تحديث
***************
يذاع للعملاقه الجميله حبيبتى الغاليه ابى appy حلقه فى برنامج انت تسأل والكمبيوتر يجيب يوم الخميس الساعه التاسعه وعشر دقائق
تقديم صلاح حجازى
بالتوفيق يا ابى
***************
وقالت ام وحيد ..لزوجها فريد ..بعدما اتى من الصعيد ..بلغنى ايها الزوج الرشيد ..صاحب العمر المديد ..والكف الحديد ...انه فى قديم الزمان ..كان يحكم وردستان ...ملك اسمه فيحان
وذات صباح جميل ...ونسيم عليل ..نادى الملك على عبد الجليل
وقالت ام وحيد ..لزوجها فريد ..بعدما اتى من الصعيد ..بلغنى ايها الزوج الرشيد ..صاحب العمر المديد ..والكف الحديد ...انه فى قديم الزمان ..كان يحكم وردستان ...ملك اسمه فيحان
وذات صباح جميل ...ونسيم عليل ..نادى الملك على عبد الجليل
ايه ده يا جلجل ؟؟ فى ايه ؟؟ الناس حوالين القصر بالعبيطه وبالهبولى كده ليه ؟؟؟؟
وانا عارف يا ابهه ....كلهم قال ايه جايين يشتكوا من الوزير قحطان
كلهم جايين يشتكوا مره واحده؟؟؟ ...هو مين يابا فايق لكل الخلق دول ؟؟؟...وبعدين انا عندى جلسه مساج بعد دراع ونص ..هو الوقت كام دلوقتى ؟؟؟
دلوقتى الوقت سته دراع وربع
طيب انا جلستى معادها سبعه دراع ونص ...يعنى فاضل لى دراع وربع ...وبعدين هنعمل ايه مع البشر دول ؟؟؟ هنفلسعهم من هنا ازاى ؟؟؟
سيبنى انا اتصرف يا ابهه ...ولد يا هيثم نادى تامر وتعالوا...وهاتوا معاكم مكبر الصوت ...هاتوا الصفيحه الجديده اللى لسه شارينها امبارح من الصين
هتعمل ايه يا عبد الجليل ؟؟؟؟؟؟؟؟؟
ولا حاجه يا ابهه ..انا هاطلع على كتف الولد تامر وهيثم واقولهم خبر يليهيهم عن الثوره اللى عاملينها دى ..بس اقولهم ايه ؟ اقولهم ايه ؟اقولهم ايه ؟
ايه يا جلجل انت ضيعت دلوقتى ربع دراع وانت عماله تفكر...انت كده هتضيع عليا جلسه المساج ..والملك بتاع فل ستان لو عرف ان فى جلسه مساج ضاعت عليا هيفرح فيا ويغظنى ومراته هتغيظ مراتى
بس لقيتها ...خلاص ..تعالى يا هيثم انت وتامر ...شيلونى وسوقوا على البلاكونه
وبعد نص دراع عاد عبد الجليل ..بعدما فعل المستحيل ..واشتغل شغله التقيل
وقابله الملك وهو مشغول ..وقام سأله على طول
ايه يا جلجل عملت ايه ؟؟؟
تعالى يا ابهه جنب البلاكونه وانت تعرف
ايه ده الناس عماله تهتف وتقول ...عاش الملك فيحان وعاش الوزير قحطان..عاش الملك فيحان وعاش الوزير قحطان ...انت قولت لهم ايه يا جلجل ؟؟؟
ايه يا ابهه ..انت عارف اخوك جلجل يفوت فى الحديد ..قولت لهم ان ملك فل ستان عمل حركه قرعه من شغل العيال الملوك الصغيره وهجم على حدودنا فى الليل لكن الوزير قحطان والحرس قاوموهم وقتلوهم والوزير قحطان اتصاب فى رجله وهو بيدافع عن تراب المملكه والشعب نايم فى بيته وبياكل رز ولبن مع الملايكه ..واديك شايف وسامع الكل بيهتف ليك ..وللوزير قحطان
طيب فين الوزير قحطان ..احسن يجى دلوقتى والناس تعرف اننا بنقرع عليهم ..ويبقى منظرنا فس فس خااااااااالص
قحطان مين يا ابهه اللى يجى ؟..قحطان نايم فى العسل تحت التربيزه اهو....طول الليل كان عماله يضرب بانجو لما اتعمى ونام على نفسه تحت التربيزه
خلاص صحييه وخليه يلف رجله وفهمه القصه علشان الناس لو سألوه يعرف يرد عليهم
هو فى حد بيسأل يا ابهه ؟..خلاص يا ابهه الوقت دلوقتى سبعه ونص دراع معاد المساج
ماااااااااء.....مااااااااااء ....ماااااااااااء
وهنا ادركت ام وحيد ان المعزه جعانه ...وان الميه خلصانه
فلبست القبقاب وخرجت من الباب
هناك 153 تعليقًا:
احجز يا فرنسااااااااااااااااا
نا تاني تعلييييييييييق مش ممكنن اول مرة فتاريخ البشرية
طب تاني كده
تالت تعليق كمان ياربيييييييييييي
لألألألألألألأ حلوة اللعبة كفاية هبل بئى
حلوة اوي يافرنسا بجد فعلا احنا عاملين زي الارنب الغضبان اللي بيلهوه بجزره عطبانه
وعن اذنك بئى عشان ميعاد نومي بعد صباع و عوئله بس رجعالك تاني
وكمان خامس تعليق
