كان هذا هو الموجز واليكم الاخبار بالتفصيل......
قال مراسلنا فى السويس السيد موسى الشايب ان قوات كبيره من الامن المركزى والمصفحات والاليات والمدرعات وعربات الكارو الحديثه التى تجرها القطط ..قد استطاعت حل المنازعات والمحاورات والخلافات التى انفجرت داخل صالون فرنسا هانم ..وان الامن قد سيطر على الموقف تماما ..حتى ان افراد الامن ليس لديهم ما يفعلونه فاضطروا الى تقسيم انفسهم لقسمين متساويين فى الطول والارتفاع وقاموا بلعب السيجه ..وكيك على العالى وكيك على الواطى
هذا وكانت قد اندلعت امس الاول خلافات حاده بين افراد صالون فرنسا هانم عن مفهوم الفساد فى مصر ..وهل هو فساد وراثى ام فساد مؤقت ..ومن المسئول عنه ..وكيفيه علاجه ..ومن يستطيع جزره من على ارض مصر ..وقد علم مدوبنا السيد موسى الشايب ..ان افراد الصالون استعملوا القنابل الشديده الانفجار المصنوعه من لبان تشيكلتس ..والرصاص المحرم دوليا المصنوع من طوفى دعبس .طرى ولذيذ
ومعنا على الهاتف السيد مدير كشك السجاير الموجود فى المنطقه
السلام عليكم انت على الهواء يا حاج عايزين نعرف منك تطورات الاحداث ومين المتسبب المباشر فى الكارثه دى
بصراحه الموضوع ده من اوله غلط ومفروض ماكنشى يوصل لكده احنا اخوات وبلدنا واحده وبنتنفس هواء واحد ..انا بصراحه زعلت من اللى حصل ده
ياحاج عايزينك تقولنا عن الاحداث ..ازاى حصلت .ومين السبب..وايه التطورات ..ورأيك الشخصى فيها
بصراحه يابنتى ..انا لسه جاى من السفر من ساعه واحده بس ومش عارف ايه الحكايه
شكرا للحاج مدير كشك السجاير ..ومعنا على الهاتف احدى جارات الصالون
السلام عليكم انتى على الهواء يا مدام عايزين نعرف ايه اللى حصل ؟؟
والله علمى علمك انا لسه جايه من السوق معرفشى حاجه
ومعنا على الهواء فرنسا هانم صاحبه الصالون
السلام عليكم
وعليكم السلام انتى على الهواء يا فرنسا هانم ..عايزين نعرف منكى ايه اللى حصل بلظبط
انتوا تليفزيون ولا راديو ؟؟؟؟؟؟؟؟؟
ليه السؤال يا فندم؟
علشان الصوره بس ..اصلى مش جاهزه
احنا تليفزيون يا هانم بس حضرتك معانا على الهاتف ..يعنى صورتك مش باينه
ان كان كده ماشى ...اصلى لابسه هدوم المعركه ..وفيها اثار الانفجارات المتتاليه للبان
الحكايه ببساطه
احنا كنا بنتكلم عن الفساد فى مصر ..وكان رائى الشخصى
ان الفساد وثقب الازون بقوا محصلين بعض ..زيد زى عبيد ...كنا بنسمع زمان عن خرم الازون ونخاف منه ونقول ربنا يستر ...دلوقتى اتعايشنا معاه ..وبقى صاحبنا وزميلنا وحبيبنا ..وبقينا عيش وملح مع بعض ...والعلماء بتوع الطقس لاقوها سبوبه ..يتسندوا عليها ..الجو حار جدا ...بسبب الخرم بتاع الازون ...الجو بارد جدا ..بسبب الخرم بتاع الازون ... الجو عواصف برضه بسبب ثقب الازون ..الناس بتكح ..الثقب ...الناس بتسهل ..الثقب ..الناس احولت ..الثقب ..الزلازل ..الثقب ..البراكين ..واحد طلق مراته ..واحده مشيت على حل شعرها ..واحد اتخانق مع اخوه ..حرب قامت ..كله عن الثقب حدث ولا حرج
دلوقتى
الفساد
تلاقى المسئول فى الحكومه يطلع فى البرنامج التليفزيونى او الاذاعى او الجرائد ..ويقول مننكرشى ان فى فساد
الله .الله
طيب هو انتوا شغلتكوا ايه ؟؟؟؟؟؟؟
شغلتكوا تشوفوا الفساد وتسكتوا
ولا شغلتكوا تحاربوه
كل حاجه دلوقتى ..بيرموها على الفساد ..سرقه ..نهب ..نصب ..بيع ..يقولك فساد
طيب احنا كمواطنين ..من واجبنا اننا نسمع ونطنش ..ولا نقول ..خلاص ..طالما فساد الحكومه هتعمل ايه ؟؟؟
نداء الى الرئيس مبارك
الفساد اقوى من الشعب
الفساد فساد سلطه
والسلطه اقوى من الشعب
نداء الى الرئيس مبارك
اذاء كنت سيادتك ترعى الفساد وتحميه ..فاننا فى حمايه الله عز وجل ..وان الله لمنتصر
وان كنت سيادتك لا تحمى الفساد ولا تقبله
فانتفض الى الله
قم بثوره تصحيح قام فعل السادات وقضى على مراكز القوى فى ثوره 1971 ..وان كنت سيادتك لا تريد السير على طريق احد
فخلصنا من الفساد
انت من يستطيع ان يصدر قرار جمهورى فى التحقيق فى قضيه الفساد وكشفها وكشف المتلاعبين بها
هذه ليست حمله
لاننا لن نستطيع ان نقف فى وجه النظام ونحن متشتتون ..كما اننا لن نريد ان نقف فى وجه النظام ..حتى لاندمر بلدنا الحبيب
