رئيس أمريكا اتصل برئيس مصر
بحثت عن ذكر الخبر في المواقع الأمريكية فلم أجده وهذا لا ينفي حدوثه ولكنهم يأنفون حتى من ذكر ذلك
وأزيدك أيضا أنهم قالوا أن هؤلاء الرجال اعتادوا الاقتراب من السفن لبيع السجائر ليحقروا من شأنهم وقالوا أن هذه السفينة ظاهرها مدنية ولكنها حربية (أو ما معناه)
وقالوا أيضا أنهم حذروهم باللغة العربية
وصدق أولا تصدق يعني "البمبوطية" يحبون الموت
وأزيدك أيضا أنهم قالوا أنهم سيتكفولن بأسر المصابين رغم أنهم أنكروا أن هناك مصابين في نفس الأخبار!!!
هذا الحادث لن يؤثر على العلاقة المصرية الامريكية الصديقة
هذا قول الرئيس
كده كتير بقيت حسه اننا ممكن نتقل فى بيوتنا بجد
حكومه جوه وأعداء بره مش عارفه الحال هيوصل لفين
وبعدين هى ديتها ايه اعتذار زى الطفله الشهيده اللى اتقتلت برصاص الكلاب الاسرائلين يااااااااااا على دى بلد بس انا برضه بحبها
لا حول ولا قوة الا بالله
هوه مين قال ان مصر مش محتله
انا سامع حد في اخر الطابور بيقول مصر مش محتله
واحد تاني بيقول لا مصر مستقله وذات سياده
تالت بيقول مصر هيه امي
ياجدعان هدووووووووووووء
البلاد المحتله العدو بيقتل فيها ابناء البلد ودا بيحصل في مصر
البلاد المحتله اهلها بيكونوا مش لاقيين يكلوا ودا بيحصل في مصر
لحظه تصدقوا عندكم حق مصر مش محتله
لان البلاد المحتله اهلها بيقاموا بيصرخوا بيحاولوا على الاقل بيكرهوا المحتل .. ودا مش في مصر
حسبى الله ونعم الوكيل
جوايا ضيق ونااار نفسى افجرها بجد..دمنا بقى رخيص اوى يخلى شوية كلاب زى امريكا وغيرها يلعبوا بينا، وبأسهل مايمكن عندهم - ضغطة زناد - يقتل ارواح مالهاش اى زنب او جريمة عملتها..بس الكلاب ولاد الكلب دول هل يقدروا يعملوا ده فى اى بلد من اللى بيسموها عظمى؟؟
هل لو كانوا فى بلد عارفين ان حكامها بيقدروا شعبهم ويحترموهم ويجيبولهم حقوقهم هل كانوا هيقدروا يرفعوا اى سلاح؟؟
ياااااااااااااااااااه
بقى سعرنا رخيص اوى ياناااااس
بنشوف الذل والمهانه فى كل مكان فى العالم..حتى فى بلدنا..
ومحدش عارف يعمل حاجه
بقولكم ايه..انا تعبت
سلام عليكم
الرئيس بوش الاببن
قال ناسف على هذا الحادث
وجون وجون وجون
انتوا عاوزينن ايه تاني يعني
ايه الناس دي
انتوا تطولوا يعني امريكا تموتلكوا اتنين تلاتة وايه يعني
يا لهوووووووووي
تاني تاني يا فرنسا
انا عندي الضغط عالي اصلا من امبارح
يا ناس انا ضغطي عالي
رحم الله الشهيد وصبر اهله وصبرنا على ما ابتلانا
اللهم لا تؤاخذنا بما فعل السفهاء منا
تحياتي
أمريكا طبعا مش محتاجة تجيل لصورتها كلنا عارفينها وبحبها مووووووووووت
حسبنا الله ونعم الوكيل فيها وفى أعوانها
فرنسا هانم و كل معلق ادعوكم لزيارة مدونتي لقراءة خبر هام جدا يهم كل مصري
الروايه الامريكيه غالبا صح هو الجزء المغلوط ان البمبوطيه فعلا هربو عشان الشهيد اصيب برصاصه في ضهره ده معناه انه كان راجع مش رايح
الشاهد هو راجع او رايح هما كانو هيقتلوه عشان زي ما قلتي احنا مافيش عندنا كرامه شعب مسلوب الاراده مسلوب الاكرامه مسلوب كل شيء انساني
بضم صوتي لصوتك
حسبي الله ونعم الوكيل
قال و يقولولك السيادة المصرية راحت لما الفلسطنيين عدوا لحدود.... بلد بتاعة بيبسي صحيح
وسلميلي على العصافير
حسبنا الله ونعم الوكيل
هنا على كل الخلق
ففعلوا ما فعلوا
وكان منهم ما كان
يا الله حتى فى بلادنا يدخلوا يقتلونا ويخرجوا كده
ولا اكن حصل حاجة
الناس دى والله هتشوف يوم القيامة نتائج اعمالها
مش الامريكان اقصد بل الحكومة العميلة دى
اللى سابت اعداؤها ينهشوا فى البلد حتة حتة ويعملوا اللى عايزينه
لمثل هذا يذوب القلب من كمد ان كان فى القلب اسلام وايمان
والله حتى لو مفيهوش اسلام وايمان
لو فيه انسانية بس
يذوب
علشان كده بقول انى كل حاجه فى مصر ارتفعت اسعاره الا البنى ادم المصرى كل يوم بيرخص
افتكر انى ايطاليا قامت فيها الدنيا لما مجرد بعض ضباط ال fbi اعتقلوا مواطن مصرى فى ايطاليا وخدوه على امريكا قامت القيامه على اساس انها انتهكت السياده الايطاليه مش قتلو شاب ايطالى
وبعدين المصريين بيتهانو فى الدول العربيه والصناديق كانت بترجع من العراق ماليه الطائرات ومحدش قال بم حنقف قدام امريكا
فرنسا انا بحب امريكا زيك
وحسبى الله ونعمه الوكيل
كده بردوا يا فرنسا بعد غياب شهر عن التدوين قراءة و كتابة ارجع و قلت افتح نفسي بقراءة مدونتك توجعي قلبي اكتر ما هو موجوع انا مش حعزي السوايسة لغاية ما التار يتاخد و حيتاخد يا فرنسا مهما طال الزمان حتي لو انا و انت متنا قبل ما نشوفوه لأن ربنا اسمه العدل.