ده انا محدش هيعرف يكلمني بعد كده فالبلد دي
ايه يا فرنسا
عبقال ماقراء الاقى نوره الخشن واخده الملعب مقايسه
فرنسا فرنسا يا احلى دماغ
عليا النعمه دماغك متكلفه
وعاش الملك فيحان والوزير قحطان
وفرنسا ونوره الخشن كمان
ملقيش عندك لقمه اكلها
من العيش اللى جبتيه من الفرنه ؟
انا هلم العيال واعمل مظاهره على باب المدونه بتاعتك
ولو مأكلناش هفسيلك العجله
ماشى يا رايق اول تعليق يا عم
نوره الخشن
تانى وتالت ورابع وخامس تعليق
ده شرف كبير ليا انك تكونى من اوائل التعليقات
وتصبحى على خير
عبده الرايق
ملكشى دعوه يا رايق
حلوة
نقول صباح الفل على احلى خاله فرنسا فى الوطن العربى الديموقراطى
تستحقين يا فرنسا هذا التهافت من الاخوه المدونين على بوستاتك الجميله
وصدقينى لو عملنا مسابقه لرئيس مجلس ادارة المدونين هتطلعى انتى بكل جداره واستحقاق
اسلوبك جميل فى السرد كعادتك
كلماتك رشيقه دمها خفيف
تسلم ايدك
واللي بنشوفه في الاعلام بيحصل فيه كتير كده فعلا
تلاقي الناس مضحوك عليها بالعبيط
وفي الآخر تقولك كتر خيرهم
ويجروا ورا الهبل
تسلم الأيادي يا خالتو
ما شاء الله عليكى يا فرنسا
أسلوب فى السرد جميل جدا وجذاب
ربنا يزيدك
وعندك حق الشعب لازم يتضحك عليه بأى حاجة
بالدورى
بالكاس
بالامم الافريقية
أهو كله شغال
وكله بيضحك على كله
والشعب فاهم ومطنش
وبياكلها بمزاجه
واهى ماشية وبتعدى
لكِ تحيتى واحترامى
::سالى::
يعني ايه يا فرنسا
انا مش فاهم
قصدك انهم بيلهونا ويضحكوا علينا
قصدك انهم طول الليل والنهار بيكدبوا
قصدك انهممخادعين
واحنا كمان عبط وبينضحك علينا
مش معقول
لا
لا مش معقول
انا مش مصدق ان اعلامنا يعمل فينا
كدا
عارفه ليه
عشان معندناش اعلام
احنا عندنا بصاصين وبس
عاش ملك فيحان وترتان وعلان
ويسقط الشعب
تحياتي واحترامي
:)
ايه المملكة العجيبة دى
ربنا يسترها علينا
اسلوبك بسيط اوى ماشاء الله
سعدت بزيارتى الاولى
وبالطبع لن تكون الاخيرة
تحياتى
عارفة يا فرنسا
احمد عز هو كبش الفداء القادم بس بعد شوية لما يتسطل زيادة ويتعمى ويقوموه من تحت الترابيزة بالعافيه
علشان نهتف ونقول عاش الملك
تحياتى
ادعى لى
الله يكرمك
عااااااااااش الملك
يسقط الشعب
فعلا يا خالتو
احنا شعب غلبان قوى
بطه
عاش الملك
الكلام ده فن
وعمق المعنى وتوصيل الهدف فن أكبر
أحييكى على أسلوب طالما احببته
دمتى لى حبيبة
من قلبى قريبة
تحياتى
والله نا مديه النحله والدبور اجازة عسل بتشغليهم ليه حررررررررررررررررام انتى ملحظتيش فى مدونتى ولا ايه
المهم تفتكرى مين كبش الفدا اللى جاى اممممممممممممم اونكل اللى مش عادلى خالص صح كده كفايه ولا اونكل القطنه مبتكدبش
عاااااااا ما هما سورى يعنى لازم يلهو الكلب بعظمه
امال هنهلل ازاى
بس اقولك خليهم يعملوا كده مؤقتا مصلحه
انما الدراع دى جبتيه منين اصل افهمها غلط خالص فى تشبيهك ههههههههههه
طي بقوليلى بجد ليه مقولتيش اى كلمه تانيه اصل دى حركه لا اردايه فى المناطق الشوعبيه هههههههههه بس انا مكنتش اعرف معاناها غير من شهر تقريبا لما صديق ليه فهمنى معناها فى خناقه بين اتنين ستات ههههههههههخخخخخخخخخخ اكيد مش بقصد صح
بالحق الا تفتكرى حركه العيش وتخفيض الارز دة هى العظمه اللى بيلهونا بيها دلوقتى تبقى خيبه بجد
لان لو اتلهينا يبقى احنا شعب خيبه
سلام وكفايه اصلى كده رايحه على مارينا عدل
كالعادة تسخرين من الواقع بكلمات ساخرة متألقة
بس هنتينا ملهيين كده لحد امتى
حاجة بقت تفقع المرارة بصراحة
ربنا يخليكى لينا يا فرنسا يا ام دماغ ألماظ
هبة
لا أستطيع إلا أن أقول .. أن هذه الحكاية تبهر العقول .. فهى من إبداعات فرنسا العبقرية .. و من شذرات وحيها الإبداعية .. أما أمر ذلك الملك .. الذى يعامل شعبه كأنه لعبة بزنبلك .. فهو حال جميع الممالك و الجمهوريات .. فى وطننا العربى بالذات .. فهم يعاملون الشعوب كقطعان البعير .. و التى يسهل تحريكها بالحداء و النفير .. فهل من يوم تعى فيه هذه الجموع مصيرها .. و تنتفض كاسرة إسارها .. و تستحيل البعير إلى أسود .. فارضة إرادتها فى الحياة الوجود
