ومنين اجيب ناس لمعناه الكلام يتلوه الجنيه يا حبه عين امه . الاشرار قتلوه
الحاج جنيه بتاع زمان ايام الجنيه الجبس اللى كان قد الفيل ويتصر فى منديل ...مات ..مقتولا يا ولدى مقتولا مقتول
الجنيه اللى كان يقف فى جيب الواحد فارد جناحه وبيقول يا دنيا اتهدى ما عليكى قدى
الجنيه ابو درعات حديد اللى كان بياكل ريرى وبيغنى هو واخواته ..جانا ريرى جانا غنوا وقولوا معانا
قتله وابور السكه الحديد
داس عليه بعجله الحديد وهرسه
وابور السكه الحديد ... قاتل الجنيه ... الاحتكار
كنت بذاكر لولاد اختى فى سنه سته ابتدائى ولقيت فى ماده الدراسات الاجتماعيه من انجازات ثوره 1952 القضاء على الاحتكار
يااااااااااه
هو صاحبنا الاحتكار باشا كعب الغزال من ايام ثوره 52 ؟؟؟؟؟؟؟؟؟؟؟
طيب طالما الثوره قضت عليه وجابت داغه .. رجع ازاى الحزين ده ؟؟؟؟
هو الحزين اللى ما يتسمى ده بسبع ترواح ولا ايه ؟؟؟؟؟
لا بجد هو رجع تانى علشان يا خد حقه من المصريين ؟؟؟
ولا استنسخوه .... يا خوفى يابدران
ياخوفى لحسن الاستنساخ بيه يكون نجح مع اللى مايتسمى احتكار باشا
دلوقتى يا جماعه احنا ماشيين فى طريق عتمه ومليان سحالى وبراص وتعابين ورخ
اروح اشترى رز الاقى سعره ذاد .. اسأل البياع يقولى ..يا هانم ممكن وانتى واقفه دلوقتى يجى تليفون السعر ذاد
الله ربى ... ياعمى الحاج ده سعره ذاد عن امبارح .. يقولى ولسه
السكر غلى وانا احلى بايه...حبيبى يابو على بتعيط ليه ؟
الزيت ولع والدقيق شاط وام الخلول غليت
دلوقتى ياسيد يا محترم
الواحد مننا مفروض يروح للبقال يخطف اللى عايزه ويدفع فلوسه ويجرى بسرعه من قدام البياع
علشان لو اتأخر شويه الاسعار بتزيد والحاجه بتغلى
عزيزى المدون عزيزتى المدونه
حان الوقت لكى نمارس رياضه الجرى واختراق الضاحيه
اجروا يرحمكم الله
اشتروا بضاعتكم واللى محتاجينه واجروا من قدام البقال بعد ما تحاسبوه
علموا ولادكم الجرى
حتى الكبار فى السن والعواجيز
الكل لازم يجرى
نصيحه
لو اشتريت حاجه ووقفت عند البقال علشان تشترى حاجه تانيه
ادفع حق الحاجه الاولانيه وخبيها بعيد احسن تغلى ويلهفها منك البقال
عارفين ده كله بسبب ايه ؟؟؟؟؟؟؟؟؟؟؟
الاحتكار
احمد عز بتاع حديد عز اللى مشغل عنده 7000 واحد ومنكد على 80 مليون واحد وفرحانين قوى وهما بيجوا فى الاعلانات
وبيقولوا
انا بشتغل فى حديد عز
يافرحتنا بيكوا
اول مره فى حياتى بشوف اعلان فى الدنيا بالشكل ده
يعنى ممكن بعد كده نلاقى عم عطوه بتاع الفول
عامل اعلان .. وناس جايه تقول انا بشتغل عند عم عطوه ... انا بشتغل عند عم عطوه .. انا بشتغل عند عم عطوه
ولا نعملها زى الشات بتاع الفضائيات
محمود بشتغل عند محلات البمبى وبيهديكوا السلام __ ومديحه بتشتغل فى كوافير تاتا وتهديكوا السلام -- وحسونه بيشتغل فى المصريه للسرقات وبيهديكوا السلام -- وسنيه متعووووووووووووده دايما انها تهديكم السلام --
وفرنسا هانم بتشتغل سمكه فى البحر وتهديكوا السلام ( الجمله دى محشوه )
وابور اللاحتكار رجع واستأسد وانتشر وبقى غول كبير
وقتل الجنيه
خلاص مبقاش للجنيه قيمه
اتهزاء
وبقى زيه زى المرحوم قرش والمرحومه تعريفه
سبب كل اللى احنا فيه ده الاحتكار
اللى بيقولوا ان الثوره قضت عليه
الاشتراك في:
تعليقات الرسالة (Atom)
هناك 171 تعليقًا:
اول تعليق عن فرنسا
ممكن اقول انا هنا رقم واحد فى المجلس ؟
اقرا وارجع
بجد انا مبقاش يكفينى لوحدى 20 جنيه يوميا يعنى ممكن 600 جندى فى الشهر الجندى بيطلع من الحرب بالعافيه وساعات تلاقى الحرب فاضيه معرفش ليه ؟
الجنيه دلوقتى بقى ليه لازمه جامده متقلش قيمته لانك مبتشوفش غير الورقه دى يعنى ام 200 دى بشوفها عند تاجر الجمله بس
انا بشتغل ؟
معرفش فين
فعلا الواحد مش عارف يعمل ايه تخيلي الجاتوه غلي جدا ,والسيمون فيميه ,والجمبري السفاح (اه والله ده نوع من انواع الجمبري)
احتكار ايه يااستاذه هوو احنا عارفين حتي نطبق الاحتكار فعلا احتكار السرقه واحتكار الخيبه وقلة القيمه
طيب ماهو نظام الاحتكار كان موجود في عهد محمد علي احتكار الدوله وكان النظام الاقتصادي وكانت مصر من الدول الاقتصاديه الكبري لان النظام اطبق صح
انما احنا لاعرفنا نطبق نظام اشتراكي ولا راسمالي علي مساويئهم ولكننا طبقنا شوية انظمه مشوهه وندفع ثمنها الان
وشكلهم هيلغوا الجنيه
وربنا يستر
جزاكم الله كل خير
وكل اللي بيشتغل يسمعنا السلام
و احلى سلام على طول السلام للجنيه اللي نزل معدن يا جدعان
كلامك موزون حلو يا فرنسا
و فعلاً الأسعار ولعت
بس كانوا بيقولوا في جرنان الدستور ان المهندسين اللي بييجوا في اعلان عز شغالين هناك فعلاً انما العمال لأ
العمال هما ممثلين اعلانات موديلز
لأن العمال في مصانعه متبهدلين و متآكل حقوقهم
ربنا ينتقم من اللي كان السبب
قال رسول الله صلى الله عليه و سلم
الجالب مرزوق و المحتكر ملعون
الست فرنسا هنومه
تحيه مكتومه
من اجدعه ايد شومه
للاحتكار والحكومه
وبعدين يافرنسا الحديد يغلى يغلى
انتى ايه مزعلك ؟
الله عليكى يا شيخه فيها ايه يعنى ؟
انشاء يوصل عشرين الف جند ايه المشكله
انا لما يجى الكادر بتاعنا
هبنى القصر
وميهمنيش
وصل الحديد كام
الفلوس هتبقى معايا رز
وهامشى اتكعبل فيها فى الشقه
نسيت يا فرنسا
انا بشتغل فى الحى
انا بشتغل فى الحى
انا بشتغل فى الحى
انا بشتغل فى الحى
انا بشتغل فى الحى
انا بشتغل فى الحى
انا بشتغل فى الحى
انا بشتغل فى الحى
انا بشتغل فى الحى
مش كفايه كده يافرنسا عملت زى مانتى قولتيلى اهوه
معكيش خمسين جند لاخر الشهر
اخوكى الرايق فلس بدرى بدرى
صوت من مصر
هو باين علينا الحرب بتاعتنا هتفضل فاضيه كده كتير
هى الحرب دى مش برضه قصدك الجيب ؟
هههههههه
طيب نعمل ايه دلوقتى
امال لو اتكلمتي على الشلن والبريزه بتوع زمان
الواحد نسي شكلهم
الفاتح الجعفري
ممكن يكون احتكار الدوله موجود من ايام محمد على
لكن الاحتكار الاسود اللى بنشوفه دلوقتى
مكانشى موجود من 10 سنين بس
من 10 اذكر ان كان فيه حريه فى استيراد الحديد
واى سلعه
وماكنشى حد بيقدر يحتكر السوق
تحياتى لك
مهندس مصري
يعنى حتى الاعلان طلع مضروب
طلع اعلان تايوانى
يا خيبه تقيله قد رجل الفيله
وسمعنى سلام
على طول السلام
ياوابور قولى رايح على فين
عبده الرايق
