الاخوه المدونين والاخوات المدونات
سلام الله عليكم
السويس دى بلد غلبانه وملطشه ومكسوره الجناحين ..رغم انها بلد الصمود والاستبسال وبلد الشهداء وكده ..الا انها دلوقتى بلد غلوبه خالص ...وغلوبه من غلبانه ...
طبعا انا اتكلمت معاكم عن موضوع ميه الشرب فى السويس
واليوم هتكلم معاكم عن الاطباء فى السويس
سامعه حد بيقول انا مش هتكلم معاكم
عموما اللى قال هاعرفه وهاطلعه يوم الاحد الصبح وسط الطابور وهابعته يجيب بجنيه عيش ..وبكده اكون عذبته عذاب اليم
جاهزين
ثرى ..تو ...وان ..اكشن
نفسى اعرف الاطباء بتوع السويس خريجين ايه ؟؟؟؟؟؟؟؟
كنا زمان بنفتكر والعياذ بالله انهم خريجى طب
وصدقنا الكدبه دى سنين طويله اطول من تيله القطن
لكن اتضح اننا طيبين قوى وتعبانين موله
يقال والعهده على الراوى
انه قد تم اكتشاف طبيب متمكن وقدير وكفء فى السويس ...وان اللى فك رموزه مستشفى القصر العينى بالقاهره
ولكن مصادر مقربه من القصر العينى نفت الخبر واكدت انها لاتتعامل مع دبلومات التجاره ودبلومات الصنايع
اللى بيحصل عندنا فى السويس بالنسبه للطب يشيب له الوليد
يعنى تلاقى الوليد بيحبو ..ولسه بيتعلم يقول ماما وبابا ... وشعره شايب
فى السويس
تلاقى واحد بالصلاه على النبى لابس بالطو ابيض فى ابيض ومعلق فى رقابته سماعه ويكشف على المريض ويقعد يفلى فيه يمين وشمال ويزغزغه ويلعب له حوجبه ويرقصله شنبه ..وفى الاخر يلقى بالكلمه المعتاده المحفوظه ....لو خايفين عليه ودوه مصر
واحد تانى تلاقى عيادته شيك قوى وفيها تليفزيون ودش وممرضه وغرفه عمليات ولعب وشخاليل
وبرضه يمسك الضحيه ويفلى فيه ...ويلعب فى ضوافره ويشوف شعر راسه اكرت ولا ناعم..ويفتش فى زراير القميص
وفى الاخر
لو خايفين عليه ودوه مصر
حتى فى المستشفى العام ومستشفى التامين الصحى بحوض الدرس والهلال
اكتر حاجه بيعرفوا يعملوها
الطهاره
شاطرين قوى فى الطهاره
وعمليه اللوز
وحلاقه الدقن
اكتر من كده انسى يا عمرو
طبعا سامعه واحد بيقول ..طبعا القاهره هى العاصمه وفيها امكانيات
انا طبعا اختكم فرنسا هانم ديمقراطيه جدا فى الحوار ...واول حاجه هاعملها انى هاشوف مين اللى اتكلم واطخه واستريح
انا عارفه ان القاهره بها امكانيات لكن مفروض كل محافظه يكون فيها امكانيات برضه
لان كثيرا جدا من المرضى لا يجدون الاسعافات ويتوفون اثناء نقلهم الى القاهره
كما ان توافر الامكانيات الطبيه فى المحافظات يقلل من تكدس واذدحام العاصمه
ومفروض برضه العاصمه تراعينا ..احنا حبايبها ..مفروض تبعت لنا كام طبيب نقاوه متخرجين من كليه الطب
علشان ينموا المحافظه
والاطباء بتوعنا هنلاقى لهم حل ..المحافظه بتدور على ناس يشتغلوا فى الكارته بتاعه العربيات النقل
اهو ..برضه قطع الكارته عايز بلطو وسماعه ودبلوم فنى
هناك 149 تعليقًا:
كله كدة يا بنتي مش انتم بس
إيه ده أنا هنا وانتي هناك
:)
الله يكون في عونكم
بضم صوتي لصوتك
عصفور المدينة
شرفتنى استاذى الفاضل
انا لسه جايه فعلا من مدونتك
ومن قطاع الاخبار
وتشرفت بوجودك
mohand
يارب يا مهند
يستجيب ليا وليك
السلام عليكم
الله يكون في عون المرضي
محافظة مفيش فيها مستشفي فيها امكانيات عاليه
انتو اللى غلطانين يا خالتى
مين قالكوا تعيشوا فى السويس ؟
عاجبكم قوى جو السويس ولا قناة السويس ولا بترول السويس اللى بقى بيطير ويتخبر ما نعرفش رايح فين ؟
المهم
ربنا يكون فى العون
هما هيلاقوها منين ولا منين
انتى ما سمعتيش عن الحادثة اللى حصلت فى الجيزة ومات فيها معرفش كام عسكرى
واهى فى الجيزة
يا بنتى الرك على الضمير
والضمير مات خلاص
البقاء لله
هييييييييييييييه انا 8 اول مره اغلبيه ساحقه
سوانى حرجع تانى
اسم الله عليكى من الدكاتره يا خالتو
ربنا ما يحوجك لدكتور يا خالتو ولا يدخلك قسم بوليس ولا يغلبلك وليه
معلش على التاخير دا كله عندنا حركه تنقلات
تقريبا هى موجه غباوه وشبكت فى الشعب الفول تخن العقول
الا قوليلى عامله ايه فى الحر بيقولوا فى تسرب اشعه فوق بنفسجيه واحنا بننزل اليومين دول نرسم فى حديقه الازهر والدفعه بتاعتنا مشويه بقينا زى الفراخ الشيش طاووك
تحياتى ليكى سومه_87
اليسلام عليكم
كان الله فى عون الاقاليم والقاهرة والدول المجاورة وربنا لا يحوجنا لطبيب يدوينا ويعطينا الصحة ومايحوجناش لمستشفيات يارب امين اصل اللى يعيا فى البلد دى يروح يموت احلى واامن
هييييييييييييييييه دنيا
هنعمل بس
ربنا ع اظالم والمفترى واللى مودى البلد فى حاجات حلوة
ربنا يصبرنا ويصبركوا يافرنستى والله
لا الواحد فى القاهرة مش متابع الحركات دى
هو لسه فيه كده
طب نقول فى العمليات الكبيرة والخطيرة
مش فى اى حاجة
زمان كانوا بيقولوا ودوه بلاد بره
دلوقتى بقى القاهرة
لا ماشاء اله تقدم جامد جدا وعالى وخطير
ربنا يسترها عليكم :)
وعلينا طبعا
ويكشف على المريض ويقعد يفلى فيه يمين وشمال ويزغزغه ويلعب له حوجبه ويرقصله شنبه ..وفى الاخر يلقى بالكلمه المعتاده المحفوظه ....لو خايفين عليه ودوه مصر
......