نريد قرار جمهورى بفتح قضيه الفساد على مستوى عالى وتحت اشراف رئيس الجمهوريه شخصيا ..وباشراف قضاه مصر الامناء
ده كان رايى الشخصى
وناس فى الصالون اعترضوا عليا وانقسمنا الى فريقين ..ودارت الايام
قصدى ودارت المعركه
هناك 133 تعليقًا:
لا إله إلا أنت سبحانك إنى كنت من الظالمين
أختى الغالية /فرنسا
يا ليته يقرأ ندائك بنفسه
يمكن يستجيب
أبو خالد
دوبا الغاليه
وحشتينى يا قمر
مشتاقه جدا لكتاباتك
عارفه انكى غير مقصره فى حقى وبتزورينى باستمرار
بس انا عايزه اسمع تغريدك انتى غلى مدونتك
تحياتى واجلالى لكى اختى الكريمه
احجز تاني تعليق لان تعليقك يافرنسا لا يجوووووووووووز
همممم
في بيت شعر تقريبا بيقول
اذا كان رب البيت بالدف ضاربها .. فشيمة اهل البيت كلهم الرقص
والله ولي التوفيق
فرنسا .. مش عايزه حاجه من ورا الشمس لو خدوني؟؟؟؟؟
سلامووووووووووووووز
العزيز الغالى ابو خالد
فعلا ياريت يقراء بنفسه لعله يستجيب
اخى العزيز
انت اكبر من ان تزور مدونات ليست فى مثل مستوى تفكيرك واحترامك لنفسك واحترامك للاخرين
اعهدك لماح وتعرف مقصدى تماما
الرابع ياسوووووووو ؟؟؟؟؟؟
بلاش نصب
Soooo
لو قعدوك هناك للشتاء الجاى هات معاك ازازتين حراره من الشمس صنع بلاده
لحسن الجو الشتاء ده كان صاقعه قوى
والسبب ثقب الازون
ههههههههههه انا تقدمت
بقولك ايه انا معاكى تعالى نعمل رسالتك على رسالتى
اللى انا كتباها
ونطبعهم ونوديهم للناس دول يفهمومها ممكن
بس انا مش عارفه انا رسالتى الاخيرة لمين
بس مش مهم هى تمشى برضه
تسلم ايديك يا احلى فرنسا فى العالم
ملحوسه خبيثه من اختك
انا فاهمه انتى بتكلمى اخى ابو خالد على مين ولا لا هههههههخخخخخخخخخخخ
أختى الغالية/فرنسا
و صلتنى رسالتك و لو انه توارد أفكار
لأننى من أول أمس قررت فعل ذلك ..
ومعك فى نداءك لدوبا الطيبة نفتقدها..
أما أميرة الكوكب آبى أرجوها أن توقف هذا النقاش فلا طائل من ورأه ..
أبو خالد
تفتكرى يا فرنسا هانم ممكن لو سمع النداء ده يستجيب واحد طلع منه كل الفساد ده ممكن يستجيب
احنا فعلا زهقنا من كتر الفساد وفاض بينا
تحياتى ولاء
قولى يارب
ربنا البيستجب
وبيخلص
appy
طبعا صاحبه كوكبنا العظيم ابى برضه تفهمها وهى طايره
عارفاكى لماحه
مع خالص وارق تحياتى لابى الحبيبه
أبو خالد
لو لم تكن غالى جدا على نفسى وعقلى واشعر بأخوتك لى
لما طلبت منك هذا
وعجبنى جدا ردك على كلماتى لدوبا
لعلها تقرأها
اما ابى
لسه لم استوعب النقاش هاذهب الى مدونتها لعله قد فاتنى شىء
walaa
ربنا مش خفى على ذاته العليا ما يفعلون
حسبى الله ونعم الوكيل
Abo 7anf
ونعم بالله
ياااااااااااااااااااارب
والله يافرنستي انا معاكي
ليه انقسموا وانتي بتقولي الحقيقه
احنا فعلا عايزين كده
عايزين كل حاجه تبقي واضحه
تعرفي احنا عايزين شفافيه بس
وضوح مش اكتر مش عايزين نحس ان اننا بينضحك علينا وبنسكت
ربنا موجود
تحياتي ليكي يافرنستي
خلاص هسمع كلام اختى واخويا والله وبعدين يا فرنسا هانم يا قلبى مبسبش حاجه عندى مش ناقصه وجع دماغ ههههههههههه لاتخافى وهسمع كلامك خلاص
فرنسا هانم- نحن لا نستاهل حكومه أفضل من هذه الحكومه، ولا نستاهل وضع أفضل مما نحن فيه، ولا نستاهل رئيس أفضل ممن هو موجود، والسبب أننا اصلا مش كويسين مع بعض خلال تعاملاتنا اليوميه حيث التربص بالآخرين و النصب في البيع و الشراء و سوء الخلاق في التعامل و الظلم الواقع من المديرين للموظفين داخل الشركات وغيره وغيره من الصفات التي جعلت الواحد منا عندما يخرج من بيته فإنه يدخل المجاري- ولهذا فإننا لا نستحق وضع أفضل مما نحن فيه
شوفتى ياخالتى فرنسا غلوتك وغلاوة مدونتك انا بالرغم ان ماتش الاهلى هيبدأ بس برده مهنش عليا ما ادخولش عندك واقرأ واترك تعليقى داما متميزه بس المهم نطمن عليكى من اثر المعركه يارب تكونى بخير
والفساد ده سواء كان الريس بيرعاه او لاء فصعب جدا قرار جمهورى يطلع ويحاربه امال مين هيقعد جمال على الكرسى ما هما دول اللى احنا عايزنهم يمشوا ويتحاسبوا
تحياتى ليكى
شوفي يا فرنسا
لما يكون هو حسنى ده ملاك وباجنحه هو والوزراء كلهم كمان لكن الوحشين الشريرين الى تحتيهم ولا حتى الشعب نفسه هو الى فاسد وحرامي وزفت وطين فهما برضه المسؤلين
فاذا صلح الحاكم صلح المحكوم .