ميت مره اقولك يارايق بطل اسلوب الدحلبه والسحلبه ... مرات السحلب
علشان تستلف فلوس
انت شغال فى الحى ولا على مكوك الفضاء انا مالى
اما عم موضوع الخمسين جنيه السلف
معاك فكه 200 ؟؟؟
انا معاكى يا فرنسا اون لاين
ومعايا فكه 200 جنيه
لماضة
لا انا لسه فاكره شكلهم
كانوا محترمين صحيح
وحافظين مراكزهم
عبده الرايق
طيب ابعت 150 جنيه وابعت لك ال 200 جنيه
هى وصلت لكده يافرنسا
اذن
فالنوم يداعب جفونى
عبده الرايق
تصبح على خير يا راااااااايق
عندك رد في البوست اللي فات يا فرنسا بصي عليه
مهندس مصري
شكرا جزيلا اخى محمد
قريت الرد
وهاحاول اطبقه
لو معرفتش هارجعلك
خالتو فرنسا اللي بموت فيها والله
خالتي فهميني احتكار ايه بس
انا اتخنقت كل اما اروح لحد من قرايبي يكلمني في الرز والدقيق والعيش والعدس
ياناس ارحموني انا شايفه بعيني كمان
والله يافرنسا الناس بتكلم نفسها في الشارع
والحساب تقل قوي ع المسؤلين
ربنا يهديهم بقي ويبطلو الظلم ده منهم لله ياشيخه في رقبتهم كتيييييييييير اوي
اه صحيح الا اعلان سي عز ربنا .........يهديه
الواد منشكح اوي والبت كمان فرحانين انهم بيشتغلو
طيب انا بحس انهم كدابين ومش بيشتغلو ولا حاجه
لا واعلان اجري قبل القطر مايفوتك
ايه القرف ده
اعلانات غبيه ومعفنه
الاول كانو بيعملو الاعلانات علشان يعلنو عن منتجات وسلع
دلوقتي بيعملو اعلانات علشان يتشطروا ويعرفو الناس ان احنا بنسرقكم بنسرقكم وشوفو بقي هنسرقكم ازاي ويلا ياشطار كلو ييجي بالطريقه اللي قولناها علشان نعرف نسرق صح
وده طبعا المتفوتر والاعلان بتاع الاقرار الضريبي
ال راجل متفوتر ال
حسبنا الله ونعم الوكيل
تعرفى انها بجد نصيحة غالية انا مؤخرا بدأت اخد بالى منها اللى اشتريه الاول احاسب عليه ماهو الواحد بقى أولى بالعشرة جنية الفرق دول
حاسة كده انهم ناويين يلغوا الجنية بس خايفين علينا من الصدمة ودى مجرد تمهيدات
ربنا يتولانا برحمته
عارفة يا استاذة
الفكرة انه هيغلوا السلع كلها وبعد شوية تقوم السلعه ترخص جنية وهيا كانت زايدة عشرين نقوم نفرح ونقول ان الحكومةرخصت السلعه ونسينا سعرها الاصلى
الاحتكار
تسلم ايديك يا خالتو
كلامك يتصارع بين خفة الدم وحسن الصياغه
وبين مرارة الواقع من ناحية اخرى
وللاسف كلام الظائر الحزين هو اللي بيتحقق فعلا
لكن للاسف كمان
شعبنا اللي احنا منه متعود على كده
ربنا يوعد اللي في بالي وبالك بالسلام
لك تحياتي
ويا ستنا
هو فيه بلد في العالم بيعمل اعلانات ضرايب
يا لاااااااااااااااااهوي
الجنييييييييييييييه
كااااااان زمااااااان
إللى قلقنى , يعنى أنا لما أكبر كمان عشر سنين كده
لو ربنا كتبلى عمر , هتكون حال البلد إييه ؟؟؟؟
ربنا يستر علينا
فرنستي يااااصباح الا بتغني
........
كل حاجه عماله تغلي الا حاجه واحده
احنا هو احنا هيبقي لينا سعر امتي
المشكله دلوقتي لو هما حنوا علينا وعملونا سعر الخوف يسعرونا بجنيه يعني ملناش تمن بردك
فرنستي اوعي تدي للرايق 50 جنيه
دا عليه الف جنيه من يوم ما اتجوز لنسيابه ياعالم الــ 50 دول هيفتكرهم امتي
وزتك بتموووووووووت فيكي ياعسل
اقولك الاحتكار رجع ليه اسمعى بقى تعالى هقولك انتى عاوزة تعرفى رجع ازاى اقولك
فى تاكسى ههههههههه
بص يا حبيبى لما قضوا على الاحتكار مكنش كليا يعنى سابوة الجذور بتاعته فنبت نبت شيطانى تانى
تانى حاجه فكرة الجرى دى انا فى رأى نأخد دورات تدريبيه علشان نجرى انا بجد بموت كل يوم من الاسعار ومش عارف هيأخدوا البلد دى على فين ربنا ينتقم منهم ومش عارفه الموظفين هيعملوا ايه فى حياتهم وقال انا كان عندى تفاؤل
بقولك ايه تشترى التفاؤل بتاعى ولا اعرضه فى البورصه ولا اقولك انا هحتكرة هههههههه
انما من قلب البحر ليه علشان من السويس ولا تقصدى انك غريقه فى دنيتنا
أختى العزيزة /فرنسا هانم
أسألى أى أحد من أهلك الكرام اللى عاصروا أيام الهجرة سيقول لك أن دخل الأسرة المكونة من ثمانية أفراد كان عشرة جنيهات و نصف الجنية فى الشهر و كانت مستورة و الاشيا معدن و كان ياما كان كيلو اللحمه ب 36 قرش صاغ مصرى لا غير و الآن اللحمة مأكولة من قبل ب 38 جنية مصرى لاغير ..أختى العزيزة قال الله سبحانه و تعالى فى كتابه الكريم " قَالَ اهْبِطَا مِنْهَا جَمِيعًا بَعْضُكُمْ لِبَعْضٍ عَدُوٌّ فَإِمَّا يَأْتِيَنَّكُمْ مِنِّي هُدًى فَمَنِ اتَّبَعَ هُدَايَ فَلَا يَضِلُّ وَلَا يَشْقَى (123) وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى (124) قَالَ رَبِّ لِمَ حَشَرْتَنِي أَعْمَى وَقَدْ كُنْتُ بَصِيرًا (125)قَالَ كَذَلِكَ أَتَتْكَ آَيَاتُنَا فَنَسِيتَهَا وَكَذَلِكَ الْيَوْمَ تُنْسَى (126) وَكَذَلِكَ نَجْزِي مَنْ أَسْرَفَ وَلَمْ يُؤْمِنْ بِآَيَاتِ رَبِّهِ وَلَعَذَابُ الْآَخِرَةِ أَشَدُّ وَأَبْقَى (127)سورة طه..
أختى فرنسا
أدعوا الله العلى القدير أن يرد أمة الإسلام إلى دين الله ردا جميلا ،فالعودة إلى الله هى من أسباب رفع الغلاء..وواجب علينا كشعب مسلم الأعتصام بكتاب الله و هدى نبيه صلى الله عليه و سلم لننجو فى الدنيا و الآخرة..
أختى /فرنسا
أطلت فى تعليقى قاصدا فأنا أحب أن أكون فى حوار معك و لو على بعد فأنتى تنتمين لزمن جميل ..رغم أنك كنتى صغيرة السن فى تلك الأيام ..أبو خالد
ربنا يهد كل كحتكر ويخسره اللي وره واللي قدامه
صحيح يا خالتي
جيتي على الوجيعة
ربنا يهد اللي كان السبب
تحياتي
السلام عليكم ورحمة الله وبركاته
ربنا يسترها معانا يا فرنستي ، مش عارفه الاسعار دي هاتوصل لحد فين
والمصيبه ان الحكومه تطلع تقولك ايه احنا ماغليناش حاجه التجار هما اللي غلو والتجار يقولوا لا الحكومه هي اللي غلة
وياحسرة قلبي علي الناس الغلابه اللي معاهم عيلين تلاته ومش عارفين ياكلوهم ولا يعلموهم ولا يعالجوهم
ربنا يعدي الغمه دي علي خير
تحياتي ياقمر
شوفى بيقولوا ان الثورة قضت على الاحتكار بس زمان كان الجنيه له قيمه ققبل الثورة الميمونه كان الدولار يساوى 3 جنيه مصرى
وكانت الحياة ررخيصه جدا
فاكرة فيلم سلفنى 3 جنيه
شوفتى كان عايز 3 جنيه علشان يدفع قسط فك رهنيه البيت
بيت يفك رهنيته ب3 جنيه
بجد باتحسر وانا باتفرج على الافلام القديمه
ربنا يرحمنا من عنده
السلام عليكم يا اخت فرنسا هانم اول مره ادخل مدونتك وقريت جزأ واحد بس هو الاخير ده .