رحم الله الشهيد و رحم اهله و اولاده و رحمنا جميعا و تاب علينا من حياه الذل و حسبنا الله و نعم الوكيل
امريكا دي اللي تحت تفهنا العزب مش كده دي اكيد غير امريكا اللي بتفتري على الخلق اكيد
تحياتي
يا خبر اسود ومنيل
تصدقى انى قربت اروح اقدم نفسى لهم هدف ينشوا عليه من شفقتى عليهم المساكين !!!!!!!!!
الامريكان بيساعدوا مصر وانتو مش واخدين بالكم بيقللوا عدد السكان واهو كل تعدية واحنا متنيلين بستين نيلة ........ماهم قالوكم حددوا النسل قللوا السكان ... سرطنلكم الاكل ولوثوا الجو وغالوكم الدواء وخصخصوا التامين وغلوا الزيت ولسه بتخلفوا طاب يعملوا ايه الغلابة دول قرروا يفصونا ماهو من غلبهم ومش بعيد يكون المتوفى - رحمة الله عليه- شكله خوف واحد منهم وحسسه بعدمالامان وهو كان لسه حيتحقق من مشاعره بقى كان لازم يسيطر على خوفه ويحقق امانه الشخصى فلنشجب ولندد ولنخليهم يتادبوا ويحققوا فى الموضوع وبعدها بص يا حبيبى ماتعملش كدا تانى ولما حد يخوفك قولى وانا اموتهولك على الاقل لى ملايين الطرق اللى ماتخليش حد يفتح بقه
ودمتم بالخير
حسبى الله ونعم الوكيل
حسبى الله ونعم الوكيل
حسبى الله ونعم الوكيل
اول تعليق ليا في مدونتك
الحقيقة كان من الطبيعي انة يكون فية حراسة على السفن الأمريكية والحراسة طبعا مصرية واالي يدي التحذيرات رجال الحراسة المصرية علشان احنا بنعرف نتعامل مع بعضينالكن الرواية كلها مش عارف حاسس أن فية حاجة ناقصة حاجة مش متركبة صح .
ولا اية؟؟؟
حسبى الله ونعم الوكيل
حسبى الله ونعم الوكيل
ربنا ينتقم من الظالم
كنت هقول معاكي
بحبك يا أمريكا
لو كانت تسببت ولو بجزء بسيط
في افاقة اي مشاعر للحكومة والشعب التافهين كما تقولين
لكن كده بقى
اسف مقدرش
تحياتي على التناول الرائع
فرنستي
الايميل وصل بالسلامه اه
بس متشفر مش عارف ليه
الايميل كله حروف في بعضها كدا ( ط %ظ ك
بالشمكل ده
دنا زعلانه اوي خالص
ابعتيه تاني وحياه وزة معلش انا بتعبك معايا
اصل انتي متعرفيش انتي ايه بالنسبالي
وزتك
انا اللى هيجننى اصلا التبريرات اللى بيطلعوا لنا بيها وكان الشعب كله اغبى من الغباء ولا يفقه شئ
ازاى طلقة تحذيرية وتيجى فى راسه
اذا كانت حكومتنا بتستغبانا مستنية ايه من ماما امريكا
الله يرحمه ونحسبه من الشهداء ان شاء الله
السلام عليكم
كالعادة جرح جديد
يضاف الى المصريين
بسبب نظام منتهى الصلاحية
حسبى الله ونعم الوكيل
سلالالالالالالالالالام
بنبكى على حالنا ومش على محمد وبس على كتير وكتير
بجد حسبنا الله ونعم الوكيل
اللهم ارنا فيهم عجائب قدرتك وزلزل الارض من تحت اقدامهم
عزيزتى
أبكيتينى معك فكلامك كلام قلب موجوع بتخرج منه الآهه سخرية لكن كطلقات الرصاص لكن مش تحذيرية
ربنا كبير
كلامك بيوجع أوى
حسبنا الله ونعم الوكيل
يا رب
أنا والله إتفجعت لما سمعت الخبر والتفاصيل إحنا كل مادا كل ما نرخص أكتر وأكتر
نحن شديدوا القذاره
والحيوانيه
لو فيه بغل أو طور جه صياد وقتل البقره أو الطور اللي بيعلف معاه
الطور التاني هايهيج وينطح الصياد
حتى لو اتقتل هوه كمان
لكننا اقل من البقر
نحن أقل من الخنازير التي وصف الله بها اليهود
نحن لاشئ
حسبنا الله ونعم الوكيل فينا
حسبنا الله
حسبنا الله
حسبى الله ونعم الوكيل اللهم ارحمهم وارحمنا من ظلمنا لانفسنا
مش مبرر إنه مصري علشان ينزل البحر بتاعه ..
