الأحد، سبتمبر 28، 2008

عن الحرايق ........سألونى


اخواتى المدونات واخوانى المدونين

100 مساء على احلى عيون كويسه

اول كلامى

كل سنه وانتم جميعا بخير
واشكر بشده كل من سأل عنى فى فتره بياتى الرمضانى

تانى كلامى

بمناسبه دخول مصر الحزام الحرايقى بدلا من حزام الزلازل البراكين والعياذ بالله
اود ان اتوجه الى الاخوه المواطنين بضروره شراء مسدس ميه
ايوه مسدس ميه
مفروض كل مواطن ومواطنه يكون معاه مسدس ميه لان تراثنا فى الباى باى.... كله عليه عين الكهرباء
واخوانا بتوع المطافى غلابه ومساكين مش بيعرفوا يطفوا الحرايق ...يبقى مفيش الا اننا نطفى الحريق بانفسنا
انا من بكره هاشترى مسدس ميه ..ولا ادور على مسدس ميدو ابن اختى واشيله معايا وده كله فى حب مصر
ولا ندور على القربه بتاعه السقا بتاع زمان وكل مواطن يشيل قربه مليانه ميه
واوعوا حد يشيل قربه مخرومه
انا يا اخوانى مش عارفه ايه حكايه الحرايق دى وسمعت كلام كتير عن ماس كهربى وانفجار لوحه كهرباء وغيره وغيره
وكمان ناس بتقول الحرايق ده عامدا متعمدا فى العمدان
انا بقى بقول لا
احنا مش بنفكر بعقلانيه .... الاكل المسرطن بوظ صواميل نفافيخ نافوخنا ( من فعل نفيخه )
منك لله يا والى جزيره اليوسفى سرطنتنا وسرطنت نافوخ انفوخنا
عارفين مين السبب
اقولكم
يقال والعهده على الراوى
ان ولد واخته فى احدى محافظات المحروسه ...كانوا بيتفرجوا على كرتون الاطفال ...وكانوا بيشربوا شاى بلبن ... الولد والبنت اتخانقوا على الكوبايه الكبيره
كلمه منه ...كلمه منها ...شخطه منه ...رفصه منها ....هوووووووووووووب
خبطوا التليفزيون بالكرسى ...كسروا الشاشه
وكانت اللقطه على التنين وهو بينفخ نار
طبعا صاحبنا التنين ماصدق الشاشه اتكسرت وبلغ فرار
هرب التنين من التليفزيون
وداير دلوقتى على حل شعره ينفخ النار فى المبانى الحكوميه
الظاهر كده ان التنين ..مش بيحب الحكومه الرشيده ام رشيد
بس
هى دى مصر يا عبله
وهى دى الحكايه
التنين ده يا اخوانى داير على حل شعرياته
ومحدش هيقدر يلمه
هنطلع نحاربه بالشتيمه مش هنعرف ولا هنقدر
هنطلع نحاربه بالطوب مش هنعرف ولا هنقدر
هنطلع نحاربه بالمطاوى مش هنعرف ولا هنقدر
عارفين ازاى نحارب التنين
بدماغنا
لازم نفكر نوقف التنين ده ازاى
مصر كلها هتولع
احنا دخلنا فى حزام الحرايق يا بشر
وربنا يستر

ملحوظه
********
وحشتونى جدا جدا
وارجوكم الحاضر يبلغ الغايب سلامى وتهنئتى بعيد الفطر
وكل عام وانتم جميعا بخير

هناك 133 تعليقًا:

مهندس مصري بيحب مصر يقول...

الف مبروك رجوعك لينا بالسلامة
وكل سنة و انتي طيبة
و ياريت مسدس المياه يكون كفاية
مش حينفع مع التنين
:)

kochia يقول...

كل سنة وانتي طيبة

اما موضوع مسدس المية الظاهر هو ده الحل الوحيد وانتي فكرتي كويس ولقيتي حل عبقري اهو يعني شكلك ماكلتيش من اليوسفي اللي بتقولي عليه ده
والله كلنا اكلنا والحمد لله لحد كدة

وتحياتي للتنين

تحياتي

حنين القلب يقول...

كل سنه وانتى طيبه يا حبيبه قلبى
بصى بقى با فرنستى
فاكرة حريق القاهرة بتاع زمان ده
اهه التاريخ بيعيد نفسه بس زمان كنا عارفين سببه انما دلوقتى كل حاجه يلصقوها فى الكهرباء
يعنى فى موضوع مجلس الشورى كانوا بيقولوا ان السبب ماس كهربائى
والمسرح القومى برضه ماس كهربائى
يا خوفى يولعوا فى باقى البلد ويقولك وزارة الكهرباء ضربت وولعت
ربنا يستر علينا
انا مش هشترى مسدس ميه هستنى تجبيه ليه هديه عيد ميلادى رغم انك مش قولتى ليه كل سنه وانتى طيبه يا حنين بس يلا انا مستنياكى
كل سنه وانتى وسطينا ومنورة لينا يا قمر المدونات
سلام يا حبيبتى

أبو خالد يقول...

مرحبا بالغالية /فرنسا
كل عام و أنتي و كل من يمت لك بصلة بخير
تقبل الله منك الصيام و القيام و صالح الأعمال و جمعني و إياك في الفردوس الأعلي أفتقدتك كثيرا فرنسا
بالنسبة للحرائق لا تطفأ بالماء الأفضل الرغاوي أوم نجيب برسيل علي أيريال و نرغي في الطشت و نملئ المسدسات و هكذا تنتهي الحرائق

الدفاع يقول...

فرنسا هانم كل عام وانتم بخير وحمد لله على سلامتك
هو بس فى حاجه محيرانى ومنكده عليه قوى هو الحرايق قبل الكهربا ماتدخل فى مصر كان سببها ايه؟؟؟؟؟؟
اصل حكاية الماس الكهربائى دى كترت وبقت الشماعه اللى بيعلقوا عليها كل اسباب الحرائق
اما بخصوص التنين الهارب فمش هاينفع معاه ولا خراطيم المطافى بتاعت مصر كلها ده عايز تنين زيه يواجهه ويقضى عليه تفتكروا عندنا تنين تانى حاليا؟؟؟؟
تحياتى

مشروع انسان يقول...

هلا وغلا

نورتى من جديد
وكل عام وحضرتك بخير

ومصر بخير

وربنا يستر علينا

(احمد سكر ) يقول...

السلام عليكم

سيبك اتنتى الحرايق مش هتخلص

ياشيخه كانت حصلت من زمان الحريقه دى

علشان ترجعيلنا تانى

كل سنه وانتى طيبه يافرنسا

ويجعله عيد سعيد عليكم جميعا

احمد

غير معرف يقول...

سيبك انت يافرنستي من الحرايق
مبروك علينا الحزام
بقينا ولا اورتين في زمانه
اهم حاجه انك رجعتي بالسلامه
كل سنه وانت طيبه ياخالتي

2ensan wnsan يقول...