وباحييكي من قلبي على تعليقاتك على الوضع وعلى غلو الاسعار.
الى انا حقيقى نفسي أعرفه ماذا هم فاعلون ؟؟؟
يعنى فى ظل الحاله دي ايه الى هما هايعملوه يعنى ؟؟؟ هايدوا للناس فلوس ولا هايسبوهم يموتوا من الجوع ولا هايفتحوا تكيه للناس تاكل ؟؟؟
تعرفي انا حسبت مره لو اسره من خمس افراد ( من بتوع ماما كريمه اهو ) مش عشره ولا حاجه حبوا ياكلوا فى يوم رز وبطاطس مقليه ( ولو الحكايه مزهزهه معاهم يبقى فى مخلل ولا سلطه )
لقيت انت من غير الزهزهزه وفى عز موسم البطاطس عايزين حوالي عشرين جنيه عشان يتغدوا االكله الاورديحى دي ؟؟؟؟
طب لو كانت الام كمان هى العائله ؟؟؟؟
تفتكروا تكون بتاخد كام ؟؟؟
ولو عقلهم وزهم وحلموا باللحمه يعملوا ا يه ؟؟
ولو طوبه من الشوارع المكسره اخترقت الحصن العظيم الى لابسينه فى رجلهم وحبوا يجيبوا واحد جديد يعملوا ايه ؟؟؟؟
ولو اتهوروا وحبوا يتعلموا ينيلوا ايه ؟؟؟
انا شايفه ان الناس كلها عايشين كده ببركة دعا الوالدين والا كان الشعب مات فعليا جوعا .
حسبنا الله ونعم الوكيل وشكرا لك فرنسا هنام
تعرفى الذكى يعمل ايه يشترى النهاردة كمية كبيرة من السلع من عند البقال
تانى يوم بقى ينزل يبيعها
هيكسب حلو اوى
استاذنك بقى الحق اشترى
قبل مالحاجة تغلى تانى
مدحت محمد
صباح الورد يا فرنسا يا جميلة
والله معاكِ حق
على رأي الجميل عمرو سليم في رسمة من الرسومات اللي كان راسمها كان راسم مصرف فلوس ومكتوب الجنيه= 6 دولار.. واتتنين ماشيين واحد بيقول للتاني"إف.. ريحة حاجة ميتة!".. بس على رأي فيروز سنرجع إن شاء الله..
آه فكرتيني بالإعلان النقطة
أنا بشتغل في حديد عز.. آل يعني اشتغل في جامعة الدول العربية!.. ما علينا
تحياتي يا فرنسا
صباحك ورد
السلام عليكم
تعرفي يااستاذة
ي عندنا مواد بندرسها في الكلية ودكاترة بيشرحوا حاجات معينة فيها حل لمشاكلنا الاقتصادية
فبنسال الدكتور ليه احنا منعملش كده
قال حسبي الله ونعم الوكيل
بحس في بعض الاوقات ان بلدنا دي اللي بيخربوا فيها بتم عن قصد والله المستعان
والسلام
هو عمر اللى يروح ايرجع تانى
الله يرحم زمان وايام زمان
ويخرب بيت الاستنساخ
انا كنت عارف ان اللى يموت مش بيرجع تانى الا فى بلدنا ممكن الحاجة الوحشة تموت بس ممكن ترجع تانى زى الاحتكار كده
انتى عارفة الحمدلله انهم احتكروا كل حاجة بس فاضل حاجة واحدة مش عارفين يحتكروها الهواء هما سمموه ولوثوه بس
وبحب اتنين سوا الميه والهواء
وسمعنى احلى سلام صعيدى شحط محط للمرحوم الجنيه وكل احتكار وانتى طيبة
تحياتى يا خالتو
انتى عارفه الحديد متحكم فى كام صناعه
فى 28 صناعه
انا بتكلم عن حديد التسليح بس
وربنا يسترها يا خالتوووووو
يوه
هو انا مسلمتش عليكى
بطه
حسبى الله ونعم الوكيل
على رأيك ياخالتى فرنسا يعنى ايه يقولك بيشتغل فى حديد عز 7000 واحد ويموت 80مليون وبعدين اعضاء مجلس الشعب المستقلين طبعا المعارضين يعنى اتكلموا كتير فى حكاية احتكار الحديد وتحكم احمد عز فى اسعاره وبالرغم من كده الاسعار برده بتزيد
هو خلاص مفيش حد بيعمل حسابه الاخ عز ده ساب خلاص علينا ربنا يستر وما يتصرعش اكتر من كده
عندك حق
احنا لازم نتعلم رياضة الجرى من هنا وجاى
ربنا يرحمنا برحمته
السلام عليكم
والله يا فرنسا هانم زي ماقالوا فين مش عارف
الجنيه من ساعة ما عوموه غطس الغطس مقبش تاني
اه بالنسبة لموضوع الحديد لاحظي انك كده بتوجعيني لاني كل ما افتكره احس اني لما اتخرج مش هلاقي شركة تلمني
dear lady france...
why U make urself so sad...
they do that 2 us ,,as they R so sure that no one will do any thing...just small protestes will B dealed with by police violence..and the rest will do no thing
WE R a DEAD NATION
so ..la hayat leman tonady
بصى يا أخت فرنسا .. و الله عايز أقول كلام كتير .. بس أنا هاقول حاجة واحدة بس .. و ممكن ناس كتير تعارضنى فيها .. اللى عايز أقوله هو
الله يرحمك يا عبد الناصر
عذرا
ولكننا احتكرنا الخيبه
والهيافه
وانعدام الاخلاق
وغياب الايجابيه
و
و
و
و
و
احنا احتكرنا حتى الاحتكار
اه يانفوخي
عايزة حد يضربني على نفوخي
لا مش عشان افوق
عشان اموت
اهئ اهئ اهئ
تحيا مصر
معلشي يا فرنسا ادي حال الدنيا
قالوا للجنيه الغلبان المسكين تعالى هنعومك
وغرقوه منهم لله
كان راجل طيب ومش بيشتكي من حاجة ابدا
-*-*-*-
زمان يا فرنسا لما بابا كان بيديني ربع جنيه مصروف كنت بزعل اوي ومصروفي قليل واكلم ماما تقنعه واكلم عمي واكلم خالي وتبقى فضيحة في العائله بيدي بنته مصروف ربع جنيه . .
مش عارفه صراحة ابني في المستقبل ان شاء الله لو اديته مصروف 10 جنيه هيعمل فيا ايه
مش بعيد يرميهالي ويقولي دي مش تجيب كيس شيبسي ... او يطخني رصاصتين ويقولي وجودك زي عدمه ال 10 جنيه ال
ربنا يستر علينا من اللي بيحصل في بلدنا ...
تسلم ايديكي يا فرنسا
كانت معكم حياة شغاله مع طنط توتا وتهديكم السلام
السلام عليكم ورحمة الله وبركاته
فرنستى الجميله
تسلم ايدك يا قمر
تدوينه صح الصح اصبتى فى وصف ما اصبحنا عليه من سرقه ونهب عينى عينك
دا حتى السرقه حصلت التليفونات الى عند البقالين
كنت بعمل تليفون واستغرقت المكالمة
3 دقائق
والمعروف ان المده 3 دقائق بربع جنيه
قوم ايه الى الله يحرقه زى ما حرق دمى صاحب المحل يقولى 75 قرش ثمن المكالمة
قلت ليه ان شاء الله
قالى الدقيقه بربع جنيه
قلت له ان 3 دقائق بربع جنه فى كل حته
وهو دماغة زى رباط الجزمة
يله يجيب بيهم توتيا وهو وبتاع النور
والمياه والغاز والسكر والزيت
وحديد عز الدخيله
عارفه يا فرنسا
ان مصنع عز الدخيله فى الاسكندريه
مساحته مهوله وطبعا لازم يجيب ثمن الارض والمعدات الى بيستخدمها
من دم الشعب المغلوب على امرة
معلش بقى
انتى جيتى على الجرح
امال يا عينى الى عنده اولاد كثير يعمل ايه
ويربيهم ازاى واكلهم وشربهم ده
غير الدراسة ومستلزماتها
كان الله فى عونا واعاننا على ما نحن فيه
انتى عرفتى ان القذافى لاغى الحكومه
عقبال الى فى بالى
سلام يا قمرة المدونات
عاشقه الفردوس
هو الحساب تقل بعقل ؟؟؟؟
ده تقل وتقل وتقل
وربنا يهدى الظالم
عاشقه الفردوس
عن المتفوتر
والمستخبى وراء البنك
حدث ولا حرج
تحياتى لكى حبيبتى الغاليه
monaliza
تحياتى لكى
ولحرصك على النصيحه
واهلا بكى فى بيتك
اسمك حلو
يا موناليزا
الطائر الحزين
تحياتى لك
ولوجهه نظرك
وفعلا انا سمعت والله اعلم
انه نزل فى جريده المساء
خبر بيقول لاتشترى الحديد باكثر من 5150
وفاكرين نفسهم عملوا معانا واجب
مع ان سعره قبل الغلاء
كان 3800
نفس وجهه نظره
تحياتى
دكتور حر
ازيك يا دكتور محمد
رأى الطائر جميل جدا
وياريت تقراء ردى عليه
تحياتى لك
وبعدين هو لينك اللؤلؤه المكنونه ايه
علشان ازورها
فزلوكة
واااااااااااااه
يا فزلوكه
من الحال بعد 10 سنين
تتصورى الحال اتغير تماما من فتره 5 شهور بس !!!!!!!!!