حسبنا الله ونعم الوكيل
عجبى على زمن الحيوان فيه ليه كرامة عن الانسان
اه والله يافرنسا تخيلى
ناس ملهاش كرامة فى بلدهم
واية تتنطط لينا وتعملنا فيها قال ايه النمر الاسود وجاى يحمينا من غدر الظرافة
وطبعا لان حكامنا ناس طيبة جدا وجبانة جدا وعبيطة جدا فطبعا خافوا من الظرافة وقاله للنمر الاسود انه يجيى عشان يحمينا امال ايه يحمينا
مش احنا حبايبهم برده
مش هما الى كانوا بيدفعوا معانا عن ارضنا ضد الكلاب التانية
ولا نسيتى فرنسا اشحال انك فى السويس يافسفس
انا نفسى بجد اعرف الناس دى دماغتها ماشية ازاى
ولا شكلها مش ماشية اساسا
اظاهر ان حكامنا قتلوا قلوبهم
بعد منزعوا منه الرحمة
ومبقناش نفرق معاهم
حكامنا خانونا يافسافيسو
اه والله خانونا بعد مضيعونا وبنار امريكا حرقونا
تصدقى يافساسا
انى ميهمنيش ان حد يخونى او يغدر بيا او اطلب منه سندوتش فول ويجبهولى طمية
لا فرنسا لا يافرنسا ميهمنيش
انا الى يهمنى ويجرح كرمتى بجد
انى اشوفه واقف عبيط بيضحك
وبيستهبل بروح.... والدته الطاهرة الشريفة
مال ايه مش بت حوا
اه ويقف كدة ويقولك محصلش حاجة
دول عيال وكانوا بيهزروا مع بعض ايش دخلكم انتم
شوية عيال ياختى قاعدين على سطح البحر بيصطادوا جنبرى مشوى
وفجاة يطلعلهم من تحت البحر واحد اهبل ماسك بتاعة هابلة
وعايز يلعب معاهم بالعافية
فطبعا دول مصرين ازاى يخلوا واحد حيوان كلب زى دة يلعب معاهم
فرفضوا اولحوا فى نفس ذات التوقيت المحلى بتاعنا
قام التانى كرمته الى اتسلبت منه اساسا
تنأح عليه ازاى واحد مصرى حقير ومتخلف زى دة يقولى انا لا
قام مسك البتاع وعمل تخ تخ بس هما تخ تخ وبعدها
الاتارى بتاع الحكام كتب على الشاشة
جيم اوفر
اه والله يافوفس كتب جيم اوفر يعنى انا حضحك ليكى مثلا ولا حاجة
بصى يافرنسا
الموضو كله موضوع كرامة
لو حكامنا احترموها يبقى اكيد الغريب حيحترمها
وازاى نطلب من الغريب انه يحترمنا
ويعاملنا كبشر
وحكامنا بيعملونا على اننا حيوانات فى زريبة
لاحول ولا قوة الا بالله
انتا القادر لى الظالم والمفترى يارب
تحياتى يافرنسا
وتبقى سلميلى على باريس والنبى وانتى معدية قوللها بس ابو احمد بتاع الكشرى هى حتعرفنى على طول
واسف لو كنت طولت عليكى
somaa mahaba
وفجاءه
اصلى قريت التعليق التانى بتاعك
وعرفت انكى اتفاجئتى
somaa mahaba
مش مصر كلها اللى عايزه تتفجر
لا
البلطجيه
الفاسدين
اللصوص
حبايبنا بتوع البنوك السويسريه
المرتشين
ووووووووو
هما دول اللى يستهلوا الحرق
تحياتى لكى
أنا محتاج
انت مش صغير 21 سنه مش صغير
وبعدين عبد الناصر كانت على ايامه الحرب البارده
يعنى فى قطبين
دلوقتى فى قطب واحد بس مهيمن على العالم
وواخد البشر فى وشه
الا قليلا
من المحترمين
مش احنا
الفاتح الجعفري
اخى الفاتح
وزير الخارجيه بتاعنا قال
لو واحد فليسطينى عدا هاكسر رجله
ها
يقدر يقول للامريكان ههرشله رجله
او حتى هملس عليه
لأ طبعا
دول ولاد الباشا طبعا
تحياتى لك
مهندس مصري
خبر استخراج الجثه خبر غير صحيح
ولو كان حدث لكنت عرفت نظرا لتواجدى المستمر فى منطقه اقاربه فى الفتره الماضيه
اما حكايه التحقيقات
مش هتفرق كتير يا هندسه
دى ماما امريكا
تحياتى لك
somaa mahaba
ممتاز يا سومه
تسلم ايديكى
ابو الفدا
نعم لنا الله يا اخى العزيز
طال الليل
والاكاده ان مسئول امريكى رفيع المستوى نفى بشده احتجاز السفينه فى مصر
واكد انها فى طريقها العادى
يعنى بلطجه وكبرياء
وقله ادب
تحياتى لك
nigro
طيب واللى يقول على نفسه انا اعور ؟؟
اكيد هيلعبوا بيه الكوره الشراب اللى واقعه فى المجارى
تحياتى لك
ولك مده مش باين ليه ؟؟؟؟
مفقوعة مرارتي من حماتــــــــــــي
هو بوش ده بيهمه فضايح
للاسف
جتته منحسه
يعنى مش هامه حاجه
يمكن مبيشوفشى تليفزيون
ومبيعرفشى يقراء
ممكن
تحياتى لكى
غير معرف
انا كنت اول اشتراك
صبرني يارب
هما لو حاولوا يحسنوا صورتهم
يبقى مش علشانا
لأ
اكيد علشان الرأى العام العالمى
اما احنا
فى البدروم تحت خالص
تحياتى لك
عاشقه الفردوس
طالما الحكم مرفعشى ايده
يبقى احتسب اللعبه ضربه حره مباشره
اما لو رفع ايده
تبقى ضربه حره غير مباشره
جاته الف ضربه مباشره
فى كل نوافيخه
تحياتى لكى
آلام وآمال
طبعا رخصنا
رخصنا لدرجه اننا بنموت بعض على رغيف العيش
والحكومه
ساعدت فى اننا نكون ارخص شعب
عصفور المدينة
تتصور كل الزيادات دى صح
فعلا ان البمبوطيه اعتادوا الاقتراب من السفن لبيع بضائعهم
ومعاهم رخصه بكده