حمد الله عالسلامه

مسدسات الميه عليكي انتي بقى انا عايز اتنين واحد شغال والتاني استبن

دا غير العيديه ان شاء الله

Empress appy يقول...

وحشششششششتينى اولا
ثانيا انا اشطر منك انا عندي مسدس ميه وارد حاره اليهود اللى فى الموسكي مقولش لكي عليه حاجه كده بتطفي لعشره متر قدام يعنى لو الجماعه مزنوقين اوي اوي ممكن اورد لهم عادي انا ديموكراتيه هههههههههه
انا عن هحاربه بايه فلا تكلكي احنا مقلقين الطوبه اللى تحت قفاه صدقينى بس البعيد عاوز نقل دم


كل سنه وانتى بخير يا رب

maiosha يقول...

فرنسااااااااااااا
ألف حمد لله على السلامة .. وحشتينى موت موت موت
المدونة نورت والله

صحيح بخصوص مسدسات المية .. إقتراحك ده طلع فى دماغى فكرة جهنمية

أنا ممكن أستورد شحنة مسدسات مية كبيرة جدا .. وبعدين أكلم حد بى من إخوانا الطيبين يسن كام قانون كده ويدفع اللى ماشى من غير مسدساتى غرامة 4 أضعاف تمن المسدس

نيهاهاهاهااها

خلينا نعيش يومين بقى

كل سنة وانتى طيبة

فرنسا هانم يقول...

مهندس مصرى
مش هاقدر اقول لك الا انك وحشتنى جدا جدا
عامل ايه فى الغربه ؟؟؟
وايه اخبارك واخبار شغلك ؟؟؟
الظاهر ان فاتنى كتيييييييييييييير
كل سنه وانت طيب يا محمد

فرنسا هانم يقول...

kochia
ازيك يا كيوشا
وحشانى مع انك جنبى فى السويس
ربنا يوفقك يارب
انا اكلت طبعا من اليوسفى هو حد مأكلشى
كله دماااااااااااااااااااااااار
كل سنه وانتى جميله وطيبه

مهندس مصري بيحب مصر يقول...

كل الأخبار بتاعتي في المدونة بالتفصيل و الصور
إقريها على مهلك
و منتظر تعليقاتك القيمة يا فرنسا و دعواتك
:)

فرنسا هانم يقول...

حنين القلب
بنووووووووووووووووووووووووتى الغاليه
اخر العنقود
وحشششششتينى خالص مالص
كل سنه وانتى عزيزه وطيبه وغاليه
الرايق جابلك هدوم العيد ولا لا
قوليلى وانا اقطعه لو مجابهمش

رفقة عمر يقول...

فرنسسسسسسا حبيبتى
وحشاااااانى فوق ما انت تتخيلى اعذرنى مش كنت باحب ادخل مدونتك وانت مش فيها كان بازعل انك مش موجودة اول ما شوفتك على الرايدار فرحت قووووى
ربنا يتم شفاكى على خير اللهم امين
وكل سنه وانت بالف الف خير
عيد سعيد عليكى وعلى الاسره اللهم امين

فرنسا هانم يقول...

أبو خالد
تعظيم سلام لاحلى اب فى عالم التدوين كله
اميلك لسه قرياه انهارده
ودموعى كانت هتنزل منى لانى فعلا افتقد حنان الاب
تحياتى لاحلى ابو خالد فى عالم التدوين كله
وكل سنه وحضرتك طيب وبخير وسعاده

فرنسا هانم يقول...

الدفاع
ههههههههههه
عجبنى كلامك قوووووووووووووى يا اسامه
وده هيخلينى اطلع البشله واخبط ام دبوه 111 وانا مطمئنه انى معايا محامى شاطر
بس انا ليا اعتراض على التنين التانى
مش هينفع نحارب تنين بتنين
احنا اللى هنتحرق منهم فى الاخر لان اللى هيكسب برده تنين
عايزين نكسب فى الماتش مش فى ضربات الجزاء
ملحوظه مهمه
*******
الطائر الحزين وام الابناء سلملى عليهم جدا جدا جدا
وقول لهم كل سنه وهما طيبين
وكل سنه وانت طيب يا اسامه

فرنسا هانم يقول...

امام الجيل
امامنا الجميل
كل سنه وانت طيب وبخير وسعاده
عامل ايه واحشنى بجد كلكم وحشتونى بجد والله
الف تحيه لكم كلكم
وكل سنه وانت طيب

فرنسا هانم يقول...

(احمد سكر )
ههههههههههههههه
انا كده كده كنت هارجع لكن الحريق دى ربنا يستر منها
اللعبه مكشوفه قوى
وشكلها وحش خااااااااااااااااااااالص
كل سنه وانت طيب يا ابو حميد

فرنسا هانم يقول...

mayada
حبيبتى العسوله مياده
كل سنه وانتى طيبه
من ناحيه الحزام
دخلناه دخلناه
غصب عن عين ابونا
منه لله اللى كان السبب

فرنسا هانم يقول...

2ensan wnsan
ههههههههههه
عبد الله غنيم
فاكره الاسم ولا الزهايمر اشتغل ؟؟؟؟؟
كل سنه وانت طيب
والمسدس بتاعك عليا وواحد استبن
بس مين بيدى العيديه
الواد لخالته
ولا الخاله لابن اختها
دى فزوره

فرنسا هانم يقول...

¨¨¨°~*§¦§ Appy §¦§*~°¨¨¨
ااااااااااااااااااااااااااااابى
الغاااااااااااااااااااااااليه
وتؤااااااااااااااامى العسل
حلو المسدس بتاع حاره اليهود ده
ياريت نورد منه لاخوانا الغلابه المساكين افراد الدفاع المدنى
ايه النيو لوك الجديد ده ؟؟؟؟؟؟؟؟
مبروك الشكل الجديد وكل سنه وانتى طيبه

فرنسا هانم يقول...

maiosha
هههههههههه
حلوه يا ميوشه
انتى كده بيزنس وومن
بس اعملى حسابى معاكى بالنص
اما عن سن القوانين
دى سهله
اسن السكيييييييييينه والمقص

فرنسا هانم يقول...

مهندس مصري
طيب انا هاروح اطمئن عليك بنفسى
وتعليقاتى
لسه جايه من عندك دلوقتى حتى مركنتش العجله
فين الباركنج بتاع العجله اللى كنت مواعدنى بيه ؟؟؟؟

فرنسا هانم يقول...

رفقة عمر
وانتى كمان والله وحشانى موووووووووووت
بحبك جداااااااااااااا
انا عارفه ومقدره
لكن اعمل ايه لظروف العائله
كانوا عاملين معسكر تدريب رمضانى عندى
اصله بيت العيله
كل سنه وانتى طيبه

ألـــــــوان الحيــــــــاة يقول...