محترفة فى النقد اللاذع
بس ايه حكاية ودوه مصر؟
هى السويس خارج مصر؟
على كل حال
المحافظات مظلومة ظلم بين فى الامكانيات
والخدمات وكل ما يتعلق بحياة المواطن
والمحافظ هو المسؤل الأول عن كده
المفروض كل محافظ يشوف احتياجات محافظته
ونقاط الضعف فيها ويحل كل ده
بما فى ذلك الاطباء الأكفاء
ولو يعاملوا معاملة الاطباء الزائرين
اشمعنى يعنى بنجيب اطباء زائرين اجانب
لاجراء بعض العمليات الجراحية الصعبة
وتدريب الاطباء المصريين
عارفة؟
مشتاقة اوى، اقرا شئ ايجابى بيحصل فى مصر
ولو مرة واحدة فى السنة
تحياتى وحبى
طيب ايه رايك فى الدكتور اللى بياخد 200 جنيه فى المرةالواحدة والله فيه دكتور بتابع معاه بياخد على المتابعه 200 جنيه انا لا انكر انه دكتور ماهر فى مهنته بس مش كدة
نفسى يعرفوا انها مهمه انسانيه مش تجارة ربنا يرحمنا من عنده
هههههههههههه
هههههههههههه
تحياتى يا خالتووووووووو
لكلامك الجبار
والله انتى عسل
وسكر كمان
ههههههههههههههه
دكتور بيزغزغ المريض ؟؟؟؟
عسوووووووووووووله يا خالتو
بطه
هههههههههههه
هههههههههههه
تحياتى يا خالتووووووووو
لكلامك الجبار
والله انتى عسل
وسكر كمان
ههههههههههههههه
دكتور بيزغزغ المريض ؟؟؟؟
عسوووووووووووووله يا خالتو
بطه
ربنا يستر على ولايانا
يا ستار يارب
تحياتي يا خالتي
شكلك مقهورة أوى من مصر
طب كويس أصلا إن هما بيقولوا ودوهم مصر
مبيتهوروش ويودوهم هما الآخرة
وبعدين هى الحكومة فاضيالكوا
ناس حاقدة بصحيح
حال الاطباء بقى مزرى والمكانيات فى المستشيفات بقى مزريه فطبيعى يقولولك فوتى علينا بكره او روحى اتعالجى بره
ثانيه واحده
يعني مافيش حد كويس خالص يافرنستي معقول
ايه ده
احنا عندنا في المنوفيه جراحين واطباء ماشاء الله عليهم
مافيش من السويس اطباء كويسين
غريبه اوي
انتي مش بتدخلي ع الايميل ليه
ماقبلتيش الاضافه لحد دلوقتي
الحمد لله ان ربنا بيغنينى عنهم بجد لكن والله يا فرنسا عارفه انك هتبقى باذن الله بعد هزيمه النكسه عام 2044 زعيمه الاحرار فى السويس
برغم إني اتضايقت من أسلوب الكلام ع الدكاترة المهضوم حقهم في كل مصر - باعتباري مشروع دكتور يعني - إلا إني ولأني مش عايز أنطخ
أقول وبالله التوفيق :
تقدري تقولي مفيش طب أصلا في مصر
لا تعليم
ولا إمكانيات
ولا وظائف
ولا مرتبات
وأتوقع إنه لما يروح مصر هيقولوله : ودوه بلاد بره !
لكن الأمر مش أطباء السويس بقدر ما هو إمكانيات طب السويس ..
السلام عليكم
مش عارف ليه مش مستوعب اللى بتقوليه
يمكن لأنى عمرى ما خرجت برة القاهرة الا للمصيف
معقول لسة فيه تخلف فى المستشفيات انهم يقولولكوا ودوه القاهرة
يعنى هما فاكرين ان احنا هنا امريكا
ولا فرنسا
واضح إنك ما سمعتيش نصيحة (غير معروف) وهو بيقولك إعقلى !!
ماهو الأطباء زى الفل أهو ولا بسين بلاطى بيضة !!إنتى عايزة إيه بقه ؟؟ وبلاش النظرة السوداء دى يا خالتى لحسن يقفلولكم الهوسبتاليا بتاعتكم دى ويجيبولكم أطباء بيطريين هههههها
السلام عليكم و رحمة الله و بركاته
و الله يا فرنسا هانم
الظاهرة الطبية دي في مصر كلها
تصوري قريت في المصري اليوم خبر
عن وفاة 9 حالات في مستشفى المحلة الكبرى
بين يومي 12 و 21 مارس الماضي
في غرفة العناية المركزة .. دخلوا العناية المركزة لعمليات في القلب وقضوا نحبهم بنزيف داخلي و فشل كلوي
واحد منهم صرف على قريبه في عملية القلب
1150 جنيه اكياس دم
480 جنيه حقنتين
و لما جاله فشل كلوي كلفه غسيل كلى ب
21000 جنيه مصري
و في الآخر برضه مات
و ثمان حالات زيه كده بالظبط
ربنا يتولانا
خالص تحياتي
احمد
حبيبتي فرنسا "كم ذا بمصر من المضحكات و لكنه ضحك كالبكاء " اشمعني الطب يعني اللي حيبقي عدل مع اني مش عايزة اعك في الدكاترة احتراما لأبو احمد لكن هو اول واحد بينصح اي مريض معرفة في تخصص غير تخصصه بأنه يسأل اكتر من طبيب و ما يكتفيش برأي واحد احسن يكون دبلوم تجارة :)
و بجد بقي المشكلة ان الدكاترة الكويسين لازم يكونوا اساتذة جامعة لأن للاسف دول بس اللي بيفضلوا يتابعوا التعلم اما الدكتور اللي بيتخرج و ينام علي كده حتي لو اخد ماجستير سينطبق علي علمه مبدا العضو الذي لا يستخدم يضمر
ربنا يعافينا جميعا و يرحم اهل السويس و اهل مصر المحروسة سابقا
فعلا العاصمه واخده كل الامكانيات
والاقاليم ولا واخدين حاجه
قسمة عدل ومفيش عدل احسن من كده
مش كفايه بيوفرولنا الاكل المسرطن الغالى اللى بناكله كمان يوفروا اطباء معندكيش حق