يقولي ثقب يقولي العفاريت يقولي الشعب عامل عمل للحكومه ورميه فى البلاعه مالناش دعوه كله تبعهم هما المسؤلين
احنا ولا مؤاخذه مأجرين الحكومه دي عشان تظبطنا وتظبط البلد مش عشان يلهفوا ويجروا
يالااااااااااااا العمر واحد والرب واحد
بس لو جوزي جه هنا ما حدش يوريه التعليق ده هههههههههههههههههه عشان ما اضربش
حلوة قوى معركه اللبان دى
يافندم الريس دلوقتى مشغول بمرضه ولا حاسس بنا اصلا دة متصلب وبيقف بالعافيه
انا اعتقد انه بينسى اسمه احيانا كتر خيره قوى الصلاحيه بتاعته انتهت من زمان
احنا نعش زمن الفوضى الكبرى
السلام عليكم ورحمة الله وبركاته
فرنستى الجميلة
اولا ايه احوالك يا رب تكونى بالف صحه واحسن حال
ثانيا بقى
انا معكى قلبا وقالبا فيما قلتى ولو اتيحة لى الفرصه للتحاور معه
ساقول ما قلتى وازيد عليه كلمة الشيخ الشعراوى رحمة الله عليه
لو كنا قدرك فليعينك الله علينا
وان كنت قدرنا فلتتق الله فينا
وحسبنا الله ونعم الوكيل
وهذهالكلمه قاله له عند توليه الرئاسة وياليته تفهمها واستوعبها
لنا الله عز وجل
بحجز بس التعليق رقم 23
ازيك يا فرنسا يا جميله
انا مش قلقانه عليكي من اى معركه عشان انتى قدها وقدود
:)
انا شايفه اننا نستاهل الثقب ونستاهل الفساد ونستاهل حاجات كتير صباح السلبيه اللى احنا فيها حته حكومه معفنه مجوعانا ومبهدلانا وملهاش اى انجازات ومش عارفين نشيلها
لأ وايه بيحطولنا محافظتين زياده
مش يقدرو على السبعه وعشرين الاول جتهم القرف ولا عندهم اتنين معرفه عاوزينلهم مناصب راحو عاملولهم محافظتين مخصوص
والله الريس ده ابو الكرم مش حارم حد من حاجه
انت المنتقم يارب
:(
والله يا فرنسا ده لو يحصل تبقى ضربه معلم صحيح.
بس تفتكرى الرئيس هيوصل ليه كلامنا ده وهيعمل بيه ويفتح قضيه الفساد يا سلام لو ده يحصل ونخلص بقى من الرسقه والنهب والارف ده والدنيا يرجع فيها الخير تانى ونبطل ناكل فى بعض ونموت بعض علشان رغيف العيش وكل واحد يتقى ربنا فينا وفى منصبه دى كانت الحياه تبقى لونها بامبى على راى سعاد حسنى .
ربنا يسمع منى والرئيس يسمع منك يا ررررررررررررررررررررررررررررررررب
سلام
فى فساد
بس بكرة يروح
هو فى حاجة قاعدة
تحياتى
وقد اسمعت لو ناديت حيا
أولا نعتذر عن عدم متابعة التعليقات للإنشغال الدائم فنسألكم الدعاء و ان كنت متابع لكل الإصدارات
.............
بالنسبة لموضوع الفساد .. لو تتذكري قبل انتخابات قصدي مهزلة المحليات وقف السيد زكريا عزمي أمام مجلس الشعب ليعلن بعنترية يحسد عليها أن الفساد في المحليات للركب !!!!!!! فاستبشرنا خيرا وقلنا لعل الايام تحمل لنا خيرا و لعل الحكومة استشعرت موطن الخلل فتسعى للعلاج .. و جاءت المسرحية الهزلية السخيفة و بعدها قلت لنفسي لعل السيد عزمي كان يقصد ان الفساد للركب وهذا غير كافي لا بد أن يصل للأذقان ويزكم الأنوف !!!!!!!!!!