لان غاطس القناه او مدخل القناه مثله مثل التراتزيت
والسفينه فعلا تجاريه
وكانت تحمل معدات حربيه
وبعدين
البمبوطيه لايقتربون من المراكب العسكريه مطلقا
لانهم يعرفون قانون البحر
هما مش اغبياء
بس المركب كانت تجاريه
تحياتى لك استاذنا
الطائر الحزين
عيل وراح
ايه المشكله ؟
appy
كلنا بنحبها
لكن الخونه
فاكرين انهم بيحبوها اكتر مننا
لاننا حثاله
واذا كان الوضع كده
انا هاروح عندك الكوكب احسن
دمعاتي
اجابه صحيحه
وانت كسبت معانا
فقره اليوم
جنيه دهب
MR.TITO
ايه يا باشا
من اول زياره كده ؟
خدت فى وشك وجريت وقلت تعبت
لأ
لازم تتدرب وتتمرن كتير معانا
علشان متتعبشى
وقديما قالوا الصيد بيعلم الصبر
دلوقتى طابور العيش بيعلم الصبر
علشان كده
وانت جاى المره الجايه انا عازماك بس العيش عليك
nonoymm
ااااااااااااه
انا نسيت
يقطعنى
انا اسفه
لكن الحادث كان مش ممكن اهمله
عموما تتعوض
عمر المصرى
وصلنا الحب
ونسبه كبيره من المسلمين بيحبوها زيى انا وزيك انت
soska
تمام يا باشا
انا رايحه
wael
ااااااااااااه
يابلد
بقينا فيكى برخص التراب
تحياتى لك
yomna
بيبسى
كولا
ولا
برتوكولا
امام الجيل
بص بقى يا امام
هى بقيت حا (كومه )
والحاء لفظ يقال لحث الحمار على المشى
والكومه
معروفه
انها كومه زباله
رئيس جمهوريه نفسى
اتضح لى ان ناس كتير بيحبوها زى امه الله فرنسا هانم
كويس ياريس
بس احب اقولك ان ايطاليا بلد
يعنى منتخب
اما احنا نادى
أم أحمد المصرية
للاسف التوقيت مش بايدى
والموضوع اضطرنى اكتب فيه
عموما انتى واحشانى جدا
وانا سعيده بعودتك
وياريت ماتتأخريش
تحياتى لكى
Sampateek
للاسف مش فاهمه التعليق
la3lahakhier
ايوه صحيح
ملايين الطرق
وكله توموتيكى توموتيكى
ra7eel
حسبى الله ونعم الوكيل
sebofy7alo
الحراسه بتبقى على السفن الحربيه
ويمنع الاقتراب منها
ولكن دى كانت سفينه تجاريه
محمله بمهمات عسكريه
يعنى سفينه عاديه
وماكنشى فى حراسه
بحبك يامصر
امين يارب
دكتور حر
تحياتى لك انت دكتورنا الحبيب
وشكرا على اثناءك على التناول
لك تحيات خالتك فرنسا
انين الحزن
حاضر يا وزه من عينى
انت غلاوتك عندى كبيره جدا
تحياتى لكى
وزتى العسوله
كتير يا خالتي كده
الله يسامحك يارب على الكلام الجامد ده
الواحد مش عراف يقول ايه تاني بعد الكلام ده
ربنا معانا كلنا
Desert cat
لا طبعا هما عندهم حق
هو انا مقولتلكيش
مش هما اجانب ؟
بيكتبوا من الشمال لليمين
يعنى بالعكس
يبقى الطلقات التحذيريه عندهم برضه بالعكس
حــدوتـــة
انتهت الصلاحيه ومازال موجود فى المحلات
غش تجارى
انا مسلمه
وانا ارفع يدى معكى واقول امين يارب
مجداوية
كويس انها مش تخذيريه ؟
احسن فى الزمن ده التحذيريه هى اللى بتموت
سهر الليالى
وده لانى موجوعه
mohand
يارب
مدونات زوجة عاشقة
لو رخصنا اكتر من كده هنعفن
أنا إنسان
لأ
مينفعشى الواحد يتحسبن فى نفسه
او اننا نتحسبن فى انفسنا
ولكن
حسبنا الله ونعم الوكيل فيهم
hend...hanady
نعم حسبى الله ونعم الوكيل
وضـّاح
صح مفروض يستأذن من اسياد البحر
عموما
انا رايحه عن اختى الاسبوع الجاى
اروح ولا مفروض استأذن
جميل جدا تعليقك الساخر ده
زعيم كمورا مورا
طبعا يا زعيم انت مطولتش ولا حاجه
واسلوبك شدنى اسمع لك كمان وكمان
عموما
جيم اوفر
لكل شىء
صاحب المضيفة
نقول حسبنا الله ونعم الوكيل
عادى بقى .. الحكايات دى مبقتش تفرق معايا مااحنا بقينا ملطشة من زمان .. واللى كان كان !! عليه العوض ومنه العوض ..
العيش عليا؟؟؟؟؟
دانتى عاوزانى اضيع بقى ؟؟دول بقوا 11 ضحية مقابل رغيف العيش...
الله المستعان..
والله فعلا تعبان ونفسى انفجر؟؟
شايفين الذل فى بلدنا
وكل يوم بنشوفه برده بره بلدنا
للاسف هى حقيقة قدامنا كلنا:
معتش لنا تمن
وبالرغم من ده:
انا بفتخر انى مصرى برده
بس بحلم اننا نقولها قدام العالم كله ،يعملولنا الف حساب ، لاننا شعب جميييييل اوى والله ، ناس عقولها غير العالم كله ، عندنا شباب ممكن يعمل كل شئ فى العالم بس ناقصه الدفعه والامكانيات ؟؟
ربنا يصبر الشعب ده اكتر من ماهو صابر..
وانا يا ستى صابر من زمان والله ( ده انا اصلا صياد و والدى صياد) يعنى خدنا ع الصبر ، وربنا يصبرنا ع اللى بنشوفه فى مصر واللى بنشوفه فى الغربه .. والله والمستعان
معلش اذا كنت طولت عليكم ،،،
تحيــــاتى لكى يا فرنسا ولكل الموجودين
تحياتي
الاخطاء كثرت ...من امريكا او من ربيبتها اسرائيل...التي تقتل المصريين
داخل الاراضي المصرية الحدودية...