انين الحزن
ياريحه وعطر ورده اللى برضه بتغنى
وزتى حبيبتى
ازيك
انا متشكره على نصيحتك الغاليه بخصوص الرايق
ويعدين ده لما يقف على ودانه مش هيطول منى جنيه
ده طوب الارض مداينه
وتحياتى
وسلامى
وتقديرى
وكل حاجه
لحبيتى وزتى الغاليه
دكتور حر
والنبى ماشفت التعليق ده
الا بعد ماكتبت ردى
حلوه حكايه الاعلانات دى
قال متفوتر قال
ياخرررررررررررررابى
appy
اشترى التفاؤل بتاعك واسيبك كده ؟؟
لالالالالالالالالالالالالالالا
انا ازود لك تفاؤلك
اما بخصوص البحر
فانا قلت اشتغل سمكه
لانى بحب السمك جدا
والسويس بتحب البحر عموما
تحياتى لك
ولبطوطك
أبو خالد
يا اخى العزيز
ياريتك اطلت اضعاف مضاعفه
فكلامك موزون وجميل وعاقل جدا جدا
احييك على روحك الجميله التى جعلتنى انتظر تعليقك
اختك فرنسا
صاحب المضيفة
اه
ربنا يهد اللى كان السبب
خمسة فضفضة
يا دكتوره
انتى عارفه
ان التجار مش معقول يغلوا بالطريق دى
من غير ضوء اخضر من الحكومه
ولا ايه ؟؟؟؟؟؟
رفقة عمر
رفقه حبيبتى نورتى ياجميل
قصدك الجنيه المصرى كان ب 3 دولار قبل الثوره
انا كنت اسمع زمان كانوا بيقولوا ان الجنيه كان بيساوى جنيه دهب
يرحم زمان وليالى زمان
صبرني يارب
يا سيدى اهلا بيك فى اول زياره
اللى شكلها كده زياره فى التمنيات
على رأى بتوع كره القدم
يعنى زياره ولا اروع
كلامك فيه الكثير من روح الدعابه والسخريه
وده نوع انا بحبه جدا
وبعدين
اوعى تفتكر الحكومه هتدى حد فلوس
لالالالالالالالا
انت بتحلم
مدحت محمد
تعرف يا مدحت لو كنت نزلت اشتريت قبل ما تكتب التعليق
كنت لحقت السعر قبل التعليق
فالسعر بيغلا كل ثانيه
بحبك يامصر
هو لسه متصعرشى
لا
ده انفلت وانفلت
ولامن مجيب
مروة جمعة
ههههههههههه
حلوه حكايه البنك دى
وصباحك فل معطر
الفاتح اليعقوبي
كلام كبير يا عم اليعقوبى
والكبير مينطقشى الا بالكبير
تحياتى لك
همس الاحباب
دقى يامزيكا
سلام الضوء الشارد
ماهو خلاص فعلا الضوء شرد
بطه
اه عارفه والله
وربنا يسترها
ا بـن عــمــر
مش انا عندى حق ؟؟؟؟؟؟؟
آفاق الحرية
جاهد انت بس واتخرج
وربك عنده كتير قووووووووووى
a Dreamer with feet on the Floor
كلماتم رغم انها بالانجليزى الا انها وجعتنى جدا
احنا مش امه ميته
لا
احنا امه منهكه
ضعيفه
لكن الخير فينا الى يوم الدين
وباقى كلامك صحيح جدا
فعنف الشرطه بيقف امام الكل
ابن حـجـر الـعـسـقـلانـى
طيب انت قلت اهوه
ومحدش اعترضك
تحياتى لك ابن حجر
تصدق ان ناس كتير بيترحموا على ايام عبد الناصر وايام السادات ؟
أنا إنسان
احنا ؟؟؟؟؟؟؟؟؟؟
لا
احنا غلابه
المحتكرون من اجود الانواع
انما احنا!!!!!!
نوع درجه تالته
وعجبى
النجمة الصامدة
لالالالالالالالالالالالالالا
تموتى ايه ؟؟؟؟؟؟؟؟
بعد الشر عليكى
انشاء الله الحراميه وقطعيين الارزاق
قبلة الحياة
الجنيه الغلبان مشى معاهم بارادته
ضحكوا عليه ولاد الايه
ام الابناء
ده حرامى ابن حراميه بتاع التليفون ده
وانشاله يجيب توتيا
لان الحرامى حلال فيه اى حاجه
سيبك انتى
انا بفرح قوى لما اشوفك
واطمئن عليكى
وبرضه هسألك فين الجديد ؟
ونيرفانا هانم بتشتغل اخصائية نفسية وتهديكم السلام
الحمد لله انا لى 28 سنة موقفتش على بقال تصورى ؟!!!
متدلعه انا صح
؟
فماما هى اللى بتاخد جرعات الغضب
وربنا يسترها عليها
اول لينك طبعا يا خالتوا
يا ستي الإحتكارده بقوا بيسموه دلوقتي المارد العاري...
إنتي عارفة إن سكان إنجلترا قاطعو القوطة علشان هي غليت لحد ما الحكومة رخصتها ...
شوفتي الناسإلي بيشتغلوا..
أما هنا هتقولك الست المصرية..
"أنا ما أعرفشي أطبخ إلا بالطماطم..."
والله ناس ...
دا نا مرة روحت عند بتاع البقال ...وكنت عاوز حجات كتير ..كنت عاوز سكر ومكرونة وصلصة وزيت ...وحجات تانية كتير..
وما كنتش عارف إن الأسعار غليت ...
فا جيه وقت الحساب ... كام يا عم الحاج ...قال 55 جنيه ...قم سيبتله الحجات على التربيزة وقمت واخد رجلي وماشي ..وما جيبتش حاجة ...
قال إيه لسة الأسعار هتغلى
ربنا عليهم يارب...
تحياتي
كان من اهداف ثورة 23 يوليو كما يذكر المؤرخون :
القضاء علي الاحتكار و سيطرة راس المال علي الحكم...و يمكن سمعنا عن البكاوية و البشاوية و من يريد يدفع.
الامور ، في رايي ، اصبحت كما كانت قبل
23 يوليو... الجنيه فقد قيمته شرائيا
و حتي امام العملات الاجنبية او العربية.
الحياة يوم بعد الاخر تزداد مشقة علي
الفقراء الذين هم حوالي 90 % من إجمالي السكان.
أسأل الله ان يصلح أحوالنا، و يوفق
الجميع الي صالح البلاد و العباد.
تحياتي و تقديري
فالحكر و القهر وعليك هو المكتوب يا ولدى
مفقود الجنيه مفقود مفقود فى بلدنا يا ولدى
-----------
خالتى ليا طلب اول مرة حطلبه من حد ارجوكى ضيفينى فى الريدر بتاعك لو ليكى رغبة
بسم الله
معذرة على التحليق خارج السرب
ولكن
ثورة طنطا في صور - جديد مدونة البحر
مع خالص تحياتي
وهو في حد يلاقي واحد عبيط وميستعبطوش؟؟؟
في حد يلاقي شعب مثالي في السلبية زي شعبنا وميركبوش؟؟
ايه رد فعل الناس علي اللي بيحصل فيها؟؟
مش الناس هي اللي اختارت انها توافق علي اللي بيحصل وتمشي جنب الحيط وجوة الحيط؟؟
كل شئ ليه ضريبة.. كونهم اختارو يمشو جنب الحيط عشان يأمنو من توابع كلمة لاء ليه ضريبة.. أنهم يستحملو كل اللي بيتعمل فيهم
.