يا سيدتي الفساد في مصر أصبح منظومة لها قواعد و أصول !!!! هل ترينها صدفة أن يتم الحكم بالسجن عشر سنوات على أشراف أطهار لم تستطع الحكومة اثبات تهمة واحدة عليهم في نفس اليوم الذي يصدر فيه حكم البراءة لهاني سرور وزمرته في قضية هايدلينا المشهورة
ليست صدفة أبدا يا سيدتي .. و انما هي رسالة واضحة للناس .. مفيش قانون .. مفيش فايدة .. إضربوا راسكم في أتخن حيطة و ان مكانش عاجبكم إشربوا من البحر
الله يسامحك نكدتي علينا الله ينكد عليهم الظلمة الفسدة المفسدين
أخيرا أختي الفاضلة أذكركم بقول الحق تبارك و تعالى
إن الله لا يصلح عمل المفسدين
لا تنتظري خيرا من هؤلاء يا سيدتي
خالص تحياتي
عاشقه الفردوس
يا حبيبتى الغاليه
الشفافيه موجوده
ولو طالبنا بالشفافيه هيقولوا فى شفافيه
لكن الشفافيه بتاعتهم بقت عتمه قوى
appy
الف سلام وتحيه لاختى القويه
ابى الجميله
هو ده العشم برضه
لورنس العرب
طبعا اخى الكريم لورانس العرب انا مش معاك نهائى
لان كل بلد وكل منطقه فى العالم بها مثل تلك التناقضات التى تتحدث عنها
يا اخى الكريم
لا توجد المدينه الفاضله
واى مدينه بها الحرامى والنصاب والزانى والمرتشى والراقصه وبتوع التلات ورقات
تلك هى الحياه
ولسنا اقل من غيرنا
هل من الممكن أن يظهر صالح فى وسط هذا الجو الفاسد ؟
وان وجد هل سيصمد امامهم
اللى اعرفة أن الرئيس جاء لمواجهة مشكلات واختار الوزراء لمساعتدة على تنفيذ الخطط لحل هذه المشكلات
فيا ريت لو مش عارفين يحلوها يسيبوا اى حد تانى يجرب يحلها
بحبك يامصر
احنا بنطالب على اساس افتراض حسن النيه
وعلى اساس ان الكرسى لايدوم والعمر لايدوم
صبرني يارب
طيب كنتى خشى بغير معروف وانا افهم
وقوليلى كلمه سر بينى وبينك اعرف ان انتى صبرنى يارب
علشان جوزك ما يتهورشى
تحياتى لكى
ومش انتى اللى علقتى
المستنصر بالله
ساعات ابقى متاكده انه مريض ومش حاسس بحاجه
ولما اشوفه بيتكلم وبيتحاور اقول لسه
ام الابناء
شفتى النور فى كل حته فى المدونه ازاى
نورتى وشرفتى
وياريت فعلا يكون سمع كلام الشيخ الشعراوى عليه رحمه الله
لكن الظاهر
ان الامور ماضيه للاسوأ
Nsreen Bsunee
ماشى الحجز
هو الخطه اللى ماشيه فى العالم العربى اليومين دول التقسيم
حتى عندنا تقسيم
بس من غير احتلال
تقسيم منه فيه
حنين القلب
والله السادات كان شجاع وعملها
واحنا بنطالب الريس يقوم بما يمليه عليه ضميره
Tamer Nabil
لا مفيش حاجه قاعده
كله زايل
بطوط حبوب
تسلم يا بطوط
وطنى
وحشتنا يا استاذ
بس لو متابع
يكفى حتى كلمه سلام عليكم
علشان اعرف ان مدونتى تشرفت بمرورك
عموما يا استاذنا
الحكم على الاخوان كان قاسى جدا
والحكم ببراءه هانى سرور
كان اقسى
الطائر الحزين
ومين بس قال انهم مش عارفين يحلوها
الناس هتحل كل حاجه بأذن الله
لكن بالصبر
نستنى كده قد متين تلتميت سنه ويكونوا اوشكوا على الحل
انا قلت الحق 45 وبعدين اعلق
ثوانى وراجعه
تسلم ايديكى طبعا
كلام فى الصميم
وياريت يعوا ويسمعوا مرة قبل ما يرحوا لرب كريم على اعمالهم مطلع وبصير
بس شكلهم كده صم بكم
او ختم الله على قلوبهم
يلا لنا الله يا خالتو وخالى بالك من الاسلحة اللى معاكى انحتاجها قريب
تحياتى
خالد
اقول عوده مره تانيه
ازيك يا خالتو حلو قوى ثقب الاوزون
اما عن الفساد فمستحيل ان يصحح رب الفساد الفساد ورب هنا بمعنى صاحب لحد يكون فهمه على قده ويقل سومه بتقول ربنا والعياذ بالله فاسد
معلش اصل الناس فى المدونات جالهم هسس يا خالتى وبقوا ياخدوا المواضيع والكومنتات ويعملوها بلوج
حتى المدونات لم تخلى من الفساد
تعرفى جدى قالى معلومه
قالى المدونات بتفكره بارشيف الثوره زمان....وانها بدايه الشعله
مع اختلاف الطريقه والتقنيات
وكلنا راينا ما يمكن للنت فعله اعتقد اننا ممكن بالنت نخلق ثوره عربيه كامله
حدعوا ليها ان شاء الله واجرى واجركم على الله وجايللك يا اسراء
زورى حلقه تخاريف الرابعه وقوليلى ايه رايك فى مسؤلين البطيخ
تحياتىى ليكى سومه_87
الغاليه علينا فرنسا- اوعي تنسي أن جورج بوش حرامي، ومساعديه لصوص ويسرقون أمريكا، وكلهم ينتفعون من مناصبهم، لكن الفرق بيننا وبينهم أن هنا في مصر نسبة الفساد 98%، لم يسبقنا في الفساد سوى المكسيك وسوريا، وتذكري أن الله لا يغير ما بقوم حتى يغيروا ما بأنفسهم، ونحن أنفسنا ما شاء الله ضائعه، شوفي كده تعاملات البيع و الشراء بين الناس وكيف هو الحال عليها، أو شوفي الناس بتعمل ايه في بعض داخل المؤسسات وفي الشغل، صدقيني يا فرنسا هانم، نحن نشكو من ديكتاتوريه الحكومه، ولكن داخل كل منا ديكتاتور، فقط ينتظر الفرصه، وساعتها هتلائيه زي الريس بالظبط، ودي مشكلتنا