أتسأل ...ماذا لو كان هذا القتيل امريكيا و قتل بايدي عربية ..؟
طالب امريكي سنه كان 17 سنه...زار دولة في جنوب شرق اسيا...و اخذ يخرب في السيارات هناك برشها بلون من علبه سبراي....
القي القبض عليه...و لانه امريكي فاكتفوا فقط بضربه عدد من الضربات
علي مؤخرته....
قامت المظاهرات و اشتعل البيض الابيض
ضد الهمجية و ضد التعسف و اهدار كرامة
الانسان.
بعد تلقي الطالب جزاءه...حملته طائرة
الي المانيا لقاعدة جوية امريكية هناك
لتوقيع الكشف الطبي و النفسي عليه بعد
الاعتداء الهمجي و اللا انساني ( في نظر الامريكان ) علي مؤخرة الطالب.
اعتذر عن الإطالة....لكن هكذا هي الحياة حظوظ الدنيا حظوظ.
تحياتي و تقديري و رحم الله فقيدنا و اسبغ علي أهله صبرا و سلوانا.
حسبي الله ونعم الوكيل
والله عيني دمعت من كلامك يافرنسا
ربنا يرحمه برحمته
ويجمعنا بيه في جنة الفردوس الاعلى بصحبة سيدنا محمد عليه الصلاه والسلام
ربنا يصبر اهله يارب
حسبنا الله ونعم الوكيل
من الكويت الحبيبة الى
ام الدنيا مصر
و اهل مصــــــــــــر
الاخت فرنسا هانم المحترمة
طبعا انا متاخر كالعاده
ظروف شغل هنعمل ايه
المهم.....
انا كمان بحب امريكا
وشايف انها مغلطتش
ومش هتغلط
عارفة ليه
لانها عارفة كويس هي ببتعامل مع مين؟؟؟
عارفة هي تقدر على ايه ومتقدرش على ايه
المشكلة في حكوماتنا وحكامنا اللي عمرهم ما عرفوا ولا هيغرفوا هما يقدروا على ايه
لانهم تربيه الخوف والاستكانه والموالاه
متنتظريش من الخاضع في وجوده ولقمته انه يكون عنده كرامه....وكمان يثور عشانها!!!!
صعبه دي
تحياتي وعزائي
وحسبنا الله ونعم الوكيل
نزلوا دموع الفرح انها شرفتنا بالرصاص الكريم فى جسد ابنائنا
اه ما انا ناقصة طهق اصلي
الله ينتقم منهم زي ماهدوا السلم لم لم لم لم
اوروفوار
الكلب الحقير ابن ال...... ولا بلاش علشان دى مدونة نظيفة
الكلب الحقير مش بوش يا فرنسا
ده كلب تانى
للأسف
كلب بلدى
مش كلب امريكانى
معك كل الحق
حسبى الله ونعم الوكيل
كلامك جامد أوى برنسيس
لا كرامه ولا سياده ولا أي شئ
حسبي الله ونعم الوكيل فعلا
ayar
ايوه عليه العوض ومنه العوض
مع تحياتى
MR.TITO
لا انا مش قصدى تقف فى طابور العيش لغايه لما توصل لمرحله الضحيه
انا كان قصدى تتعلم الصبر
وبما انك صياد ابن صياد
اذن فانت صابر جاهز
عموما
العيش عليا انا ولا تزعل
تحياتى لك
الربان
طبعا لان الطالب ده امريكانى
اما الجنسيات الاخرى
فمرحله تانيه
والجنسيات الغلبانه مرحله تالته
احنا بقى مرحله عاشره
تحياتى لك
Soooo
كلنا دمعنا على اهدار الكرامه يا سووووووو
تحياتى لك
`~MnO YeNSa! ~`
سلام لكى من مصر
انا بفرح قوى بتواصلك معى
تحياتى لكى ولكل الكويت
خايف من الحقيقة
فعلا صعبه
وصعبه جدا
لان ناس بتفضل الخضوع على الكرامه
تحياتى للكرامه
عموما
لنا الله
وحسبنا الله ونعم الوكيل
تحياتى لك
bastokka طهقانة
بلاش انتى تطهقى يا طهقانه
علشان انتى 24 ساعه طهق
عموما
بلاش طهق
اصلنا طهقنا من كتر الطهق
بت خيخة وأى كلام
بذمتك مش طاقيه الاخفاء تحل المشكله ؟
تحياتى لكى
monaliza
الله المنتقم الجبار
Salwa
سياااااااده ؟؟
اصلا ممنوعه من الصرف عندنا
الا لما بنقول
سياده الرئيس
فرنستي الجميله
انا ملاظه انك مخنوقه اليومين دول
ومدخلتيش يوم بحاله المدونه بتاعتك
حتي مدلتيش اخر تدوينه ليه مممممممممممم
تعالي ده حتي انا حاسه انها تفاؤليه شويه
وبعدين يافرنسا مينفعش كده انا بقي عايزة اكلمك واتعرف عليكي
هاخد ايميلك واكلمك
اه من غير استئذان اصلي متعشمه فيكي