دي مش شماتة ولا حاجة..مهو أنا واحد من الناس دي أنا مش بتهم حد بشئ وأبرأ نفسي منه
.
.
وربنا يفرج عنا الكوابيس دي
.
.
.
.
تحياتي
مش عارفة ليه كلام عن الجنيه فكرنى بحكاية حصلت من فترة كدة
لما جم فى مجلس الشعب كانوا ناوييت يرفعوا قيمة الضرايب
وكان فيه ضريبة هتتعمل على اليخوت الخاصة
يعنى اللى عنهم يخت خاص هيكون عليه ضريبة
وبعد ما اغلب نواب مجلس الشعب الموقر اعترض لان ده كدة حرام
لغوا الضريبة دى لكن فضلت الضرايب تزيد على باقى السلع اللى الغلابة بيشتروها
طب والنبى انهى احق انه يدفع الضرايب واحد معاه فلوس انه يشترى يخت
ولا واحد كل مرتبه تلتمية جنيه
معرفش ايه مناسبة كلامى ده بالجنيه
بس كلامك فكرنى بالحكاية دى
واحب اهديكى سلام
مشربتش من نيلها
طب جربت تغنيلها
بلاش قرف بقى وفقع مرارة
ربنا على الظالم والمفترى وابن الحرام
تحياتى ليكى يا فرنستى الغالية
خيخة
فرنسا هانم
فعلا الاسعار بقت حاجه صعبه جدا جدا
كل يوم فى زياده رهيبه الناس اتخنقت جدا
ومبقوش عارفين هيعمول اايه الايام الجايه الناس عندها حاله زعر بجد
وفعلا الجنيه مبقالوش اى قيمه دلوقتى
ربنا يستر بجد
تحياتى وتقديرى
اه يافرنسا ياخالتشىىى
وع راى ماما
الزياده مش بالشلن والربع
لا ده الزياده بالجنيه والخمسين
اووووووف ع ده احتكار
ومبيقتلنيش قد اعلان
اضمن حقوقك كمستهلك
متشتريش غير م محل حاطط سياسة الاستبدال
مع تحيات جهاز حماية مستهلك
ياتهمممممم خيبه
ده هما اللى عايزين حمايه والله
والله انا لما بقيت اشوف شلن على التربيزة فى البيت او مرمى فى اى حته باخده واخاف عليه لان دلوقتى الموصلات بقت ب35 قرش بدل ربع جنيه يعنى اللى مش بيدفع البريزة بيتهزء
وانا بخاف اتهزء ... وملاحظة ان معدش فى حد من اصحابى بيدفع للتانى فى الميكروباص للأن الناس اتعلمت البخل وعرفت قيمة الشلن
يمكن محتاجين ثورة تانى؟؟؟؟؟؟؟؟
يمكن أحمد عز كان فى ضائقة مالية لإنه كان بيجهز نفسه للجواز فاستعان بالاحتقار سورى قصدى الاحتكار علشان يساعده؟؟؟؟
يمكن بابا قاله اعتمد وإحتكر وأنا فى الاسعار هابتكر؟؟؟؟
رحم الله الجنيه
غرق غير مأسوف عليه
لا حول ولا قوة إلا بالله
تحياتى لحضرتك
ولإبداعات حضرتك
كاميليا
والله يا فرنستى انا اسمع ان الثورة خلصت على حاجات كتيرة اوى
بس سبحان الله كلها حاجات لسه موجوده لحد دلوقتى لا وفى تفشى كمان
مش عارفه يمكن انا الى مبهمش فى السياسه وبخبط وخلاص
وبالنسبه للجنيه
احب اسمع اغنيه راح راح راح
يلا ربنا يرحمنا برحمته
سلامى يا فرنستى
:)))
وزه تقومك عليا يا فرنسا
طيييييييييييب ياوزه
بتقولى انى مستلف الف جنيه
ماشى يا وزه
الايااااااام بيننا
هى البلد فيها احتكار وبس
دى فيها سرق ونهب وتزويير البلد بايظه ومولعه بجاززز
انت بتقولى لما نشترى حاجه كلنا نجرى من قدام البقال لا يرجع فى كلامه ويغلى السعله
طيب والنبى والناس الغلابه تعمل ايه المريضه اللى متقدرش تجرى تروح تموت نفسها علشان هى مالهاش مكان فى البلد
مش عارفه اقولك ايه صراحه
غيييير ربنا على الظالم والمفترى واللى بيسرق الغلابه
تحياتى ولاء
السلام عليكم
دى اول مرة ازور المدونه
وطبعا مش اخر مرة
انا اعتقد ان اى حد يزور البلوج ده اول حاجة يعملها انه يضيفه عنده
بالنسبه لموضوع الاحتكار ده مش فى الحديد وبس ده فى الاسمنت والسمنه والزيت والاجهزة الكهربائية بس الحديد هو اللى ظاهر فوق
وبالنسبه لموضوع الجنيه اللى من يوم ما عوموه وهو تقريبا غرق منهم
انا محستش بغلو الاسعار الا لما من فترة نزلت اجيب فول وكان بقالى كتير جدا مجبتش حاجة من السوق
فبقول للراجل عايز بنص جنيه فول بصلى بقرف وقالى مفيش بنص يا كبتن
انا كنت فاكر من فترة قليلة كنت بجيب بنص جنيه وكان بيفطرنا كلنا
يلا مش مهم كله بيطلع فى الغسيل
سلالالالالالالالالالالالالام
العزيزه فرنسا هانم انتى مش عايشه فى الدنيا ولا ايه طب ده الاحتكار مش مشكله المشكله انى الاحتكار مش رافعه الاسعار لا ده كمان بيدعمو ليه اسعار الطاقه يعنى خدى عندك تكلفه طن الحديد على احمد باشا ابن عز 2200 جنيه وبيطلع من المصنع على 4800 بمعنى انى الباشا فى كل طن بيلهف 2600 جنيه منهم ما يزيد على 3/4 من توفير حق الطاقه الى هى الغاز الطبيعى ومواد خام بتدعهما الحكومه المصريه
موضوع الجنيه اقسم بالله العظيم بنت اخويا وابن اختى مش بيبصو للجنيه ده اساسا لازم يكون 2 جنيه بس علشان يتواضعو ويقبلوها وانتى لسه بتفكرى فى موضوع الجنيه
نقول ايه بس حسبي الله ونعم الوكيل
مسيرها تتعدل
يااما هما يموتوا
يااما احنا نموت
تسلمى يا اخت فرنسا وتعيشي وعلى فكره انا اختك ام مريم واكتشفت البلوج كله اساسا بمحض الصدفه وكان بيمثل ليا اختراع لانى بقالي سنين نفسي اكتب الى في نفسي وكتبت كتير اوي اوي فى لكن فكرة النشر فىمنتديات فاشله جدا لاسباب كتيره .
