اخواتى المدونات اخوانى المدونين
السلام عليكم
المرشد العام للاخوان المسلمين قرر وقف اى نشاط سياسى للاخوان وعدم دخول اى انتخابات ..كما قرر رئيس حزب الوفد حل الحزب وعدم المشاركه السياسيه من نوع ... كما حذ ا حذوهم حزب التجمع ومصر الفتاه حزب الغد وووووووووووجميع الاحزاب ... وبهذا لم يتبقى على الساحه الا الحزب الوطنى الديمقراطى
كان هذا هو الموجز واليكم الوضع بالتفصيل
المشهد الاول
صباح العناب المسكر يا سعاده الوزير
صباحه قشطات بالمكسرات
سمعت عن الهوجه بتاعه حل الاحزاب ؟
ههههههههه طبعا هو انا نايم على قفايا كل الاخبار بتوصل لى طازه بنار الفرن خلاص احنا كده مجلس الشعب بتاعنا كومبليت ميه فى الميه وطنى ومزهزه ..مجلس الشورى والمحليات والنقابات كله وطنى ... احب وطنى واموت فى وطنى ووطنى وطنى يحيا وطنى
امسك الخشب ياباشا حضرتك مبسوط على الاخر
طبعا يابنى بلا معارضه بلا وجع انفخ ... خليها كده زيتنا قى دقيقنا
المشهد الثانى
مبروك التكليف بالوزاره الجديده يا سعاده رئيس الوزراء
الله يبارك فيك ممنون والنبى ممنون
حضرتك انا جايب كشف باسماء الوزراء الجداد زى ما حضرتك امرت بس سايب لحضرتك الاختيار ... حضرتك وزاره الصحه مين هيمسكها ؟
ايه رايك فى فتحى ابو شنب ؟
مقاول الصرف الصحى ؟؟
ايوه فعلا ده راجل خدوم ومعانا طول عمره واحسن حاجه انه بيفهم قوى فى الصحى ..وبعدين صرف صحى ووزاره الصحه كله واحد
تمام يا فندم عين العقل ... طيب ووزاره التعليم ؟؟
ايه رايك فى المعلم موسى الخشاب بتاع الجيزه واهو طول عمره راجل معلم قد الدنيا ومعلم وتعليم كله واحد
ياسلام على دماغك يا باشا ربنا يزيدك من علمه ...طيب والاوقاف ؟
الواد موسى بتاع موقف احمد حلمى
والخارجيه ؟
ايه رايك فى سعيد مسعد الحانوتى ؟؟؟
بس ده حانوتى ياباشا مش هيفهم فى الخارجيه
ليه ميفهمشى طول عمره بيخرج الناس ... وكله خارجيه
طيب سعادتك انا عشمان فى وزاره الاعلام
لمين ؟؟
الواد مصطفى ابن اختى واد حنجرته زى المدفع ومن الابتدائى لغايه الثانوى وهو بيقف الالفه فى تحيه العلم فى المدرسه ...واهو كله اعلام
المشهد الثالث
ايه يا فتحى باشا مالك زعلان كده ليه ؟؟؟؟
البورصه الله يخرب بيتها خسرت فيها امبارح اتنين مليار جنيه
طيب زعلان ليه ؟ .. انت عندك كذا سلعه تحت امرك ...حرك الاسعار وعوض خسارتك
اصلى لسه مغلى الاسعار من اسبوع
ياسيدى انا هو فى حد هيحاسبك .. هو فى اصلا منافس ليك .. يا راجل براحتك
على رايك ...واللى عارف بيت ابويا يروح يقوله ...واللى يقدر يشترى حاجه من بره يورينى شطارته
المشهد الرابع
تمام يا باشا تحت امرك
تعالى يا مصطفى
خير ياباشا
انا حلمت حلم مزعج
خير اللهم اجعله خير
حلمت انى راكب عجله وواحد خبطنى راكب عربيه مرسيدس حمراء
ولا يهمك ياباشا بكره نطلع قانون بمنع العربيات المرسيدس من الجمهوريه نهائى ومنع اللون الاحمر من اى عربيه فى الجمهوريه
تفتكر ده ممكن ؟؟
هو المجلس مش كله بتاعنا
وكل المجالس بتوعنا يبقى موافقون .موافقون
على اى حاجه حتى لو على دق المحشى فى ايد الهون
الاشتراك في:
تعليقات الرسالة (Atom)
هناك 150 تعليقًا:
الاول يا فرنسسسسسسسسسسسسسسسا
احجز
واعووووووووووووووووود
والله يا فرنسا لو كان اللى فهمته من كلامك صح وان ده قصدك
تبقى بجد هايله
انا فهمت ان قصدك ان الحياه السياسيه دلوقتى محصوره على الحزب الوطنى
يعنى لو انسحبت الاحزاب زى انها لم تنسحب
وان الحياه الحزبيه فى مصر ميته
صح ؟؟
ولكن لى سؤال
ارجوا ان تجيبى عليه
مين السبب فى موت الحياه السياسيه
الحزب الوطنى ام تقاعس الاحزاب ؟؟
ارجوا ان تجيبى بصراحه
مبروك اول تعليق يا رايق
الاتنين يا رايق مشتركين فى موت الحياه السياسيه
بس انا بحمل الحزب الوطنى المسئوليه الاكبر
بما انه الحزب الحاكم
والمتهم الاول باضعاف الحياه السياسيه لمصلحته
ولو كنت جيت من بدرى يا رايق كانوا مسكوكم وزاره الترويق
ههههههههه
تصبح على كادر يا رايق
hwa ta2rebaan 2l 2l 7ezb 2l watany dh ba2a boss masr fl 2a7zab
hal dh ba2a sababou sulta?????
dh so2aly
dy 2wel zeyiara lyia lemoudwana 2l mou7atrma dy we msh 7atkoun 25er mara
ta7yiaty watma 2ashouf 3ndy 3shan tesharafy 2l blog
هههههههه عرضك موتنى من الضحك وفعلا اتنى تنفعى تكتبى سيناريوهات .. ماتجربى بس فعلا السينارويهات الحقيقية كوميدية اكتر من المؤلفة ..
بتوع الوطنى عاوزين فعلا يقضوا على الشعب مش الاحزاب بس .. قال وطنى قال
والحياة السياسية فعلا بقت خلطبيطة كدا وماشية ببركة ربنا ماشية بالمثل الشبابى " عك وليث كله كويس "
عجبنى عرضك للموضوع جدا واسلوبك الساخر رائع احييكى عليه واتمنى تعطرى مدونتى بالزيارة ياقمر ...
استاذتنا
ربنا يبارك في حضرتك
والله عادة الانظمه عندما تصل لحاله مزريه من التخبط والعشوائيه تفقد الثقه في نفسها وتلجأ للتزوير والقهر والارتجاليه كما نري ,وممكن اقول لحضرتكان انسحاب قوي المعارضه ينذر بعواقب سيئه جدا ,ويدل علي مدي التدهور الذي وصلت اليه الشرعيه في البلد
ربنا يسترها معانا
اللهم ومن ولي امرا من امر امة محمد فعسر عليهم فعسر عليه
واللهم من ولي امرامن امر امة محمد فيسر عليهم فيسر عليه
كان هذا من دعاء النبي
ربنا يكرم حضرتك ويعزك
وجزاكم الله كل خير
R.O.U.R.O.U.
طبعا سببه السلطه
لان السلطه ممكن تجزر
يعنى تجيب النبات من جزره
وممكن تراعيه
ولو فعلا الحزب عايز حياه سياسيه مكتمله وراقيه
كان بمقدوره مساعده الاحزاب فى النهوض بنفسها
تحياتى لك
ومرحب بزيارتك الاولى
ayar
هى بركه ربنا موجوده فى كل مكان
بس ياريتها كانت ماشيه ببركه ربنا
دى ماشيا بالخلبطه
والخداع
والفساد
والسرقه
والتحايل
والغش
وياريتها ما تمشى بالشكل ده
الفاتح الجعفري
اخى العزيز الجعفرى
انا ادعوا معك
اللهم اجعل الدعاء من نصيبهم يارب
لاننا بالفعل وصلنا الى حاله مزريه فعلا
وصلنا الا حاله ان يكره الرجل بيته بسبب عدم قدرته على الوفاء باحتياجاته
اللعب بنا يا اخى
جعلنا زى الكوره الشراب
مبننضربشى غير بالشلوت
سياسة
ملوخية
عارفين المكلوخية دى متنفعش من غير طشة
لكن اللى بحصل من الحزب الوطنى دة مش سياسة ولا دياولو دى ممكن نقول كدة لخبطيطة عك أو أى تعبير أخر
دمت موفقة
طال الليل
عموما
هى لخبطيطه
فى عكعكيتا
فى ملوخييتا
فى حورينى يا طيطا
عندك حق كل الحق المشكلة فالحكومة انها تناصب العداء لكل الأحزاب وتعتقل رموزهم ومع ذلك تتشدق بالحرية كل طلعة شمس
ولا حيلة لنا سوى الصبر
بلدنا عزبة من زمااان
وأحنا العبيد فيها
مدونتك جميلة ياقمر
السلام عليكم ورحمة الله وبركاته
طيب يا فرنستي ماقلتلناش
هي الملوخيه كانت بالارانب ولا باللحمة
ولا لاقدر الله بالفراخ اللي فيها انفلونزا
والطشه بتاعها هل كان فيها كسبره ولا سادة
والله يا خالتو شر البليه ما يضحك فعلا
:-)
والله يا فرنسا انت عندك حق فى الخبر الى فى الاول بس كنتى ممكن تزودى الشطه والورد ؟
عشان تحلو
هههههههههههههه
اكتر حاجه تموت من .......... الهم انه البوست بيصور الواقع
وعلى الرغم نم كده كلنا - وان شخصيا - موتنا من الضحك
تفتكرى دا انفصام فى الشخصيه؟؟؟؟
اختي فرنسا هانم المحترمه
السلام عليكم ورحمه الله وبركاته
بعد التحيه
انتي بتهرجي ولا بتتكلمي جد...