احلي حاجه في النداء يافرنسا
انه مكتوب
اصله معدتش بيسمع باين
ياريت يعرف يقراء
بس عارفه انا خايفه
ليكون الفساد بتاع السلطه
بسبب الازون يكون بيسرب
اشاعات فساده علاقه استتاكميه
استعباطيه استهباليه بالقوي يابلد
السلام عليكم نداء جميل وتحياتى لكى
ان كنت لا تدرى فتلك مصيبة
وان كنت تدرى فالمصيبة اعظم
اااااااه بس مين اللى يسمع
يا فرنسا ياختى الفساد عندنا بقى فساد جينى فى الجينات يعنى
العيل ابن المسئول من دول بيتولد وارثه طبيعى ومش محتاج يتعلمه
بس ياترى النداء حيجيب نتيجه
ولا لا حياه لمن تنادى؟؟
قادر ربنا يرحمنا
السلام عليكم
ده كلام!!!!!!!!1
طيب مش تتصلي بس
كنت علي طول هبعتلك ييجي عشروميت عربية امن مركزي من اللي عندنا في المحلة
مهما متكدسين عندنا علي الفاضي اهه
ههههههههه
تسلم الأيادي يا هالتي على المعنى الجميل
والأسلوب الأجمل
يابر دايما في سعادة وحبور كده وهنا كمان
تحياتي ودعواتي
انا طلعت من الحجز يا فرنسا ومستنيكى
هفجر المدونه بتاعتك
المدونه كلها محاصره
اخرجى ورافعه ايدك لفوق
مفيش داعى للمقاومه
لقد اعذر من انذر
somaa mahaba
ماشى ياسومه
همس الاحباب
متخافشى يا خالد الاسلحه موجوده
وبعدين حتى لو اكلناها الدكان جنبنا
هنجيب غيرها
somaa mahaba
فعلا المدونات نالها الفساد هى كمان
عارفه انا بشبه المدونات دى بالبلد
مش معنى ان اللى بيوصل للتدوين مثقف يبقى المدونات نظيفه
لا
ممكن مثقف يكون اهيف من امى
عموما
تحياتى لكى
ونشوف حكايه البطيخ
لورنس العرب
انا معاك فى كلامك
لكن اللى بتقوله ده يخص النحيه البشريه كلها
او بمعنى ادق النفس البشريه
يعنى كل الناس وكل العالم
يبقى مش من المفروض ان نحكم على مصر فقط بسوء العالم كله
اما عن الفساد ونسبته العاليه
الحكومه هى المسئول الاول والاخير عن الفساد لا الشعب
يبقى مش من الطبيعى ان نقول احنا شعب يستاهل
mady
انا خايفه من كده برضه
وكمان استخلاليه
من فعل اختل يختل خلل
رئـــــيسـة حزب الأحلام
انتى الاجمل
امام الجيل
صدقت يا امام
3ala asm masr
ان صمت الاذان عن سماعنا
فالله هو السميع
اهو ده عيبه
مش عارفه لكن انا بلغت
آفاق الحرية
هما لسه عندكم فى المحله
يبقى اكيد معندكوش مبيد
صاحب المضيفة
كروتنى انت وطلعت التعليق كله غلطات
عبده الرايق
انت عماله تهاتى وتهاتى وتهاتى
طيب مانا فى المدونه اهو
وقاعده على الكمبيوتر
ما تفنجر
ورينى هتفجر المدونه ازاى
المره الجايه يا رايق
هحبسك فى قسم حى عتاقه
وما ادراك ما حى عتاقه
انا جيت متاخر قوى ولا ايه
وهو بيعرف يقرا يا فرنسا
رائعة كالمعتاد يافرنسا
أنا يمكن مش بعلق كتير
بس بقرا باستمرار اللي بتكتبيه
كتاباتك جميلة ربنا ينفع بيكي الدين
تحياتي
موضوع رائع...و في وقته...تعرفي ان
عضوا بالحزب الوطني و مجلس الشعب ارسل
رسالة الي الرئيس مبارك يقول فيها:
«نسبة الحضور في انتخابات المحليات لم تتجاوز ١%، وقد أشرفت وبعض زملائي في الحزب الوطني علي ١٢ لجنة، معظمها في مصر القديمة، وكان المقيدون ١٠٧٣٦ صوتا، حضر منهم ٨٥ صوتا، هل تصدق هذا يا سيادة الرئيس؟».
وأضاف حمدي في الرسالة: «هذه مهزلة وفضيحة وعار لقيادات الحزب، وقد تقدمت لسيادتكم ـ مخاطبا الرئيس ـ بطلب فصل كل من جمال مبارك وزكريا عزمي وفتحي سرور وأحمد عز وصفوت الشريف ومحمد كمال وعلي الدين هلال، لفشلهم الذريع وإساءتهم إلي الحزب والحياة السياسية في مصر، وبصفتي عضوا شريفا في الحزب الوطني ومؤمنا بمبادئ الديمقراطية والحرية والنزاهة، ونظرا لغيرتي علي الحزب الوطني، أطالبك بتعييني وتنصيبي رئيسا مؤقتا للحزب الوطني حتي يتسني لي القضاء علي أباطرة الفساد والمزورين والضرب بيد من حديد علي من استباحوا مصر».
وقال: «للعلم يا سيادة الرئيس معظم المقربين إليك من قيادات الحزب غير مرغوب فيهم لدي الشعب المصري، لأنهم أساءوا ونهبوا ودمروا وباعوا مصر.. سيادة الرئيس لا نستطيع توصيل صوتنا إليك لنقل الحقيقة المرة التي يعيشها معظم المصريين، فقد أبعدوك عنا وفصلوا بيننا وبينك».