عشان كده عملت مدونه متواضعه بارغي فيها واقول من قلبي الى انا عايزه مشكل الى انا عايزه اقوله لان انا عندي عيال عايزه اربيهم هههههههههههه
لكن باقول يعنى لما اكون عايزه اقول
وابقى شرفي ونوري المدونه عندي وقوليلى رايك الى مهم لان عاجبنى كلامك
http://raghy-emraao-gheer-mathona.blogspot.com/
واسفه على الرغي بتاعي الكتير
زمان وأنا صغننة كنت فاكرة الاحتكار هو الاحتقار
وفهمونى إن دة حاجة ودة حاجة فأحتقرت نفسى انى مكنتشفاهمة الأحتكار
وبعد شوية لاقيتها هيا هيا الإحتكار هو الأحتقار
لأن الأحتكار يؤدى إلى
أحتقار الذات
nirfana
نيرفانا هانم
اخت فرنسا هانم ؟
ولا تشابهه اسماء ؟
عموما
الف مليون مراحب بالاخصائيه النفسيه
وكده ضمنا
انه لما الاسعار تسبب لنا حاله نفسيه
هنتعالج ببلاش
تحياتى لكى فى اول زياره
رغم انها زياره من غير لا كيس فاكهه ولا علبه جاتوه ولا حاجه
تحيات خالتك فرنسا هانم
وسلامى للوالده
دكتور حر
اخد كسين برتقال وكيس موز واروح ازورها
يمكن ربنا يرزقنا بعشوه وتكون لحمه
عبدالرحمن ياسين
الشعب بتاعنا معندهوش ثقافه المقاطعه
الناس التانيه بيعرفوا يفكروا
ويعرفوا يقاطعوا ايه وازاى
تحياتى لك
وعايزين حاجه جديده وسيبك من الكسل
الربان
جبت المفيييييييد
احنا شكلنا كده وصلنا لنفس الحاله اللى كنا عليها قبل الثوره
تحياتى لك
عاليا حليم
انا لك على طول خليك ليا
برضه يا عاليا
تقولى لو ليكى رغبه انك تضيفينى
يا حبيبتى
انا باعتذر من هنا للصبح ومن اسوان للاسكندريه
وسماح النوبه دى
انا شرفنى انى اضفت لينك عندليبيات واهل عندليبيات
تحياتى لكى
وبرضه العتب عليكى
لانى بقالى مده مش شفت تعليقك
وانا عملت الريدر من صفحه التعليقات
وفى لينكات كتير نسيتها
المهم
صاااااااااااافى يالبن
أحمد سعيد بسيوني
شكرا لمرورك
القلم السكندري
كلنا مشتركين فى الوضع الحالى
انا وانت والجميع
منظومه كامله من اللامبالاه تكونت على مدار السنوات
ومن الصعب تفككها
تحياتى لاجدع قلم اسكندرانى
بت خيخة وأى كلام
خير
لاء خير
طبعا خير
خير انهم يمتنعوا عن اصدار ضرايب على اليخوت الخاصه ويصدروها على المتفوتر
اصحاب اليخوت غلابه
مساكين
يستحقوا الشفقه
يستحقوا اننا نديلهم من الملايه البؤجه اللى عملناها عندك
ايييييييييييييه
ربنا يستر
تحياتى الغاليه
لخيخه الغاليه
ra7eel
تحياتى لكى يا ساره
وفعلا كلامك مظبوط
وربنا يسترها علينا
د/اجدع بنوته
حمايه المستهلك ؟؟؟؟؟؟؟؟؟؟؟؟
هما للاسف فاهمين الكلمه دى بالمشقلب
عارفه
هاتى ودنك
افهمك
قصدهم حمايه المستهلك اللى استهلك فلوسنا وصحتنا وخيرات بلدنا
هو ده المستهلك
أمـ الله ـة
مش البخل
لا
الناس مش ملاحقه على نفسها ومصارفها
قاموا مشوها انجليزى
وده مش وحش
لكن الوحش
ان اى حد يستجرىء يهزئك
كاميليا
كاميليا يا مبدعه
فعلا
من غير سورى ولا حاجه
انتى جبتى التايهه
هو احتقاااااااااااار
فعلا اللى بيحصل ده احتقار
shayma
لا يا عسل بتفهمى ونص ونصين كمان
فعلا احنا رجعنا لعصر ما قبل الثوره
كل حاجه رجعت تانى
وتانى
وتانى
وتانى
ربنا يرحمنا
عبده الرايق
مالك ومالنا انا ووزه يا رااااااايق
خليك فى حالك
وبلاش تخبط فى الحلل وروح ادفع اللى عليك للناس
walaa
ولاء يا حبيبتى اولا ازيك
ثانيا برضه ازيك
ثالثا
انا مش قصدى المعنى بحروفه
ده اسلوب سخريه من الاوضاع
هو فعلا الناس هتجرى من قدام البقال؟
منهم لله اللى غلوا علينا اللقمه
حــدوتـــة
اولا شكرا على زيارتك الاولى
وثانيا شكرا على كلامك الجميل عن المدونه
وسادسا كله بيطلع فى الغسيل ؟؟
طيب ماهما غلوا الصابون والرابسو والبوتاص كمان
هو بعد كده حد هيغسل
هنمشى مقراحيين
رئيس جمهوريه نفسى
رئيس الجمهوريه رجع تانى يارجااااااااله
سلام سلام على طول السلام يا جدع
وبعدين ياريس
يوفروا له طاقه يدعموا له خامات
مش ابن عز برضه؟؟؟؟
دمعاتي
وفى الاخر كلنا هنموت
صبرني يارب
تحياتى لام مريم
والفين ومتين وخمسين مرحب بيكى
انا سعيده جدا جدا بكلامك اللذيذ
وانا هاركب العجله بتاعتى وطيران دلوقتى على مدونتك
بس جهزى النسكافيه
تحياتى لكى
مروة الزارع
والله يا مروه انا من غير ما اقراء تعليقك رديت فى الاعلى على كاميليا
وكان ردى هو فعلا احتقار مش احتكار
تحياتى لكى مروه
وكويس انى اطمنت عليكى
فرنسا هانم
تحياتى ليكى
و ثورة إيه .. هو لسه فيه حد فاكراها؟؟
أنتى قولتى بنفسك ..كتاب تاريخ
تارييييييييخ
هه
ننسى بقى اللى فات بس ربنا يسترها على اللى جاى
الطبقى الوسطى اللى زى حالاتنا خلاص قربوا ضهرهم ينكشف و ينضموا لباقى عموم فقراء مصر
و بمناسبة الجنيه فكرتنى بغنوة لفرقة خالد سليم كانت بتقول
بجنيه .. بجنيه ...بجنيه
جدنا كان يعمل بيه
دلوقتى هنعمل إيه؟؟
يا أخوانا بعشرة جنيه؟؟؟
تحياتى يا خالتشى
هاهاهاهاهاهاها
الجملة دي رهيبة
"احمد عز بتاع حديد عز اللى مشغل عنده 7000 واحد ومنكد على 80 مليون واحد وفرحانين قوى وهما بيجوا فى الاعلانات
وبيقولوا
انا بشتغل فى حديد عز
يافرحتنا بيكوا"
هاهاهاهاهاهاها
---
هما قضوا ع الاحتكار بتاع البشوات
وده كان احتكار كحيان أهبل على قده
وعملوا منه احتكار الناس الواصلين
وده بقى بصحيح : المارد الجبار
---
جتهم القرف ملوا البلد !!
ألحق آخر تعليق وأرد
تعرفي أنه بسبب ارتفاع حديد التسليح ارتفعت أسعار الأراضي الزراعية وانخفضت أسعار أراضي البناء
تعرفي إن في وسط هذه الإرتفاعات في الإسعار .. انقلبت مقطورة تحمل زيت طعام على الطريق بجوارنا .. والناس ياعيني مش لاقية الزيت
الجميل في الموضوع إن الناس عندنا لا يجدون الخبز .. إلا من كان له قريب في التموين يهربله شيكاة دقيق أو يشتريها من السوق السوداء
بيقولوا السبانخ والبتنجان هيرتفع سعرهم :)
ده مش احتكار .دى سرقه عينى عينك .
امال ليه هما جابولنا حكومة رجال الاعمال والسحر والشعوذه دول علشان يقلبو فينا براحتهم ويخلولنا السرقه قانونيه .انا عندى اقتراح حلو نموت وخلاص .علشان الناس دى تتوب او تروح دوله تانيه يسرقو فيها بمزاجهم
نسيت حاجه .
احتكار زمان ده كانت ناس بشوات ولاد ناس مش ولاد كلب
دا مش الاحتكار بس يافرنسا هانم ، دا الاحتكار والسرقة وقلة الضمير والفساد والرشوة و....... لو قعدنا نعد هيجيلنا السكر فوق الضغط اللى عندنا ، بجد صعب اووووى ننسب الغلا دا لحاجة واحدة وبس ، المفروض ندور فى كل زاوية على الاسباب ونحاول نصلح ، بس معروف طبعا طول ما انت بتحاول تصلح فى مصر تبقى زى اللى بيدن فى مالطة ..
شوفي الصدف بقى
انا لقيت اني هاكون التعليق رقم 121
وده كان رقم الأتوبيس اللي كنت بركبه واروح بيه بيتنا ايام الجامعه
تخيلي انه بقى بنص جنيه بدل الربع جنيه مع ان مفيش اي تحسن دخل عليه خالص
نفس الخط ونفي العربيه
ونفس السواقين
ونفس الزحمه مفيش اختلاف غير انه غلي
حتى الأتوبيس غلي
وتقوليلي نجري
طيب نجري ازاي من الأتوبيس يعني
لو جرينا هيدوسنا برده مفيش فايده
عمنا سعد قال كده برضه
مفيش فايده
ولا انتي ايه رايك
تسلم ايدك يا فرنسا
سلاااااااااااااااااااام
اخوكي ايهاب
هو يعنى ايه جنيه يا فرنسا
الله يرحمه كان ابن ناس بامانة
.....