الحزب الوطني هو افضل حزب في العالم وهو الاختيار الصحيح والسليم 99.99%
ولو كان فيه عدل كان حكم وتحكم في الدنيا كلها مش مصر بس
كفايه الرخاء اللي انتم فيه والاسعار المرتاحه والحياه المريحه !!
كفايه الميه النضيفه والاكل السليم مش ملوث
كفاية الحرية والانطلاق
كفاية الامل والتعليم والصحة
كفاية الفلل الي انتو عايشين فيها
كفاية كده عشان حرااااااااااااااام
كفايه حزب وطني كفاية
وحيات الغاليين كفاية
ملوخية
قلى ولا تخبيش يا زين
مين اللى عليه الدور
تحياتى
بصى يا حبى هى فعلا محصورة ومزنوقه على الحزن الوطنى وده صح وده اللى بيخططوا ليه
ليه بقى علشان لما الباشا الصغير يمسك عارفين ان الدنيا هتقوم وتقعد فلازم يكسبوا ناس مواليه ليه يعنى كل اللى حوليه يبقى ولائهم ليه فلازم يقفلوا دماغ الناس والداهيه الاكبر بقى انهم بيلهو الناس عن القصه ده بالتخبيطات اللى بتحصل ورفع السلع والحوادث والمصايب على راى المثل الى الكلب بعضمه
وبما انهم نجحوا فأساسا الاحزاب التانيه فى الكليتش من بدرى
والكبار اللى ربنا يسخطهم قرود هما اللى محركين البلد من فتاوى لقاونين وهما نايمين لبلاوى سودا بس مين بقى من الشعب فاهم يا فرنسا هانم يا قلبى واحنا ملبوخين فى بطننا واكلنا والاسعار اللى بتغلى بصى انا ليه وجهه نظر او حلم يمكن بيعمل كده علشان يقفل عهده بالزفت ولما يمسك المقروص ابنه يعدل البلد ويرخص الحاجات وبكده يحبب الناس فى المقروص يمكن يكون حلم انا بحلمه او فهم زياده مش عارفه
سورى انى طولت بس انتى عارفه انتى بتلفى دماغى لفه بنت حلال
جميل
بس الى انا فهمته ان هذه الاحزاب
او نقول الاخوان
ما زالت غصة فى حلق الحزب الوطنى
مهما كانت غصة ضعيفة او قوية
بس اذا حتى مبقتش موجودة
نفتكر هيبقى ايه حالنا
هو والله المفروض كل واحد يعمل على قدر استطاعته وقدر جهده
ومننتظرش من الاخوان او غيرهم
انهم يحرروا البلاد والعباد
اصل الاخوان يعنى او غيرهم عددهم كام
الرك على الشعب بجد اللى منتظر حد يصلح حاله ويعيشه عيشة افضل
ولا ايه
أختى الغالية/فرنسا
تحياتى و احتراماتى لعقليتك العبقرية و يا ليت الأخوان و جميع الأحزاب و جميع أطياف المعارضة تترك الحياة السياسية للحزب الخرب فاقد الوطنية و نتعامل معه كما تعامل المهاتما غاندى مع انجلترا ،فالحزب الغير و طنى إستعمر مصر و علينا جميعا أن نسعى لتحريرها من الأستعمار و لأن الدم المصرى غالى فأنا لا أدعو للعنف بل أدعو لعصيان مدنى عام
يتحدث عنه العالم..
أبو خالد
تحياتي
المجلس بما ان الاغلبية هي الحاكمة المتحكمة فيه فماذا ننتظر....موافقون.
الاحزاب ليس لها اي دور فعال...و كلها عايشة لان رئيس الحزب بيتعين يا في مجلس الشعب او الشوري...لانهم بيسقطوا في الانتخابات...
الوزارة بها بعض الكفأت لكن...الاداء العام المؤثر في الحياة اليومية للمواطن
صفر او تحت الصفر...لان الناس حياتها
بتتدهور من سيء الي اسوء يوما بعد يوم.
تحياتي و تقديري
فكرتيني بحمدي قنديل على برنامجه قلم رصاص على قناة دبي
كان بيتكلم مرة عن الحزب الوطني وقال كلمة عجبتني قوي
الحزب الذي
هزم الأحزاب وحده
يارب تاخد الظالمين
تحياتي يا خالتي
ههههههههههه لا فعلا هانم وست الهوانم كمان أية ياعم الروقاان دا كلو بس بمووت انا فى الأسلوب الساخر مووت دة إستمرى ياهانم من غير فرنسالية متكونيش مصر هانم صحيح؟؟؟
هو فعلا كلامك يا خالتو
احنا ماشين للطريق المسدود بتاع الحزب الواحد
بطه
رائع قوى يا خالتى
جبتى من الاخر
تعرفى انا نفسى فى طشة الملوخية
بس السياسة ليها ناس زى عبده باشا
بصراحة كده كتر الكلام زى قلته عايزين ردفعل ايجابى من الشعب .
لانه هو فعلا اللى حاصل حاليا وفى وجود معارضة والبلد ماسكها اناس لا يفقهون فى الوزرات التى يديرونها فما بالك لو اختفت المعارضة وانسحبت المعارضة
فعلا اتبقى ملوخية ومن غير طشه كمان
يعنى لاطعم ولا ريحة ..
تحياتى يا خالتو
طيب بدل ما المعارضه واقفه فى زور الحكومه كدا ما تنزل معدتها واهو هينبها من الحب جانب ويريحو دماغهم
السلام عليكم يا اخت فرنسا الموضوع جامد كالعادة و فعلا بيقسموها كدة وشكرا
السلام عليكم يا اخت فرنسا الموضوع جامد كالعادة و فعلا بيقسموها كدة وشكرا
والله مش عارفه اقول ايه
بس هي البلد اصلا خلاص خربت
تحياتي
وتحيا مصر للكوسه والملوخيه
كلاكيت تانى وتانى
هى لعبه قط وفار
ولكن غير متكافئه
وغير عادله
تحياتى لكى
انا كنت عايزه اطمئن على اخبارك
طمنينى عامله ايه ؟
أم أحمد
يبقى احمد عرابى كان عنده حق فى كلامه
ولازم نقول نفس الكلام للحكومه
خمسة فضفضة
لا دى كانت ملوخيه اورديحى خالص
يعنى من ميه الحنفيه الملوثه كمان
تحياتى يا دكتوره
صوت من مصر
لا يا عسل
الشطه بره
زى الشاى سكر بره
كل واحد يشطشط براحته
بطوط حبوب
هى الكوميديا السوداء كده
تضحكنا على اللى بيبكينا
سبحان الله
خايف من الحقيقة
تااااااااااااانى كفايه
انت معرفتش مش الصرصار اكل حركه كفايه
الطائر الحزين
الدور الدور الدور
لما الدور يلاجى نصيبه يجوله ولا يخشاش رقيب
انت معارض ولا هليب ويوم الجمعه نشوفك فين
appy
هو فعلا السيناريو ده اللى هيحصل
وهيمسك الحكم جمال
لكن هينزل الاسعار
على رأى الرايق
نو
نو
نو
تحياتى لحبيبتى المنفوشه
فى الحق
امام الجيل
لكن السؤال اللى وراء السطور فى التدوينه
تفتكر لو الحكومه دلوقتى عايزه تعمل مشروع او قانون او تبيع اى حاجه حد هيقف فى وشها
الدستور اتغير
وكل قوى المعارضه والشعب الواعى مش موافق عليه
الله عليكي يا خالتي يا رايقة انتي
ايه الحلاوة دي .. راااااااااااااااااائع فعلا تسلم الايادي
وبكل أسف ك لكلمة قولتيها مش مجرد تصوير كوميدي للوضع الحالي لا .. ده اللي بيحصل فعلا محدش فاهم اي حاجة وكله بيعك وبتيجي على دماغنا احنا
ربنا يستر
أبو خالد
احيك اخى ابو خالد على تشبيه الوضع الحالى بمقاومه المهاتما غاندى لانجلترا
فالمهاتما غاندى عاد الى الهند بعد رحلته الى جنوب افريقيا
وقرر مقاومه الاحتلال من منطلق عدم التعاون معه وعدم شراء بضائعه
حتى كانت حادثه الملح المشهوره
التى تشبه حادثه الحديد عندنا
حين منع الاحتلال الناس من شراء الملح المحلى واجبارهم على شراء الملح الانجليزى
فما كان من غاندى الا انه توجه دون عنف فى مسيره ضمت الالاف الى البحر
ليعلن ان البحر ملك للجميع
وللعلم
حان الوقت لنذهب الى الجبل
فالحديد ملك للجميع
الربان
ايه فائده الكفاءات مادام المؤشر العام صفر او تحت الصفر ؟؟
يبقى الغير كفاءه احسن بقى
صاحب المضيفة
الله اكبر الله اكبر
ولله الحمد
الله اكبر كبيره
كل سنه وانت طيب
على فكره تعليقك
بجد ضحكنى
وبكانى
دعاء مواجهات
انا مبسوطه ان اسلوبى عجبك رغم ان اخر التعليق انا مفهمتوش
تحياتى لكى
دعاء مواجهات
انا مبسوطه ان اسلوبى عجبك رغم ان اخر التعليق انا مفهمتوش
تحياتى لكى
بطه
ربنا يستر
همس الاحباب
لا اصحى مع خالتك كده
ولا اقول لبولو
المره الجايه يعملها بلاطه
انا قصدى ان وجود الاحزاب بقى زى غير وجودهم
يعنى لو ابتعدوا عن الساحه
هى هى
خربانه خربانه
هما ماتوا
لكن السؤال
هما ماتوا بفعل فاعل ولا بتقاعسهم ؟
تــــايه ومش تـــايه
خلاص المره دى تنزل
لكن هنفرح لما هينوبها من الحب جانب
يعنى انت موافق