واستكمل: «سيادة الرئيس نعلم أنك شجاع لذا اخترناك رئيسا لمصر، ارحمنا يا مبارك وارحم شعب مصر، ثقتنا فيك كانت صحيحة فلا تعطهم الفرصة لأن يقولوا إن عهدك أوشك علي الغروب. سيادة الرئيس الشعب المصري طيب ومسالم ومغلوب علي أمره وسريع التسامح، لذا نرجوك الإسراع في اتخاذ قرارات للإصلاح والتصحيح والتخلص من الفاسدين الذين يعتقدون أنك لا تستطيع الاستغناء عنهم، واعلم أن نبرة المطالبة برحيلك في ازدياد، واعلم أن هناك مصريين أحرارا شرفاء تحت أمر مصر وأمرك».
المصدر : جريدة المصري اليوم 21/ 4/ 2008 .
معذرة علي الاطالة...
تحياتي و تقديري...
السلام عليكم
يا فرنسا إنتي بتطلبي المستحيل ....
إظهار إيه وفساد إيه ...
عاوزة تكشفي الفساد ...شيلي حسني مبارك ..وإحنا هنبقى كدة شيلنا الفساد كله ...
يا ستي عمرهم طبعا ما يعملوا كدة ..
عموما ...نداء لحسني مبارك ..
نداء وحداء ...ينطقه الشعب ضد نظامك الفاسد ..
وتحياتي لكي ...
ودمتي دائما بخير ..
وجزاكي الله عريسا ..إحم إحم ...قصدي جزاكي الله خيرا ..
قديمة ..ها؟؟
ههههههههههه
فرنسا
أبو خالد
اشكركم لسؤالكم عنى والرغبة فى الجديد ولكننى أشعر بنضب أفكارى وأحياناً أجدنى تائهة أو بمعنى آخر أشعر كأنى أتحدث بلا فائدة
بمعنى آخر
أحب أن أتواجد بين سطوركم وبين آرائكم وبين آفكاركم اذا كنتم تتقبلونها ولولا معزتكم الغالية لاكتفيت من عالم التدوين ولكن كل ما أخشاه هو ان أفقد تواصلى مع شخصيات تشرفت بمعرفتها كثيراً للغاية وأصبحت لهم بصمة خاصة جدا فى حياتى
أحبكم فى الله كثيراً
هبة
فرنسا الغالية
بنت السويس الحره
هحكيلك حكايه كل الناس عرفاها
لما سيدنا عمر بن عبد العزيز
تولى حكم بلاد الاسلام كان الفساد للركب
والفقر كان اكبر من ان يتصورة انسان
والاخلاق
كانت مستخبية في زاويه بعيده
الظروف دي بتفكرك بحاجه!!!
سيدنا عمر
قعد مده طويلة جدا يحاول يصلح البلد
حوالي 26 ساعة
وهداه تفكيره لحاجه واحده بس
مش هحارب الفساد اللي في البلد
انا هكون مسلم صح
وهصلح مؤسسة الرئاسه واطهرها من الفساد
بس خلاص
النتيجة
الزكاة بعد 6 شهور من الحكم العمري مش لاقية حد ياخدها
فيه واحد حرامي اروبة
قال لصحابه حاجه مهمه
مالكوش عيش في بلد بيحكمه واحد خايف من ربنا اكتر من خوفة منكم ومن حبة للدنيا شوفولنا بلد تانيه يا حاكم تاني عشان نعرف نسرق
بس خلاص
الاخت فرنسا
انا جيت تاني
نسيت حاجه مهمه
فاكره لما كلمتك عن تكلفه الفساد في مصر من واقع ارقام حقيقيه والغير معرف طنش ومردش خاص انا اهوه تاني عايز ااكد ليكي ان الاقتصاد المصري يملك مقومات احسن واقوى اقتصاد في المنطقة بس من غير فساد
ومن خلال ادارة محترفة ومتعلمة صح مش بتوع الحزن الوطني وعلى فكرة هما موجودين واعرف كتير منهم
وبيديروا اكبر مؤسسات اقتصادية
في الخليج والعالم وعلى اعلى مستوى من الفاعلية والاحتراف
حد عاوزهم في مصر ولا نسيبهم يفيدوا بره؟؟؟؟
حبيبتي فرنسا
ترى هل يسمع هذا النداء؟؟؟
نصرخ ونعتصم ونضرب
ولم يحدث فارق
اتمنى حتى ان يشعر
تحياتي لخفة دمك
اللهم فرج همنا يارب
اسفة يافرنسا انا لا املك الا الدعاء
وهاكشف راسي وادعي على كل ظالم جبار ومرتشي
تحياتي ودائما متألقة ودمك زي العسل
جامد اوى البوست ده يا فرنستى
بجد النداء اللى انتى كاتباه ده
لو يوصل للريس يمكن يعمل بيه
اصل انت طلعتى اروبة انت زنقتيه فى الركن
لو مش عايز تقلد اللى قبلك وتعمل ثورة تصحيح
خلاص افتح انت ملفات الفساد وحلهالنا
جدعة يا فرنستى
تحياتى ليكى
اختك خيخة
اذاء كنت سيادتك ترعى الفساد وتحميه ..فاننا فى حمايه الله عز وجل ..وان الله لمنتصر
وان كنت سيادتك لا تحمى الفساد ولا تقبله
فانتفض الى الله
---
لقد أسمعت لو ناديت حيا
ولكن لا حياة لمن تنادي
ونارا لو نفخت بها أضاءت
ولكن أنت تنفخ في رماد
فرنسا هانم اول مره اجيلك مدونتك حلوه اوى على فكره بجد
لذيذ موووووت
وعلى حكايه الفساد بقى
فى عمرى القصير عمرى ماسمعت ان مصر مافيهاش فساد او حتى فيها عدل
طول عمرى بسمع ان فيها مشاكلفالو كان حد مهتم واحد فى الميه انه يحل المشاكل دى كانت اتحلت من زماااااااان اوى ومكنتش تفضل لحد دلوقتى احنا عاملين زى الواحد المريض اللى مدايقه وجعه ده وساكت عليه لمجرد انه مش قادر يغير الدكتور
نوناااا
الحمد لله إنك خرجتي من المعركه بسلام
حد كان عارف
فرقيعه لبان كده ولا كده
وبعدين تفتكري إنه هيسمعك اصلا
دي ودن من طين وودن من عجين يا بنتي
السلام عليكم ورحمة الله وبركاته
حل مشكلة الفساد لن يكون في يد شخص واحد مهما كانت مكانته حتى لو رئيس الجهورية نفسه ..