مش عارفه ليه الفساد ده
أختى العزيزة/فرنسا
أفتقدتك كثيرا ..أرجوك الكتابة دائما
فأنا أحب قرأة فكرك العالى ..و الأطمئنان عليك ..و ربنا لا يحوجنا جميعا لاى طبيب ..هذا البوست ذكرنى بكلمات أغنية "جبت الطبيب يداوى سألنى الجرح فين ؟
و أنا أسئل بدورى هو الأنسان المصرى فين؟
أبو خالد
لالالالالا احنا بنتهزأ يا جدعان
هتقولى انتى من اطباء السويس هقولك لا
هتقوليلى اش حشرك فى الموضوع هقولك مهما زمل ومينفعش الاقى زميلى بيتشتم واسكت
اة انا طب طنطا وانتو السويس بس مش مشكلة
يا عزيزى كلة بزرميط والمشكلة كمان فى طرريقة التعليم عندنا فى طب بس صدقينى وعن ثقة مفيش دكتور مبيحاولش يجتهد وان كان ما باليد حيلة
شرفت بالمرور من جنبكم
و الله يا أخت فرنسا عندنا فى العاصمة الدكاترة بيلاقوا حجج تانية غير حجة "ودوه مصر" ..بعضهم مثلا بيقول:"ودوه القصر" يعنى مستشفى قصر العينى .. و هناك يا إما يدفع المعلوم .. يا إما ما يبقاش للمستشفى لزوم
بس أكتر حاجة بتغيظنى فى الدكاترة عندنا إنهم مش بيحددوا حالة المريض عشان يوصفوا له العلاج .. لأ .. هم عندهم شوية قوالب مرضية لازم يقولبوا فيها حالة المريض عشان يوصفوله الدوا اللى هم عارفينه
و الله مرة كان عندى مغص و مشاكل فى الهضم ... روحت لدكتورة كبيرة عندنا .. وصفتلى دوا جهنمى ابن ستين فى سبعين .. أخدت الدوا من هنا و حسيت بأن أمعائى جواها أرانب بتلعب كوتشينة و ما استريحتش إلا لما وقفت الدوا و اتضح فى الآخر إنى كان عندى القولون العصبى
بس أنا ممكن انتهزها فرصة و أسيب شغلانة الهندسة دى و أروح اشترى سماعة و بالطو و افتح عيادة دكتور فى حلايب و شلاتين
اولا حمدالله على السلامة بعد الغياب
وبعدين انتوا عايزين ايه بالظبط
الراجل اهو بيكشف على ضوافره وشعره وبيحلق الدقن وبيطهاره وبيعملوا اللوز
وبعدين يقولكوا انقلوه مصر
هههههههههه زى العالم اللى بيقول الله اعلم وكانه افتى .
بجد مسخرة لما فى مدينة عظيمة وعريقة زى السويس يحصل فيها كده وخريجى الطب مفيش اكثر منهم وبدون عمل
والسيد وزير الصحة ولا حس ولا خبر
وبعدين القاهرة فيها اللى مكفيها
اعتقد اقل القليل وجود اخصائيين فى كل المجالات فى المستشفيات العامة ده على سبيل انه فى مستشفيات اصلا .
ولنا الله يا خالتى
تحياتى
خالد
السلام عليكم
نظرا لاني مش عاوز اروح طابور العيش ولا عاوز انطخ بس لحد لما ادرب ع النشان وساعتها محدش هايهوب ناحيتي
المهم
انا مش هارد ولا هاتكلم كتير
ادخلي على موقع اطباء بلا حقوق
وانتي هتلاقي الردود اللي تتخيليها واللي ماتتخيليهاش
http://www.atebaabelahokook.blogspot.com/
مش للدرجة دي
احنا عندنا صحيح رغم ان المستشفيات بيحصل فيها بلاوي بس برضه شايفة شغلها و شايلة بلاوي اكتر
انما ودوه مصر دي ما بتكونش غير في الحالات المستعصية و بعد ما تفشل اسكندرية :)
ده حال كل الاقاليم
المهم فعلا ان دكاترة مصر يعرفو ينقذوه منتسيش ان دكاترة مصر هما اللى موتو بنت بتقلص حجم ثديها
وهما اللى بينسو الفوط فى بطن الستات اللى بتولد
اسمحيلى اعدل على كلامك
لو خايفين عليه متخلوش دكتور فى اى حته فى مصر يكشف عليه
اقولك على حاجة
انا ساكنة في 6اكتوبر المفروض انها من انضف الاماكن في القاهره اللي هى العاصمة ام امكانيات
كنت نازله الجامعة فيوم لأن اختك في جامعة القاهره وبعدين لئيت عربية bmw مقلوبه عالطريق والدنياا زحمه وناس متغطيه ولئيناهم بيقولو انو العيال طلعو عايشين بس الايعاف اتأخرت جدا مع انهم اتصلوا اكتر من مره
المهم وصلت الجامعة لئيت العيال بيقولولي انو عمر كان جاي فالسكة واتقلب بعربيته عالمحور
لولولولولولولولولولوليييييييي
تخيلي ماشية فالشارع تلائي حادثة توصلي تكتشفي انهم صحابك
أدي ياختي القاهره ام امكانياااااات
شيالله ياامكانيااااااات
يابنتي ده فكل حتة انا متأكده لو بعتلك دكاتره من هنا هتلبسيهم بلاطي بيضه برضو بس هتوئفيهم عساكر مرور بالكتير وكمان ممكن المرور يبوظ
خليني مبكتومة ماتبحبحنيش يافرنسا
هو انا مدونتي كئيبة من شوية وقافلة على نفسي الباب من قليل
هو ايه الحكايه ؟؟؟
صدقني مش السويس بس
اقري ده راخر
http://azmiralda82.blogspot.com/2008/04/blog-post.html
فرنسا هانم تحياتي
الموضوع ده ليه علاقه بوجود كلية طب محترمه ومستشفى جامعي مظبوط , إذا وجدوا بتلاقي المنطقه فيها طب انما مش كل الأقاليم كده
وبعدين انا سامع دكتور كويس قوي من السويس بيعترض بشده!!!