ان الحب يتوزع زى ايام مغاره على بابا ؟
رئـــــيسـة حزب الأحلام
شكرا لتواجدك يا ريسه
دينا حامد
والله كلامك جميل جدا جدا
تحياتى لكى
The Queen
والله يا ملكه
هى الكوميدا السودا كده
بتشاور على الحقيقه المحزنه باسلوب ساخر يبكى ويضحك
تحياتى لملكتنا العزيزه
والله انا خايف علي العجله بتاعتك
هتتاخد فطيس
اكتبيها باسمي بقي
عشان محدش ضامن الظروف
انا الحمد للة بخير فقط مشكلتى اننى لا احب النهايات المعلقة ولا أستطيع الحياة الا فى جو من الحب والأهتمام ويؤلمنى بصدق أضطرارى لأنهاء تجربة أو شخص من حياتى وهذا ما يحدث حاليا
ع اية حال دائما اقول الله معى الله يرعانى
اشكرك لأهتمامك
mohand
العجله تحت امرك
ولو انى كنت ناويه
اكتب فى الوصيه
انها تتباع
وبتمنها
نعمل محطات تنقيه مياه الشرب
ونسدد ديون مصر
وننمى الثروه السمكيه
والثروه الحيوانيه
ونعمر الصحراء
وننشىء خمس مدن جديده
والباقى
تعملوا جايزه فرنسا هانم
زى جايزه نوبل كده
وياخدها المواطن اللى بيعرف يشترى عيش من غير مطاوى
كلاكيت تانى وتانى
وانا سعيده بقوتك
وادعوا الله ان ينصرك
ويوفقك
ويرعاكى
اللهم امين
تقبلى صداقتى
اختك فرنسا
مش خالتك بقى
طيب يا حبيبتى ما هو اللى بيحصل دلوقتى
هو حد بيقدر يقولهم ربع التلاتة كام بيغلوا اسعار ويعملوا اللى هما عايزينه وباقى الاحزاب ايديها فى الفريزر المهم الكرسى والسلطة وخلاص
انما حد يقول لاء هيهااااااااااااااات
تحياتى يا جميله
موافقــــــــــــــــــــــه هههههههههههههه
بص يا سيدتي كلاكيت للمرة المليون
الشرطه في خدمه الحزب
أي خدعه
مش معقول يا فرنسا ... انت عقليتك غاية فى الابتكار
أنا قرأت أول التدوينة و اتخضيت .. و افتكرت الموضوع بجد .. بس لما أدركت فكرة الموضوع بصراحة كنت عايز أسقف (أصفق) .. مية مية
بس بما إنى زملكاوى .. فأنا أؤيد بشدة إلغاء اللون الأحمر .. مش بس العربيات المرسيدس الحمرا .. لأ .. و كل ما لونه أحمر خصوصا فالنات الكورة و كمان اللى بيلبسوا الفالنات دى.. يمكن ربنا يكرمنا و نكسب بقى و ألم شوية من كرامتى اللى اتبعزقت بين أقدام أصحاب القمصان الحمراء .. و آخرها الماتش اللى كان من كام يوم و شوفت فيه النجوم فى عز الضهر
والله يا فرنسا هانم يا ختى لو كان على رحيل الاحزاب هى اصلا مرتحله
منغير ما حد يرحلها
اما اللى معطل المسيره
ومحسس الناس بأن الحكومه مقصره
فهو انت وامثالك
فعلا انتوا لا تقدرون ما تفعله الحكومه لكم من مشروعات وخدمات
وتنسون كل هذا وتتذكرون للحكومه مساوءها
كل بلد ياهذا فيها حكومه لها نجاحات ولها اخفاقات
انظروا جميعا الى محاسن الحكومه قبل ان تنظروا الى اخفاقاتها
انظروا الى المجهود المبذول من جانب الوزراء والمسئولين عن الحكومه
انظروا الى المستشفيات التى تقدم العلاج المجانى
انظروا الى التامين الصحى الذى يخدم الملايين ويكلف الدوله المليارات
انظروا الى المشروعات العملاقه التى انشأتها الدوله
انظروا الى مشروعات مترو الانفاق
وتصوروا كيف الحال بدون هذا المشروع العملاق
انظروا الى المد العمرانى فى كل المحافظات حتى بدءت الصحراء تتأكل من حول المدن
انظروا الى اعدادكم التى وصلت 80 مليون نسمه
تتكفل الحكومه فى توفير متطلباتهم الاساسيه
انظروا الى الدعم المقدم للخبز
انظروا الى من ظهر بينكم ياخذون هذا الدعم ويطعمونه للحيوانات وفى النهايه تقولون الحكومه
انكم بافعل شعبا لا تريدون الحياه الكريمه
فانتم تعيشون فيها ثم تتسألون اين هى
انتم يا مدام فرنسا هانم تريدون من يحضر الطعام اليكم ويفتح افواهكم ويطعمكم
حتى انكم تتمنون ان يساعدكم فى تحريك اسنانكم
ثم تنتظرون ان يقوم باحضار الماء ليغسل لكم ايديكم الكريمه
انتم تتوهمون
فرنسا ياختى
سيبك من هذه الخزعبلات
وانظرى
كيف تتحدثين
وانظرى كيف تكتبين
وتحرى الصدق فى كلامك ومعلوماتك
فان مدونتك من المدونات المشهود لها بحب الناس
فلا تجعلى هذا الحب يلهيكى عن الواقع
وانظرى امامك نظره جيده لتتحسسى طريقك
وتعرفى هل انتى على ارض صلبه
ام تتهاوى الارض تحت اقدامك
ارجوا الا تتهاوى الارض تحت اقدامك
وارجوا ان تقفى على ارض صلبه بدون وهم فقط ارجو ذلك
بصراحة انا مافقة على كل الكلام ده........بس عندي اعتراض على وزير الأوقاف انا اعرف واحد في موقف تاني ممكن يكون احسن........وربنا يكون في عون وطني في ظل الوطني
أجمد حاجة فى البوست
إسقاطاته
كاتبة متميزة يا فرنسا هانم
لازم الموهبة دى تتنمى بجد
Desert cat
هو ده اللى انا قصداه
ان كل حاجه بتحصل فى غياب المعارضه
يعنى لو الساحه خلت للحزب الوطنى مش هنلاقى اكتر من اللى بنشوفه دلوقتى
يعنى الساحه فعلا خاليه
مين بقى السبب ؟
الحزب الوطنى بسبب فرض سيطره الحزب الواحد ؟
ولا الاحزاب بسبب تقاعسها ؟
maryooom
اكشن
تحياتى لك
بدون خدعه
ومرحبا بزيارتك الاولى
ابن حـجـر الـعـسـقـلانـى
تحياتى لك يا عسقلانى
وشكرا على كلامك الجميل
اما بالنسبه للزمالك
انا اهلاويه ومتعصبه كمان
لكن عايزه الزمالك ياخد الكاس
حرام 4 سنين محروم يا عينى
وبعدين نحس ان فى منافس لينا
علشان لما نغلبكوا زى العاده نحس اننا غلبنا فريق قوى
اما الان
وفى حالتكم الصعبه دى
لما بنغلبكم برضه كالعاده الفرحه بتبقى رثاء على حالتكم الصعبه
ماترحوا تكشفوا على الفريق !!!!!
غير معرف
تحيه غاليه لقلم معارض
ومرحب بيك فى مدونتى التى انارتها بوجودك
وكان هذا النور سيكون اشد انبهارا لو قلت لنا على اسم حضرتك
على العموم
غير معروف مرحب مره اخرى بك
اذا اردت يا سيدى العزيز ان تقيم الوضع بصوره حقيقيه انزل الى الشارع وانظر الى الوضع الراهن باعين المواطنين
لان عين المواطن العادى هى الترموميتر الاول والاخير فى قياس قدرات الحكومات ومدى نجاحها غلى ارض الواقع
سيدى
الم يتنامى الى سمعك مدى الذل والقهر الذى يعيش فيه المواطن حاليا
ارتفاع الاسعار بصوره جنونيه جعلت الكل يكل ويتألم تحت وطأتها
انت تحدثت عن العيش وان هناك من يسرق الدعم
انا كمواطن ما ذنبى فى هذا
انا اريد خبز لاولادى
بالمناسبه انا لست مدام
وكلمه اولادى لانى اتكلم بلسان المواطن العادى
كنت اقول انا مواطن اريد الخبز لاولادى هل من المعقول ان اذهب الى الفرن لاقف ساعات طويله واتعرض لضربات وهانات وربما يصل الامر الى الموت كما حدث فى عده اماكن ؟
بالطبع لا
وهذه مسئوليه الحكومه
الحل ايه ؟ لا تسأل المواطن عن الحل
المواطن ليس مسئول حكوميا ليجيب عن الحلول
المفروض ان المسئولين هم من يجدون الحل
ومن لا يستطتيع ايجاد الحل لا ينبغى ان يكون مسئول
ثم تحدثت حضرتك عن التأمين الصحى والمستشفيات
ومترو الانفاق والامتداد العمرانى
ونسيت ان تتحدث عن الخدمه داخل المستشفيات والتأمين الصحى
ما فأئده وجود 80 مليون مستشفى فى مصر
دون خدمه مميزه
المريض داخل المستشفى اصبح يشترى معظم العلاج من خارج المستشفى يعنى بقت لوكانده مش مستشفى
ثم التأمين الصحى
يكفى ان تذهب فى نزهه سريعه الى التأمين الصحى لترى مدى المعاناه التى يتكبدها الملايين الذين يتمتعوا بعلاج التأمين ويكفى ان حاله كانت لقريب لنا اصيب بجلطه فى المخ وقاموا بعمل اشعه مقطعيه له
واستلزم الامر عمل اشعه بالرنين المغناطيسى
فاتصلوا بالقاهره واخبرونا انهم حجزوا له بعد عشره ايام!!!!!!!!!!!