تحياتى لك على تدوينتك الرائعة يا أخت فرنسا
احيكى على البوست الجامد ده
سخريه ولا اجمل
هى كده سياسه الحكومه يا خالتو بنطلع الفاسد بطل وبنقلب الحقايق والهى الشعب باى حاجه ولو خناقه على لعيب كوره علشان ينسى والمشكله انى احنا بنكست بس مش بننسى وبنكتم فى قلوبنا وده الى مش عارفاه الحكومه
جميل البوست بس الوزير قحطان كان وزير ايه.
هههههههههه
اه ياراااااايق
اتغظت منك انك اول تعليق فقولت بئى احتل انا بئى باقي المواقع قهراً واقتداراً
فرنساااااااااا انتي لوزة
ayman badr
معقول ياايمن ماعرفتش هو وزير ايه
ده رئيس وزراء حكومة الدماغ العالية مش شايفة كان شارب ودماغه متكلفة
انا بس مش عارف بتجيبي الحاجات دي منين
انتي دماغ بجد يا فرنسا
ربنا يسترها عليكي وعلينا جميعا
ولما فتح عم عبده الباب
وشاف وراه السرداب
قعد يعيط وينوح
وينادي على ابنه ممدوح
لأنه شاف العجب
وقلبه صابه العجز
من كتر هم بلاده
والظلم واللي جابه
وانا خلاص مليت ومش هاقول اشعار
من تاني يا حلوين
علشان انا استكفيت
من كتر شرب الزيت
معلش هاعمل ايه القافيه باظت مني قلت اهو الزيت رخص شويه نستخدمه بقى
سلاااااااااااااااااااام
فرنسا يا قمر السويس
أن تسطتيع أن تخدع بعض الناس
لبعض الوقت
لكنك لا تستطيع أن تخدع كل الناس
كل الوقت
متهيألى الناس دلوقتى يا فرنسا مبقاش سهل خداعها و خصوصا فى الأيام الصعبة اللى احنا فيها دى
و جميل قووى الحوار دا
و اللى عاجبنى فى الموضوع دا كله المعزة الصراحة
هيا الوحيدة اللى واخدة حقها فى البلد دى
بتاكل و تشرب و تكبير دماااغ على الآخر بقى
تحياتى يا حبيبتى
دراع مين ونص ايه اللى هيعمل مساج بعده ده
ده انا لو من بتاع المساج ابططه
واجيب الشعب الثورجى كل واحد ياخد حتة يعمل فيه ما بداله
شرانية انا معلشى
جميله الكوميديا السودا دى
حضرتك احسن واحدة تكتب كوميديا سوداء
هههههه
يافرنسا دي سياسه معترف بيها مصريا
نام نام واحنا نجيبلك جوزين حمام
ولا بيطولوا جوزين حمام ولا جوزين جزم حتي
سياسه منتقاه من التراث العظيم
جامد يافرنسا
الله يا فرنسا
جامدة القصة دي قوي
أظن ابن حجر قال كل اللي كنت حأقوله
متألقة بجد
انا ليه محدش جاب سيرتى ولا ايه يا فرنسا لازم اكون وزير
ههههههههه
بجد دماغك متكلفة يا فرنسا هانم
ماشاء الله القصة رائعة
وهو فعلا الاعلام والصحافة بتلعب دور هام جدا في حياة الشعوب واحيانا بتغير مسار حياتها
بكلمة او جملة او حتي خطبة من الممكن ان تتغير امة
تسلم الدماغ اللي فكرت والايد اللي كتبت والمدونه اللي نشرت
تسلمي يافرنسا يارب وتفضلي فاضحاهم القحطانين اللي ريحتهم فاحت دول
ملحوظه
هو المساج دخ رياضه زي الاسكواش؟؟؟؟؟
سلاموووووووووووووز
متشكر جدا يا فرنسا هانم المحترمه مشاركتك في الحمله, تحياتي واحترامي
الله عليكى يا فرنسا هانم ايه ده؟
ايه الجمال والدماغ العاليه دى؟
بصراحه ممتعه وهو ده اللى بيحصل فعلا
بيلهونا ببطاقات التموين والسلع اللى هتنضم فى البطاقه بيلهونا فى الاهتمام بمشكله زى مشكلة عصام الحضرى مع انى اهلاوى جداا بس هى دى المشاكل اللى نهتم بيها وننسى مشكلنا اللى بجد ؟
تحياتى ليكى يا احلى خاله فرنسا فى الدنيا
السلام عليكم
عاش الملك ياعينى على الكلام التمام وحكايات الف ليلة وليلة
وكويس الحكومة لاقتلها شغلانة وهى ان تلهينا ونام ياحبيبى نام عشان اعرف اشوف شغلى ياشعب يانيمان وتحياتى
و هنا أدرك فرنسا هانم الصباح فسكتت
عن الكلام المباح و نام أبو رجل مسلوخة حتى المساء و عدت ليلة و بكرة
سوف تتحفنا فرنسا هانم بذكريات الملك مفتاح أبو سلاح اللى راح يجبلناالتفاح نأكله بدل العيش الحاف ..