نو
نو
نو
فرنسا هانم
انا كده هازعل منك جدا جدا
مالها روما مالها لندن مالها باريس
لو تعبتى انا فى الخدمه ادينى الو او كليك
وانا هاجى على طول
بس المشكله ان سطح بيتكم ميكنشى فيه مكان مخصص للطائرات الهليكوبتر
هو انا رقم 38 يا نهار ابيض
يا فرحه وزه فيا !!!!!!!!!
son's egypt
لا امكانيات عاليه ولا نص نص
حاجه ببلاش كده
تحياتى لك
3abratalsabeel
جبتى المفيد يا عابره السبيل
وشكرا لكى
لأ
استنى طالما عابره سبيل يبقى لازم نقوم معاكى بالواجب بتاع الضيافه الاول
تشربى ايه ؟؟؟؟؟؟؟؟؟
ده بعد الاكل طبعا
somaa mahaba
تقدم يا سومه
عبقال لما اشوفك اول تعليق
somaa mahaba
فراخ الشيش طاووك ؟؟؟؟؟؟
ليه التشبيهات دى
انتى مش عارفه الدور بتاع انفلونزا الطيور ولا ايه ؟؟؟؟؟
ههههههههههههه
عموما قلبى معاكم
وتحياتى الخالصه لكى
رئـــــيسـة حزب الأحلام
ماهو الاطباء ماشيين على المبدء ده
اللى يعيا بالسلامه
آخر العنقود
الشعب المصرى كله
واخد لوحده تلتين اثار العالم
وتلتين الصبر العالمى
امام الجيل
ودووه بلاد بره ؟؟؟؟؟؟؟؟
هما الاطباء بتوعنا يعرفوا اصلا بلاد بره
ده اخرهم شلاتين
تحياتى يا امام
كاميليا
لأ طبعا السويس فى مصر
لكن احنا ومعظم المحافظات تعودنا ان نطلق على القاهره اسم مصر
حتى الاتوبيس مكتوب عليه
السويس - مصر
وعربيات الاجره بتنادى
واحد مصر -- واحد مصر
رفقة عمر
الف مليون سلامه ليكى
وياريت الاطباء يراعوا ربنا
طبعا مش كلهم
لكن نسبه كبيره واخداها تجاره
بطه
شكرا يا بطه
على المتابعه
وعلى فكره
انا بقيت بستنى تعليقك
صاحب المضيفة
امين يارب
فزلوكة
طبعا الحكومه عندها اولويات تانى
مش فى مزارع دواجن واسماك وثروه حيوانيه
هتسيب ده كله وتبصلنا
فعلا معندناش نظر
تحياتى يا فزلوكه يا مخربشه
بطوط حبوب
فوت علينا بكره يا سيد
صحيح
معرفناش مين سيد ده ؟؟؟؟
فرنسا حبيبتي
انتي عارفه ان الاطباء لما بيجي لهم تكليف بره القاهره
او عموما بره محل اقامتهم
وده الي بيحصل غالبا
بيعتبروها اهانه لهم
وتعدي عليهم وعلي حقوقهم
انا بابايا دكتور وعيزه اقولك ان معظم زمايله اصعب سنوات حياتهم
كانت سنوات التكليف
فهنعمل ايه بقي ده حظ الي مش عايش في العاصمه
يلا بقي(بست وشز فور يو)0
عاشقه الفردوس
حبسبتى الغاليه عاشقه الفردوس
والله طول حياتى التدوينيه لم ادخل الاميل او الماسنجر بالادق الا مرتين
وفى المرتين حدث ما لايحمد عقباه
اول مره لقيت طلبات اضافه كتيره ضفتها
ومفيش ثوانى
ولقيت ناس كتير من اصدقائى وناس مش عارفاها تطلب تكلمنى
وبوكسات بتتفتح كتير
انا فرحت ان الناس بتحبنى للدرجه دى
لكن مكنتش عارفه اكلم حد
واستاذنت وخرجت
وبعد اكتر من شهرين على ما اذكر دخلت مره تانيه وحدث نفس الشىء
وفى المرتين ناس حبايبى جدا زعلوا منى
واضطريت ابعت لهم اميل اشرح ما حدث
حبيبتى
بلاش الماسنجر
ابعتى لى اميل وانا ارد عليكى
صوت من مصر
زعيمه مين يابنى ؟؟؟؟
ده انا لو كنت عايشه يبقى هاكون زعيمه الكراكيب
خبيب
يا عزيزى مشروع الدكتور
ربنا يكرمك واشوفك دكتور قد الدنيا
العيب فى الاتنين
الاطباء والامكانيات
صدقنى والله
واحد قعدوا يعالجوه سنه ونص من الكلى والحصوات وعمل
وبعد سنه ونص ودوه الزقازيق
الدكتور بعد الكشف ورؤيه العلاج قالهم مين الدكتور ال .... اللى كان بيعالجوه
والامثله كثيره جدا والله العظيم بدون تجنى على احد
HelSiNg
مش عارفه ارد عليك
هل عدم الاستيعاب معناه .الرفض وعدم التصديق
ولا معناه المفاجأه من الواقع
ولا معناه عدم العلم بما يحدث خارج نطاق القاهره
عموما
انا تشرفت بزيارتك
دكتور بيطرى
هما الاطباء البيطريين وحشين ؟؟؟
على الاقل مسمعناش عن طمعهم وجشعهم
وبيعالجوا حيوان اخرس
تحياتى لك ولكل الاطباء البيطريين
موجة
للاسف الامثله زى دى كتيره جدا جدا
وانا محبتشى اكتب امثله لان التدوينه كانت هتبقى اطول من نهر النيل
أم أحمد المصرية
افهم من كده ان ابو احمد دكتور ؟؟؟
عموما
طالما خارج نطاق السويس
وبعد شهادتك عنه
براءه
وانا لم ولن اجمع الاطباء او اى مهنه او اى شىء اتحدث عنه فى بوتقه واحده
فلكل قاعده شواذ
تحياتى يا غاليه
walaa
ربنا يرحمنا من فسادهم يا ولاء
ويهديهم علينا
قادر يا كريم
أبو خالد
قلتله اسأل دق قلبى اللى زايد دقتين
اخى ابو خالد
دائما رافع معنوياتى للسماء
شكرا لك
ومع تحياتى لشخصك المحترم
انا مسلمه
طبعا موصلتشى للشتيمه
ولا للتهزيىء
لكن
بجد الحاله عندنا جيم اوفر
وانا كمواطنه عاديه لن احكم على طريقه التعليم وانما احكم على مستوى الاداء
وتحياتى لكى
وشرفتينى جدا جدا
ربنا يجبر خاطرك زى ما انتى جابره خاطرى ..أختى فرنسا سعيد أنك بخير و الحمد لله ،و لى رجاء الا تغيبى كثيرا فلقد أدمنت كتاباتك و شكرا
أبو خالد
ابن حـجـر الـعـسـقـلانـى
مش هتنفع يابن حجر
علشان انت طيب وابن حلال
وصريح ودوغرى
وتعرف ربنا
والجماعه بتوع التفعيص والضوافر والحبشتكنات دول بيبقى غير مؤهلاتك التربويه خالص