كل سنه وانتى طيبه

انا اول مره اجى عندك وان شاء الله متكونش اخر مره

وبما اننا هوانم زى بعضينا

فأنا متفقه معاكى كليا فى فكره مسدس الميه اكيد هينفع برضه والواحد مش عارف ممكن وهو ماشى فجأه يلاقى الاسفلت ولع واجهزه الاطفاء التوماتيكى تبعا عطلانه

تقبلى مرورى

فرنسا هانم يقول...

roody hanem
لا يا روودى هانم
التنين هيتعب نفسه ويضيه نار ويولع فى الاسفلت
لا
ده تنين مكار بيعرف يعمل ايه كويس
كل سنه وانتى طيبه

ojg يقول...

اولا نورتي بيتك ومطرحك يا جميل
ثانيا الحرايق دي خلاص انا حاسه انها بقت روتين
ومش هتخلص الا لما تخلص على البلد
وبالنسبة للمسدسات
اقتراح فعلا مهم ولازمن يتطبق
بس اقترح ان مش احنا اللي نمسكه
اقترح ان الناس المبجلين اللي بالي بالك
يتفرق عليهم وببلاش ومجانا مسدس او اتنين لكل واحد
بس ياريت مايكونش مسدس مية
لعل وعسى الحرايق تختفي وتبقى ماضي
اصل الحرايق مش هي اللي هتبوظ البلد يا فرنسا
البلد محروقة من بدري
:)
ثالثا بقى
كل سنة وانتي طيبة يا قمر

وزة

Alkomi يقول...

في حل تاني للحرايق

نعبي الريالة بتاعتنا من كترها اكمننا هبل يعني و نبخها في اي نار تطلع

او نلبي نداء الطبيعة في اي حريقة

كل سنة و انتي طيبة و حمد الله على سلامة رجوعك من البيات و عيد سعيد

Asmaa mahaba يقول...

مرحب مرحب مرحبتين حمد الله ع السلامه يا خالتو
هههههههههههه مسدس ميه عشان يقولوا علينا ارهابيين هى ناقصه
بصى يا خالتو انا قولت لايبى سر غرق العباره جلد الحنفيه
سر الحرايق سلك متعرى بعيد عنك وعن السامعين
ودعيت بان الماس يضرب حصن مصر الجديده لنتاكد من حقيقه التنين الماسى
تحياتى لحضرتك سومه_87

http://kasperb4.blogspot.com/ يقول...

كل سنة وانتي طيبة يا فرنسا هااانم والله مدونتك ليها وحشة كبيرة اوي ونورتيها من جديييد والحمد لله على سلامتك

:)

غير معرف يقول...

انا كل ما ادخل مدونه الأقى فرنسا والرايق والضاحكون
الله..فرنسا والرايق والضاحكون ..وكل مره
عايزه اعمل كليك وادخل اشوف ايه المدونه وبوستاتها مع ان الكليك مش بيكلف حاجه...بس عملتها وطغطت كليك ويا ريتنى عملته من زمان
روحك حلوه قوى مع انى حاسه فيها بلطشة مراره بس عادى كلنا ملطوشين الطشه دى..
بس بجد افكارك جميله ومواضيعك وطريقة كتابتها جميله لا والصالون ده حاجه ..تحفه بس شوفتى الرجاله يقول على مراته فى غيبتها راحت فى داهيه معملش حساب لو مراحتش هتعمل فيه ايه...
اما بخصوص الشئ العادى اليى اسمه حرايق فانا بقه اليى كنت هولع فى نفسى لو مكنتش دخلت مدونتك واتعرفت عليه...وبعد الشر عنى يعنى..
بس بكره هتلاقى اعلانات فى التليفزيون حريقه لكل مواطن او حريقتك اولا زى الضرايب مصلحتهم اولا ...
ربنا يلطف بينا وكفايه النار اليى جوانا الا صحيح ما ممكن تكون الحرايق دى سببها النار اليى الناس فيها...
ما علينا...
عيد سعيد عليكى ...
وعلى كل من تحبين وربنا يسعدك ويجعل ايامك كلها اعياد وزحمه ومشغوليات ومش تفضى تبصى فى المرايه..
واتبسطت بالوقت اليى قريت فيه بوستات المدونه ربنا يكرمك ويسعدك كما اسعدتينى...

رئيس جمهوريه نفسى يقول...

كل سنة وانتى طيبة نورتى مدونتك تانى وحشتنى بوستاتك طبعا انا مقصر بشكل فظيع بس واثق انى اختى الكبيرة حتسامحنى
موضوع البوست بقاء
محدش فاهم الحكومة عايزة تعمل اية كل ما فى الامر انها بتحاول تعرف سبب الماس اية فبتجرى بعض التجارب بس سمعت انة هانت خلاص كام حريقة تانى فى البلد وكام ضحية تانى حيكونوا وصلوا للسبب ان شاء اللة
بعتزر عن التاخير والتقصير
كل سنة وانتى طيبة

داليا ..قوس قزح يقول...

ياااااااااااه
اخيرا يا فرنسا
انا كنت خايفة تدخلى تقولى انا مشغولة بحك العيد
و بعد العيد تقولى بطلع الشتوى

ايوه كده افرحينا ببوستاتك


عجبنى اوى مسدس الميه
بس المشكلة انهم يقروا يكون مرخص
و ندخل بقى فى مسدس برشة ولا برشتين
وتيجى الصين تصنع لنا مسدسات بتنور فى الحريقة و يكون له اوبشنز انه يتحول انبوبة مرهم للحروق

اما عن التنين فربنا يحفظنا منه
و يختار دايما الاماكن و هى اجازة او و هى فاضية
لان المهم ان ميكونش فى وفيات بعد الحريقة زى ما حصل فى اقطار و الحريقة مسكت فى قلوب الناس على اهلها اللى ماتوا

................
كل سنة وانتى طيبة يا فرنسا
عيد سعيد عليكى ان شاء الله

مصعب رجب يقول...

كل عام وأنتم بخير
تقبل الله منا ومنكم

مسدس الميه ده فكرة كويسة
لكن عندي سؤال ( سؤال برئ براءة ممدوح اسماعيل من دم ضحايا العبارة ) :

هو حكومتنا الرشيدة دي تقرب حاجة لرشيدة المعزة بتاعة بكار ؟

:) ( ضحكة خبيثة من واحد خبيث )

كل سنة وانت طيبة

رندا يقول...

خالتى فرنسا

كل سنة وانت طيبة وبخير وسعيدة يارب

لا يافرنسا دول عايزين كلاشنكوف مية هههههه
اصل الحرايق كترت اوى ومش ينفع مسدس
بس صحيح ياترى عملوا تأمين على كل الى اتحرق قبل لما يتحرق ( وش بيغمز )

احسن كمان يطلعوا خايبين ومش يعملوا كدة
ينهااارى ياعرابى ...تؤتؤتؤتؤ
حرايق اية يافرنسا بس
انتى عايزة يولعلولنا فى المدونات كلها
دى مش حرايق انتى بس مش واخدة بالك
دول بيولعوا الشارع لواحد مهم بيعدى
اصلها ناقصة هههههههه

حمدالله على سلامتك ويارب تكونى بخير

وكل سنة وانتى طيبة وسعيدة وفرحانة

رندا

جبهة التهييس الشعبية يقول...

