الأحد، أكتوبر 04، 2009

اللهم انصر المجاهدين فى المدارس

اصدر الحاكم بأمره وزير التربيه والتعليم الدكتور\ يسرى الجمل قرارا اكاديميا ببدء العام الدراسى رغم انف الخنازير
كما اشترك فى القرار الاكاديمى النابغه الكبير واجهه مصر المشرفه والحاصل على المرتبه الثانيه على مستوى العالم فى انتشار انفلوانزا الطيور وزير الصحه المصرى حاتم الجبلى
ونحن نتوجه للسيد وزير الصحه بخالص الشكر والتحيه على المركز الثانى العالمى وهو المركز البعيد المنال عنا فى اى مسابقه رياضيه او ثقافيه او علميه او حتى لوغارتميه .. ولكننا حصلنا عليها بفضل متابعه وزاره الصحه الدقيقه لمرض انفلوانزا الطيور وتأكيدها المستمر لنا ان ((((( الوضع مستقر )))))
واما هذا الوضع المستقر
وامام تفاؤل الساده الوزراء
وامام انتظار اولياء الامور
وامام انسياق الضحايا للمذابح
لا نملك الا ان نقول
اللهم انصر الاطفال المجاهدين فى المدارس الحكوميه
ومن اجل وقفه حياديه على عتبه الاحداث (( حلوه عتبه الاحداث دى )) احب ان اقول ان الوضع بالنسبه للساده الوزراء شائك وصعب وكان الله فى عونهم
ورغم تاكيدات الاطباء بأن الفيروس الحالى ضعيف وان الخطر من تحوره نتيجه انتقاله من شخص لاخر وذلك لاكتساب الفيروس ملامح الخلايا الداخليه للشخص المصاب وان عمل الفيروس على عده اشخاص يكسبه تحور ربما يكون هو الخطير فى حد ذاته
الا
وما ادراك ما الا
الا ان الخوف من احتلال مصر بقياده وزاره الصحه مرتبه متقدمه فى انتشار المرض عالميا كما عودتنا الوزاره الرشيده على احتلال المراكز المتميزه فى عالم الاوبئه والخوف كل الخوف الا ترضى الوزاره فى تلك المره بالمركز الثانى .وتحاول ان تجتهد من اجل احتلال المركز الاول والفوز بالميداليه الذهبيه لرفع اسم مصر عاليا
ومن ناحيتى انا ... انا كنت مشتته الافكار .. هل التأجيل افضل ؟؟؟ هل الغاء المدارس افضل ؟؟؟ هل التقسيم لثلاثه ايام افضل ؟؟؟؟
ولم اجد فى داخلى اى اجابه
فكل الاختيارات خطيره وصعبه للغايه .. واخطرها هو ما اتخذه وزير التربيه والتعليم
ان سياسه الثلاثه ايام دراسه .. يوم دراسه ويوم اجازه ..سياسه فاشله وستثبت الايام فشلها الذريع
مره اخرى ادعو لاطفالنا المجاهدين فى المدارس بالنصر

هناك 20 تعليقًا:

micheal يقول...

ربنا معاهم ويحفظهم من الخطر
أتمنى نكون واخدين إحتياطتنا كويس ولو أني أشك لأننا تعودنا على التحرك بعد وقوع المصيبة
تحياتي

همس الاحباب يقول...

ربنا معاهم
وربنا يستر على مصر من غباء حكومتها وغطرستها
والخوف من تفاقم المشكلة والكل يعرف امكانيات الدولة فى ادارة الازمات والكوارث
تحياتى وحمدلله على السلامة يا ست الكل

غير معرف يقول...

والله واحشتينى قوووووووووى يا ست الكل وقمر المدونات كلها
انا مش صدقت نفسى لما قريت فى الرايدر اسمك
الف الف الف بوسه لخالتشى حبيبتشى

غير معرف يقول...

اه نسيت اقولك يا خالتشى
هو احنا فعلا طلعنا التانى على مستوى العالم فى انفلوسه الطيور ؟؟؟؟؟؟
لوللللللللللللللللللللللللللى
زغروته لوزارتنا المجتهده

خالد كامل يقول...

welcome to Egypt
المهم حمد الله على سلامتك
و ياريت بقى بلاش الغيبة الطويلة دى تانى

تحياتى

Empress appy يقول...

وهو يعنى يا حبيبتى التعليم مستنى فشل ما تبصى علينا احنا اللى اتخرجنا ما برضه فشل
المشكله فى الفلونزا مش الحكومه زى ما انا قولت الناس كمان اللى بقت سيباها على الله ومش عاوزه تعمل حاجه ولا تاخد بالها خالص

خمسة فضفضة يقول...

السلام عليكم ورحمة الله وبركاته

ازيك يا فرنستي الحلوه تصدقي بالله انت علي بالي من امبارح والله

خصوصا لما شفت اعلان عن فيلم الغريب
قلت لازم اجي اقولك كل سنة وانت والسويس كها طيبين

يارب تكوني باحسن صحه واحلي حال

اما المدارس فالله يكون فعون الطلبه واولياء الامور ويعينهم علي الهبل بتاع وزارة التعليم والصحه

سلام يا قمر

Magi Mostafa يقول...