الواد توتو بتاع المراجيح ينفع
همس الاحباب
بجد يا خالد مسخره
واكتر من مسخره
الطب بقى فى العجين
والعجين عايز طحين
والطحين عند العلاف
والعلاف عايز مفتاح
ووووووووووووووووووووو
تحياتى يا خالد
كله كدة
الضمير رسالة الحى
هي تقريبا جامعة قناة السويس كلها كده انا برده كنت بتساءل عن دكاترة بورسعيد خريجين ايه اصلهم ميفرقوش كتير عن اللي انتي بتقولي عليهم الا من رحم ربي لسه كنت عند دكتور امبارح واول ما خرجت من عنده الممرضه قالتلي اقولك نصيحه حلوه روحي المنصوره:)
لنا الله
والله بتوحشني مدونتك يا باش ريسه فرنسا هانم
هروح اقرا بوست بحب امريكا ده
شكله خربتى الدنيا
هههههههه
هو التدوين كان ناقص
هههههههه
اهلا وسهلا اهلا وسهلا
وعندك واحد دكتور وصلحه للريسه فرنسا
هييييييييييه
انا كنت التعليق رقم سبعين
اولا بوست روعة
ثانيا
اسلوبك تحفة بجد والله
اسلوب يشد يشد يشد
و انا اقوله سيب و هو يشد
قلت خلاص اكمل البوست للاخر
طالما عمال يشد كده
تحياتى ليكى
والله يا فرنسا هانم
الحاله عندنا مش هتفرق كتير عن السويس
ماحنا فى مصر سوا
ليهات
دخلت على الموقع
ولقيت حاجات ورديه
وحاجات حمصيه
تحياتى لك
وشكرا على الزياره
مهندس مصري
يعنى برضه دمنهور عندكم بتوزع على الاسكندريه الاول ؟؟؟؟؟؟؟
ماهو احنا توزيع جغرافى
على القاهره عدل
تحياتى يا هندسه
صحفية روشة
وانا موافقه على التعديل
بس كده هنجمع المحافظات كلها
نوره الخشن
مين قال ان مدونتك كئيبه ؟؟؟؟؟؟؟
بالعكس
مدونتك من المدونات اللى استمتعت بزيارتها
تحياتى لكى
ولا عزاء للبالطو الابيض
Esmeralda
اشطات
وسلامات
اللى حصل فى مدونتك ده عسل
ويا بطنى لا تحزن
تحياتى لكى
محمد فوزي
اكيد بيعترض فى سره
والله
واقسم بالله
لسه سألين عن دكتور اوعيه كويس
رد علينا دكتور مشهور فى السويس
وقال
احسن حل
القصر العينى او مستشفى كليو باترا
عبده الرايق
لا متخافشى يا رايق
سطح عمارتنا
فى موقف سرفيس وموقف نقل تقيل ومحطه سكه حديد وميناء دولى كمان
عبده الرايق
مالك ومال وزه
سيبها فى حالها بقى
نوري
حظنا كده
عموما
مش هنسكت
وهنيجى القاهره
وهنزود عدد سكانها ل 80 مليون
وهناكل اكلكم
ههههههههههه
اوعى تصدقى
احنا بس بنطالب بالتحضر فى جميع المحافظات
الطائر الحزين
اه والله كل ده
الطائر الحزين
عمره ماكان له علاقه بالميت
أبو خالد
حد يلاقى الكلام الحلو ده ويغيب ؟
شكرا على كلامك
وشكرا على ثقتك
اختك فرنسا
DayDreaming
جت من الممرضه ولا جاتشى من الدكتور
المصيبه انهم بيوصوا بالقاهره بعد الامور ما تخرب عندنا
الباحث عن الحقيقة
الباحث
الهلال
اللى بيظهر كل شهر
بس ياريت الاقيك معلق هناك
الباحث عن الحقيقة
مش انت اللى بتيجى متأخر
مواطن مصرى نايم
طالما كملت البوست للاخر
يبقى اكيد صحاك من النوم
ومش هتبقى مواطن مصرى نايم
مع تحياتى
واحلام سعيده
غير معروف
يعنى كله محصل بعضه ؟؟؟؟؟؟؟
امممممممم طيب بقولك ايه عندى دكتور سكر كده ممكن ابعته لكم اهو يتعلم فيكم برضه بس متخافيش الولد كويس
والله يا فرنسا يا قلبى ده تسألى فيه الاخ الجبلى لو تقدرى تطلعى ليه
والناس دى من باب تكبير الدماغ فبيهملوا فى شغلهم وشكرا لكم
وربنا يكون فى عونك يا سويس
السلام عليكم ورحمة الله وبركاته
يا فرنستي الغاليه الحاله ده حال الدكاتره في كل مصر المحروسه من شرقها لغربها ومن اقصاها لادناها حتي في العاصمه ذات نفسها في اوحش من كده بكتير اوي
وعاوزه تعرفي عن مصايب الدكاتره والبلاوي اللي بيعملوها اسألي حد من جوا الوسط وهوه يقولك كل حاجه
وياريت ما تفتحنيش اصل مش هاتعرفي تسكتيني اصلي مغلوله من الدكاتره والصيادله اللي واخدين المهنه مجرد سبوبه يتربحوا من وراها ، منهم لله
سلام بقي
هههههههههههههههههه
يالهوى عليكى انتى سيحتلهم احلى تسييح
انا الدكتور الوحيد اللى بعترف بيه فى السويس
هو دكتور جوهرى السيد دكتور الباطنة
غير كدة كل دكاترة السويس بطيخ
دى اايدك فيها
الصيف اللى فات رحت اخلع ضرسى
الدكتور كسرهولى
كانت ايام مايعلم بيها الا ربنا
الله يكون فى عونا منهم
استاذتنا
والله مش السويس بس اللي غلبانه كل مصر دلوقتي غلابه واللي ملوش مهنه بيعملوا مهنه من دماغه ويمشي حاله بيها لان فعلا خلاص البلد في حاله صعبه جدا ,واخر حاجه ممكن حد يفكر فيها صحة المواطن ,والمفروض تقولوا لو خايفين عليه نوديه الهند احسن
وكم في مصر من المضحكات
ربنا ييسر لكم الحال
جزاكم الله خير
يا فرنسا كلنا واحد يعنى هتلاقي في القاهرة اللي هى العاصمة زى ما بتقولي نزود علي اللوز والطهارة الزايدة والطحال والمرارة والباقي يقولولك لو خايفين علي وده بلاد بارة
الموضوع مش ف الطب بس كمان
ربنا يرحمنا
يا حبيبتى اللى فى السويس هما اللى فى الشرقية هما اللى فى القاهره
اصل كلهم ولاد المحروسة
عندكم بزراميط ؟؟؟
احنا عندنا فى الدقهليه كوسه وبتنجان وكل الحاجات دى
زورينا بقى ولا القمر بقى عالى مش هينور لنا؟