وكان المريض فى حاله متأخره
وبعد عمل محاولات مضنيه تم تقديم الموعد الى اسبوع
ورحل المريض عن عالمنا قبل الاسبوع
هذا هو التأمين الصحى
اما الامتداد العمرانى واستصلاح الصحراء
فاقول لك سيدى الكريم
مره اخرى انا مواطن اريد توفير المتطلبات الاساسيه
يعنى هيفدنى ايه مشروع مترو الانفاق
وانا فى محافظتى مفيش حتى كوبرى
وبعدين من ناحيه اخرى
مترو الانفاق جاب مصاريفه وذاد كمان
يعنى الدوله مش بتمن علينا بيه
لا
اللى بيركب المترو بيدفع تذكره
يعنى مشروع اقتصادى
ثم تاه من سيادتك ان تعرف ان الشعب يتسأل عن المرحومه شفافيه
هل ماتت
ام قتلت
ام غرقت فى البحر
والمرحومه شفافيه مفروض لو عايشه تقول لنا فلوس الدوله اللى اتباعت فين
واخيرا شكرا على النصيحه الغاليه
وشرفت المدونه
وتحياتى لك
دواير
طالما تبع موقف يبقى هو عز الطلب
تحياتى لكى
جمعاوى روش طحن
اشكرك جدا يا جمعاوى
وادينى بنمى فيها بس انتوا استحملونى
السلام عليكم ورحمة الله وبركاته
فرنستى الجميله
كالعاده دائما تدوينه فى الجون
بما ان الاهلى حديد وركبه حديد
تدوينه غايه فى الروعة
لنا الله يا اختاه ولينقذنا مما نحن فيه واملى ان يكون عما قريب
اما بقى بجد عجبنى جدا ردك على كلام
الاستاذ من غير اسم
غير معروف
كلام مسبق بالوثائق والدلائل
بجد كل ما ذكرتيه حدث بالفعل ويحدث كل يوم
افحمتى من يتحدثون بلسان الحكومه
سلامى لك يا قمر
الاخت فرنسا عجبنى جدا ردك الهادى
وهذا يدل على ان حوارنا سيكون راقى المستوى
ولا اخفى عليكى سرا اننى دهشت من رباطه جأشك
سنخل سريعا فى الموضوع حتى لاتتوه منا الافكار
وربما تتبعثر فلا نستطيع تجميعها
اعلم ان الوقت متأخر ولا اعرف ان كنتى موجوده لتردى ام لا عموما هنشوف
الاخت فرنسا هانم
اولا تحيه للمعلقه التى سبقتنى التى تقول انى متحدث حكومى
ماعلينا
لها وجهه نظرها وان كان يشرفنى ان اكون متحدث حكومى
كل ما ذكرتيه يا اختى فيه شىء من الصحه
لا اقول صحيح
ولكن اقول فيه شىء من الصحه
ولكن ما المطلوب من الحكومه ؟
هل مطلوب منها توصيل الخبز فى ورق سلوفان للمواطن ووضعه على الطبليه المبجله بتاعت حضرته
هل مطلوب منها انه بمجرد حضور المواطن يقوم الجميع بالهروب من امام المنفذ حتى يتسلم سيادته حصته المقرره
طيب يا ستى ما كل الواقفين مواطنين
انا شايف اننا نعمل فرن خاص لكل مواطن
بالتليفون يا خد العيش بتاعه
وكمان يطلب فى المقايسه بتاعه الطلب للرغيف ابو شلن
ان كان عايزه سوى ولا نص سوى
عايزه عادى ولا محمص
عايزه طويل التيله ولا قصير التيله
عايزه على قفص ولا فى علبه جاتوه
انا مش بتريق
وارجوا انك متزعليش من كلامى
الموضوع بجد خطير
وشائق
واكبر من ان يحل فى مدونه او صحيفه او حتى كتيبه الاعلام كلها
فى معادله
عايزين نحلها
بهداوه وبموضوعيه
العيش بسعره الحالى اقل تكلفه من علف الحيوانات
على طول المربيين هيشتروه وهيأكلوه للحيوانات
يعنى بقى مطلوب من الدوله تأكل مين المواطن ولا الحيوان ؟
والدعم هيروح لمين للمواطن ولا الحيوان ؟
وبعدين يا انسه
اسف ان قلت فى التعليق الماضى يا مدام
الدوله مش هتمشى وراء كل واحد اشترى عيش وتعرف العيش راح فين
حليلى انتى المعادله دى لو تعرفى
صدقينى هتوهى فيها
علشان كده بنقول
وبنكرر
مفيش داعى نلقى بالتهم جزافا
تانى حاجه
موضوع المستشفيات
عارفه المواطن بيدفع فى المستشفى الحكومى كام
جنيه واحد
يتم الكشف عليه واعطائه علاج وادويه ربما تصل الى 40 و50 جنيه
وفى النهايه تطلع الدوله مبتعالجشى المواطنين
وفتحاها لوكانده
لاء
والف لاء
الدوله تبذل اقسى ما فى وسعها لراحه المواطن وعلاجه وتوفير الامن والامان له
وعموما
مره اخرى
احييكى على سعه صدرك للنقاش
والسلام عليكم
الله اكبر
طشه الملوخيه
ياسلام ياسلام
تعرفي انا هعمل ملوخيه بكره بقي خلاص ماانتي فكرتيني
اما الحياه السياسيه فوجعت بطني
ولا علي ايه دي بقت حامضه اوي
اما اروح اجيبلي حاجه اكلها بقي
سلام يافرنستي
بوست رائع كالعاده
السلام عليكم
أسلوبك متميز كالعادة
بس حكاية حل الأحزاب دي حقيقه ولا إيه ؟
والله يبقوا رجاله لو عملوها بجد
ماهي محصله بعضها .
بوست متميز يا فرنسا
بس أهو المعارضة بتقارف الحكومة على قد ما تقدر بدل ما يستريحوا و يأخدوا راحتهم فينا على الآخر
و لو انهم مستريحين دلوقتي برضه بس نص راحة
أما الأخ الغير المعرف اللي شايف الحكومة ميت فل و أربعتاشر فانا مستغرب الصراحة هو منين و عايش معانا في البلد دي و لا ايه ؟
الحكومة و نظام الحكم ككل فاشل في التخطيط و الإدارة و التنفيذ
و به نسبة فساد مالي و اداري عالية
و تقارير الجهاز المركزي للمحاسبات تشهد
دى اول مره ازور مدنتك وم هتكون اخرمره وهكون متابعه بس بجد لو الناس اللى انتى اخترتيهم للوزاره دول كانوا ممكن يحسنوا البلد احسن من كده على الاقل هنقول سعتها ناس غلابه انما دلوقتى هنقول ايه
انا بقلك وحشتينى جداااا يافرنسا
وموضوعك الجديد تحفه اكيد لانه منك
عايزاكى تدخلى عندى وتقليلى رايك فى الفكره الجديده
مووووووفاجاه
فرنسا هانم
وجود الاحزاب او انسحابه لن يصنع الفارق من يوم ما السادات عمل المنبر الواحد ورجع الحزب الوطنى والبلد بتدور فى حرم الحزب الوطنى بس دون خروج عنها الا بالقدر الى بيسمح بيه رجال الحزب االوطنى
موضوع الاحزاب ما هى الادكاكين او برفانات ذوقه بتجمل المظهر السياسى فى مصر من زمان اتوفت اكلينيكيا ومكنتش بتعمل او حتعمل حاجه
الاخوان المسلمين مش فارقه اساسا لانى الاخوان المسلمين مالهمش برنامج محدد للاصلاح بصوره تقبله عقل انا بتكلم على برنامج مفصل محدد فى كل الاتجاهات وده الى بيخلى نخبه الشعب او المثقفين بعيدين عن ديرتهم
الحل للخروج من الشرنقه دى انى العنصر الوحيد القادر على احداث الفارق يتحرك وهو احنا الشعب
اذا الشعب يوما اراد الحياة فلا بد ان يستجيب القدر
مع تحياتى
ابشرك قرار الوزراه البوست الجاى ان شاء الله
عزيزتى
ده خبر كويس
اصل باين الناس مش عجبها الاخوان وبيقولوا عملوا ايه لما دخلوا مجلس الشعب
احنا اللى نستاهل ناخد على دماغنا طالما مش بيعجبنا اللى بيعارضوا الحكومه وعملا ليهم الرعب
بس متاكده من الخبر يا فرنسا هانم
سلام
معلش ستي فرنسا
هاستأذن حضرتك في رد
بس أولا أنا باتابع مدونتك حضرتك وبأسجل اعجابي وأزف تحياتي لحضرتك
ليس من حقي التعليق في مدونتك علي تعليقات ضيوفك وأشعر أنها تخطي لحدودي كقارئ
وأتمنى لو يضايق حضرتك ، تحذفي هذا الرد والتعليق ولن أزعل بل أكون أيضا شاكرا لحضرتك
هو رد علي الاستاذ الغير معرف
الأستاذ الفاضل
غير معرف
تمنيت الا تستهل كلامك بجملة أنت وأمثالك لأنها أوحت لي بمعاني كثيرة
ولن أقول لحضرتك يا هذا كما قلت للاخت فرنسا هانم ولكن يا استاذ هيا بنا ننظر الي ما تتحدث عن مزاياه ونحن في بلد يحكمها دستور وبموجبه كباقي دول العالم فان التأمين علي الصحة واجب حكومي يوازيه واجبات الافراد بدفع الضرائب وخلافه لكن الدولة حينما تتحول لدولة جباية وتأخذ كثيرا ولا تعطي بل تمن علينا هنا يجب ان نأخذ وقفه لنراجع الاوضاع
فالوزراء سيدي الفاضل المناضل ليسوا ورثة لنا انما كما في كل دول العالم فالوزراء اجراء بأموالنا لادارة البلاد وشؤن العباد فان أحسنوا فيأخذوا أجرهم وان اساءوا فيتم استبدالهم وان تربحوا من وظائفهم فالسجن مصيرهم
والسيد وزير التضامن وأعرفه جيدا كما أعرف تاريخه فهو بلدياتي تقريبا وقع في المحظور وبدأ يقذف الكرة في ملعب غيره ويلقي بها تارة في ملعب المحليات وتارة لوزارة الزراعة وكلهم يتهربون من المسؤلية فان ثقلت عليهم فيوجد غيرهم وأكفأ منهم اما التحجج بحجة الاكل والدعم يذهب للحيوانات فهي حجة مردودة فما فائدة الدولة اذا !