:))
:( :(
ربنا يرحمه ويحرقهم :(
أولاً...اللي سمعته غير كدة خالص
الحادثة إن مركب صيادين أو بمبوطية كانت في الكنال وكان فيه مركب تشهيلات حربية هناك (المشكلة إن المركب دي باين عليها مركب عادية ومش تابعة للجيش خالص) فمركب الصيادين مش عارفة وقربت من مركب التشهيلات مع إن المفروض في نطاق حوالين مركب التشهيلات ممنوع اختراقه...طبعاً الصيادين مش عارفين...فأطلقوا طلقات تحذيرية تبعدهم..الصايدين مفهموش هم عايزين، افتكروا بينادوهم وعايزين منهم حاجة...فقربوا على المركب التابعة للجيش..فأطلقوا الرصاص (قصد) فمات واحد منهم...أنا أقصد دي صحة الرواية..مكنش فيه أمريكان ولا حاجة من الكلام دة...والله أعلى وأعلم
ثانياً...أنا واثقة من مصادري..لأني بشتغل في الميناء والكلام دة طالع من مصادر أمنية رفيعة المستوى رأساً إلى مسمعي
ثالثاً...مش معنى كدة إني ببرر اللي حصل...أبداً....اللي حصل دة غباء وجهل وفتونة وظلم بين
رابعاً...نحسب ضحايا هذا الحادث من الشهداء...ربنا يرحمهم ويصبر أهلهم
خامساً...أنا أسفة طولت..بس أنا لما بلاقي وقت، انتهز الفرصة وأقرأ كل المواضيع اللي فاتتني مرة واحدة وبيبقى عندي مخزون كبير من الكلام عايز يطلع مرة واحدة
سادساً...ربنا يتولانا برحمته الواسعة
سلام
:)
نوني السويسية برضه
فرنسا هانم
انا مش عارفه اوصف احساسي ايه وانا بقرا البوسط بتاعك
نفسي ابكي مفيش دموع راضيه تنزل مني
الدموع مش عاوزه تريحني زي ما تكون
بتقولي خليكي قرفانه كده
حاسه بجد ان في سكاكين تلمه قاعده تقطع فيا والالم مضعف لان السكينه لو كانت حاميه كانت سرقتنا واترحمنا من حاله
الارف والدونيه اللي احنا عايشين فيها
طول عمر عارفه ان احنا قليلين (عشان احنا اللي اختارنا كده رضينا بكده اصبحت حقيقه مثلها مثل الحقائق الكونيه لايمكن تعديلها)
لكن اول مره احس ان احنا بقينا جيفه
متنا للدرجه دي خلاص هنبقي لحمه حتي كلاب السكك تقرف تنهش فيها
حلموا الحلم من كام سنه ولا متحققش جم يصحوا الضمير
طيب مش كانوا يصحوا الضمير الاول عشان
نبداء علي نضيف
اللي اقدر اقوله ربنا يرحمنا ويغفر لنا
لان لو مرحمناش هنكون خسرناها دنيا
واخره
حسبي الله ونعم الوكيل
ماماامريكا هى حرة فيينا تعمل فينا اللى هى عازاة
لازم نحبها كلنا مش هى اللى بتاكلنا
وبتدينا المعونه
أنا معترضة أهوة
ومحدش يقدر يعمل أى حاجة
مطوتى فى جيبى
وموسى متسقف فى بقى
والأربجية تحت السرير
أطلعيلى برة بقى
هعهعهعهعهعهعهع
احبطينىىىىىىىىى يا فرنستى
عاااااااااااااااااااااا
وسيبقى الحال على ما هو عليه
طالما بقينا صامتين
إذا كان قتل شهيد مرة برصاص كلاب أمريكا كارثة
فإن قتل أنفسنا كل يوم ألف مرة برصاص الخوف والجبن والحرص على الحياة كارثة أكبر
رحمه الله
ورحمنا كلنا معه
فكلنا قتلى !
اسكتى يا فرنسا
قاعدين لا بينا ولا علينا فى المدونات بتاعه ماشى ..الاقيلك واح جاى يقولى اننا ارهابيين وبنكره السلام وبنحقد على الغرب
نناقش فيه يمين شمال مفيش فايده المصيبه انه بيتكلم عربى
وشكله مصرى يعنى
اخر ما زهقت قلتله تعرف اما الحماقه تتجسد فى صوره رجل تبقى حضرتك فعلا الناس دى يا كفيفه يا كفيفه ارهاب ايه اللى بيقوله عليه واحنا شاربين المر
تحياتى ليكى سومه_87
لو لم أكن مصرية لوددت أن اكون امريكاوية
أمريكا أمريكا لأمريكا
ماما أمريكاااااااااااااااااا
حبيبتي امريكا ياسلام على امريكا
دي أم وكلنا بناتها
وعادي يعني تقتل واحد فداها
كرسي واتكسر
واحد ومات ايه يعني ايه يعني ايه يعني
؟!!!!!!!!!!!!!!!!!!!