تحيـــــــاتى
المصــــــــــرى
ايه الناس دي
عاوزة تساوي قاهرتشي المعز للسويس
بلدي اوي اوي
هههههههههههههه
عارفة انا ساكنة في مدينة جديدة
ولما احب اكشف على ضوافري بروح القاهرة يا اختشي
عادتشي عادتشي اصل القاهرة مجموعها اكتر من السويش دة فرق كفاءة
سلميلي بقى على الطب في مصر عموما
جزيتي الخير على اثارة موضوع من الموضوعات اللي بتعليلي الضغط
:]
بحكم انى صيدلانيه اقولك ان معظم الاطباء بقوا كده
و تلاقى لهم غلطات قاتله و تافهه بالنسبه لاى دكتور عيل لسه متخرجش و لما تقولى للمريض ان الدكتور غلطان يبصلك بقرف و يقولك انتى عارفه ده كشفه بكام ساعتها بقى بقوله طز فيك انا عملت اللى عليه و خلصت ضميرى
ده فيه دكاتره بتكتب الدوا للاطفال بجرعه الكبار علشان يخفوا بسرعه
طبعا يخفوا من الحياه طبعا
كلنا هذا الهم
السلام عليكم
والله يافرنسا هانم كله كده فعلا
بالرغم من احتياجات المحافظات للمستشفيات والامكانيات
لا انه كله بيروح للعاصمة
قصدي علي الامكانيات
السلام عليكم يا فرنسا والله كلهم كده حتى كبار الدكاتره انا كان عندى شرخ فى العمود الفقرى ورفضت اعملها فى التامين لانهم قالوا ليه التامين مهمل وممكن مش امشى على رجلى تانى ومع ذلك لفيت الحزام على بطنى وحوشت وعملتها فى القطاع الخاص وباكبر دكتور فيكى يا اسكندريه والاخر العمليه طلعت غلط برضه وال4مسامير والشريحتين بره الظهر ولا كأنك يا ابو زيد ما غزيت؟والله ما تعرفى ده اهمال ولا استهبالالمهم روحت ليه تانى وقولت ليه انى روحت لكام دكتور واكدوا ليه ان العمليه غلط ولازم تتعاد على اساس فى الاعاده الافادهالمهم قالى النكته دى بقى اسمعيها هتعجبك قالى(العمليه صح بس لو عايزانى اعيدها ليكى اعيدها علشان نفسيتك ترتاحومش تبقى قلقانه)يعنى انا هعيدعمليه خطيره دى علشان نفسيتى قولت تتحرق النفسيه بس مش هفتح ظهرى تانى والا بعد كده اعمله بسوسته وارتاح .اسفه للاطاله بس كنت عايزة اعرفك ان كلهم كده مش عندكو بس سلام
إيه دا بقى ؟؟؟
هو كل مرة اجى متأخرة كدا
نفسى مرة الحق العشرينات ..
التلاتينات ..
يللا معلش
بس احب أطمن حضرتك ان الدكاترة فى عموم الجمهورية على هذه الشاكلة
بس فيما عدا الناس الشاطرة اللى هما دكاترة و دكتورات المدونات ..
دول آخر فل و تمام
أنا بقول اهو ...
و يا حبيبتى أختك لها جذور فى اسماعيلية ...و بنها ...
و كل حتة كدا يا حبيبتى ...
و الدكاترة برضو معذورين ..
بياخدوا كام يعنى عشان يتغربوا و يسافروا بلد تانية و يعيشوا من الالف للياء على حسابهم
و لا هيشتغلوا لله و للوطن بس ؟؟
ربنا يفرجها على الكل دكاترة و مرضى
و تحياتى يا حبيبتى يا أجدع أهل السويس
غير معروف
شكرا على الزياره
صانعة الحرية
حبيبتى صانعه الحريه
وفقك الله
وارشدك الى الطريق السليم
ومن قلبى بدعى واقول
ربنا معاكى ويوفقك قادر ياكريم
انتى وحشانى جدا
وانا قلقانه عليكى
appy
لو كان خريج طب ؟؟؟
يبقى هيكتسح الملعب
لان معظم الاطباء عندنا
شغالين على ما تفرج
خمسة فضفضة
وشهد شاهد من اهلها
خلاص طبعا لايفتى ومالك فى المدينه
وبرضه
قطعت جهيزه قول كل فقيه
كلامك مش محتاج الا الشكر
تحياتى يا دكتوره
مدحت محمد
وفى ناس كويسين
زى ياسر الحريرى
ومحمد زكى
وحازم شوقى
وجمال توفيق
وكذا واحد
لكن الباقى بزراميط خالص
الفاتح الجعفري
فعلا اخر حاجه نفكر فيها الصحه
للاسف
ميزانيه الداخليه
اكتر من ميزانيه الصحه
وعجبى
أنسانة-شوية وشوية
يعنى اقدر افهم ان القاهره ايضا بزراميط ؟؟؟؟؟؟؟؟؟؟؟
الحقوووووووووووووووونى
حتى القاهره طلعت اووت
Desert cat
هما بيلعبوا معانا حاورينى يا طيطه ولا ايه ؟
almasry
انا لسه شاربه نسكافيه عندك
تحياتى لك
ده العادي على فكره
هو يعني هيلبس بالطو أبيض ( طبعا محتج مجهود ليحافظ على نظافته )
وسماعه
ويعمل إيه تاني ؟
بس في أقليه محترمه
الله المستعان
دمتي بكل خير برنسيس
nonoymm
انتى مش ملاحظه انى بقالى 4 تدوينات بعليلك الضغط ؟؟؟
بس اعمل ايه يا حبيبتى
كل حاجه حوالينا بتعلى الضغط
عموما
الف سلامه عليكى من الضغط
صيدلانيه طالعه نازله
اسمحيلى اكتب لكى نفس ردى على الدكتوره خمسه فضفضه
فعلا
قطعت جهيزه قول كل خطيب
تحياتى لعالم الطب
آفاق الحرية
والمشكله انهم بيرجعوا يصوتوا ويقولوا اذدحام العاصمه
حنين القلب
هههههههههههههه
انا مش بضحك على كلامك الحزين
ولا على جرحك
انا بضحك على كلام الدكتور الكبير
بتاع النفسيه
هو قصده يقولك ان العمليه تمام
والظاهر ان انتى استحليتى الالم وبما انك انتى اللى طالبه يبقى هيطلب الاتعاب من جديد
واهو برضه يطمئن على خبرته
منه لله
حاجه تانى ضحكتنى
حكايه هاعمل لضهرى سوسته
بجد انتى ظريفه جدا
وعجبتنى الفكره
بما انى عندى كسرين فى العامود الفقرى
وساعات بشعر بالالم
وفى حاجه تانيه
انا مكسوفه اسألك عليها من بدرى والله
لكن انا هاتشجع واسأل
انا مش عارفه اوصل لمدونتك
ارجوكى دلينى عليها
السلام عليكم