ولماذا لا تستطيع السيطرة علي رغيف الخبز من الذهاب لغير مستحقيه وتسيطر علي الاصوات الانتخابية بكل كفاءة واقتدار الا تذهب لمستحقيها وكيف لحكومة الكترونية وكله بالقانون ولديها جعبة الحاوي من القوانين الاستثنائية والغير استثنائية الا تسيطر علي هذا الامر .
بل قل لي بربك من سيقف امام فرن عيش خمس ساعات ليأخذ بجنيه خبز ثم يضعه امام الحيوانات ، واعتقد انه قد يضعه في متحف ليعلن فوزه
هل مشكلة رغيف الخبز تحتاج لتدخل جهات سيادية للسيطرة عليها !!! اجتماعات لرئيس الجمهورية وتدخل من الجيش والشرطة ورئاسة الوزراء ووزارة التضامن الاجتماعي والزراعة والمالية والحكم المحلي والاستثمار والمحافظين ورجال الاعمال ؟
هل تتخيل ان المشكلة الحالية هي في كيفية وصول بجنيه خبز لكل منزل ؟
فقط كيفية وصول هذه الكمية الرهيبة للمنازل
نعم يجب ان ننظر للتأمين الصحي وضحاياه والمشروعات العملاقة التي كلفتنا المليارات مثل توشكي وفوسفات ابوطرطور وغيرها وقد كلفتنا مليارات من جيوب السادة الوزراء لينفقوها علي الناس اللي مبتحسش زينا
لازم ننظر للمستشفيات اللي مدخلهاش مسؤل للعلاج بل كل مسؤل يسافر علي نفقة الدولة للعلاج بالخارج ونحن فقط من يذهب ضحايا هذه المستشفيات لتقليل عدد السكان
نعم لابد ان ننظر لمترو الانفاق واسعار التذاكر اللي كل يوم في الزايد ومشاكل المترو وأعطاله وتذكر ان فرنسا ادارته عدة سنوات حصلت خلالها تكلفة انشاؤه ونسبة المد العمراني في الاراضي الزراعية وال 80 مليون اللي الدولة واخدة بالها منهم واحرقتهم في قصور الثقافة وفي القطارات واغرقتهم في العبارات ورمتهم في الجو من الطيارات ومدافعتش عنهم وسرطنتهم وطفشتهم برة حتي اكبر العلماء المصريين طفشوا
موضوع الرغيف ابو شلن والمستشفي ابو جنيه ده بسب المرتب ابو مائة وخمسين جنيه والضرائب اللي علي ابو خمسمائة جنيه والجمارك اللي علي السعيد العائد من الخارج وقناة السويس اللي مات فيها اجدادنا والسياحة اللي هي تراثنا وحاجات كتير بس من الانصاف ان حضرتك متنساش ان السادة رجال الاعمال الوزراء والمسؤلين كل في دكانه وشركته بياخد اضعاف اضعاف كده فالاستاذ هشام طلعت مصطفي اخد المتر بربع جنيه وربنا يباركله شغال تمام واحمد بيه عز وباقي المجموعة يمتلكون 40 مصنعا بياخدو دعم طاقة فقط ب35مليار و400مليون سنويا وشركات الاسمدة اشترت الغاز بأسعار زمان وبتبيع لنا بسعر بكرة في البورصات الغنية
نعم قضية الدعم تحتاج لاعادة النظر
ملف الصحة يحتاج لاعادة النظر
ملف رغيف الخبز يحتاج لاعادة النظر
وجود الحكومة يحتاج لاعادة النظر
أما تهديدك ووعيدك لفرنسا هانم فهي قادرة علي الرد وان كان ردا جميلا فهذا شأنها
يمكن ان احيلك لمواضيع موثقة بالارقام
نعم بالارقام الرسمية من الدولة التي تدافع حضرتك عنها
اتمني ان تراجع انجازات الحكومة من تقارير الجهاز المركزي للمحاسبات تقارير مجلس الشعب
معلش سامحيني متزعليش الموضوع طول مني مع اني اجتهدت اقتصر ويمكن حضرتك تحذفي منه او تحذفيه كله
أكرر أسفي واعتذاري
اختى العزيزه فرنسا هانم
انا غاظنى بجد تعليق الاخ غير معروف
وغاظنى اكتر تعليقه التانى على ردك
وانتى كمان غيظتينى
لايمكن اختى ان نسمح له بمثل هذه التهديدات هنا على صفحات مدونتك
من يكون هو حتى يهدد ويتوعد ؟
من يكون هو حتى حتى يتكلم بالسن لاناس خرساء ؟
ثم ما هذا الهراء الذى يتحدث به ؟
هو يعنى من بين ال 80 مليون اللى بيعانوا ..هو اللى شايف الحياه لونها بمبى
يقولى جنيه للتذكره و40 جنيه تمن العلاج اللى المواطن بياخده ببلاش
اقوله يا سيدى هو فى وزير بيصرف علينا مليم من جيبه
هى الحكومه بتصرف علينا من جيبها
امال دخل السياحه وقناه السويس اللى وصلت 21 مليون دولار فى يوم واحد بتروح فين
ولا المصانع واراضى والشركات والهيئات اللى باعتها الحكومه راحوا فين
وبعدين طيب لما احنا بنشتغل لغايه سن الستين سنه بتاخد مننا الحكومه ضرايب وتأمينات
طيب ما التأمينات دى هى فلوسنا اللى دفعناها طوال مده خدمتنا فى الحكومه
يعنى مش ببلاش
ومفيش حد بيمن علينا فى حاجه
وبعدين ياسيدى موضوع العيش ده
بتطلب مننا احنا الشعب نحلها
ياسلام
طيب امال الحكومه لزمتها ايه ؟
هى لما بتتزنق تقول الحقونى
ولا لما حد يزنوقها تقوله ورينى جدعنتك
وحل انت الموضوع
لا ..مفروض ان الحكومه تحل مشاكلها بنفسها
ومترميش الكوره فى ملعب الشعب
تحياتى اخى فرنسا
واسف على الرد
رغم انى عارف انكى تستطيعى الرد واكثر
اولا اخوانى الاعزاء اعذرونى لسه جايه بنار الفرن
قصدى بهدوم الشغل لسه مغيرتش
لقيت الجو عندى متكهرب شويه
قلت ارد وارجع اطش الملوخيه علشان الغداء
ام الابناء
الغاليه على قلبى ام الابناء
نورتينى بجد
ومتتصوريش انا قد ايه بفتقدك لما بتغيبى
عموما
يحيا الاهلى
اما الاخ غير معروف
شفت ليه تعليق تانى وهارد عليه
رغم ان فى ناس قاموا بالواجب وانا مش قاعده
تحياتى لكى يا قمر
غير معروف
ياسيدى شكرا على ذوقك
وانا بتكلم برباطه جأش لانى اخاف الله واعرف حدوده ولا اتعداها فيما دون ذلك لا اخاف واكون رابطه الجأش لان الروح لا يأخذها الا صاحبها وخالقها ومولاها
تانى حاجه
انا حاسه ان فى كلامك اسلوب تهكم على المواطن المصرى
هو حضرتك برضه مش من نفس الجنسيه بتاعتنا
ولا انت درجه اولى ممتاز واحنا ترسو
الحياه يا هذا مثل الكره تماما لا تتوقف عن الدوران
حتى الكره الارضيه لا تتوقف عن الدوران
الكواكب والاقمار حتى النجوم العملاقه تولد لتعيش ثم تموت مره اخرى
اذن كل شىء لا يتوقف عن الدوران
ولا تعتقد ان حالك سيظل كما هو
وان اعتقدت هذا للاسف ستكون واهما
لان دوام الحال من المحال
احنا مش بنطلب ورق سلوفان ولا علبه جاتوه للعيش
احنا بنطلب العيش بس
بنطلب ناكل
بنطلب ان نذهب الى الفرنه لكى نشترى رغيف الخبز فلا نقتل
نطلب ما يسد رمقنا فقط
ثم المستشفيات
والتامين الصحى
هل انت راضى عن مستوى الخدمه فيهما
بذمتك راضى ؟؟؟؟
قبل ما تجاوب خد لك لفه هناك وشوف بعينك وبعدين جاوب براحتك
تحياتى لك ضيف عزيز
بدون تهديد
فلا يؤله انسان مهما علا شأنه
عاشقه الفردوس
استنتينى بعد ما قمت امبارح ورحتى تاكلى
تصدقى انا كنت جعانه
وماليش نفس
يمكن لو كنت قريت التعليق ده كنتى فتحتى نفسى للاكل
عموما
نورتينى
علاء سالم
انت جاوبت على نفسك يا استاذ علاء
هى طبعا مش حقيقيه
لكن انت قلت ايه ؟
هى محصله بعضها
تحياتى لك
مهندس مصري
انت طمنى ايه اخبار السفر اولا ؟
وبعدين غير معروف انا فعلا مش عارفه هو بيتكلم باسم مين
ده حتى الحكومه بتعترف ان فى فساد
بصراحه مش عارفه لكن ده رايه وهو حر فيه
rona
شرفتينى فى اول زياره لكى
وياريت تتكرر
السلام عليكم ا
اخت فرنسا الغير معرف دة اكيد وزير هودة كلام الوزراء ياخت الدولة عاملة اللى عليها واحنا شعب مدلل عاوزين ضرب الجذمة وشكرا
فعلا يخالتى الحزب الوطنى هو المسؤول الاول عن موت الحياه السياسيه وذلك لان الحزب الوطنى يثق فى كره الشعب له وبالتالى لا يدع مجال لاى حزب او جبهه سياسيه تظهر على الساحه
تحياتى ليكى
حبة حاجات (ايمان
حمد لله على السلامه يا ايمان والله وحشانى جدا
انا سعيده جدا بعودتك
ونورتى مكانك ومطرحك
خالتك فرنسا
رئيس جمهوريه نفسى
هو ده رايى يا ريس
الحال بوجود الاحزاب ومن غير الاحزاب واحد
لان مفيش قانون عايزاه الحكومه وحد بيقدر يعرقله
او يمنع تشريعه
وده ممكن يكون انتصار زائف للحكومه على الحياه السيسيه المنعدمه
تحياتى ياريس
احساس لسه حى
متاكد انت انك قريت التدوينه كويس ؟
لو قريتهابعين المدون هتعرف انى اعيب الحكومه قبل ما اعيب الاحزاب
تحياتى
صحفى مصرى مشاغب
شرفنى تواجدك فى مدونتى وشرفنى ردك على الغير معروف
وانا لاامانع ابد ان نتشارك جميعا فى الحوار
طالما الحوار فى مستوى راقى وعقلانى كما تفضلت حضرتك
شكرا على تكرمكم بالرد عنى
وعن جميع ابناء الشعب المصرى
تحياتى لك
عبده الرايق
اللهم صلى على النبى ايه يا عم عبده يا رايق التجلى والروقان ده
لا انا كده اقعد وارحرح
طالما فى ضهرى رجاله تاكل الحديد وتقرقش الظلط
تحياتى لك اخى عبده الرايق
رئـــــيسـة حزب الأحلام
وزير ولا غفير
كله محصل بعضه
لكن الناس دى فاكره انهم مخلوقين من طينه نضيفه غير طينتنتا
بحبك يامصر
عندك حق
علشان يتفرغ لنفسه
ويلبس توب البلد لوحده واحنا نمشى عرايا
أختى العزيزة /فرنسا هانم
زاد لكى إحترامى و تقديرى كونك عزيزة بالله و أعجبنى أسلوبك فى الرد على الأخ الفاضل الغير معرف و كنت أتمنى من الله الا يلجأ لاسلوب التهديد و الوعيد و أسلوب القهر لأن من يملك الحجة و الحق يجب الا يلجأ للترويع ..بل مقارعة الحجة بالحجة بأسلوب راق طالما نحن جميعا فى قارب أسمه مصر أما المزايدات و المهاترات فلا و قت فى عصرنا هذا لها ثم ما هو المطلوب منا كشعب أن نستمتع بإعلانات التليفزيون المستفزة عن المدن الجديدة و المجتمعات العمرانية الخاصة بالمماليك الجدد..ما المطلوب منا بعد ما قدمنا لوطننا من تضحيات و شهداء
ما المطلوب منا و نحن نعيش بدخل ثلاثة دولارات فى اليوم على تقدير
ما المطلوب منا و قد عاد مجتمع النصف فى المائة
ما المطلوب منا و أولادنا لا يجدون و ظائف بعد ما صرفنا الغالى و النفيس على تعليمهم ما المطلوب
ثم أخى الغير معرف من أنت بالله عليك ألست و احد من هذا الشعب لما التعالى يا أخى على خلق الله ،
أختى العزيزة فرنسا أنا معك إلى نهاية العمر فلن يأخذ الروح إلا الله سبحانه و تعالى..أسف على الأطالة .