حل الفساد هايبدأ لما الفساد ينتهي من تحت لفوق يعني لو كل فرد حارب الفساد في موقعه وفي شغله ايا كان هانلاقي بعد كدة الفساد بينقلع من جذوره واللى فوق هايدبل ويموت .
فلا داعي لتوجيه نداءات لن تصل
هذا رأيي
:)
يافرنسا بلاش الكلام الاكبر منك ده
اوعى تكونى فاكره نفسك فرنسا بجد
ارجو ان تتمهلى
يا خراشي يا خالتي
انتى ناويه تعملي انقلاع في الحكم
ربنا يستر ومننقلعش احنا من جدور المدونات
صوت من مصر
والله مش عارفه
هو بيعرف اكيد يقراء
لكن الظروف الصحيه مش عارفاها بجد
صيد الخاطر
مجرد تواجدك شرف كبير لى
شكرا جزيلا
الربان
والاعضاء دول لسه فى الحزب الوطنى
ولا دلوقتى فى حزب طره
شكرا يا ربان على مشاركتك القويه
طب والله كلام زى الفل ولا غبار عليه
المعركة دارت ليه بقى
فى ناس بتحب الفساد وناس رفضاه ولا ايه النظام
عبدالرحمن ياسين
عريس يا عبد الرحمن ؟؟؟؟؟؟؟؟؟؟
جزاك الله شهاده وعروسه محترمه
Doba
للدرجه معزتى عندك
صدقينى كلماتك ادمعت عينى
بحبك يا هبه
وخلاص على راحتك خليكى متابعه متسبناش
خايف من الحقيقة
طبعا بتفكرنى بالزمن الاغبر ده
وجزاك الله خيرا على القصه
لكن
احنا عايزين ناس فعلا تقتدى بالسلف
ماينفعش اصلاح لان النظام كله فاسد من اكبر واحد لاصغر واحد
خايف من الحقيقة
ماهم بيفيدوا بره من خيرات جوه
هو ايه اللى وصلهم للعالميه
مش الغلابه المكسورين الجناح احنا
nonoymm
ادعوا الله ان يسمعه
مع انها مستحيله طبعا
لكن
لنا الله
shahy
بس قوليلى هتكشفى راسك وتدعى امتى علشان ادعى معاكى على الهواء
بت خيخة وأى كلام
وجعنى كلامك فى مدونتك يا خيخه قلبى عندك
وتذكرى الله دائما
خبيب
ندعو الله الا يكون نفخنا فى رماد حتى لا نستفيد الا من طمس عيوننا
ftafeet
ماهى المشكله ان طول عمرها فيها فساد
لكن دلوقتى على عينك يا تاجر
وعلى العلنى
واللى مش عاجبه يخبط دماغه فى الحيط
salwa
متخافيش عليا عندى دروع واقيه
بلبسها فى المعارك
جيهان علي
انا احترم رايك ووجهه نظرك ولكن الفساد فى السلطه هو الطاغى وهو رأس الافعى
غير معرف
شكرا للتنبيه
لماضة
لا انقلاع ولا حاجه
انا قلت اشترى لهم مرايه
Desert cat
ناس قالت الفساد فساد السلطه
وناس قالت ان الكل مشترك سلطه وشعب
وهلما جرا
simple girl.. ..simple dream
دى تبقى كارثه
لا لا ياخالتوووووو
عيب عليكى
دورهم يشاركوا ف الفساااد
لا انا متحدفش بلباااااان
ااقل م جلاكسى .. مقبلش
لووووووووووول
فكرتينى يا فرنسا بأزمة العيش وان الوحيد والاوحد وابن امه صحيح هو اللي قدر يحلها ودخل الجيش في القصة علشان الفساد بتاع الفرانين المفترين اللي بياكلوا عيش الشعب الغلبان, يعنى مفيش غيره طب اذا كان مفيش حاميها وهو حراميها نعمل ايه يبقي بتهرجى لو قولتى ثورة تصحيح وكلام فارغ من ده ولكن اذا الشعب اراد الحياة فلا بد من........... ان ينجلي
ايه رايك في بيت الشعر ده
السلام عليكم
ايه الجمال ده عظمة على عظمة والله
انا فتنى كام بوست معلش سامحينى
بغض النظر ان الرئيس مش هيوصله الكلام بتاعك
بس لو قراه هيلاقى حد جمبه من حبيبنا الحلوين ويقوله دى رسالة مندسة مغرضة هدفها زعزعة الامن الداخلى
ايه رأيك فى زعزعة دى جامده مش كده
سلالالالالالالالالالالالالالالالام
فرنسا هانم
تصدقى اثار المعركه وصلت للمنصوره
فعلا الموضوع يستاهل ان الدنيا تقوم عشانه
على فكره مش جايز يكون سبب الفساد هو برده ثقب الاوزون واحنا مش واخدين بالنا؟؟؟؟؟ تفتكرى
تحياتى وتقديرى لكى
استاذتنا