أنتى مبدعة أحترمك من كل قلبى ..
أبو خالد
ليكى تاج عندى يا فرنسا تعالى خديه اوك
لا بجد هايلة
وانا اقول الملك دايما صحته كويسة وبشرته حلوة ولا على باله حاجة اتارى من المساج
عايزة اقوله كلمه واحدة بس(ايها الملك البعير هلك )
raspoutine
شكرا
صالح سعيد
اخى العزيز صالح السعيد كم افتقدتك كثيرا
وها انت تعود باسلوب اجمل وارق
شكرا على كلامك الطيب
وتحياتى لك
دكتور حر
مضحوك علينا لشوشيتنا يا دكتورنا العزيز
ولسه بينضحك كمان
Sally
لما الشعب ياكلها بمزاجه ماشى
لكن لما يفضلوا يقلبوا الحقائق ويضحكوا عليه
هو ده اللى مش ماشى
شرفتينى يا سلوى
خايف من الحقيقة
عارف لو معندناش اعلام اصلا
احسن
لكن لو فيه اعلام ابن ستين فى سبعين
هيكون الناتج اربع تلاف وميتين
Mo3Az
وانا تشرفت بزيارتك واسعدنى مرورك
تحياتى لك
الطائر الحزين
تخمين سليم ميه الميه
لكن هو برضه مش عبيط
اكيد مأمن نفسه فى سويسرا
بطه
طبعا شعب غلبان وابن ناس
كاميليا
ودمتى لى داخل قلبى زهره عظيمه
تحياتى لزهرتك المتفتحه
appy
اولا الدراع مش قصدى زى مانتى تخيلتى خالص
رغم ان تخيلك لسه والله موصلنيش انما
اقولك
زمان كانو بيحسبوا الوقت بظل الشمس
وله مقاس معين عند القدماء
والافيه حكم معى ان اقول المقاس دراع
او النحيه الكوميديه البحته
انما اختيارى لم يكن وراءه اى قصد
تحياتى لكى ولافكارك
ولملاحظاتك التى يبدو لى انها شقيه
Doba
حبيبتى الغاليه هبه
مش عارفه ارد اقولك ايه
لكن مش دماغى الالماظ
انتى اللى قلبك الماظ
ابن حـجـر الـعـسـقـلانـى
الله الله الله عليك يابن حجر وعلى انسجامك
كتير والله بشتاق لحكمتك واشتاق لمسك لكلامك
nody_1987
تحياتى لمرورك الكريم
وشكرا
رئيس جمهوريه نفسى
ويمكن تكون فاهمه وعامله عبيطه
وبتقول فى نفسها
خليها ماشيه
ayman badr
الوزير قحطان كان رئيس الفاسدين
واختار له وزاره على راحتك
نوره الخشن
لأ
وجاى يتكلم على التعليق التانى والتالت والرابع والخامس
بس انا اديتهمله
وطبعا هو مزعلشى لانه عارف انى بهزر
نوره الخشن
وانا بأمن على كلامك
بخصوص الوزير
الشنكوتي الكبير
دى شهاده اعتز بيها يا شنكوتى
وبما اننا شربنا من كعانا زيت
محتاجين بقى الميه
علشان الاغنيه تكمل
اديله ميه ميه اديله زيت خليه يقول ياريتنى ماجيت
فاتيما
لا وقومت الست ام وحيد من وسط الحكايات
معزه
متعززه بصحيح
تحياتى لارق قلب على النت
Desert cat
ماهو بتاع المساج من عينته يا قطه
وانتى مش شرانيه ولا حاجه
الحق حق
المستنصر بالله
شكرا على ثقتك الغاليه بى
وده تاج على راسى
mady
حلوه السياسه دى
تحياتى على ملاحظتك القويه
مهندس مصري
رأيك انت وابن حجر من الاراء التووب
صوت من مصر
طبعا عجبتك سيره البانجو
عارفاااااااااااااااك
آفاق الحرية
فعلا ممكن تتغير امه
وممكن ينضحك عليها كتير
لكن كل حاجه بتتكشف
sooooo
تسلملى انت يابوالعبقريه التأليفيه الفذه
اما المساج دى رياضه تدليك للجسم يا سوووووووو
طبعا عارفه انك بتسأل بحسن نيه !!!