أبو خالد
ماشي في الإجراءات يا ستي
خلصت كل الورق و الكشوفات و التحاليل و خلافه و حأودي الورق كله لمكتب السفريات بكرة ان شاء الله
يعني قولي الفيزا تطلع في خلال اسبوع و نسافر بعدها علطول
دعواتك
:)
ههههههه
هو ده الهم اللى يضحك والله
وفعلا كلها مسميات بس محدش عايز يتحرك الناس دى هتتحرك امتى متعرفيش
تحياتى ولاء
فرنسااااااااا
انا اتاخرت اوي بس انا النت كان فاصل عندي
ياشماته الرايق فيا
هما دقوا المحشي ولا لسه ؟؟؟؟!!!!!
فرنسا انا بحبك واخد بالك انت
سلاموووووووووووزات مش موزة واحده
وزتك
الاخت فرنسا هانم
باين احبابك كتير الكل بيدافع عنك دفاع مستميت
وان كنت اود ان يكون دفاعهم عن الحق لا عن الباطل
الاخ الصحفى
جال وصال ولف ودار وفى النهايه مفهمتش منه حاجه
طالع يخطب خطب رنانه عن العيش ويقول محدش يقف على الفرنه خمس ساعات علشان يجيب ب جنيه عيش ويحطه للحيوان
الاستاذ الصحفى المبجل
اللى بيشترى العيش ده مبيقفشى فى الطابور
لا
دول يا باشا بيشتروا العيش بعشرات الجنيهات
وبيحطوهم فى اشوله وبيكمروهم
وتانى يوم يطلعوهم وينشروهم علشان يتباع العيش الكيلو ب جنيه وربع
يعنى مكسب الطاق اتنين ونص
عرفت بقى ان الناس اللى بتقف فى الطابور مش هما اللى بيحطوا العيش للحيوانات
تانى هام
هتقولى
طيب لما انتوا ناصحين وعارفين ده ماتمسكوهم
اقولك للاسف الشديد
المواطنين هما اللى بيساعدوهم على كده
وفى الاخر يصوتوا
عايزين العيش
طيب ما انتو اللى بعتوه
تانى حاجه الاستاذ الرايق
اقوله يا عم
بلاش تنفش ريشك قوى كده
وكمان ابو خالد
المجاهد القديم
بيقول انا معاكى يا فرنسا لاخر نفس ؟
ههههههههه
كنت اتمنى يقول انا معاكى يا مصر لاخر نفس
عموما
احنا مش فى حرب يا ابو خالد علشان النفس وغير النفس
خليك هادى ورزين وعاقل
وبلاش نخرج بالحوار عن حدوده
حد فيكم راح مكتبه الاسكندريه وشاف المجهود المبذول فيها ؟؟؟
حد فيكم يقدر يقول كلمه حق عن مستشفى القصر العينى الجديد
عن الدمرداش
عن المشروعات العملاقه التى احنت ظهر البلد
انتوا عارفين كميه الجهد المبذول من الوزراء
اللى للاسف بنتريق عليهم
وبنقول
الصحه بتاع الصرف الصحى وخلافه
لا
احنا عايزين نتكلم بموضوعيه شويه
وبلاش الكوميديا السوداء
اللى هى بالفعل سوداء
تحياتى يا فرنسا
واعقلى
والله هم يضحك وهم يبكى
ما تشوفلنا اى مصلحة فى الوزارة دى
وانا رقبتى سدادة ومش هجيب اسمك حتى لو قطعونى
ويا ريت تكون وزارة المالية
لانى مالية ولا عليه اى مليم لحد اخر الشهر
سلالالالالالالالالالالالالام
السلام عليكم ورحمة الله وبركاته
فرنستى الجميله
معلش انا مضطرة ارد على الاستاذ متحدث الحكومة الرسمى وحامى ديارها
انت بتجادل فى ايه
انت شكلك مش من سكان هذا الكوكب
يا استاذعندنا هنا فى محافظتى القصر العينى الى فيها العلاج فيه بزرميط ولو محتاج المريض اى دواء او حتى كيس قطن بيجيبه من بره وعلى حسابه
وده مستشفى حكومى
بلاش كده
مستشفى الجامعه فى محافظتى ارداء ما يكون فى مستوى العلاج
ولا مستوى التمريض والخدمه فيها من اسواء ما يكون
ودى برده مستشفى حكومى
تبع الحكومه يعنى
ويا استاذ المشتشفيات الحكوميه فى محافظتى
المرضى فيها هما الى بيروحو للممرضات علشان ياخذو الدواء
ودى برده حكومه
فرجاء يا ريت تقول للحكومه تخف علينا شويه كفايه الى العالم فيه
وربنا مقدرنا ومدينا الصبر على التحمل
للوضع الى وصلنا اليه ده
يا ريت تقول للست الحكومه الرحمة حلوه برده ارحمى من فى الارض يرحمك من فى السماء
ولا حول ولا قوة الا بالله
لنا الله وربنا يرحمنا برحمته
بص يا أخ يا غير معرف
بلاش تتكلم عن مكتبة اسكندرية
انا خريج هندسة اسكندرية و مشروع المكتبة ممكن أحكي لك تاريخه
المكتبة قامت الحكومة في سفه منقطع النظير ببنائها تحت سطح الأرض و ملاصقة للبحر مباشرة مما تسبب في زيادة التكلفة الى عشرة اضعافها و ذلك بحجة الشكل المعماري المتميز
بينما كان يمكن بسهولة اختيار تصميمات معمارية رائعة فوق سطح الأرض و ساعتها كانت ستوفر 9/10 من مصاريف الإنشاء و كل الإستشاريين الهندسيين المحايديين أكدوا هذا الكلام
لكن حكومتنا تموت في الفشخرة الكدابة و بتصرف من مال سايب و محدش بيحاسبها و تقارير الجهاز المركزي بتتستف في الإدراج
انت عارف التصميم الغريب ده زود مصاريف الحفر و العزل و التجفيف للموقع و عزل المنشأ من مياه البحر الجوفية المتسربة للحفرة العميقة الخاصة بالمبنى أثناء الإنشاء و العزل بعد تمام التشطيب
و مصاريف التهوية و وسائل الأمان تحت الأرض
و زيادة سمك حوائط المنشأ و جميع عناصر الإنشائية لتحتمل الضغوط الجانبية من الارض و المياه الجوفية بالإضافة لتحملها لوزن المنشأ الاصلي
و تقول لي بعدها مكتبة اسكندرية
لا حول و لا قوة الا بالله العلي العظيم
آه صحيح
ما قلت لكش
المشروعات العملاقة اللي حضرتك بتتكلم عليها شابها عمليات فساد واسعة النطاق من اول وزير الغسكان السابق و انت نازل و فضايح كتير اتفضحت بس تروح فين من حصانة ذوي النفوذ
و عموماً في حاجات مغشوشة كتير تم تنفيذها و لم يمر عليها الا 10 سنوات أو أقل الا و بدأ ترميمها لإخفاء بلاويها رغم ان المفترض هندسياًان العمر الإفتراضي لأي منشأ هو 60 سنة
و حسبنا الله و نعم الوكيل
وزير الإسكان *
موافق على كلام كيا فرنسا السلطة فعلا ممكن تجزر ممكن تخير ممكن تخضر واهو كله سلطة يا فتحى بيه
أول زيارة ومش هتكون الاخيرة أرحب بك فى مدونتى وانتظر تعليقك
ثم يا فندم العيش اللي بيتعبى في اشولة ده مش مسؤولية مفتش التموين بتاع الحكومة ان يمنع الكلام ده و لا هي الحكومة ملهاش اي دور في الموضوع
أمال وزارة التموين سابقاً و التضامن حالياً مشغلة المفتشين دول ليه ؟
السلام عليكم
انا عرفت دلوقتي عجلة مين اللي انت اخدتيها من المدونة بتاعتي
بس بجد البوست رائع
تحياتي
ومبروك لعبده بيه الرايق
لمصطفى ابن اخته
هههههههههههههههههه
يتحل وسطهم ياخالتى ال يحلوا الاحزاب قالوا
دول بقوا بياكلوا ف قته محلوله
ياااااارب لا تعافيهم ف ابدانهم ولا ف مالهم
وخلصوا منهم يااااااارب
تمام يا فندم عين العقل ... طيب ووزاره التعليم ؟؟
ايه رايك فى المعلم موسى الخشاب بتاع الجيزه واهو طول عمره راجل معلم قد الدنيا ومعلم وتعليم كله واحد
اه فعلا واهو برضو ينفعهم دائماً المدراس بتكون محتاجة دكك زيادة شباك عايزلو مفصلة الكلام ده وانتي ست العارفين**
على رايك ...واللى عارف بيت ابويا يروح يقوله ...واللى يقدر يشترى حاجه من بره يورينى شطارته
**اه واللي له حاجة عندو يجي ياخدها واللي مش عجبو يرزع راسو فأعرض حيطه واللي الحاجة غالية عليه يجوع
حلمت انى راكب عجله وواحد خبطنى راكب عربيه مرسيدس حمراء
ولا يهمك ياباشا بكره نطلع قانون بمنع العربيات المرسيدس من الجمهوريه نهائى ومنع اللون الاحمر من اى عربيه فى الجمهوريه
**طب كويس اني لسه بايعة عربيتي هى كانت 127 اه بس حمرا
ممكن بئى طلب داخلة على طلب اناعارفة تتوسطيلي عند مصطفى ابن اختو يجي يغني ففرحي ده لو ربنا عدلهالي اصلا
هقول ايه حسبي الله ونعم الوكيل ماهو وحد عمل انفتاح واللي باعدو باعها كلها
فرنسا هى اللى بتحرض الشعب ضد الحكومة
موافقون؟؟؟؟؟؟؟؟؟؟
طبعا موافقون هو فى حد بيعترض اصلا
سورى يا فرنسا
الاخ اللى ميتسماش هو مين باع التلتوميت فدان بتوع سينا لاسرائيل اللى لسه بندفع تعويضاتهم حتى الان عشان نستردهم...النائب سعد بتاع حزب الكرامه لما قدم الاستجواب واتوقف طبعا مجاش على هواهم ازاى يحاكم وزير الداخيله اللى مخلى مصر تنعم فى سلام وهدوء واستقرار املى سورى امنى...