المشكلة مش فى الجنيه ولا فى الاحتكار المشكلة فينا
سكوتنا هو وخرس السنتنا بدون داعى السبب
يعنى ايه رب اسرة مرتبه 300 جنيه يروح يشترى كيلو رز بـ 3.50 جنيه غير تعليم اولاده غير لبس غير لو حد فيهم مرض
احنا محتاجين صحوة من جوانا علشان ننقذ نفسنا... سكوتنا والكمامة اللى على افوهتنا هى السبب فى اللى بيجرى لنا ده ... طالما ساكتين يبقى عاجبنا .. وهمات يزيدوا افعالهم ...
انا جاية اهدى النفوس بس
تحياتى يا جميلة
هو انا معلقتش هنا
مع انى قاريه البوست ده بعد ساعتين م مانزل
الواحد بقى بيجيله تاهه
متعرفيش حلها ايه ده ياخالتى
اللى انا فكراه انى علقت ع البوست ده
احتمال كبير يكون التعليق حطيته غلط ف مدونه تانيه
ادى اللى هناخده م المزاكره
................
بس سيبك عندهم حق يفخروا بانهم ف حديد عز
ده ااقل حد هناك بياخد ب الالف جنيه
عبده باشا ف الحى بياخد كام منهم بقى
الاحتكار ع فكره موجود م زمان اوى
م ايام قبل الاسلام كمان
لما كانت ناس معينه هى اللى بتعمل القوافل التجاريه
وتيجى تتحكم ف السوق وتبيع البضاعه لتجار التجزئه
بس يمكن مظهرش ببشاعته ووجهه الشرس غير الايام دى
لما كل حاجه غليت وكل حاجه بقت محتكره
والرواتب قلت والدخل بيتناقص
فبدا الناس يحسوا بالاحتكار
تحياتى ليكى ولاحمد عز
وامانه تقليلى هو انا رديت هنا ولا قبل كده
علشان هتجنن ياخالتووووو
حسبى الله ونعم الوكيل
مش عارفه اقول ايه ده انا خلاص فاض بيا ومليت
حسبى الله ونعم الوكيل
كشفت راسى واتجهت
عزيزتى
سعيدة بالتعرف الى مدونتك ودى أول زيارة لكن ان شاء الله حآجى كتير بعد اذنك طبعا
السلام عليكم والله يا فرنسا ما عارفه اقول ايه؟اللى بيحصل فينا ده حلال ولا حرام ده احتكار ولا سرقه ونهب بصى انا مش هقول الا حسبى الله ونعم الوكيل.بس لامتى هنفضل نتسرق ونضرب على قفانا ونسكت؟قفانا ورم يا فرنسا وبعدين انا عندى سؤال فين العائدات بتاعه مصر فين عائدات قناه السويس اللى بتجيب فى اليوم 9 مليار زى ما قالوا فى التليفزيون.فين الايرادات اللى بتدخل البلد ولا هى البلد بتخرج منها الفلوس ومش بترجع.انا عارفه ان كلامنا ولا هيعمل اى حاجه ولا عمر هيرجع الارز الكيلو بجنيه ولا السكر هيرخص تانى واذا كان على سؤالك السكر غلى وانا احلى بايه؟اقولك حلى بالعسل الاسود اهه لسه مش غلى اوى وصحى برضه.وشكرا انك استحملتينى سلام يا حبيبتى اختك حنين القلب
انا علقت هنا قبل كدااااا
طييييييييييب
:)
الاحتكار يعنى عز
ويعنى الحزب الوطنى فى احتكار الحكم
وووووووو
وامثلة كتيرة حتى فى الاعلام
والبرامج الرياضية
وما زال النيل يجرى
ومش عارفين هيحتكروه ده ولا ايه كمان
ياااانهااااااااااار
اوعى ياخالتو تزعلى منى؟
لا لا شكلك زعلانة
بجد يعنى مش زعلانة
الحمد لله
:)
اتأخرت مرتين مرة فى الرد عليك
ومرة فى التعليق
معلش الله يخليك عديهالى المرة دى ياخالتو
اما بقى للجنيه باشا
ولا باشا ولابتاع
عايزة اقولك ياخالتو اننا اتفقع مرارتى امبارح كنت خير اللهم اجعله خير فى فسحة كده يعنى
والاقيلك ناس مش حاسة باى حاجة من اللى احنا فيها دى
بجد والله
ناس كده ياخالتو يعنى تحسى انهم مش عايشين فى مصر بتاعتنا اللى احنا عايشينها
بجد احنا مابقاش عندنا وسط دلوقتى
حتى اللى فاكر نفسه انه بين البينين
كلها يومين ويبقى بح
بسبب البلاوى اللى احنا فيها
ربنا يسترها علينا
ونقدر نجرى بجد
دائماما تسخرين من الوقع المأساوى اللى بنعيشه بخفه دم منقطعة النظير
بس انا بقيت بقول الكلمة دى كتير باين
لله الامر من قبل ومن بعد
والله يمهل ولا يهمل
سلام يا بطة
هبة
أنت
يا سارق ياء النداء من حروفي
لماذا أنت مرتبك ؟
نعم أعنيك أنت
ادعوك للإنضمام للفكرة
فانت وحدك .. ذلك الذي لم يأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املأ الدنيا بالضجيج
نظرة على اسرار اون لاين لن تضيرك
و مشاركتك تأكد انها مصدر سعادة لنا
http://asraronline.com/vb/
السلام عليكم
لاادرى ماذا يفعل الفقير فعلا مع غلوالاسعار بهذه الطريقة الغريبة والعاجلة اللهم ارحمنا
ملك المصرية
فرنسا هاااانم
والله الله يساعد خلقه
والواحد فعلا مقهور
وبعيد عنك اللى زى حالاتى ومش بيشتغل
هيومت قهر
ووشي من الراجل ابو العيال فى الارض
لانى حاسة انى عالة عليه ههههههه
وكنت عايزة اسألك وازنقك واحرجك
على رأى الله يفحمه مفيد فوزى
كنت عايزة اسألك على شغلانة السمكة دى كويسة ولا فقرانة برضو
اهو اسمه البحر واسع ويسع سمك كتير
واهو البحر برضو بتاع ربنا
ولا خصخصوه هو كمان
تحياااااااااتى
fatima
بالمناسبه الطبقه الوسطى هى رمانه الميزان لاى امه
فان وجدت الطبقه الوسطى وذادت دل ذلك على تقدم هذه الامه ونموها
واذا قلت او انقرضت دل ذلك على تأخر تلك الامه وذبولها
ونحن نعانى من الذبول
كالزهره الذابله
تحياتى لكى
فاطيما
خبيب
ملوا البلد بالخيبه واغلاء والاحتكار
والتخلف
وشهداء طوابير العيش
رحمتك ياااااااااارب
وضـّاح
طلعت اوووووووت
ومش ده اخر تعليق
وضـّاح
طبعا من حقهم يغلوا البتنجان والسبانخ
مش برضه السبانخ كلها حديد
يبقى هيحتكرها عمنا عز
تــــايه ومش تـــايه
موتنا مش هو الحل
موتهم هما هو الحل
ربنا على المفترى
تــــايه ومش تـــايه
زعلت منك على الشتيمه دى
ياريت علشان خاطرى بلاش
S@rOra
طبعا انا عارفه ان فى حاجات كتير غير الاحتكار
لكن انا بتكلم هنا عن زاويه الاحتكار
والاحتكار العلنى المدروس
تحياتى لكى
فى مصر
وبلاش مالطه
الشنكوتي الكبير
انت قبضت مرتبك يا شنكوتى ؟؟؟
طبعا لقيته ناقص
انت متاخد غياب من فتره
حمدلله على السلامه
ويلا خليها علينا
عدى على الصراف خد باقى المرتب
اما عن الاتوبيس
طبعا مش هينفع نجرى فيه
لكن ممكن نسخن جواه
علشان نبقى مستعدين للجرى
Desert cat
من جهه تهدى النفوس
النفوس شاطت
زى الرز اللى بيشيط
وفعلا سكوتنا هو السبب
تحياتى لكى يا قطتى الجميله
د/اجدع بنوته
ممنك يا حبيبتى تكونى ناويتى تعلقى وانشغلتى بحاجه تانيه
لكن بالامانه
انتى معلقتيش قبل كده
ومتشغليش بالك
ساعات بدخل على مدونه
واحس انى علقت قبل كده
تحياتى لكى
وشكرا لحرصك على التعليق
وعلى الوزاره اللى شرفتينى بيها
3ala asm masr
كلنا كشفنا راسنا واتجهنا
لغايه لما الشمس قورت نافوخنا
مجداوية
بعد اذنى ؟؟؟
المدونه كلها تحت امرك فى اى وقت
وفى تلاجه فيها ساقع وحلو كمان
حنين القلب
اعلى ايراد سنوى لقناه السويس 4 ونص مليار دولار
واعلى ايراد يومى 21 مليون دولار
او 117 مليون جنيه مصرى
بيرحوا فين الله اعلم
المصانع والشركات اللى اتباعت راحت فين الله اعلم
امام الجيل
طبعا احتكروه هو التانى
طيب حاول تعمل اى نشاط سياحى على النيل
هتلاقيه محتكر
وتحياتى لك
آخر العنقود
هو انا اقدر ازعل من اخر العنقود سكر معقود
وفعلا بعد شويه
كله هيبقى بح
وبح البح كمان
Doba
هبه !!!!!!!!!!!