ودلوقتى الرياضه دى انتشرت فى اقسام الشرطه على القفا فقط
محمد فوزي
وتحياتى الغاليه لك
وشكرا على مرورك
بحبك يامصر
شكرا على عسل النحل اللى بينقط من لسانك
شكرا على ثقتك فيا
رئـــــيسـة حزب الأحلام
شوفتى بقى عايزه تسرق فكره النوم من حزبك
أبو خالد
تصدق بقى علشان انا بحترمك جدا
هاعمل تدوينه بنفس كلامك عن الملك مفتاح اللى شال السلاح وراح يجيب تفاح
انت غالى عندى جدا جدا يابو خالد
صوت من مصر
تمام يا فندم
اهو ده عيبه
البعير هلك
فعلا كلمه معبره
تحياتى لك
مش ممكن بتجيبى الكلام دة ازاى عارفه مش بسهوله حد يكتب ويطلع الكلام دمه خفيف كدة
بس حضرتك تقصدى مين بالكلام دة
طبعا البوست مش بيقصد حد خااااالص
حضرتك نيتك صافيه
رائعه كالعادة
ربنا يكرم حضرتك اللهم امين
انا مش فاهم حاجه
ولكن هل يعني ذلك اني اجى وامشى قفايا يقمر ..عيش
ده باعتبار ان فيه عيش يتقمر اصلا
كفاية نسلم
ونقول كل سنة وانتى طيبه
ههههههههه
حلوة ومفهومة
تحياتى ليكى يا احلى هانم
احمد
هههههههههههههههههههههههه
انا كتير جدا كنت بعدى اقرا البوستات بتاعك لانها بجد فى قمة اللذة عرفتك من خلال واحدة صحبتى فقررت اخبرا انى اسيبلك تعليق لان دة بجد ضحكنى من قلبى وخصوصا"اخر مقطع الخاص بالمعزة"
بس بجد فاهمة الحياة صح والدنيا واللى بيجرى فيها .ربنا يعينك
تقبلى مرورى
خالص تمنياتى
ممكن اعرف مقاس القبقاب؟
تحياتي يا خالتي
هههههههههههههههه
ميه ميه يا فرنسااااا انا اكتب المستقبل وانتى الماضى
كوكوكوكوووووووووووو
تحياتى ليكى سومه_87
السلام عليكم
اعتذر عن تاخير الرد
اكيد الموضوع رائع
بس انا شايف ان الناس معدتش بتسكت بسهوله
وان كان التليفزيون جاب العمال بيهتفوا بعد الشهر الهديه فدول مكنوش من الشركه
دول عمال المجلس المحلى الكلام دا من الشركه
يعنى بيهيالى ان الناس بقت بتطلب
اه
اسلوبك رائع جدا جدا جدا
وتقبلى مرورى
جمييييلة جدا
وموزونة
ومعبرة
وحركات
بس تقريبا بالتوقيت اللى بدراع ده
بقى من الزمن
بتاع سبع درعات ونص
والناس تصحى
وتسال
وتدور
ويشوفوا الوزير النيمان
ومعاه حبيبه السلطان
ويبقى وقتها اللى كان كان
السلام عليكم يا حالتووووو
احب ان تزورينى
فى مدونتى
مدونتك جميله
رفقة عمر
طبعا يا حبيبه قلبى نيتى صافيه
ومش قصدى حد خااااااااااااالص
مع اجمل وارق تحيه لرفقه عمر
حبيبه قلبى
بحبك جدا
أحلى حاجه فيها
المقدمة
بجد رايقة قوي
تسلم ايدك يا خالتي
هههههههههههههههه
هو القصه دى واقعيه !!
والشعب ده يشبه شعب اعرفه!!
اظن ان اعرفه
فرنسا يا جميله
تعرفنى انا نفسي اروح فرنسا مش عشان حاجه يعنى بس عشان جوزي راحها وانا لاء وانا حاقده عليه بقى وكده.
حلو البوست يا فرنسا فيه كثيرا من الوااااقع وزي ما قلتلك لما صرخنا بصولنا حتى لو كان مخدر بس اهو يعنى الانتشاء ماشي الحال انما حالا حتى المسكنات ممنوعه عننا .