جماعة الماس الكهربائي المحزوءة تحذر فرنسا هانم من تبني دعوة بحمل مسدس مياه
هل تسمعني حول
جماعة الماس الكهربائي المحزوءة تحذر
ح تشيلوا مسدس مية ح نولع بجاز وسخ ما ينطفيش بالمية
هل تسمعني حول
ح تشيلوا جرادل رمل ح نملا الرمل جاز وسخ
هل تسمعني حول
ان جماعة الماس الكهربائي المحزوءة اذ تتبنى العملية الحرائقية المباركة تهنئ جناحها الجاز الوسخ بهذا الفتح العظيم
حول

إيثار يقول...

فعلا عندك حق
و لازم يكون فيه حل
عشان مصر بعد كده
لو زادت الحرايق
هنكون في ازمة كبيرة

و بالمناسبة انا من بكره
هجيب مسدس مية

حبيبـــــــة القمـــــر يقول...

كل سنه وانتي بكل خير يا فرنسا
يظهر ان التاريخ فعلا بيعيد نفسه
اللي مش قادر يصلح بلاويه بيولع في البلد باللي فيها
ربنا يستر علينا

المستنصر بالله يقول...

كل عام وحضرتك بخير
عيدكم مبارك

تحياتى لحضرتك

الطائر الحزين يقول...

حمدا لله على السلامة
كل عام انت الى الله اقرب

=========
المشكلة فينا علشان مش بندعى ساعة الحريق ان الدنيا تمطر
==========

فرنسا هانم يقول...

ojg
ههههههههههه
ضحكتينى يا وزه
ندى لكل واحد مسدس وهما يتعاملوا مع بعض
تصدقى احسن
واهو من دقنه وافتله
كل سنه وانتى طيبه

ابن حـجـر الـعـسـقـلانـى يقول...

ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااهههههههههههههههههههههههههههههههههههههههههههههههههههههههههههههه

أخيرا رجعتي لنا يا فرنسا

الف حمد الله على السلامة .. و يا رب تكونى بخير و صحتك عال

بخصوص التدوينة

بما إنى مهندس كهربا (الناس اللى بتقول عليا كدة) و بما إن معظم الحرايق سببها ماس كهربائى .. يبقى الحل مش فى مسدس المية .. نستخدم التراب أفضل عشان ما نشعللش الحريقة أكتر .. يعنى من هنا و رايح كل واحد يشيل شوال تراب و هو ماشى .. بصراحة مش هانطر إننا نعمل حاجة غريبة علينا لأننا دايما شايلين التراب على دماغنا .. و أحيانا سافين التراب التراب نفسه

أما بقى لو الحرايق سببها حاجة غير الكهربا .. فممكن نستخدم مسدس المية .. بس هانعرف سبب الحريقة إزااااااى ؟؟

أنا باقول إحنا نناشد التنين إنه يبقى يسيب لنا رسالة مكتوبة على لوحة حديد ما بيتحرقش مكتوب عليها إذا كان الحريقة فيها كهربا و لا مافيهاش

و ربنا يقدرنا على شيل التراب .. و معاه مسدس المية .. تراب و مية عشان تبقى الليلة طين

و بجد بجد ... كل سنة و انت طيبة .. و يا رب تكونى دايما بصحة كويسة

مجداوية يقول...

السلام عليكم
كل عام وأنت بألف خير وعيد سعيد ان شاء الله

Unknown يقول...

السلام عليكم ورحمة الله وبركاته
حمدلله على السلامة
وكل سنه وانت بالف خير
بس مسدس ميه؟؟تفتكرى حأثر
فى الحرايق الكبيرة دى
طيب ايه رايك لو تخليه
مسدس طفايه؟يبقى احسن!!
مرة تانيه كل سنه
وانتى بالف خير
وحمدلله على السلامة

الدفاع يقول...

انا اقصد اننا التنين التانى الناس يعنى الشعب او حتى يبقى عندنا تنين خصوصى بتاع الشعب يقوم يحرق التنين الاولانى ومايحرقش الشعب
ان شاء الله يوصل سلامك على وجه السرعه
تحياتى

بحبك يامصر يقول...

نورتى التدوين من جديد يافرنسا هانم
كل سنه وانتى طيبه
اما بخصوص الحرائق انا اعتقد ان ده مخطط لتجديد القاهره وبنائها من جديد
عملية احلال وتجديد كده زى الذمالك ماهم كل سنه يعملوا له احلال وتجديد

ahmed_k يقول...

أولا ألف حمدالله على سلامتك وإن شاء الله دوما بعافيه وأتم صحه
وأنا سمعت كلامك وجبت مسدس ميه من الطلقات عيار 6 نقطه
وشايلو في جيبي لزوم أي تنين طارئ
بس بجد إزاي مخدناش بالنا من حكاية المسدس دي
بحييكي يا فرنسا إنتي قدمتي خدمه جليله لمصر حكومة وشعبا هههههههههههه
والتنين متقلقيش رجال الشرطه (الدغاع المدني وخلافه) الأشاوس قادرين على التصدي له بكل خرطوم متوفر لديهم
ده واحد قاللي أنهم ناويين بعد ما يمسكوه يعبطوه في ميدان عام

متقلقيش مصر بخير الكام حريقه الهايفه دولا بس علشان منتحسدش وتبعد عن مصر العيون المدوره
حابس حابس





وكل سنه وإنتي طيبه وعيد فطر سعيد

ومتنسيش تسلميلي عالسويس نفر نفر

غير معرف يقول...

السلام عليكم
عيد سعيد وكل عام وانتم بخير

مهند المصرى

قوس قزح يقول...

رضي الله عنكى وأرضاكى
وهداكى وأغناكى
وعافاكى وشفاكى
ووفقك لخير الدعاء
وأجاب لكى الرجاء
وأحبك بلا ابتلاء
وجعلك ساعية للخير
مؤثرة في الغير
وكل عام وانتى بخير

د/اجدع بنوته يقول...

الف مليون حمدالله ع السلامه

اتوحشناكىىىى بارشا بارشا

عيد سعيد

وكل سنه وانتى بالف خير

اما عن مسدس الميه

فكويس ان الاقتراح ده جاى ليلة العيد

بكره نشترى وندلع نفسنااااااا

صواريخ وميه

وكحك وبسكويت بالهنا والشفا

فرنسا هانم يقول...

محمد الكومي
هههههههههههه
نعبى الرياله ماشى
وطبعا ريالتنا تطفىء اجدعها حريقه
اما نلبى نداء الطبيعه
فكده هنلبس قضيه اداب رأى عام عالمى
اصحى يا كومى
كل سنه وانت طيب

فرنسا هانم يقول...