ده حتى مصري ودمه رخيص ايه المشكلة ماهو فيه منو 70 مليون زيه
ايه المشكلة
على فكرة دي كده بتخدمنا احنا المفروض نشكرها عشان بتقللنا وعيزة تخلينا حبة صغيرين عشان نعيش احسن والزحمة تخف بئى وكده
فرنسا ممكن أصــوت معلش استحمليني محتاجة اصوت::
يالهوييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي
يانا ياأما
والله يافرنسا مش عارف اقول ايه
مش عرف افرح للشهيد
ولا احزن علي حالنا
حتي بننضرب في ارضنا
حسبنا الله ونعم الوكيل
فرنسا الجميلة
انا قريت البوست ده
من اول يوم نزل فيه
ومش قدرت اعلق
ولا زلت مش قادرة اعلق
صوت صرختك صداه لسة جوايا
كل ظالم وله نهاية
تحياتى وحبى
مقالة جامدة كيك
السلام عليكم
دى اول زباره ليا لانى يعنى لسه مدون جديد
بس الموضوع جامد
والكلام حلو قوى
مش معانها لانوا بيدل على اننا بقينا خلاص
معتش ليقنا قيمه قدام الناس
وربنا يسامحوا للى كان السبب فى كده
او يخده
وتقبلى مرورى
فرنستى الحبيبه انتى فيييييييييين بقالك كام يوم مش كتبتى حاجه ليه ايه يا خالتى اللى حصلك طمنينى عليكى والنبى انا كل يوم ادخل علشان اشوف البوست الجديد بتاعك ومش لاقيه اتاخرتى علينا اوى ووحشتينا اوى يا رب تكونى بخير وربنا يوفقك سلام
فى بلاد مبيشربوش فيها الكحول قدام البقر خوفا" على مشاعرهم... واللى بيعمل كده بيغلطوه
وفى بلاد تانية اصحابها بيتقتلوا فيها بدون اى وجه حق وبنداس على كرامة اهلها بأوسخ جزم... واللى بيجراله كده برضو بيغلطوه
وف الآخر العيب علينا " سكتناله دخل بحماره ",,, آآآآآه يازمن
و آآآآه ياحكومه مفيهاش حد عنده دم
تحياتى يا فرنسا وربنا يصبر أهل الشهيد ويقتص له من هؤلاء الخنازير
واللى عند ربنا مبيضعش إنما اللى عند الحكومة بينداس
اولا لمه سمعت اى السويس اضربت من القوات الامركيه قلت لناس حوليه متخفوش خلتى فرنسا هناك
وجيت اطمن عليكى فى مدونتك
اقوم اجد العنوان بحب امريكا
عيب
ههههههههههه
كلام جدا
اولا ربنا يرحم الشهيد محمد ويلهم اهله الصبر
ثانيا انا متربى وليس انا فقط كثير جدا من الشباب الملتزم زى متربى على انه هناك يوم قريب جدا لثائر وانى هناك يوم قريب جدا هنقدر ناخد حق محمد وحق العساكر المصرين اى ماته على الحدود وحق المصريين اى ماته فى وسط البحر اى كانه مسفرين او على عبارة الموت
قريبنا جدا انشاء الله سوف ياتى يوم ننتقم من امريكا واعوانه
تحياتى
احمد الجيزاوى
عاشقه الفردوس
طبعا تعشمى فيا براحتك
انت من احبائى المقربين جدا
تحياتى لكى
وعلى فكره انا فعلا مخنوقه اليومين دول
شكرا على احساسك
كفايـة طيبـة
امين يارب
كفايـة طيبـة
امين يارب
Noony
اولا :- انا احترم كل مدون يدخل
مدونتى جدا جدا
فما بالك بمدونه من السويس
يعنى بنت بلدى
فانا احترمك الى اقصى درجه
ثانيا :- ارجو الا تجدى فى كلامى اى تريقه او سخريه فانا اوجه كلامى عن المصدر رفيع المستوى
المهم
عزيزتى نونى يبدو ان المصدر رفيع المستوى الذى تحدث اليكى مباشره كان نائما قبل حدوث الواقعه ولم يستيقظ الى الان
او انه بما انه رفيع المستوى فلم يفهم الاحداث جيدا
اسفه لم اقصدك انتى مطلقا يا نونى
انا اتعجب من المصدر الذى سرد لنا حكايه من حكايات الف ليله وليله
يانهار اغبر
يا نهار مطين
يا نهار مدوحث
الدنيا كلها بتقول الامريكان ضربوا محمد بالرصاص
وامريكا ذات نفسها اعترفت
والقنصل الامريكانى اعترف
والخارجيه المصريه اعترفت
ده حتى حبل عتاقه اعترف
والمصدر رفيع المستوى ينفى وجود امريكان !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اللهم انى لا اسألك رد القضاء ولكن اسألك اللطف فيه
اسفه يا نونى مره اخرى وخامسه
انتى بعيده عن الرد ده خالص
تحياتى لكى
وشكرا على التعليق
وارجوا معاوده التعليق مره اخرى بدون المصدر
وبعد سؤال اهل السويس عما حدث
mady
زياره جامده
تخلينى اجرى على مدونتك اشوف فيها ايه
عموما
شكرا على التعليق الجامد ده
شكرا على الزياره
المستنصر بالله
اه تصدق هى اللى بتأكلنا
وبتاكلنا على قفانا كمان
مروة الزارع
طبعا انا طالعالك بره
بس علشان استقبلك
واخدك بالاحضان
متبكيش يا مروه
مسيرنا هناخد حقنا
خبيب
ممكن نكون كلنا قتلى
وممكن نكون كلنا قتله
تحياتى لك
somaa mahaba
مدونات ايه مقولتليش
علشان اروح اتفرج على اعمى القلب ده
لو مدونتك انا رايحه دلوقتى
ولو غيرها اكتبى اللينك
تحياتى لكى
نوره الخشن
خد الشر وراح
تسمحيلى اصوت انا كمان
حرااااااااااااااااااااااااااااام
تحياتى لكى يا نوره
بس احنا عدينا ال 70 مليون من زمااان
آفاق الحرية
تصدق دى
بننضرب على ارضنا
وعلى قفانا
ويا عالم
المره الجايه هننضرب فين
كاميليا
يارب يا كاميليا
تيجى نهايه الظالم
يارب
تحياتى لكى
Nostor Azzuro
شكرا جزيلا
ومرحبا بك
Abo 7anf
مبروك دخولك عالم التدوين
ومرحبا بك فى مدونتى
وبما انك لسه جديد
يبقى لازم تقعد لما تشرب الشاى
حنين القلب