تحت اى مسمى الرئيس يضرب بكلام اعضاء مجلس الشعب عرض الحائط وميرضاش يقابلهم بعد مزكره الاحتاج اللى قدموها عشان مكانش فاضى رايح يكرم لعيبه الكوره اللى جابولنا النصر...ورفعوا راس مصر
اشاعات... دى صح معلش اصل مجنونه بخترع ومتكتبش فى الاهرام ولا حاجه ولا جابوا مظهرات ولا حاجه...ولا طلع فى التلفزيونات اى شىء...
تحياتى لفرنسا والمدونين
ياااااااااه لو ادونى الطقيه بتاعه خيخه بعد ما قريت تعليقاته كنت عرفت حضرب مين بالقلم يمكن يفوق ...اللى عاوزين يفوقوا بقم كتير
وادى التعليق اللى حزفته كان فيه خطا املائى
والله انا كنت حعلق على الموضوع لاقيت واحد ميتسماش معلق وعمال يوصف فى خيرات البلد مش قلتلكم احنا مجانين والبلد عاقل ...احنا اللى ولاد ستين فى سبعين ....وهم ولاد ناس....عيش مين والناس جعانين قنطار الرز بقى 1700
محافظتين اتباع فيهم القمح اخضر شوال القمح بعد كدا حيطلع 500 جنيه
مصر يا محترم داخله على مجاعه ومعروف من 10 سنين معملناش احطياتنا ...
مكتبه ايه اللى دافعين ملايين والناس جهله...
مش القصر العينى دا اللى مات فيه الطبيب الجراح العالمى المصرى احمد شفيق- مكملش وفاته تلات شهور عشان وضعوه فى غرفه خطا واهمال الدكاتره...
علاج مجانى مين اللى بتتكلم عنه ...ولا تقصد علاج الممثلين اللى على نفقه الدوله؟؟؟
انت عايش هنا ولا فى القصر الزهبى اللى ناسجه فى خيالك ومش شايف اللى بيحصل
اكتر من 25 سنه ولسه تخلف ومش عارفين نحارب ....الصين انضربت بالنووى وضعف عددنا واتفرج شوف وصلوا لفين ...
كرهتوا الناس فى البلد وفى عيشتها...
اقولك احنا شعب فقرى ومفترى وناكر للجميل ما تسيبونا نحكم نفسنا بنفسنا..؟؟عشان احنا عالم منستاهلش
وعموما مش حتخرب اكتر ما خربتوها...
سمعينى اجدع سلام يا خالتى فرنسا بعد ازنك عشان الحزن الوطنى اللى رؤساءه واكلينها والعه وبتوع بطاطا ومخدرات وتجار سلاح...واشتروا مصر باللى فيها وحطوها فى كروشهم
بلا هم ...
ومش حمضى هى
سومه وبس
أسفه لم أقرأ موضوعك لكن أمامي مهمة نشر مدونه في غاية الاهميه أنشرها بين المدونين ان استطعت
ادعوكم لزيارة هذه المدونه
http://www.ta7arosh.blogspot.com/
انا عارفه ان تعليق زي ده مستفز جدا بس انا قريت البوست في منتهي الروعه يا فرنسا
بالذمه ده اسمه كلام انا بجي رقم 116
والناس عماله تحجز الأول والتاني ايه الوحاشه دي
ما علينا
بصي يا ستي هو انتي جبتي حكاية ان الأحزاب مش هتشارك دي منين
استحاله اقولك ليه
لأن حتى لو الأحزاب قررت متشتركش وتسيبهم يعملوا مجلس من حزب واحد نظام مقاطعه يعني علشان يلغوا شرعية المجلس الحكومه هتظبط ناس تعمل احزاب جديده وهيبقوا برده تبع الحكومه زيتنا في ترابنا
اصل الدقيق غلي والزيت كمان فلما جبت الزيت مفاضش حاجه غير التراب المهم يعني مطولش عليكي
حتى الناس اللي مش وطني وبنبقى مستنين هيعملوا حاجه مبقوش بيعملوا حاجه ناس منهم في المجالس لكن متكتفين زي الأسرى
وناس منهم اصلا بعد ما وصلوا نسيوا يا عيني هم كانوا بيترشحوا ليه اصلا
فقاعدين كده لحد ما يفتكروا
وعموما بكره احلى والأمير الجديد هيبقى كويس قوي متخافوش يا ولاد
سلام بقى لحسن هنروح في توكه
سلااااااااااااااااااااااااااام
"وكمان ابو خالد
المجاهد القديم
بيقول انا معاكى يا فرنسا لاخر نفس ؟
ههههههههه
كنت اتمنى يقول انا معاكى يا مصر لاخر نفس
عموما
احنا مش فى حرب يا ابو خالد علشان النفس وغير النفس
خليك هادى ورزين وعاقل
وبلاش نخرج بالحوار عن حدوده"
أخى العزيز الغير معرف أشكرك كونك و صفتنى بالمجاهد القديم و صدقنى لو طلبت مصر أعمارنا لقدمناها بدون تردد
أما فرنسا فأنا أقصد أختنا العظيمة المدونة و ليس فرنسا .
فعلا احنا مش فى حرب و لكن أحزننى أسلوب الترويع و التهديد
سنقف جميعا أخى الفاضل أمام الخالق سبحانه و تعالى فقولى ماذا سنقول له لو سؤلنا عن ترويع الأمنيين
أخى الفاضل
ليس حرام أن يكون هناك رأى و رأى معارض و الحجة أمام الله للحق و حده
أخى الفاضل سؤال أخير ماذا تعنى بكلمة خليك عاقل و رزين،هل و جدت فى أسلوبى جنون أو خروج عن الأدب ؟
أخى أكرمك الله لن أزايد على ما قدمناه لمصر لأننى سأفقد أجرى عند الله
أرجوا أن يتسع صدر و وقت حضرتك فى الرد على.