سومه...مجنونه فى بلد عاقل
سوووووووووومه وحشتينى
وحلو تحليلك ده
هو سر غرق العباره جلده الحنفيه
طيب اروح بقى اقول لعم حنفى الحلاق
يأدب مراته حنفيه
خربت العباره منها لله
كل سنه وانتى طيبه يا قمووووووووووره

فرنسا هانم يقول...

آلام وآمال
ازيك الف سلامااااااااااااااات
يا محمود
ماتش الاهلى يوم 5 اكتوبر ادعى معايا
كل سنه وانت طيب

فرنسا هانم يقول...

عايزه اتطلق و
هو فعلا الكليك مش بيكلف حاجه
لكن الكليك معاك جه اووووووووووووووووووووووووووووووووووت
لان دى مدونه فرنسا هانم
غير فرنسا والرايق والضاحكون
وانا برضه مشتركه هناك
عموما ياعم لو عايز الكليك بتاعك اهو محدش اخد منه حاجه بس ممكن الرايق يكون عطش شرب منه
بس بجد انت نورتنى
انا لسه مش عارفه انا بكلم واحده ولا واحد
لكن على كل حال
كل عام وانتم بخير
وسعدت بالزياره
وبالكليك الغير مقصود

فرنسا هانم يقول...

عايزه اتطلق و
انا دماغى فيها واوا ولا ايه
عايزه اتطلق تبقى ست
انا اسفه جدا للخبطه

فرنسا هانم يقول...

رئيس جمهوريه نفسى
ريسنا الغالى محمود
انت اللى وحشتنا ياريس
ووحشنى كلامك السكر
فهلا انا سمعت حكايه التجارب دى
وبيقولوا هما مش عايزين يضروا الاهالى
فبيجربوا فى تراث الحكومه
وخلى بالك بقى من الزغلول الكبير
بعد الموظفين ما يمشوا
انا متشكره ياتنين
انا فرحانه بيك يا تنين
ربنا يخليك يا تن تن
كل سنه وانت طيب يا ريس محمود

فرنسا هانم يقول...

قوس قزح
قووووووووووووووووووووس قزح
اهلا ببنتى الفنانه الغاليه
وحشتينى موووووووووووووت موووووووووووت
تصدقى بقى يا ستو انا ان فكره المسدسات الصينى دى عشره على عشره
تسلم افكارك
وبعدين بقى يطلعوا مسدسات ميه بتغنى كمانانا ....وبحبك يا حمار
ويحطوا فيها ام بى 3
ونشوف بقى مسدسات 8 جيجا وعشره جيجا
ونعيش
ونشغل طول ماحنا ماشين
اغنيه
نار يا حبيبى نار

فرنسا هانم يقول...

أبو أسامة - مدونة كباية شاي
اهلا وسهلا ابو اسامه
هو انت كل زياره هتيجى وتجيب معاك كوبايه شاى ؟؟؟؟؟؟
طيب سيب شفطه
ولا نص بق
اصلى بحب الشاى قوى
عموما
ارد عليك
بالنسبه لسؤالك
طبعا الفيله حكحك الرشيده تقرب للمعزه رشيده
الاتنين طبعا حيوانات
رد اخبث من واحده اخبث واخبث
كل سنه وانت طيب

فرنسا هانم يقول...

راندا
بنت اختى الغاليه راندا
طبعا يا حبيبتى هما بيولعوا الشوارع علشان حد مهم معدى
ربنا يستر وميجيش بوش ولا واحد من الرؤساء الكبار يبقى بقى هيولعوا فى البلد تما
كل سنه وانتى طيبه والاسره بخير وسعاده
ملحوظه من غير ما حد يشوفها
انتى انسه ولا متزوجه ؟؟؟

فرنسا هانم يقول...

جبهة التهييس الشعبية
من فرنسا هانم الى حماعه الماس الكهربائى
الووووووووووووو
هل تسمعنى
كلمه السر ولعها ولع ولعها
شعللها شعلل شعللها
هل تسمعنى
الجاز الوسخ لييييييييييييييييه
هو احنا قله ولا ايييييييييييييه
هل تسمعنى
من فرنسا هانم
الى جماعه الماس الكهربائى
امتى هتعرف امتى انى مش بحبك امتى
هههههههه
الف مليون مرحب بيكى جبهة التهييس الشعبية
وكل عام وانتى بخير وسعاده

فرنسا هانم يقول...

جبهة التهييس الشعبية
معلشى يا نواره
سلامى الكبير لاستاذنا الغالى احمد فؤاد
وكل عام وانتم بخير

فرنسا هانم يقول...

عاشقة الحب
خلاص والعيد بكره وهتكتر مسدسات الميه
كل سنه وانت طيبه

فرنسا هانم يقول...

حبيبـــــــة القمـــــر
ربنا يستر
ومش نوصل زى زمان
ولا احنا وصلنا وخلاص ولا ايه ؟؟؟؟
انا نافوخى ضرب
كل سنه وانتى طيبه

فرنسا هانم يقول...

المستنصر بالله
والله يا مستنصر بالله وحشنى بجد تعليقك
كل سنه وانت طيب

فرنسا هانم يقول...

الطائر الحزين
اخى الكريم الطائر السعيد
كل عام وانت والاسره الكريمه بخير
وارجوك توصل سلامى لاختى الكريمه ام الابناء
وخلى بالك منها بكره العيد
تزود لها العيديه
انا هسألها
فعلا احنا السبب والحكومه والمعزه رشيده والماس براءه
بس انا عارفه مين السسب الرئيسى
الواد ابن ام على جارتنا كان بيدعى فى سره
ويقال والعهده على الراوى ان الواد كان بيحرك شفايفه بس ومش بيدعى
منك لله يا على يابن ام على

فرنسا هانم يقول...

ابن حـجـر الـعـسـقـلانـى
والله زماااااااااااااااااااااااااااااان
يابن حجر
واحشنى يا ابن اختى العزيزه ام عسقول
والنبى يا شيخ تبلغها سلامى
امانه عليك تبوس ايدها وتقولها كل سنه وانتى طيبه
وفرنسا بتقولك كل سنه وانتى طيبه
اما بقى ندخل فى الموضوع
من جهه شوال التراب
انا موافقه
بس نراعى المواصفات
من حيث الحموله ومن حيث متانه الفارغ ومن حيث جوده التربه اللى هناخد منها التراب
وبرضه فى الاخر هترسى على الصين
وهيعملوا شوال بعجل
ويركبوا فيه نور وكشافات
والست اللى بتقول
انتبه من فضلك الشوال يرجع الى الخلف
انتبه من فضلك الشوال يرجع الى الخلف
والناس يشوفونا واحنا بنرجع يضحكوا
واحنا نستغرب بيضحكوا لييييييييييه ؟
وفى الاخر يتضح انهم لاحظوا مين الشوال
هههههههههههه
كل سنه وانت طيب يابن حجر

فرنسا هانم يقول...