طبعا اختلف مع حضرتك ماهو وجوده 27 سنه في السلطه ولسه هايفتح ملفات فساد ده يبقي الفساد بعينه والكارثه كلها ,غير انه اكيد احد اضلاع مثلث الفساد وعمره ماهايعمل كده هو ممكن يشوف حكاية الثقب دي ويحاول يسدها اسهله من موضوح فتح ملفات الفساد
وربنا يسترها معانا
وياريت يسمع ندائك لو كان بيسمع
والله المستعان
جزاكم الله خير
فرنسا هانم انا الصراحة اول مرة ادخل عندك وان شاء الله مش هتكون آخر مرة
وانا مش عايز احبطك واقلك ان الفساد ملوش حل لأن حميها حراميها بس هقلك ربنا يهديهم ويهدينا ويهدي شعب مصر يمكن ساعتها حالنا ينصلح
اسلوبك جامد في الكتابة
تعتقدى بابا حسنى ممكن يسمع كلامك ده
ولو سمعه هيعمل بيه
؟؟؟؟؟؟؟؟؟؟؟؟؟
السلام عليكم
استاذة فرنسا لعله يستفيق لانه بالتاكيد لن يعيش كما عاش واللي جاي مش قد اللي راح
شئ صعب ان الانسان يتحول الظلم والفساد الي عقيدة راسخة عنده بسبب مطمع شخصي
ولكن لعله خير والعيب مش علي فرعون انه اتفرعن العيب علي اللي مش عايزين يلموه
والسلام
حاميها حراميها يا خالتوا
************
بس انا نفسي اعرف انتي مقاطعانا ليه
ويظل الواقع رغيف فساد مع كل ورقه حكوميه ..
واشرب يا حبيبي
تحياتي الحاره
السلام عليكم ورحمة الله وبركاته
والله يا فرنستي مصر بلدنا دي لها الجنه
طول عمرها بتتسرق ومابتقولوش لا
وطول عمر اهلها شاربين المر من كيعانهم ومابيقولوش اه
وياوداه مابيلحوقوش يشموا نفسهم خبطه ورا خبطه ورا خبطه
شكلنا كده مش هانستريح الا في الآخره ان شاء الله
سلام يا احلي فرنسا
الكلام ده كبييييييييييييييير...موجه إلى .........رجل ميت....له الفااااااااااااااااااااااتحة
خالتى فرنسا
للاسف النموذج الى فى مصر لايرى ولا يسمع ولكنه يتكلم فقط ده الاوبشن الوحيد الى شغال عنده
لانى لو باقى الاوبشنات شغاله كان اتغير حالنا من زمان
د/اجدع بنوته
هههههههههههه
حيث تطول المشاركه
تحياتى يا دكتوره
أنسانة-شوية وشوية
ازمه العييييييييييييييييييش
وما ادراك ما ازمه العيش
حــدوتـــة
لأطبعا
زعزعه الامن لا
خلخله اه
ra7eel
ممكن عندنا فى مصر كل شىء جايز
تحياتى لكى يارحيل
الفاتح الجعفري
احنا بنحاول نكون عندنا حسن النيه
HERO
ارحب بك واشكرك جدا على الزياره وعلى الاطراء
مدحت محمد
بجد مش عارفه الاجابه
الفاتح اليعقوبي
قال يا فرعون وايه فرعنك
قال ملقتشى حد يلمنى
دكتور حر
اقراء التدوينه السابقه
تجدنى وضعتك مساعد مباشر لى
انتى يا دكتور حر اقاطعك ؟؟؟؟؟؟؟؟
انا افتخر بدخولك عندى
لكن لعنه الله على الريدر
بجد برجلى دماغى
وخلانى مش قادره اركز
Ahmed Mubarak
طيب خلى حد غيرك يتكلم يا احمد
هههههههههه
انا اسفه لكن لفت نظرى اسم احمد مبارك
خمسة فضفضة
اخره اخره
مش مهم
اهم حاجه الخلود
تحياتى يا دكتوره
واحد من البلد دى
لايجووووووووووووووووووووووووووز
رئيس جمهوريه نفسى
ده اوبشن الدكتاتور
Whispers just for a Night
جزاكم الله خير
طيب
فساد اية الا انتي عاوزة جلالة
الملك يدور علية معندوش وقت
متهرجيش بقي استني اكيد
ولي العهد هو الا عندة الحل
احنا كل الا علينا نصبر او نفرقع
المسؤلين بيطلعوا في برامج التليفزيون
والجرايد بيقولوا صراحة كلمة حق احنا عارفين
ان فية فساد بس وكفي الله المؤمنين شر
القتال هوكدا جاب التايهة سيادة
وكسبنا صلاة النبي وبعدين
كوسة كوسة حاجة تنقط وتشل
تحياتي
صلاح الراعى من صلاح الرعية
وفساد النظام جه من كل فرد فى الدولة كل واحد ظلم اللى اقل منه لغاية ما وصل من كبير الشحاتين للشحات اللى تحته
إرسال تعليق