أبو خالد
والله انتي عسلللللللللللل
طب شوفي حل بقى لرغيف العيش
والمجاعة اللي على الابواب دي
الواحد مرعوووووووووب
مدونه جميله
و بندعوكى علشان تيجى تقول رايك عندنا و يمكن يكون فيه تعاون
أبو خالد
الاخ العزيز ابو خالد
انا عارفه مواقفك الكثيره التى تنم عن شهامه ورجوله فى الوقوف مع الكثير من الاخوه المدونين
ولا انسى موقفك مع خيخه وكاميليا
ولذلك احييك
وارحب بك اخ كريما فى مدونتى التى شرفتها دوما بتعليقاتك
اختك فرنسا هانم
مهندس مصري
ربنا يوفقك يا محمد
واوعى تنسى تسلم علينا وانت مسافر فى بوست عندك
walaa
لاء والله يا ولاء
معرفشى ونفسى اعرف
لكن الوقت بياخدنا
انين الحزن
وزتى حبيبتى
انا بس بقلق عليكى لما تتأخرى
لكن المره دى قلت اكيد برضه النت
وعلى فكره
الرايق
واخد باله مننا قوى
تلاقيه مفلس على الاخر
بحبك
يا احلى واجدع وزه
بس ده حانوتى ياباشا مش هيفهم فى الخارجيه
ليه ميفهمشى طول عمره بيخرج الناس ... وكله خارجيه
------------
ده الصنف اللي بتشرب منه خيخه لف على الكل
انا وقعت ضحك
إفيه غير متوقع بالمرههههههههه
سلامووووووووووووز
l
غير معرف
انت مش ملاحظ انك زودتها شويه فى الكلام؟
لاء
انا مبحبش الاسلوب ده فى الحوار
انت مالك ومال المدونين زملائى
انت بتكلمنى انا
وجهه كلامك لى انا
ولو وجهت كلامك لاى واحد يبقى باسلوب مهذب وراقى
مش باسلوب السخريه
لانى انا واعوذ بالله من كلمه انا فاتحه المدونه دى وهى اصلا مدونه ساخره
يعنى الاسلوب ده واكلينه وشاربين عليه ميه
يعنى بلاش تبيع الميه فى حاره السقايين
وخلينى كده فاتحه لك الباب تدخل وتتكلم وتعلق
وتشرب شاى لكن تسخر من اى حد لاء
وبعدين كلام الصحفى اللى مش عاجب سيادتك وبتقول مش فاهمه
كلام واضح وصريح
بس ممكن تكون حضرتك قالع النضاره ولا حاجه
الاخ الرايق
دى مدونته قبل ما تعرفه هيعمل ايه
الاخ ابو خالد
مش عاجبك انه مجاهد قديم
هى دى بقت شتيمه
يكفيه فخرا انه مجاهد قديم
اما فى الوضع الراهن
فارجوا ان تدخل هنا مؤدب وكويس وابن ناس
لانى لا احب ان اتحدث مع احد باسلوب مش مهذب
وفى الاخر
مع تحياتى
حــدوتـــة
هو لو كنت انا رئيسه الوزراء كنت هبخل باى وزاره
طبعا الماليه
والماعليا كمان
ام الابناء
حبيبتى الغاليه
مش هازايد على كلامك
ولكن
اؤيدك بكل جوارحى
مهندس مصري
اه يا هندسه
كلام علمى برضه مش هذايد على كلامك
حتى يسمع الرد منك
تحياتى لك
مهندس مصري
برضه مش هزايد على الرد ده
عارف ليه ؟؟؟؟
علشان يبقى ردك هو المرجع له
ayman badr
وانا مبسوطه بزيارتك
وبروحك العاليه
تحياتى لك
وجهز الشاى وانا قادمه
ayman badr
وانا مبسوطه بزيارتك
وبروحك العاليه
تحياتى لك
وجهز الشاى وانا قادمه
مهندس مصري
مش هاقولك خف
لا
براحتك هو وقع فى حاره سد
آفاق الحرية
مبروك للرايق على ايه ؟؟؟؟؟؟؟؟؟
طمنى
هو استلف من حد ؟؟
د/اجدع بنوته
يارب ربنا يسمع منك
تحياتى لكى
ودايما رافعه راسى
نوره الخشن
طيب شدى حيلك انتى واتجوزى
وانا هاجيبلك المطربه العالميه فرنسا هانم
تغنى لكى فى فرحك
تحياتى لكى
صحفية روشة
اخلع انا بقى
وعلى فكره
البيج بوس
هى صحفيه روشه
somaa
مش هزايد على كلامك ياسومه
هاخليه منور زى ماهو
وياريت يقراه ويتعلم
somaa
والجزء التانى برضه
هسيبه منور
يمكن يتعظ
تحياتى لكى يا سومه
Miss Dot
شكرا وساهتم بالزياره
الشنكوتي الكبير
يا شنكوتى
انا بقول انك بتفهمها وهى طايره
ليه تخلينى اغير رايى
ابو خالد
سلمت وسلمت يمينك
انا برضه
مش هزايد على ردك
وهاخليه برضه منور كما هو لعله يؤمن
nonoymm
مفروض فعلا كلنا نحس بالرعب
لانه حاجه اكيده
تحياتى لكى
اختى الكريمه
شبــ اون لاين ـــاب
شكرا على الدعوه
جميل يا فرنسا بجد هايله ربنا يوفقك
اسمي لوسي أندرو أتمنى لتبادل شهادات بلدي مع الجمهور حول ما يسمى doctoridegu هذا الرجل لم يفعل فقط بالنسبة لي، فقد أعادت لي فقدت السابق صبي صديق لي معه موجة كبيرة، ولقد عرفت جون منذ سنوات و كنا معا لفترة طويلة، ونحن نحب بعضنا البعض ولكن فجأة قال لي انه لا يمكن أن يستمر بعد الآن، وكنت قلقا جدا في حالة من الاضطرابات بعد ذلك كنت أبحث عن طرق للحصول عليه مرة أخرى حتى صديق أخبرني عن هذا الرجل وأعطى البريد الإلكتروني اتصالاته لي ولكن كنت ما زلت في شك ولكن لدي فقط لمحاولة منذ كنت بحاجة بلدي السابقين حقا لذلك أنا اتصلت به على مشاكلي، وسوف لا أعتقد أنه كان يستعد هذا نوبة و جلبت بلدي السابقين عاشق الظهر واليوم نحن سعداء جدا معا وشكرا لكم مرة أخرى على ما drideguspellcast@gmail.com قمتم به بالنسبة لي، إذا كنت هناك تمر عبر أي من هذه المشاكل المذكورة أدناه:
1) إذا كنت تريد ظهرك السابقين.
(2) إذا كان لديك دائما أحلام سيئة.
(3) هل تريد أن تكون ترقيته في مكتبك.
(4) إذا كنت تريد طفلا.
(5) إذا كنت بحاجة إلى المساعدة المالية.
(6) إذا كنت تعاني من ح ط الخامس.
الاتصال به الآن لحل فوري من أي نوع من
مشاكل البريد الإلكتروني drideguspellcast@gmail.com
اسمي لوسي أندرو أتمنى لتبادل شهادات بلدي مع الجمهور حول ما يسمى doctoridegu هذا الرجل لم يفعل فقط بالنسبة لي، فقد أعادت لي فقدت السابق صبي صديق لي معه موجة كبيرة، ولقد عرفت جون منذ سنوات و كنا معا لفترة طويلة، ونحن نحب بعضنا البعض ولكن فجأة قال لي انه لا يمكن أن يستمر بعد الآن، وكنت قلقا جدا في حالة من الاضطرابات بعد ذلك كنت أبحث عن طرق للحصول عليه مرة أخرى حتى صديق أخبرني عن هذا الرجل وأعطى البريد الإلكتروني اتصالاته لي ولكن كنت ما زلت في شك ولكن لدي فقط لمحاولة منذ كنت بحاجة بلدي السابقين حقا لذلك أنا اتصلت به على مشاكلي، وسوف لا أعتقد أنه كان يستعد هذا نوبة و جلبت بلدي السابقين عاشق الظهر واليوم نحن سعداء جدا معا وشكرا لكم مرة أخرى على ما drideguspellcast@gmail.com قمتم به بالنسبة لي، إذا كنت هناك تمر عبر أي من هذه المشاكل المذكورة أدناه:
1) إذا كنت تريد ظهرك السابقين.
(2) إذا كان لديك دائما أحلام سيئة.
(3) هل تريد أن تكون ترقيته في مكتبك.
(4) إذا كنت تريد طفلا.
(5) إذا كنت بحاجة إلى المساعدة المالية.
(6) إذا كنت تعاني من ح ط الخامس.
الاتصال به الآن لحل فوري من أي نوع من
مشاكل البريد الإلكتروني drideguspellcast@gmail.com
إنضم إلى عالم جديد من المتنورين اليوم: هل أنت سياسي، طالب، والأعمال التجارية
رجل، أو امرأة، إذا كنت ترغب في الثروة والسلطة والنفوذ ويريدون أن تكون نجما، وتكون من المشاهير نفوذا وتريد أحلامك ل
تأتي من خلال، لديك فرصة للقيام that.join المتنورين كبيرة اليوم للحصول على 15000 $ كل 3 أيام و200،000 $ عضوية نعمة للقيام
وينضم ما تحب القيام به best.Contact: jerrysolution12 @ gmail.com، وتكون غنية إلى الأبد
شكرا جزيلا DR EZIZA، موجة لك مسبوكة بالنسبة لي عملت وفقا لطريقة قلته سيكون، زواجي هو في أفضل شكل يمكن أن أتصور أي وقت مضى. جاء بلدي الحبيب التسول من أجل المصالحة والغفران. أريد أن أقول هنا أن أحدا لم تنته في زواجك / العلاقة الاتصال به على ezizaoguntemple@gmail.com و+2348058176289. وقال انه سوف تجعلك
مرحبا
كاليفورنيا terry'm جنيفر، عندما وأخيرا وجدت دليلا على هذه نوبات كما ساعد DR.musa كثير من الناس الحصول على أحبائهم وعائلاتهم كسر ظهره، وأنا اتصل به عبر بريده الإلكتروني drmusaspelltemple@gmail.com لأنني كنت يائسة تماما للحصول على بلدي الحصول على الزوج الخلف. كانت الحياة بدون زوجي كارثة بالنسبة لي ولبلدي اثنين من الأطفال. كنت أرغب في تغيير جذري وأعتقد ربما الحل السحري. بعد مناقشة القرار مع DR. موسى، الذي أعطاني الأمل في أن استعادة زواجي. كنت واثقا من أن زوجي سيأتي المنزل وفعل! انه لشيء رائع ان ما قمتم به بالنسبة لي، وهذا السحر العظيم عجلات مساعدتكم لا تقدر بثمن! أنا لا أعرف ما كنت قد فعلت دون DR. موسى، DR. موسى يفعل عملها بحيث يتم تنظيمه وظيفية للغاية، وأيضا أعتقد أنه من أفضل جرة يمكنني الاعتماد على عندما يتعلق الأمر أي نوع من السحر الذي كان غادر دون ان يتحدث الى نوبات من عمل، إذا كنت بحاجة إلى مساعدة ، يرجى الاتصال به عن طريق البريد الإلكتروني: drmusaspelltemple@gmail.com، أو الاتصال به من خلال موقعه على الانترنت: drmusaspelltemple@gmail.com
أو يمكنك الحصول على اتصال معه عبر هاتفه المحمول: +2349033455855 وأنا أؤكد لكم أن الأمور سوف يستدير لك ....
إرسال تعليق