مجداوية
اختى الغاليه مجداويه كل سنه وانتى بصحه وسعاده
وشكرا على العيديه يا جميل

فرنسا هانم يقول...

norahaty
مسدس طفايه هيكون غالى
وبعدين مسدس ميه هيكون ليه استعما مزدوج
فى الحرايق شغاااااااااااااااال
فى وقت السلم برضه شغال نرش على بعض

فرنسا هانم يقول...

الدفاع
سلامك وصل طبعا
وانشاء الله توصل العيديه
ماهو انا خالتك وانا الكبيره فلازم ادفع
انا وصلنى رأيك وتوضيحك
وكده بقى تمام يا استاذنا انا معاك فى الرأى

فرنسا هانم يقول...

بحبك يامص
واحشنى كلامك السكر
ما قل ودل
ههههههههههههه
هو الزمالك مهما عملوا فيه برضه التانى
حتى لو شالوا الدو وحطوا شاهين
برضه التانى
ولو جابوا فريق البرازيل كله يلعب فى الزمالك برضه التانى

فرنسا هانم يقول...

ahmed_k
والله دمك شربات
فعلا عين الحسود فيها عود
ويمكن كده نقدر نغير من البصه الوحشه بتاعه الناس الوحشين لكنوزنا
بس ربنا يستر والكنوز متتحرقش كلها
اما عن اشاوش الدفاع المدنى
فتحيه ليهم مره تانيه وتالته وللصبح
الحريقه مش بتاخد معاهم اكتر من 7 ساعات
تدريب وكفاءه ومهاره وسلطه عليه فلفله وخياره
كل سنه وانت طيب
وخلى معاك المسدس
وحاسب على نقطه الميه

صاحب المضيفة يقول...

يااااااااااااه

أخيرا يا خالتي رجعتي بالسلامة تاني

والله ونورتي التدوين كله مرة تانية

كل سنة وانتي طيبة وبكل خير وعافية وطاعة

تحياتي

سلوى يقول...

فرنسا الغاليه اللي سباقه بالخير :)

إزيك عامله إيه ؟؟

يارب تكوني بخير

كل سنه وانت طيبه أنت وكل من حولك

تقبل الله منا ومنك

عيد سعيد إن شاء الله

Mafrousa يقول...

كل سنة و انتى طيبة يا فرنسا و بخير
اخبارك ايه؟؟؟
ربنا ما يجيب حرايق...ده مش ماس كهربي
ده يا اختى شحنة من صواريخ و بمب العيد
حبوا يجربوها
اوعي تاكلى فسيخ فى اول يوم العيد
سلام و ماتغبيش اوي كده

غير معرف يقول...

هههههههههههههههههههههههههههههههههه
و الله ده إقتراح فى الجون بجد
أحنا نتعاقد مع شركة مسدسات مية عشان توردلنا كل شوية دفعة
قشطة كدة

و نورتى مدونتك و كل سنة و أنتى طيبة

اهو ده عيبه يقول...

كل سنة وانتى طيبة يا فرنسا ودايما بخير وصحه يارب
والله يا فرنسا لو كنا فى موسم الميزانيات والجرد كنت قلتلك سبب الحريق فار السبتية
بس احنا خلاص داخلين فى شهر 10 يعنى مفيش مناسبة لكده
فاما انه اهمال او حد عايز يعيد ذكرى حريق القاهرة بس بالقطاعى
عموما ربنا يستر ويحفظ يارب ومن هنا ورايح مش حمشى غير بمسدس المايه بس على الله المايه متتقطعش

تحياتى لكى

رندا يقول...
أزال المؤلف هذا التعليق.
رندا يقول...

خالتوا خالتوا جيت اقولك

كل عيد وانت طيبة وبخير

اللهم بلغنا رمضان المقبل يارب

وكل عام واسرتك بخير

.......................

ملحوظه من غير ما حد يشوفها
انتى انسه ولا متزوجه ؟؟؟

.........................

ياخبر ياخلتوا هو كل دة ومش عارفة كلة عنى اخ كدة وقعتى ياقمر يبقى مش بتزورينى فى بيتى بقى ههههه
هقول للكل الست دى خالتى ومش بتزورنى ومتبرية منى هههههه
كلمة فى ودنك بس اوى تقولى لحد

ياخالتوا بوتاتاً، بوتاتاً، بوتاتاً
متزوجة واعول عوالة مش اقولك بقى ههههههههههه

كل سنة وانتى طيبة وبخير يارب

رندا

فرنسا هانم يقول...

مهند
ربنا يخليك يارب
وكل سنه وانت طيب

فرنسا هانم يقول...

قوس قزح
حبيبتى الغاليه
كل سنه وانتى بخير يا حبيبتى
وجوزك واولادك بخير
الا قوليلى
مين اللى وراء دى ؟؟؟؟؟
كنت على طول افتكرها واضحك من قلبى

فرنسا هانم يقول...

د/اجدع بنوته
عائله ابوزيد الكريمه
ليست برشا واحده
ولا برشاتان
ولكن
برشا برشا برشا برشا
للعيد الكبير
كل سنه وانتى وكل عائله ابو زيد بصحه وسلامه
وارجوكى
تمسكى محمد
دكتور حر
وتقرصيه من ودنه
وتقوليله دى قرصه من فرنسا هانم
وسلامى للغاليه اخر العنقود
وكل العائله

فرنسا هانم يقول...

جنّي
عيد سعيد
يا سعيد
تصدق موسيقى
حلوه
ربنا يجعلك سعيد طول العمر
وكل سنه وانت طيب

فرنسا هانم يقول...

جنّي
عيد سعيد
يا سعيد
تصدق موسيقى
حلوه
ربنا يجعلك سعيد طول العمر
وكل سنه وانت طيب

nigro يقول...

فرنسا هانم
حمدلله ع السلامة
و الله زماااااااااااان يا فرنسيس
كل سنة و انت طيبة و بألف خير و صحة و سلامة
تقبّل الله منا و منكم



يلا سلام

د/ رامي شهاب الدين يقول...

موضوع الحرائق ده أصبح حديث الساعة
وسيظل حديث الساعة والساعات القادمة لأن الحرائق لسة هتحصل كمان وكمان
الحرائق شئ عادى جدا بيحصل حتى فى دول العالم المتقدم ، لكن اللى مش عادى التعامل معاها ، واللى مش عادى هو الإهمال الجسيم فى صيانة المبانى إللى بتأدى مرة لحدوث ماس كهربائى ومرة تسريب غاز وهلم جرا
هما مش بيقولوا الوقاية خير من العلاج؟؟ فين الوقاية دى بقى ؟؟
يللا ..ربنا يستر فى إللى جاى
تحياتى

واحد من البلد دى يقول...