تسلم ايدك فرنستى
السلام عليكم ازيك يا فرنستى يا حبيبتى عامله ايه يا رب دايما بخير بس بجد بوست جامد بس عارفه اكتر حاجه عجبتنى الزير قحطان اللى عملوه بطل وهو طول الليل عمال يضرب بانجو تحت الترابيزة هههههههههههههه بجد هايل يا فرنسا وباى باى بقى علشان عندى جلسه مساج بعد نص راع
farnca hanem:
ezayek ya gamiela,walahy wa7shany 7'ales 7'ales bgad o ana asfa 3ashan ba2aly fatra mesh bazourek wala bashrab shay 3andek wala 2ay 7agah bas heya deh 7ayat usa lely fakerha ganah heya el ga7eem b 3enoh,el 7ayah hena sa3ba mesh sahla o me7taga ensan sabour o qawy 3ashan yesta7mela,allahom sabetny ya rab
bosy ba2a tab3a2 ana ma3a gelgel o rabena youstor o el wazeer qa7tan mayfo2sh mn el bango 2orayeb
salam ya amar
فرنسا هانم
تحياتي
كل مرة اقرأ لك موضوع..اشعر بمقدرتك
علي الكتابة الجميلة...و تنوع اسلوب الكتابة يضفي عليها رونقا خاصا.
موضوع جميل استمتعت بقرأته و فهمت مغزاه و معناه.....و المعني دائما ما يكون في بطن الشاعر.
تحياتي و دمت بالف خير
احكى يا شهرذاد
والله ياقمر انتى اللى دمااغ عالية اوى وزى العسل كماان
بموت ف كلامك انا خلاااص ادمنتك
قوليلى اخف ازااااااااااااى؟؟؟
مستنياكى ف مدونتى تانى
آرائك بتفرق معايا
انا كاتبة قصيدة قالبة الدنيا عليا
ههههههههههه
سلااااااااااااام ياقمرى
انا جيت متأخر بس بوست جميل
الحمد لله انى لحقتة قبل ما كانوا يلغوا الدعم من عليه
بوست جميل و الله
تحياتى ليكى يا فر(هانم)نسا
والله اسف مش شقيه قوى يعنى بس كويس انى فهمت ههههههههههه
عدت منى مش قولت لكى انى مديه لهم اجازة بقى
خلاص مفيش اسامى خلصت
لازم تامرههه
يلا مش مشكلة
اهم حاجة المساج ما راح علية ودة المهم اوى
تحياتى
39
امال بتاع البلوج خلاها اربعين ليه
يبقى انتى ليكى 2 تاريخ ميلاد
ربنا يكرمك
دعواتك
والله العظيم انت زى العسل
دلوقتى الوقت سته دراع وربع
هى الساعه كانت عندهم بالدراع
على رايك هما فعلا كل حاجه واخدنها بالدراع
وعمالين يكدبوا بس خلاص كدبهم بان
تحياتى اليكى ولاء
يااااااااااااااااااااااياخالتو
بزعل اوى لما بتاخر فى التعليق كده ياخالتو
:(
بس بجد انا بحترمك جدا وبحترم دماغك فى اسلوبها وفى عرضها للواقع بالاسلوب الجميل ده
ربنا يصبرنا ياخالتو يارب ونفوق بقى شوية ومش نسمع الكلام اللى بيخدرونا بيه ده
بجد تسلم ايدك يااحلى خالتو
الباحث عن الحقيقة
الباحث ذات نفسه مش فاهم حاجه ؟
ده يبقى تقصير منى انا شخصيا
عموما وانت طيب
Ahmed Al-Sabbagh
الصباغ ذات نفسه عندنا يا مرحبا يا مرحبا
بجد نورت المدونه
ويسعدنى الصداقه مع علم من اعلام التدوين
تحياتى يا خالووووو
ولا بلاش خالو علشان مكبركشى قوى
تحياتى لاحمد الصباغ
عـــفـــراء
انا بجد مبسوطه انكى اخيرا قررتى التعليق
عموما قرارك ده شرف كبير لى
نورتينى ويسعدنى معرفتك
mohand
اكيد زمان كان المقاس بالكيلو متر
somaa mahaba
لا ياسومه
كوكو كوكو دى بتاعه الف ليله وليله
احنا غلابه على قدنا
عندنا
ماااااء مااااااااء
تحياتى لكى
Abo 7anf
الناس فعلا بتطلب
لكن ياترى هل من مجييييييييييب
هذه هى المشكله
امام الجيل
مسير النايم يصحى
والمجتهد ياخد نصيبه
والضريييييب يدفع الفاتوره
نسر الشرق
وانا قبلت الدعوه اهلا بك
صاحب المضيفة
تسلملى وربنا يحفظك
وشرفنى تواجدك
بطوط حبوب
الشعب ده فين ؟
فيييييييييييين ؟
فييييييييييييييييين ؟
فيييييييييييييييييييييييييين ؟