مالك فوقى
بطه !!!!!!!!!!!!
مين بطه دى ؟؟؟؟
كده الناس هتخاف منى علشان انفلوانزا الطيور
امين سر
سااااااااااااارق
هتلبسونا قضيه
فرنسا هانم
والله أنا اتكلمت في الموضوع ده قبل كده واعتبرت الجنية المصري ورق طعمية ده حتى يمكن ورق الطعميه بقى ليه قيمة عنه وناقشت التدهور بتاعه وكمان شكله وكمان اللي يخنق اكتر أزمة الفكه اللي في البلد !!
خالتي فرنسا لنا الله
الف شكر على تعبك معانا وكتابتك للبوست ده بس صدقيني الحل ان الشعب يقوم بثورة ضد الغلاء وضد الاحتكار
Malk Almasria
مرحبا بكى يا ملك
والفقير والغنى
كله هيتكوى وكله هيتلسع بالنار
فضفضة
لا يا حبيبتى البحر واسع والرزق بالهبل
تعالى انتى بس وهاتى اوراقك ومتشليش هم
انا عندى واسطه من سبع البحر
وابو جلمبو والبورى
وانا خيرى مغرقهم
وجمايلى عليهم بالكوم
وهيقبلوا اوراقك بسهوله
بس لازم هيعملوا لك تست
ويسألوكى
ايه اللى يعدى البحر ولا يتبلش ؟؟؟
The Queen
الملكه بتطلب بالثوره
طالما الملكه امرت
سمعا وطاعه يا مولاتى
تحياتى للملكه
السلام عليكم ياخالتى قول للزمان ارجع يازمان
شايله هم البلد زى ما أنا شايل همها
بتحبيها قد مابحبها
ربنا يسهل ونعدى الأيام اللى جايه على خير
اتمنى زيارتى
تحيـــاتى
المصــــــرى
فرنووووووووسة
لو على اللى يعدى البحر وميتبلش
مقدووور عليها
بس ميسألونيش اية اللى بيعدى البحر ويتبل
زى عدد المسلمين فى الهند كده ههههههه
ومادام انتى خيرك عليهم
ان الاوان يردوا جميلك فيا بقي
وان الله يحب المحسنين
تحيااااااتى
جانا ريرى جانا غنوا وقولوا معانا
ده تحوير للجمله الغنائيه المعروفه
والصح بتاعها
جانا ريري جانا .. هيصو وقولو معانا
وفي كوبليه تاني
سقفو وقولو معانا
ازاي يافرنسا تنسي جملة غنائيه رائعه زي دي
------
وبعدين انتي مالك ومال حديد عز .. ولا يعني عشان خاطر شوية شعب .. شوية شعب ماكملوش المية مليون .. يخسر عز بيه ملاين المليارات؟؟؟؟
ملحوظه
شركة حديد عز كان اسمها شركة الدخيله للحديد والصلب .. وهي اصلا شركة قطاع عام .. لما رجع احمد عز من بره وهو معاه الدكتوراه خلوه يبقى رئيس مجلسها عشان يظبطها .. قام اول حاجه عملها انه غير اسمها زي ماتكون شركته اللي من حر مالو
وحاجه اخيره .. احمد عز هو الوحيد اللي بيقول للريس يا أونكل
الا يعني ايه أونكل دي .. تكونش شتومه يافرنسا؟؟؟؟؟؟
سلاموووووووووووووز
السلام عليكم
للأسف كل إنجازات الثوره من القضاء على الإقطاع وتوزيع الثروة والقضاء على الإستبداد والإستغلال كان ماضي وراح لحاله .
حتى اللي كانوا بيكرهوا عبد الناصر أصبحوا دلوقتي بيقولوا ولا يوم من أيامه.
ليس لها من دون الله كاشفاً
yza farancety ya 7'ofy l 7ad ya3mel 2estensa7' le om debwah hahaha
ya fandem o lesa bas 3arfa el dollar kaman se3roh nezel ba2a zay el dollar el canady taswary deh,el 7ayah ba2et 3'alyah fe el 3alam kolo mesh masr bas,o dah malosh da3wah b el 2e7tekar wala 7agah 3alashan ana 2a3taqed en el 7ayah mashyah 7'as7'asah aktar mn el 2e7teqar
bas mawdo3 gamed ya farancety
walahy wa7shany 7'ales
salam ya fandem
انا تعبت وزهقت وقرفت من الكلام في الموضوع دة
وطبعا دة مايمنعش انك ابدعتي بطريقة ساخرة جميلة
ممكن تزودي على كلام سيادتك ان المحروس الشينيور ابني معترض على الاتنين جنية اللي بياخدهم مصروف كل يوم وبيطالب بكادر هو كمان
تحياتي ياخالة
عزيزتى
انتى فكرتينى لما كنت بتناقش مع النقيب قطه الصحراء عن عز وفلوسه واللى بيتحكموا من الاخوان وفلوسهم
قالتلى ده احنا عارفين مصادر فلوسه
واكيد لما طلع حرامى فى نظراها هتقولك دول قلة منحرفه من الحزب وفيهم ناس كويسه
زى الشرطه
واى حد تنتقده
ما عدا الاخوان
لو قوتلها الاخوانى ده ميه ميه هطلع فيه القطط الفطيسه زة ما رديت على تعليقك
انا استعرته فى البوست اللى كتبته عليها
معلش يمكن خرجت عن الموضوع
بس للاسف مبقناش نعرف نهاجم النظام من معارضينه اللى بيترموا فى احضانه
ولما يعرضوه بكلمه يدفعوا عنه بالف غيرها
وزى ما عملت بوست عن اسلام نبيه و تلاته غيره تدافع عن الشرطه
النقيب قطه طبعا
متزعليش استغليت التعليق فى مهاجمه حد
اصل ردها عليكى استفزنى
هو مضيقكيش وموضحلكيش اى حاجه
ربنا يلطف ببلادنا
اللى الجنيه السودانى بقا اعلى منه
تحياتى يا افندم
سلاااااااااااااام
أريد عريساً
وهاتلى قلب لاداب ولا حب ولا انجرح ولا شاف حرمااااااااان
almasry
احنا اصلا شايالين الحمول
وربنا معانا
وانا يشرفنى زيارتك
فضفضة
ماشى يا جميل طلباتك اوامر
وهاشولك الوظيفه
علشان متتكسفيش من ابو العيال
تحياتى لكى
Soooo
هى اونكل شتومه فعلا
وكلمه وحشه
فى القدم
واللعيبه بتوع الكوره
بيجيلهم شد فى اونكل القدم
يعنى تحت الشراب
تحياتى ياسووووووو
ياللى هتودينا فى داهيه
وسلامى لمصطفى شعبان ومنى زكى
علاء سالم
اللهم انت كاشف تلك الغمه
فاكشفها عنا يا كريم يا رب
Sola
اولا انا سعيده انكى رجعتى تانى لاسم سولا
ثانيا الاسعار غليت فعلا على المستوى العالمى
لكن
لما يكون فى محتكر واحد لسلعه ممنوع استيرادها يبقى فى القيل والقال
سابعا
انتى كنتى فين ؟ وحشانى جدا
shahy
من حق الشنيور الاعتراض
ومن حقك تعملى اجتماع عاجل لمجلس العائله لمناقشه الوضع
واكيد ابو الشنيور مجهز الفيتو مقدما
تحياتى لكى
وللثلاثه الظرفاء
أنا مش موافق
موضوع قطه الصحراء ليس له علاقه بالموضوع ده
وصدقنى انا فرحت ان الموضوع ده اتقفل
وارجوا الا يتكرر مره اخرى
وانا سعيده بزيارتك لى
والجنيه المصرى بقى بثلث جنيه سودانى
يعنى الجنيه السودانى بتلاته مصرى
مش خيبه ؟؟؟؟؟
لا والغريب بقى ان الناس ساكتة ؟! ولسة هاتسكت ؟! وهايفضلوا ساكتين لحد مايموتوا .. من الجوع والفقر والمهانة!!!!
إرسال تعليق