السلام عليكم
إن سبقتنى فأنتى الكريمة إبنة الكرام

و إن سبقتكى فلأنكى تستحقين الإحترام

نحن لا نرسل لمن يعيشون معنا

ولكن نرسل لمن لا نستطيع العيش بدون تواصلهم و صداقتهم

أتمنى و أدعو الله عز وجل أن يجعل أيامكى سعادة و صمتكى عبادة و خاتمتكى شهادة و يؤتيكى الحسنى و زيادة

كم أفتقدكى أختاه و جميع من أتواصل معهم فى ظل صداقة قوية و إحترام متبادل
ولكن و الحق يقال أننى لم أستطع أن أستمتع بالعيد و فرحته..
لأسباب ذكرتها فى قصيدتى الجديدة..

أتمنى أن تقرئيها

كل عام و أنتى بكل خير

FreeKiller يقول...

الزميل المدون المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
مقر النادي الإجتماعي الخاااص بشركة مطاحن شرق الدلتا
أمام مقر الوفد بشـــــارع مدير الأمن - ميدان القومية - الزقازيق - محافظة الشرقية

و كل المدونين من كل حتة ف مصر مدعوين

وللمزيد من التفاصيل يرجي زيارة اللينك التاااااالي
http://goharyblog.blogspot.com/

لكم جزيل الشكر و كل عام و أنتم بخير

بنت الصالحين يقول...

كل سنه وانتي طيبه يافرنستي
وحشتيني اوي علي فكره

وانا كمان كنت في بيات شتوي صيفي خريفي معتدل


كل عام وانتي الي الله اقرب

كده يبقي فيه تنين


بس نتي متاكده انه تنين واحد

نا سمعت انه تنينين:))))

صبرني يارب يقول...

فرنساااااااااااااا

جيتى امته والله لسه شايفاكي حالا ما حدش قالي هاقطعهم انا الناس دول

اولا التنين ده انا عارفه الحل بتاعه احنا ممكن نبعته اي منطقه عشوائيه وهو هايقع فى اي بلاعه هناك عادي

وان كان على النار هما هناك والعين جاهزين الناس

وبالنسبه لمسدسات الميه عليا يا فرنسا

للمدونين بس ببلاش
اي حد تاني زي بعضه بسعر الجمله

وللاسره الحاكمه ما عندناش ولا مؤاخذه واياكش يولعوا مش مهم

نورتي يا قمر

غير معرف يقول...

لا بقه انتى اليى طلعت منك اوتتتتتتتت
لان انا كان قصدى بالكليك عليكى وعلى المدونه التانيه يعنى على الاتنيين يا قمر...
بس ضحكتينى وانتى بتقولى ست ولاا راجل
قلت فى عقل بالى فل قوى ايه اليى انا بقراه ده هههههههه لا بجد حلوه
ضحكتينى الله يكرمك...
وكل سنه وانتى طيبه وفى افضل حال
وعيد سعيد عليكى
وعلى كل من تحبين وتكرهين ايه رايك
اصل بيقولوا ان احسن حاجه تطهر وتنقى القلب انك تدعى لاعدائك ...مش عليهم طبعا تدعيلهم بالخير
شوفتى دينا حلو ازاى...
سلام يا جميله وعيد سعيد عليكى يا فرنسا لوحدك حره مستقله
وعيد سعيد عليكى انتى والضاحكون والاتحاد الاوربى بحاله...

Unknown يقول...

تفسير منطقي مقبول محلول ممتاز الفار شديد الوعي مستنير على ادراك مرتبط بادله وجرادل
اما بالنسبه للحل بتاع مسدسات الميه
فهو حل شديد العظمه مبالغ في حكمته فزيع في تاثيره
ومن هنا يجب تغير مقوله ان رش الميه عداوه ويصبح
رش الميه حب في مصر

-------

كل سنه وانت بالف خير وطيبه ياخالتشي

amr يقول...

الف حمد الله على سلامه رجوعك لينا بالسلامه

وشكرااااااااا للنصيحه الغاليه"مسدس الميه"

وشكرااا على المعلومه المفيده اللى عمل الحريق "التنين "

بجد طرح رائع

جزاااك الله خيراااا

خالص تحياتى

أنسانة-شوية وشوية يقول...

حمد الله علي السلامة وكل سنة وانت بالف صحة وسعادة دايما يارب

خمسة فضفضة يقول...

السلام عليكم ورحمة الله وبركاته

كل سنة وانت بالف خير وسلام يا قمر وحمد الله علي السلامه

والله علي بالي ، كنت قاعده فالحرم واحده كانت عماله توزع شاي وقهوه علي الناس وقاعده تقول انا من السويس بلد الغريب افتكرتك علي طول والله كان هاين عليا اسألها تعرفي فرنسا هانم

كل سنة وانت طيبه وهاروح اهو يا ستي اجيب مسدس الميه لعل وعسي نعرف نوقف الحرايق اللي ملت الدنيا دي مع اننا مش فشهر سبعه ولا ميزانيه ولا جرد ولا حاجه ...ربنا يستر

:)))))))))

سلام

كلام على بلاطة يقول...

;كل عام وانت بخير

فرنسا هانم يقول...

صاحب المضيفة
انا مبسوطه قوى انى رجعت تانى بينكم احلى وانقى قلوب
بجد وحشتونى جدا
كل سنه وانت طيب

فرنسا هانم يقول...

سلوى
ده اقل واجب يا قمر
كل سنه وانتى طيبه

فرنسا هانم يقول...

واحدة مفروسة
انتى كنتى فين يا بت يا مفروسه ؟؟؟؟
حد يعيد على امه اخر الناس كده ؟؟؟
وانا اللى كنت محضرالك عيديه
طييييييييييييييييييييب
اما بقى عن سبب الحرايق
وانا بمب وصواريخ العيد
كويس
احنا مش بنحب الصواريخ
احنا بنحب البمب
عارفه ليه
طول عمرنا واخدينه

فرنسا هانم يقول...

انا ودماغي
هههههههههه
بس الصين تسمع بالحرايق اللى عندنا بس
وهتلاقى المسدسات دى فول وطعميه
قصدى فول اوبشن
مع خالص تحياتى

فرنسا هانم يقول...

اهو ده عيبه
واحشانى جدا يا غاليه
بجد والله
عارفه برضه عندك حق ان ممكن الميه تقطع
اقولك ممكن نركب فى كل مسدس ماتور سحب
ونوصله على النيل عدل
يبقى ميه نيليه تحمينا من الحرايق النيليه
واهو كله نيله

فرنسا هانم يقول...

راندا
معلشى اعذرينى
خالتك مقصره فى حق الكل والله
عارفه انا بجد بتكسف منكم
بس مش بايدى والله
ربنا يكرمكم
ومعلشى على السؤال
خلاص خلى العريس لواحده تانيه
هههههههههههه
انا بهزر معاكى
كل سنه وانتى بخير وسعاده

فرنسا هانم يقول...

ňįĝŗő
الله يسلمك ويبارك فيك يا نيجرو
وحشتنى جدا
بس انا مقدره وعارفه ظروفك

فرنسا هانم يقول...