صبرني يارب
فرنسا اااااااااااااا؟تصدقى وانا كمان نفسى اروحها
لكن مش علشان حد راحها
علشان انا معجبه بالبلد دى
تحياتى لكى
حنين القلب
مسير الوزير قحطان يطلع من تحت التربيزه
وهيكون مسيره زى شجره الدر
مع الاحترام لشجره الدر
Sola
حبيبتى الغاليه سولا
انا بشتاق ليكى جدا جدا
وبحب اسمع اخبارك
انتى عارفه انا بقدرك قد ايه
وحاسه بالحزن فى كلامك
عموما ربنا يقدرك على امريكا والعيشه فى امريكا
وهى عايزه واحده قويه وانتى قويه وتقدرى تعيشى وتاخدى حقك
تحياتى واوعدينى متتأخريش عنى
الربان
انا مبسوطه انى قدرت اوصل فكرى لك
تحياتى لك
وشكرا على كلماتك الجميله
عبدٌ من عباد الله
لأ
احكى يا ام وحيد
دعاء مواجهات
وتخفى ليه ؟؟؟؟؟؟
انا يشرفنى انكى تقرائى كلامى
وانا هاشرب عندك الشاى حالا
مواطن مصرى نايم
من جهه الدعم
لسه بيفكروا
ويارب يعمى عنيهم عن المدونات
ليخلوها بفلوس ويلغوا فعلا الدعم
appy
بتعدى علينا كلنا يا ابى
وخليهم فى اجازه علشان يرجعوا اقوى واقوى
تحياتى يا قمر
Tamer Nabil
هههههههههههه
حلوه
جت على اسمك
رب صدفه خير من الف هيثم
الطائر الحزين
احييك على ملاحظتك القويه
بسم الله ماشاء الله
الاختلاف كان فى كتابتى لتاريخ اليوم بدل الشهر والشهر بدل اليوم
ولما صححت الوضع
بلوجر قام بالواجب
مع انى كنت مستمتعه بحكايه قبل الاربعين دى
ههههههههههههههه
عموما
تحياتى لك
وربنا يكرمك ويوفقك
ويستر طريقك
ويخلى لك الاولاد
والرائعه مهجه قلبى ام الابناء
walaa
عارفه رغم انهم بيكدبوا
وعارفين انهم بيكدبوا
وعارفين ان الشعب عارف انهم بيكدبوا
برضه مصممين يكدبوا
آخر العنقود
اخر العنقود ياسكر معقود
ولا يهمك التأخير
اهم حاجه انى اطمئن عليكى
اما متى نفوق؟؟؟؟؟
اذا اردنا ان نفوق ؟؟؟
من تحت الترابيزة يافرنسا
بقولك أيه أنتي برجك الحمل ؟
لاقيت خانة العُمر أتغيرت في اليومين دول
كل سنة وانتي طيبة
لو ملاحظتي طلعت صح ؟
البانجو هو السبب
لو بيشرب حشيش مكانش دا كله حصل
أسلوب سلس فكاهي يخش الدماغ يعمل تعميره وميخرجش تاني..
اسقاطات رائعه قوية لو اتكشفت تودي في 43 داهيه بس ربنا هايتسر متقلقيش
لو نفع تحويل القصة دي لفيلم كرتون يبقه شيئ عظيم و الارباح ففتي فورتي ايه رأيك ؟
بجد مش عارفه اشكرك ازاى تعملى تحديث علشانى لاااااااااا ده كتير بجد
متشكرة يا احلى واغلى واجدع واطعم واحن فرنسا هانم فى الدنيا كلها ربنا يخليكى لينا كلنا
يا احلى اخت
انا اسف يافرنسا
اتاخرت اوى فى البوسيت دا
ويوم مادخلت مودى زى الزفت
معلشى اسمحيلى بس امر انهارده
تحياتى
احمد
صباح الفل على احلى فرنسا
انتى داهيه ايه اللى انتى كاتباه ده
هههههههههه
انا عمرى ماشوفت كده فى الدنيا
عاشت فرنسا هانم ام القباقيب عاشت عاشت
وبعدين ايه الكلام اللى فى الصميم ده جيبتى من ايام القباقيب لحد ايام الشوز ده انتى دماغك تعبانة عليها
اسعدتينى الهى يسعدك يافرنسا هانم هو لسه فيه القاب
تحياتشى
فرنسا يافرنسا يافرنسا
انا رحت السويس اخر الشهر اللي فات ورحت الأربعين واشتريت موز من هناك واشتريت كمان شنطتين صغيرين للرايقة والجبارة
وفضلت ابص على العمارات واقول ياترى فرنسا هانم ساكنة فين ؟
وفضلت سرحانة افكر ياترى اعمل اية؟
اندة واقول يافرنسا انتي فين
وبعدين فقت على زعيق ابو الدراويش وهو بيقولي :انتي اتجننتي
بس غريبة اوي يافرنسا
احنا لفينا في البلد بتاع ساعتين وماشوفناش غير بنت واحدة ماشية بشعرها وباقي البلد كلها محجبات
اما بالنسبة للبوست