لو كان يقدموا الدراسه لشهور الصيف او يأجلوها للصيف خصوصا المدارس كان هيبقى احسن على المدى البعيد
بس ربنا يستر

صبرني يارب يقول...

والله انا شايفه اننا كالعاده بنواجه كل حاجه بهبل وسفه وتخلف عقلي

حاجه تقرف

Mafrousa يقول...

حمدا لله على سلامتك
انتى فين يا فرنسيتي؟
انتى خايفة من انفلونزا الخنازير؟؟؟؟
ولا خايفة من الخنازير نفسها؟؟؟؟؟ هههههههه
ماهم بعيد عنك لسة موجودين
الحى منهم متخفى و الميت منهم روحة لابسة حد تاني هههههههه
انتى زعلانة ان المدارس حتمشي على سطر و تسيب سطر؟؟؟
اومال تقولى ايه على المدارس اللى حتبقى 3 فترات الفترة الاولى تبدأ 6.30 صباحا و الفترة الاخيرة من 2 الى 6.30 مساءا
سيبك من الاخيرة و خليكي فى الاولى
تقدري تقوليلي مدرس مين اللى حيبدأ الحصة فى الشتا و الدنيا لسة ضلمة؟؟؟؟؟
ده بند
اما البند الاهم
عيل مين اللى حيطلع من تحت اللحاف ولا البطانية الشاعة 6.30 و مايجيلوش برد؟؟؟؟
ما هو لو كان المتكلم مجنون
لازم المستمع يكون اجن منه
حاجة تفرس
و برضه ربنا مع الطلبة المجاهدين فى سبيل العلم

Ahmed يقول...

هههه

مش عارف
حاسس ان يوم الجمعه في مساجد الاخوان هنسمع الدعوه ديه (بحكم انهم هما المعارضه يعني)


هيا المشكله فعلا اننا فقدنا الثقه في أي قرار والأيام بتثبتلنا باستمرار ان كل القراران عشوائيه ومش محسوبه

شفـقــة و إحســــان يقول...

والله معاكى حق يا فرنسا يوم دراسة ويوم اجازة هيثبت فشله الذريع
دى خلاص ما بقيتش مدارس بقت ملاهى وابقى قابلينى لو العيال فلحوا
وكمان الاجمل والاجمل ان المدرسين هيهيصوا فى الدروس الخصوصية
ربنا يرحمنا جمعيا ويرحم اولادنا
شفقة

غير معرف يقول...

هههههههههه
هههههههههه
رجعتينا لايامك الحلوه وروحك الجميله يا ست فرنسا
رجعتينا لقلمك اللاذع الساخر الجميل
رجعتينا لاجمل مدونه واجمل قلم واجمل ابداع

محمد

بنت الصالحين يقول...

هههههههههههههههههههههههههههههههههههههه


عثثثثثثثثثثثثل ياخالتوووووووووووو


بجد الواحد زهق م الغباء

طيب احنا عندنا مفيش تقسيم
ده ايه بئى

قسمو الفصل فصلين

يعني بقت المدرسة فترة صباحية وفترة مسائية

المشكلة بئى ان دلوقتي مفيش مدرسين علشان يسدوا العجز ده فايه اللي بيحصل
العيال بينزلوها الحوش تلعب فيه هههههههههههههههههههههههههه


والعيال زهقت من كتر اللعب بصراحة ف الحوش

فايه بئى

اللي مبئاش يروح واللي بئى يروح علشان ياخد المصروف من مامته بس وهيييييييييييصة

هههههههههههههههههههه


شر البلية مايضحك

سبهللة يقول...

انتى بتقولى ان قرار التلات ايام دة قرار غلط
ومن امتى احنا عندنا اى وزير بياخد قرار صح؟؟
ما كل قرارتهم غلط واحنا اللى بنشربها فى لالخر بالسم الهارى
بس المصيبة المرة دى ان القرار متنشن على فلذات اكبادنا

ربنا يستر

الطائر الحزين يقول...

احنا عاملين زى جحا لما حب يهرب من العيال اللى ماسكة فى ديلة قال لهم فيه فرح هناك اهوه ولما العيال سابوه سبقهم هو على هناك

===============
الموضوع كله بيان لوزارة الصحة نتيجة تشكيك او تواطؤ من بعض شركات الادوية وللاسف منظمة الصحة معرفتش ترجع فيه تانى فصدقت نفسها ومشيت ورا الناس واحنا من ظمن الهبل اللى مشيوا وراهم

Alaasalim2 يقول...

السلام عليكم

فعلا والله مجاهدين ومش الأطفال بس
والله الشعب المصري كله بقى بيجاهد
و عدد شهداء التقصير والإهمال والفساد عندنا سنويا أكتر من عدد شهداء أكتوبر والنكسه مع بعض

ربنا يحلها من عنده

رفقة عمر يقول...

وحشتينى قوى
وفرحت قوى لما لاقيت بوست جديد ليكى
حضرتك فين
ليه بتغيبى عنا
احنا زعلناكى فى حاجه
يارب تكونى دايما بخير

بنات مرام يقول...

يارب احفظنا
مابقناش عارفيين ايه الاشاعة وايه الصح وايه الغلط
ربنا يحمينا من كل الامراض

جميل
متابعيين

حنين القلب يقول...

وحشتينى موووووووووووووت

ايه اخبارك ؟؟

يا رب تكونى بالف خير