ربنا يكرمك ويوفقك يا احمد يابن k يارب
كل سنه وانت طيب

فرنسا هانم يقول...

أبلة نظيرة
والله يا ابله نظيره كلامك معقول
بس فين المخ بقى اللى يستوعب
عارفه يا ابله
كله موجود
وكله مخزون
وكله منظم
وكله على كله لما تشوفه قوله
طبعا فاهمه ولا متبقيش ابله نظيره

Asmaa mahaba يقول...

ايه يا خالتو حضترك تهمتيها فى حنفيه ليه الوليه مظلومه السبب هو الرايق هو حضرتك مش فاكره اننا بعنا حتتين السيغه بتوعنا وطلعناه بكفاله

فرنسا هانم يقول...

واحد من البلد دى
انا اولا هارحب بيك
وبعدين هاروح اشوف سبب تاخيرك
ويارب يكون خير
اشكرك جدا

فرنسا هانم يقول...

FreeKiller
شكرا على تواجدكم

فرنسا هانم يقول...

عاشقه الفردوس
هما بجد تنينين ؟؟؟؟؟
انا كنت حاطه ايدى على قلبى وبقول تنين واحد
طيب ربنا يستر بقى
وحشتينى يا قمر

فرنسا هانم يقول...

صبرني يارب
ولا يهمك ياقمر
هو العيب عند الرايق
مش قال لحد مع انى بعت له اميل
بصى اقولك
بالنسبه لصفقه المسدسات مفروض للكل
مدونين وغير مدونين واسر حكاكه
بس على انواع
المدونين وغير المدونين ببلاش ومن النوع سريع الرش
اما الاسر الحكاكه برضه ببلاش ومن النوع سريع الرش برضه بس بتاع حرب فلسطين اللى بيرش لوراء

فرنسا هانم يقول...

انا لما قريت بعد كده ضحكت برضه على نفسى
عايزه اتطلق تبقى انثى يا فرنسا يالى من غير مخ
صحيح على راى الشاعر الكبير
اللى ميشوفشى من الغربال يبقى اعمى
وانا بقى بجد طلعت عمياء
وعندى انا القهوه دى
وكل سنه وانتى طيبه

فرنسا هانم يقول...

دمعاتى
فعلا انا معاك كلامك مسنتير الادراك فى عده طرق متوازيه متحده فى الشكل ومترابطه فى المفعول والتاثير الروحانى المتعدد الاتجاهات
تعرف بجد والله وحشتنى قفشاتك المميزه
كل سنه وانت طيب وبخير

فرنسا هانم يقول...

amr
انا اللى متشكره على تواجدك وزيارتك الكريمه
كل سنه وانت طيب

فرنسا هانم يقول...

أنسانة-شوية وشويه
سيبك انتى من الحرايق
انا عايزه اطمن عليكى ايه اخبارك وحشتينى جدا

فرنسا هانم يقول...

خمسة فضفضة
تقبل الله منكى يا دكتوره
والله وحشتينى وكنت بدور عليكى
ووحشتنى مدونتك جدا
بصى بقى يا دكتوره
الحرايق دى ملهاش دعوه بشهر 7 ولا 6
لان دى حرايق مش بتاعه فلوس
لا
دى بتاعه نفوس
وربنا عالم ايه اللى مستخبى جوه النفوس
كل سنه وانتى طيبه يا اجدع دكتوره وارق قلب

فرنسا هانم يقول...

كلام على بلاطة
وانتم بخير وسعاده

غير معرف يقول...

والله انتي الي وحشتيني قوي وانا كمان كنت في بيات بس مش رمضاني بيات موسمي وقريب هفك البيات ده دعواتكم ليا محتاجه قوي الدعاء بتيسير الحال، وبالنسبة لموضوع المسدس انا عندي الطاقية بتاعتي بطلع ميا اهو حاجة متطورة عن المسدس يالا ربنا يسعد ايامك يارب وكل سنة وانتي طيبة وفي صحة يارب

همس الاحباب يقول...

خالتو فرنسا
كل سنة وحضرتك طيبة وبالف صحة وخير
وحمدلله على سلامتك ومنورة مدونتك والمدونات كلها
انا عملت حسابى وجبت مسدس ميه لهمس وبدربها عليه من دلوقتى
ياعالم ايامهم ايكون فيهاايه
تنين ولا ديناصور كمان
تحياتى وتقديرى

همس الاحباب يقول...

بالنسبة لابو خالد هو الحمد لله بخير وبيبلغ سلامه
وانا هبعت لحضرتك اميل بالموضوع كله
تحياتى واسف على التاخير

دعوة الفردوس يقول...

انا قررت احارب ببخاخة المكوة
لان المسدس بيسرب ميه أحيانا وكده ممكن يغرقني






كل سنه وانتي طيبه

بس فعلا الحرايق المقصوده دي أظنها وارده

رندا يقول...

خالتى فرنسا
كاميليا بتتجوز انتى فين
تعالى بكرة عندى نهيص ليها يلا
اوعى تتاخرى بقى

تحياتى وحبى

رندا

الفقيرة إلى الله أم البنات يقول...

وحشتينىىى قوى قوى
ربنا يحبب فيك خلقه..ويرضى عنك

القلم السكندري يقول...

مسدس مية؟؟

انتي عايزة تعمليلنا قضية سلاح وتودينا ف داهية؟؟




حمد لله ع السلامة .. ايه الغيبة الطويلة دي


الشمس بتطلع كل يوم.. مش كل كام شهر

بس شمس المدونين الظاهر مواعيدها مش مزبوطة بقي



عودا حميدا

fawest يقول...

والله أنا بنكسف من أنى أقرا تدويناتكوأفطس على روحى من الضحك
وما علقش


بس حلوه حكاية التنين
فكرتنى بكاركاتير كان عملة مصطفى حسينفى جريده الاهرام عن السحابة السوادا وأنها من نتاج عفريت أكل أكلة تسمة شويه فريح ريح سودا غطت القاهرة

ههههههههههههههه

سلامى ليكى ومرحبا لعودتك

koukawy يقول...

كده تمام يبقي مثلث و شنطة اسعافات
و مسدس ميّه
اتفقنا

الطائر الحزين يقول...

كدة بقالك سنة مش بتكتبى حاجة

؟؟؟؟؟؟؟؟

سلوى يقول...

كل سنه وحضرتك طيب
وبخير وصحه وسلام
أنت وكل من حولك :)

(احمد سكر ) يقول...

يارب تكونى بخير يارب

مدحت محمد يقول...

ابقى طمنينا عليكى باى تدوينة كدة

غير معرف يقول...

مشاهدة مسلسل باب الحارة الجزء 5 الحلقة 17
مسلسل باب الحارة الجزء 5 الحلقة 17

غير معرف يقول...

كلمات سر جراند 5
كلمات سر جراند

المثالي اون لاين يقول...

شركة المثالية لتنظيف المنازل بالخبر