رائع وافكار جنان كالعادة
تحياتي
السلام عليكم ورحمة الله وبركاته
هههههههههه
ايه دا كله يا فرنستي ، هو الحاجه ام وحيد كانت بايته في قصر الرئاسه ولا ايه ؟؟
بكره نلاقيها بتحكي عن الكِله المندشسه اللي عملت احداث الشغب في المحله
وبالمرة الملك هيلم شوية المشاغبين اللي حركوا المسيرة ويحاكمهم محاكمة عسكرية
فاستخف قومه فأطاعوه
بس الله يضحكك يا شيخة.....تخيلت منظر قحطان اللي كان ضارب البانجو فلم اتمالك نفسي من الضحك ف عز ما الواحد مخنوق
تحياااااااااتي
يخرب بيت دماغك المتكلفة
انتى بتعملى ازاى الحاجات دى
ما شاء الله عليكى
بجد تسلم اديكى
و الله انتى عسل و سكر
انا عاوزه جايزه التعليق رقم 132
:)
بوست جميل كالعاده احلى دماغ متكلفه واحلى كوميديا سودا واحلى خاله
موووووواااااااااااه
بوسه
:)
لأ ده هما مالهمش منافس فى تلهية الشعب عن حقوقه وعن توعيته بحجات كتير تهمه
إلا يعنى ايه "دراع ونص" دى ؟؟
تحياتى
شيماء
جميله جدا ولذيذه ومغزاها وصل بسرعه
ربنا يديكي الصحه يا فرنسا
انا حاولت اكون على اتصال بيكي معرفتش
اتمنى ده يحصل قريب
مفقوعة مرارتي من حماتــــــــــــي
ملاحظتك قويه
تسلمى لى
وكل عام وانتى بخير
HelSiNg
الاتنين اخرهم تحت الترابيزه
دمعاتي
انا موافقه
ولك الاربعين فى الميه
وكل مكسب انا اخد حقى وانت تاخد ال عشرين فى الميه بتوعك بشيكات
وانا اشيلك ال عشره فى الميه فى حسابى
ومتخافشى ال خمسه فى الميه فى امان
واول ما تحتاج اى حاجه قولى وانا اجيبلك ال واحد فى الميه بتاعك
وممكن يرسى على ربع جنيه
appy
هو انا فى دى الساعه
انا فرحاااااااااااااااانه جدا ليكى
لانى فعلا بحبك
سكــر
عارفه يا احمد
ربنا يصبرك
رصيف نمرة خمسة
الكلام ده كبير
الكلام ده عظيم
الكلام ده فرحنى جدا
تحياتى لكى
shahy
مع الاحترام للاخوه المسيحيين
مفيش فى السويس واحده مش محجبه الا المسيحيين
يعنى فعلا
من بين 100 واحده هتقابليهم فى الشارع
ممكن تلاقى 2 مش محجبات
عموما
اخلا بيكى فى السويس
وبالهنا والشفاء الموز
خمسة فضفضة
اهلا يا دكتوره
ام وحيد ممكن تحكى عن اى حاجه
طالما المعزه شبعانه والمعده مليانه
وتروح المحله وتمشى تتسلى
مصراوي أوي
هو قحطان شويه
ده ضاااااااااااااارب فى العلالى قوى
ربنا يفك كربك
ويبعد عنك الخنقه
بت خيخة وأى كلام
خيخه انتى يا حبيتى اجمد منى بكتير فى الكوميديا
الجواز و سنينه
وتسلمى لى
شكرا جزيلا لكى
Nsreen Bsunee
واحلى تحيه واحلى كلام
واحلى بوسه لكى
امواااااااااااااااه
شقاوة شعب
شوفى يا حبيبتى
مفيش حاجه اسمها دراع
لكن زمان كانوا بيقيسوا الوقت بظل الشمس
ولها طول معين فى الظل
والكوميديا حكمت معايا انى اقول ان وحده القياس الدراع
أحلام عمرنا
ابن السويس الجميله
حاولت ازاى تكون على اتصال بيا
انا اصلا مفيش اى حد من زملائى ولا اصدقائى يعرف اى حاجه عن مدونتى
وبعدين انا معاك هنا فى اى وقت
تحياتى لك
ورد عليه
فل عليه
بس أحب أقول لعبد الجليل وكمان لكهرمانة خلاص يا معلمين الملعوب إنكشف والحيلة قدمت ومعدتش تنطلى على حد والناس عرفت الفولة وبكرة جاى بنور لا تخطئه العين
سلمت يمينك يا أستاذة
مكنش العشم بتردهالي ياخالتي
:(
كل سنه وانتي طيبه يا فرنسا هانم .
ربنا يحقق لك كل امنياتك وتحياتي
عاش الملك
مات الملك
هههههههههههههههههههههههه
جامده اوى ربع دراع دى
انتى دمك خفيف بزياده ياخالتو
اومال انا مش طلعالك ليه
هو انتى خالتى بس تشابهه اسماء
قصه رائعه واسقاطتها الواقعيه جامده جدا
إرسال تعليق