انا كنت جى وايدى مش فاضيه
بس لاقيت التوبيك
طب ان ان شاء الله هتخرج كمان سنه ونص
وهبقى دكتور
ابطل وافتح بلاى استيشن
ولا اقلك اجى اشتغل فى السويس
نرجع نقول اسلوبك فى الكتابه جميل جدا
وانا كنت اجى ارد الزياره
fatima
ماهى دى مشكله وزاره الصحه
اولا توفير الامكانيات فى مستشفيات المحافظات
ثانيا تدريب اطباء الاقاليم لوصولهم لمستوى عالى
ثالثا منع خريجى الدبلومات الفنيه من ممارسه الطب
Salwa
طبعا فى اقليه محترمه ومحترمه جدا
وانا مش من طبعى العموم
لكن
الاكثريه بتوع محشى
Abo 7anf
لا يا راجل طالما هتتخرج من كليه الطب
اتكل على الله
انا بتكلم على الاطباء اللى اتخرجى من دبلوم تجاره وصنايع
ولو جيت السويس هتشرفنا جدا
لو ده الوضع عندكم فى السويس يبقى الوضع عندنا احنا ايه بصى يا فرنسا هانم الغلط مش غلط دكاتره السويس ولا الصعيد ولا اى مكان تانى الغلط غلط المنظومه التعليميه كلها قائمه على تكديس طلبه بدون عدد فى مدرجات والى يفهم يفهم والى ميفهمش عنه ما فهم طبعا البقاء للاكوس ومش للاصلح يعنى الى ليه واسطه بيبقى معيد جامعه مش بس دكتور وبتطبيق ما سبق احب اطمئنك انى الطب فى السويس بالوضع الى انت قلتى عليه متقدم جدا واحمدى ربنا
هو معاكى حق طبعا ان الامكانيات تكون متوفرة فى كل المحافظات
بس ده لو كانت المشكلة مشكلة امكانيات فقط مش مشكلة دكاترة كمان
ومشكلة الدكاترة اللى معاهم دبلوم فنى
دى هتلاقيها فى كل المحافظات مش فى السويس بس
يعنى الهم طايلنا كلنا
تحياتى ليكى
ووحشانى جدا يا فرنستى
كلنا هذا الرجل
:))
http://www.facebook.com/group.php?gid=11002991343
دعوة لصيام يوم الخميس 17 ابريل والدعاء على الحكومة وعلى كل ظالم من المسؤولين في هذا البلد والذين تسببوا في جوعنا وفي تخلف شعوبنا
دعوة للجميع في هذا اليوم بأن يصوم ويدعو عند إفطاره على الحكومة وعلى كل ظالم يظلم من هو أضعف منه
ندعو على كل من تسبب في تخلفنا وجوع الشعب
فكما أن للصائم دعوة مستجابة فإنا نجعلها للمساهمة في إنكار المنكر في بلدنا وفي الإبتهال إلى الله بأن يرفع عنا غضبه وأن يرزقنا بمسؤولين
عندهم ضمير بمسؤولين يخافون الله بمسؤولين يتقون الله فينا
بمسؤولين يقودون بلادنا إلى التطور والنمو وإلى تحرير فلسطين
بمسؤولين يكرمنا الله بسببهم لا بمسؤولين يجلبون علينا غضب الله
ويظلموننا ويضطهدوننا ويجوعوننا
ترى ماذا سيكون شعور الظالمين في الحزب الوطني والوزراء حين يعلمون أن الشعب كله يدعو عليهم في هذا اليوم
ماذا سيكون شعور المحتكرين وهم يعلمون أن الشعب بكامله يدعو عليهم جبار قوي يمهل الظالم ولا يهمله
ماذا سيكون شعور من يجادلون ويمررون القوانين في مجلس الشعب لإذلال الشعب وظلمه
حين يعلمون أن 70 مليونا يدعو عليهم
نحن نشكو إلى الله الجبار المنتقم من هؤلاء الظالمين
نشكو ممن منعونا من قول الحق ومن تغيير المنكر
نشكو إلى رب رحيم رؤوف يعلم بحالنا وبضعفنا ويعلم منا صدق نيتنا
هل سيتهموننا بأننا نشكو إلى الله
هل سيتهموننا بأننا ندعو عليهم
هل يوجد في القانون ما يحرم هذا الفعل
هل هذا فعل مخالف للقانون أم أنه تدخل في السياسة ؟؟
أم أنه شكوى إلى جهات خارجية ؟؟
ندعو كل من يقرأ هذه الكلمات أن يرسلها إلى كل من يعلم على الايميلات والمنتديات والموبايلات
عن طريق الطبع وعن طريق الكلام
وليحتسب مايقوم به عند الله رغبة منا برفع الظلم عن المظلومين وبإنكار المنكر عملا بقول رسول الله صلى الله عليه وسلم : ( من رأي منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان )
وهانحن نعمل بما نقدر عليه في إنكار الظلم والرجاء إلى الله بأن يرفع عنا هذا الظلم وأن يخلصنا من هؤلاء الظلمة
المتاخر مش الخايف
الموضوع بتاعك ده مهم جدا وتصدقي حتى هنا في الخليج لما نروح المستشفى يقولو لنا لو المريض يهمك وديه القاهره
صدقيني يا فرنسا
عدم الاحتراف وعدم الكفاءة اصبحوا سمه لخريجي الجامعات المصريه حاليا
وبلا استثناء
تحياتي لشخصك الكريم
طيب ايه رأيك بدل متصدرو العيانيين لمصر تصدرو الشباب يتعلمو فى مصر وبكده على الجيل الجديد ميطرح هتلاقو دكاترة نقاوة فرز اول وبدل تصدير كمان
ايه رأيك
فكرة والله
عليه العوض ومنه العوض
ده اللى بيتعلموا هنا خلاص ملهمشى اصلا هوية وقليلين من يتعاملو بالطب كهنة انسانية
تحياتى يا اجدع فرنسا
==========
الا سؤال شخصى بقى بقى يا اخت فرنسا لو سمحتى
اتفضلى يا هبة قولى البيت بيتك
لا دى بتاعت محمود سعد
يووووووووه
ما علينا
انتى متخرجة من ايه
يعنى من مدرسة الحياة اللى بتطلع اجيال واجيال
ولا تعليم عائلى من ذوى الأسر المؤثرة
اقصد لما بيكون حد له شخصية ومحترم وعلى نسبة تدين بيكون فيه كتير كانوا السبب فى ده
يووووووووووه انتى رغاية قوى يا هبة قصرى
حاضر حاضر
مين قدوتك فى الحياة؟؟ ده سؤالى
سلام قبل منطخ
هبة
تحياتي
الحقيقة موضوع مؤسف...و ينم عن عدم العدالة في توزيع الرعاية الصحية...