انا الحمد لله كويسه جدا
ولكن فى ناس طلبت منى على الاميل انى اخلى التدوينه دى كمان يومين
شكرا على السؤال
مستــ ج ــــدة
ياه بيحترموا البقر ؟؟؟؟
ناس فعلا متحضره
يبقى احنا لسه قدمنا كام سنه لعايه لما نوصل لمرحله التبقر
احمد الجيزاوى
الجيزاوى مشرفنا
يا مرحبا يا مرحبا بالعريس
انا رحت باركت لك
ووقفت ساعه ونص ومحدش فكر فيا حتى بشفطه
كازوزه
عموما منورنى
اكيد اناعارفة اننا عدينا الـ70 مليون من زمان بس سيبك من الكسور يافرنسا عشان اكيد امريكا هتقصهملنا برصاصها اللي بتقول عليه رصاص تحذير باين ولا معرفش ايه
نوره الخشن
ماشى كلامك نسيبنا من الكسور
حكم هى رايحه رايحه
ياواد انت ياحبيييييييييييب
ومدونات نظيف وحجات جامده
ماشى ياعم اللى على على
اعلنتى انتمائك بقى مين قدك
اللى هيفتح بؤه معاكى هيصطادوه ع طول
وسعى بقى كده وخدينى معاكى ع الكرسى
انا كمان بحب امريكا زى خالتو بالظبط
ايه يعنى ضربه مصرى تافهه
ف بلد تافهه
بجنسيه تافهه مبيتعملهاش حساب
ما اروع ان نحب امريكا
عاعوعاااااااااااااا
د/اجدع بنوته
تعالى جنبى يا حبيبتى
هو انا اطول اقعد جنب الدكتوره اجدع بنوته
بيب بيب
عاعوعا
ربنا يصبر أهله ويصبرنا ويهد القوي
اه
و الله كلامك تعبنى..و الموقف يتعب اى حد فى الدنيا..ابقى فى بلدى ..ميا تبعى..قناة السويس اللى اممها عبد الناصر زمان و اتبهدلنا عشانها..و نازلة بقول يا فتاح يا عليك يا رزاق يا كريم و رايحة شغلى هوب..ارجع على نقالة..و الاجمل ان الحكومة تقبل اعتذار امريكا ان نعلش ماكنش قصدنا ولا اكنه داس على رجل الراجل مش موته و جاب اجله..................رخصتنا حكومتنا و رخصنا نفسنا فرخصنا اللى برا كمان
فرنسااااااااااااااا
انا رديت عليكي هناااااك وفي كمان عسكري جه ومعا امر بالقبض عليكي عشان الباب اللي كسرتيه عندي فالمدونة
فين جديدك يا خالتوووووووو
بطه
جبنا الفيديو و نشرته عندي يا فرنسا
أوله ضرب لإتنين استفرد بيهم الأمن و كل واحد ملموم عليه 4 بيضربوه
و آخره ضرب الرصاص و القنابل المسيلة للدموع
و للأسف الفيديو مش مبين غير بداية هجوم الأمن لأن اللي شافوا الموضوع بالكامل قالوا ان الضرب الشديد كان بعد اطلاق قنابل الغاز و اللي كان الأمن بيمسكه كان بيفرمه ضرب لما الدم كان بينزف منه
اول تعليق واخر تعليق يا فرنسا
برضه عدى الجمايل
فينك يا اختى العزيزه
عايزين الجديد بقى
والله يا فندم مهما قلنا ومهما بكينا
ومهما اعترضنا
مش هنرجع اللى راح
مش هنرجع الكرامه
مش هنرجع العزه
مش هنرجه هيبه مصر
بوست رائع جزاكى الله خير
فرنستى الجميله عذرا للتاخير بس انا بجد دخلت وقرات البوست من اول ما نزلتيه
بس والله عندى ظروف بتخلينى ناسيه اسمى اساسا
تخليلى دورت على ردك عليا اكتشفت انى مش كتبت تعليق
الزهايمر بدا معايا بدرى قوووووى
طبعا كلامك فى الصميم كالعادة
السهل الممتنع
وبجد الكلام خلص مش لاقىه كلام على المهازل اللى بنشوفها وعلى رخص الانسان المسلم فى العالم وفى وبلده خصوصا
ربنا رحمنا من عنده
مش باعرف انهى التعلىق
من غىر ما اقولك انا بحبك قووى
هههههههههه
كتير قوى انا رقم الف كده
على فكره انا قارتها قبل كده بس معلقتش
والمفروض اللى انت تسمعى كلام الجمهور يا احلى فرنسا
مبارك يا ستى بقه ديل الامريكان وهو على اتم الاستعداد
ان يقدم مصر ليهم نفر نفر
وطول عمر اهل السويس صحاب شده
شكرا ليك على الملاحظه انا على فكره كنت كتبها كده بس الكيبورد غلط بقه هههه
تحياتى الى احلى فرنسا
السلام عليكم ورحمة الله وبركاته
انا لله وانا اليه راجعون ، تقريبا قريت جميع تطورات الموضوع في كل حته ،اول مره اعرف موضوع الراس والصدر ده يعني دا كان بينشن مش بيهوش
المصيبه ان امريكا مركبالنا وش الحمل البرئ اللي كان بيدافع عن نفسه وال ايه كانوا خايفين لايكون القارب ده هايفجر السفينه زي ما حصل في اليمن ؟؟؟؟
حاسه بالقهر والظلم
وللاسف مش لاقيه اجه اعملها اللي اني اقول حسبنا الله ونعم الوكيل
أم أحمد
امين يارب
ويصبر كل مصر
آخر أخبار العصيان
على مدونة عصيااان
عصر الهوان والذل...هل ينتهي؟...اليوم المشهود
http://3syan.blogspot.com/
dina
والحكومه تقبل الاسف غصب عنها
مش اسيادها
وتاج راسها
ربنا يرحمنا منهم
نوره الخشن
كالعاده العسكرى اخد العشره جنيه وخلع
قال مفيش مدونه اساسا اسمها فرنسا هانم
بطه
الجديد بكره يابطه
مهندس مصري
وانا شفت الفيديو وعلقت
اشكرك يا هندسه على الاهتمام
تسلملى يا محمد
عبده الرايق
الجديد بكره يارايق
غير معرف
شكرا لك
رفقة عمر
حبيبتى الغاليه رفقه عمر
نور على نور
والله بتنورى المدونه
بحبك جدا جدا جدا
walaa
انا سعيده بكى يا ولاء
وربنا على الظالم والظلمه
واللى معاه ربنا عمره ما هيهون ابدا
خمسة فضفضة
كان كلامهم يبقى مقبول
وواقعى لو كانت سفينه حربيه
لكن دى سفينه شحن عاديه
تحياتى لكى يا دكتوره
إرسال تعليق