يُفترض ان يكون هناك علي الأقل مستشفي
به كافة التجهيزات الطبية ...و أيضا
مستشفيات اخري...و مرتبطة بالانترنت...
و الفيديو كونفرنس...بينها و بين جهة ما في وزراة الصحة...
اعتقد اننا ما زلنا في تخلف تكنولوجي
و لا نأخذ بالأسباب...بدلا من سفر المريض
الكونسلتو الطبي في نفس المستشفي مع اتصال مباشر لجهة علمية ....للتشخيص السليم و السريع.
تحياتي و تقديري...
فرنسااااا
وحشتينى جدا جدا
انا عارفة انى انا اللى مقصرة وقاطعة تليفونات ...بس راجعيييين نعشق وندوب...
ايه احم ماعلينا
بصى يا سيتى بالنسبة لحالة الطب عندكم فهى فعلا متدهورة جدا جدا
انا حاسة ان ده على مستوى مصر كلها
بجد بقيت بحس ان الدكاترة قلبهم مات خلاص ولا بيحسوا بألم اللى ادامهم
انا عازماكى على جولة عندنا فى مستشفى الميرى عندنا فى اسكندرية
ودى مستشفى حكومى تابع لكلية طب
كارثة ...الداخل مفقود والخارج مولود
تحياتى
شيماء
السلام عليكم والله يا فرنستى يا حبيبتى انا مش عندى تدوينه لانى مش جامده زيك بس اوعدك هعمل واحده علشان انتى بس تدخلى وتعلقى عندى ده يزدنى شرف بجد والف شكر على ردك عليه واتمنى نكون اصحاب بجد واكون ضمن المقربين اللى بتعملى ليهم نسكافيه على حسابك ولا اقولك خلى اول دور عليه انا سلام
اختنا الكريمه فرنسا
تفتكرى الطلبه اللى بيدخلوا طب اليومين دول بمجاميع وهميه وتيجى تساليه تلاقيه ولا يفقه شئ تفتكرى هايكون دكتور بحق ولا حلاق صحه
احنا لولا بركه ربنا كنا زمنا كلنا متحولين على المشرحه
انا اصلا باكره الدكاتره وبتحامل على نفسى ولا انى اشوف واحد منهم
خلاص يبقى يبعتوهم
يخدوا دورة تدريبية فى مصر
اتاري انتيمتي اللي عايشة في السويس كل شوية تيييجي القاهرة تعملها كشفين ليها ولولادها
وانا كنت فاكراها بتتبطر علي دكاترة السويس الشقيقة
عندها حق البت ياعيني تخاف علي روحها
هو انتى على طول شغاله تشليف كدة
دمك سكر
ومبروك للرايق
سلام
رئيس جمهوريه نفسى
كده متقدم ؟؟؟؟؟؟؟؟؟؟؟؟؟
بت خيخة وأى كلام
يعنى الهم بالاجماع
لماضة
من هو ؟؟؟؟؟؟؟؟؟؟؟؟؟؟؟؟
غير معرف
يارب ينفع
خايف من الحقيقة
اذن احنا والخليج فى الهوا سوا
Doba
من غير لف ولا دوران
ابويا
ابى
والدى
عليه رحمه الله
هو قدوتى فى الحياه
رغم ان تعليمه كان بسيط
الا ان فهمه للحياه كان عميق
وكان على درجه عاليه من الذكاء
الربان
زمن العداله ولى وراح
شقاوة شعب
اذا كان الاهمال وصل للاسكندريه يبقى يا قلبى لا تحزن
حنين القلب
ماهو انا علشان حبيتك وحسيت بقربك منى سألتك عن مدونتك
واجدع واحلى نسكافيه لحنين القلب
المستنصر بالله
ومين بيحبهم اصلا
لكن فيهم نسبه كويسه
عبدٌ من عباد الله
مش لو عندهم مخ ويفكروا
أم أحمد
طبعا من اللى بتشوفه هناك
صحفية روشة
اظن ده تعليق التدوينه الجديده
بصى يا فرنسا هانم دلوقتى مبقوش الدكاترة بس دلوقتى المحاسبين مش خريجين تجارة ولا المهندسين خريجين هندسة ولا أى كلية تانية كله بيدخل من هنا ويخرج من الناحية التانية ده لو كان فيه حاجة بتدخل
والسلام ختام
هههههههههههههههههه
اطباء ع مااتفرج
بس فعلا يافرنسا
ساعات بتبقى التحاليل والامكانيات
هى دراع ومرشد الدكتور
فمتقسيش عليهم كده
إرسال تعليق